logo
  1. Главная страница
  2. Рефераты
  3. Лингвистика
  4. Ikkinchi darajali bo’laklar

Ikkinchi darajali bo’laklar

Загружено в:

20.09.2019

Скачано:

0

Размер:

81.5 KB
Скачать
Ikkinchi darajali bo’laklar   Reja 1. Ikkinchi darajali bo’laklar haqida ma’lumot. 2. To’ldiruvchi va uning ifodalanishi. 3. Aniqlovchi va uning ifodalanishi. 4. Hol va uning ifodalanishi.     1. Ikkinchi darajali bo’laklar haqida ma’lumot.   Ikkinchi darajali bo’laklar bosh bo’laklar orqali ifoda qilingan gapning asosiy mazmum\nini aniqlab, to’dirib, izohlab keladi. Masalan: Qahraton qishning achchiq sovug’i badanni achitardi. (R.F). Yoki Opa-singil uyda onalarining majlisdan kelish kutar edilar (A.Mux). Yuqoridagi misollarda sovuq achitardi, opa-singil kutar edilar bo’laklari gapning bosh bo’laklari bo’lib, gapning asosiy mazmunini ifodalaydi. Qolgan b’alaklar ularga bo’g’lanib, gap mazmunini kengaytiradi. Ikkinchi darajali bo’laklar, odatda, yo egaligi yoki kesimga tobe bo’ladi. Ayrim hollarda esa ikkinchi darajali bo’laklar o’zaro bir-biriga ergashib, gapning bosh bo’laklariga tobe bo’ladi. Ayrim hollarda esa ikkinchi darajali bo’laklar o’zaro bir-biriga ergashib, gapning bosh bo’laklariga tobe bo’ladi. Masalan: Kuchli shamol eng katta daraxtlarni tebratmoqda edi. Bu gapda shamol tebratmoqda edi bosh bo’lagiga kuchli, eng katta daraxtlarni so’zlari ergashib, tobe bo’lib kelmoqda. Gapning ikkinchi darajali bo’laklari uchga bo’linadi: 1.           To’ldiruvchi 2.           Aniqlovchi 3.           Hol   2. To’ldiruvchi va uning ifodalanishi.   Gapning biror bir bo’lagiga boshqaruv yo’li bilan bo\lanib, uning ma’nosini to’ldirib keluvchi gap bo’lagi to’ldiruvchi deb ataladi. Boshqaruvchi sozning talabiga ko’ra to’ldiruvchi biror kelishikda (qaratqichdan tashqari) bo’ladi yoki ko’makchi bilan keladi. Masalan: U olim va fozil odamlar bilan suhbatlashishdan zavqlanar edi. (M.Osim). Bilim manbai-kitobni seving. Birinchi misolda to’ldiruvchi (odamlar bilan) ko’makchi bilan, ikkinchisida (suhbatlashishdan) chiqish kelishigi bilan kelib, kesimga boshqaruv yo’li bilan bog’langan. Ikkinchi gapda esa to’ldiruvchi (kitobni) tushum kelishigi bilan ifodalangan. To’ldiruvchi egaga, aniqlovchiga, boshqa bir to’ldiruvchiga ham bo’lanib kelishi mumkin. Bunday hol ko’pincha ega aniqlovchi, to’ldiruvchining sifatdosh va harakat nomi bilan ifodalanganida ro’y beradi. Masalan: 1. To’diruvchining egaga bog’lanib kelishi Gulni sevgan tikanni ham sevadi. 2. To’ldiruvchining aniqlovchiga bo’lanib kelishi Betga aytganni zaxri yo’q. 3. To’ldiruvchining to’ldiruvchiga bo’lanib kelishi Direktorimiz musobaqaga qatnashganlarni qzg’in tabrikladi. To’ldiruvchilar odatda, ot, olmosh, harakat nomi, son, sifat, sifatdosh bilan ifodalanadi: Ot bilan: ifodalanishi. Qarsak ikki qo’ldan chiqadi. (maqol) Ochiq gapir, so’zingni anglat. Olmosh bilan: ifodalanishi. Supa ustida o’tirib choy ichayotgan Saodat opa voqeani undan surishtira boshladi.   (S.N.). Qiz kim bilandir so’zlashib borardi. (O). Harakat nomi bilan ifodalanish. Yo’lchi chindan ham nay chalishni bilar edi. (O). Son bilan ifodalanishi. Yigirmani ikkiga bo’lsak, o’n bo’ladi. Sifat bilan ifodalanishi. Mardni mehnat engolmas. (maqol). Qocjoqqa shavqat yo’q, qo’rqoqqa hurmat. (maqol). Sifatdosh bilan ifodalanishi. Qo’rqqanga qo’sh ko’rinibdi. (maqol). Ayrilganni bo’ri er. (maqol). To’ldoruvchilar birikma holiday ham ifodalanadi. Masalan: Elmurod tabora kunlarni qanday o’tayotganini sezmay qoldi. (P.T). Vositasiz va vositali to’ldiruvchilar To’ldiruvchi o’zi tobelanib kelgan gap bo’lagi bilan bog’lanib kelishiga ko’ra ikki hil bo’ladi. a)                                                           Vositasiz to’ldiruvchi. b)                                                         Vositali to’ldiruvchi. Vositasiz to’ldiruvchi. Vositasiz to’ldiruvchi harakatni o’ziga bevosita qabul qilgan predmetni ifodalab, kimni? Nimani? Qaerni? degan   so’roqlarni biriga javob bo’ladi. Vositasiz to’ldiruvchi tushum kelishigidagi so’z bilan ifodalanadi. Masalan: Bolalar paraxod modelini yasadilar. Opa, menga o’sha Omonimni kuy, menga o’sha o’sha yomonimni kuy. (X.O). Uyqu arslonni ham yiqitar. (maqol). Vositasiz to’ldiruvchi ba’zan chiqish kelishigi so’z bilan ham ifodalanishi mumkin. Bunday hollarda harakat predmetning bir qismiga o’tganligi ifoda qilinadi: Elmurod odatdagiday, brigadaga gazeta yangiliklaridan o’qib berdi. (P.T) Vositasiz to’ldiruvchi bo’lib kelgan soz tushum kelishik affikasini hamma vaqt ham olavermaydi, ayrim hollarda tushum kelishigi qo’shimchasiz kelishi ham mumkin. Albatta bu holat ma’no va grammatik talabga ko’radir. So’zlovchi va tinglovchi avvaldan ma’lum bo’lgan predmet, voqea xodisa yoki belgi ifoda qilinganda, tushum kelishigi affiksi saqlanadi, predmet, voqea- hodisa, belgilar yoki predmetlarning biror turi umuman ifoda qilinganda, tushum kelishigiaffiksi tushiriladi. Qiyoslang: Zulfiya bobsidan eshitgan hikoyalarni so’zlab berdi. (Gaz). Botir anchagacha elektr yorug’ida kitob o’qidi. (S.N). Vositasiz to’ldiruvchi quyidagi hollarda tushum kelishigi affiksini saqlaydi: 1. Atoqli ot, kelishik olmoshlari bilan ifodalanganda. Lolani barcha gullar kutib olishdi. (Sh.R). Meni hamma qarsaklar bilan kutib oldi. 2. Ko’rsatish olmoshi, sifat va sifatdosh bilan ifodalangan aniqlovchisiga ega bo’lsa: Egilgan boshni qilich kesmas. (maqol). Men bu kitobni ilgari o’qigan edim. 3. Kesm bilan vositasiz to’ldiruvchi orasida boshqa so’z kelganda: Tog’u toshni suv buzar el orasini so’z buzar. (maqol). 4. Otlashgan so’zlar bilan ifodalanganda: O’qiganni hamma hurmat qiladi. 5. Egali affiksini olib kelganda: Saodat qizining shirin uyquda engil nafas oloshini anchagina tomosha qildi. (I.R). 6. Vositasiz toldiruvchiga alohida diqqat qilinganda: Behuda harakat belni sindirar. (maqol). Vositali to’ldiruvchi Vositali to’ldiruvchi bosh, qaratqich, tushum kelishiklaridan boshqa kelishikdagi so’zlar bilan hamda ko’makchili ishlatilgan so’zlar bilan ifodalanadi. Ularning ma’nolari, ifodalanishi, so’roqlari ham turlichadir. 1.                                 Kelishik affikslari bilan lfodalangan vositali to’ldiruvchilar: 1) Jo’nalish kelishikdagi so’z bilan ifodalangan to’ldiruvchilar harakatning kimga yoki nimaga qaratilganligini ifoda qilib, kimga? Nimaga? So’roqlaridan biriga javob bo’ladi. Sevgi pulga sotilmas, ko’ngil pulga topilmas. (maqol). Vositali to’ldiruvchining bu turli atash ma’nosini ham ifodalaydi. Men bu sovg’ani ukamga oldim. 2) Chiqish kelishigidagi so’z bilan ifodalangan to’ldiruvchilar kimdan? Nimadan? So’roqlarining biriga javob bo’lib, quyidagi ma’nolarni ifodalaydi. a) predmetning chiqish o’rnini. Odam odamdan baxra oladi. (A.K.). b) Qiyoslash ma’nosi. Otaning mehridan ustozning jabri abzal. (S.Z). v) to’da va bo’lakdan ajratib ko’rsatish ma’nosini: axmedov gapni Kapsancilar qishlog’ining tarixidan boshladi. (A.K). g) predmetning nimadan tayyorlanganligini: O’quv xonasi betondan qilingan. d) Harakatning bajarilishida vosita bo’lgan predmetni: Komandir avtomatdan osmonga o’q uzdi. O’rin kelishigidagi so’z bilan ifodalangan to’ldiruvchilar kimda? Nimada? so’roqlarining biriga javob bo’lib, harakatning yuz berish o’rnini ifodalaydi. Bunda: a)                                 harakatning yuz berish o’rni ifodalanadi: Dilshodda yoshlikdan ilmga havas bor edi. (M.I). b)                               Harakatning bajarilishida vosita bo’lgan predmetni ifodalaydi: Mehmonlar belgilangan manzilga mashinada etib bordilar. 2. Ko’makchi so’z bilan ifodalangan to’ldiruvchilar: 1) To’g’risida, ustida, haqida kabi komakchi ishlatilsa, to’ldiruvchi harakatni kim yoki nima haqida ekanligini ifoda qilib, kim to’g’risida? nima haqida? so’roqlarining biriga javob bo’ladi.   Institutda Alisher Navoiy haqida baxs- munozara bo’lib o’tdi. 2) Uchun ko’makchi ishlatilsa, to’ldiruvchi ko’pincha atash ma’nosini ifodalab nima uchun? Kim uchun?   so’roqlarining biriga javob bo’ladi: O’zbekiston mustaqilikka erishgach, oddiy xalq uchun, etim-esirlar uchun talaygina tadbirlar o’tkazildi. 3) Bilan ko’makchi ishlatilsa, to’ldiruvchi kim bilan? nima bilan?   so’roqlarining biriga javob bo’lib, haraktatni yuzaga kelishida birgalikda ifoda qiladi: Osh egasi bilan shirin. (maqol). Adirlar maysalar bilan qoplangan.               3. Aniqlovchi va uning ifodalanishi.   Predmetning belgisini bildirgan ikkinchi darajali bo’lak aniqlovchi deyiladi. Aniqlovchi predmetning sifatini, rang-tusini, xususiyatini, mazasini, shklini, xajmini, miqdor-darajasini yoki qarashliligini bildiradi. Shu bois aniqlovchining so’roqlari turlichadir: qanday? Qancha?, qanaqa?, qaysi?, nechanchi?, kimning?, nimaning?, qaerning? va boshqalar. Aniqlovchi doim aniqlanmishga bog’liq holda qo’llanib, undan oldin keladi. Aniqlovchi bilan aniqlanmish birgalikda aniqlovchili birikmani tashkil qiladi. O’zbekistnning joshqin, sho’h bahori cho’lga gul va ko’kat sepini yoydi. (O). Mazkur misolda O’zbekistnning (qaerning?) qaratqichli aniqlovchi, joshqin, sho’h (qanday?) sifatlovchi aniqlovchidir. Aniqlovchi ikki xil bo’ladi. 1.           Sifatlovchi aniqlovchi. 2.           Qaratqich (ko’rsatuvchi) aniqlovchilar. 3.           Sifatlovchi aniqlovchilar. Predmetni belgisini, vaqtga va o’ringa munosabatini, miqdor,tartibini bildiradigan aniqlovchilar sifatlovchi aniqlovchilar deyiladi. Sifatlovchi bog’lanib kelgan so’z sifatlanmish deyiladi. Masalan: Soyning tagida kom-kok suv oqib o’tadi.   Bunda kom-kok sifatlovchi, suv esa ifatlanmishdir.   Sifatlovchi quyidagi so’z tur quyidagi so’z turkumlari bilan ifodalanadi: 1.           Sifat bilan: Ufq qizil atlaslarga o’ralib, oltin sochning yo’llariga boqadi. (U). 2.           Son bilan: O’n ikki gektar er kaftdek tekkis qilib qo’yilgan. Nilufar bu yil meditsina bilim yurtining ikkinchi kursini tugatdi. 3.           Olmosh bilan: Qandaydir bolalar yugurib chiqdi. (O).   Allaqanday xatni o’qigan edim. 4.           Ot bilan: Asfalt ko’chaning y er-bu erida suv xalqob bolib yotardi. (U.X). 5.           Sifatdosh bilan: Gurillagan shaboda ularning yuzlarini silay boshladi. (P.T). 6.           Ravish bilan: Tog’ning uzoq-yaqin yon bag’irlarida yanada balandroq va daxshatliroq aks-sado eshitildi. (S.A). 7.           Taqlid soz bilan: G’uj-G’uj qushlar daraxtlarda sayray boshladi. Sifatlovchi aniqlovchi aniqlanmishga bitishuv yo’li bilan bog’lanadi. Sifatlovchi ba’zan yopiq holda, ya’nibirikma holda kelishi ham mumkin: Daladan guvirlab esgan shamol yalang koylakli qizlarni junjitdi. (O). Yoki: Katta, gavdali, oppoq soqoli ko’kragiga tushib turgan chol Berdiqulovga qaradi. (C.N). Qaratqich aniqlovchilar:   Bir predmet yoki shaxsning boshqa bir predmet yoki shaxsga qarashli ekanini bildirgan aniqlovchi qaratqich aniqlovchi deuiladi. Masalan: Bu yilgi bahorning kech kelishi ko’plarninig tinkasini quritdi. (S.Karomatov) Yoki: Yomonning yaxshisi bo’lguncha, yaxshining yomoni bo’l. (maqol). Birinchi gapda bahorning ko’plarninig so’zlari, ikkinchi gapda esa yaxshining va yomonning so’zlari qaratqich aniqlovchidir. Qaratqich   aniqlovchilar quyidagicha ifodalanadi: 1.           Ot yoki uni o’rnida qo’llanuvchi olmosh bilan: Kishining muxim burchlaridan biri – ota va onanig hurmatidir (Navoiy). 2.           Otlashgan sifat bilan: Botirning mushti ham yarog’. (maqol). 3.           Otlashgan son bilan: Uning yarmi-besh. 4.           Otlashgan sifatdosh bilan: O’qiganning tili ko’p uzun bo’ladi. (Pulkan). Bir qaratqich aniqlovchi bir necha qaralmish bilan bog’lanib kelishi yoki, aksincha, bir qaralmish bir necha qaratqich bilan bog’lanib kelishi mumkin. Masalan: Mehmonlar orasida Xirotning olimlari, xofizlari ham ko’pgina edi. (O). 2. Ayvonlarning shiftlariga ilingan osma chiroqlardan taralgan nurdan kechki olma va bexi gullari qorong’ida yanada oqarib ko’rinadi. (S.A.). qaratqich aniqlovchi belgili yoki belgisiz bo’ladi. Belgili bo’lganda kelishik affikasi saqlanadi, belgisiz bo’lganda esa bu affks saqlanmaydi: Maktabimiz bog’I yildan-yilga yashnamoqda. Izlar bo’ldim Qoraxonnig qizini, Ot ko’targan Zulfiqorning o’zini. (Folklor) Izohlovchi Predmetni boshqa bir nom berish bilan aniqlaydigan bo’lak izohlovchi deyilabi. Masalan: Professor Nazarov kirib keldi. (A). Izohlovchi bog’langan bo’lak izohlanmish deyiladi. Izohlovchi aniqlovchi izohlanmish xilma-xil   belgilarini bildiradi. Izohlovchilar, asosan ot bilan ifodalanib, quyidagi ma’nolarni bildiradi: 1.           Unvonni: General Sobir Rahimov misilsiz qahramonlik ko’rsatdi. 2.           Mashg’ulot, kasb, mutaxasislikni: Oshpaz kampir choy damlab keltirdi. (S.N). 3.           Amalni: Yig’ilishni shahar hokimi Qobilon ochdi 4.           Jinsni: Og’il bolalar ham, qiz bolalar ham sportga faol qatnashdilar. 5.           Qarindoshlik yoki shunga o’hshatilgan munosabatni: Xadicha hola ertalab biznikiga kirib keldi. 6.           Laqabni: Ayvon pastida Soli sovuq bilan Juman pismiq qo’l qovushtirib turdi. 7.           Taxallusni: Kechada Toxir Usmon she’rlaridan o’qildi. 8.           O’xshashlikni: Vatan – ona so’zi naqadar laziz. Rahmatulla Otaqo’ziev Uyg’un, Vatan-ona tipidagi izohlovchi va izohlanmish orasiga yozuvda defis qo’yiladi.   4. Hol va uning ifodalanishi.   Ish-harakatning qaytarzda bajarilishini, sabab yoki maqsadini, uning bajariishi bilan bog’liq bolgan o’rin va paytni bildiruvchi gap bo’lagi hol deyiladi. Hollar qanday?, qanday qilib?. Qaytarzda? Qachon?, qachongacha?, qaerda?, qayerdan?, qancha?, nima maqsadda? Kabi so’roqlaridan biriga javob beradi. Hol   ravish, ravishdosh, jo’nalish, chiqish, o’rin kelishigidagi ot yoki ko’makchili ishlatilgan ot bilan, shuningdek, taqlid so’z, son bilan ifodalanadi. Ravish asosan, hol vazifasida keluvchi so’z turkumidir. Gapda asosan hol vazifasida qo’llanish ravishdosh uchun ham xosdir. Masalan: G’ulomjon qishloqda bo’lgan voqealarni oqizmay-tomizmay so’zlab berdi. (M.I). Zanjirlanmagan eshik sekingina shirq etib ochildi. (P.T.) . Ot jo’nalish, chiqish, o’rin kelishigida kelib yoki ko’makchi bilan ishlatilib, gapda hol bo’lib keladi. Bunda o’rin, payt, sabab, maqsad, miqdor kabi ma’nolar ifodalanadi. Masalan: Mashina kichik kocha bilan adir tomonga jo’nadi. (I.R). Botir endi ikki quloq bo’lgan g’o’zalar orasidan borar edi. (S.N). Harakat nomi hol bo’lib kelganda, u ham ot kabi shakillanadi. Masalan: Jamoa boshqaruvi raisi brigadalarga yana besh sentiner oshirmoq uchun shart qo’ydi. Hol taqlid so’z bilan ham ifodalanishi mumkin: Xayot piq-piq yig’lar, elkalari dir-dir titrar edi. (M.I). Son hol vazifasida kelganda, kopincha, marta, karra so’zlari bilan ishlatiladi. Masalan: Tepalik bir necha soat moboynida besh marta qo’ldan-qo’lga o’tdi. (O). Ayri hollarda hol birikma tarzida ifodalanishi mumkin. Masalan: Poezd Xovosga erta bilav soat sakkizda etib keldi. (G.G). Hol hamma vaqt ham kesimga bog’lanavermaydi, u gapning boshqa bo’lagiga bog’lanishi ham mumkin. Masalan: Uzoqda qop-qorayib turgan tog’ning usti ko’rindi. (A.K). Tashqirida o’tirgan ayollarni ham qotib-qotib kulgani ichkariga eshitildi. Birinchi gapda hol (uzoqda) aniqlovchiga (qop-qorayib turgan) ikkinchi gapda esa hol (qotib-qotib) egaga (kulgani) bog’lanib kelgan. Hollar ma’nolarga ko’ra bir necha turlarga bo’linadi: 1.           Ravish holi. 2.           O’rin holi. 3.           Payt holi. 4.           Sabab holi. 5.           Maqsad holi. 6.           Miqdor daraja holi. Ravish holi Ish – harakatning qay tarzda bajarilishini yoki qanday bo’lishini bildiradi.   Ravish holi ish – harakatning qanday bajarilishini bildirib kelganda, qanday? Qanday qilib? So’roqlarining biriga javob bo’ladi. O’rin holi harakat bo’lishidagi eng so’nggi chegarani ifoda qilib, -gacha, -ga, -qadar, -ga dovur kabi formada kelishi mumkin: Sayohatchilar Hamzaobodga qadar mashina bilan borishdi. 3. Harakatning boshlanish o’rnini ifoda qilib, qaerdan so’rog’iga javob bo’ladi. Bu hol chiqish kelishigidagi so’z bilan shuingdek, ko’makchili ishlatilgan so’z bilan ifodalanadi: qirdan g’ir- g’ir shabada esadi. Payt holi. Ish-harakatning bajarilish payitini, uning chegarasini bildirib, qachon? Qachongacha?, qachondan beri?, kabi so’roqlaridan biriga javob bo’ladi. Payt holi payt ravishi bilan, o’rin, chiqish, jo’nalish kelishigidagi so’z bilan, ko’makchi ishlatilgan so’z bilan, birikma bilan ifodalanadi. Masalan: Qizlar kechasi bilan dars tayorladilar. (S.N.). Bir necha kundan song Botir uyiga qaytdi. Payt holi. 1.           Harakatning bajarilishidagi paytni bildiradi. Kechqurun xayat a’zolari yana klubga to’plandilar. 2.           Harakatning bajarilishidagi chegarani bildiradi. Bunda hol “payt bildiruvchi so’z + ga dovur”,   “payt bildiruvchi so’z + ga qadar”,   shaklida bo’ladi. Masalan: Yaxyoxon kechqurunga dovur mehmonlar yonida boldi. Yo’lchi shu vaqtga qadar dala bilan ovora edi.   (O) Shunigdek, payt holi ish harakatning bajarilishpaytidagi dastlabki chegarani bildiradi. Bu xil hol “payt bildiruvchi so’z + dan beri” , “payt bildiruvchi so’z + dan buyon”   shklida bo’ladi. Masalan: O’zbek ahli necha yillardan beri mustaqillikni orzu qilib kelganlar. Sabab holi. Ish harakatning bajarilish sababini bildirib, nimaga? Nima sababli?, so’roqlaridan biriga javob bo’ladi. Sabab holi vazifasidagi so’z kopincha uchun, sababli, tufayli kabi ko’makchilar bilan keladi. Masalan: Komiljon nazariy jihatdan kuchli bo’lganligi uchun ko’pincha Zunonov bilan baxlashib turdi. (I.R). Sabab holi chiqish kelishigidagi so’z bilan ham ifodalanadi. Masalan: Elmurod xursandchiligidan tez-tez qadam bosib ilgari yurib ketdi. (P.T). Maqsad holi. Ish harakatning bajarilishidagi maqsadni bildirib, nima uchun?, nimaga? Nima maqsadda?, kabi so’roqlarning biriga javob bo’ladi. Masalan: Nozimbek qishloq ahli turmash-tarzini tekshirish uchun yo’lga chiqdi. Maqsad holi jo’nalish kelishigidagi so’z bilan, maqsad ravishdoshi bilan ham ifodalanadi. Paxtakorlar Qurultoy ishtirokchilarini qarshi olgani shoshildilar. Miqdor – daraja holi. Ish Harakatning bajarilishini miqdor va daraja jihatidan aniqlab qancha? Qanchalik? Nech marta? Qanchalab? kabi so’roqlarning biriga javob bo’ladi. Miqdor – daraja holi ko’pincha miqdor – daraja ravishlari bilan ifodalanadi. Masalan: Ko’p bilgan oz so’zlar. (maqol). Sonlar ayrim hollarda marta so’zi bilan kelib, gapda miqdor – daraja holi bo’lib keladi. Masalan: Notanish yo’lovchi Manzuraning yuziga bir-ikki marta erostidan qarab qo’ydi. Yoki: Bugun qurilishda odam kundagidan ikki-uch marta ko’p edi. Miqdor daraja holi birikma bilan ham ifodalanadi. Xokimiyatdan kelgan mutaxassisliklar birigada yumushini uch kun tekshirdi. Foydalanilgan adabiyotlar 1. O’zbek tili (Universitet va pedagogika institutlari uchun) qayta ishlangan 2-nashr T. “O’zbekiston” 1992 y. 2. A.Nurmatov va boshqalar. O’zbek tilining nazariy sintaksisi T. 3. R.Rasulov. So’z     valentligi va sintaktik a’loqa   “O’zbek tili va adabiyoti” jurnali № 5-6   1992 y. 4. A.Aliev, K. Sodiqov. O’zbek adabiy tili tarixidan. (Universitet talabalari uchun darslik) T. “O’zbekiston”. 1994 y. 5. B . Abdurahmonov , S . Mamajanov o ’ zbek tili va adabiyoti ( Oliy o ’ quv yurti talabalari uchun darslik ) T . “ O ’ zbekiston ” 1995 y . 6. M. Mirtojiev Mantiqiy predikatning ega vazifasida kelishi. “O’zbek tili va adabiyoti” jurnali   № 2   1995 y. 7. F.Ubaeva, R. Saydullaeva to’liqsiz gaplar to’g’risida ba’zibir mulohazalar. “O’zbek tili va adabiyoti” jurnali № 1   1997 y. 8. A.Xo’jiev. So’zning morfem tarkibi masalalariga doir. “O’zbek tili va adabiyoti” jurnali 1998 y. 9. www.ziyonet.uz

Похожие

XIX аsrning ikkinchi yarmi аdаbiyoti
Ikkinchi sinfda chiroyli yozuv darslari
Sintaksis o’qitishning ahamiyati va vazifalari
Gap bo’laklari
O’zbek va rus tillarida gap