Металларга резба кесиш - Транспорт - Рефераты

Металларга резба кесиш

Загружено в:

20.09.2019

Скачано:

0

Размер:

1674 KB

Металларга резба кесиш Режа: 1. Резба тўғрисида тушунча. 2. Резба турлари 3. Ички резбалар қирқишда қўлланиладиган асбоблар. 4. Ташки резба қирқиш. 5. Резба қирқишни механизациялаштириш.

Машина ва механизм деталларини бириктириш воситалари ичида энг кўп тарқалгани резбали бириктириш усулидирдир . Резба кесиш деб, детал заготовкасининг ташки ёки ички қисмидан винт чизига бўйлаб қиринди чиқариб кертишга айтилади. Резбалар ташқи ва ички бўлиши мумкин. Масалан, 1-расмда тасвирланган деталга (а) кесилган ташқи резба винт, иккинчи деталга (б) кесилган ички резба гайка деб аталади. 1-расм. Резьбали деталлар Ўнг ва чап винт чизикларининг фаркини винт ва гайка мисолида яхширок тушуниб олиш мумкин. Гайкани шпилькага соат мили йуналишида бураб киритилса, агар иккала детал гайка ва шпилькага ўнг резба кесилган бўлади. Хар кандай резба узининг қўйидаги асосий элементлари: про фили, профилнинг бурчаги ва баландлиги: қадами, резбанинг ташки, ўрта ва ички диаметрлари билан фаркланади. Резба профшшни винт ёки гайканинг ўқи буйлаб кесилганда куриш мумкин. Унинг чивиқда бир марта тупик уралишини резба ипи ёки урам деб аталади. Резба радами орасида ҳосил бўлган бурчак—профил бурчагидир. Метрик резбада бу бурчак 60°, дюймли резбада 55° ни ташкил қилади . Профил асоси билан унинг учигача бўлган ораликни резбанинг баландлиги ёки чуқурлиги (Н,) деб аталади . Ёнма-ён жойлашган икки урамнинг резба ўқи буйлаб ўлчанган узунлиги резбанинг раками деб аталади.

Резбанинг ташки диаметри (d) резбали сиртга туташган резба кесилмаган цилиндрсимон чивиқ диаметридир. Болтларда ташки диаметр резба профилининг учидан, гайкада эса чуқурчадан ўлчанади. Резбанинг ички диаметрў ( d ,) деб цилиндрнинг резбали сирти диаметрига айтилади. Болтларда ички диаметрлар резба чуқурчасидан, гайкаларда эса резба профилининг учидан ўлчанади. Резба профили асбоб кесувчи қисмининг шаклига боглик Кўпинча цилиндрсимон учбурчакли резбалар қўлланилади. Конуссимон учбурчакли резба деталларни жипс бириктириш имконини беради. Бундай резбалар конусли тикинларда, баъзан мой куйгичларда учрайди. Трапецеидал тасмали резбанинг кесими трапеция куринишида бўлиб, профил бурчаги 30° га тенг (1-расм, в). Бундай резбанинг ишкаланиш коэффициента кам, уни катта кучланишдаги харакатларни узатиш учун металл кесиш дастгоҳи, домкрат ва прессларда қўлланилади . Юмалоқ резбалар икки ёйнинг учинчи айлана ёйи билан туташувидан ҳосил бўлган айланасимон профилга эга профил бурчаги 30 о . Машинасозликда уч хил – метрик, дюймли ва қувур резбалар ишлатилади. Метрик резбанинг учлари текис кесишган учбурчак профилли бўлиб, бурчаги 60° га тенг; резбанинг диаметри ва қадами миллиметрларда ифодаланади. Дюймли резбанинг профили текис кесилган учбурчак бўлиб, бурчаги 55° га тенг. Резбанинг ҳамма ўлчамлари дюймлар, қадами бир дюймга тўғри келган ўрамлар сони билан ифодаланади. Цилиндрсимон қувур резбаси стандартлаштирилган бўлиб, майда дюймли резбани эслатади, у ўз жуфти билан тирқишсиз бирлашади қувурнинг ички диаметри резбанинг номинал диаметри сифатида қабул қилинган. Бундай резбаларни қувурларни бирлаштиришда (улашда, узайтиришда) ва юпка деворли деталларни бириктиришда ишлатилади. Цилиндрсимон қувур резбасини, масалан, труб 3/4 (рақам резбанинг дюймлардаги номинал диамет ри) тарзида

белгиланади. 1/8 дан 6 гача (1 дюймда урамлар сони 1 1 дан 28 гача) бўлган диаметрлари стандартлаштирилган. Деталларда резбани токарлик дастгоҳларида ҳамда пластик де формация усулида (накатлаш) ҳосил қилинади. Накатлаш учун на кат ролиги, резба кескичдан фойдаланилади. Ички резбаларни метчиклар, ташқисини резба кескич (плашка), прогонка ва бошқа асбоблар билан кесилади. Метчиклар қўлланиши бўйича-дастакли, машина-дастакли бўлади; конструкцияси бўйича эса яхлит, йиғма (созланадиган) ва махсус турларга бўлинади. Метчик икки асосий: ишчи ва қуйруқ қисмдан тузилган Ишчи қисми кўндаланг, тўғри ёки винт ариқчага эга бўлган винтдан иборат бўлиб, у резба кесишда ишлатилади. Ариқчалар билан чегараланган резбали қисми метчикнинг кесувчи тишлари деб аталади . Улар пона шаклига эга. Кесувчи тишларнинг олдинги, орқа ва ўткирлик бурчаклари кесувчи ва калибрловчи қисмларида ҳар хил бўлади Ўрта қаттиқликдаги пўлат учун олдин ги бурчак 5°, орқа бурчак 6°-8°. Метчикларнинг тиш профиллари силлиқланган ва силлиқланмаган ҳолда ишлаб чиқарилади. Тиш профили силлиқланган метчиклар билан ишлов берилган резба сирти тоза ва аниқ бўлади. Ариқча (канавка)лар метчикнинг кесувчи қиррасини ҳосил қилиб, қириндилар учун уя вазифасини ўтайди. Дюймли резбалар кесиш учун фойдаланиладиган дастакли (қўл) метчиклар стандартлаштирилган, улар иккита метчикдан тўпланади. Тўплами учталик яъни хомаки, ўртача ва тоза кесувчи метчикларнинг диаметрлари ҳар хил бўлади . Хомакиси дағал резба кесади: у металлдан 60 фоиз; ўртача метчик- 30 фоиз, тоза кесувчи метчик эса металлдан 10 фоиз қиринди чиқаради. Цилиндрсимон конструкцияли метчиклар тўпламидаги асбобларнинг диаметрлари турлича бўлади. Кесувчи қисмининг қиялик бурчаги тоза ишлов берувчи метчикда 12°, ўртачасида 7°, хомакисида 3° га тенг. Бу турдаги метчиклар билан берк тешикларга резба кесилади.

Конуссимон конструкцияли метчикларда ҳар учала асбоб бир хил диаметр, турли узунликдаги кесувчи қисмдан иборат бўлади. Хомаки метчикда кесувчи қисм ишчи қисмининг узунлигига, ўртачасида бу узунликнинг ярмига, тоза кесувчисида-икки ўрамга тенг. Конуссимон метчиклар билан асосан очиқ тешикларга резбалар кесилади. Гайка метчиклари ўз номи билан гайкаларга резба кесиш учун ишлатилади. Асосан икки қисмдан - кесувчи ва қуйруқдан иборат. Гайка метчикларининг қуйруғи эгилган турлари ҳам бор. Плашкали метчик ўзининг кесувчи конусининг катталиги билан гайка метчикларидан фарқланади, у резба кесиш учун ишлатилади. Комбинациялаштирилган метчиклар икки қисмдан иборат бўлиб, биринчи қисми тешикка хомаки резба кесиш, иккинчи қисми резбага узил-кесил ишлов бериш учун мўлжалланган. Резба кесишда материал қисман босилади, шунинг учун парманинг диаметри резба ички диаметри ўлчамидан каттароқ бўлиши керак Юмшоқ материалларга нисбатан қаттиқ ва мурт материалларда тешикларнинг ўлчами камроқ ўзгаради. Резбабоп тешиклар учун тегишли пармаларни маълумотнома жадвалларидан танланади. Улардан фойдаланиш мумкин бўлмаган ҳолларда метрик резба диаметри d a  d- К а Р формуласи билан аниқланади. Бу ерда: d a -парма диаметри, мм; d -резбанинг номинал диа метри, мм; К- тешикни бўлиб чиқишга боглик коэффициент. (К а  1-1,08); Р-резба қадами, мм. Метчик ўлчами. Пармадастанинг умумий узунлиги ва диаметрининг ўлчамини L  20 D Қ100 d -0,5 D Қ5 формуласи билан аниқланади. Бу ерда: L -пармадаста узунлиги, мм; D -метчик диаметри, мм; d - пармадаста дастасининг диаметри, мм. Резба кесиш усуллари . Резбабоп тешикларни пармалагандан кейин детални тиски жағлари орасига қисиб тешик ўқининг перпендикулярлигини

бурчаклик билан текшириш лозим. Чап қўл билан пармадастани метчикка босиб, ўнг қўл билан метчик металлга бир неча ўрам кириб турғун ҳолатга келгунча босиб айлантирилади. Шундан кейин пармадастанинг дастасини икки қўл билан ушлаб айлантирилади. Ишни осонлаштириш мақсадида метчикли пармадастани фақат соат мили ҳаракати йўналишида айлантиравермай, бир марта тўлик, иккинчи марта эса ярим айланишда орқага айлантириш керак Ташқи резбани дастакли усулда ёки дастгоҳда кесилади. Дастакли усулда кесишда, асосан, плашкалардан фойдаланилади. Кон структив хусусиятларига кўра улар юмалоқ накаткаланган ҳамда призмасимон турларга бўлинади. Юмалоқ плашкаларни (лерка) яхлит ва қирқма қилиб тайёрланади. Дастакли усулда резба кесишда уларни махсус пармадасталарга маҳкамлаб фойдаланилади. Яхлит плашкалар тобланган пўлат гайкадан иборат бўлиб, унга резба орқали очиқ тешик пармаланган. Тешикларнинг резба иплари билан учрашиш жойларида кесувчи қирралар ҳосил бўлган. Уларга туташган тешиклардан қириндилар чиқиб кетади. Яхлит, юмалоқ плашкаларнинг диаметрлари стандартлаштирилган: асосий метрик резбалар учун у 1 дан 76 мм. гача, дюймлилари учун- 1/4 дан I 11 гача, қувур резба учун эса 1/8 дан 1/2 // гача белгиланган қирқма плашкалар юмалоғидан қирқмаси билан фарқланади. Қирқманинг ўлчами 0,5-1,5 мм бўлиб, у резба диаметрини ўзига хос усулда 0,1-0,25 мм чегарада созлашга имкон беради. Резба кесиш жараёни . Чизма бўйича резба диаметри ҳамда ке силадиган қисмининг узунлиги аниқланади. Дастлаб чивиқнинг учида pax очилади, унинг эни резба ўрамининг баландлигидан бироз катта бўлиши керак. Берилган резбага кўра иккита плашка (кесик ва яхлит) ҳамда буларга мос дасталар танланади. Плашкаларнинг резбали ариқчалари тоза, кесувчи қирралари эса ўткир қилиб чархланган ва нуқсонсиз бўлиши зарур. Чивиқ тискага маҳкамланганда, унинг тиска жағларидан чиқиб турадиган қисми резба кесиладиган қисмининг

узунлигидан 20-25 мм ортиқ бўлиши керак. Резба кесишда чивиқнинг учи мойланади. Кесик плашкани тутқичга ўрнатиб, винтлар билан маҳкамланади. Заготовкаларга ташқи резба плашка, ички резба мет чик билан кесилади. Кўп ҳолларда қувурларга резба кесишда клупдан фойдаланилади. Қувур клупи корпус (1), узун дасталар, тўртта япалок резбали плашкалар (2) дан тузилган (273-расм, а). Планшайбани (3) буралганда резбали плашкалар марказга яқинлашади. Бу эса диаметри ҳар хил бўлган қувурларга резба кесиш имконини беради . 2-расм. Сурилувчи плашкали қувур клупи. Тузилиши ва резьба кесиш усули. Қ увурга резба кесиш қўйидаги тартибда бажарилади. Плашкани яхшилаб кўздан кечириб чиқилади: у тоза, кесувчи юзалари ўткир, ташқи нуқсонсиз бўлиши керак, қувурнинг резба кесиладиган қисми мойланиб, учини (7) қисқичга маҳкамланади . Клупни қувурга ўрнатиб, тўрт босқичда 90° дан айлантирилади. Асбобни қувурдан тескари айлантириб чиқарилади. Йирик ўлчамли деталларга резба кесиш жараёнини механизациялаш ҳамда буюмларни йиғиш, монтаж қилиш ишларини бажариш учун махсус дастакли асбоблар, чунончи, электр ва пневматик юритмали резба кескичлардан фойдаланилади. Электр юритмали резба кескич электрюритгич, редук тор, реверсив механизм ва кўкрак таянчидан тузилган.

Электрюритгич валига тишли ғилдирак маҳкамланган бўлиб, у корпус ичида жойлашган. Тишли ғилдираклар орқали ҳаракат шпинделга узатилади. Метчикни тешикка киритишдан аввал уни яхшилаб мойланади. Резба кескични тешикка қўйилганда метчик тешик ўқига перпендикуляр бўлиши керак. Электрюритгични ишга тушириш учун ўнгдаги дастанинг учига жойлаштирилган улаб-узгичнинг қалпоғини бурилади. Шундан кейин кор пус муфтасига бир оз куч билан босиб резба кесилади. Пневматик юритмали резба кескич майда резбалар кесиш учун ишлатилади. Тўрт клапанли ротацион пневматик юритгич эркин ўрнатилган тишли ғилдиракли редуктор орқали айланма ҳаракатга келтирилади. Асбоб корпусидаги тепкини босиш билан муфтанинг тишли ғилдирак билан илашиш жараёни, яъни асбобнинг иш йўли бошланади. Бу вақтда сиқилган ҳаво клапан орқали юритгичга ўтади. Ишлатилган ҳаво тешик орқали чиқиб кетади. Асбобнинг реверсив механизмига корпусдаги тешик орқали қуюқ мой юборилади. Метчикни тешикка киритишдан олдин учи мойланиб, тешик ўқига нисбатан қийшиқ турмайдиган қилиб ушланади. Уни корпусга бироз босиб турилса, муфта ғилдирак билан илашади, бу ҳолат иш йўлига (резба кесишга) мос келади. Иш тугагач, асбобни босишни тўхтатилади . Пармалаш дастгоҳларида резба кесиш учун сақлагич патрондан фойдаланилади. Берк тешикларга резба кесилаётганда метчик тешик тубига қадалиши билан асбоб автоматик усулда ўз-ўзидан тўхтайди. Сақлагич патронни дастгоҳ шпинделига оддий патрон сингари қуйруғи билан ўрнатиб, метчикни патрон ичига қийма гайка билан маҳкамланади. Пармалаш дастгоҳининг тезлигини 5-8 м/мин айланишга созлаш керак. Электрюритгич улангач метчикнинг тепиши текшириб кўрилади, кейин уни мойлаб резба кесилади .

Адабиётлар 1.Н.Макиенко, А.Умронхужаев «Чилангарлик», Тошкент, «Мехнат», 2003 й. 2.Ж.Рамазов ва бошқалар «Ўқув устахоналарида ўтказиладиган амалиёт машғулотлари», ўқув қўлланма, Тошкент, «Ўқитувчи», 1992 й. 3. Э.И.Крупицкий «Слесарлик иши», Тошкент,«Ўқитувчи»,1989 й. 4.Г.В.Крамаренко «Автомобилларга техникавий хизмат кўрсатиш», Тошкент, «Ўзбекистон», 1998 й.

Похожие

Металларга резба кесиш

Метални кесиш ва қирқиш

Пармалаш, зенкерлаш ва тешикларни кенгайтириш

Деталлар заготовкаси юзасига ишлов бериш.

Машина ва уларни йигма брикмалари монтажи ва таъмири