Ommaviy axborot vositalari va demokratiya - Юриспруденция - Презентации

Ommaviy axborot vositalari va demokratiya

Загружено в:

23.09.2019

Скачано:

0

Размер:

598.8017578125 KB

Ommaviy axborot vositalari va demokratiya

Reja:  1. Ommaviy axborot vositalari va demokratiya haqida ma`lumotlar.  2. Ommaviy axborot vositalari globallashuv sharoitida  3. Axborot kurashi - manfaatlar kurashi  4.Matbuot erkinligi va uning mohiyati

Ommaviy axborot vositalari nazariyasi  Ommaviy axborot vositalari nazariyasi — ijtimoiy informatsiyaning paydo bo`lishi va tarqalishi hamda bu borada asosiy o`rin tutuvchi ommaviy axborot vositalari – gazetalar, jurnallar, radio, teleko`rsatuvlar, axborot agentliklarining ishi, faoliyatini o`rganuvchi fandir. Boshqacha qilib aytganda, mazkur kurs matbuot haqida, uning ilmiy-obyektiv qonuniyatlari haqida bahs yuritadi.

 Matbuot so`zi arabcha «tabaa» (bosmoq) so`zidan olingan bo`lib, «bosma mahsulot» degan ma’noni bildiradi. Ya’ni, bosma usulda chiqariladigan, ko`paytiriladigan barcha mahsulot matbuotni tashkil etadi. Аna shu matbuotning asosiy qismini vaqtli, to`g`rirog`i davriy matbuot tashkil etadi. Bu ma’lum vaqtlarda, davriy tarzda doimiy chiqib turadigan matbuot nashrlaridir. Matbuot atamasi bilan bir qatorda jurnalistika atamasi ham ishlatiladi.

 Bu so`z fransuzcha “Journal” so`zidan olingan bo`lib, “kundalik” degan ma’noni bildiradi. Jurnalistika atamasi o`z navbatida bir necha ma’noda ishlatiladi: 1) Bosma mahsulotlar, ya’ni matbuot nashrlarining yig`indisi; 2) Matbuot nashrlarini chiqarish, ularga materiallar tayyorlash bilan bog`liq kasb; 3) Matbuotning ichki qonuniyatlarini o`rganuvchi fan sifatida qo`llaniladi.

 Keyinchalik, vaqtli matbuotning tarkibiga bosma usulda chiqariladigan gazeta va jurnallar bilan bir qatorda uning texnikaga asoslangan yangi turlari — radio, teleko`rsatuvlar kelib qo`shilgach, bularning umumiy majmuasiga ommaviy axborot vositalari deb nom berildi. Ommaviy axborot vositalarining asosini matbuot tashkil etadi, ular matbuot qonuniyatlari asosida ish ko`radilar, shu boisdan bularni qisqacha matbuot deb yuritish mumkin.

 Matbuot insoniyat jamiyatida doimo muhim o`rin tutib kelgan. Sivilizatsiyalashgan har qanday jamiyatda har qanday ijtimoiy-siyosiy harakat matbuotsiz bo`lib o`tishi mumkin emas. Hozirgi zamon insoniyati hayotini matbuotsiz, gazeta va jurnallarsiz, radio va teleko`rsatuvlarsiz tasavvur etib bo`lmaydi. Inson nonsiz, noz-ne’matlarsiz yashay olmaganidek ma’naviy ozuqa bo`lmish matbuotsiz ham yashay olmaydi.

 Ommaviy axborot vositalari – gazeta, jurnal, radio, televidenie, axborot agentliklari, internet jurnalistikasi jamiyat yangilanayotgan, hayot yangicha mazmun kasb etayotgan hozirgi paytda erkin so‘z, hur fikr va ozod inson taqdiri bilan bog‘liq ijtimoiy-siyosiy, iqtisodiy, ma’naviy-ma’rifiy jarayonlarga, insonlar faoliyatining barcha tomonlariga ta’sir ko‘rsatuvchi g‘oyaviy vosita bo‘lib xizmat qilmoqda, hozirjavob minbarga aylanmoqda. Bu mamlakatimizda huquqiy davlat va fuqarolik jamiyati asoslari shakllanayotgan ayni davrda, ayniqsa, dolzarb ahamiyat kasb etmoqda.

 Bugungi kunda OAV, axborot kommunikatsiya texnologiyalari hayotimizga shu qadar jadal kirib kelmoqdaki, endilikda ularsiz biror bir sohaning istiqbolini tasavvur qilish qi yin. Shu bois, dunyoning rivojlangan davlatlari qatorida mamlakatimizda ham Prezidentimiz rahnamoligida mazkur sohani har tomonlama taraqqiy ettirishga eng muhim ustuvor vazifa sifatida e’tibor qaratilmoqda.  Davlatimiz rahbarining Oliy Majlis palatalarining 2010 yil 12 noyabrdagi qo‘shma yig‘ilishidagi ma’ruzasida mamlakatimizni modernizatsiya qilish va kuchli fuqarolik jamiyati barpo etish sohasidagi ustuvor vazifalar belgilab berildi. Bu vazifalarni amalga oshirishda OAVning o‘rni nihoyatda kattadir.

Ommaviy axborot vositalari globallashuv sharoitida  Demokratik jamiyat barpo etishda ommaviy ahborot vositalari hal qiluvchi o`rin tutadi, nafaqat muayyan mamlakatlar, balki global miqyosda siyosiy, iqtisodiy, ijtimoiy va madaniy jarayonlarga jiddiy ta`sir ko`rsatadi. Toshkentda bo`lib o`tgan halqaro uchrashuv - davra suhbatida shu haqda so`z bordi. U Siyosiy tadqiqotlar markazi (O`zbekiston) tomonidan tashkil etildi. Davra suhbatining mavzusi - "Zamonaviy axborot maydonining shakllanishi: media hududini tashkil etishda axborot tehnologiyalari, tuzilmaviy yondashuv va mintaqaviy xususiyatlarning roli", deb ataldi.

Axborot kurashi - manfaatlar kurashi  Bugungi voqyealar, xususan, xalqaro terrorizmning payini qirqish borasida tuzilgan xalqaro koalitsiyaning shu yil 7 oktabr kuni kechasi Afg'onistondagi terroristlar bazalariga havodan zarba bera boshlagani butun dunyo ommaviy axborot vositalari e'tiborini Markaziy Osiyo mintaqasiga qaratdi.  Xalqaro terrorizmni ildizi bilan qo'porib tashlash uchun kurash bilan birga dunyoning "yangilik imperiyalari" o'rtasida o'z tomoshabinlari/tinglovchilari/o'quvchilariga yangilikni birinchi bo'lib yetkazib berish uchun bo'lgan kurash ham qizib ketdi. Bu tabiiy. Chunki har kim bu yerdan o'ziga tesha tegmagan yangilik axtaradi, shov-shuv ko'targisi, birinchi bo'lgisi keladi.

Matbuot erkinligi va uning mohiyati  Matbuot nazariyasida matbuot erkinligi masalasi ham muhim o`rin tutadi. Chunki bu muammo ham matbuotning mohiyatini, uning jamiyat hayotidagi o`rnini belgilaydi. Matbuot erkinligi – so`z erkinligi, shaxs erkinligi, vijdon erkinligi singari siyosiy huquqlardan biri bo`lib, matbuotning erkin faoliyat ko`rsatishi, kishilarning matbuotdan erkin foydalana olishi, unda fikr va tuyg`ularini ifoda eta olishi erkinligi, informatsiya yig`ish va tarqatish erkinligidir. Matbuot erkinligi masalasi matbuot paydo bo`lgandan beri mavjud bo`lib, turli jamiyatda turlicha hal etib kelinmoqda.

 Matbuot erkinligi masalasi jamiyat taraqqiyoti bilan birgalikda rivojlanib, takomillashib boradi. Jamiyatimiz taraqqiy etishi, mustaqilligimizning mustahkamlanishi, ijtimoiy-iqtisodiy islohotlarning muvaffaqqiyat bilan amalga oshishi jarayonida matbuot erkinligi borasidagi ayrim muammo va nuqsonlar ham o`z yechimini topib boraveradi.

Похожие

Shaxs erkinlik va demokratiya

Sharqona demokratiya va ana'analar tasdiqlansinmi

Demokratiya kelib chiqishi va evolyutsiyasi

O’zbekistondа demokrаtik, fuqаrolik jаmiyati аsoslаrining shаkllаnishi, аmаlgа oshirilgаn siyosiy islohotlаr

O’zbekistonda siyosiy partiyalarning huquqiy asoslari