Автомобил транспортида юк ташишни ташкил килиш асослари - Транспорт - Рефераты

Автомобил транспортида юк ташишни ташкил килиш асослари

Загружено в:

20.09.2019

Скачано:

0

Размер:

73.5 KB

Автомобил транспортида юк ташишни ташкил к илиш асослари Режа: 1. Юк 2. Тара ва унинг хизмати 3. Юк ҳосил этувчи ва юк қабул этувчи пунктлар 4. Автотранспорт корхоналарининг юк ташиш ҳажми ва юк обороти

1. Юк Юк ташиш объектларига кон қазиш ва ишлов бериш саноатлари, қурилиш, савдо ва бошқа ташкилотларнинг маҳсулотлари ҳамда уй-рўзгор буюмлари киради. Эгасига етказиб бериш мақсадида қабул қилиниб. Ташилаётган предметлар юк деб аталади. Бошқа ўлчамлар (литр, дона, куб метр) тоннага ўтказилади. Аксарият юклар тарасиз ташилади ва уларни тарасиз ташиш дейилади. Юк (товар)нинг соф огирлиги нетто , юкнинг тара билан огирлиги брутто , таранинг ўз огирлиги тара деб аталади. Ташишни ташкил этишда юклар тонналарда ўлчанувчи брутто билан ҳисоблаб борилади. Транспорт ва ортиш-тушириш воситалари юклар хусусиятларига ва ўз навбатида юклар маълум транспорт ва ортиш-тушириш воситалари талабаларига мос бўлиши талаб этилади. Кўпчилик юклар атроф-муҳит таъсирига мойил бўлади. Баъзи юклар ҳавонинг намлиги таъсирида коррозия (занглаш)га учрайди; айрим юклар (тез бузилувчи озиқ-овқат буюмлари)га юқори даражали ҳарорат, сабзавот ва хўл мева ҳамда бошқа баъзи юкларга эса совуқ ҳаво таъсир этади. Ташиш жараёнида барча юклар турли хусусиятларига кўра гуруҳланади: масалан, зарур бўлган транспорт воситаси тури, жойлаштириш (апаковкалаш) характери, омборларда сақлаш шароити. Юклар класси ва ҳ.к. Турларига кўра: саноат, қишлоқ хўжалик, қурилиш, савдо ва коммунал хўжалик юклари бўлиши мумкин. Ортиш-тушириш ишларига кўра юклар: донали, уюб ташилувчи ва қуюлувчи юкларга бўлинади. Тарали юклар, одатда, донали юкларга киритилади. Уюб ташилувчи юкларга сочилувчан юклар (қум, шагал, тошкўмир, ўтин ва ҳ.к.) киради. Сочилувчан юкларга дон ва шунга ўхшаш маҳсулотлар киради. Донали юкларни ташишда улар жой миқдори билан ҳисоблаб борилади.

Огирлигига кўра юклар меъёрий огирликда ва огир массали юкларга бўлинади. Тарали ва донали юкларнинг жоиз меъёрий огирлиги –250 кг, думалатиладиган юклар учун –400 кг. Кўрсатилган миқдордан огир бўлган юклар огир массали юклар қаторига киритилади. Агар юк огирлиги 4-5 тоннадан ортиқ бўлса, уни ташиш учун махсус транспорт воситаси талаб қилинади. Ўлчамларига кўра юклар: габаритдаги, яъни автомобилнинг стандарт кузовида ташилиши мумкин бўлган юклар ва ногабарит юкларга бўлинади. Ногабарит юкларга баландлиги 2,5 м, эни 2,0 м ва узунлиги 3,5 м (узун ўлчовли юклардан ташқари)дан ортиқ ўлчамли юклар киради. Узун ўлчамли юкларга узунлиги кузов узунлигига қўшимча унинг учдан бир қисми ва ундан ҳам узун юклар киради. Ногабарит юклар фақатгина давлат автомобил назорати (ДАН) рухсатига биноан ва қизил чироқ (белги) ўрнатилган ҳолда ташилиши мумкин. Ташишдаги хавфсизлик даражасига кўра юклар МДҲ давлатларида 7 гуруҳга бўлинади: 1-гуруҳ-хавфсизлиги кам (қум, шагал, тупроқ, гишт ва ҳ.к.); 2-гуруҳ-тез алангаланувчи юклар (бензин, ацетон, киноплёнка ва ҳ.к.); 3-гуруҳ-иссиқ ва чанг чиқарувчи (цемент, асфальт, оҳак ва ҳ.к.); 4-гуруҳ-куйдирувчи (кислота ва ишқорлар); 5-гуруҳ-баллонда ташилувчи сиқилган ва суюлтирилган газлар; 6-гуруҳ-ногабарит (ўлчамига кўра хавфли юклар); 7-гуруҳ-портловчи, заҳарли ва радиоактив моддалар. Халқаро юк ташиш қоидаларига биноан Оврупо давлатлари хавфлилик даражасига кўра Бирлашган Миллатлар ташкилоти экспертлар қўмитаси тавсиясига кўра юкларни ташиш учун А DR келишуви номи билан ташилувчи буюм ва товарларни ташиш учун халқаро конвенция қабул қилинган бўлиб, унда юклар хавфлилик даражасига биноан қуйидаги 9 та синфга бўлинади:

1-синф-потловчи модда ва товарлар; 2-синф-газлар: сиқилган ёки юқори босим билан суюлтирилган; 3-синф-суюқ ёнилгилар; 4.1.-синф-ёнувчи қаттиқ жисмлар; 4.2.-синф-ўзи ёниб кетиш хусусиятли моддалар; 4.3.-синф-сув тегиши натижасида газ чиқарувчи моддалар; 5.1.-синф-оксидловчи моддалар; 5.2.-синф-органик переоксид (ўта оксид)лар; 6.1.-синф-заҳарли моддалар; 6.2.-синф-юқумли (инфекцион) моддалар; 7-синф-радиоактив моддалар; 8-синф-коррозияланувчи моддалар; 9-синф-ҳар хил хавфли модда ва товарлар (юқоридаги киритилмаган). Автомобилларнинг юк кўтарувчанлигидан фойдаланиш. Бу кўрсаткич юкнинг (нисбий огирлиги) ҳажмий огирлиги ва ташишга тайёрланганлиги (жойлаштириш, боглаш, пресслаш ва ҳ.к.) билан боглиқ бўлиб, юклар 4 та синфга бўлинади: 1-синф-автомобилнинг юк кўтарувчанлигидан фойдаланиш даражаси-1; 2-синф-автомобилнинг юк кўтарувчанлигидан фойдаланиш даражаси-0,5 ва ундан кам. Юкларни бу хилда таснифлаш 1 тонна юк ташиш тарифи (ҳақи)ни белгилаш учун керак. Юкларни ҳар хил синфларга киритиш учун махсус таснифнома ишлаб чиқилган. Баъзи юклар ташишга тайёрлигига кўра ҳар хил синфга мансуб бўлиши мумкин. Масалан, прессланган хашак (сомон) 2-синф, прессланмагани эса-4 синфга тегишли.

Юклар ташишдаги хавфсизлик техникаси ва меҳнат муҳофазаси талабаларига кўра ҳам таснифланади. Ташиш шартларига кўра юклар қуйидагича таснифланиши мумкин: оддий, яъни ҳеч қандай махсус мослама талаб этмайдиган; тез бузулувчи (озиқ-овқат маҳсулотлари), уларни ташиш учун махсус санитария ва ҳарорат шарт-шароитлари зарур; ўткир ва ёқимсиз хидли; тирик жонзотлар (мол ва қушлар). Бундай молларни ташиш учун транспорт воситалари ташилувчи молни ташиш учун транспорт воситалари ташилувчи молларни йўлда озиқлантириш ва улар аҳлатини тозалаш ва ҳ.к.ларга мосланган бўлиши зарур. Омборларда сақлаш шарт-шароитларига кўра юклар 4 гуруҳга бўлинади: ёгингарчилик ва ҳарорат ўзгариб туришидан бузилмайдиган (қум шагал, майдаланган тош, тошкўмир ва ҳ.к.). Бундай юкларни усти очиқ майдончаларга сақлаш мумкин. ёгингарчилик таъсирида бузиладиган (металл ва металл буюмлар, гишт ва ҳ.к). Бундай юклар усти берк айвончаларда сақланиши зарур. ёгинграчилик ва ҳароратнинг ўзгариши натижасида бузилувчи юклар. Бундай юкларни беркитилган ва иссиқ (совуқ)ни изоляцияловчи ва мўътадил ҳароратли хоналарда сақлаш талаб этилади (тез бузилувчи товарлар музлатгичларда, музлаши мумкин бўлмаган суюқликлар эса иситилувчи омборларда ва ҳ.к); махсус резервуар (идиш)ларда сақланувчи юклар (суюқ ёнилги, мойлар ва шу кабилар). Жойлаб саранжомлаш (апаковкалаш) ҳарактерига кўра юклар тарали ва тарасиз хилларга бўлинади. Юкларни таснифлаш транспорт воситаси, ташиш усулларидан яхшироқ фойдаланиш, орти-тушириш ишларида механизациядан фойдаланиш учун зарурдир.

2. Тара ва унинг хизмати Ортиш ва тушириш, ташиш ва сақлаш операцияларида юклар бузилишининг олдини олиш учун таралардан фойдаланилади. Таралар мустаҳкам, кўп маротаба фойдаланишга мўлжалланган ва иложи борича, арзон материаллардан ясалган бўлиши зарур. Таралар габарити, шакли, унга жойлаштирувчи юкнинг огирлик миқдори ҳамда ишлатувчи материалларга кўра ўз стандарт (андоза)ларига эга. Таралар қуйидагича ажратилади: қаттиқлик даражасига кўра: а) маълум шаклли қаттиқ (яшик, бочка ва ҳ.к.); б) юмшоқ (қоплар), ўз шаклини юк тўлдирилгандан сўнг олади; в) ўртача қаттиқликдаги; материалига кўра: ёгочдан ясалган; шишали, сапол (керамика), қогоз- картонли, тўқима корзина. Одатда, ташиш, ортиш ва тушириш операцияларида юкларнинг бутлигини сақлаш мақсадида таралар маркировкаланади. Маркировкалаш тўрт хил бўлади: товар маркировкаси-ишлаб чиқарувчи завод номи, юк тури ва унинг огирлиги кўрсатилади; юк маркировкаси-жўнатилиш ва қабул қилиш жойи; транспорт маркировкаси-тўлдирилган товар хужжати нмери (тартиби) ва жойлар сони кўрсатилади; махсус маркировка-юкнинг айрим хусусиятлари кўрсатилади: «сурилмасин», «устки қисми», «эҳтиёт бўлинг-синади» ёки фужер расми, «нурдан сақланг» ва ҳ.к. Маркировкада кўрсатилган талабларни бажариш ташилувчилар, ортиш ва тушириш операциясини бажарувчилар, омборларда сақловчилар ва бошқа шахслар учун мажбурийдир. Таралар контейнер ва тагликлар кўринишида бўлади.

Контейнер-бу кўп маротаба ишлатилувчи тара бўлиб, улар транспорт воситаларидаги ортиш-тушириш ишларини механизациялашга имкон беради. Давлат стандартларига биноан контейнерлар брутто массаси 10, 20 ва 30 тоннали кўп юк ташувчи (сув ва қуруқлик транспортларида қўлланилувчи), 2,5... 5 тонали (темир йўлларда қўлланилувчи) ва кам тоннажли (0,625...1,25 т) автомобил контейнерларига бўлинади. Контейнерларда юк ташишнинг асосий афзалликлари қуйидагилардан иборат: ортиш ва тушириш операцияларида транспрт воситаларининг туриб қолиши камаяди; меҳнат сарфи камаяди, чунки транспорт воситасиплатформасидан юкларни туширишга нисбатан контейнердан тушириш ва унга ортиш анча кам меҳнат талаб қилади; аралаш транспорт турларида ташишда контейнерларда юк ташиш ўнгайлиги. Чунки бир транспорт туридан иккинчисига контейнерни ўтказишда, пломбасининг бутлиги текширилади, холос. Ҳужжат алмашуви анча осонлашади. Тагликлар ясси, устунчали ва яшик турида бўлиши мумкин. Ясси тагликлар энг кўп тарқалган бўлиб, вилкали кўтаргичлар билан ортиш ва туширишга мўлжалланган. Тагликлардаги юкларни кўп қаватли этиб омборларда сақлаш ҳам мумкин. Устунчали тагликларнинг бурчакларида (ўрнатилган ёки алмаштирилувчи) устунчалар бўлиб, улар юкларни мустаҳкамлаб ташишда ишлатилади. Яшик туридаги тагликлар деворчалари мустаҳкамланган ёки шарнир орқали йигилувчи бўлиши мумкин. 3. Юк ҳосил этувчи ва юк қабул этувчи пунктлар Юклар йигилувчи пунктлар юк ҳосил этувчи пунктлар деб аталади.

Юк йигилувчи ва қабул этилувчи асосий пунктларга саноат корхоналари, жамоа ва фермер хўжаликлари, тегирмон (элеватор)лар, сув портлари, аэропортлар, қурилиш майдонлари, моддий-техника таъминоти база ва омборлари, дўкон ва шу кабилар киради. Асосий юк ҳосил этувчи пунтклар характери айни худуд ва ундан ташқарида фойдаланувчи ва истеъмол этилувчи саноат ёки қишлоқ хўжалик маҳсулотлари тури билан боглиқдир. Автомобил транспорти билан жўнатилувчи умумий юк миқдори ишлаб чиқарувчи корхоналар қуввати, қтшлоқ хўжалиги майдонлари ва улардаги иш унумдорлиги билан боглиқдир. Юк ҳосил этувчи пунктлар қаторига ҳар куни кам миқдорда юк ташиладиган бир қанча объектлар ҳам киритилиши мумкин. Буларга бозорлар, дўконлар, аҳоли яшовчи жойлардан чиқувчи ахлатларни ташиш киради. 4. Автотранспорт корхоналарининг юк ташиш ҳажми ва юк обороти Ҳар қандай автотранспорт корхонасининг юк ташиш ҳажми -бу ташишга мўлжалланган ёки маълум давр ичида ташилган, тонналарда ўлчанувчи юк миқдоридир. Автотранспорт корхонасининг юк обороти дейилганда маълум давр ичида ташилган юк миқдорининг ташиш масофасига кўпайтмаси тушинилади ва у тонна-километрда ўлчанади. Юк ташиш ҳажми ва юк обороти бажарилиш вақтига кўра бир суткали, бир ойли, бир чоракли, ярим йилли ва бир йилли бўлиши мумкин. Бир йилли юк ташиш ҳажми ва юк обороти одатда нотекис бўлиб, унга баъзи юклар ташилишининг мавсумийлиги, ойлар бўйича календарь ва иш кунлари сони, йўл-иқлим шароитлари ва бошқалар таъсир этади. Бир йилли юк обороти (ташиш ҳажми) нотекислигининг Ўзбекистон шароитида охирги йиллардаги чораклар бўйича бўлиниши қуйидагича: I чорак-23...23,5%, II -чорак 24...24,5%, III -26...27% ва IV -25...25,5% ни ташкил қилаётир.

Юк оборотининг нотекислик даражаси нотекислик коэффициенти билан ҳарактерланиб, у максимал юк оборотининг ўртача юк обороти қийматига нисбати билан аниқланади, яъни уртР Рmax   Юк оқимлари Юк оқимлари бир томонлама ва икки томонлама (қарама-қарши йўналишда) бўлиши мумкин. Юк оқими икки томонлама бўлганда юк массаси кўп бўлган йўналиши асосий (тўгри) ва кам юк массали йўналиш эса тескари йўналиш деб юритилади. Тўгри ва тескари йўналишлар ўртасидаги фарқ, яъни массаси катта бўлган юк оқими миқдорини кам юк оқимига нисбати нотекислик коэффициенти билан баҳоланади. Юк оқими таркибига ҳар хил юклар кириши мумкин. Бундай таркиб кўп омиллар билан боглиқдир. Юк оқими тузилишининг уч турини ажратиш мумкин: тармоқли гуруҳли ва турдош. Тармоқли тузилиш халқ хўжалигининг маълум тармогидаги юкларни ташиш билан боглиқдир: тог-руда саноати, машинасозлик, қишлоқ хўжалиги, савдо ва шу кабилар. Гуруҳли тузилиш умум фойдаланиладиган ва маълум гуруҳга мансуб юкларни ташиш билан боглиқ қурилиш юклари, қаттиқ ва суюқ ёнилги, озиқ-овқат товарлари. Турдош тузилиш муайян турдаги юкларнигина ташиш билан боглиқ. Микрохудудлар ва уларнинг ҳосил бўлиши Амалиётда йирик шаҳар, иқтисодий худуд ёки аҳоли яшаш жойларида юк обороти кичик бўлиб, юк жўнатувчи ва қабул қилувчи пунктлар сони кўп ва тармоқ жойлашган бўлса, уларни ўзаро микроҳудудларга бирлаштириш мумкин.

Микроҳудуд дейилганда катта бўлмаган ер участкаси (бўлаги) тушинилиб, унда ҳар хил миқдордаги юк оборотли пунктлар жойлаштирилган бўлади. Амалда айни пунктлардаги юк оборотининг катта-кичиклиги, илгаридан мавжуд йўл шахобчалари ва кўчалар, кўприклар жойлашуви, сув (анҳор, дарё) тўсиқлари ва улардан ўтиш ҳамда рухсат этилган ҳаракат йўналишлари ва шу кабиларни ҳисобга олувчи транспорт алоқалари инобатга олиниб, микроҳудуд чегаралари белгиланилади. Амалдаги қоидаларга кўра ҳар бир микроҳудудда юк жўнатувчи ёки қабул этилувчи биргина юк пункти бўлиши тавсия этилади.

Адабиётлар 1.Хўжаев Б.А. Автомобилларда юк ва пассажирлар ташиш асослари. Т.: «Ўзбекистон», 2002. -240 б. 2.Ходжаев Б.А. Автомобильные перевозки. Т.: «Укитувчи», 1991. -400с. 3.Ходжаев Б.А. Грузовые автомобильные перевозки. Т.: «Укитувчи», 1984. 4.Хўжаев Б.А. Автомобил транспорти иқтисодиёти. Т.: «Ўқитувчи», 1992. 5. Ходош М.С. Грузовые автомобильные перевозки. М.: «Транспорт», 1986. -208 с.

Похожие

Юк автомабилларида ташишни ташкил этиш асослари.

Юк ташишни ташкил этиш тизимлари.

Шахарлараро ва давлатлараро йуналишларда юк ташишни ташкил этиш асослари.Шахарлараро ва давлатлараро йуналишларда юк ташишни ташкил этиш асослари.

Автомобил транспортида ортиш-тушириш ишларини ташкил этиш ва механизациялаш.

Автомобилларда юк ва йуловчи ташишни ташкил этиш» буйича: