Йигириш корхоналарида пахтани кабул килиш, саклаш ва сарфлаш - Текстиль - Рефераты

Йигириш корхоналарида пахтани кабул килиш, саклаш ва сарфлаш

Загружено в:

20.09.2019

Скачано:

0

Размер:

45 KB

Й игириш корхоналарида пахтани қабул қилиш, сақлаш ва сарфлаш Режа: 1. Пахта толасини қабул қилиш ва сақлашдаги талаблар, қоидалар. 2. Толаларни транспортировка қилиш ва ишлатиш. Марка ва штапель тушунчаси. 3. Типли сараланмалар. 4. Сараланмада қайтимлар ва толали чиқиндиларни ишлатиш.

Пахта толасини қабул қилиш ва сақлашдаги талаблар, қоидалар. Йигириш ишлаб чиқваришининг масъулиятли тадбирларидан бири хом ашёни танлаш ва уни оқилона ишлатишдан иборатдир. Пахта толаси йигириш корхоналарига прессланган холатда – той тарзида келтирилади. Стандарт ўлчамли тойлар 735х980х620 мм бўлим, унда 600-650 кг/м 3 куч билан прессланган 200-220 баъзан 250 кг тола бўлади. Амалдаги ГОСТга кўра корхоналарда пахта толасини қабул қилиш миқдори ва сифат бўйича амалга оширилади. Ҳар бир той оғирлигини текшириш кўп вақт ва куч талаб этишини ҳисобга олиб келтирилган умумий тойлар сонини 1% оғирлиги бўйича текширилади. Текшириш натижаси умумий тойлар сонига тадбиқ этилади ва расмий ҳужжат далолатнома тузилади. Далолатнома пахтани қабул қилувчи, классификатор ва омбор вакили томонидан имзоланади. Бу тартиб бирлашма омборидан корхона хом ашё қабул қилганда қўлланилади. Агар корхона ёки бирлашма пахта заводидан хом ашёни қабул қилса келтирилган тойларнинг маълум бир қисмини умумий оғирлиги текшириб, фарқи ақилнади ва пахта заводи вакили чақиртирилади. Биргаликда қайта текшириш ўтказилиб эътироз расмийлаштирилади. Сифат бўйича қабул қилишда 5 тадан 50 тагача бўлган партиядан бешта, 50 тадан кўп бўлса 5 та ва унга қўшимча ҳар бир 10 та тойдан 1 та той танланиб хом ашё лабораторияси текширилади ва сертификат кўрсатгичларига қиёсланган холда махсус дафтарга қайд қилинади. Пахта толаси кондицион, яъни нормал намликдаги массасига қараб қабул қилинади ва унга асосан хисоб китоб қилинади. Кондицион масса қуйидагича аниқланади:][ 100 100 кг W W m m X H х k    m ҳ - пахта толасининг ҳисобиё массаси, кг. W H - пахта толасининг нормал намлиги, %.

W X - пахта толасининг ҳақиқий намлиги, %. Ҳисобий масса: m ҳ = m ҳақ - m ’ m ҳақ - пахта толасининг ҳақиқий массаси, кг. m ’ – ифлослик даражаси бўйича чегирма ёки қўшимча миқдор, кг.100 Н Х x И И m m   И Ҳ - пахта толасининг ҳақиқий ифлослиги, %. И Н - пахта толасининг нормал (меёрий) ифлослиги, %. Йигириш жараёнлари барқарор ўтиши ва ишлаб чиқаришни бетўхтов амалга ошириш учун ҳар бир йигирув корхонасида уч ойга етарли миқдордаги пахта – хом ашё омборлари бўлиши шарт. Омборлар фабрикалардан кўпи билан 50-150 м узоқликда жойлашиш керак. Пахта ёнадиган ва ўзига намни тез оладиган махсулот бўлгани учун омборлар ёнғинга қарши воситалар билан тўла таъминланган, қуруқ ва қор ёмғирдан тўсилган бўлиши керак. Пахтани ўз ўзидан ёниб кетишини олдини олиш мақсадида вентиляция шахобчаси ўрнатилади. Толаларни транспортировка қилиш. Марка ва штапел тушунчаси. Пахтани ташиб кетиш қулай бўлиши учун пахта тойлари 5-6 қатор қилиб, устма-уст тахланади, буни штабель деб аталади. Бир хил маркадаги ҳамма той бир жойга тахланиши, уларни олдига бориш қулай бўлиши керак. Пахта чиримаслиги учун тойларнинг остига тахталар қўйилади, тойларни табиий шамоллатиб туриш учун улар орасида тирқишлар қолдирилади. Малум бир даврда терилган бир хил селекдион навдаги тола тойларининг сони партия деб аталади. Тойларга 40х150 мм ўлчамли картон қоғози – “ёрлиқ” қистирилган бўлиб унга сонлар ёзилган бўлади. 24 – 190 – 29

24-пахта заводининг номери, 190-партия-вагон номери, 29-тола маркасининг номери. Ҳар бир марказдаги пахта толаси сертификат, ҳужжати билан бирга жўнатилади. Сертификатда пахта толасининг асосий физикавий-механикавий хоссалари - толанинг узунлиги, чизиқий зичлиги, пишиғлиги, ифлослиги, нави, намлиги каби хусусиятлар кўрсатилган бўлади. Пахта тойлари омборлардан цехларга механизациялаштирилган усулда ташиб келтирилади. Бунда телфер-конфейер ёки автокўтаргич ишлатилади. Ўзбекистон шароитидан пахта толасини ишлатилишининг ўзига хос томонлари мавжу, бу қишнинг нам ва совуқ ёзнинг эса иссиқ ва қуруқ бўлиши билан боғлиқ. Корохоналар аралашмадаги толаларнинг хусусиятларининг айниқса намлигини бир хилда сақлаш учун тадбирлар жорий қилинган, булар қўйидагилар: - бир кеча кундузлик омбор ташкил этилди; - бу омборда ставкалар ташкил этилди; - тойлардаги сим беллоғларнинг учтаси қолдирилиб қолганлари ечиб ташланади; - ставка ишлатишдан олдин камида 24 соат цех хароратига ва намлигига яқин шаройитда сақланади. Биз қиш фасли учун. Ёзда бунга қўшимча қилиниб тузилган ставка алохида хона ёки омборда кучли намлик остида 24 соат сақланиб кейин цехга ишлатишга юборилади. Типли сараланмалар. Белгиланган сифат кўрсаткичларга эга бўлган ип тайёрлаш имконини берувчи турли маркадаги толалар аралашмаси саралама дейилади. Турли мақсадларда ишлатишга мўлжалланган ип ишлаб чиқариш учун илғор корхоналар тажрибасига асосланган холда ЦНИХБИ ва ИВНИТИ тамонидан типли сараланмалар тавсия этилади.

Тавсия этилаётган типли сараланмалар кўпларида пахта толасининг бир неча тип ва навлардан ташкил топган бўлади. Типли сараланманинг асосий ташкил этувчи навга базис нави дейилади ва унинг миқдори 60% дан кам бўлмаслиги талаб этилади. Сараланмаларда толанинг типлари арабча рақамлар орқали, нави эса лотин рақамлари орқали белгиланган бўлади. Масалан 5- II (5 тип II -нав) . Агар сараланма бир неча тип ва навданги тола ундан кейин эса бошқа тип кўрсатилади. Масалан 5- I ; 5- II ; 6- I (60% дан кам бўлмаган 5 тип 1 нав тола; 5-30% 5 тип II нав тола; 6-5% 6 тип I нав тола эканлигини билдиради). Сараланмада қайтимлар ва толали ишлатилиши. Йигирилган ип таннархида хом ашё асосий миқдорни белгилаб 75- 80% ни ташкил этади. Шунинг учун хом ашёдан тежамкорлик билан оқилона фойдаланиш лозим. Йигириш фабрикаларда типли сараланмалардан ишчи сараланмалар тузилади. Ишчи аралашмаларда 5% гача қайтимлар ишлатилади. Қайтимлар холст узуқлари, пилта ва пилик ва узуқлари ва йигириш момиғидан иборат бўлиб улар маълум ишлов берилгандан сўнг асосий аралашмага киритилади. Булардан ташқари махсулот сифатига ва технологик жараёнларга зиён етказмаслик сирти билан иккиламчи хом ашёни 10% гача қўшиш мумкин.

Адабиётлар: 1. Марасулов Ш.Р. «Пахта ва кимёвий толаларни йигириш» 1-қисм, 1979 й. 2. Борзунов И.Г. и др. «Прядение хлопка и химических волокон» Часть-1, 1982 г. 3. Белясов П.Д. и др. «Прядение хлопка» Часть-1, 1962 г. 4. Будников И.В. и др. «Основы прядения» часть-1 1948 г. 5. Н.И. Труевцев и др. «Прядение» 1966 г. 6. Святославов Н.И. «Оборудование поточных линий в хлопкопрядении». 1966 г.

Похожие

Ип йигириш корхоналарида техникавий назорат. Ишлаб чиқариш лабораторияларининг

Тукимачик, пахта, ипак ишлаб чикариш ва саноат корхоналардаги технологик жараёнларнинг хавфсизлиги асослари

Йигириш саноати хом ашёси, Пахта толасини аралаштириш жараёни

Йигириш тизими ва усуллари

Йигириш системалари