Texnologik jihozlarga texnik xizmat ko’rsatish, ta’mirlash tizimi va ularni yangilash va takomillashtirish - Транспорт - Рефераты

Texnologik jihozlarga texnik xizmat ko’rsatish, ta’mirlash tizimi va ularni yangilash va takomillashtirish

Загружено в:

20.09.2019

Скачано:

0

Размер:

54.5 KB

Texnologik jihozlarga texnik xizmat ko’rsatish, ta’mirlash tizimi va ularni yangilash va takomillashtirish Reja: 1.Servis jihozlariga ТХ va JТ o’tkazish tizimi. 2.Тexnologik jihozlarga ТХK va ta’mirlash ishlarini tashkil etish. 3. Тexnologik jihozlarni davlat texnik nazoratidan o’tkazish

1.Servis jihozlariga ТХ va JТ o’tkazish tizimi. Тexnologik jihozlar avtomobil kabi ishlash davomida yeyilish, plastik deformatsiya, zanglash, fizik-kimyoviy o’zgarishlar va boshqa sabablarga ko’ra o’zining texnik xolatini o’zgartiradi, buzilishlar, nosozliklar paydo bo’ladi. Asbob uskunalar murakkabligi va puxtaligiga qarab tez almashtiriladigan va uzoq muddat ishlovchilarga bo’linadi. Ularning ishlash qobilyati va resursini oshirish uchun ma’lum texnik servis va ta’mirlash ishlari amalga oshiriladi. Тexnologik jihozlarga murakkabligiga qarab quyidagi ishlar rejalashtiriladi:  kundalik xizmat (KХ);  davriy texnik xizmat (ТХ):  joriy ta’mir (JТ):  mavsumiy xizmat (MХ);  o’rta ta’mir (O’Т):  mukammal ta’mir. ТХ va ta’mir operatsiyalarining davri, ro’yxati va mehnat hajmi texnologik jihozlarga texnik xizmati ko’rsatish va ta’mirlash bo’yicha qo’llanma asosida belgilanadi. Bundan tashqari jihoz chiqargan firma tavsiyasiga ham asolanadi. Qo’llanmada jihozlarning murakkabligi va turiga qarab ТХ, JТ, O’Т o’tkazish sikli ko’rsatilgan. Masalan: metall qirqish stanoklari uchun har bir ТХdan keyin JТ o’tkaziladi, ko’tarish-eltish jihozlari uchun esa, har to’rtta ТХdan keyin JТ rejalashtirilgan. Bulardan tashqari ijrochilarning xayoti uchun xavfli jihozlar (issiqxona, bug’xona qozonlari, ko’tarma kran, telfer, ko’targichlar) maxsus davlat nazorat organlari tomonidan har yili sinovdan o’tkaziladi va u rasmiylashtiriladi. 2.Тexnologik jihozlarga ТХK va ta’mirlash ishlarini tashkil etish. Тexnologik jihozlarni o’rnatish, texnik xizmat ko’rsatish va ta’mirlash jihoz ishlab chiqargan firma vakillari yoki avtoservis korxonasi bosh mexanik xizmatchilari tomonidan amalga oshirilishi mumkin. Bosh mexanik bosh muxandisga bo’ysinadi. Ushbu xizmat xodimlari texnologik jihozlarni umumiy ro’yxatini olib boradi, ТХ va ta’mir o’tkazish rejalarini tuzadi, xisobotlar

tayyorlaydi, jihozlarni qabul qilish va topshirish dalolatnomalarini tuzadi. Bundan tashqari xodimlarni yangi jihozlar bilan ishlashga o’qitadi, malakasini oshiradi hamda texnika xavfsizligi talablariga rioya qilishni ta’minlaydi. Bosh mexanik shtati avtoservis korxonasidagi jihozlar soni, murakkabligiga qarab aniqlanadi va ular asosan 2-6 malakali (razryad) chilangar-mexaniklar va elektrkilardan tashkil topadi. 3. Тexnologik jihozlarni davlat texnik nazoratidan o’tkazish Sanoat xavfsizligi ekspertizasini amalga oshirish QOIDALARI O’zbekiston Respublikasi Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshlig’ining 2009 yil 9 sentabrdagi 172-son buyru’gining 1-ilovasiga asosan avtotransport korxonalarida foydalaniladigan texnika qurilmalarining ba’zi turlari: 1. 0,07 MPa dan ortiq bosim ostida yoki ishlatiladigan suyuqlikning normal atmosfera bosimidagi qaynash haroratidan ortiq haroratda ishlaydigan jihozlar (qozonlar, bosim ostida ishlaydigan idishlar, bug’ quvurlari), isitish uskunalari, issiqlik punktlari va issiqlik tarmoqlari jihozlari, yuqorida nomlari keltirilgan jihozlarni foydalanishda ishlatiladigan avariyaga qarshi himoya, signalizatsiya va nazorat vositalari, asboblari va tizimlari; 2. Ko’tarish inshootlari (yuk ko’tarish kranlari, osma po’lat arqon yo’llari, ko’tarma platformalar, yukni tutib turuvchi yechiladigan qismlar va moslamalar, maxsus ishlarni bajaradigan uskunalar, mashinalar va agregatlar); 3. Suyuqlik va vakuumda ishlaydigan nasoslar, nasos agregatlari, havo va gazda ishlaydigan kompressorlar hamda kompressor agregatlari; 4. Тexnologik jihozlar uchun metall konstruksiyalar, suyagichlar va himoya qoplamalari; 5. Gaz bilan ta’minlash (gazni taqsimlash va gazni iste’mol qilish) tizimi jihozlari va texnika qurilmalari (jumladan: qozonlar, texnologik liniyalar va agregatlarning gaz jihozlari, si’gimli va oqib o’tkazuvchi suv isitgichlarning gaz gorelkali qurilmalari, polietilen gaz quvurlarini payvandlash uchun jihozlar va boshqa jihozlar);

6. Хavfli moddalar uchun maxsus mo’ljallangan si’gim (sisterna)lar va konteynerlar hamda idish (ballon)lar; 7. Хavfli yuklarni tashish (transportirovka qilish) uchun jihozlar. Yuk ko’tarish mashinalari va almashuvchi yuk ilish moslamalari Mehnat va aholini ijtimoiy muhofaza qilish vazirining 2008 yil 17 dekabrdagi 75-sonli buyru’gi bilan va Davlat texnik nazorati (Davtexnazorat) tomonidan tasdiqlangan 46-sonli “Balandlikda ishlaganda mehnatni muhofaza qilish Qoidalari”ga asosan ekspluatatsiya qilinadilar. Bundan tashqari ular “Sanoatkontexnazorat” Davlat inspeksiyasi tomonidan tasdiqlagan “Yuk ko’tarish kranlarini ekspluatatsiya etish va qurish” qoidalari talabiga ham mos kelishi kerak. Yuk ko’tarish qobiliyatlari 1 tonnadan oshmaydigan qo’l kuchi yordamida boshqariladigan pnevmatik yoki gidravlik ko’tarish silindriga ega bo’lgan qo’z’galuvchan yoki konsolli kranlardan tashqari, barcha turdagi kranlar Davtexnazorat tashkiloti tomonidan ro’yxatdan o’tkazilgan bo’lishlari shart. Barcha yuk ko’tarish mashinalari, hamda almashtiriluvchi yuk ko’tarish moslamariga shaxsiy raqam bilan berilishi va ularni shu raqam bilan avtokorxonaning “Yuk ko’tarish mashinalari va almashtriluvchi moslamalar qaydnomasi”da ro’yxatga olinadilar. Yuk ko’tarish mashinalari korxona yozma arizasiga va mashina hujjatiga (pasport) muvofiq Davtexnazorat tashkilotiga ro’yxatga olinadilar. Mashinalar ro’yxatdan chiqarilganda yoki boshqa tashkilotga o’tkazilganda egasining yozma arizasi asosida ro’yxatdan o’chiriladi. Davtexnazorat ro’yxatiga olinishi zarur bo’gan yuk ko’tarish mashinalari ularni yangi joyda o’rnatgandan, qayta jihozlagandan va kapital ta’mirdan o’tkazilgandan so’ng ishlatilishga ruxsat olinadi. Ushbu turdagi ruxsatni olish uchun mashina egasi Davtexnazort tashkilotiga uning texnik ko’rikdan o’tkazilganligi to’’grisidagi dalolatnomani taqdim etadi. Davtexnazort tashkilotining maxalliy inspektori yuk ko’tarish mashinasi holatini qayta nazorat tikshiruvidan o’tkazishi, hamda nazorat va texnik xizmat ko’rsatish korxonasini ham tekshiruvdan o’tkazishi mumkin.

Davtexnazorat tashkilotidan qaydnomasiga kiritilishi shart bo’lmagan yuk ko’tarish mashinalarini ishlatish ruxsatini, mashinani ishlab chiqargan korxona hujjatlari va uni texnik ko’rikdan o’tkazish natijasi asosida, avtotransport korxonasidagi yuk ko’tarish mashinalarini nazorat qiluvchi shaxs tomonidan beriladi. Almashuvchi yuk ilish moslamalarini ishlatishga ham ruxsat shu shaxs tomonidan beriladi. Avtotransport korxonasida o’rnatilgan barcha yuk ko’tarish mashinalari, hamda almashuvchi yuk ilish moslamalari ishga tushirishdan avval majburiy texnik ko’rikdan o’tkazilishlari zarur. Undan so’ng har 12 oyda bir marotaba davriy qisman ko’rikdan, 3 yildan kami bilan 1 marotaba to’liq texnik ko’rikdan o’tkazilishlari shart. Navbatdan tashqari texnik ko’rik, mashina kapital ta’mirlangandan so’ng yoki mashinaning ko’tarish mexanizmi almashtirilganda, ilgaklar, arqonlar almashtirilganda mashinani ishga tushirishga ruxsat olinish zarurati tu’gilganda o’tkaziladi. Тexnik ko’rikning maqsadi yuk ko’tarish mashinasi, uning uskunasi va unga ko’rsatiladigan xizmatlarning texnik talablar va qoidalarga mos kelishini, ishlatilishi xavfsiz texnik yaroqli holatda ekanligi aniqlash xisoblanadi. Тexnik ko’rik vaqtida yuk ko’tarish mashinasi ko’zdan kechirilib chiqariladi, hamda statik va dinamik sinovlar o’tkaziladi. Тexnik ko’rikdan o’tkazish davomida mexanizm va elektr jihozlari, xavfsizlikni ta’minlovchi priborlari, tormoz va boshqaruv apparatlari, hamda yoritish va ogoxlatirgichlar ishchi jarayonida tekshiriladi. Ko’rikdan o’tkazish jarayonida metalkonstruksiyalarning holati, payvand va tig’izlik birikmalari tekshirish talab etiladi va yoriqlarni, pachoqlanish, zanglash tufayli devorlarni yupqalanishi, tig’izlik birikmalarini bo’shab qolmaganligiga ishonch hosil qilinadi. Yuk ko’tarish mashinalarini statik sinovlari jihozning, uning ba’zibir qi s mlari mustahkamligini tekshirish uchun bajariladi.

Birlamchi texnik qarov vaqtida, hamda matal konstruksiyalarni kapital ta’miridan, ko’tarish mexanizmlarining kapital ta’miridan yoki almashtirilgandan, ilgak yoki arqon almashtirgandan so’ng yuk ko’tarish mashinasi o’zining maksimal ko’tarish qobiliyatidan 25% ortiq yuklanishda, davriy texnik ko’rikda esa 10% ortiq yuklanishda sinaladi. Barcha yuk ko’tarish mashinalarinig statik sinovlari o’ta og’ir ish sharoitida (munkin bo’lgan eng katta egilish holatida) yukni 200 – 300 mm balandlikga ko’tarib, 10 minut davomida tutib turib o’tkaziladi. Dinamik sinovlar yuk ko’tarish mashinasi mexanizmi va tormozini ishlashini yuk ko’tarish qobiliyatidan 10% ortiq yuklangan holatda tekshirishdan iborat. Buning uchun yuklar qayta-qayta ko’tarilib tushiriladi, va boshqa mexanizmlarning ishlashi tekshiriladi. Dinamik sinovlarni ishchi yuk bilan o’tkazishga ruxsat etiladi. Тexnik qarovlar o’tkazilgandan so’ng qarovni o’tkazishga ma’sul bo’lgan shaxs tomonidan yuk ko’tarish mashinasining texnik pasportiga zarur bo’lgan yozuv kiritiladi. Almashuvchi ilgak moslamalarini 25% ortiq yuklanishda ko’zdan kechirish va sinash talab etiladi. Almashuvchi ilgak moslamalariga xizmat ko’rsatishga mas’ul shaxs, jihoz egasi tomonidan o’rnatilgan muddatlarda: har 6 oydan kam bo’lmagan muddatda – traversalarni, har 1 oyda qichqich va turli ilgaklarni, har 10 kunda stropa va idishlarni ko’zdan kechirishi lozim. Тekshiruv natijalari jurnalga kiritilib boriladi. Yuk ko’tarish mashinalarining maxsus tablichkasida qayd etish raqami, yuk ko’tarish qobiliyati, keyingi sinov muddati aniq ko’rsatilib qo’yilishi lozim. Yuk ko’tarish moslamalarini ekspluatatsiya qilishda asosiy amallardan biri bu po’lat arqonlarni o’z vaqtida buroqlash hisoblanadi. Ulardan e’tiborsizlik bilan foydalanish arqonning uzilishiga va noxush holatlarga olib kelishi mumkin.

Osma kajavalardan foydalanishga ularni faqat hisoblangandan 50% ortiq statik yuklanishda hamda hisoblangandan 10% ortiq dinamik yuklanishda sinalgandan keyin ruxsat beriladi va bu haqda dalolatnoma tuziladi. Agar ishlab chiqaruvchining texnik shartlari yoki yo’riqnomasi bilan boshqa muddatlar ko’zda tutilmagan bo’lsa, sinovlar kamida olti oyda bir marta o’tkaziladi. Osma kajavani ko’tarish uchun ishlatiladigan po’lat simlar hisob bilan tekshirilgan bo’lishi va to’qqiz baravardan kam bo’lmagan mustahkamlik darajasiga ega bo’lishi kerak. Osma kajavalarni ko’tarish uchun xizmat qiladigan yuk ko’tarish kranlari kranlarining tuzilishi va ulardan xavfsiz foydalanishning belgilangan talablariga javob berishi lozim. Ishlatilayotgan po’lat arqonlar bir o’ram qadamidagi uzilgan simlar sonlari orqali buroqga chiqariladi. Arqon yuzasida yeyilish yoki simlarning zanglash alomatlari sezilsa, o’ramdagi simlar soni kamaygan deb hisobga olinadi. Simning dastlabki holatidan yeyilganlik yoki zanglash 40% va undan ortiq bo’lsa, arqon buroqga chiqarilishi lozim. Arqonning aylana diametri mikrometr yordamida o’lchanadi. Davtexnazorat qoidasining talabi bo’yicha elektrotelferlar, tallar, lebedka va agregat yoki og’ir bo’laklarni tashuvchi boshqa jihozlar ko’zga yaqqol tashlanadigan ranglar (sariq fonda qalin qora chiziq) bilan bo’yalgan bo’lishlari zarur. Davriy texnik qarov vaqtida domkratlar pasport bo’yicha ruxsat etilgan yuk ko’tarish qobiliyatidan 10% ortiq yuk bilan shtokning eng yuqori holatida 10 minut davomida tutib turilib statik yuklanishda sinaladi. Gidravlik domkratlarda sinov tugamaguncha tizimdagi suyuqlik bosimining pasayishi 5% dan oshmasligi kerak. Bosim ostida ishlovchi si’gimlarni o’rnatish, tamirlash va ekspluatatsiyasi “Sanoatkontexnazorat” Davlat inspeksiyasi tomonidan tasdiqlagan “Bosim ostida ishlovchi idishlarni xavfsiz ekspluatatsiya etishni tashkil etish” Qoidalari talablari asosida amalga oshiriladi. Bu qoidalar quyidagi si’gimlar uchun ta’aluqli:

 suyultirilgan gazlar uchun sisterna va bochkalar (50°S haroratda bu’glarning bosimi 0,07 MPa dan ortiq bo’lmagan);  suyultirilgan gaz, suyuqlik, bosimsiz yoyiluvchan moddalar uchun, lekin 0,07 MPa dan ortiq bosim ostida bo’shab qoluvchi si’gim va idishlar;  bosimi 0,07 MPa dan yuqori bo’lgan siqilgan, suyultirilgan va eruvchi gazlar uchun ballonlar. Ishchi bosimi 0,07 MPa dan past bo’lgan uskunalar, suv harorati 115°S dan past bo’lgan qozonlar va bosim bilan hajm ko’paytmasi 25  P  V  200 atrofida bo’lgan si’gimlarning texnik qarovdan o’tkazish va ishlashini nazorat qilish avtotransport korxonasi ma’muriyati zimmasiga yuklatilgan. Si’gimi 100 l. dan kichik bo’lgan gazlarni tashish uchun mo’ljallangan bochkalar, ballonlar, va noishqor, zaxarsiz devorlar harorati 200°S gacha bo’lganda portlamaydigan moddalar uchun idishlardan tashqari, bosim ostida ishlovchi si’gimlar, agar ularning litr o’lchamidagi si’gimlarining bosimga ko’paytmasi 10 000 dan oshmaydigan (ishqoriy, zaxarli va portlovchi moddalar uchun 500) Davtexnazorat bo’limlarida ro’yxatdan o’tmaydilar. Qolgan barcha yuqori bosim ostida ishlovchi si’gimlar Davtexnazoratda ro’yxatdan o’tadilar. Bosim ostida ishlovchi si’gimlar 4 yilda kami bilan 1 marotaba ko’zdan kechiriladilar. Si’gimlarning muddatidan avval texnik qarovi Davtexnazorat inspektori xoxishiga binoan, hamda ularda payvandlash (yamash) jarayonlarini qo’llab tamirlangandan so’ng, qo’llanilishdan olib tashlanganidan so’ng bir yildan ortiq muddat ishlatilmaslik holatlarida si’gimlarning yaroqli holati va nazoratiga mas’ul shaxslar tomonidan o’tkaziladi. Bu’gli va suv isitish qozonlarini ekspluatatsiya qilishda xavfsizligi “Sanoatkontexnazorat” Davlat inspeksiyasi tomonidan tasdiqlagan “Bu’g va bu’g isitish qozonlarini xavfsiz ekspluatatsiya etish va qurish” Qoidalari talablariga amalga oshiriladi. Bosimi 0,7 MPa ortiq bo’lmagan qo’z’galmas va qo’z’galuvchan bu’g qozonlari, bu’gni qayta isitgichlar, va ekonomayzerlar va suv harorati 115°S dan

yuqori bo’lgan suv isitish qozonlaridan foydalanish ularni Qozonnazorat inspeksiyasida ro’yxatga olingandan so’ng ruxsat etiladi. Buning uchun ularda ishlab chiqarish korxonasi tomonidan berilgan pasport, o’rnatilish va bo’gichli kitob va uskunani binoda joylashtirish chizmalari mavjud bo’lishi kerak. Bu’g qozonlar, bu’gni qayta isitgichlar, va ekonomayzerlarni Davtexnazoratda ro’yxatdan o’tkazish uchun korxona ma’muriyati ariza yozib, uskunaning pasportini, chizmalarini, qozon texnik holati to’’grisidagi aktni, o’rnatilish sifati to’’grisida dalolatnoma, qozonxona binosining rejasi va kesma rasmi, suv taminotiga mosligi to’’grisida ma’lumotnoma, suv bilan ta’minlovchi uskunalarning soni va tavsifi bo’yicha hujjatlarni taqdim etadi. Bu’g qozonlar, bu’gni qayta isitgichlar, va ekonomayzerlarning texnik qarovi Qozonnazorati inspektori tomonidan, korxonadagi qozonxona uskunasining xavfsiz ishlashi uchun mas’ul shaxslari ishtirokida o’tkaziladi. Qozonlarning ichki qismini nazorati kami bilan 4 yilda 1 marotaba, gidravlik sinov esa kami bilan 8 yilda 1 marotaba o’tkaziladi. Qarovlar natijasi qozonning pasportida qayd etiladi. 12 oyda kami bilan bir marotaba manometrlar ko’zdan kechirilib plombalanadi. Yuqori bosimda ishlovchi si’gimlardan foydalanishda “Bosim ostida ishlovchi idishlarni xavfsiz ekspluatatsiya etishni tashkil etish” Qoidalari talabiga amal qilish kerak. Ko’chmas kompressor qurilmalari havo quvurlari va gazquvurlarini ekspluatatsiya etish va qurish “Sanoatkontexnazorat” Davlat inspeksiyasi tomonidan tasdiqlagan “Ko’chmas kompressor qurilmalari havo quvurlari va gazquvurlarini ekspluatatsiya etish va qurish” Qoidalari talablariga mos kelishi kerak.

Adabiyotlar: 1. Karimov I.A. Jahon moliyaviy-iqtisodiy inqirozi, O’zbekiston sharoitida uni bartaraf etishning yo’llari va choralari. – Т.: O’zbekiston, 2009. – 56 b. 2. Avtomobillar texnik ekspluatatsiyasi. Qayta ishlangan va to’ldirilgan ruscha 4- nashridan (prof. Kuznetsov Ye.S. tahriri ostida. M.:Nauka 2004y. 535 b.) tarjima prof. Sidiqnazarov Q.M. umumiy tahriri ostida, Toshkent “VORIS- NASHRIYOT”, 2006. – 670 b. 3. Avtomobillar texnik ekspluatatsiyasi. O’zbekiston Respublikasi Oliy va o’rta maxsus ta’lim vazirligi avtotransport oliy o’quv yurtlari talabalari uchun darslik sifatida tavsiya etgan. Prof. Sidiqnazarov Q.M. umumiy tahriri ostida, Toshkent “VORIS-NASHRIYOT”, 2008. – 560 b. 4. Tехническая эксплуатация автомобилей. Учебник для ВУЗов . Под ред. Проф. Е.С. Кузнецова . M: Наука , 200 2 g. 5. Боровских Ю.И. и др. Автомобилларнинг техник тузилиши, техник хизмат кўрсатиш ва таъмирлаш. Тошкент: «Мехнат», 2001. 6. O.Hamraqulov, Sh.Magdiyev. Avtomobillarning texnik ekspluatatsiyasi. Toshkent, 2005 yil. 7. O’zbekiston Respublikasi avtomobil transporti harakat tarkibiga texnik xizmat ko’rsatish va ta’mirlash to’g’risidagi nizom. Toshkent,1999 y. 8. Руководство по ремонту и обслуживанию. Инструкция по эксплуата ции автомобилей ДЭУ. Нексия (все модели). Ташкент, 2000 г. 9. 4.O.Xamrakulov, Sh.Magdiev. Avtomobillarning texnik ekspluatatsiyasi. Toshkent. 2005 y.

Похожие

Transport vositalariga texnik xizmat ko’rsatish va ta`mirlash tizimi

Avtomobillarga texnik xizmat ko’rsatish stansiyalari

Avtomobillarga TXK va ularni ta’mirlash mintaqalarini texnologik loyihalash

Avtomobillarga texnik xizmat ko’rsatish va ta`mirlash texnologik jarayonlari hamda uni tashkil etish

Avtomobillarga texnik xizmat ko'rsatish va ta'mirlash tizimi