Технологик жараенда иш ўрнини жойлаштириш - Текстиль - Рефераты

Технологик жараенда иш ўрнини жойлаштириш

Загружено в:

20.09.2019

Скачано:

0

Размер:

62 KB

Технологик жараенда иш ўрнини жойлаштириш Р е ж а : 1. Иш ўринларини жойлаштириш турлари. 2. Ковейерли ишлаб чиқариш технологик жараёнларда иш ўринларини жойлаштириш. 3. Ковейерсиз ишлаб чиқариш технологик жараёнларда иш ўринларини жойлаштириш.

Иш ўрнининг ҳар қайси операциянинг турига мослаб столларнинг, пресс ва бошқа механизмларнинг энини, шунингдек столлар оралиғидаги масофани назарда тутиб белгиланади. Иш ўринлари уларнинг устида ускуналарни, асбобларни, мослама ва тикиладиган буюмларни жойлаштириш қулай бўладиган қилиб, шунингдек ишчилар энг қисқа ва энг оддий харакатлар қиладиган қилиб жойлаштириш керак. Тикилаётган буюм ишлаб чиқариш оқимдаги бир иш ўрнидан иккинчисига узлуксиз ўта борадиган бўлиши керак. Ишлаб чиқариш оқимдаги иш ўринларини одатда уч хил кўринишда жойлаштириш мумкин. 1. Кўндаланг, яьни иш столини ковейерни транспортер тасмасига ёки чалафабрикат ўтиб борадиган оралиқ столига перпендикуляр жойлаштирилади. 2. Узунасига, яьни иш столини ковейерни транспортер тасмасига ёки чалафабрикат ўтиб борадиган столга параллел жойлаштирилади. 3. Ишлаб чиқариш оқимнинг ўқ чизиғига нисбатан бир оз бурчак ҳосил қилиб, яьни диагонал бўйлаб иш столлари жойлаштирилади. Кўндаланг жойлаштириш булардан энг рационал хисобланади. Бунда иш ўрнидаги ишчи транспортер тасмасидан буюмларни чап қўли билан оладиган бўлиши керак, чунки шунда тасма билан машина тепкиси оралиғидаги масофа энг қисқа бўлади. Бундан ташқари конвейерни транспортер тасмаси харакатининг ишчига нисбатан йўналишини хисобга олинади. Транспортер тасмасининг ишчи қараб ўтирган томондан унга томон ҳаракатини қулай хисобланади. Қўшни иш ўринлари (ускуналар) нинг оралиғи, яьни ишчи ишлайдиган майдон қуйидагича бўлиши тавсия этилади: 1. Тик туриб бажариладиган дазмоллаш ва қўл иш ўринларида 0,5 м

2. Буюмни иш столига қўйиб ўтириб бажариладиган операцияларда 0,55 м 3. Буюмни тиззага олиб, ўтириб бажариладиган операцияларда 0,75 м 4. Буюмни пресслаш иш жойларида иссиқликдан сақлаш мақсадида тўсиқ кўзда тутилади ёки совутиш зонаси белгиланади. 1-пресс билан транспортер оралиғи -0,2-0,4 м 2-қатор турган иккита пресс оралиғи (агар ишчи ўрни кўзда тутилмаган бўлса) -0,4-0,6 м. 3-қатор турган иккита пресс оралиғи (агар ишчи ўрни кўзда тутилган бўлса) - 0,8-1,2 м. 4-пресс билан бошқа типдаги иш ўрни оралиғи (агар ишчи ўрни кўзда тутилган бўлса)-0,8-1,2 м 5-пресс билан бошқа типдаги иш ўрни орлиғи (агар ишчи қрни кўзда тутилмаган бўлса) -0,4-0,8 м. Агар ташкилий операция фақат прессда бажариладиган бўлинмас операциялардан иборат бўлса иш ўрнида битта ишчига иккита пресс ўрнатилади. Агар ташкилий операция прессда ҳамда қўлда бажариладиган бўлинмас операциялардан иборат бўлса, иш ўрнида битта ишчига битта пресс ўрнатилади. Аммо қўлда бажариладиган бўлинмас операция иш столида бажарилса, унда битта ишчига иш ўрнида битта пресс ва битта иш столи ўрнатилади. Агар ташкилий операция прессда ва дазмол билан бажариладиган бўлинмас операциядан иборат бўлса, унда иш ўрнида битта ишчига битта пресс ва дазмоллаш столи ўрнатилади. Барча турдаги ишлаб чиқариш оқимларида иш ўринларни жойлаштиришда технологик схема бўйича ташкилий операцияларни кетма- кетлигига мос тартибда жойлашган бўлиши керак.

Барча турдаги ишлаб чиқариш оқимларда иш ўринларини жойлаштиришда ишлаб чиқариш оқимдаги ҳамма иш ўринларининг 5-10 % миқдорида резерв иш ўринлари бўлиши керак.

Адабиётлар: 1. М.Ш.Жабборова. Тикувчилик технологияси. Т. Ўзбекистон. 1994 й.399-411 бетлар. 2. А.Я.Изместьева и др. Проектирование предприятий швейной промышленности. М. Легпищпром. 1983 г.стр.84-87.

Похожие

Материалларни бичишда андозаларни жойлаштириш

Технологик жараённи технологик схемасини тахлил қилиш

Материалларни бичишда деталларни жойлаштириш улардан фойдаланишни меъёрлаштириш

Тикув буюмларини ишлаб чиқариш технологик жараёни

Технологик жараённи асосий техника-иқтисодий кўрсаткичлари