Андазаларни газлама устига қўйиш ва бичиш - Текстиль - Рефераты

Андазаларни газлама устига қўйиш ва бичиш

Загружено в:

20.09.2019

Скачано:

0

Размер:

713.5 KB

Андазаларни газлама устига қўйиш ва бичиш Андазаларни газлама устига қўйиш ҳамда кийимни бичиш техник талабларга мувофиқ бажарилиши лозим . Асосий, иккиламчи ва ёрдамчи иш андазалари комплекти техник контрол бўлимида текширилган ва қачон текширилганлиги (ой, кун ва йили) ёзилган, имзо чекилган ҳамда ОТКнинг штампи босилган бўлиши керак. Корхонадаги иш андазалари эталон- андазалар ҳамда ўлчамлар табели бўйича текширилади. Тайёр кийимнинг сифати бичиш вақтида андазаларнинг газлама устига техник талабларга мувофиқ, тўғри қўйилишига кўп жиҳатдан боғлиқ. Тукли газламалар, шунингдек, ҳар хил тусдаги газламалардан кийим бичиш вақтида асосий газламадан тикиладиган деталларнинг барча андазалари (адип ва остки ёқалар бундан мустасно) бир томонга қаратилиши керак. Кийим духоба, бахмал, нимбахмал, чийдухобадан бичилаётганда андазани газлама туки пастдан юқорига қараб турадиган қилиб жойлаш керак. Шунда тайёр кийимнинг материали ялтираб турмайди. Гуллари ҳар томонга қаратилган газламаларда андазаларни газлама гуллари пастдан юқорига ёки, аксинча, юқоридан пастга қараб турадиган қилиб жойлаш тавсия этилади. Байка, фланель, мовут (драп, сукно) каби тукли материаллар, пахта ипи, меланж ипдан туқилган материаллардан, замша ва чийдухобадан кийим бичишда андазаларни туклар пастдан юқорига қараб турадиган қилиб жойлаш керак, шунда кийимнинг материали ортиқча пахмоқланмайди. Умуман, андазанинг жойланиши материал тукининг узун-қисқалиги ва майин-дағаллигига боғлиқ. Хуллас, узун тукли материалда тук лар юқоридан пастга, қисқа тукли материалларда пастдан юқорига йўналган бўлади. Туклари кўзга аранг чалинадиган материалдан тикиладиган кийимни бичганда ҳамма деталларда материал тукларининг бир йўналишда жойлашган бўлишига эътибор бериш керак. Агар газлама устига икки

кийимнинг андазаларини бир йўла жойлаштиришга тўғри келса, у ҳолда бир кийимнинг жами деталларида газлама туклари бир томонга, иккинчи комплектда эса бошқа томонга қаратилиши лозим. Сидирға ранг, йўл-йўл ёки ката к (туксиз) газла мадан кийим бичишда (агар катаклар, гуллар симметрик жой лашган бўлса) деталларнинг андазаларини қарама-қарши йўналишда жойлашга йўл қуйилади. Гуллари носимметрик, шунингдек, маълум йўналишда жойлашган газламада бир кийимнинг ҳамма деталлари андазаси бир томонга қаратиб қўйилади. X ол-хол гулли (холлар йирик бўлса) ёки йўл-йўл газ ламадан кийим бичишда ва тикишда кийим орқаси ва олдининг ўрта чизиғи гулнинг ўртасига тўғри келтирилиши лозим. Йўл-йўл ва катак газлама устига андазаларни жойлаётганда айрим деталларнинг четларидаги,кийимнинг олдида — бортлар четидаги, кийим орқасида-ўрта чизиқдаги, подбортларда –ёқа қайтармаларининг ташқи зиҳларидаги, чўнтаклар, чўнтак қопқоқлари, кўкрак чўнтаги (листочка), ёқа, хлястик, олд ва оркқа кокеткалардаги (складка ёки витачкагача) йўлларпинг ёхуд катакларнинг бир-бирига мос ҳолда тўғри келтирилишига алоҳида эътибор бериш керак. Кийимнинг мазкур деталларнни бичаётганда газламанинг гулларини бир-бирига тўғри келтириш учун ундаги такрорланадиган гулнинг катталигида ёки тўла катталигида чок ҳақи ташлаб кетилади. Кийимнинг орқаси (чокли бўлган ҳолларда) ва подбортларни бичаётганда чок ҳақи ташлаб кетилмайди, бал ки бу деталлар газламанинг четига яқинрок, жойлаштирилади. Газламанинг такрорланадиган гуллари йирик бўлганда ҳам шундай талаблар қўйилади. Белбоғли ва елкаси ёстиқчали кийимларда чок ҳақи газла манинг кўндаланг жойлашган йирик йўллари ён чокларда бир-бирига тўғри келишини, ёқанинг ҳар иккала учида ҳамда ёқа қайтармаларида эса симметрик жойлашувини таъминламоғи лозим.

Кийим деталларини бичганда хамма деталларнинг четларида андазадан озгина бўлса-да четга чиқилишини назарда тутиш керак. Лекин бу четга чиқишлар қуйида кўрсатилган даражадан зиёд бўлмаслиги лозим: асосий материалдан бичилган деталларнинг четлари (елка чизиғи , енг ўмизи, енг боши ва ҳоказо)да ±0,1—0,15 см; асосий материал ва астарбоп газламадан бичилган деталлар четида (бортлар зиҳида, олд ён чизиқларда, енгнинг тирсак тўғрисидаги ва олдинги зихларида, ёқалар ва қоплама чўнтакларнинг четларида ва ҳоказо) ±0,15-2 см; турли оралиқ деталлар, кийимнинг олд ва орқа этаклари (авраси ва астари)да ва ҳоказоларда ±0,25—0,3 см; кертикларнинг ўлчамларида ва бир-бирига нисбатан жойлашувида ±0,2 см. Андазадан энг кўпи билан 0,2 см четга чиқишга йул қўйиладиган деталларни бичиш вақтида уларнинг андазалари ораларида камида 0,1—0,15 см қолдириб жойлаш лозим. Тикувчилик саноатида андазаларни жойлаштиришнинг типавий схемалари қўлланилади; бу схемаларда размери ва рости ҳар хил бўлган ки йимларнинг йирик деталлари андазаларини эни бир типдаги газламалар устига жойлаш тартиби ҳам кўзда тутилган. Андазаларни газлама устига жойлашнинг бир неча варианти мавжуд. Лекин асосий принцип қуйидагидан иборат. Йирик деталларнинг андазаларини жойлашда уларнипг тўғри чизиқли (ёки шунга яқин) четлари жойлаш рамкасининг четига талаб қуйилади, эгри чизиқли четлари эса майдончанинг ўртасига тўғри келтирилади. Йирик андазалар орасига майдароқлари жойланади, бунда ёндош андазаларнинг четлари бир-бирига тегиб туриши лозим. Йирик ва ўртача катталикдаги андазаларнинг четларини шундай жуфтлаштириш керакки, уларнинг ўйиқларидан ҳосил бўлган очиқ жойларга майда амдазалар сиғадиган бўлсин.

Тавсия этилаётган типавий схемаларнинг кўпчилиги андазаларни симметрик жойлаштириш, яъни ҳар иккала қисмда (агар уни шартли разишда диагонал буйича икки қисмга бўладиган бўлсак) бир хилда жойлаштириш принципи бўйича тузилган. Размерлари ва рости бир хил бўлган ва оралиқ группага киритиладиган кийимларнинг андазаларини жойлашда энг қулай ва яхши типавий схемадан фойдаланиш мумкин. Бир тур даги, лекин ҳар хил моделдаги кийимларнинг андазалари шакли бир-бирига жуда ўхшайди, уларни газлама устига жойлаштиришда йирик андазаларни жойлаштириш схемасидан фойдаланиш мумкин. Материалнинг қиймати тайёр кийим таннархининг 80—90% ни ташкил этади; шунга кўра кийим бичишда материални те жаб-тергашнинг катта аҳамияти бор. Материал устига андазаларни жойлашдаги тежамкорлик қийқим чиқишига қараб белгиланади: яроқсиз қийқимларнинг кўп-оз чиқиши турли омилларга боғлиқ; газламанинг эни ва тури, жойланган деталларнинг формаси, ўлчами ва сони, анда заларни жойлаш схемаси, кийимнинг размери ва рости ҳамда газлама устига андазаларни жойлаш тартиби шундай омиллар жумласига киради. Қийқимларнинг кўп-оз чиқишига андаза ларнинг жойланиш тартиби кўпроқ таъсир этади. Пальто деталларининг андазаларини жойлашнинг асосий схемалари кийим олди ва орқасининг вазиятига, пиджак олдининг ҳамда шим олди ва орқасининг вазиятига қараб аниқланган. расмда андазаларни газлама устига жойлаш типавий схемасининг икки варианти берилган. Шу нарса маълумки, кийимнинг асо сий деталлари бирин-кетин бўйига жойлаштирилса ёки қия зиҳлари бўйича жуфтлаштирилса, андазалар оралиғидан жуда оз қийқим чиқади.

Похожие

Андазаларни газлама устига қўйиш ва бичиш

Тикув буюмларини ишлаб чиқариш технологик жараёни

Ёрдамчи деталларни чизиш, андоза тайёрлаш уни кўпайтириш ва жойлаш

Газламаларни бичишга тайёрлаш. Текширилган газламаларни сақлаш

Тикув буюмларни техник хужжатлари