Gazlarni suyuqlik bilan yuvib tozalash - Физика - Презентации

Gazlarni suyuqlik bilan yuvib tozalash

Загружено в:

23.09.2019

Скачано:

0

Размер:

207.5 KB

Gazlarni suyuqlik bilan Gazlarni suyuqlik bilan yuvib tozalashyuvib tozalash • Reja: • Nasadkali skrubberla r • Venturi skrubberlar • Ko`pikli skrubberlar

• Changli gazlarni tozalash uchun ularni suv yoki boshqa suyuqliklar yordamida yuvib, qattiq zarrachalardan tozalanadi. Bu usul gazlarni sovitish va namlash ruxsat etilgan, hamda qattiq zarrachalar qimmati bo`lmagan hollarda qo`llaniladi. Ma’lumki, gazlar sovutilganda suv bug`lari kondensastiyalanib, zarrachalar namlanadi va ularning zichligi ortadi. Natijada qattiq zarrachalar gazdan oson ajraladi. Bunda, zarrachalar kondensastiyalanish markazlari vazifasini bajaradi. Agar, zarrachalar suyuqlik bilan ho`llanmasa, unda bu turdagi qurilmalarda gazlarni tozalash samarasizdir.

• Bunday hollarda gazlarni tozalash darajasini oshirish uchun suyuqlik tarkibiga spirt – sirtiy faol moddalar qo`shiladi, ya’ni suyuqlikning ho`llash qobiliyati oshiriladi. • Suyuqlik bilan yuvib tozalovchi qurilmalarda, ularning konstrukstiyasiga qarab, gazlarni tozalash darajasi 60 dan 85% gacha bo`ladi. Bu turdagi qurilmalarning asosiy kamchiligi shundaki, tozalash jarayoni o`tkazilishi natijasida oqava suvlar hosil bo`lishidir. Ma’lumki, oqava suvlar ham o`z navbatida tozalanishi kerak. • Skrubberlar ichi bo`sh yoki nasadkali, ko`ndalang kesim yuzasiga qarab esa, stilindrsimon yoki to`g`ri to`rtburchak shakldagi kolonnalar ko`rinishida bo`ladi.

• Ichi bo`sh skrubberlarga changli gaz qurilmaning pastki qismidan 0,8...1,0 m/s tezlikda kiritiladi. Gaz o`z yo`nalishini o`zgartirib, yuqoriga qarab harakat qiladi. Skrubberning tepa qismidagi purkagichdan suv yoki boshqa suyuqlik sochilib, og`irlik kuchi ta’sirida mayda tomchilar pastga qarab yo`naladi. Natijada gaz va suv tomchilari qarama-qarshi yo`lli harakatida bir-biriga ko`p marta uriladi. Bu o`zaro ta’sir tufayli gaz tarkibidagi qattiq zarrachalar suyuqlik bilan yuviladi, og`irlashadi va oqava suv hosil qilib, pastga tushadi. Tozalangan gaz skrubberning tepa qismidagi shtusterdan chiqib ketadi. Oqava suv qurilmaning tubidagi shtuster orqali tozalashga chiqarib yuboriladi.

• Ichi bo`sh skrubberda gazlarning tozalanish darajasi 60...75% ni tashkil etadi. Nasadkali skrubberlarda qobig`ning ichiga nasadkalar ma’lum bir tartibda yoki tartibsiz o`rnatiladi ( 1 - rasm). • Tozalash jarayoni intensivligi va tezligini oshirish uchun skrubberlarga albatta nasadkalar joylashtiriladi. Nasadkalar qo`llanilishi natijasida gaz va suyuq fazalar o`rtasida urinishlar ortadi, ya’ni to`qnashuv yuzasi oshadi. Odatda skrubberlarga halqasimon yoki xordali nasadkalar o`rnatiladi. Ayrim hollarda esa, koks yoki kvarst bo`laklaridan hosil qilingan qatlam, nasadka sifatida ishlatilishi mumkin. Nasadkali skrubberlarda gazlarning tozalanish darajasi 75...85%.

• Venturi skrubberlari. Bu turdagi skrubber ikki qismdan ( 2 -rasm): Venturi trubasi 3 va ajratgich 1 dan tarkib topgan bo`ladi. Venturi trubasi 3 da gaz tozalansa, ajratkich 1 da esa - suv tomchilari gaz oqimidan ajratiladi. Tozalanishi zarur bo`lgan gaz, qurilmaning paski qismidan patrubkaga uzatiladi. Ma’lumki, Venturi trubasining diffuzor qismida konuslik ortib boradi. Bu esa, diffuzorda bosim kamayishiga, ya’ni vakuum hosil bo`lishiga olib keladi. Ushbu vakuum hisobiga idishdan kollektor orqali Venturi trubasiga suv so`rib olinadi. Suyuq faza gaz bilan to`qnashishi natijasida mayda tomchilarga (~10 mkm) ajralib ketadi. Gaz va mayda tomchilarning o`zaro urilishi paytida suyuqlik tomchilari qattiq zarrachalarni o`ziga tortib oladi va yiriklashadi

1-rasm 2-rasm

3-rasm

• So`ng esa, ushbu tomchilar gaz oqimi bilan birga diffuzor orqali o`tadi va natijada tezligi pasayadi. Gaz oqimini suyuqlik zarrachalaridan ajratish uchun uyurmalantiruvchi moslama xizmat qiladi. Ajratgichda ajratib olingan suyuqlik yig`gichga oqib tushadi. Tozalangan gaz esa, skrubberning tepa qismidagi patrubkadan atmosferaga chiqarib yuboriladi. • Venturi skrubberida gazlarning tozalanish darajasi 98...99%, tuzilishi sodda va mexanik harakatlanuvchi qismlari yo`q. • Kamchiliklari: gidravlik qarshiliklari katta (1500...7500 Pa) va qurilmaga qo`shimcha tomchi ushlagich bilan jihozlanishi lozim.

• Ko`pikli (barbotajli) chang ushlagichlar tarkibida, qattiq zarrachalar ko`p va juda katta hajmdagi changli gazlarni tozalash uchun mo`ljallangan ( 3 -rasm). • Ko`pikli (barbotajli) chang ushlagichlar tarelkali skrubber ko`rinishida bo`ladi. Changli gaz qurilmaning pastki qismidagi shtuster orqali yuboriladi va u tepaga qarab harakat qiladi. Qurilma stilindrik qobiq 1 ning o`rtasida joylashgan shtuster orqali yuvuvchi suv (yoki suyuqlik) teshikli tarelka ustiga yuboriladi. Pastdan kelayotgan changli gaz oqimi suyuqlikni barbotaj qiladi va natijada harakatchan ko`pikli qatlam hosil bo`ladi. «Gaz – suyuqlik» aralashmasidan iborat ko`piklarda to`qnashuv yoki urilish yuzasi katta va zarrachani ilintirish imkoniyati yuqori. Shuning uchun ham, ko`pikli chang ushlagichlarda changli gazlarning tozalanish darajasi yuqori .

• Gazning tozalanish darajasiga qarab qurilmadagi teshikli tarelkalar soni aniqlanadi . • Ko`pikli qatlamda changning asosiy miqdori (~80%) suyuqlik bilan ushlanadi va ko`pik bilan birga rostlovchi ostona 2 orqali chiqariladi. Suyuqlikning qolgan qismi (~20%) tarelka teshiklari orqali pastga oqib tushadi va uning ostidagi bo`shliqda changli gaz tarkibidagi yirik zarrachalarni ushlab, pastga olib ketadi. Hosil bo`lgan oqava suv konussimon tubdagi shtuster orqali chiqariladi. Ko`pikli qurilmalarda gazlarning tozalanish darajasi 95...99% va undan yuqori bo`ladi. Qurilmaning tuzilishi sodda va ixcham, hamda kam kapital va ekspluatastion sarflar talab etadi.

Похожие

Suyuqlik mexanikasi elementlari

Suyuqlik va gazlar mexanikasi

Suyuqlik harakatining kinematik tavsifi

Ideal suyuqlik harakati uchun bernulli tenglamasi

Filtrlash va ularning turlari