Толаларни савалаш ва холст тайёрлаш - Текстиль - Рефераты

Толаларни савалаш ва холст тайёрлаш

Загружено в:

20.09.2019

Скачано:

0

Размер:

1727.5 KB

Т олаларни савалаш ва холст тайёрлаш Режа: 1. Саваш жараёни ва саваш машиналари 2.Пичоқли барабан ва савағичлар 3. Тўрли барабанлар 4. Педалли ростлагич 5. Эзувчи валлар 6.Холст ўраш жараёнини автоматлаштириш 7.Саваш машинасиннинг унумдорлиги

Таянч сўз ва иборалар Саваш, мақсади, моҳияти, машина, холст, савағич, пичоқли барбан, игнали савағич, планкали савағич, тўрли барабан, таъминлаш, бункер, ўраш, зичлаш, холстни чиқариш, педалли ростлагич, унумдорлик. Саваш жараёни ва саваш машиналари Ип йигиришда тола толаларини титиш-тозалаш агрегатларининг сўнгги босқичи сифатида саваш машиналари ўрнатилади. +абул қилинган технологияга мувофиқ турли русумдаги саваш машиналаридан фойдаланилади. Агарда титиш саваш агрегати тараш жихозлари билан боғланган бўлса МТБ русумдаги, агар узлукли система бўлса МТ ёки МТМ русумдаги машиналар ўрнатилади. МТ ва МТМ машиналари титиш ва тозалаш жараёнларини амалга ошириш, толалардан бир текисда, маълум қалинликда қатлам ҳосил қилиш ва уни ўраш учун хизмат қилади. Бундай ўрама холст деб юритилади. МТ русумдаги саваш машинаси горизонталь титиш, оралиқ саваш, игнали свағич ва холст ҳосил қилиш қисмларидан иборат. Титилган толалар агрегатнинг иккинчи босқич жихозларидан тола тақсимлагич РВП-2 конденсери ёрдамида горизонтал титиш қисмидаги бункер 1 га тушади (6.1-расм). Бункердаги толалар таъминловчи валиклар 42 орасидан ўтиб таъминловчи цилиндарлар 41 ёрдамида қатлам шаклида пичоқли барабан 40 таъсирига узатилади. Пичоқли барабан цилиндрларга нисбатан катта тезликда айланиб улар ўртасида тутиб турилган тутамдан бўлакчаларни титиб олади. Пичоқлар 38 ажратиб олган бўлакчалар зарба билан барабан айланасининг 3|4 қисмини ўраб олган ва ундан маълум масофада жойлашган колосникларнинг ўткир қиррасига урилади. Натижада бўлакча сиртидаги хас чўп ва нуқсонлар ажралиб чиқинди камералари 37 ва 39 га тушади. Толалар

пичоқлар таъсирида панжара сиртида ҳаракатланиб чиқариш канали томон сурилади. расм. Саваш машинасининг технологик чизмаси. Вентилятор 35 юзага келтирган ҳаво оқими толаларни канал 2 орқали тўрли барабан 34 сиртига йўналтиради. Тола бўлакчалари оқим таъсирида тўрли барабаннинг очиқ сиртига ўтиради ва қатлам ҳосил бўлади. Юқори ва остки тўрли барабан сиртидаги қатламлар барабанларни айланма ҳаракати натижасида қўшилади. +ўшилиш натижасида қатламларнинг нотекислиги камаяди. Ҳосил бўлган қатлам цилиндрлар 33 ёрдамида ажратилиб, таъминловчи цилиндрлар 32 га узатилади. Бу цилиндрлар секин айланиб қатламни зичлаб уч парракли савағич 29 зарбаси таъсирига етказади. Катта тезликда айланма ҳаракат қилаётган савағич цилиндрлар тутиб турган тутамни кенглиги бўйича зарба таъсир этиш йўли билан ундан бўлакчаларни ажратади. Ажралган бўлакчалар савағич остидаги колосник панжара 31 га урилиб тозаланади ва яна парраклар таъсирида колосник сиртида ҳаракатлантирилиб чиқариш каналига узатилади. Ажралган хас чўп

ва нуқсонлар панжра остидаги камера 30 га тушади. Савағич юзага келтирадиган ҳаво оқими хас чўпларни ажралишига тўсқинлик қилмаслиги учун чикинди камераси герметик бўлиши лозим. Титилган толаларни узатиш учун вентилятор 28 тирқиш 3 орқали кирадиган ҳавони талаб этилган тортиш кучигача тезлантиради. Тола бўлакчалари тўрли барабан 4 сирти орқали ўтаётган ҳаво оқими таъсирида унинг сиртига йўналтирилади ва унда қатлам ҳосил қилади. Ушбу қатлам цилиндрлар 5 жуфти ёрдамида ажратиб олинади ва қозиқли барабан 7га узатувчи таъминловчи цилиндрлар 6 билан етказиб берилади. +озиқли барабан толаларни янада титиб бункерга туширади. Бункердан толалар чиқарувчи цилиндрлар 9 ва тутиб турувчи цилиндр 27 ёрдамида қатлам кўринишида таъминловчи столча вазифасини бажарувчи педаллар 26 сирти бўйлаб педал цилиндри остига узатилади. Педал ва цилиндр оралиғида толалар зичланиб қатлам ҳосил бўлади. Бу қатлам педал цилиндри айланиши ҳисобига игнали савағич 23 зарбасига узатилади. Игнали савағич ўзининг ўткир учли игналари билан тутамни майда бўлакчаларга ажратади. Свагич зарбаси таъсирида бўлакчалар колосник панжарага урилиб тозаланади. Бунда ажралиб чиққан чиқиндилар панжара остидаги камера 24 га тушади. Титилган ва тозаланган толалар вентилятор 22 юзага келтирган ҳаво оқимини тортиши ҳисобига тўрли барабанлар 21 сиртига ёпишиб қатлам ҳосил қилади. Ушбу барабанлар жуфти ҳосил қилган қатлам цилиндрлар 20 ёрдамида ажратиб олинади ва яссиловч-эзувчи валлар 10,11,12,19 га узатилади.Бу ерда толалар қатлами валларни оғирлиги ва механик ричагли тизим юзага келтирган босим кучлар таъсирида зичланади. Сўнгра қатлам (холст) валиклар 13 орқали думалатувчи валлар 15 га узатилади.Бу валлар холстни босиб турувчи вал 14 таъсирида турган трубкаларга ўрайди. Белгиланган узунликдаги холст 17 ўралиб бўлгандан сўнг, уни автоматик ажратиб олувчи механизм узиб олади ва валиклар 16 устига думалатиб чиқариб беради. Холстни ажратиш жараёнида вал 14 орқали

берилаётган босим кучи олинади ва янги трубка думалатувчи валлар сиртида қолган холст қатлами устига туширилади. Сўнгра вал 14 пасайиб қайта юзага келтирилган босим кучи таъсирида трубкани босади ва янги холстни ўраш бошланади. Валик 16 устидаги холст ғалтак 18 дан чиқарилган пилик ёки ип билан ўралади. Холстнинг чизиқли зичлиги 345-465 ктекс. Холст ўрамасининг диаметри 500 мм гача, кенглиги 1000 мм ва оғирлиги 30 кг гача боради. МТ русумдаги саваш машинаси 280 кг|соат гача, МТМ машинаси эса 300 кг|соат гача унумдорлик билан ишлайди. Пичоқли барабан ва савағичлар Саваш машинасининг пичоқли барабани яхлит валга ўрнатилган пўлат дисклардан иборат. Дискларга турли қияликларда пичоқлар маҳкамланган. Пичоқлар барабанни бир марта айланишида таъминловчи цилиндрлар узатаётган толалар тутами қатламини кенглиги бўйича тўла титишни таъминлайди. Барабаннинг пичоқлар кирраси бўйича диаметри 610 мм. Барабан вали 3 га (6.2.-расм) 13 та диск 8 ўрнатилган. Дискларнинг ўртадаги 11 тасида 24 тадан, иккита чеккадагиларида 18 тадан, жами 300 та пичоқ пайвандланган. Пичоқлар дискда жойлашиши симметрик бўлиб, улар ён томонига турли катталикда бўкилган. Букиш катталиги 5 мм дан 40 мм гача бўлиб, улар толалар қатламини бутун кенглиги бўйича титишни таьминлайди.

расм. Пичоқли барабан. Барабан бир марта айланганда бир жойга иккитадан зарба тўғри келади. Пичоқлар эни 30 мм, кенглиги 5-7 мм га тенг. Мувозанатни сақлаш учун пичоқлар бир хил вазнга эга бўлиш лозим. Шунинг учун уларни калинлиги бир хил бўлмайди. Пичоқ чидамли бўлиши учун унинг ишчи учига термик ишлов берилади. Дисклар орасига тарелка 1 ва чўян втулкалар 7 ўрнатилади. Дисклар 8 ва тарелкалар тортқи 6 билан боғланган. Втулка 5 ва ҳалқа 4 дискни валда жойланишини белгилайди. Вал бўйламасига маҳкамланган шпонка 2 валдан дискларга буровчи моментни узатади. Барабан конструкцияси пичоқларнинг бир қирраси емирилганда уни 180 0 га бураб ишлатиш имкониятини беради. Савағич- саваш машиналарининг асосий иш қисми. У тола қатламига кучли зарба таъсир қилиб, уни яхшилаб титади ва савайди, хас-чўпларни ажратади. Планкали савағич 6.3.-расмда кўрсатилган. Пўлат вал 1 га машинанинг эни бўйича тўртта крестовина 2 маҳкамланган. Бу крестовиналарга (валнинг ўқига параллел қилиб) болтлар 3 ёрдамида пўлат планкалар 4 ўрнатилган.

Крестовиналарни валга қатор тизиб маҳкамлашда деталъ 5 дан фойдаланилади. Бу деталъ ҳаво оқимини камайтириб, тола бўлакчаларининг тўрли барабанга тортилишини яхшилайди. расм. Планкали савагич Таъминловчи цилиндрлар 6 савағичга тола қатламини бир меъёрда бериб туради. Бу цидиндрлар орасидаги тола қатлами пружина 7 ёрдамида қисилиб туради. Савағичнинг остида колосникли панжара бўлиб, у икки бўлак 8 ва 9 га бўлинган. Бу колосниклар орасидан хас-чўп ва нуқслнлар ўтиб машинанинг чиқинди камерасига тушади. Колосникли панжарани савағичга яқинлаштириш ва ундан узоқлаштириш учун ростловчи болтлар 10 дан фойдаланилади. Колосникли панжара билан савағич планкалари ўртасидаги оралиқ панжаранинг цилиндрларга яқин жойда 10 мм, панжара охирида 20 мм бўлиб, ишлатилаётган толали материалга қараб олинади.

Савағич айланиш йўналишида пичоқ 11 ўрнатилган, у толала бўлакчаларининг савағич билан бирга айланишига йўл қўймайди. Пичоқ билан савағич планкаси ўртасидаги оралиқ 1,5-2 мм. Игнали савағичнинг чизмаси 6.4-расмда кўрсатилган. Пўлат вал 1 га тўртта крестовина 2 ўрнатилган; уларга чўян ургичлар 3 маҳкамланган; уларнинг сиртига винтлар ёрдамида ёгоч планкалар 4 ўрнатилган. Бу планкаларга игналар 5 қоқилган бўлиб, уларнинг қиялиги 20 о ташкил қилади. Игналарнинг қия қилиб қоқилиши толаларни бир оз дағал тарашга ёрдам беради. Планкага игналар қандай ўрнатилганлиги ва уларнинг ўлчамлари 4-расмда (ўнг томонда) кўрсатилган. расм. Игнали савағич Игнали савағич 800-1200 айл|мин тезлик билан айланиб, толалар бўлакчаларини ажратиб олади ва колосникли панжарага ташлайди.

Игналарнинг уринма томон қиялик бурчаги 45 о дан катта бўлади. Машина нормал ишлаб турган бўлса, бўлакчалар игналардан марказдан қочар куч таъсирида тушади. Савағич игналари уларнинг орасига бўлакчаларни тиқилиб қолмайдиган қилиб ўрнатилиши керак. Игнали савағич тола қатламини планкали савағичга қараганда тўрт марта майдароқ қилиб титади. Тўрли барабанлар Тўрли барабанлар (6.5.-расм) орқали чанг ва калта толалар чанг ертўласига ёки фильтирларга боради. Вентилъятор 1 труба 2 орқали тўрли барабанлар 4 каналлари 3 билан туташган. Тўрли барабанларнинг ён томонида ростловчи заслонкалар бўлиб, улар ёрдамида толаларни тўрли барабанлар сиртига тортилишини ростлаш мумкин. Толалардан чиққан чанг ва момиқ тешик 5 орқали чанг ертуласига ёки филътирларга тушади. 4 4 33 51 2

расм. Тўрли барабанлар Тўрли барабанлар самарали ишлаши учун вентилъятор бир соатда 2500- 3000 куб метр ҳавони алмаштириб туриши лозим. Бир текис, сифатли холстлар ишлаб чиқаришда тўрли барабанларнинг яхши созланиши ва тўғри ишлаши катта аҳамиятга эга. Тўрли барабанларнинг айланиб туриши натижасида толалар қатлами чиқариш цилиндирлари 9 га яқинлашади. Улар қатламни барабанлардан ажратиб, планкали савағич 11 нинг таъминловчи цилиндирлари 10 га йўналтиради. Педалли ростлагич Толалар қатлами ва олинадиган холстнинг бир текслигини таьминлашда қуйидаги шарт бажарилиши керак: V қ  h d  бу ерда: V - вақт бирлигида машинага келиб турган толаларнинг ҳажми м 3 ,  - тола қатламининг ҳажмий оғирлиги, кг|м 3 ;  -тола қатламининг тезлиги, м|мин: h - қатламнинг қалинлиги, мм: d - толалар қатламининг эни, мм. Катламнинг эни ўзгармас бўлгани учун ростлаш шартини соддалаштириб,  h ни ўзгармас сон кўринишида ёзиш мумкин, яъни тола қатламининг тезлиги қалинлигига тескари пропорционал. Толани берилишини бундай ростлаш педалли ростлагич билан бажарилади. Саваш машинасида бу ростлагич машинага тола бериб турадиган қисмлар, яъни валик ҳамда педалъ цилиндри тезлигини ростлаб туради.

Педалли ростлагич схемаси 6.6-расмда тасвирланган. Педалъ цилиндри 1 машинанинг эни бўйлаб ўрнатилган педаллар 2 устига жойлашган. Цилиндр ва педаллар орасидан толалар қатлами савағичга ўутиб туради. Педалларнинг таянч нуқтаси пичоқ 3 ва узайтирилган елка 4 да бўлади. тола қатлами бироз қалинлашса, педаллар пасаяди, юпқаланса-кўтарилади. расм. Педалли ростлагич Елка учлари 4 га илгаклар осилган бўлиб, уларнинг ҳар бир жуфти ричаглар системаси 6 билан бирлаштирилган. Ҳар бир ричагнинг ўртача силжиши уларнинг учини тутиб турувчи илгаклар 5 нинг ўртача силжишига

тенг. Педаллар силжиган вақтда энг охирги илгак 7 ҳам илгаклар 5 нинг ўртача силжишига тенг катталикда силжийди. Бу силжиш педалъ цилиндри билан педаллар орасидан ўтаётган тола қатлами ўртача қалинлигининг ўзгаришига тўғри пропорционал. Илгак 7, ричаг 8, тортқи 9 ва ричаг 10, 11 лар ёрдамида конуссимон барабан 13 ва 14 ларнинг тасмасини суриб турадиган отводка 12 билан боғланган. Конуссимон барабанлардаги тасманинг вазияти машинага берилаётган тола қатламининг ўртача қалинлигига боғлиқ. Конуссимон барабан 13 етакчи ҳисобланади ва ўзгармас бурчак тезлик билан айланади. Етакланувчи конуссимон барабан 14 педалъ цилиндри ва резерв камерадан тола бериб турувчи валикларга ҳаракат узатади. Унинг тезлиги барабанлардаги тасманинг вазиятига боғлиқ. Агар ўтаетган тола қатлами қалинлашса, тасма етакчи барабан 13 нинг кичик диаметрига, етакланувчи барабан 14 нинг катта диаметрига сурилади, шунда тола қатламининг тезлиги камаяди ва аксинча. Агар педалъ ростлагични тўғри созланса, толани савағичга бир меъёрда бериб туради. Лекин ростлагич маълум вақт ичида бир хил миқдорда тола бериб туришни таъминласа ҳам тола зичлигининг ўзгаришини ҳисобга ололмайди, шу- нинг учун агар толанинг зичлиги ўзгарса, педалъ ростлагичини қайта созлашга тўғри келади. Бундан ташқари, ростлагич тола қатламининг жуда калта қирқимида ва қатлам эни бўйлаб ҳосил бвлган нотексликни ҳам йўқота олмайди. Буларни йўқотишда энг охирги тўрли барабандан ҳавонинг тортиб олинишини ростлаш катта ахамиятга эга. Эзувчи валлар Эзувчи валлар толалар қатламини зичлаб бериш учун хизмат қилади. Валлар системаси тўрта валдан иборат. Улар толалар қатламига ўз

оғирлиги ва қўшимча куч билан таъсир этади. +ўшимча босим кучи юк- ричаг системаси орқали юзага келтирилади. расм. Эзувчи валлар Толалар қатламига босим бир текисда тақсимланиши учун ричаглар системаси машинанинг икки томонига ўрнатилган. Юк G ричаглар 1,2 ва 3 (6.7.-расм) орқали юқоридаги валга ва у орқали навбатдаги валларга вертикал йўналишда босим беради. Юкни ричаг 1 бўйлаб суриб босим елкаси d ни ўзгартириш мумкин. Елка қанча катта бўлса, босим ҳам шунча ортади. Ричаглар ўлчамини, уларнинг оғирлик кучларини, юк оғирлигини билган ҳолда эзувчи валларнинг толалар қатламига берадиган босим кучини аниқлаш мумкин Q а қ R в бу ердан Qа R қ -----

в Q d Q 1 г + ------ + G d қ R г 2 бундан Q г + (Q 2 d)/2 + G d R қ ------------------------------ г Натижада Q а Q 1 г +(Q 2 d)/2 + G d ----- қ ------------------------------ в г ва (Q 1 г +(Q 2 d)/2 + G d) в Q қ ------------------------------------ а г бу ерда Q 1 ва Q 2 - ричагларнинг огирлик кучлари, Н а, в, г,d - ричаглар узунлиги, мм. Мисол: Куйидаги маьлумотларга асосланиб эзувчи валлар- га бериладигон босимни аникланг. G қ 127 Н, Q қ 26 Н, Q қ 82 Н а қ100 мм, в қ 510 мм, г қ110 мм, d қ 1270 мм 82* 1270

( 26 * 110 + -------- + 127 * 1270 ) 510 2 Q қ --------------------------------------- қ 10025Н 100 * 110 еки Q қ 1021,9 кг Холст ўраш жараёнини автоматлаштириш Саваш машинасида ўралиб тайёр бўлган холстни олиб, яна янги холст ўраш учун тола қатламини скалкага ўраш ишлари автоматлаштирилган. Бунинг натижасида меҳнат унумдорлиги анча ошади. Холст ўровчи автомат холстни зич ўровчи механизм билан бирга ишлайди. У қуйидаги вазифаларни бажаради: -холстни скалкага зич қилиб ўрайди; -скалкага ўралган холстни қирқиб олиб, чиқарувчи валикларга суриб туширади; -янгидан холст ўраш учун заҳирадаги скалкани холст ўровчи валларнинг устига туширади; -тола қатламини скалкага ўраб қўяди.

расм. Холстни зич ўраш механизми Холстни ўраш механизми (6.8.-расм) қуйидагича ишлайди. Холст 1 скалка 2 га ўралиб, диаметри катталаша бориши натижасида рейка 3 ҳаракатга келиб, юқорига кўтарилади. Рейка вали 5 ва ҳаракат узатувчи шестернялар 4, 6, 7, 8, 9, 10, 11, 12, 13 лар орқали тормоз вали 14 ва шу валдаги тормоз шкиви 15 ҳаракатга келтирилади. Тормоз шкивининг икки томонидан тормоз колодкаси 16 сиқилиб туради. Шундай қилиб, тормоз шкиви 15 билан колодка 16 орасида ҳосил бўлган ишқаланиш кучи рейка 3 нинг эркин кўтарилишига тўсқинлик кўрсатади, натижада холст зич ўралади. Скалкага холст ўрала бошлаганда унга 620 кг босим тушади. Рейка вали 5 га ўрнатилган шестерняларнинг тишлари синиб кетмаслиги учун тишли муфта 20 ўрнатилган. У колодкалар тормоз шкиви 15 ни қаттиқ сиқиб қўйганда рейка вали 5 нинг айланишига имкон беради. Холст ўралаетган пайтда скалкага тўғри келадиган босим тормоз механизмидаги пружина билан ростлаб турилади. Рейка 3 ни қўл билан ҳаракатга келтириш учун даста 17 дан фойдаланилади. Шунда тормоз

колодкалари махсус мослама ёрдамида бўшатилади. Холст ўралаетган пайтда электромагнит узиб қўйилган бўлади ва колодкалар пружина ёрдамида тормоз шкивини сиқади. Холстни узиб олиш ва суриб тушириш. Тормоз вали 14 айни вақтда ҳаракат узатувда вал ҳам ҳисобланади, у муфта 18 орқали электрдвигатель 19 дан ҳаракат олиб, холст ўровчи автомат ишлаб турган пайтда рейка 3 ни кўтариб тушириб туради. Ишчи даста 17 ни соат стрелкаси йўналишида айлантиради. Ҳаракат узатувчи шестернялар 13, 12,11,10, 9,8,7,6,4 орқали рейкалар маьлум баландликка кўтарилади. Бу баландлик тўла ўралган холст диаметрига тўғри келади, мана шундан кейин холст ўровчи автомат ишлай бошлайди. Маълум узунликдаги холст ўралиб бўлгандан кейин тормоз механизмининг электромагнити ҳамда холст ўровчи автомат электрик двигатели 19 ҳаракатга келтирилади, электромагнит тормозни бўшатади. Шу пайтда электрик двигателъ 19 ҳаракат узатувчи шестернялар орқали рейкаларни кўтаради ва туширади, бошқа ҳаракат узатувчи шестернялар орқали холст ўровчи валлар ва ўз оғирлиги билан босиб турувчи валлар ўртасидаги участкада узилади. Шу пайтда электрик двигатель 19 тўхтатилади. Холст узилгандан кейин рейкалар юқорига кўтарилаётган пайтда пўлат илгак 1 (6.9.-расм) холст 2 ни арава 3 га туртиб туширади. Рейкалар пастга тушаётганда заҳиради скалка иш вазиятига келтирилади ва холст унга ўралади. Рейка 6 ларнинг бош қисмига иккита вертикал стойка ўрнатилган. Улар кўзғалмас труба 7 билан бирлаштирилган, трубага эса колибрланган тешиклар иккита кронштейн маҳкамланган. Колибрланган тешикларга холст ўраш механизмининг вали ўрнатилган, унга холст ўраш механизмининг ричаги 8 ва роликли ричаг 5 маҳкамланган.

расм. Холстни автоматик ажратиш механизми Рейкалар юкорига ҳаракат қилаётганда ролик 4 ричаг 9 қовурғаси 10 нинг орқа томонидан думалайди. Юқориги вазиятга етгач, ролик 4 нинг ричаги пружина таьсирида яна ўзининг илгариги вазиятига қайтади. Рейкалар пастга ҳаракат қилаётганда ричаг 4 ричаг 9 қовурғаси 10 нинг олд томонидан думалайди ва уларни ўк 11 атрофида айлантиради. Ричаг 9 айланганда тутгич 12 ҳам заҳирадиги скалка 13 билан бирга айланади. Скалка ўровчи валнинг юқориги сирти орқали юмалаб чиқиши биланоқ ричаг 9га ролик 4 дан тушаётган босим тўхтайди ва скалка ўз оғирлиги таьсирида рейкалар қисқичи остига сурилади. Босим таьсиридан бўшалган ричаг 9 ва тутгич 12 пружина 14 ёрдамида олдинги вазиятга қайтади. Рейкалар юқорига ҳаракат қилаетган, яъни холст ўралаётган ролик 5 қовурга 15 бўйлаб думалайди ва байроқча 16 ни эгиб, қовурғанинг ташқари томонига чиқади. Бундан кейин пружина 17 ёрдамида байроқча яна олдинги вазиятга қайтади.

Рейкалар пастга тушаётганда ролик 5 қовурғанинг ташқи сиртида думалайди ва холст заправка қилувчи 8 нинг иккала пружинаси 18 ни ўзига тортиб, уни ишга туширади. Ролик 5 пастки вазиятга келганда станина 19 дўнгидан эгилиб ўтади, шу пайтда резина ҳалқа 20 олдинга ва орқага ҳаракат қилиб, рейкалар қисқичга берилган скалкага холстни текис қилиб ўрайди. Рейкаларнинг пастки вазиятда холст ўровчи автоматнинг электрик двигатели ва электромагнит ишламай туради. Тароқнинг кўтарилиши ва тушиш тезлиги ҳамда холст ўровчи валларнинг айланишини алмаштирувчи шестернялар ёрдамида ростлаб туриш мумкин. Саваш машинасиннинг унумдорлиги Йигириш корхоналари жихозларининг унумдорлиги деганда одатда вақт бирлиги ичида ишлаб чиқарилган махсулот (яриммахсулот) массаси назарда тутилади. Хусуан саваш машинасининг унумдорлиги бир соатда ишлаб чиқарилган холстларнинг массасини билдиради. Ҳисоблаш тартиби ва қамраб олинган шароитлар, омилларга қараб назарий, меъёрий, ҳисобий ва амалий унумдорликлар аниқланади. Назарий унумдорлик бир сотда машина тўхтамасдан ишлаганда олиниши мумкин бўлган махсулот бирлигини кўрсатади ва уни қуйидаги формуладан топилади.2.р .р 1000 60 › ‰ — ‰ — n d A’      кг|соат Бу ерда: d ґр.в - ґровчи валнинг диаметри, мм. n ґр.в - ґровчи валнинг айланиш тезлиги, мин -1 . Т х - холстнинг йґҚонлиги, текс. Унумдорлик нормаси машинани технологик сабабларга кўра тўхтатилгандаги вақтни йўқотишларни ҳисобга олган ҳолда аниқланади. НП қ П Ф в.к бу ерда Ф.в.к. - фойдали вакт коэффициенти

Адабиётлар: 1. Ш.Р. Марасулов. Пахта ва химёвий толаларни йигириш. 1 қисм, Тошкент, 1979 й., 66-76 бет. 2. Ш.Р. Марасулов ва бошқалар. Толали материалларнинг механик технологияси. Тошкент, 1971 йил, 46-49 бет. 3. И.Г. Борзунов и др. Прядение хлопка и химических волокон. 1 часть, М.: 1982, стр. 123-127. 4. К.И. Бадалов и др. Лабораторнўй практикум по прядению хлопка и химических волокон. М.: 1978, стр. 77-84 5.В.И. Будинков. Обҳая технология хлопкопрядильного производства, М.: 1970, стр. 88-90

Похожие

Равон холст олишнинг шартлари

Толаларни титиш тозалаш ва аралаштириш

Целлюлоза толаларни бўяш

Толаларни титиш ва аралаштириш, тозалаш машиналари

Табиий ипак чикиндиларини тавсифи. Чикиндиларни дастлабки ишлаш усуллари