Жиҳозларнинг эскириши ва уларни мойлаш - Транспорт - Рефераты

Жиҳозларнинг эскириши ва уларни мойлаш

Загружено в:

20.09.2019

Скачано:

0

Размер:

80.5 KB

Жиҳозларнинг эскириши ва уларни мойлаш Режа : 1. Ишончлилик назариясининг асосий тушунчалари . 2. Деталларнинг ейилиши ҳақида тушунча 3. Мойлаш ва машиналарнинг мойлаш қурилмалари

1 . Ишончлилик назариясининг асосий тушунчалари. Ишлаб чиқариш жараёнларини ташкил қилиш нинг асосий маҚ садларидан бири технологик жиҳозларнинг техник даражаси ва ишончлилигини оширишдир. Турли машиналар, уларнинг йиғма бирлик ва деталларида носозликлар пайдо бўлиш эҳтимоллиги турлича: айримлари тез-тез ишдан чиқса, бошқалари камроқ ишдан чиқади. Ишончлилик назарияси носозликлар ҳақидаги фан бўлиб, унинг асосий вазифаси - аварияларни олдиндан айтиб бериш ва уларни камайтириш йўлларини излашдан иборат. Ишончлилик - талаб қилинган муддатда жиҳознинг ўз эксплуатацион кўрсаткичлари (иш унумдорлиги, ишлаш аниқлиги ва б.)ни берилган қийматларда сақлаган ҳолда маълум топшириқни бажариш хоссасидир. Жиҳознинг ишончлилиги уни лойиҳалаш ва тайёрлаш жараёнида таъминланиб, уни ташиш, сақлаш ва ишлатиш пайтида муайян даражада ушланади. Бу жараёнда ишчиларнинг малакаси, ишлаб чиқаришни тўғри ташкил қилиш , жиҳозни ишлатиш бўйича мукаммал кўрсатмалар тайёрлаш муҳим ўрин тутади. Машинанинг иш қобилияти- бу машинанинг техник шартлар ва ГОСТ да белгиланган талаб бўйича ўз функциясини бажариш ҳолатидир. Наработка- машина бажарадиган ишларнинг ҳажми ёки давом этиш ва қти; тонна, соатда ўлчанади. Чидамлилик ёки бузилмаслик- маълум наработкада машинанинг иш қобилиятини сақлаш хусусияти. Чидамлилик вақти - машинанинг иш қобилиятини узоқ муддатга, керакли танаффус билан чегара ҳолатига етгунгча сақлаши. Чегара ҳолати - жиҳозни ишлатиш даврининг чегаравий муддатидир. Носозлик - машина ГОСТ ва ТУ шартларининг бирини ёки бир нечтасини бажармаслик ҳолати.

Машина ресурси - бу ишлатиш бошлангандан чегара ҳолатигача бўлган вақт давомидаги машина наработкасидир ( ёки капитал таъмирдан чегара ҳолатгача); Хизмат муддати - машинанинг чегара ҳолатгача ишининг календар муддати. Бузилиш - машинанинг ўз иш қобилиятини қисман ёки тамомила йўқ отиш ҳолати. Иш жараёнида жиҳозда ҳар хил носозликлар пайдо бўлади: уларнинг бири созлаш йўли билан тузатилса, бошқаси таъмир талаб қилади. Ҳар бир машина алоҳида деталлардан ташкил топган: улар иш пайтида бирор бир ҳаракат бажаради ёки ўзаро қўзғалмасликни сақлаб туради. 2. Деталларнинг ейилиши ҳақида тушунча Бошланғич ўрнатишнинг бузилишининг асосий сабаби, деталнинг сийқаланишидир. Бунда деталнинг ўлчамлари аста-секин ўзгара бошлайди. Сийқаланишда деталнинг ишчи юзасидан ишқ аланиш таъсирида металл кукунлари тўкилади. Сийқаланишнинг асосий характеристикасига қуйидагилар киради: Абсолют сийқаланиш - детал ҳажмининг, ўлчамларининг ва вазнининг ўзгариши. Сийқаланиш тезлиги - сийқаланиш ҳажмининг у содир бўлган вақтга нисбати. Сийқаланиш жадаллиги - сийқаланиш ҳажмининг бажариладиган ишга нисбати. Сийқаланишга турғунлик- материалнинг сийқаланишга қаршилик кўрсатиш хусусияти. Деталларнинг сийқаланишига қуйидаги омиллар таъсир кўрсатади: а) Материал сифати. Ишқ аланадиган юзанинг турли хил материалдан ясалгани, унинг қаттиқлиги ва ёпишқоқлиги, материал юзасидан заррачаларнинг ажралиб чиқишига таъсир этиши катта аҳамиятга эга. Бир

вазифани бажарувчи деталлар жуфтлигининг бирини қаттиқрок материалдан, иккинчисини эса нисбатан юмшоқроқ материалдан ясалиши маъқулдир. б) Механик ишлов сифати. Ишлов пайтида ҳосил бўладиган ғадир- будирликлар сийқаланиш интенсивлигини белгилайди. в) Мойлаш. Деталларнинг хизмат муддатини узайтириш учун мойлаш материалини тўғри танлаб, ишқаланиш юзасини яхши мойлаш керак. Шунингдек мойлаш режимининг нормал ҳолатини танлаш лозим. г) Ишқаланаётган деталлар ҳаракат тезлиги ва солиштирма босим. Машинанинг тез айланадиган деталлари, унинг секин айланадиган деталларига нисбатан, бошқа тенг шартларда тезроқ сийқ- аланади. Солиштирма босим қанча катта бўлса, ишқаланадиган юзалар шунча тез сийқаланади. Буни қуйидагича тушунтириш мумкин: солиштирма босим ошиши билан мой деталлар орасидан сиқиб чиқарилади. д) Жиҳоз эксплуатацияси шароитлари. Чангли шароитларда ишлаганда, чанг заррачалари деталлар орасига кириб, уларнинг тез сийқаланишига олиб келади. Бу яна атроф муҳитнинг температурасига, намлигига, хизмат кўрсатаётган ишчи билимига, ўз вақтида ва сифатли қарашга боғлиқдир. Резьбали бирикмалар сусайганда машина қисмларининг бирикиш мустаҳкамлиги бузилади, зарбавий нагрузка ошади, бу ўз навбатида машина ишчи органларининг синишига олиб келади. Маҳкамланиш сусайиши натижасида валлар ва ўқлар мутаносиблиги, паралеллиги бузилади, занжирли ва тасмали узатмаларда носозликлар вужудга келади. Бу ўз навбатида валнинг синишига, занжирнинг узилишига, пайванд бирикманинг вайрон бўлишига сабабчи бўлади. Шпонкали барикмаларнинг қўндирилиши бузилганда, шпонка сийқаланганда детал синиши мумкин. Машина ичига, деталлар орасига бегона (жисмларнинг) буюмларнинг тушиб қолиши жиҳоз синишига олиб келади. Баъзи материалларнинг сифатининг пасайиши ҳам детал синишига

сабабчи бўлади. Пластмасса ва резинадан ясалган деталлар нагрузка туфайли ўз физик хоссасини йўқотади. Сийқаланган детал ўлчовларига қараб, уни ишлатиш мумкинлиги ёки таъмирланиш кераклиги аниқланади. Бу учун қуйидаги ўлчовларни билиш лозим: номинал ўлчов-чизмадаги ўлчов; рухсат этилган ўлчов детални таъмирсиз ишлатиш ўлчови; чегаравий ўлчов-авария бўлиши мумкинлиги учун детални ишлатиш мумкин эмас. Ишқаланиш ёки занглаш оқибатида деталь сирти қатламларининг емирилиши натижасида унинг ўз шакли, вазни ёки ўлчамларининг ўзгариши ҳодисасига эскириш дейилади. Эскиришнинг икки тури мавжуд: механик эскириш ва занглаш. Механик эскиришнинг асосий сабаби ишқ аланишдир. Ишқ аланиш жуфтликларидаги деталларнинг эскириши улар орасидаги зазорнинг қиймати билан характерланади. Бу эскириш қуйида тасвирланган эгри чизиқ билан ифодаланади. Механик эскиришнинг учта даври бўлиб, АВ даврда ишқаланувчи сиртлар тез ейилади. ВС даврда ейилиш тезлиги доимийдир. СД даврда ейилиш кескин тезлашиб, деталл шакли ва ўлчамлари тез ўзгаради, уларнинг нормал ишлаши бузилиб, авария ҳолати вужудга келади. Авариянинг олдини олиш учун С нуқтага яқин муддатларда жиҳоз таъмирини ташкил қилиш лозим. Шунда таъмирлаш ишлари ҳажми ва сарф- харажатлар кам бўлади. Жиҳозларнинг ейилишга чидамлилигини оширишнинг йўллари қуйидагилардан иборат: деталга тушадиган юкланманинг бир текис тақсимланишини таъминлаш, мойлаш, сифатли мойлардан фойдаланиш, деталь сиртига абразив заррачалар тушиш олдини олиш, сиртларни совутиш ва ҳ.з. Шунингдек, деталларни антифрикцион материаллардан тайёрлаш лозим. Маълумки, ишқ аланиш жуфтлиги турли материаллардан тайёрланса ейилиш камаяди. Шунинг учун қайта ишлаш жиҳозлари тишли ғилдираклари чўяндан, втулкалар бронзадан тайёрланади. Сут сепараторида червякли ғилдирак бронзадан, вертена червяк пўлатдан тайёрланади.

Занглаб ейилишнинг асосий сабаби электрокимёвий занглашдир. Металларга электролитлар, масалан сут кислотаси, рассол, ювиш воситалари таъсир қилганда, электрокимёвий занглаш вужудга келади. Занглаш металл сиртига бир текис таъсир қилмайди. Шунинг учун ҳам металл сиртида ёриқлар, тешиклар, дарзлар ва бошқа хил нуқсонлар ҳосил бўлади. Углеродли пўлатдан тайёрланган трубалар, резервуар ғилофлари, чўян станиналар, сут сақлаш идишлари занглаб ейилади. Занглаб ейилишнинг олдини олиш мақсадида, жиҳозлар даврий равишда бўялади, вазелин билан қопланади. Механик ва занглаб эскириш табиий ва аварияга олиб келувчи бўлиши мумкин. Аварияда детал синиб ёки резервуар герметиклиги бузилиб, машина ва аппарат ишдан чиқади, технологик жараён тўхтайди, хом - ашё бузилади, сифатсиз маҳсулот ишлаб чиқарилади ёки бахтсиз ҳодиса рўй бериши мумкин. Авариянинг асосий сабаблари қуйидагилардан иборат: - деталь материалининг сифати паст бўлиши, резьба сифатининг паст бўлиши гайканинг буралиши ва фланецли бирикманинг сусайишига олиб келади; - ҳимоя воситалари ва тўсиқларнинг носозлиги нафақат машинани аварияга олиб келмасдан, балки ишчилар ҳаётига ҳам хавф туғдиради; - ҳаракатланувчи деталлар орасига бегона нарсаларнинг - латта, шайба, гайкаларнинг тушиб қолиши; - электродвигателни ток манбаига тескари улаш натижасида унинг нотўғри айланиши. 3 . Мойлаш ва машиналарнинг мойлаш қурилмалари Жиҳоз ёки унинг деталларининг ишончлилиги ва узоқ вақт ишлаши кўп жиҳатдан мойлашга, мойнинг тозалигига, ўз вақтида алмаштиришга боғлиқ .

Жиҳозни ишлатиш ҳақидаги йўриқномада мойлаш материалининг маркаси кўрсатилган бўлади. Агар машина заводнинг ўзида тайёрланса, келтирилган машинанинг ҳужжати бўлмаса, машинанинг иш режими ўзгарса, машина такомиллаштирилса мойлаш материалини мустақил танлашга тўғри келади. Мойлаш материалини танлашда қуйидагиларга эътибор бериш лозим: Нагрузка қанча катта бўлса, қовушқоқлик шунча юқори бўлиши лозим; Ташқи муҳит таъсири: чанг, намлик, агрессив муҳитлар мавжудлиги ҳисобга олиниши лозим; Тезлик катта бўлса, танланадиган мойнинг қовушқоқлиги кичик бўлиши керак; Тебраниш подшипникларининг нормал ишлаши учун оз мой талаб қилинади. Уларнинг бўш ҳажмининг 1/3 қисмига мой солинади. Керагидан кўп мой солинса, подшипник температураси тез ошади, электр энергия сарфи ошади, мойлаш материали парчаланиб, ўз хусусиятини йўқотади; Подшипниклардаги суюқ мойлар ҳар ойда камида 1 марта, қуюқ мойлар эса 1-2 ойда 1 марта алмаштирилади; Машинани мойлаш схемаси ва картаси "Машинани ишлатиш ва унга хизмат кўрсатиш йўриқномаси" иловасида албатта бўлиши керак. Бу йўриқнома машинани яратиш даврида тузилади. Мойлаш схемасида унча катта бўлмаган форматга машинанинг умумий кўриниши туширилган чизмада шартли белгилар билан мойлаш жойлари кўрсатилади. Мойлаш картаси жадвал тариқасида тузилади: унда мойланадиган узеллар номи, мойлаш материалини қабул қилишнинг шартли белгиси, мойлаш даврийлиги, мойни узатиш тартиби кўрсатилган бўлиши лозим. Машинани мойлаш ишқ аланиш натижасида йўқоладиган энергияни тежаш, ишқаланадиган юзаларнинг сийқаланишини секинлаштириш,

хасталикларнинг олдини олиш, занглаш ва дарз кетишнинг олдини олиш имконини беради. Мойлашнинг ўз вақтида бажарилиши машинанинг узоқ вақт бенуқсон ишлашини таъминлайди. Мойлаш материали машина ишига ва унинг вазифасига боғлиқ ҳолда танланади. Тебраниш подшипники учун энг яхши мойлаш материали бўлиб суюқ мой хизмат қилади (илова 2). Аммо, кўп ҳолларда уларни мойлашда ишлатишга қулай, қовушқоқлиги катта бўлган мойлардан фойдаланилади. Ҳарорати 65 градгача бўлган шароитда ишлайдиган кам юклатилган тебраниш подшипниги учун қовушқ оқлиги катта бўлган мой тариқасида солидол-УС-2, кўп юклатилгани учун-УС-3 ишлатилади. Ҳарорати 90 градгача ишлайдиган узеллар учун юкланишидан қатъий назар консталин УТВ ёки УТ1 мойлари ишлатилади. Тишли ва червяк узатмалар суюқ мойга қисман ботириш йўли билан мойланади. Мойлар қовушқоқлиги тишли жуфтликларнинг материали ва айланма тезлигига қараб (илова 2) танланади. Кўп босқичли редукторлар учун мойлаш материали кичик айланма тезлик ва катта юкланиш билан ишлайдиган тишли жуфтликларга қараб танланади. Қўл юритмали узатмалар учун қовушқоқлиги катта бўлган мойлар ишлатилади. Очиқ тишли узатгичлар учун графит мазь ишлатилади. Занжирли узатмалар учун мой айланма тезлик, иш ҳарорати ва мойлаш системасига қараб танланади. Асосан цилиндр 11 мойи ёки индустриал 45 мойи ишлатилади. Очиқ узатгичлар занжири графит аралаштирилган қовушқоқлиги катта бўлган мой билан мойланади. Мойлаш даврийлигини қуйидаги нормативларга қараб аниқланади: а) нормал шароитда тебраниш подшипники қовушқоқлиги катта бўлган мой билан 6 ойда 1 марта; оғир шароитларда (нотекис кучланиш, реверсив ҳаракат, тез-тез ишлатиш, чанг муҳит ва бошқ алар) ишлайдиганлар учун - 3

ойда 1 марта; суюқ мойлар ишлатганда подшипник асосига 2-3 кунда 1 марта мой қуйилади; 2) сирпаниш подшипники ва втулкалар суюқ мой билан ҳар сменада қўлда 1-2 марта мойланади; 3) сирпаниш подшипники қовушқоқлиги катта бўлган мой балан 1 ойда 1 марта мойланади; 4) тишли, червяк ва винтли узатгичлар суюқ мой билан қўлда сменада 1 марта; қовушқоқлиги катта бўлган мой билан 2-3 кунда 1 марта; картер мойлашда корпусига қовушқоқлиги катта бўлган мой бир ойда 1 марта қўшилади; суюқ мойлаш материали - 3-4 кунда 1 марта; 5) занжирли узатгичлар қовушқоқлиги катта бўлган мой билан 1 ойда 1 марта; суюқ мой билан - сменада 1 марта; 6) йўналтирувчи параллеллар сменада 2-3 марта мойланади. Сирпаниш подшипниклари ва втулкаларни мойлашда 8 соат иш давомида вал диаметри ва мойлаш усулига қараб сарфланадиган мой миқдори 2- иловага қараб аниқланади. Подшипникни зичлаб тўлдириш йўли билан мойлашда сарфланадиган қовушқоқлиги катта бўлган мой миқдори 5 граммга тенг. Лубикатор ишлатиб мойланганда кетадиган мой миқдори томчили мойлаш харажатларига тенг. Шприц ишлатганда қўл билан мойлаш жадвалига қаралсин. Тишли узатмалар картерида 8 соат иш давомида сарф бўладиган мой миқдори 2- иловада берилган. Вал диаметрига қараб тебраниш подшипникини мойлашдаги мой сарфи 2- иловадан олинади. Сарф бўладиган қовушқоқлиги катта бўлган мой вал диаметри ва мойлаш ваннасининг ҳажмига қараб 4.6. жадвалдан олинади. Қовушоқлиги катта бўлган мойнинг яроқлилик муддати машина 3 ой ишлаганида 8 ойга тенг.

Қўл билан параллел йўналишлар (ясси сиртлар) мойланганда сарф бўладиган мой миқдори қуйидагича аниқланади: Q = 0,01 k F бу ерда Q - бир варакай сарф бўладиган мой миқдори, кг. k - тузатиш коэффициенти, масалан агар мойланадиган юза 0,05 м кв.дан кам бўлса, k=12; F - мойланадиган параллеллар юзаси, м.кв. Графит мойнинг тишли узатгичларни мойлашда бир варакайига сарф бўладиган миқдори тишли ғилдирак диаметрининг ҳар бир см. га 0,5 гр. қилиб олинади. Винт ва червякларни мойлашдаги сарф бўладиган мой миқдори унинг диаметрига қараб олинади. Диаметр, мм.........................760 50 40 30 20 Сарф, гр............................... 6 5 4 3 2 Шарнирнинг 8 соат иши давомида сарф бўладиган мой миқдори - 0,5 г. Занжирни қовушқоқлиги катта бўлган мой УС-1 билан мойлашда сарф бўладиган мой миқдори соатига 0,4 гр. қилиб, суюқ мой миқдори эса 1 м. га 1,0 гр. қилиб олинади. Электродвигатель подшипникини мойлашдаги мой миқдори 2- иловада келтирилган. Мойлаш материаллари мойлаш нуқталарига индивидуал ёки марказлаштирилган мойлаш системалари ёрдамида узатилади. Индивидуал мойлаш қурилмалари қуйидагилардан иборат: Резервуарли масленка ичига увада ёки жун иплардан тайёрланган фильтр жойлаштирилган корпусдан иборат. Фильтр мойлаш сиртларига чанг заррачаларини тушишдан асрайди. Фитилли масленка резервуар ва ичига пилик ўрнатилган каналдан иборат. Мой пилик орқали ўтиб тозаланади ва мойлаш сиртига тушади.

Пиликни мойга ботиб туриш чуқурлиги ип мўйловчалар ёрдамида ростланади. Бу масленкалар ҳар иккаласининг қопқоқларида тешикчалар бўлиб, улар камера ичига ҳаво киришини таъминлайди. Қалпоқчали масленка қуюқ мойларни узатишда ишлатилади. Қопқоқни бураш йўли билан камера ичида босим ҳосил қилинади. Шарикли пресс-масленка ҳам қуюқ мойларни узатишда ишлатилади. Томчили масленка маълум миқдордаги мойни вақт бирлиги ичида узатиш учун ишлатилади. Марказлаштирилган мойлаш қурилмаларига мой ваннаси, картер мисол бўлади. Одатда тайёрловчи-заводнинг жиҳозни ишлатиш бўйича йўриқномасида мойлаш материалларининг тури, мойлаш даврийлиги, мойлаш схемаси кўрсатилган бўлади. Шунингдек мойлаш картаси ҳам кўрсатилади. Мойлаш материалларининг сарф нормалари маълумотномаларда берилган. Сарф нормаси бир сменали иш режими (1 йилда 2000 соат) учун берилган. Завод, цех ёки бўлимнинг йиллик мойлаш материалига бўлган талаби қуйидагича аниқланади. 2000 K Hp Фr     бу ерда: П - бир йиллик материалга бўлган талаб миқдори, кг; Ф r - жиҳознинг йиллик иш вакти фонди, соат; Нр - материал сарф нормаси; К- ушбу типидаги жиҳозлар сони.

Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [87-98]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [79-97]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[77-89]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [79-90].

Похожие

Мойлаш материаллари. Мойлаш материалларини синфлаш, маркалаш ва кулланиши

Совутиш ва мойлаш тизимлари.

Мойлаш тизими

Двигателларни мойлаш системаси. Двигателларнинг мойлаш системаларининг классификацияси

ЎзДЭУАвто ва СамКочАвто двигателларининг мойлаш тизимлари