Хозирги кийим ассортиментининг умумий тавсифи - Текстиль - Рефераты

Хозирги кийим ассортиментининг умумий тавсифи

Загружено в:

20.09.2019

Скачано:

0

Размер:

79.5 KB

Хозирги кийим ассортиментининг умумий тавсифи Режа: 1. Уй кийими 2. Кундалик кийим 3. Башанг кийим

Ҳозирги кийим ассортиментининг умумий тавсифи Ҳозирги кийимнинг асосий хусусияти қулайлик ва функционалликка интилиш бўлиб , бу лойиҳани соддалаштиришда , кийимнинг ҳар қандай гавдага мосланишини осон , ёпишмай , бемалол турувчи шаклида ифода топади. Ҳозирги кийимнинг хусусиятлари қуйидагилар: а) кийим ансамбилининг ёрқин образлилиги; б) нимага мўлжалланганига қараб қўшимчалар танланиши; в) якка кийим турларидаги материалларнинг ихтиёрий композицияси; г) кўп вазифалилик , мавсумига қарамаслик , турланувчанлик , кийимнинг ишбоплилигини ва универсаллигини билдириш. ../../2015/ТЕКИСТЕЛНЫЙ/tikuvchilik/Tikuvchilik (E)/AutoPlay/Docs/Tikuvchilik.htm - mun#mun 1. Уй кийими Қулай , яхшилаб ўйлаб тикилган уй костюми одамга ва хонадонга ярашибгина қолмай , балки киши кайфияти яхши бўлишига , уни иш юритишига кўмак бўлади , атрофдагиларни мамнун этади ҳам. Уй кийими умуман хонадоннинг ички кўринишига мувофиқ келадиган , одам атрофидаги нарсаларга мос тушган , монанд бўлиши керак. Уй кийими – бу интерьер умумий ансамблининг бир қисми. Уй кийими ҳам мода таъсирида бўлади ва кийимнинг айнан шу вақтга характерли бўлган бичими , узунлиги , декори , ассортименти уй кийимида ҳам акс этади. Аниқ шаклларни , материаллар , декоратив безаклар , услуб ечимларини танлашда одам шахсияти намоён бўлиши учун уй кийими катта имкониятлар беради. Лекин уй кийимининг умумий тузилиши уйда одамларнинг батартиб , кўркам ва бардам кўринишига ёрдам берадиган бўлиши керак. Уй кийими нимага мўлжалланганлигига , йил фаслига ва сутка вақтига қараб қуйидаги гуруҳларга бўлинади: 1. Ухлаш кийими , эрталабки ва кечки ювиниш-тараниш кийими. 2. Уйда ишлаш кийими. 3. Меҳмон кутиш кийими. Ухлаш кийими – тунги кўйлаклар , пижама поэтик образ вазифасини ўтайди. Ҳарир , очиқ ранг , юмшоқ газламалар , тўрлар , кашталар , қўйма бурмалар аёл киши қиёфасига нозиклик , тиниқлик бахш этади. Бичими содда , чоклари минимал даражада кам , одатда бўйи узун , шакллари аниқ бу кийимлар гавдани умумлаштириб , уни анча енгиллаштириб , ихчам қилиб

кўрсатади. Кийим ассортименти , бўйининг узунлиги одамнинг ёшига , гавда тузилиши хусусиятлари , турмуш тарзи ва шароитига қараб танланади. Ухлаш кийими ўсимлик ёки геометрик характердаги сийрак , майда гуллари бор очиқ майин тусли бўлиши керак , бу унинг массаси кам бўлиши талабига тўғри келади. Безаклар - кашта , қўйма бурмалар , икки томонлама қўйма бурмалар , тўрлар , мағизлар , бейкалар , тасмалар , бантлар , тикма тўрлар , печак тасмалар ва бошқалар асосан кийим рангида бўлиб , буларнинг ҳаммаси уйқу кийимини чиройли ва қулай қилади. Тақилма минимал миқдорда тугмалар ёки боғичлар чатиб , ечими қулай қилиб ҳал этилади. Ёқалар кичик ўлчамли бўлади. Эрталабки ва кечки ювиниш-тараниш кийими – бу тунги кийим устидан кийиладиган халат. Бу кийим тунги кўйлак ёки пижама билан комплектда ҳал этилади , шунинг учун уларнинг ҳажми , узунлиги , енгларининг бичиғи , ёқа ўмизининг ўйиғи ва ёқасининг характери, безаклари, ранги бир-бирига мосланган бўлиши керак. Тақилмаси бир бортли ёки икки бортли, минимал миқдорда тугма чатилган ёки белбоғли бўлади. Халатлар турли шаклдаги ёқали ёки ёқасиз, чўнтаклари чокда ёки қоплама бўлиши мумкин. Бу кийим тунги кийим материалидан ёки шунга монанд газламадан тикилиши мумкин. Уйда ишлаш кийими асосан шим, юбка, блузка, сарафан, пешбанд кабилардан иборат комплектда ҳал қилинади. У расмият ва ишчанлик хусусиятларисиз, шакли, қўшимчалари ва зийнатлари ҳисобига ўнғайлик, бемалоллик туйғуси ҳосил қиладиган бўлиши керак. Уйда ишлаш кийими комплектлари ниҳоятда бемалол ҳаракат қилишга халақит бермайдиган бўлиши керак. Бунинг учун трикотаж майкалар, свитерлар билан шим кийилади ёки гавдага ёпишиб турмаслиги учун қўйими кўпайтирилган блузкалар кийилади. Пешбанд уй кийимининг тимсоли ҳисобланади. У муҳофаза вазифасини ҳам, эстетик вазифани ҳам ўтайди, безак бўлиб хизмат қилади, озодалик ва саранжом-саришталик символи ҳисобланади, тартибга келтириб олиш учун эса жуда кам вақт талаб қилади. Пешбанднинг композицион ечими унинг нимага мўлжалланганлигига боғлиқ: у уй йиғиштириш учун ёпиқ, овқат пишириш учун кичик, лекин албатта кўкракни ёпиб турадиган, меҳмон кутиш учун белда турадиган кичик, башанг, бир оз ўйнақироқ бўлиши керак. Пешбандининг шакли ва ўлчамлари жуда ҳар хил: белбоғи бир парча газламадан , бўйинга осиладиган тасмали кўкракда турадиган газламадан , ажратиб олинадиган юбкадан , халатга ўхшаш ёпиқ пешбанддан ва шу кабилардан иборат бўлади.

Пешбанд бўйин боғичли , елка , кўкрак , бел боғичли бўлиши мумкин. Боғичнинг тури пешбанднинг шакли ва нимага мўлжалланганига , шунингдек уй иши кийимининг шаклига боғлиқ. Шакл , ранг , материал ва декоратив безакнинг монандлиги ҳисобига уй кийими билан пешбанднинг комплект бўлишига эришилади. Пешбанд воситасида гавданинг кўнгилдагидек идрок этилишига эришса бўлади. Масалан , елка боғларини бўйинга яқин боғлаб , елкаларни торайтириб кўрсатса бўлади , бурмалар бўксани кенгроқ , тахламалар эса торроқ қилиб кўрсатади , кўкракпечнинг кенги кўкраклар ҳажмини катталаштирса , энсиз , чўзиғи кичиклаштиради. Меҳмон кутиш кийими гавданинг афзалликларини кўзга кўрсатадиган фон бўлиб хизмат қилиши керак. Шакли сипо , материали майин , осойишта ранг гаммалари ярашадиган қилиб танланган костюм шундай хизмат қилади , чунки торгина жойдаги квартира интерьерасида у ҳар томонлама кўриниб туради. Шунинг учун шакл , деталлар , шаклларнинг мутаносиблиги ва чизиқларнинг мослиги , безак ва зийнатларнинг нозик дид билан танланганлиги айниқса аҳамиятли бўлади. Оилавий тантаналар костюми исталган ассортиментда бўлиши мумкин. У , масалан , фақат кўйлакдан , блузка билан юбкадан ёки блузка билан шимдан иборат бўлиши мумкин. ../../2015/ТЕКИСТЕЛНЫЙ/tikuvchilik/Tikuvchilik (E)/AutoPlay/Docs/Tikuvchilik.htm - mun#mun 2. Кундалик кийим Одамнинг ташқи кўриниши , унинг саноат корхонасидаги , қишлоқ хўжалигидаги , муассасалардаги , савдо , транспорт , маиший хизмат соҳасидаги , ўқув юртларидаги ва бошқа ерлардаги кийими қандайлиги катта аҳамиятга эга. Кундалик кийим – бу ҳам иш , ҳам хизмат костюми. Бир қанча касбдаги кишилар иш хусусиятлари ёки ишлаб чиқариш шароити сабабли махсус кийим кияди (металлурглар , ўт ўчирувчилар , балиқчилар ва бошқалар) ёхуд бошқалардан фарқ қилиш воситаси сифатида форма кийим кияди (ҳарбийлар ва маҳкамалар формаси). Айни вақтда махсус кийим талаб қилмайдиган кўп касблардаги кишилар оддий кундалик костюм кийиб юрадилар. Ҳозирги турмуш тарзи амалий иш кийимига унинг қулайлигини , рационаллигини , ишбоплигини кўрсатадиган қатор талаблар қўяди. Бу қуйидагилардан иборат: - ҳажми ўртачалиги , бичими оддийлиги;

- мутаносибликларнинг аниқ , қатъийлиги; - рангларининг босиқлиги , ёрқинмаслиги; - декоратив воситаларнинг минимум даражалиги; - моданинг акс этгани меъёрдан ошмаганлиги. Турли касблардаги хизмат шароити талабларида кийим ассортименти , унинг умумий шаклини , деталларини , ранг ечимларини декоратив акцентлар жойи ва характерини белгилаб берадиган умумий хусусиятлар ҳам , специфик хусусиятлар ҳам бўлади. Кийимнинг тури , шакли , бичими , мутаносибликлари , бўлинишлари , чўнтакларининг қандай жойланиши , уларнинг тури , тақилманинг тури касб белгилаб берадиган эргономик талабларга мувофиқ танланади. Шунинг билан бирга кундалик костюм ечими касблар фарқига биноангина эмас , балки одамларнинг бир-бирига муносабатларини ҳам ҳисобга олиб ҳал этилиши керак. Бу турли касб-ҳунар кишилари ўртасидаги , масалан , ўқитувчи билан ўқувчи , инженер билан ишчи , офицантка билан хўранда , сотувчи билан харидор ва бошқалар ўртасидаги муносабат бўлиши мумкин. Бу муносабатлар костюмнинг ишбоп (масалан , инженерда) , башанг (телевидение дикторида) , оммадан ажратиб турадиган (сотувчида) , расмий (директорда) ва ҳоказолар бўлишига таъсир кўрсатади. Одам фаолиятининг кун мобайнидаги хилма-хиллиги кўпинча костюмга қўшимча талаблар қўяди. Шунинг учун у кўп функцияли ва кўп вариантли , яъни конкрет шароитга осон мослаб олинадиган бўлиши керак. Бунга костюмни комплект қилиб тузиш йўли билан эришилади. Кундалик костюмнинг ранг ечими унинг нимага мўлжалланганига ва уни қандай ишлатилиши характерига қараб танланади. Одатда , бундай ечим мўътадил , босиқ , ўхшаш ва ўхшаш-контраст рангларни бирга қўшиб ҳал қилинади , контрастлар асосан бир ранг тусларининг оқишликлари ёки иккита яқин ранглар ўртасида бўлади. Материални кийим нимага мўлжалланганига , эстетика талабларига (пластик хусусиятлар , ранг , расмга) қарабгина эмас , балки меҳнатнинг хусусияти белгилаб берадиган гигиеник талабларга ҳам қараб танланади. Декоратив безаклар , композицион марказ қаерда бўлиши кийимнинг функционал вазифасига боғлаб ҳал этилади. Қўшимчалар характерининг қандайлиги шу қўшимчалар нимага мўлжалланганига қараб белгиланиб , у ҳам ишбоп костюмнинг умумий характерига бўйсундирилган бўлади. ../../2015/ТЕКИСТЕЛНЫЙ/tikuvchilik/Tikuvchilik (E)/AutoPlay/Docs/Tikuvchilik.htm - mun#mun

3. Башанг кийим Модадаги янги йўналиш одатда башанг кийимда синовдан ўтказиб маъқулланади. Башанг кийим одамга ярашадиган, унинг энг яхши хусусиятларини кўзга кўринтирадиган бўлиши керак. Башанг кийим нимага мўлжалланганига қараб қуйдагича бўлинади: хонадон тантаналарида кийиладиган, театр ва концерт залларига борганда кийиладиган, танца кечаларида кийиладиган, расмий тантаналарда кийиладиган, байрамда кийиладиган, мактабни битирувчилар балларида кийиладиган, тўйда кийиладиган ва ҳоказо. Арзигулик тантаналарнинг ҳаммаси одатда катта-катта хоналар, залларда ўтказилади, шунинг учун ҳамма нарса яқиндан ҳам, узоқдан ҳам кўринадиган бўлиши керак. Башанг костюм ечимини хал қилишда бу албатта ҳисобга олинади: танцада кийиладиган кўйлакларга ифодали зийнатлар (гуллар, бантлар), театрга кийиб борадиган костюмга заргарлик безаклари, тантанали вазиятлар учун оқиш контрастлар танланади. Башанг кўйлак одам учун кийимнинг бошқа турларидан кўра қўпроқ зийнат бўлиб, одамнинг ташқи қиёфаси хусусиятларига, унинг табиатига жуда монанд бўлиши керак. Башанг кийимни моделлашнинг ўзига хос хусусияти шаклдаги хизмат турига, касб–ҳунарга, спорт билан шуғулланишга ва бошқа одам фаолияти турига оид ҳамма қисмларни чиқариб ташлашдан ёки сезилмайдиган қилиб қўйишдан иборат. Ҳатто қулайлик ва ишбоплик хам яширин бўлиши керак. Шаклнинг барча қисмлари ўз конструктив моҳиятини яшириб, бу мохият декоратив кўринишда ифода топиши керак. Деталлар ишбоп характерда бўлмаслиги керак. Кийимнинг функционал ҳусусиятларини сезилмайдиган қилишга кўпинча пелериналар, шарфлар, драпировкалар, турли хил безаклар ёрдам беради. Башанг кийимларда чўнтак бўлмагани тузик, ёқалар, тақилмалар декоратив характерда бўлищи керак. Башанг кийим шакли ечимининг икки тури бор: 1. Осойишта, «биқиқ», нейтрал шакллар. Бунда костюм одамнинг кўринишини такрорлайди ва унинг ўзига хос рамка, фон бўлиб хизмат қилади, унинг ташқи қиёфасини таъкидлаб туради ёхуд материалнинг нафислигини, бой кўриниши ва бошқа хусусиятларини (духоба, табиий мўйна ва бошқаларни) ёки қўшимчалар ва зийнатларни бўттириб кўрсатади. Бу тур костюмларнинг ечими одатда классик услуб йўлида бўлади. Улар одам актив харакатлар қилмайдиган расмий тантаналарда, театрга борганда ва ҳоказоларда кийишга мўлжалланган бўлади. Бундай тур башанг кўйлакларни олиб қўйиладиган деталлар (пелериналар, палантиналар),

қўшимчалар (белбоғлар, шарфлар) ва турли зийнатлар ёрдамида ҳар хил қилиб, уларнинг ишлатилиш диапазонини кенгайтирса бўлади. 2. Актив ҳилпираб турадиган, «биқиқ» шакллар безакларининг декоративлиги ҳисобига ва бутун ўзининг тузилиши (ўрама юбкалар, ҳилпирама деталлари) ёрдамида одам билан ҳамкорликда бўлади. Улар одам актив харакатлар қиладиган танца кечаларида, янги йил балларида, мактаб битирувчилари кечаларида кийилади. Башанг костюм нимага мўлжалланганига қараб унинг материали читдан то духобагача, зийнатлари ёғочдан то бриллиантгача, декоратив безаги оддий мережкада то зардўзи, буюмларгача бўлиши мумкин. Башанг кийим моделларини ишлаб чиқишда кўпинча материаллар бирга қўшиб ишлатилиб, бунда монандликка эришиш учун албатта биронта етакчи аломат бўлиши керак. Материал ранги бир хил бўлиб, фактуралар контрасти (атлас ва духоба) принципида, фактура бир хил бўлиб, ранглар контрасти принциплари ва айни вақитда фактура билан ранг нисбатлари контрасти принципида бирга қўшилиши мумкин. Башанг костюм ечимининг бадиий-образли ҳал этилиши унинг барча қисмлари ўзаро боғлиқ бўлишини ва одам шахсияти (гавдаси, ёши, табиати) билан, шунингдек кийиб юриладиган муҳити билан албатта алоқадор бўлиши талаб қилинади. ФОЙДАЛАНИЛГАН АДАБИЁТЛАР 1. Г.К. Ҳ асанбаева. «Кийим моделини ишлаш ва конструкциясини тайёрлаш». Тошкент. Ўқитувчи. 1990 йил.

2. А.П.Рогова. «Эркаклар ва болалар устки кийимини конструкция- лаш асослари». Тошкент. Ўқитувчи. 1988 йил. 3. А.П.Шершнева. «Основы конструирования женской и детской одежды». Москва. Легпромбытиздат. 1982 г. 4. Г.В.Скачкова, Л.В.Мартопляс. Школа кройки и шитья на дому. Минск. "ХЭЛТОН" 2000 г. 5. Е.В.Киреева. «История костюма». Москва. "Просвещение". 1976 г. 6. Е.Б.Коблякова. «Основы конструирования одежды». Москва. "Легкая индустрия". 1980 г. 7. Т.А.Абдуллаев, С.А.Хасанова. «Одежда узбеков ( XIX начало ХХ в.)». Издательство "Фан". Узбекской ССР. Ташкент. 1978 г. 8. Л.П.Чижикова. «Кружок конструирования и моделирования одежды». Москва "Просвещение". 1990 год. 9. Г.Г.Мозговая, Г.Б.Картушина. «Швейное дело». 7-8 класс. Москва. "Просвещение". 1990 год. 10. «Уй-рўзғор энциклопедияси». Ўзбек совет энциклопедияси бош редакцияси. Тошкент. 1982 йил. 11. Т.В.Козлова, Л.Б.Рытвинская, З.М.Тимашева. «Моделирование и художественное оформление женской и детской одежды». Москва. Легпромбытиздат. 1990 год. 12. Н.В.Ерзенкова. «Блузки». Минск. "Полымя". 1994 год. Г.Н.Александрова. «100 моделей женских юбок». Минск. "Полымя". 1992 год. 14. Т.Н.Екшурская, Е.Н.Юдина, И.А.Белова. «Модное платье». Санк-Петербург. Лениздат. 1992 год. 15. Т.И.Ерёменка. «Сеҳрли игна». Тошкент. Ўқитувчи. 1990 йил.

Похожие

ЗАМОНАВИЙ КОСТЮМ АССОРТИМЕНТИНИНГ УМУМИЙ ТАВСИФИ, МУАММОЛАРИ ВА РИВОЖЛАНИШ ТАМОЙИЛЛАРИ

Кийим хакида умумий маълумот

Кийим тугрисида умумий маълумотлар кийим сифати ва унга нисбатан куйиладиган талаблар

Кийим ассортименти

Кийим ҳақида маълумот