Bug\\'latish jarayoni - Физика - Презентации

Bug\\'latish jarayoni

Загружено в:

23.09.2019

Скачано:

0

Размер:

112.888671875 KB

Mavzu: Bug'latish jarayoni • Reja: • Jarayon haqida tushuncha • Bug'latish jarayonini amalga oshirilishi • Ko'p korpusli bug'latish qurilmalarining tuzilishi

• Uchuvchan bo'lmagan moddalar eritmalarini uning tarkibidagi erituvchini qaynatish paytida chiqarib yuborish yo'li bilan quyuqlashtirish jarayoni bug'latish deb yuritiladi. Agar bug'lanish jarayoni qaynash haroratidan past haroratda suyuqlikning yuzasida ro'y bersa, bug'latish jarayonida esa bug' eritmaning butun hajmidan ajralib chiqadi.

• Kimyo sanoatida ishqor, tuz va boshqa moddalarning suvli eritmalari, ayrim mineral va organik kislotalar, ko'p atomli spirtlar hamda shu kabi bir qator suyuq eritmalar bug'latiladi. Ba'zan bug'latish yordamida toza erituvchilar ham olinadi. • Bug'latish jarayonida isituvchi agent sifatida asosan suv bug'i ishlatiladi, bunday bug' birlamchi bug' deb yuritiladi. qaynayotgan eritmani bug'latish paytida hosil bo'lgan bug' ikkilamchi bug' deb ataladi. Eritmani bug'latish uchun zarur bo'lgan issiqlik miqdori devor orqali beriladi.

• Markaziy sirkulyasiya trubasi bo'lgan uzluksiz ishlaydigan bug'latish qurilmasining ishlash prinsipini ko'rib chiqamiz (1-rasm). Qurilma asosan isitish kamerasi va separatordan iborat. 1-rasmda tasvirlangan sxemada isitish kamerasi va separator bitta korpusda joy lashgan. Isitish kamerasi separatordan alohida joylashgan bo'lishi ham mumkin.

• Bunda isitish kamerasi va separator truba orqali birlashgan bo'ladi. Kamera odatda to'yingan suv bug'i bilan isitiladi. Bug' trubalar tashqarisidagi bo'shliqqa kiradi, bu erda kondensasiyalanish jarayoni yuz beradi va ajralib chiqqan issiqlik truba devorlari orqali eritmaga beriladi. Hosil bo'lgan kondensat kameraning pastki qismida joylashgan patrub ka orqali tashqariga chiqariladi.

• 1-rasm. Markaziy sirkulyasiya trubasi bo'lgan bug'latish qurilmasi; • 1-isitish kamerasi; • 2-separator; • 3-isitish trubalari; • 4-sirkulyasiya trubasi;

• Bug'latilayotgan eritma isitish trubalari orqali yuqoriga ko'tariladi, bunda eritma qaynaydi, natijada ikkilamchi bug' hosil bo'ladi. Separatorda bug' suyuqlikdan ajratiladi. Suyuqlik tomchilaridan ajralgan ikkilamchi bug' separatorning yuqorigi qismidan tashqariga chiqariladi. Suyuqlikning bir qismi markaziy sirkulyasiya trubasi orqali qurilmaning pastki qismiga tushadi.

• Markaziy trubadagi suyuqlik eritma va isitish trubalari ichidagi bug'- suyuqlik emulsiyasi zichliklari o'rtasidagi farq ta'sirida uzluksiz ravishda sirkulyasiya bo'lib turadi. quyuqlashtirilgan eritma qurilmaning pastki qismida joylashgan patrubka orqali tashqariga chiqariladi. • Ayrim bug'latish qurilmalarida markaziy sirkulyasiya trubasi bo'lmaydi. Bug'latish jarayoni vakuum ostida olib borilsa, ikkilamchi bug' vakuum-nasos yordamida kondensatorga so'rib turiladi.

• Sanoatda asosan bir xil yo'nalishli qurilmalar ishlatiladi. (2-rasm), chunki bunday qurilmalar eng tejamli hisoblanadi. Bunday qurilmalarda kichik parametrli suv bug'idan foydalanish mumkin. Ayrim vaqtda qurilmaning birinchi korpusini isitish uchun bug' turbinalarida ishlatilib bo'lingan suv bug'idan foydalansa bo'ladi.

• 2-rasm. Bir xil yo'nalishli uchta korpusdan iborat bug'latish qurilmasi. • 1, 2, 3-bug'latish qurilmalari; 4-isitkich; 5- barometrik kondensator; 6-tomchi ushlagich; 7- vakuum-nasos .

• Ko'p korpusli bug'latish qurilmasida korpuslarning soni ortib borishi bilan suvni bug'latish uchun zarur bo'lgan isituvchi bug'ning sarfi kamayib boradi. Biroq, korpuslar sonining ortishi bilan haroralarning yo'qotilishi ko'payadi. Issiqlik o'tkazish jarayonining yaxshi ketishi uchun har bir korpusda haroratlarning foydali farqi (isituvchi bug' va qaynayotgan eritma haroratlarining farqi) ma'lum qiymatga ega bo'lishi shart.

• Bu farq tabiiy sirkulyasiya bilan ishlaydigan qurilmalar uchun kamida 5-7 С va majburiy sirkulyasiya bilan ishlaydigan qurilmalar uchun kamida 3 С bo'lishi kerak. Korpuslar soni juda ko'payib ketsa, haroratlar yo'qotilishining yig'indisi qurilmadagi haroratlarning umumiy farqiga teng yoki undan ham ortib ketishi mumkin. Bunda eritmalarni bug'latish mumkin bo'lmay qoladi.

Похожие

Filtrlash jarayoni

Modda agregat xolatining o’zgarishi

Gazlarni suyuqlik bilan yuvib tozalash

O`zbekistonda fizik tadqiqotlar fizika ta`limining rivoji va shakllanishi

Bug‘latgich