Автомобил транспорти воситаларининг эксплуатацион хусусиятлари - Транспорт - Рефераты

Автомобил транспорти воситаларининг эксплуатацион хусусиятлари

Загружено в:

20.09.2019

Скачано:

0

Размер:

59.5 KB

Автомобил транспорти воситаларининг эксплуатацион хусусиятлари Режа: 1. Автомобилларни эксплуатация қилиш шароитлари 2. Автомобиллар саройи таркиби

1. Автомобилларни эксплуатация қилиш шароитлари Халқ хўжалигининг турли тармоқларида сарфланувчи капитал маблагларни иқтисодий самарадорлигини аниқлашнинг намунали йўриқномасига кўра жорий этилган ҳар қандай янги техника ёки технологиянинг иқтисодий самарадорлигини келтирилган харажатларининг энг кам (минимал) бўлишлигига кўра таққосланиб аниқлаш тавсия этилади. Ушбу намунали йўриқномани ҳисобга олган ҳолда проф.Д.П.Великанов автомобил (автобус) ишининг самарадорлигини баҳоловчи асосий кўтаркич сифатида ташиш билан боглиқ бўлган келтирилган ҳаражатлар (транспорт иши бирлигига тўгри келувчи жорий эксплуатация ҳаражати ва капитал маблаглардан фойдаланишнинг бир йиллик самарадорлиги йигиндиси)дан ҳамда автомобилларни ишлатишдаги меҳнат сарфини камайтириш, иссиқлик қуввати ва материаллар сарфи тежамлигидан фойдаланишни таклиф этди. Ташишга сарфланган келтирилган харажатлар миқдори қуйидаги формула орқали аниқланиши мумкин:  йил b э келт Р Б К Х Х    15,0 , сўм  ткм (1) бунда: Х э -маҳсулот (ташиш, хизмат) таннархида ҳисобга олинадиган йиллик жорий харажатлар миқдори; 0,15-капитал харажатлар самарадорлигининг тармоқ меъёрий коэффициенти; К-янги техника остиб олиш ёки янги технологияни жорий этишга сарфланган бир йўла капитал маблаглар; Б b -автомобил (тиркама)ни ҳисобдан чиқаришдаги қолдиги (янгисидан 10% миқдорда олинади), сўм.

Р йил -транспорт воситасининг бир йиллик ўртача иш унуми, ткм (пас.км). Келтирилган харажатларга кўп жиҳатдан автобуслар сигими, юк автомобилларининг юк кўтарувчанлиги таъсир этади. Бинобарин, транспорт воситаларининг самарадорлигини ошириш учун, иложи борича, катта сигимли автобуслар, юк кўтарувчанлиги юқори бўлган автомобил ва автопоездлардан фойдаланиш зарур экан. Пассажирлар ва юк ташишда ҳайдовчилар, кондукторлар ва юкловчиларнинг меҳнати анча каттадир. Ортиш ва тушириш операцияларини механизациялаш ва тўгри ташкил этиш транспорт воситаларидан фойдаланишдаги меҳнат сигимини анчагина камайтириш имконини беради. Автобуслар сигими ва юк автомобил (автопоезд) ларининг юк кўтарувчанлиги қанча катта бўлса, транспорт иши бирлигига тўгри келувчи меҳнат сигими шунча кам бўлади. Пассажирлар оқими кам бўлган маршрутларда кичик сигимли автобуслардан фойдаланиш, зарур бўлганда уларнинг ҳаракат интервалини қисқартириш керак. Кам ҳажмли юкларни ташишда ҳам ишни шу тарзда ташкил қилиш зарур. Транспорт воситаларининг эксплуатацион хусусиятлари Автомобил транспорти воситалари ишончли, юқори тортиш-динамик хусусиятли, ўтагон, етарли даражада юрув заҳирасига эга, юқори тежамли, енгил хизмат талаб этувчи ва ҳайдовчилар меҳнат шароити меъёрли, максимал миқдорда таший олиш хусусиятларига эга бўлиши зарур. Транспорт воситасининг таший олиш хусусиятларига айни ташишга қўйиладиган талабларга риоя қилинган ҳолда автобуслар учун пассажирларни сигдира олиши, юк автомобили ва автопоездлар учун кузовнинг юк кўтариш. Автобус сигими унинг салонига белгиланган жоиз меъёрга кўра қанча пассажирни сигдира олишидир. Автомобил (автопоезд)нинг кўтарувчанлиги,

бу унинг кузовдаги, юкнинг солиштирма огирлигини инобатга олган ҳолда тоннада ўлчанувчи юк миқдори билан белгиланади. Юк кўтарувчанлик ёки автобус сигими белгиланган ортиш баландлигида улар кузови ва салони габарит ўлчамларига боглиқ. Ортиш баландлиги ташилаётган юклар тури, характери, улар упаковкаси ёки тарасига боглиқдир. Автобуслар сигими эса, ўриндиқлар сони, салоннинг бўш сатҳи ва нисбий меъёрларга боглиқдир. Ташиш хусусиятининг юқори даражасига эришиш учун транспорт габаритидан юқори даражада фойдаланиш лозим. Юк автомобилларининг таший олиш хусусиятига балардан ташқари қуйидагилар таъсир этади: юкларнинг ташишга мослашганлиги (гўшт, сут, қурилиш панель ва фермалари ва ҳ.к.); автомобиллар кузовининг ташилувчи юклар тури ва характерига мослиги (қуйилувчи, сочилувчи, узун ўлчамли, тирик мол ва ҳ.к.); ортиш-тушириш операцияларининг тез бажарилишига мосланганлиги (ўзи агдарувчи-самосваллар); баъзи санитария-техник ишларни тез ва қулай бажаришга мослиги (дезинфекция-юқимсизлаштириш, ювиб-тозалаш, вентиляция). +атновнинг равонлиги (эластиклиги), яъни автомобилнинг ўнқир-чуқурлардан ўтишдаги тебранишини зудлик билан сўндириш хусусияти алоҳида ўрин эгаллайди. Чунки шундагина ташилаётган юклар сифат ва миқдорининг сақланувчи юқори даражада бўлади. Пассажирларни ташишни ташкил этишда автобуслар қуйидаги хусусиятларга эга бўлиши лозим: пассажирларнинг чиқиши ёки тушишидаги қулайлик, пассажирлар ўриндиқларининг комфортабеллиги ҳамда бошқарувнинг енгиллиги. Шаҳар автобусларида, пассажирларнинг чиқиш ва тушиш вақти, улар умум қатнов вақтининг кўпроқ улушини ташкил этганлиги учун пассажирлар ўртача алоқа тезлигига анчагина таъсир этади. Бундай вақт сарфи иложи борича камайтирилиши зарур. Шунинг учун ҳам шаҳар автобуслари конструкциясида бир неча (иккитадан кам бўлмаган) эшиклар бўлади.

Автомобилларни эксплуатация қилиш шароитлари дейилганда ташишни бажариш билан боглиқ транспорт, йўл, табиий-иқлим ва ташкилий-техник каби ташқи омилларнинг биргаликдаги таъсири тушунилади. Транспорт шароитлари . Бу тушунчага қуйидагилар киради: юкнинг тури ёки унинг номи, физик-механик хусусиятлари; ҳажмий массаси (солиштирма огирлиги); упаковкаси (жойлаштириш) тури; масса миқдори ва бирлиги, ташишда бузилмай боришни таъминлаш шартлари, нархи, етказиб бериш муддати. Юк ташиш ҳажмига қуйидагилар киради: вақт бирлигида (йил, ой ёки кун) ташишга мулжалланилган юкнинг тонна ўлчамидаги миқдори; жўнатиш партияси-бир автомобил (автопоезд)да бир маҳалда тонна ўлчамида қанча юк жўнатиш мумкинлиги; жўнатиш партиясини йириклаштириш имконияти. Ортиш ва тушириш усуллари . Ортиш ва тушириш операциялари механизациялаш воситаларининг у ёки бу турини қўллаб, ёки қўл (мускул) кучи билан бажарилиши мумкин. Ташиш масофаси . Юк ва пассажирларнинг қанча масофага (км) ташилишидир. Йўл шароитлари . Йўл шароитлари йўл дейилганда қопламасининг кўприк ва бошқа иншоотларга транспорт воситалари ўқларидан тушувчи жоиз чегаравий юкланишлардаги мустаҳкамлиги тушунилади. Жой рельфи - текис, баланд-паст, тогли рельефда бўлиши мумкин. Йўл плани ва профили элементларига йўлнинг бўйлама энг катта нишаблиги (унинг такрорланиши, узунлиги), йўлнинг пландаги эгри- бугрилиги, юриш (ҳаракатланиш) қисмининг эни, полосалари сони ва тегишли меъёрлари билан белгиланувчи бошқа кўрсаткичлари киради. Йўл қопламасининг текислиги йўлнинг тури (капитал цемент ёки асфальт-бетон), қоплама текислигининг барқарорлиги ёки унинг барқарор эмаслиги, ўткинчи типдаги қопламалилиги (шагал, чақиқ тош ва ҳ.к.) билан аниқланади.

Ҳаракат жадаллиги . Йил, сутка ичида ўртача ҳаракат зичлигининг барқарорлигидир. Бундай кўрсаткич хафтанинг кунлари ва сутканинг ҳар бир соати бўйича инобатга олинади; ҳаракатнинг характери (онда-сонда ёки бетўхтов); ҳаракат тури (шаҳар ичи, шаҳардан ташқари, йўлдан ташқари). Ўта олиш ҳолатининг барқарорлиги . Бунда қиш вақтларида йўлнинг қор билан қопланиши (унинг давомэтиши), қопламасиз йўлларда эса ёгингарчилик натижасида ҳаракатнинг огирлашиши, чанглилик ва бошқа шароитлар киради. Табиат-иқлим шароитлари . Бунда худудлар назарда тутилади. Улар совуқ иқлимли жойлар, иссиқ иқлимли жойлар, иссиқ иқлимли жойлар ҳамда мўътадил иқлимли жойларга бўлинади. Худудлар асосан ҳавонинг ҳарорати ва бошқа хусусиятларга биноан бўлинади. Ташкилий-техник шароитлар . Иш режими: автомобилнинг ишда бўлиш вақти; сутка давомида босиб ўтилган ўртача масофа (км); йил давомидаги иш кунлари; йиллик босиб ўтилган ўртача масофа (км); йил давомида ойлар бўйича, хафта кунлари ичида, сутка соатлари бўйича ташишнинг бир текисдалиги, ҳайдовчилар ишининг ташкил этилиши. Ташишни ташкил этиш ва маршрутлар тури : маршрутлар маятник ва айлана тарзда бўлиши мумкин. Узоқ масофаларга ташишлар «ташиш елкалари» ёки тўгридан-тўгри автопоездлар қатнайдиган тизимларда ташкил этилиши мумкин. Автомобилларни сақлаш, техник хизмат кўрсатиш ва таъмирлаш шароитлари . Автомобилларни ёпиқ биноларда сақлаш мумкин; техник хизматни марказлаштирилган ёки тарқоқ усулда ўтказиш мумкин; автомобилларни таъмирлаш ва уларни ўтказишни механизациялаш даражаси каби шароитлар назарда тутилади.

2. Автомобиллар саройи таркиби Махсус илмий-текшириш институтларининг тадқиқотларига кўра юк автомобиллари саройининг оқилона таркибида юк кўтарувчанлиги кичик (яъни 2 т гача) автомобиллар 22-24 фоизни, юк кўтарувчанлиги ўртача (яъни 2,1-5,0 т гача) 40-42 фоизни ва юк кўтарувчанлиги катта (яъни 5,1 т дан ортиқ) 32-36 фоизни, шу жумладан 8 т дан ортиқ бўлганлари 19-21 фоизни ташкил этиши зарур. Келажакда кам юк кўтарувчи автомобилларга талаб ўзгармаган ҳолда, ўртача юк кўтарувчи автомобиллар улуши 31-33 фоизгача камайиши уларнинг тиркама билан ишловчилари 8 фоиз ва ярим тиркамали тягачлари 2-3 фоизини ташкил этиши мақсадга мувофиқ деб топилган. 5,1-8,0 т гача юк кўтарувчи автомобилларга бўлган талаб 13-15 фоиз, 8,0 т дан ортиқ юк кўтарувчи автомобиллар 26-28 фоиз, бунда тиркама билан ишловчилари 5-6 фоиз ва ярим тиркамали тягачлар 8-9 фоиз миқдорида бўлиши мўлжалланган. Мутахассисларни ҳисобига кўра, юк автомобиллари таркибларини такомиллаштириш уларни ишлатиш харажатларини 16 фоизгача камайтириши, ёнилгига бўлган талабга нисбатан 27 фоизгача ҳамда ишловчиларга бўлган талабга нисбатан 35 фоизгача самара бериши мумкин экан. Автомобил транспорти илмий-текшириш институтининг тадқиқотларига биноан, умумий ҳажмда ташилаётган юкларнинг 70 фоизи самосвал-автомобилларда, 23-2 фоизи универсал бортли ва бошқа автомобилларда ҳамда қолгани цистерна ва фургон кузовли автомобилларда ташилиши мақсадга мувофиқ деб топилган. Амалда эса самосвал автомобилларда 65 фоиз, универсал автомобилларда 30-35 фоизгача (юқоридаги белгиланган тавсиядан кам) миқдорда ташилаётир. Бунинг натижасида халқ хўжалиги тармоқлари қўшимча чиқимдор бўлиши билан бирга автомобил транспорти корхоналари ҳамда юк эгалари нобудгарчиликка йўл қўймоқдалар.

Автомобил транспорти илмий-текшириш институтининг ҳисобларига кўра шаҳар шароитларида ишловчи автобус саройларининг мақсадга мувофиқ таркиби келтирилган харажатлар энг кам бўлиши учун кичик классли автобуслар (пассажирлар сигими 40 гача) улуши 33 фоиздан ошиқроқ, ўрта классли автобуслар (пассажирлар сигими 60 гача) 17,2 фоиз, катта классли автобуслар (пассажирлар сигими 80-110 гача) ва алоҳида катта классли автобуслар (пассажирлар сигими 120 дан ортиқ) 27,4 фоиз бўлиши тавсия этилади. Тегишлича, бу рақамлар шаҳар атрофи йўналишларида 30, 29, 36 ва 5 фоизда ҳамда шаҳарлараро пассажирларни ташишда эса 26, 24 ва 50 фоизда бўлиши тавсия этилади. Шаҳарлараро пассажирларга хизмат қилишда алоҳида катта сигимли автомобилларга эҳтиёж бўлмайди.

Адабиётлар 1.Хўжаев Б.А. Автомобилларда юк ва пассажирлар ташиш асослари. Т.: «Ўзбекистон», 2002. -240 б. 2.Ходжаев Б.А. Автомобильные перевозки. Т.: «Укитувчи», 1991. -400с. 3.Ходжаев Б.А. Грузовые автомобильные перевозки. Т.: «Укитувчи», 1984. 4.Хўжаев Б.А. Автомобил транспорти иқтисодиёти. Т.: «Ўқитувчи», 1992. 5. Ходош М.С. Грузовые автомобильные перевозки. М.: «Транспорт», 1986. -208 с.

Похожие

Автомобил транспорти воситаларининг техник ҳолати. Умумий қоидалар

Замонавий ва истикболли автомобил транспорти воситаларининг хисоби ва конструкцияси

Транспорт воситаларининг эксплуатацион хусусияти.

Автомобил шиналари эксплуатациясининг ўзига хос хусусиятлари

Транспорт воситалари