O`simlikning o`sishi, rivojlanishi, xosili va uning sifatiga ta`sir qiladigan omillar - Биология - Презентации

O`simlikning o`sishi, rivojlanishi, xosili va uning sifatiga ta`sir qiladigan omillar

Загружено в:

23.09.2019

Скачано:

0

Размер:

987.7685546875 KB

O`simlikning o`sishi, rivojlanishi, xosili va uning sifatiga ta`sir qiladigan omillar Reja: 1. O`simlikning o`sishi, rivojlanishi o`suv davri. 2. O`simlikni o`sishi va rivojlanishini boshqarish imkoniyatlari.

O’simliklarning biologiyasi va yetishtirish texnologiyasini o’rganishdan oldin o’simlikshunoslikda qo’llanadigan ayrim atamalar bilan tanishish zarur. O’sish — o’simlik organlarining (bo‘yi, barg soni, vazni) o’zgarishi. Rivojlanish — o’simlikda sifat tomonidan bo’ladigan o’zgarishlar, generativ organlarning shakllanishi, ontogenez jarayonining bir davrdan keyingi davrga o’tishi.

O’simliklarning o’sishi va rivojlanishi bir xil o’tmaydi. Qisqa kun o’simliklari shimolda ekilgan bo’lsa, yaxshi o’sadi, ammo rivojlanishiga kerakli issiqlik yetarli bo’lmaganligi uchun o’suv davri uzayadi, davrlararo davr uzayadi. Uzun kun o’simliklari janubda ekilsa, davrlararo davr tez o’tadi, chunki kerakli issiqlik qisqa muddat davom etadi, shuning uchun bu o’simliklar yaxshi o’sa olmaydi, bo’yi past bo’lib qoladi.

Ontogenez — bir yillik o’simliklarda urug’ unib chiqqandan to yana urug’ hosil bo’lgungacha urug’ davr, ko’p yillik o’simliklarda urug’ unib chiqishdan boshlab qurib qolgunigacha davom etadi. O’suv davri — bir yillik ekinlar uchun ekishdan boshlab pishish davrigacha bo’lgan vaqt tushuniladi. Ko’p yillik ekinlarda — bahorda kurtaklarning hosil bo’lishidan to kuzgi o’sish to’xtaguncha bo’lgan vaqt o’suv davri deb hisoblanadi. Generativ davri — ekinlarning shonalash davridan to’la pishish davrigacha davom etadi. O’simliklarning generativ davri o’sish davridan uzoqroq davom etganda urug’ hosili yuqori bo’ladi. O’suv davri uzoq davom etgan tur va navlarda ko’k massa hosili yuqori bo’ladi. Organogenez — ontogenez davrida rivojlanish davrlarining ketma ket o’zgarishiga aytiladi.

O’simliklarning rivojlanish davrlari ontogenez jarayonidagi shartli tanlangan o’simlikda keskin ro’y beradigan o’zgarishlar, masalan, maysalanish davrining boshlanishi yer yuzida donli ekinlarning birinchi bargi ko’rinishidan shu davrgacha bo’ladigan o’zgarishlar hisobga olinmaydi yoki tuplanish davrining boshlanishi yer ustida yon poyalarning o’sib chiqish davridan hisobga olinadi. Xaqiqatda tuplanish davri poyaning yer osti qismida yon poyalarning rivojlanishidan boshlanadi.

Fitotsenoz — (fito — o’simlik, tsenoz — jamoa) — o’simliklar majmuasi. Tabiiy fitotsenoz — tabiatdagi ko’p turli o’simlik majmuasi. Agrotsenoz — bu inson tomonidan yaratilgan (ekilgan) bir yoki ko’p turli o’simlik majmuasi. Xosil — qishloq xo‘jalik ekinlarini yetishtirish jarayonida olingan mahsulot. Xosildorlik — bu ma’lum bir o’simlik turini, navini, duragayini hosil darajasi. Bir xil sharoitda har hil navlarning, turlarning hosili har xil bo’ladi. Xosildorlik imkoniyati — ekilgan navni talabi bo’yicha sharoit yaratilgandagi olinadigan eng yuqori xosil. Bu ekinning genotipiga bog’liq. Hosil tarkibi — hosilning shakllanishiga ta’sir qiladigan tarkibiy qismlar, masalan, o’simlikning to’p soni, to’planish darajasi, mahsuldor tuplanish, boshoqchalar soni, don soni, bir boshoqdagi don vazni, xosil indeksi (donni poyaga nisbati) tushuniladi.

O’g’itning o’lchovli miqdori — yillik o’g’itlash me’yoridan bir o’g’itlashda solinadigan o’g’itning miqdori. Masalan, kuzgi bug’doy yetishtirishda azotli o’g’itning me’yori 150kg/ga. SHu me’yorning 30 kg ekishdan oldin, 60 kg nay o’rash davrida va qolgani gullash davrida solinadi.

Xosilga ta’sir qiladigan omillarni uch guruhga bo’lish mumkin: 1. Boshqarilmaydigan omillar -issiq haroratning davom etishi, kechki sovuqning tushishi, quyosh nurining ta’siri, foydali harorat yig’indisi 2. Qisman boshqarish mumkin bo’lgan omillar - yer yuzida qorni tekislash, taqsimlash, tuproq namligi, fitotsenozdagi havoning namligi, suv va shamolning tuproqni yemirishi, tuproq chirindisining miqdori, tuproq muhiti, tuproqning mikrobiologik faolligi 3. Boshqara oladigan omillar - ekin turi, nav, begona o’tlar bilan ifloslanish darajasi, o’simlikni kasallik va zararkunandalar bilan zararlanganligi, tuproqni azot, fosfor, kaliy va kaltsiy xamda mikroelementlar bilan ta’minlanishi, tuproq muhitini o’zgartirish, tuproqning havo o’tkazishini yaxshilash

O’simlikshunoslik ilmiy fan sifatida. O’simlikshunoslik qishloq xo’jaligidagi mavjud muammolarni hal qilishda muxim rol o’ynaydi. O’simlikshunoslikning rivojlanishi, umuman jamiyatning taraqqiyotiga bog’liq bo’lib, fanning rivojlanishiga ko’p olimlar o’z hissasini qo’shishgan. Ularning orasida fotosintez jarayonini yoritib bergan K.A.Timiryazev (1843- 1920), o’simliklarning kelib chiqish markazlarini aniqlagan N.I.Vavilov (1887-1943), dala ekinlarini yangi navlarini yaratgan P.P. Lukyanenko, V.S. Pustovoyt, ye. N. Remeslo, N.V.T Sitsin , M.N. Xodjinov va boshqalarni sanab o’tish mumkin.

Adabiyotlar: 1. "O`zbekiston Respublikasi Prezidenti I.A Karimovning va Respublika Vazirlar maxkamasining qishloq xo`jaligini rivojlantirish to`grisidagi ko`rsatma va farmonlari" 2. X.Atabaeva, O.Qodirxo‘jaev-O‘simlikshunoslik, T. YAngi asr avlodi, 2006, 298 b 3. X.Atabaeva va boshq - O‘simlikshunoslik - T.Mexnat, 2000. 4. P.P. Vavilov. -Rasteniyevodstvo-M.Kolos,1986 5. O.Mirzaev, T. Xudoyberganov-Em-xashak yetishtirish- Andijon, 2003

Похожие

Organizmning o`sishi va rivojlanishiga ta`sir etuvchi faktorlar

Odamlar va tabiat o`rtasidagi o`zaro munosabat

O’simlik hujayrasining tuzulishi 2

Mikroorganizmlarning biosferadagi o`rni

Mikroxujayrada gen va hujayra muhandisligini o\\'rganish