Tabiiy gazlarning fizik xossalari - Химия - Презентации

Tabiiy gazlarning fizik xossalari

Загружено в:

02.10.2023

Скачано:

0

Размер:

335.5 KB

Mavzu: Tabiiy gazlarning fizik xossalari Reja: 1. Neft va neft mahsulotlarining xossalarini o’rganish usullari. 2. Neft va neft mahsulotlarini fizikaviy xossalari: a). qovushqoqlik; b). qotish; xiralashish va kristal hosil bo’lish haroratlari; c). o’t olish, alangalanish va o’z-o’zidan o’t olish haroratlari; d). moddalarni nur sindirish qobiliyati.

Neft va neft mahsulotlarini xossalarini o’rganish usullari Neft va neft mahsulotlarini xossalarini o’rganishda bir necha usullardan foydalaniladi: 1) kimyoviy, analitik kimyo usullari yordamida; 2) fizikaviy — bunda quyidagi xossalari aniqlanadi: zichligi (solishtirma og’irligi), qovushqoqligi, erish harorati, qotish va qaynash harorati, yonish issiqligi, molekulyar massasi va boshqalar; 3) fizik-kimyoviy usullar — kolorimetriya, potentsiometrik titrlash, nefelometriya, refraktometriya, spektroskopiya, xromatografiya; 4) maxsus usullar — oktan va tsetan sonlarini aniqlash, yoqilg’i va moy mahsulotlarini kimyoviy turg’unligini, alangalanishi va o’z-o’zidan alangalanish haroratlarini aniqlash va boshqalar.

Neft va neft maxsulotlarining fizikaviy xossalari AQSh va Angliyada zichlik 600 (15,560C)da aniqlanadi. Adabiyotda bu birlikni mamlakatimizda qabul qilingan birlikka o’tkazish uchun maxsus jadvallar keltirilgan. Neft va neft mahsulotlarini zichligi ularning kimyoviy tarkibi bilan bog’liqligi sababli, u katta ahamiyatga egadir. Shu sababli neft va neft mahsulotlariga GOST talablarini belgilanayotganda zichlik ham asosiy ko’rsatkichlar qatoriga kiradi. Neftlarning nisbiy zichligi asosan 0,82 dan 0,9 gacha. Ba’zan bu ko’rsatkichlardan kamrog’i yoki yuqorirog’i ham uchraydi. Neftni qisqa fraktsiyalarini zichligi, ularning tarkibidagi uglevodorodlarning turiga bog’liqdir. Masalan, utlevodorodlarning molekulasida 6 ta uglerod atomi bo’lsa, (geksan, metiltsiklopentan, tsiklogeksan va benzol), ular 68,7° dan to 810C gacha qaynaydi, nisbiy zichligi 0,660, 0,749, 0,779 va 0,879.

Qovushqoqlik — suyuqlik (gaz)ning bir qismini ikkinchi qismiga nisbatan harakat qilayotgan vaqtda hosil bo’ladigan qarshilikdir. Qovushqoqlik uch xil bo’ladi: dinamik, kinematik va shartli qovushqoqlik. Dinamik qovushqoqlikni xalqaro miqiyosda birligi deb bir sekunddagi Paskal (Pa/s) qabul qilingan. Bu suyuklikning 1 m2 ga teng ikki qatlamini bir biriga nisbatan 1 m/s tezlikda quyilgan 1N kuch ta’sirida 1 m ga surilganida sodir bo’lgan qarshilikka tengdir. Dinamik qovushqoqlikka teskari birlik moddaning oquvchanligi deyiladi. Kinematik qovushqoqlik — dinamik qovushqoqlikni aniqlayotgan haroratdagi moddaning zichligiga nisbatiga aytamiz, birligi m2/s. Qovushqoqlikni ifodalayotgan vaqtda kinematik qovushqoqlik birligi keng ishlatiladi. Neftni qayta ishlash tarmog’ida asosan shartli qovushqoqlik birligi ishlatiladi. Shartli qovushqoqlik — ma’lum hajmdagi suv va neft mahsulotini oqib tushish vaqtlarini nisbatan yoki bo’lmasa neft mahsulotini standart idishdan oqib tushish vaqti qabul qilingan. Mamlakatimizda 200 sm3 suvni 20°C haroratda oqib tushish vaqtini shu miqdordagi neft mahsulotini oqib tushish faktiga taqqoslash bilan belgilanadi. Sanoatda qovushqoqlikni 50 va 100°C haroratlarda aniqlash qabul qilingan. Shuningdek 50 va 100°C dagi qovushqoqliklarning nisbati, qovushqoqlikning harorat koeffitsiyenti (TKV), qovushqoqlik indeksi, qovushqoqlik — harorat koeffitsiyenti (VTK) kabi birliklar ishlatiladi. Mamlakatimizda qovushqoqlik indeksi — moddalarning 50 va 100°C dagi qovushqoqliklarini ko’rsatkichlariga asosan maxsus jadvallardan aniqlanadi.

Qotish, xiralanish va kristall hosil bo’lish haroratlari Neft mahsulotlarini xalq xo’jaligida ishlatilayotganda haroratni pasayishi neft mahsulotlarini tarkibidagi parafin, tserezin va shunga o’xshash birikmalarning kristallga tushishiga olib keladi. Bu neft mahsulotlarini ishlash qobiliyatini o’zgartiradi. Neft mahsulotlarini kristallga tushish haroratlari, mahsulotlarni molekula massasi va qaynash haroratlarini oshishi bilan ko’tarilib boradi. To’g’ri zanjirli alkanlar kristalli tushish xususiyatiga ega, ko’p tarmoqli alkanlar bir necha alkil gruppalariga ega bo’lgan bir halkali alkanlar, aromatik uglevodorodlar va naftalin gomologlari kristallga tushmay amorf holatiga o’tadi. Odatda harorat pasayishi bilan neft mahsulot quyuqlashadi va so’ngra kristallga tushadi. Quyuqlashish jarayoni boshlanishi xavfli hisoblanadi, chunki bu vaqtda parafinlarning kristallari hali qattiq tusni olmagan bo’lishiga qaramay, neft mahsuloti o’zining harakatchanligini kamaytiradi, filtrlarga tiqilib qolishi va trubalarda probka hosil qilishi mumkin. Shu sababli neft mahsulotlarini qotish haroratini bilish muhim ahamiyatga ega.

O’t olish, alangalanish va o’z – o’zidan alangalanish harorati Neft mahsulotini bug’lariga chetdan alanga olib kelinganda havodagi kislorod bilan yonuvchi aralashma hosil qiladigan haroratni o’t olish harorati deymiz. Bu alanga qisqa muddatda yonib, keyin o’chadi. Modda bug’larining ma’lum miqdordagi kontsentratsiyasigina havodagi kislorod bilan birga o’t oluvchi aralashma hosil qiladi. Shu sababli moddaning kontsentratsiyasini yuqori va pastki chegaralari birligi qabul qilingan. Aralashmada modda bug’larini kontsentratsiyasi meyoridan ko’p bo’lsa, kislorod yetishmasligi sababli, aralashma o’t olmaydi. Buni modda bug’larini yuqori kontsentratsiyasi deb ataymiz. Agarda modda bug’larining miqdori meyoridan kam bo’lsa, undan hosil bo’lgan alanga kuchsiz bo’lib, atrofga tarqalmaydi. Buni aralashmaning pastki kontsentratsiyasi deymiz. Bu birlik katta ahamiyatga ega bo’lib, neft mahsulotlarining bug’lari xavodagi kislorod bilan portlovchi aralashma hosil etish xavfini oldini olish uchun qo’llanma hisoblanadi.

Moddalarning nurni sindirish qobiliyati Yorug’lik nuri bir muhitdan ikkinchi muhitga o’tayotganda nurning tezligiva yo’nalishi o’zgaradi. Bu hodisani refraktsiya deymiz. Kelayotgan nurning muhitga tushayotgan burchagining sinusini, shu muhitda nurni sinish burchagining sinusiga nisbati doimiy birlik bo’lib, u tushish burchagiga bog’liq emas: r— nurni tushish burchagi; i — nurni sinish burchagi; n — nurni sinish koeffitsiyenti (koeffitsiyent prelomleniya). Nurni sinishi ko’rsatkichlarini, odatda 20°C da refraktometrda aniqlanadi. Moddalarning sifatini qisqa vaqtda aniqlash uchun nurni sinish koeffitsiyenti qabul qilingan. Uglevodorodlarning tarkibida vodorod qanchalik ko’p bo’lsa, bu moddaning nurni sindirish koeffitsiyenti shunchalik kam bo’ladi. Bir xil miqdordagi uglerod va vodorod atomlariga ega bo’lgan halqa va zanjir ko’rinishidagi alifatik uglevodorodlarni nurni sindirish ko’rsatkichi birinchisida ikkinchisiga nisbatan ko’p. Arenlarni sindirish koeffitsiyenti nisbatan eng yuqori, alkanlarnikiga nisbatan kam. Sikloalkanlar o’rta holatni egallaydi.

E’TIBORINGIZ UCHUN RAHMAT!

Похожие

Inert gazlarning olinishi, xossalari va birikmalari

Tabiiy uglevodorodli gazlarning paydo boʼlishi toʼgʼrisida gipotezalar

Tabiiy uglevodorodli gazlarning paydo bo’lishi to’g’risida gipotezalar

Suvning fizik va kimyoviy xossalari

Oltin va kumushning fizik kimyoviy xossalari