Ayollar xalatini bichish - Текстиль - Рефераты

Ayollar xalatini bichish

Загружено в:

20.09.2019

Скачано:

0

Размер:

677 KB

«Ayollar xalatini bichish» Andozalarni gazlama ustiga qo’yish hamda kiyimni bichish texnik talablarga muvofiq bajarilishi lozim. Tayyor kiyimning sifati bichish vaqtida andozalarning gazlama ustiga texnik talablarga muvofiq, to’g’ri qo’yilishiga ko’p jihatdan bog’liq. Tukli gazlamalar, shuningdek, har xil tusdagi gazlamalardan kiyim bichish vaqtida asosiy gazlamadan tikiladigan bo’laklarning barcha andozalari (adip va ostki yoqalar bundan mustasno) bir tomonga qaratilishi kerak. Kiyim, duxoba, baxmal, nimbaxmal, chiyduxobadan bichilayotganda andozani gazlama tuki pastdan yuqoriga qarab turadigan qilib joylash kerak. Shunda tayyor kiyimning materiali yaltirab turmaydi. Gullari har tomonga qaratilgan gazlamalarda andozalarni gazlama gullari pastdan yuqoriga yoki aksincha, yuqoridan pastga qarab turadigan qilib joylash tavsiya etiladi. Bayka, flanel, movut (drap, sukio) kabi tukli materiallar, paxta ipi, vegon ip, melanj ipdan to’qilgan materiallardan, zamsha va chiyduxobadan kiyim bichishda andozalarni tuklar pastdan yuqoriga qarab turadigan qilib joylash kerak, shunda kiyimning materiali ortiqcha paxmoqlanmaydi. Umuman, andozaning joylanishi material tukining uzun-qisqaligi va mayin dag’alligiga bog’liq. Xullas, uzun tukli materialda tuklar yuqoridan pastga, qisqa tukli materiallarda pastdan yuqoriga yo’nalgan bo’ladi. Tuklar ko’zga arang chalinadigan materialdan tikiladigan kiyimni bichganda hamma bo’laklarda material tuklarining bir yo’nalishda joylashgan bo’lishiga e’tibor berish kerak. Agar gazlama ustiga ikki kiyimning andozalarini bir yo’la joylashtirishga to’g’ri kelsa, u holda bir kiyimning jami bo’laklarida gazlama tuklari bir tomonga, ikkinchi komplektda esa boshqa tomonga qaratilishi lozim. Xol-xol gulli (xollar yirik bo’lsa) yoki yo’l-yo’l gazlamadan kiyim bichishda va tikishda kiyim orqasi va oldining o’rta chizig’i gulning qoq o’rtasiga to’g’ri keltirilishi lozim.

Yo’l-yo’l va katak gazlama ustiga andozalarni joylayotganda ayrim bo’laklarning chetlaridagi, chunonchi: kiyimning oldida-bortlar chetidagi, kiyim orqasida-o’rta chiziqlardagi podbortlarda-yoqa qaytarmalarining tashqi zihlaridagi, cho’ntaklar, cho’ntak qopqoqlari, ko’krak cho’ntagi (listochki), yoqa, xlyastik, old va orqa koketkalardagi (skladka yoki vitochkagacha) yo’llarning yoxud kataklarning bir-biriga mos holda to’g’ri keltirilishiga alohida e’tibor berish kerak. Kiyimning mazkur bo’laklarini bichayotganda gazlamaning gullarini bir- biriga to’g’ri keltirish uchun undagi takrorlanadigan gulning kattaligida yoki to’la kattaligida chok haqi tashlab ketiladi va podbortlarni bichayotganda chok haqqi tashlab ketilmaydi, balki bu bo’laklar gazlamaning chetiga yaqinroq joylashtiriladi. Gazlamaning takrorlanadigan gullari yirik bo’lganda ham shunday talablar qo’yiladi. Belbog’li va yelkasi yostiqchali kiyimlarda chok haqqi gazlamaning ko’ndalang joylashgan yirik yo’llari yon choklarda bir-biriga to’g’ri kelishini, yoqaning har ikkala uchida hamda yoqa qaytarmalarida esa simmetrik joylashuvini ta’minlamog’i lozim. Kiyim bo’laklarini bichganda hamma bo’laklarning chetlarida andozadan ozgina bo’lsa-da chetga chiqilishini nazarda tutish kerak. Lekin bu chetga chiqishlar quyida ko’rsatilgan darajadan ziyod bo’lmasligi lozim: Asosiy materialdan bichilgan bo’laklarning chetlari (elka chizig’i, yeng o’mizi, yeng boshi va hokazo) da  1,0-0,15 sm; Asosiy material va astarbop gazlamadan bichilgan bo’laklar chetida (bortlar, zihida, old yon chiziqlarda, yengning tirsak to’g’risidagi va oldingi zihlarida, yoqalar va qoplama cho’ntaklarning chetlarida va hokazo)  0,15-2 sm; Turli oraliq bo’laklar, kiyimning old va orqa etaklari (avrasi va astari) da va hokazolarda  0,25-0,3 sm; Kertiklarning o’lchamlarida va bir-biriga nisbatan joylashuvida  0,2 sm. Sidirg’a rang, yo’l-yo’l yoki katak (tuksiz) gazlamadan kiyim bichishda (agar kataklar, gullar simmetrik joylashgan bo’lsa) bo’laklarning andozalarini qarama-qarshi yo’nalishda joylashga yo’l qo’yiladi. Gullari nosimmetrik,

shuningdek, ma’lum yo’nalishda joylashgan gazlamada bir kiyimning hamma bo’laklar andozasi bir tomonga qaratib qo’yiladi. Andozani eng ko’pi bilan 0,2 sm chetga chiqishga yo’l qo’yiladigan bo’laklarni bichish vaqtida ularning andozalari oralarida kamida 0,1-0,15 sm qoldirib joylash lozim. Materialning qiymati tayyor kiyim tannarxining 80-90% ni tashkil etadi; shunga ko’ra kiyim bichishda materialni tejab-tergashning katta ahamiyati bor. Material ustiga andozalarni joylashdagi tejamkorlik qiyqim chiqishiga qarab belgilanadi: yaroqsiz qiyqimlarning ko’p-oz chiqishi turli omillarga bog’liq; gazlamaning eni va turi, joylashgan bo’laklarning formasi, o’lchami va soni, andozalarni joylash sxemasi, kiyimning razmeri, rosti hamda gazlama ustiga andozalarni joylash tartibi shunday omillar jumlasiga kiradi. Qirqimlarning ko’p- oz chiqishiga andozalarning joylanish tartibi ko’proq ta’sir etadi. Kiyimning asosiy bo’laklari birin-ketin bo’yiga joylashtirilsa yoki qiya zihlari bo’yicha juftlashtirilsa, andozalar oralig’idan juda oz qiyqim chiqadi. KERAKLI O’QUV-JIHOZ, ASBOB-USKUNA VA ASHYOLAR: Bitta o’quvchi uchun: - bichuv stoli; - ayollar xalati bo’laklarining andoza to’plami; - gazlama 120x250 sm; - texnologik xarita; - to’nog’ich, bo’r, chizg’ich, sm lenta

« AYOLLAR XALATINI BICHISH» BO’YICHA TEXNOLOGIK XARITA Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV 1. Gazlamani namlab dazmollash (dekatirovkal ash) Dazmol Gazlama namlanib, o’rni ipi yo’nalishida dazmollanadi. 2. Gazlama nuqsonlarini aniqlash, bo’yi va enini o’lchash Bo’r, sm lenta Gazlama o’ng tomonidan nuqsonlari teshik, ip va bo’yoqlar bir tekisligi va boshqalar) tekshiriladi. Aniqlangan nuqsonlar bo’r bilan belgilab qo’yiladi.

3. Gazlamani bichuv stoliga joylashtirish Gazlama, bichuv stoli Gazlama bichuv stoli ustiga yalang qavat qilib to’shaladi.

4. Gazlamaga xalatning old bo’lak andozalarini joylashtirish. Bichuv stoli. Gazlama, bo’laklar andozasi, to’g’nog’ic h Xalat old bo’lagi o’rta va yon qism andozalari gazlama ustiga joylashtiriladi. Bunda bo’laklar tanda ipi yo’nalishi gazlama tanda ipi yo’nalishi bilan ustma- ust tushishi kerak. Tanda ipi yo’nalishidan bo’lakning og’ish kattaligi jadvalda keltirilgan. Bo’laklar andozalarining to’g’ri chiziqli chetlari joylash ramkasining chetiga taqib qo’yiladi, egri chiziqli chetlari esa maydonchaning o’rtasiga to’g’ri keltiriladi. Shuningdek, bo’laklarning simmetrikligiga ahamiyat berish kerak.

5. Gazlamaga xalatning ort bo’lak andozalarini joylashtirish Bichuv stoli. Gazlama, bo’laklar andozasi, to’g’nog’ic h Xalat ort bo’lagi o’rta va yon qism andozalari gazlama ustiga joylashtiriladi. Bunda bo’laklar tanda ipi yo’nalishi gazlama tanda ipi yo’nalishi bilan ustma- ust tushishi kerak. Tanda ipi yo’nalishidan bo’lakning og’ish kattaligi jadvalda keltirilgan. Bo’laklar andozalarining to’g’ri chiziqli chetlari joylash ramkasining chetiga taqib qo’yiladi, egri chiziqli chetlari esa maydonchaning o’rtasiga to’g’ri keltiriladi. Shuningdek, bo’laklarning simmetrikligiga ahamiyat berish kerak. 6. Gazlamaga xalat yeng andozasini joylashtirish Bichuv stoli, gazlama, bo’laklar andozasi, to’nog’ich Xalat yeng bo’lagi andozalari gazlama ustiga joylashtiriladi. Bunda bo’laklar tanda ipi yo’nalishi gazlama tanda ipi yo’nalishi bilan ustma- ust tushishi kerak. Tanda ipi yo’nalishidan bo’lakning og’ish kattaligi

jadvalda keltirilgan. Bo’laklar andozalarining to’g’ri chiziqli chetlari joylash ramkasining chetiga taqib qo’yiladi, egri chiziqli chetlari esa maydonchaning o’rtasiga to’g’ri keltiriladi. Shuningdek, bo’laklarning simmetrikligiga ahamiyat berish kerak. 7. Gazlamaga xalat bo’laklarinin g mayda andozalarini joylashtirish Bichuv stoli, gazlama, bo’laklar andozasi, to’nog’ich Xalat mayda bo’laklari andozasi (ustki yoqa, ostki yoqa, adip, cho’ntak, cho’ntak listochkasi) gazlama ustiga joylashtiriladi. Bunda bo’laklar tanda ipi yo’nalishi gazlama tanda ipi yo’nalishi bilan ustma- ust tushishi kerak. Tanda ipi yo’nalishidan bo’lakning og’ish kattaligi 2-jadvalda keltirilgan. Mayda bo’laklar andozalari yirik bo’laklar andozalari orasiga juda oz

qiyqim chiqadigan qilib joylashtiriladi. Bo’laklarning simmetrikligiga ahamiyat berish kerak. 8. Joylamani bo’rlash. Bichuv stoli, gazlama, bo’laklar andozasi, to’nog’ich, bo’r Andozani bo’rlash o’tkirlangan bo’r yordamida bajariladi. Bunda: - chiziqlar 0,1 sm qalin bo’lmasligi kerak; - chiziqlar andoza konturi bilan mos tushishi kerak; XXII. MAVZU: «Ayollar xalati mayda bo’laklarini tayyorlash». Ayollar xalatlari har xil gazlamalardan tikiladi. Ularning ko’ylakdan farqi shundaki, old bo’lagi etagigacha ochiq bo’lib oldi tugmalanadigan yoki belbog’ bilan bog’lanadigan bo’ladi. Xalatning old bo’lak qismi ma’lum kenglikda bir- birining ustiga o’tib turadi. Xalatlar turli fason va bichimda tikilib yengli, yengsiz, yoqasiz, cho’ntakli bo’lishi mumkin. Xalat turli xil bezaklar qo’yma burmalar, gazlama rangiga mos qiya mag’izlar, furnituralar bilan bezatiladi. Xalatni tikish tartibi mayda bo’laklarni tayyorlashdan boshlanadi. Xalatning ostki va ustki yoqalari tayyorlanib, ag’darma chokda tikiladi. Yoqaning burchaklari texnik shartlarga ko’ra kesilib, o’ngiga ustki yoqadan ziy chiqarib ag’dariladi va dazmollanadi. Tayyor yoqa andoza yordamida tekshiriladi. Adip bo’laklari birlashtirib tikiladi. Adipga yelimli qotirmani namlangan mato yordamida dazmollab yopishtiriladi. Qoplama cho’ntak yuqori qismiga listochkani birlashtirib tikiladi, listochkani pastki qirqimlari buklab, bostirib tikiladi. Qoplama

cho’ntak yon va ostki qirqimlari bo’ylab buklab dazmollanadi. Xalatning yeng qirqimlari birlashtirib tikiladi va yo’rmalanadi. Choklar bir tomonga qaratib dazmollanadi. Yeng uchi qirqimlari bukish chizig’i andoza yordamida aniqlanadi va buklab bostirib tikiladi. Xalatning old va ort rel’ef qirqimlari birlashtirib tikiladi. Rel’ef chok qirqimlari bir tomonga qaratib dazmollanadi va yo’rmalanadi. Xalatning old bo’lak bortiga adipini ag’darma chok bilan yoqa o’tkaziladigan joydagi kertimgacha tikiladi. Bortni pastki burchaklari etak bukish haqqi kengligida bostirib tikiladi, choklar dazmollanadi. 1 2 5

1-rasm. Ayollar xalati tikilishining chizmali ko’rini 1-yoqani tikish; 2-eng uchini tikish; 3-qoplama cho’ntak listochkasini tikish; 4-old va orqa bo’lak yon rel’ef qirqimlarini tikish; 5-yoqani yoqa o’miziga tikish; 6- engni yeng o’miziga tikish; 7-bortga adipni tikish; 8-xalat etagini tikish KERAKLI O’QUV-JIHOZ, ASBOB-USKUNA VA ASHYOLAR: - tikuv mashinalar 1022 kl, PFAFF ZINGER, 51 kl; - bichilgan xalat bo’laklari; 3 4 6 7 8

- dazmol; - ayollar xalat bo’laklaridan tikma namunalar; Bitta o’quvchi uchun - texnologik xarita; - qo’l ishlari asboblarining 1 ta to’plami; - W40; W80 –iplardan 1 ta g’altak; - turli raqamli ignalardan 1 ta to’plam, qaychi 1ta; - santimetr lenta 1ta; - dukcha 1 ta; - yoqa, qoplama cho’ntak. Adip, yeng uchun yordamchi andoza; - bo’r. «AYOLLAR XALATI MAYDA BO’LAKLARINI TAYYORLASH» BO’YICHA TEXNOLOGIK XARITA Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV A) Xalat yoqasini tikish 1. Ostki yoqaga yelimli qotirmani yopishtirish Dazmol Ostki yoqa teskari tomoniga qotirmani kleyli tomonini, chetki qirqimlariga 0,5-0,7 sm yetkazmay namlangan mato yordamida dazmollab yopishtiriladi. 2. Yoqani tikish. U.M Ostki yoqani o’ngini o’ngiga qo’yib uch tomoni 0,7 sm kenglikda ag’darma chok

bilan tikiladi. 3. Yoqani kesish qaychi Tikilgan yoqani burchaklaridan tikilgan chokeka 0,1-0,2 sm yetkazmay kesib chiqiladi. 4. Yoqani o’ngiga ag’darish. Qo’lda Tikilgan yoqani o’ngiga ag’darib burchaklarini dukcha yordamida chiqariladi. 5. Ziy chiqarib dazmollash Dazmol Ustki yoqa tomoniga 0,1-0,2 sm ziy chiqarib dazmol qilinadi. B) Adipni tikish 1. Adip bo’laklarini tikish UM, dazmol Adip bo’laklari 0,7 sm kenglikdagi biriktirma chok bilan tikiladi va orasi yorib dazmollanadi. 2. Adipga yelimli qotirmani yopishtirish Dazmol Yelimli qotirma adipning ichki qirqimlariga 0,7-1,0 sm, bort qirqimlariga 0,5-0,7 sm yetkazmasdan namlangan mato yordamida dazmollab yopishtiriladi.

3. Adip qirqimlarini yo’rmalash MM Adip qirqimlari maxsus mashinada yo’rmalanadi. C) Qoplama cho’ntakni tikish 1. Qoplama cho’ntak yuqori qismiga listochkani tikish UM Qoplama cho’ntak yuqori qismiga listochkani 0,5-0,7 sm kenglikda biriktirma chokda tikiladi. Listochka pastki qirqimini 0,5-0,7 sm. da buklab, 0,1-0,2 sm kenglikda bostirib tikiladi. 2. Qoplama cho’ntak ziylarini buklash Dazmol Cho’ntakning yon va ostki qirqimlari bo’ylab bukib dazmollanadi. 3. Old bo’lakka qoplama cho’ntakni tikish Old bo’lavk o’ng tarafiga andoza yordamida qoplama cho’ntak o’rni belgilanadi. Tayyor qoplama cho’ntak belgilangan cho’ntak o’rniga model bo’yicha bostirib tikiladi.

D) Yengni tikish 1. Yeng qirqimlarini tikish UM Yeng qirqimlarining o’ngi ichkariga qaratib qo’yiladi va teskari tomonidan 1 sm chok kengligida tikiladi. 2. Yeng chokini dazmollash Dazmol Tikilgan choklar bir tomonga qaratib yengning teskari tomonidan namlangan mato orqali dazmollanadi. 3. Yeng qirqimlarini yo’rmalash MM Dazmol qilingan yengning chok qirqimlari maxsus mashina yordamida yo’rmalanadi. 4. Yeng uchi qirqimini tikish UM Yeng uchi qirqimi teskariga 0,7-1,0 sm bukiladi va bukish chizig’i bo’ylab yana bukilib, ziydan 0,1-0,2 sm kenglikda tikiladi.

5. Yeng o’miziga burma uchun chok tikish UM Yeng o’miz qirqimlaridan 0,5 sm ichkaridan 1 chi bahyaqator yuritiladi. Bu bahyaqatordan 0.5 sm ichkaridan 2 chi bahyaqator tikiladi. Ikkala bahyaqator orqali burmalar tekislanadi. D) Old bo’lak rel’ef qirqimlarini tikish va bortga adipni tikish 1. Old bo’lak rel’ef qirqimlarini tikish. UM Old bo’lak o’rta qismiga yoni qismini o’ngini o’ngiga qo’yib ko’krak qismida shakl hosil qilish uchun ozgina yedirib 1,0 sm kenglikda biriktirib tikiladi. 2. Rel’ef choklarini dazmollash. Dazmol Tikilgan gazlamaning rel’f choklari teskari tomonidan namlangan mato orqali bir tomonga qarab dazmollanadi. 3. Rel’ef qirqimlarini yo’rmalash. MM Dazmol qilingandan so’ng orqa bo’lak o’rta va rel’ef qirqimlari maxsus mashinada chok qirqimlari yo’rmalanadi. 4. Adipni old bo’lak bo’rtiga tikish. UM Tayyorlangan adip bilan old bo’lagini ularning o’ngini ichkariga qaratib qo’yiladi va adip bo’lak bortiga ko’klanadi. Bort old bo’lak tomonidan 0,5-0,7 sm kenglikda ag’darma chok bilan yoqa o’tkaziladigan joydagi kertimgacha tikiladi.

5. Bortning pastki burchagini tikish UM Etak bukish haqqi kengligida adipning ichki tomoni bukish haqqi 0,2-0,3 sm kenglikda bostirib tikiladi. Ye) Orqa bo’lak o’rta qirqim va rel’ef qirqimlarini tikish 1. Orqa bo’lak o’rta qirqimini tikish UM Orqa bo’lak o’rta qirqimli o’ngi o’ngiga qo’yilib 1,0 sm chok kengligida biriktirib tikiladi. 2. Orqa bo’lak o’rta rel’ef choklarini dazmollash Dazmol Tikilgan orqa bo’lak o’rta choklari gazlamaning teskari tomonidan namlangan mato orqali bir tomonga, 2 ta rel’ef choklari esa o’rta qirqimga qaratib dazmollanadi. 3. Orqa bo’lak o’rta rel’ef qirqimlarini yo’rmalash MM Dazmoldan so’ng orqa bo’lak o’rta va rel’ef chok qirqimlari maxsus mashinada yo’rmalanadi. XXIII . MAVZU : « Ayollar xalatini yig ’ ish , oxirgi ishlov berish ». : Ayollar xalatining mayda bo’laklariga ishlov berilgandan so’ng yig’ish ishlari boshlanadi. Avval old va ort bo’laklarining yelka va yon qirqimlari birlashtirilib tikiladi va chok qirqimlari yo’rmalanadi. Yoqa, yeng o’mizlari, xalat etak qismlarini tekshirib ko’riladi va tekislanadi. Yoqani yoqa o’miziga adip bilan birgalikda tikiladi. Yoqani yoqa o’miziga o’rnatilganda kertim berishni unutmaslik kerak, chunki kertim bergandan so’ng yoqa yaxshi yotadi. Yoqa tikib bo’lingandan so’ng adip o’ngiga ag’darilib, bortda ziy chiqarib dazmollanadi. Xalat etak qismi

buklash chizig’idan buklab tikiladi. Xalat taqilmasida izma o’rinlari andoza yordamida belgilanadi va puxtalanadi. Tugmalar o’rni tugma o’rnini belgilash uchun xalatni stol ustiga yozib qo’yiladi va taqilma joyidagi izmalarga moslab tugma taqish joylari belgilanadi va tugma maxsus mashinada puxtalanadi. So’ngra oxirgi ishlov beriladi va NIIB bajariladi. KERAKLI O’QUV-JIHOZ, ASBOB-USKUNA VA ASHYOLAR: - tikuv mashinalar 1022 kl, 51 kl, 255 kl, 827 kl; - dazmol; - ayollar xalatining tikma namunasi; Bitta o’quvchi uchun - texnologik xarita; - qo’l ishlari asboblarining 1 ta to’plami; - gazlamaning tayyor mayda bo’laklari; - W60; W80 –iplardan 1 ta g’altak; - turli raqamli ignalardan 1 ta to’plam, qaychi 1ta; 1 ta sm tasma; - old, orqa bo’laklar uchun andoza; - bo’r. «AYOLLAR XALATINI YIG’ISH VA OXIRGI ISHLOV BERISH » BO’YICHA TEXNOLOGIK XARITA Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV A) Xalat old va orqa bo’laklarini birlashtirib tikish 1. Old va UM Old va orqa yelka qirqimlarini

orqa, yelka va yon qirqimlarini tikish bir-biriga to’g’rilab 1,0 sm chok kenglikda biriktirib tikiladi. 2. Yelka va yon choklarini dazmollash Dazmol Yelka choklarini bir tomonga yotqizib (orqa bo’lakka) dazmollanadi. 3. Yelka va yon qirqimlarini yo’rmalash MM Yelka qirqimlarini bitta qilib maxsus mashinada chok ziyidan yo’rmalanadi B) Yoqani yoqa o’miziga tikish 1. Yoqani yoqa o’miziga tikish UM Tayyor yoqani yoqa o’mizi va adip orasiga kirgazib to’g’nog’ichlar yordamida kertimlarni to’g’rilab yoqa o’miziga to’g’nab tikiladi. Yoqa qo’yish kertimidan adip yelka qirqimigacha yoqa bitta qilib, orqa bo’yin o’miziga ostki yoqa, xalatning yoqa o’miziga ko’klanadi. So’ngra 0,7-1,0 sm chok kengligida biriktirib mashinada tikiladi. Ustki yoqa ochiq holatda qoladi. 2. Ustki yoqani bostirib tikish UM Orqa yoqa o’mizining qismida tikmay qoldirilgan ustki yoqa qirqimi kertimdan ostki yoqa chokini berkitgan holda buklab, 0,1-0,2 sm chok kengligida bostirib tikiladi.

3. Adipni o’ngiga ag’darish Qaychi Latskan burchaklari chokka 0,1- 0,2 sm yetkazmay kesilib o’ngiga ag’dariladi. Birinchi izma o’ngigacha adipdan ziy chiqarib, izmadan etakkacha bortdan ziy chiqarib ko’klanadi. C) Yengni yeng o’miziga tikish 1. Yengni yeng o’miziga tikish UM Tayyor yengni yeng o’miziga to’g’nog’ichlar yordamida kertimlarini to’g’rilab o’mizga to’g’nab chiqiladi. Keyin yengni o’mizga ko’klab o’tkazayotganda ignalar olib tashlanadi. Yengni ko’klab o’tkazish uchun yengni asosiy bo’lak yeng o’mizi ichiga o’ngini ichkariga qaratib kiritiladi, yeng va o’miz kertimlari to’g’ri keltiriladi va yeng tomondan sirma qaviqlar bilan ko’klanadi, chok kengligi 0,7-0,8 sm. yengdagi eng ko’p salqi qiyama qismida bo’lib, qolgan joyda deyarli salqi hosil qilmay ko’klab o’tkaziladi. So’ngra mashinada tikiladi. 2. Yeng o’miz choklarini dazmollash Dazmol Yeng mashinada tikib bo’lingandan so’ng ko’klangan qaviq iplari, so’ng salqilar kirishtirilib dazmollanadi.

Dazmol tagi yeng qirqimidan 2,5-3,0 sm masofadan o’tmasligi lozim. Maxsus dukcha yordamida ko’klangan choklar olib tashlanadi. 3. Yeng o’miz qirqimlarini yo’rmalash MM Yeng o’tkazilgan chok qirqimlari maxsus mashinada chok ziylari yo’rmalanadi. 4. Xalat etak qirqimlarini tikish UM Xalat etak qismini tikish uchun avval xalat o’ngiga ag’dariladi, yon choklarini bir-biriga to’g’rilab andoza qo’yib, etakning notekis joylari tekislanadi, va bukish haqqi bo’rlanadi. So’ngra bukish haqqini buklab, yana bir marotaba bukma ziydan 0,1-0,2 sm bostirib tikiladi. D) Xalatga oxirgi ishlov berish va NIIB 1. Izma o’rnini belgilash va puxtalash Bo’r, andoza Xalat modeliga muvofiq izmalar o’rni andoza yordamida bo’rlanadi va maxsus mashinada puxtalanadi.

2. Tugma o’rnini belgilash va puxtalash MM, ip, igna, angishvon a So’ngi dazmollashdan keyin tugma qadash uchun xalatni stol ustiga yozib qo’yiladi va taqilma joyidan izmalarga moslab tugma taqish joylari belgilanadi va tugma maxsus mashinalarda yoki qo’lda tikish shartlariga muvofiq puxtalanadi. 3. Xalatni so’nggi pardozlash Qaychi, dukcha Xalatni o’ngi va teskarisidan qolgan ip uchlari qirqib tashlanadi 4. Tayyor xalatga so’ngi NII berish Dazmol, maxsus qolip Xalatni dazmollashda maxsus qolip va dazmol mato ishlatiladi. Xalatni teskarisiga ag’darib oldin maxsus qolipga kiydirib, yenglar dazmollab olinadi, keyin ko’ylakning qolgan joylari dazmol stoli yoki maxsus taxta ustida dazmollanadi. Xalat dazmollashda yoqa ostki yoqa tomondan, etak esa bukish haqqi tomondan dazmollanadi.

Похожие

Ayollar yubkasini modellash, andoza tayyorlash, gazlamaga andozani joylashtirish, bichish

Ayollar yengil ko’ylagi andozasini tayyorlash, gazlamaga joylashtirish va bichish

Ayollar yubkasini modellash, andoza tayyorlash, gazlamaga andozani joylashtirish, bichish

Gazlamalarni to’shash va bichish

Ayollar yubkalarini tikish