Ёрдамчи деталларни чизиш, андоза тайёрлаш уни кўпайтириш ва жойлаш - Текстиль - Рефераты

Ёрдамчи деталларни чизиш, андоза тайёрлаш уни кўпайтириш ва жойлаш

Загружено в:

20.09.2019

Скачано:

0

Размер:

81.5 KB

Ёрдамчи деталларни чизиш, андоза тайёрлаш уни кўпайтириш ва жойлаш Режа: 1. Андозалар конструкциясини тузиш ва уларни кўпайтириш 2. Андозаларни техник кўпайтириш 3. Андозаларни газлама устига қўйиш ва бичиш

Ёрдамчи деталларни чизиш, андоза тайёрлаш, уни кўпайтириш ва жойлаш 1. Андозалар конструкциясини тузиш ва уларни кўпайтириш Кийим деталлари андоза бўйича бичилади. Андоза тайёрлашдан олдин кийим деталларининг чизмасида виточкалар , ён чизиқлар , енг , шим ва бошқа деталлар чизиқларининг барча ўтмас бурчаклари уларнинг учига мумкин қадар яқинроқдан думалоқланади. Сўнгра кийим орқаси ва олди деталларининг , енгнинг устки ва остки ярмининг , шимнинг олд ярми билан орқа ярми жуфтлаштирилиб бир-бирига уланадиган зиҳларининг ўзаро мос келиши текширилади; бунда конструкция чизиқларидан арзимаган даражадагина четга чиқишга йўл қўйилади. Шу тарзда аниқланган чизмаларда чокларга ҳамда кийим этагини , енг учи ва шим почасини , юбка этакларини букиш учун қабул қилинган технологик ва техник шартларга мувофиқ чок ҳақи белгиланади. Андозалар тайёрлаш усулига қараб , асосий андоза , иккиламчи (ҳосила) андоза ва ёрдамчи андоза деган турларга ажратилади , бажарадиган вазифасига қараб эса , эталон-андоза (оригиналлар) , иш андозаси ва ёрдамчи андоза каби хилларга ажратилади. Э т а л о н - а н д о з а л а р иш андазаларини текшириш учун контрол восита сифатида хизмат қилади. Улар экспериментал цехларда сақланади ва оригинал-чизмалар ёки ўлчовлар табели бўйича камида кварталда бир марта текшириб кўрилади. И ш а н д о з а л а р и д а н бевосита технологик жараёнларда (кийим бичиш , бичиқларни текшириш ва ҳоказолар вақтида) фойдаланилади. Бу андозалар ойига камида бир марта эталон андозалар бўйича текширилади.

Кесилган жойлардаги четга чиқишлар норматив-техник ҳужжатларга мувофиқ белгиланади. Одатда иш андозалари 3-5 комплект қилиб тайёрланади. Ё р д а м ч и а н д о з а л а р кийимнинг қайириб букиш чизиқлари , кесиб ташланадиган жойлари , чўнтаклар , измалар , тугмалар ва ҳоказолар ўрнини қўшимча равишда белгилаш учун хизмат қилади. А с о с и й а н д о з а л а р кийим конструкциясининг чизмаси бўйича тайёрланади; бу андозаларда чок ҳақи , кийим этакларини қайириб букиш , ортиқча жойларни кесиб ташлаш ҳақлари албатта ҳисобга олинган бўлади. Кийимнинг орқаси , олди , енглари , ён чизиқларига , юбканинг , шимнинг олд ва орқа ярмига қўшиб бериладиган чок ҳақи «Тикилган кийимлар , қавиқлар , бахялар ва чоклар» давлат стандартига мувофиқ белгиланади. Аҳолининг шахсий буюртмасига мувофиқ кийим тикишда асосий лойиҳа андозалардан фойдаланилади. Асосий лойиҳа андозасини тайёрлаган вақтда чок ҳақи берилмайди. Кийимни бичганда тегишли жойларда чок ҳақи ташлаб кетилади , бу эса кийим балансини яхшилаш мақсадида унга бирмунча ўзгартириш киритишга ва композицион ечимларга имкон туғдиради. Кийим деталларининг четларини туғри ва аниқ улаш мумкин бўлиши учун , андозаларни тайёрлаган вақтда кертиклар қилинади. Асосий андозалар ишлаб чиқилгандан кейин деталларининг жуфтлаштириладиган контурлари текшириб кўрилади. И к к и л а м ч и (ҳосила) андозалар асосий андозалар бўйича тайёрланади. Иккиламчи андозаларга қуйидагилар киради: асосий материалдан тикиладиган деталларнинг (адип , ёқа) андозалари; астарбоп материалдан тикиладиган деталларнинг (кийимнинг олди ва орқаси , енгнинг устки ва остки қисмлари , жилетка астари , юбка астари , шим олд ярмининг астари андозалари; оралиқ материалдан тайёрланадиган деталлар (кийимнинг

кўкрак қисмига , елкага ва ёқа оралиғига қўйиладиган флезилин ёки дублирин)нинг андазалари. Ё р д а м ч и а н д о з а л а р кийим деталларининг асосий ва иккиламчи андозаларидан фойдаланиб тайёрланади. Ёрдамчи андозаларда чўнтаклар , виточкалар , бурмалар , измалар , тугмалар ва ҳоказолар ўрни кўрсатилади. Асосий , иккиламчи ва ёрдамчи эталон-андозаларнинг ҳамда иш андозаларининг барча комплектларида кесиладиган жойлардаги чизиқлар бўйича (андозанинг четидан 1 мм қочириб) 8-10 см оралатиб тамға босилади ёки чизиқ чизилади; тамға ва чизиқлар андазанинг эскириш даражасини текшириб туриш учун керак. Андозанинг бирида , одатда кийим олдининг деталида , барча деталлар ва андозаларнинг вазифаси бўйича рўйҳати тузилади. Тармоқ стандартига мувофиқ рухсат этиладиган деталлар андозаларига (остки ёқа , подбортлар , енглар астари ва ҳоказоларга) йўл қўйиладиган улоқлар чизилади. Иш андозаларида кесиш аниқлигидан йўл қўйиладиган четга чиқишларни кўрсатиб қўйиш мақсадга мувофиқ. Кийимнинг ниҳоят даражада аниқ бичилиши талаб қилинадиган жойларида (ёқа ўмизи , елка зиҳлари , енг ўмизи , енг боши) йўл қўйиладиган четга чиқишлар ±0 , 1 см га тенг; устки деталларнинг бошқа жойларидаги йўл қўйиладиган четга чиқишлар ±0 , 25 см , астар ва оралиқ материалдан тайёрланадиган деталларда ±0 , 4 см ни ташкил этади. ../../2015/ТЕКИСТЕЛНЫЙ/tikuvchilik/Tikuvchilik (E)/AutoPlay/Docs/Tikuvchilik.htm - mun#mun 11. 2. Андозаларни техник кўпайтириш

Андозаларни техник кўпайтиришдан мақсад мазкур модель учун лойиҳаланадиган кийимнинг барча размерлари ҳамда ростлари учун андозалар ҳосил қилишдир. Андозаларни техник кўпайтириш иши билан модель тузувчи ташкилотлар , тикувчилик корхоналарининг лабораториялари ҳамда конструкторлик бюролари шуғулланади. Андозаларни кўпайтиришнинг қўлда бажариладиган бир неча усуллари бор; шунингдек , уларни ЭҲМлардан фойдаланиб автоматлаштирилган режимда кўпайтириш ҳам мумкин. Андозаларни кўпайтиришнинг н у р у с у л и шундан иборатки (60-расм , а) , марказ (фокус) сифатида қабул қилинган нуқтадан нур (чизиқ)лар чиқарилади; бу нурлар фокусни конструктив нуқталарга туташтиради; нурлар (чизиқлар)нинг узунлиги ҳисоблаш жадвалларидан олинган орттириш қийматлари узунлигича давом эттирилади. Бу усул содда бўлиши билан бирга , у камчиликка ҳам эга; бу камчилик фокус танлашга тааллуқлидир: конструктив нуқталар сони қанча кўп бўлса , уларни аниқлаш шунча қийинлашади. Бу усулдан асосан бош кийимлари ҳамда корсетли кийимлар айрим деталларининг андозаларини кўпайтиришда фойдаланилади. Г у р у ҳ л а ш у с у л и деталлар (асосий детал ва четки катта ёки кичик детал ёки иккита четки детал) андозаларининг икки комплектини горизонтал ва вертикал асосий чизиқлар бўйича жуфтлашдан иборат (60-расм , б). Бир ном билан юритиладиган конструктив нуқталар тўғри чизиқлар ёрдамида туташтирилади ва оралиқ ростлар сонидан бир рақами (яъни бирлик) чегириб ташлангандан кейин (n-1) қолган сонга бўлинади.

Бу энг аниқ усул бўлиб , ҳар қандай шаклдаги деталлар андозаларини кўпайтиришда қўлланилади. Мазкур усулнинг асосий камчилиги шуки , бунда меҳнат ва материал кўп сарф бўлади. Шунга кўра ундан нур усули ва пропорционал-ҳисоблаш усули учун орттириш ҳисоблаш жадвалларини тузиш вақтидагина фойдаланилади. П р о п о р ц и о н а л - ҳ и с о б л а ш у с у л и гавданинг ўлчов белгилари ўзгаришига қараб , ҳар бир конструктив нуқтани вертикал ва горизонтал йўналишларда (бўйига ва энига) силжитишга асосланган (60-расм , в). Ҳар бир нуқтанинг силжитилиши 4-жадвалда плюс (+) ва минус (-) белгилари билан кўрсатилган. 60-расм. Андазаларни кўпайтиришнинг техник усуллари Андозаларни техник кўпайтириш жараёни сермеҳнат иш бўлиб , кўп вақт сарфлашни ҳамда диққатликни талаб қилади. Бунда вақтни тежаш учун андозани кўпайтириш ишини осонлаштирадиган турли мосламалар қўлланилади; уларнинг энг содда тури орттириш нуқталари оралиғи игналар воситасида кўрсатиб қўйилган ва угломерли мосламалар йиғиндисидан иборат.

5-жадвал Конструктив нуқталарни силжитиш белгилари системаси Белгил ар Горизонтал йўналишда Вертикал йўналишда Размер ёки рост катталаштирилг анда Размер ёки рост кичрайтирилга нда Размер ёки рост катталаштирилг анда Размер ёки рост кичрайтирилга нда + (плюс) - (минус ) Ўнгга Чапга Чапга Ўнгга Юқорига Пастга Пастга Юқорига Андозаларни кўпайтиришда «градемастер» , «мульти градер» вариатори каби жуда содда асбоблардан ҳам фойдаланилади. Ҳозирги вақтда андозалар машина усулида , яъни ЭҲМлар , графопостроителлар ҳамда қирқувчи асбоблар ёрдамида кўпайтирилади. ../../2015/ТЕКИСТЕЛНЫЙ/tikuvchilik/Tikuvchilik (E)/AutoPlay/Docs/Tikuvchilik.htm - mun#mun 3. Андозаларни газлама устига қўйиш ва бичиш Андозаларни газлама устига қўйиш ҳамда кийимни бичиш техник талабларга мувофиқ бажарилиши лозим. Тукли газламалар , шунингдек , ҳар хил тусдаги газламалардан кийим бичиш вақтида асосий газламадан тикиладиган деталларнинг барча

андозалари (адип ва остки ёқалар бундан мустасно) бир томонга қаратилиши керак. Кийим духоба , бахмал , нимбахмал , чийдухобадан бичилаётганда андозани газлама туки пастдан юқорига қараб турадиган қилиб жойлаш керак. Шунда тайёр кийимнинг материали ялтираб турмайди. Гуллари ҳар томонга қаратилган газламаларда андозаларни газлама гуллари пастдан юқорига ёки , аксинча , юқоридан пастга қараб турадиган қилиб жойлаш тавсия этилади. Байка , фланель , мовут (драп , сукно) каби тукли материаллар , пахта ипи , меланж ипдан тўқилган материаллардан , замша ва чийдухобадан кийим бичишда андозаларни туклар пастдан юқорига қараб турадиган қилиб жойлаш керак , шунда кийимнинг материали ортиқча пахмоқланмайди. Умуман , андозанинг жойланиши материал тукининг узун-қисқалиги ва майин-дағаллигига боғлиқ. Хуллас , узун тукли материалда туклар юқоридан пастга , қисқа тукли материалларда пастдан юқорига йўналган бўлади. Туклари кўзга аранг чалинадиган материалдан тикиладиган кийимни бичганда ҳамма деталларда материал тукларининг бир йўналишда жойлашган бўлишига эътибор бериш керак. Агар газлама устига иккита кийимнинг андозаларини бир йўла жойлаштиришга тўғри келса , у ҳолда бир кийимнинг жами деталларида газлама туклари бир томонга , иккинчи комплектда эса бошқа томонга қаратилиши лозим. Сидирға ранг , йўл-йўл ёки катак (туксиз) газламадан кийим бичишда (агар катаклар , гуллар симметрик жойлашган бўлса) деталларнинг андазаларини қарама-қарши йўналишда жойлашга йўл қўйилади. Гуллари носимметрик , шунингдек , маълум йўналишда жойлашган газламада бир кийимнинг ҳамма деталлари андозаси бир томонга қаратиб қўйилади. Хол-хол гулли (холлар йирик бўлса) ёки йўл-йўл газламадан кийим бичишда ва тикишда кийим орқаси ва олдининг ўрта чизиғи гулнинг қоқ ўртасига тўғри келтирилиши лозим.

Йўл-йўл ва катак газлама устига андозаларни жойлаётганда айрим деталларнинг четларидаги , чунончи: кийимнинг олдида – бортлар четидаги , кийим орқасида – ўрта чизиқдаги , борт адипларида – ёқа қайтармаларининг ташқи зиҳларидаги , чўнтаклар , чўнтак қопқоқлари , ёқа , олд ва орқа кокеткалардаги (складка ёки витачкагача) йўлларнинг ёхуд катакларнинг бир-бирига мос ҳолда тўғри келтирилишига алоҳида эътибор бериш керак. Кийимнинг мазкур деталларини бичаётганда газламанинг гулларини бир- бирига тўғри келтириш учун ундаги такрорланадиган гулнинг катталигида ёки тўла катталигида чок ҳақи ташлаб кетилади. Кийимнинг орқаси (чокли бўлган ҳолларда) ва борт адипларини бичаётганда чок ҳақи ташлаб кетилмайди , балки бу деталлар газламанинг четига яқинроқ жойлаштирилади. Газламанинг такрорланадиган гуллари йирик бўлганда ҳам шундай талаблар қўйилади. Андозаларни газлама устига жойлашнинг бир неча варианти мавжуд. Лекин асосий қоида қуйидагидан иборат. Йирик деталларнинг андозаларини жойлашда уларнинг тўғри чизиқли (ёки шунга яқин) четлари жойлаш рамкасининг четига тақаб қўйилади , эгри чизиқли четлари эса майдончанинг ўртасига тўғри келтирилади. Йирик андозалар орасига майдароқлари жойланади , бунда ёндош андозалар четлари бир-бирига тегиб туриши лозим. Йирик ва ўртача катталикдаги андозаларнинг четларини шундай жуфтлаштириш керакки , уларнинг ўйиқларидан ҳосил бўлган очиқ жойларга майда андазалар сиғадиган бўлсин. Материалнинг қиймати тайёр кийим таннархининг 80-90% ни ташкил этади; шунга кўра кийим бичишда материални тежаб-тергашнинг катта аҳамияти бор. Материал устига андозаларни жойлашдаги тежамкорлик қийқим чиқишига қараб белгиланади. Шу нарса маълумки , кийимнинг асосий

деталлари бирин-кетин бўйига жойлаштирилса ёки қия зиҳлари бўйича жуфтлаштирилса , андозалар оралиғидан жуда оз қийқим чиқади.

ФОЙДАЛАНИЛГАН АДАБИЁТЛАР 1. Г.К. Ҳ асанбаева. «Кийим моделини ишлаш ва конструкциясини тайёрлаш». Тошкент. Ўқитувчи. 1990 йил. 2. А.П.Рогова. «Эркаклар ва болалар устки кийимини конструкция- лаш асослари». Тошкент. Ўқитувчи. 1988 йил. 3. А.П.Шершнева. «Основы конструирования женской и детской одежды». Москва. Легпромбытиздат. 1982 г. 4. Г.В.Скачкова, Л.В.Мартопляс. Школа кройки и шитья на дому. Минск. "ХЭЛТОН" 2000 г. 5. Е.В.Киреева. «История костюма». Москва. "Просвещение". 1976 г. 6. Е.Б.Коблякова. «Основы конструирования одежды». Москва. "Легкая индустрия". 1980 г. 7. Т.А.Абдуллаев, С.А.Хасанова. «Одежда узбеков ( XIX начало ХХ в.)». Издательство "Фан". Узбекской ССР. Ташкент. 1978 г. 8. Л.П.Чижикова. «Кружок конструирования и моделирования одежды». Москва "Просвещение". 1990 год. 9. Г.Г.Мозговая, Г.Б.Картушина. «Швейное дело». 7-8 класс. Москва. "Просвещение". 1990 год. 10. «Уй-рўзғор энциклопедияси». Ўзбек совет энциклопедияси бош редакцияси. Тошкент. 1982 йил. 11. Т.В.Козлова, Л.Б.Рытвинская, З.М.Тимашева. «Моделирование и художественное оформление женской и детской одежды». Москва. Легпромбытиздат. 1990 год. 12. Н.В.Ерзенкова. «Блузки». Минск. "Полымя". 1994 год. Г.Н.Александрова. «100 моделей женских юбок». Минск. "Полымя". 1992 год. 14. Т.Н.Екшурская, Е.Н.Юдина, И.А.Белова. «Модное платье». Санк-Петербург. Лениздат. 1992 год. 15. Т.И.Ерёменка. «Сеҳрли игна». Тошкент. Ўқитувчи. 1990 йил.

Похожие

Ёрдамчи деталларни чизиш, андаза тайёрлаш, уни кўпайтириш ва жойлаш

Андазаларни техник кўпайтириш

Деталларни тебранишга хисоблаш

Тўқимачилик машиналарини механизм ва деталларни мустахкамликка ва

Кийим хакида умумий маълумот