Tadbirkorlik faoliyati sohasidagi ruxsat berish, litsenziyalash va muvofiqlikni baholash - Экономика - Презентации

Tadbirkorlik faoliyati sohasidagi ruxsat berish, litsenziyalash va muvofiqlikni baholash

Загружено в:

07.05.2024

Скачано:

0

Размер:

1024.9453125 KB

TADBIRKORLIK FAOLIYATI SOHASIDAGI RUXSAT BERISH, LITSENZIYALASH VA MUVOFIQLIKNI BAHOLASH 1 01 06 17

Мавзу режаси: 1. Tadbirkorlik faoliyati sohasidagi ruxsat berish tartib- taomillari. 2.Tadbirkorlik subyektlarini litsenziyalash tushunchasi va tartibi. 3. Litsenziyalash tartibini soddalashtirish, elektron litsenziyalash 4. Tadbirkorik faoliyatida muvofiqlikni baholash: mahsulot va xizmatlarni sertifikatlash 2

Tadbirkorlik faoliyati sohasidagi ruxsat berish tartib- taomillari Tadbirkorlik faoliyati sohasidagi ruxsat berish tartib-taomili (ruxsat berish tartib-taomili) — harakatlarni bajarish va (yoki) muayyan faoliyatni amalga oshirish uchun ruxsat etish xususiyatiga ega hujjatni berish toʻgʻrisidagi arizaning topshirilishi va koʻrib chiqilishi, ruxsat etish xususiyatiga ega hujjatning berilishi, amal qilish muddatining uzaytirilishi, toʻxtatib turilishi, qayta tiklanishi, tugatilishi, qayta rasmiylashtirilishi va bekor qilinishi jarayoni bilan bogʻliq tadbirlar majmui. Ruxsat berish tartib taomillarining ahamiyati !!! Ushbu tizim tadbirkorlik subyektlarining huquqlariga va qonuniy manfaatlariga, fuqarolarning hayoti va sogʻligʻiga, jamoat xavfsizligiga ziyon hamda atrof-muhitga zarar yetkazilishi mumkin boʻlgan tadbirkorlik faoliyati turlariga nisbatan joriy etilib, mazkur faoliyatni amalga oshirishda alohida tartib va qoidalarga qatʼiy rioya etilishi nazarda tutiladi. Shu bilan birga belgilanayotgan ruxsat berish tartib taomili tadbirkorlik faoliyatidagi raqobatni cheklamasligi, tushunarli, ochiq va oshkora boʻlishi, tadbirkorlik subyektlarining qonuniy huquqlari ustuvorligini taʼminlashi zarurdir.

 tadbirkorlik subyektlarining huquqlari va qonuniy manfaatlari, fuqarolarning hayoti va sogʻligʻi himoya qilinishining, jamoat xavfsizligining hamda atrof-muhit muhofaza qilinishining taʼminlanishi;  raqobatni cheklaydigan ruxsat berish tartib-taomillari belgilanishiga yoʻl qoʻyilmasligi;  ruxsat berish tartib-taomillarining oshkoraligi, ochiqligi va tushunarliligi;  ruxsat etish xususiyatiga ega hujjatlarning “bir darcha” orqali berilishi;  ruxsat etish xususiyatiga ega hujjatlarni berish tartibiga doir talablarning yagonaligi;  tadbirkorlik subyektlari huquqlarining ustuvorligi. RUXSAT BERISH TARTIB-TAOMILLARINING ASOSIY PRINSIPLARI

Ruxsat berish xususiyatiga ega xujjatlar quyidagi soxalarga beriladi  Avtomobil, temir yoʻl va havo transporti sohasida  Savdo sohasida  Tashqi iqtisodiy faoliyat sohasida  Bojxona sohasida  Mehnat va aholini ijtimoiy himoya qilish sohasida  Kapital qurilish sohasida  Bank, audit va sugʻurta sohasida  Yer qaʼridan foydalanish sohasida  Atrof-muhitni muhofaza qilish sohasida  Tabiatdan foydalanish sohasida  Xavfli ishlar sohasida  Telekommunikatsiya sohasida  Ishlab chiqarish sohasida  Tibbiy va farmatsevtika faoliyati sohasida  Madaniyat va sport sohasida  Qimmatbaho metallar va qimmatbaho toshlarning aylanishi sohasida  Xavfli tovarlar va moddalarning aylanishi sohasida  Boshqa sohalarda

Ruxsat etish xususiyatiga ega hujjatni berishni rad etish asoslari  ruxsat etish xususiyatiga ega hujjat berilishi uchun zarur boʻlgan hujjatlarning tadbirkorlik subyekti tomonidan toʻliq boʻlmagan hajmda taqdim etilganligi;  tadbirkorlik subyektining ruxsat berishga doir talablar va shartlarga muvofiq emasligi;  tadbirkorlik subyekti tomonidan taqdim etilgan hujjatlarda notoʻgʻri yoki buzib koʻrsatilgan maʼlumotlarning mavjudligi;  ruxsat berish tartib-taomillaridan oʻtish tartibi toʻgʻrisidagi nizomlarga muvofiq oʻtkazilishi shart boʻlgan oʻrganishlar, tadqiqotlar, tekshirishlar yoki boshqa ilmiy va texnik baholashlarning yakunlari boʻyicha asoslantirilgan salbiy xulosa olinganligi.

Elektron litsenziyalash portali 7

Litsenziyalar • namunaviy (oddiy) • yakka tartibdagi boʻlishi mumkin. Namunaviy (oddiy) litsenziyalar cheklanmagan doiradagi yuridik va jismoniy shaxslarga beriladigan litsenziyalar kiradi, agar ushbu shaxslar tegishli faoliyat turini amalga oshirishga nisbatan qoʻyiladigan yagona shartlar va talablarga javob bersalar. Yakka tartibdagi litsenziyalar yuridik va jismoniy shaxslarga alohida talablar va shartlar asosida beriladigan, litsenziatlarga faoliyatning mazkur turini amalga oshirishda mutlaq huquqlar beruvchi, miqdoriy cheklangan litsenziyalar kiradi. Yakka tartibdagi litsenziyalar amal qilish hududi, faoliyat obyekti yoki Oʻzbekiston Respublikasi Vazirlar Mahkamasi belgilaydigan boshqa asoslarga koʻra miqdoriy cheklanadi. Yakka tartibdagi litsenziyalarni berish, qoida tariqasida, tanlov (tender) asosida amalga oshiriladi. Litsenziya turlari va muddatlari ◦ Litsenziyaning amal qilish muddati, qoida tariqasida, cheklanmaydi. ◦ Litsenziya qonun hujjatlarida nazarda tutilgan hollarda litsenziya daʼvogarining arizasida koʻrsatilgan muddatga beriladi. Qonun hujjatlarida litsenziyaning cheklangan amal qilish muddati belgilanishi mumkin, lekin bu muddat besh yildan kam boʻlmasligi lozim.

Tadbirkorlik faoliyati sohasidagi litsenziyalash va ruxsat berish tartib-taomillari borasida davlat siyosatining ustuvor yoʻnalishlari ◦ litsenziyalash va ruxsat berish tartib-taomillaridan oʻtishning soddalashtirilgan mexanizmlarini belgilash, davlat organlari tomonidan asossiz maʼmuriy nazoratni bekor qilish; ◦ litsenziyalash va ruxsat berish tartib-taomillari sonini bosqichma-bosqich qisqartirish, jamoatchilik nazorati, oʻzini oʻzi tartibga solish, sertifikatlash, akkreditatsiyalash, fuqarolik huquqiy javobgarlikni sugʻurtalash, texnik tartibga solish va boshqa zamonaviy usullar orqali tadbirkorlik faoliyatini tartibga solishning muqobil usullaridan keng foydalanish; ◦ Litsenziyalar va ruxsat berish xususiyatiga ega hujjatlarni berishda idoralararo hamkorlik mexanizmlaridan (G2G), shuningdek, “yagona darcha” tamoyilidan (G2B), eng avvalo, Oʻzbekiston Respublikasi Adliya vazirligi huzuridagi Davlat xizmatlari agentligining tarkibiy boʻlinmalari orqali keng foydalanish. ◦ 42 turdagi litsenziyalash va ruxsat berish tartib-taomillarini bekor qilindi; ◦ 38 turdagi litsenziyalanadigan faoliyat turlarini va ruxsat berish tartib- taomillarini 17 turga birlashtirildi; ◦ 25 turdagi litsenziyalar va ruxsat berish tusidagi hujjatlarni rasmiylashtirish muddatlari qisqartirildi; ◦ 19 turdagi litsenziyalarni va ruxsat berish tusidagi hujjatlarni olish tartib- taomillarini yanada qisqartirildi va soddalashtirildi. [Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-aprel PF-5409-son Farmoni] 9

Elektron litsenziyalash portalida ruxsatnomalarni rasmiylashtirish Бизнес ҳуқуқи кафедраси 2020 йил 10

Muvofiqlikni taʼminlash ◦ muvofiqlikni baholash — mahsulot, ishlab chiqarish jarayonlari, xizmatlar, menejment tizimlari, xodimlar, muvofiqlikni baholash organlarining normativ-huquqiy hujjatlar, shuningdek texnik jihatdan tartibga solish sohasidagi normativ hujjatlar talablariga muvofiqligini aniqlash boʻyicha faoliyat; Muvofiqlikni baholashning asosiy vazifalari quyidagilardan iborat:  inson hayoti va sogʻligʻi, yuridik, jismoniy shaxslarning va davlatning mol-mulki xavfsizligini taʼminlash;  atrof-muhit muhofaza qilinishini, shuningdek tabiiy resurslardan oqilona foydalanilishini taʼminlash;  mahsulot, ishlab chiqarish jarayonlari, xizmatlar, menejment tizimlari, xodimlarning normativ- huquqiy hujjatlar, shuningdek texnik jihatdan tartibga solish sohasidagi normativ hujjatlar talablariga muvofiqligini tasdiqlash;  muvofiqlikni baholash organlari akkreditatsiyaning belgilangan sohasida ishlarni bajarishga vakolatli ekanligini tasdiqlash;  ichki va tashqi bozorlarda mahsulot hamda xizmatlarning raqobatbardoshligini oshirish;  xalqaro iqtisodiy, ilmiy-texnikaviy hamkorlikda va xalqaro savdoda ishtirok etish;  savdodagi texnik toʻsiqlarni bartaraf etish.

 muvofiqlikni baholashning yagona qoidalari va tartib-taomillarini qoʻllash;  muvofiqlikni baholash haqidagi axborotning ishonchliligi va ochiqligi;  akkreditatsiya qilingan muvofiqlikni baholash organlarining xizmatlaridan foydalanishga toʻsiqlar qoʻyishga va ular oʻrtasidagi raqobatni cheklashga yoʻl qoʻymaslik;  davlat sirlarining, tijorat sirining va qonun bilan qoʻriqlanadigan boshqa sirning saqlanishi;  akkreditatsiya boʻyicha faoliyatni sertifikatlashtirishga, muvofiqlikni deklaratsiyalashga, yukni ortishdan oldin va (yoki) yukni tushirish vaqtidagi inspeksiyani amalga oshirishga, mahsulot sinoviga, sanitariya- epidemiologiya, veterinariya, veterinariya-sanitariya, fitosanitariya xulosalarini berishga, ekologik ekspertiza oʻtkazishga doir faoliyat bilan qoʻshib olib borilishiga yoʻl qoʻymaslik. Muvofiqlikni baholashning asosiy prinsiplari

 mahsulot;  ishlab chiqarish jarayonlari;  xizmatlar;  menejment tizimlari;  akkreditatsiya qilinishga talabgor boʻlgan yuridik shaxslar;  muvofiqlikni baholash sohasida xodim sifatida ishtirok etishga talabgor boʻlgan mutaxassislar;  muvofiqlikni baholash organlari inspeksiya nazoratidan oʻtkazilishi chogʻida ushbu organlarning oʻzi. Muvofiqlikni baholash obyektlari Muvofiqlikni baholash quyidagi yoʻllar orqali amalga oshiriladi :  akkreditatsiya qilish;  sertifikatlashtirish;  muvofiqlikni deklaratsiyalash;  inspeksiya nazorati;  yukni ortishdan oldin va (yoki) yukni tushirish vaqtidagi inspeksiya;  mahsulot sinovi;  sanitariya-epidemiologiya, veterinariya, veterinariya-sanitariya, fitosanitariya xulosalari yoki ekologik ekspertiza yoʻli bilan amalga oshiriladi.

MAHSULOTLAR VA XIZMATLARNI SERTIFIKATLASHTIRISH Sertifikatlashtirish: ◦ odamlarning hayoti, sogʻligʻi, yuridik va jismoniy shaxslarning mol-mulki hamda atrof muhit uchun xavfli boʻlgan mahsulotlar realizatsiya qilinishini nazorat etib borish; ◦ mahsulotlarning jahon bozorida raqobat qila olishini taʼminlash; ◦ mamlakat korxonalari, qoʻshma korxonalar va tadbirkorlar xalqaro miqyosdagi iqtisodiy, ilmiy-texnikaviy hamkorlikda va xalqaro savdo-sotiqda ishtirok etishlari uchun sharoit yaratish; ◦ isteʼmolchini tayyorlovchining (sotuvchining, ijrochining) vijdonsizligidan himoya qilish; ◦ mahsulot tayyorlovchisi (sotuvchisi, ijrochisi) taʼkidlagan sifat koʻrsatkichlarini tasdiqlash maqsadlarida amalga oshiriladi. ◦ Sertifikatlashtirish majburiy va ixtiyoriy tusda boʻladi.

 Mahsulotning belgilangan talablarga muvofiqligi tasdiqlangani taqdirda sertifikatlashtirish organi muvofiqlik sertifikati beradi, tayyorlovchi ana shu sertifikat asosida muvofiqlik belgisini ishlatish huquqiga ega boʻladi.  Sertifikatlashtirish tizimida foydalaniladigan muvofiqlik sertifikatlarining, namunalari, milliy muvofiqlik belgisining shakllari va hajmlari “Oʻzstandart” agentligi tomonidan tasdiqlanadi.  Muvofiqlik sertifikatlari, muvofiqlik belgilari, sertifikatlashtirish organlari va sinov laboratoriyalarining (markazlarining) akkreditatsiya qilinganlik toʻgʻrisidagi guvohnomalari “Oʻzstandart” agentligi tomonidan belgilangan tartibda Davlat reyestridan oʻtkazilishi shart.  Davlat reyestrida roʻyxatdan oʻtkazilmagan muvofiqlik sertifikatlari, muvofiqlik belgilari, sertifikatlashtirish organlari va sinov laboratoriyalarining (markazlarining) akkreditatsiya qilinganlik toʻgʻrisidagi guvohnomalari haqiqiy emas.  Muvofiqlik sertifikatidan, muvofiqlik belgisidan foydalanish huquqini arizachi boshqa yuridik yoki jismoniy shaxsga berishi man etiladi.

Похожие

Tadbirkorlik faoliyatida litsenziyalash, ruxsat berish va xabardor qilish tartib taomillari

Tadbirkorlik shakllari va tadbirkorlik faoliyati

Tadbirkorlik faoliyati va menejment

Tadbirkorlik faoliyati. Tadbirkorlik sarf-xarajatlari va foyda

Tadbirkorlik faoliyati va uning shakllari