Танда ва арқоқ ипларини узилиши ва чиқиндилар - Текстиль - Рефераты

Танда ва арқоқ ипларини узилиши ва чиқиндилар

Загружено в:

20.09.2019

Скачано:

0

Размер:

45 KB

Танда ва арқоқ ипларини узилиши ва чиқиндилар Режа: 1. Танда ипларининг узилиши 2. Арқоқ ипининг узилиши 3. Чиқиндилар ва уларни камайтириш

Танда ва арқоқ иплари қанча кам узилса, иш унумдорлиги шунча юқори бўлади. Танда ипларидан бирортаси ёки арқоқ ипи узилса, дастгоҳ автоматик равишда тўхтайди ва тўқувчи узилган ипни улаб, дастгоҳни ишга туширади. Танда ва арқоқ кузатувчи механизмлар ип узилганда дастгоҳни тўхтатмаса, тўқимада нуқсонлар пайдо бўлади. Танда ипларининг узилиши Тўқув дастгоҳида танда иплари қуйидаги сабабларга кўра узилади: Хом ашёнинг сифатсизлиги (ипларда бўш, ингичка ва йўғон жойларининг бўлиши), тайёрлаш бўлимида тандани сифатсиз тайёрлаш, тўқув бўлимида дастгоҳ айрим механизмларининг нотўғри ишлаши (танда тарангловчи ва узатувчи механизмнинг иплар таранглигини хаддан ташқари ошириб ёки камайтириб юбориши, хомуза ҳосил қилувчи механизмининг нотекис ҳомуза ҳосил қилиши, шодалардаги иплар таранглиги ҳар ҳил бўлиши); тўқув бўлимида хаво ҳарорати ва намлиги белгилангандан фарқ қилиши ва хоказо. Юқори малакали тўқувчилари ишлаётган дастгоҳлрда танда ипларининг узилиши анча кам бўлади. Бунга сабаб малакали тўқувчилар дастгоҳда ишлатадиган моки, митти моки, рапираларнинг сиртини текис бўлишига,ламель, шода ва тиғ ҳолатига, танда ипларининг чалкашмасига эътибор беришидир. Ипларнинг узилишига дастгоҳнинг умумий техник ҳолати ҳам таъсир этади, бу эса уста ёрдамчисининг малакасига боғлиқ. Тўқувчи бирор дастгоҳда ипларнинг узилиши одатдагидан ошиб кетганини сезса, тезда уста ёрдамчисини чақириши лозим. Тўқув корхоналарида узилишни ҳисобга олишда ҳар хил усуллардан фойдаланилади: тўқувчи махсус карталарда ҳар бир узуқни белгилайди, дастгоҳда ўрнатилган ҳар бир узулишда бир жойдан бошқа жойда ўтқазиб қўяди, рангли боғичлар боғланади ва хоказо. Мокисиз тўқув дастгоҳларида танда ипларининг узилиши мокили дастгоҳларда қараганда кам бўлади, бунга сабаб арқоқ ташлагичлар, рапира

ва бошқалар ёрдамида ҳомузага арқоқ ташлашда уларнинг танда ипларига тегмаслиги, ҳомуза баландлигининг кичик бўлишидир. СТБ ва АТПР дастгоҳларида тиғнинг ҳаракат йўли ҳам анча кам, демак, тиғ билан танда иплари орасидаги ишқаланиш ҳам кам бўлади, натижада иплар кам титилади, узилиш ҳам бўлади. Арқоқ ипининг узилиши Арқоқ ипининг узилиши ҳам, аввало, тўқув дастгоҳига келтирилган ипнинг сифатига, найча ва бобиналарнинг тўғри ўралиши, моки ва бошқа арқоқ ташлагичларнинг тўғри ишлаши ва бошқаларга боғлиқ. Одатда, арқоқ ипининг узилиши найча ва бобиналарнинг охирги қатламларида кўпроқ бўлади. Мокининг техник ҳолати унда ўрнатилган йўналтирувчи, тарангловчи ва бошқа механизмларнинг тўғри ишлаши арқоқ ипини узилишига анча таъсир этади. Мокининг нотўғри ҳаракатланиши ипни моки қўтиси ичида узилишига сабаб бўлади. Бу ҳол бўлмаслиги учун дастгоҳ зарб механизмини созлаш пайтида мокининг олдинги деворчасидаги ариқча моки қутиси олдинги деворидаги ариқча билан бир чизиққа келтирилиши керак. Арқоқ ипининг узилиши кўпайишига арқоқ назоратчиси нотўғри ишлаши ҳам сабаб бўлиши мумкин. Бу ҳолда тўқувчи уста ёрдамчисини чақириб, механизмни созлатиши зарур. Тўқув жараёнида яна турли сабабларга кўра арқоқ ипи узилиши мумкин. Бу сабаларни тез аниқлаб, узуқни бартараф этиш учун тўқувчи ва уста ёрдамчиси малакали бўлиши, улар дастгоҳда арқоқни ҳаракатга келтирувчи механизмларнинг тузилиши ва ишлашини яхши билишлари керак. Мокисиз тўқув дастгоҳларда арқоқ ташлагич механизмлари такомиллаштирилганлиги учун ип камроқ узилса ҳам унинг иш унумдорлигига таъсири катта бўлади, чунки бу дастгоҳларда арқоқ ипи узилса, дастгоҳ тўхтайди ва тўқувчи бу узуқни бартараф этиб, сўнгра дастгоҳни ишга туширади.

СТБ, АТПР дастгоҳларида айниқса арқоқ ўралган бобинани тўғри ўрнатиш арқоқ ипи узилишини камайтиради. Чиқиндилар ва уларни камайтириш Тўқув дастгоҳларида тўқима ишлаб чиқариш жараёнида танда ва арқоқ ипларининг бир қисми чиқиндиларга, калта-култа ип учлари ва майда тукларга ажраб чиқади. Тўқувчиликдаги чиқиндилар қайта ишлатиладиган ва қайта ишлатилмайдиган хилларга бўлинади. қайта ишлатиладиган чиқиндилар танда ва арқоқ бўйича бўлиши мумкин. Танда чиқиндилари дастгоҳда танда иплари тугагандан сўнг янги танда иплари ўралган тўқув ғалтагини ўрнатганда, ғалтакдаги иплар сони керагидан ортиқ бўлганда ва танда иплар узуғини улаганда ҳосил бўлган учлардан иборат. Арқоқ чиқиндилари узуқларни улашда ва урама узагида қолган иплардан, шунингдек тўқимадаги нуқсонларни йўқотишда тўқимадан суғуриб ташланган иплардан иборат. Чиқиндиларни камайтириш учун аввало тўқув ғалтагидаги танда ипининг, бобинада ўралган арқоқ ипларининг узунлиги иложи борича кўпроқ бўлиши керак. Чиқинди миқдори тўқувчиларнинг малакасига, дастгоҳ механизмларининг ишчи ҳолатига, хом аше ситфатига ва шунинг билан бирга хом ашёни ташишга ва сақлашга боғлиқ. Тўқув корхоналарида смена мобайнида тўқувчи чиқиндиларни махсус қути ёки халтага йиғади, смена охирида эса мастер ёрдамчиси бу чиқиндиларни махсус омборга топширади.

Асосий адабиётлар: 1. Каримов И.А. «Бизнинг бош мақсадимиз – жамиятни демократлаштириш ва янгилаш, мамлакатни модернизация ва ислоҳот этишдир». Т.: «Ўзбекистон». 2005 й. 2. Николаев С.Д. и др. Теория процессов, технология и оборудование ткацкого производства. М.: Легпромбытмиздат, 1995. 3. Талавашек О., Сватый В.. Бесчелночные ткацкие станки. М.: Легпромбытмиздат, 1985. 4. Олимбоев Э.Ш, Давиров Ш.Н. «Ўзбекистон корхоналарининг маҳсулоти ва уларни ишлаб чиқариш технологияси» Т. 2002 й. 5. Olimboev E.Sh. va boshqalar «Gazlamalarni tuzilishi va tahlili» Т . 2003 y. 6. Ормирод А.. Современной приготовительное и ткацкое оборудование. М.: 7. Олимбоев Э.Ш. «Тўқима тузилиши назарияси» Тошкент «Алоқачи» 2005й. 8. Митяев Г.Ф., Панов В.А. Устройство и обслуживание пневматических хлопкоткацких станков. М.: Легпромбытмиздат, 1987. 9. Nuriyev K . K . O ` zaro almashinuvchanlik , metrologiya va standartlashtirish . O`zbekiston Yozuvchilar uyushmasi Adabiyot jamg`armasi nashriyoti. Toshkent. 2005y.

Похожие

Танда ипларини узатиш ва таранглаш

Танда ипларини тандалаш

Ремизлардан танда ипларини утказиш усуллари

Тўқима милкини ҳосил қилиш механизмлари

Тўқима тузилиши, шаклланиши ва турларига оид умумий маълумотлар