Abonent kirish optik tarmoqlari - Информатика и ИТ - Презентации

Abonent kirish optik tarmoqlari

Загружено в:

19.11.2023

Скачано:

0

Размер:

572.470703125 KB

Reja: 1. Keng polosali optik kirish tarmoqlari, abonent kirish optik tarmoqlarining tuzilish prinsipi va arxitekturasi. 2. Passiv optik tarmoq texnologiyalari. passiv optik texnologiyalarining xususiyatlari. A-PON texnologiyasi, E-PON texnologiyasi, G-PON texnologiyasi. Abonent kirish optik tarmoqlari

Telekommunikasiya aloqa tarmog'ining tuzilishi Zamonaviy telekommunikatsiya tarmoqlarini ikkita tarmoq sifatida ta'riflash mumkin: transport va abonent ulanish (kommutatsiyalanuvchi) tarmoqlari. Transport va abonent ulanish (kommutatsiyalanuvchi) tarmoqlarini ierarxik sathlar bo'yicha tasvirlash mumkin. Telekommunikatsiya aloqa tarmoqlarida ierarxiyaning to'rtta sathini ajratish mumkin: Keng polosali optik kirish tarmoqlari, abonent kirish optik tarmoqlarining tuzilish prinsipi va arxitekturasi

Abonent kirish tarmog'ining tuzilishi Abonent komplekti (AK) va telefon apparati (TA) orasida bog'lanish, boshqacha aytganda abonent liniyasi (AL), stansion, magistral, taqsimlash uchastkalari va abonent simi orqali amalga oshiriladi. Abonent liniyasini boshqacha talqin etish mumkin: - oxirgi milya (krossdan uygacha masofa); - oxirgi yard (uy chegarasidagi ajratish); - oxirgi fut (xonadondagi ajratish). Mis simli abonent kirish tarmoqlarining quyidagi kamchiliklarini ko'rsatish mumkin: - abonent kirish tarmoqlarida axborot almashinish ishonchliligi va sifati ko'rsatgichlarining pastligi o'ziga xosdir; - abonent kirish tarmoqlarining foydali ish koeffisienti juda kamligi (o'tkazilayotgan trafik intensivligi) texnik vositalardan foydalanish samarasining pastligiga olib keladi.

Kommutasiyalanadigan stansiyalar abonent tarmog'ining strukturasi.

FTTx texnologiyasining asosiy prinsiplari Abonent optik kirish tarmoqlari FTTx (Fiber Transport To…, ya'ni optik transport tarmog'i... gacha) degan nom olib yangi avlod tarmoqlarini qurishda keng qo'llanilmoqda. FTTx tuzilishiga ko'ra quyidagi turlardan iborat: FTTCab (Fiber To The Cabinet) – taqsimlash jovonigacha optik kabel yotqizish; FTTC (Fiber To The Curb) – taqsimlash qutisigacha optik kabel yotqizish; FTTH (Fiber To The Home) – uygacha optik kabel yotqizish; FTTB (Fiber To The Building) – binogacha optik kabel yotqizish; FTTP (Fiber To The Premises) – tarmoq segmentigacha optik kabel yotqizish; FTTO (Fiber To The Office) – ofisgacha optik kabel yotqizish; FTTU (Fiber To The User) – foydalanuvchi terminaligacha optik kabel yotqizish.

FTTx texnologiyasining umumiy arxitekturasi

FTTx texnologiyasini amalga oshirish variantlari

FTTx texnologiyalarini xususiyatlari: FTTH: - optik kabelning ko'p sarflanishi qimmat va optik tolani abonentgacha (yangi) tortish kerak; - oraliqlarda aktiv qurilma ishlatilmasligi sarf xarajatlarni kamaytiradi; - yuqori o'tkazish polosasi ega; - turli mulьtiservisli xizmatlarini taqdim etish imkoniyatini beradi; - yuqori uzatish sifatini, to'liq optik tarmoqlarga o'tish imkonini yaratadi. FTTB: - optik tola/kabel ko'p sarflanmaydi; - mavjud bo'lgan abonent o'tkazgichidan foydalanish mumkin; - o'tkazish polosasi bo'yicha chegaralangan; - oraliqlarda aktiv qurilma ishlatilishi qo'shimcha sarf xarajatlarga olib keladi. FTTC: - nisbatan arzon; - o'tkazish qobiliyati chegaralangan.

Passiv optik tarmoq texnologiyalari. Passiv optik texnologiyalarining xususiyatlari. A-PON texnologiyasi, E-PON texnologiyasi, G-PON texnologiyasi Agar oxirgi yillarda zamonaviy aloqa tarmoqlarining tolali optik kabellar orqali tashkil qilinayotganini, o'tkazuvchanlik qobiliyatining yuqoriligini nazarda tutsak, abonent tarmoqlarida PON texnologiyasini qo'llash maqsadga muvofiqdir. PON texnologiyasining asosiy vazifasi, markaziy tugunlar orasidagi magistralni (SDH/ATM) va abonent tugunlarini ulash, shuningdek daraxtsimon topologiyali to'liq passiv optik tarmoqni yaratishga asoslangan, oraliq tugunlarda esa ta'minot va xizmatni talab qilmaydigan kompakt passiv optik ajratgich (birlashtirgichlar yoki splitterlar deb ham ataladi) joylashgan. PON texnologiyasi Telekommunikasiyalar bo'yicha xalqaro elektraloqa ittifoqi (ITU-T) tomonidan G.983.1 va G.983.2 tavsiyalari nomini olgan.

PON arxitekturasining afzalliklari: - oraliq aktiv qurilmalarning yo'qligi; - markaziy tugunda optik uzatgich va qabul qilgichlarning tejalishi; - tolaning tejalishi; - yangi abonentlarni ulashning engilligi va xizmat ko'rsatishning qulayligi. Kamchiligi: PON texnologiyasining murakkabligi va oddiy daraxt topologiyasida zahiralashning yo'qligidir. PON ning passiv optik tarmoqlagichlari asosidagi daraxtsimon topologiya.

PON tarmog'ining xususiyatlari: - bir tola bo'yicha bir-biriga qarama-qarshi ikki uzunlikdagi (1550 nm va 1310 nm) to'lqinni uzatuvchi daraxtsimon arxitekturadan iborat. Ikki xil to'lqin uzunligi uzatgich va qabul qilgich orasida yaxshiroq izolyasiyani ta'minlaydi, shuningdek ikki to'lqin uzunliklarining ta'sirlashuvida qimmat bo'lmagan planar lazer diodlar (PLC) ni ishlatish mumkin, bu tizim narxini sezilarli darajada kamaytiradi; - daraxtning oraliq tugunlarida passiv optik tarmoqlagichlar joylashadi; - TDMA ulanish usulidan foydalanish abonenlar orasida o'tkazish polosasini moslashuvchan taqsimlanishiga yo'l qo'yadi; - markaziy tugundan kelayotgan bitta tolaga 32 ta, maksimum 64 ta abonent tugunlarini ulash mumkin; - PON texnologiyasida kiruvchi trafikni keng ommaga yetkazib berishda oqimlarni spektral ajratishdan va chiquvchi kanalda esa vaqt bo'yicha multipleksorlashdan foydalaniladi; - maksimal masofasi 20 km ni tashkil qiladi.

PON arxitekturasining asosiy elementlari va ish prinsipi

PON texnologiyasidagi asosiy terminlar: *Markaziy tugun OLT (optical line terminal) *Abonent tuguni ONT (optical network terminal) PON texnologiyasi Full Services Access Network (FSAN) standartiga asoslangan bo'lib, bu texnologiya quyidagi standartlar bo'yicha qurilishi mumkin: A-PON – ATM protokolini qo'llashga asoslangan; E-PON – Ethernet formatida kadrlarni optik trakt orqali uzatishga asoslangan; B-PON - Broadband PON – keng polosali xizmatlar bilan birga Ethernet ulanishni, analog va raqamli videoni translyasiya qilishni amalga oshiradi; G-PON - Gigabit PON – yangi echim, juda yuqori unumdorlikka ega bo'lib, multiservisli xizmatlarni amalga oshirishga mo'ljallangan. Bunday tarmoqlar iqtisodiy tomonidan tejamli va keng polosali turli axborotlarni o'tkazish qobiliyatiga ega.

APON texnologiyasi 1990 - yil o'rtalarida ko'pchilik nuqtai nazaridan faqat ATM protokoligina oxirgi abonent bilan aloqa xizmatlari sifatiga muvofiq kafolat berish qobiliyatiga ega bo'lgan. Shuning uchun FSAN (British Telecom, France Telecom, Deutsche Telecom, NTT, KPN, Telefonica va Telecom Italia kabi yetti kompaniya tomonidan FSAN (full service access network) deb nomlangan konsorsium tuzildi), PON tarmog'i orqali mulьtiservis xizmatlarni transportini ta'minlashni, ATM texnologiyasiga asosan tanlagan. Shunday qilib, APON standartining kengaytirilgandan keyingi nomi BPON (broadband PON) deb ataldi. Turli ishlab chiqaruvchilarning APON qurilmasi quyidagi magistral interfeyslarni qo'llaydi: SDH (STM-1), ATM (STM-1/4), Fast Ethernet, Gigabit Ethernet, video (SDI PAL), E1 (G.703) abonent interfeyslari, 100/10 Mbit/s li Ethernet 10/100 Base-TX, (FXS) telefoniya.

Markaziy va abonent tugunlari bilan o'zaro bog'lanuvchi APON MAC protokoli. Abonent tuguni bilan markaziy tugunning o'zaro bog'lanishi, ulanish o'rnatish bilan boshlanadi. Shundan so'ng ma'lumotlar almashinishi sodir bo'ladi. Bularning barchasi APON MAC protokoliga muvofiq bajariladi. Ulashni o'rnatish jarayonida quyidagilarni o'z ichiga oluvchi ranjirlash protsedurasi ishga tushadi: masofa bo'yicha ranjirlash, quvvat bo'yicha ranjirlash va sinxronizatsiya. MAS protokoli APON ulanish tizimi uchun uchta masalani echadi: - teskari oqimdagi uzatishlarda kolliziyaning yo'qotilishi; - teskari oqimda polosani aniq, samarali dinamik bo'lishi; - ilova transporti uchun eng yaxshi moslashtirishni saqlashi. APON MAC protokoli so'rov/ruxsat mexanizmiga asoslanadi. Asosiy g'oyani ONT tomonidan talab qilingan polosa so'rovlarini jo'natish tashkil etadi.

EPON texnologiyasi Bundan bir necha yillar avval mahalliy tarmoqlarda Ethernet texnologiyasidan foydalanish juda ommabop hisoblangan. Ammo abonent tarmoqlarida bunday texnologiyani qo'llashni asosiy kamchiliklaridan biri bu kolliziyani hisobga olgan holda tasodifiy ulanishni aniqlanmagan mexanizmi CSMA/CD (Carrier sense multiple access with collision detection) ning mavjudligi tufayli, aytib bo'lmaydigan kechikishlarga yo'l qo'yilishidir. Multiservis xizmatlarini tashkil qilishda yangi imkoniyatlarni beruvchi quyidagi standart va protokollar yaratildi: - IEEE 802.1Q–virtual tarmoqlar (VLAN) va trafikni prioritetlashtirish; - DiffServ (Differential Services) –tarmoqda trafikni har biri aniq bir sifatni ta'minlovchi bir necha yirik sinflarga ajratishni ta'minlovchi OSI ISO modelini uchinchi sathidagi protokoli; - MPLS (Multi Protocol Label Switching) –sonlardan foydalanishga asoslangan ko'p protokolli tarmoqlarda paketlarni tezda kommutatsiyalash uchun uchinchi sath protokollari guruhi.

EPON uchun optik interfeyslar an'anaviy optik tarmoqlarda foydalanuvchi interfeyslarga aynan o'xshash. Gigabit Ethernet standarti kabi, EPON liniyalarida 1250 Mbit/s nominal tezlikka va 8B/10B kodlashtirish sxemasiga ega. EPON ning Gigabit Ethernet dan asosiy afzalligi oraliq aktiv qurilmalar qo'llanilmaydi va ular uchun manba xamda xizmat ko'rsatish talab etilmaydi. EPONning to'g'ri oqimida 1490 nm va teskari oqimida 1310 nm to'lqin uzunlikdagi mulьtipleksorlashdan foydalanuvchi bir tolali tarmoq sifatida tavsiflanadi. 1550 nm to'lqin uzunligi boshqa xizmatlarni qo'shish (kabelli televidenie yoki shaxsiy kanallar) uchun zahiralangan. Ishlash prinsipi. EPON arxitekturasining asosiy xususiyati, PON daraxtining ichida Ethernet kadrlarini tarqalishidir. Shunday qilib, APON arxitekturasi kabi EPON tarmog'i orqali Ethernet kadrlari o'tganda, ularni fragmentasiyasi bo'lmaydi. Fragmentatsiyaning yo'qligi kutilayotgan EPON standartini Ethernet IEEE 802.3. standarti bilan maksimal darajada moslashtiradi.

Shuni aytish kerakki, protokolni ishlashi uchun OLT va ONT lar almashinadigan va EPON tarmog'i chegaralaridan chiqib ketmaydigan qo'shimcha xizmat kadrlari talab qilinadi. Barcha ONT lar xizmat kadrlarini uzatish orqali markaziy tugun OLT ning yagona vaqt shkalasi bo'yicha sinxronizasiyalanadi. Abonent tugunlaridan ma'lumotlarni jo'natish ruxsat etilgan vaqt intervallari (taym-slotlar) da amalga oshiriladi. Taym-slotlarda, Ethernet kadrlarini biri yoki bir nechtasi joylashishi mumkin bo'lgan uzunlikni OLT da jadval, rejalashtiruvchi tomonidan aniqlanadi. Taym-slotni jo'natishga ruxsat olinmagunicha, ONT abonentlarining ishchi stansiyasidan olingan kadrlarni buferlaydi. EPON texnologiyasi bo'shatilgan resurslardan foydalaniladi. Biz aytganimizdek, Ethernet kadrlarining EPON tarmog'i orqali o'tishida ularni qismlarga ajralishi sodir bo'lmaydi. Lekin bu xech qanday o'zgarish ro'y bermaganligini anglatmaydi.

GPON texnologiyasi GPON texnologiyasining afzalliklari nimadan iborat va u zamonaviy ulanish tarmog'ini amalga oshirishga qay darajada mos keladi. GPON (Gigabit PON) ulanish tarmog'i arxitekturasini APON texnologiyasining uzviy davomi sifatida qarash mumkin. GPON XEI-T Rec. G.984.3 tavsiyasi 2003 yil oktyabrida qabul qilingan. GPON 622 Mbit/s dan 2,5 Gbit/s gacha uzatish tezligida kadrlarni masshtablashgan strukturasini namoyish etadi, kiruvchi va chiquvchi oqimlar uchun PON daraxitida simmetrik kabi assimetrik bitli tezliklarni qo'llaydi, shuningdek sinxron transport ilovalarida turli xizmatlarni (jumladan TDM ni ham) inkapsulyasiyasini ta'minlagan holda XEI-T G.704.1 GFP (generic framing protocol, kadrlarning umumiy ilovasi) tavsiyasi bazasiga tayanadi.

GPON, to'g'ri oqimi (ulanish tugunidan abonentga) ning 1,244 Gbit/s va 2,488 Gbit/s, teskari oqimining esa 155 Mbit/s, 622 Mbit/s va 1,244 Gbit/s o'tkazish qobiliyatini tashkil etadi. GPON ning afzalliklari: - PON ga ulanuvchi har qanday mijoz uchun “gigabit rejimida inkapsulyatsiyalash” ni qo'llash; - ma'lumotlarni simmetrik kabi assimetrik uzatish tezligida ham qo'llab quvvatlash (kirish va chiqish oqimlarida); - bir to'lqin uzunligida 256 gacha mantiqiy ONT larni qo'llab quvvatlash; - kirish va chiqish oqimlarida ko'rsatkichlar yordamida o'tkazish polosasining tarqalish mexanizmi; - ONTdagi himoyalangan bitlarning konfigurasiyalangan soni; - ONT ni avtomatik va davriy aniqlash usuli; - har bir ONT ni himoyalash- AES algoritmi yordamida ulanish; - (ONT) abonent tugunlaridan (OLT) markazga turli holatlar va hisobotlar soni; - OAM ajratilgan kanallar.

Gibrid mis-optik arxitekturali tarmoqlarda keng polosali ulanuvchi texnologiyalarni qo'llash

E’tiboringiz uchun rahmat!!!

Похожие

Optik tola tizimlari

Kompyuter tarmoqlari haqida

Parallel dasturlashga kirish

Axborotlarni jo’natish mahalliy va global kompyuter tarmoqlari

Dasturlashga kirish, dasturlasning asosiy tushunchalari