logo
  1. Главная страница
  2. Рефераты
  3. Транспорт
  4. Мойлаш тизими

Мойлаш тизими

Загружено в:

20.09.2019

Скачано:

0

Размер:

44.5 KB
Скачать
Мойлаш тизими Двигател деталларининг ишқаланиб ишлаши уларнинг ейилишига ва қизишига олиб келади. Шунинг учун двигателнинг ишкаланувчи детал юзаларига узликсиз равишда мой юбориб туриш зарур. Бу вазифани двигателларда мойлаш тизими бажаради. Мойлаш тизими двигател ишлаётганда унинг ишқаланувчи юзаларига керакли миқдорда мой етказиб беради, нати-жада ишқаланувчи юзалар қисман совийди, ейилиши камаяди ва деталларнинг ейилишига сабабчи мойга ёпишган заррачалар мой билан бирга картерга тубига тушади ва бу мой кейин филтрланади. Ўтағон автомобил двигателларида комбинациялашган мойлаш тизими қўлланилади. Бундай мойлаш тизимида зўриқиб ишлайдиган детал юзаларига мой босим остида мажбурий юборилади. Бундай юзаларга тирсакли ва тақсимлаш валларининг подшипниклари (айрим двигателларда тақсимлаш валининг муштчалари ҳам), коромўсло втулкалари киради. Қолган ишқаланувчи юзаларга сачратиш ва томчи усули билан юборилади. Ундай юзаларга цилиндр деворлари, поршен ва поршен ҳалқалари, поршен бармоқлари, тақсимлаш валининг муштчалари, турткичлар, клапанлар стержени киради. Комбинациялашган мойлаш тизимига қуйидаги механизм ва тузилмалар киради: мой сақлагич, мой қабул қилгич, мой насоси, мой филтрлари, мой радиатори, мой каналлари, мой клапанлари. Мой насослари: Мойни босим остида двигател механизмларининг иш- қаланувчи юзаларига, шунингдек, мойни тозалаш ва совутиш тизимларига юбориш учун ҳизмат қилади. Ўтағон автомобил двигателларида шестеняли икки секцияли ташқи илашиш насосларидан фойдаланилади. Насос ишлаётганда тизимда етарли босим ҳосил бўлиши учун иккала шестерня тишларининг қирралари билан корпус девори оралиғидаги радиал тирқиш кичик (0,06 …0,1мм) бўлиши назарда тутилган. Шестерняларнинг айланиши давомида бўшликлардаги мой корпус девори бўйлаб насоснинг ҳайдаш канали орқали цилиндрлар блокидаги асосий мой каналига босим билан юборилади. Насос билан тизимда ҳосил қилинадиган босим асосий мой каналидан мойнинг қай даражада сарфланиши, шестерняларнинг айланишлар частотаси ва мойнинг қовушқоқлигига боғлиқ бўлади. Бензинли двигателларда тизимдаги мойнинг босими 0,3…0,5 МПа, дизелларда эса 0,5…0,7 МПа бўлади. Тизимдаги мой босимини белгиланган меъёрдан ортиб кетмаслигини редукцион клапан таъминлайди. Мой фильтрлари. Фильтрлар мойни двигател ейилиши натижасида ҳосил бўлган металл заррачаларидан ва бошқа ифлослантирувчи элементлардан тозалайди. Мой филтрлари тўла ўтказувчи яъни мойлаш тизимига кетма-кет уланиб мойнинг ҳаммаси филтрдан ўтказилади. Шунингдек қисман ўтказувчи филтрлар ҳам бўлади. Бундай филтрлар тизимга параллел уланади ва мойнинг 10…15% ни ўтказади холос. Дағал тозалаш филтрлари. Тўрли тозаловчи элементлари қоғоздан ясалган бўлиб 1 см 2 юзада 25 – 300 тагача майда тешиклари бор ва улар 0,1 мм ўлчамли майда заррачаларни тутиб қолади. Майин тозалаш фильтрлари. Ўтағон автомобиллар двигателларида майин филтр вазифасини марказдан қочма куч таъсирида ишловчи центри- фугалар бажаради. Бу центрифугалар реактив юритмага эга бўлиб, қарама- қарши йўналишда босим остида чиқаётган мой оқими таъсирида ҳаракатланади. Центрифугалар мойлаш тизимига параллел уланган. Центрифугада мойнинг яхши тозаланиши роторнинг частотаси 5000…7000 мин -1 бўлгандагина рўй беради. Мой сарфи 0,17л/ c ни ташкил этади. Двигатель ишлаганда цилиндрларнинг поршен устида ҳосил бўлган газлар поршен ҳалқалари орасидаги тирқишдан картерга ўтади. Бу газ ёнувчи аралашма, тўла ва қисман ёнган маҳсулотлардан иборат бўлиб, картер газлари деб аталади. Бу газларнинг таркибида ёнилғи ва сув буғи, карбонат ангадрид, олтингугурт, азот ва қисман карбон-водород бирикмалари бор. Ёнилғи буғи томчига айланиб мойни суюлтиради, сув буғи ва бошқа бирикмалар мойни оксидлайди, натижада мойнинг сифати ёмонлашади. Картер газларининг мойга ёмон таъсирини камайтириш учун уларни картер бўшлиғидан узлуксиз равишда чиқариб туриш лозим. Газларни картердан узлуксиз чиқариб туриш картер бўшлигини шамоллатиш ; бу процессни таъминловчи комплекс тузилмаларни шамоллатиш тизими деб аталади. Картер бўшлиги етарли даражада шамоллатилмаса, картерда газ босими ошиб кетади натижада тирсакли валнинг салниклари ва картернинг қистирмаларидан мой оқиб кетади. Бундан ташқари, бу газ кабина ёки кузовга кирса, ҳайдовчи ва йуловчиларни заҳарлайди. Ўтағон автомобил двигателларида картерни очиқ шамоллатиш усули қўлланилган. КамАЗ - 4310 двигателининг мойлаш тизими ҳажми 30,5 л ташкил этади. Ёзда М-10Г 2 К маркали, қишда эса М-8Г 2 К маркали мой ишлатилади. ЗИЛ - 131 автомобили двигателининг мойлаш тизими ҳажми 9,5 л бўлиб, унга М-8Б 1 ёки М-8В 1 маркали мой қуйилади. Урал- 4320 двигателининг мой тизими ҳажми 21,5 л бўлиб М-10Г 2 К ёки М-8Г 2 К маркали мой тавсия қилинади. Адабиётлар 1. Транспорт воситаларининг тузилиши ва назарияси. Э.З Файзуллаев таҳрири остида. Тошкент- “Zarqalam”, 2005.-412 б. 2. Основў конструкции автомобилей. Под ред. проф. Иванова А.М. М.: За рулём, 2005.- 375с. 3. Устройство многооснўх полноприводнўх колеснўх и бўстроходнўх гусеничнўх машин. Под ред. проф. Г.И. Гладкова. М.: «Транспорт» 1996.- 240с. 4. Юрчевский А.И., Толпигўн В.А. Автомобили КамАЗ. М.: Транспорт.- 1976.

Похожие

Двигателларни мойлаш системаси. Двигателларнинг мойлаш системаларининг классификацияси
Мойлаш материаллари. Мойлаш материалларини синфлаш, маркалаш ва кулланиши
Совутиш ва мойлаш тизимлари.
Жиҳозларнинг эскириши ва уларни мойлаш
ЎзДЭУАвто ва СамКочАвто двигателларининг мойлаш тизимлари