Grammatika - Лингвистика - Рефераты

Grammatika

Загружено в:

20.09.2019

Скачано:

0

Размер:

68 KB

Grammatika Reja: 1. Morfologiya 2. Grammatika va uning vazifalari 3. So'zning lug'aviy va grammatik ma'nolari 4. So'zlarning grammatik shakli va Grammatik kategoriyalari

Morfologiya Grammatika ikki qismdan: morfologiya va sintaksisdan iborat. Morfologiya so'zlarning tuzilishi va o'zgarishi, so'z turkumlarini o'rganuvchi sohadir. So'z turkumlari va ularning xususiyatlarini tekshirish morfologiyaning muhim vazifalaridandir. Ma'lumki, so'zlar turli grammatik ma'nolarni ifodalaydi. Grammatik ma'no ifodalashiga ko'ra so'zlar har xil shakllarda bo'ladi. So'zlardagi bunday shakllarni ham.morfologiya o'rganadi. Morfologiya atamasining morfo - shakl, logos - so'z ekanligi ham uning so'z shakllari haqidagi ta'limot ekanligini ko'rsatadi. Til sathi sifatida morfologiya nisbatan qamrovdor bo'lib, so'z shakllari. so'zlarning tuzilishi va o'zgarishi, so'z turkumlari, ulaming qonuniyatlanni o'rganuvchi ta'limotdir. So'z shakllari. So'z shakllari hodisasi tilshunoslikdagi o'ziga xos hodisalardan biridir. Unda ma'lum so'zning o'z lug'aviy ma'nosini saqlagan holda turli shakllarda qo'llanilishi tushuniladi. Masalan, kitob, kitobi, kitobdan, kitobimiz. So'z shakllarining o'zgarishi dastlab shu so'zning lug'aviy ma'nosiga daxldor bo'lib. uni qaysi turkumga mansubligini belgilaydi va shu turkumga xos qo'shimchalar asosida o'z shaklini o'zgartiradi. Masalan, daraxt, odam, gul so'zlari ot turkumiga xos bo'lib o'z shaklini otga xos bo'lgan kelishik, egalik, ko'plik qo'shimchalarini olgan holda o'zgartiradi: daraxtim, daraxtlar, daraxtning. Sifat turkumiga xos so'zlar esa shu turkumga xos daraja hosil qiluvchi vositalarni qabul qilgan holda o'z shaklini o'zgartiradi. Masalan, qizil, qizg'ish, qizilroq. So'z shakllarini o'zgarishidagi bu holat belgilangan, turg'un holat emas. So'z shakllarini o'zgarishi uchun asos bo'ladigan qo'shimchalar, so'zlaming muayyan turkumga taalluqli ekanligini belgilashda muhim bo'lsa-da, boshqa turkumga xos qo'shimchalarni ayniqsa, otlardagi kelishik, egalik ba'zan ko'plik qo'shimchalarini boshqa turkunidagi so'zlar olgan holda o'z shaklini o'zgartadi. Masalan, kattaning, kattalar, mening, ko'pdan va boshqalar.

So'z shakllarining o'zgarishi ikki holatni yuzaga keltiradi. Birinchidan, so'z shakli o'zgarganda, so'zdagi asosiy ma'noga qo'shimcha ravishda grammatik ma'no ifodalanadi. Masalan. bolalar so'zidagi -lar qo'shimchasi orqali ifodalangan ma'no ko'plik ma'nosidir. Ikkinchidan, so'z shaklining o'zgarishi gapda so'zlaming o'zaro birikishini ta'minlaydi: ishdan kelmoq birikmasidagi qo'shimcha ushbu so'zlarni biriktirgan. Ko'rinadiki, so'z shakllarini o'zgarishi natijasida morfologik shakl va sintaktik shakl vujudga keladi. Morfologik shakl yasovchi qo'shimchalar yordamida, sintaktik shakl esa so'z o'zgartiruvchi qo'shimchalar orqali hosil bo'ladi. Bundan tashqari tilda so'z yasalishi uchun xizmat qiladigan so'z yasovchi qo'shimchalar mavjud bo'lib, ular bir butun holda so'zning morfologik tuzilishini belgilaydi. Grammatika va uning vazifalari Grammatika tilshunoslik fanining nazariy bo'limlaridan biri bo'lib, gapda so'zlaming o'zgarishi va birikishi haqidagi qoidalarni o'rgatadi. Grammatika atamasining ikki ma'nosi mavjud, Birinchidan grammatika tilning muayyan tarkibiy qismi grammatik qurilishini ifodalasa, ikkinchidan shu grammatik qurilishga xos qoidalarni umumlashtirib, uni ilmiy asosda o'rganuvchi fanni bildiradi. Tilning grammatik qurilishi grammatikaning tekshirish obyektidir. Ma'lumki, har qanday tilning o'ziga xos grammatik qurilishi mavjud bo'ladi. Tilning grammatik qurilishi muayyan tilning boshqa tillardan farqlovchi o'ziga xos belgilaridan biridir. Shu boisdan grammatika tilning eng yuqori, oliy shaklidir. Binobarin grammatikasiz fikr ifodalab bo'Imaydi.'Tilning grammatik qurilishi o'z- o'zidan vujudga kelmaydi. U nutq jarayonida tilning fonetik ya lug'aviy tomonlari bilan bog'liq holda borliqdagi narsa va hodisalarni umumlashtirish asosida vujudga keladi. Biroq grammatika tilning boshqa sohalariga, chunonchi, lug'at tarkibiga ko'ra ham keng qamrovlidir. Chunki grammatikada faqat so'zlar emas, balki ular orasidagi munosabatlar ham ifodasini topadi ya'ni tildagi har bir so'z lug'aviy ma'no ifodalaydi. Biroq bu

ma'nolarning o'zi bilan fikr ifodalanmaydi. Ko'rinadiki, so'zlar nutqda grammatik jihatdan shakllangan bo'lsa o'zaro bir-biri bilan bog'lansagina fikr ifodalash uchun xizmat qiladi. Shunday ekan har qanday so'z birikmalari va nutqning asosida so'z votadi. Shu jihatdan tilning grammatik qurilishi lug'at tarkibi bilan chambarchas bog'langandir. Grammatika tilning eng oliy ko'rinishi sifatida yakka birliklar asosida emas umumlashmalar asosida vujudga keladi. Masalan, kitob, daraxt, bola, talaba. gul sp'zlari turli predmetlaming nomini bildiruvchi so'zlardir. Biroq ular grammatikada bir grammatik kategoriya - ot turkumidir. Bu holat grammatik umumlashmadir. Shu asosida grammatika tildagi so'zlar uchun umumiy bo'lgan hodisalarni o'rganish asosida ularni muayyan tizimda birlashtiradi. Ikkinchidan grammatikadan tashqarida so'zlar til uchun oddiy material, ular grammatik munosabatlar asosida birikadi. Demak, grammatika tildagi lug'aviy materiallami ma'lum maqsadlarga ko'ra ishlatish vazifasini ham bajaradi. Tilning grammatik qurilishining muhim xususiyatlaridan biri uning takomillashib o'zgarib borishidir. Bunday o'zgarishlar jamiyat taraqqiyotidagi obyektiv qonunlar asosida vujudga keladi. Ammo tilning grammatik qurilishi til uchun umumiy bo'lgan normalarga qoidalarga bo'ysinadi. Masalan, adabiy tilda ega gapning birinchi qismida kelishi yoki aniqlovchi aniqlanmishdan oldin kelishi: keng dala, moviy ko'l, ulkan tog'; qaratqich bilan qaratmishning shaxs va sonda moslashib kelishi: mening do'stim, uyning eshigi, kitobining varag'i -til normalari asosidagi hodisalardir. Bu normalar grammatikada ham grammatik qurilishga xos qonun-qoidalar asosida o'z ifodasini topadi. So'zning lug'aviy va grammatik ma'nolari So'zlar obyektiv bog'liq bo'lgan narsa va hodisalar haqidagi tushunchalarni ifodalaydi. Bunday tushunchalarning ifodalanishi so'zning lug'aviy ma'nosidir. Masalan, paxta so'zi asosida oppoq, yumshoq predmetni tushunilishi shu so'zda mavjud bo'lgan lug'aviy ma'nodir. So'zlar lug'aviy ma'no ifodalashiga ko'ra tilda o'ziga xos mustaqillikka ega

bo'lgan, lug'aviy jihatdan shakllangan birliklardir. Lug'aviy ma'no so'zlaraning birlamchi, asosiy, nutqdan tashqaridagi ma'nosi bo'lib, shu ma'no orqali so'zlar narsa -hodisalar haqidagi tushunchalarni ifodalaydi. Tushuncha esa narsa- hodisalaming kishi ongida aks etishidir. So'zlar lug'aviy ma'nosiga ko'ra leksikalogiyaning tekshirish obyektidir. Nutqda so'zlar faqat lug'aviy birlik bo'lib qolmaydi, balki nutq vositasiga aylanadi, ya'ni o'zaro birikadi, bog'lanadi. Bu jarayonda so'zlar turli qo'shimcha ma'nolarni ifodalaydi. Turli munosabatlarni bildiruvchi bunday ma'nolar lug'aviy ma'nodan tashqaridagi qo'shimcha grammatik ma'nodir. Grammatik ma'no so'zning shakliy ma'nosidir. Masalan. kitoblar so'zida grammatik ko'plik ma'nosi mavjud bo'lsa, kitobning so'zida kelishik ma'nosi mavjud. Grammatik ma'no o'zaro munosabatlarni ifodalashi bilan birga so'zlar uchun umumiy bo'lgan ma'nolarni ham o'zida birlashtiradi. Masalan, biz a'lo o'qish uchun harakat qilamiz gapidagi egalik, shaxs-son va zamon ma'nolari munosabatni anglatsa,kitobning, uyga, darsdan so'zlaridagi qo'shimchalar ushbu so'zlar uchun umumiy ma'no-kelishik ma'nosidir. Lug'aviy ma'noga qo'shimcha ravishda bu xildagi turli ma'nolarni ifodalanishi grammatik ma'no deyiladi. Grammatik ma'no umumiydir. Jumladan, otlardagi egalik, kelishik, ko'plik ma'nolari grammatik ma'nolardir. Grammatik ma'nolarni hosil qiluvchi turli usullar mavjud: l.Qo'shimchalar. So'zlarning o'zak va negiziga turli qo'shimchalar qo'shilishi orqali grammatik ma'no hosil bo'ladi. Masalan, kitoblar, bolalar, uydan, ishdan, ishga, oq, yozish kabi. 2. Yordamchi so'zlar. Yordamchi so'zlar, asosan, ko'mak-chilar mustaqil so'zlar bilan birikib grammatik ma'no ifodalaydi.Masalan: Otabek Rahmatning bu so'zini samimiyat bilanqarshi oldi. (A. Qod.) 3. So'z tartibi. So'zlarning gapda o'rin almashuvi grammatikma'no ifodalashga xizmat qiladi. Masalan, uzoqdan katta uyko'rindi, -uy uzoqdan katta ko'rindi. 4. So'zlarni takrorlash. Nutqda so'zlarni takror holda ishlatishorqali grammatik ma'no hosil bo'ladi. Olcha va shaftolilar g'ij -g'ij, shoxlarining boshlari yerda .

(O.) 5. Ohang. Gap yoki so'zlarni turli ohanglarda aytilishi hamgrammatik ma'no ifodalashga xizmat qiladi. Masalan, Fotima keldi.(darak gap), Fotima keldimi? (so'roq gap), Fotima keldi ! (his -hayajon gap). 6. So'zlarni juftlash. So'zlarni juftlash ham grammatik ma'nohosil qiladigan vositalardandir. Masalan, katta -kichik, yaxshi -yomon kabi So'zlarning juftlanishi natijasida kattalar hamkichiklar ham, yaxshilar, yomonlar ham, xullas, hammaningifodalanishi ham grammatik ma'nodir. So'zlarning grammatik shakli va grammatik kategoriyalari So'zning o'z lug'aviy ma'nosini yo'qotmagan holda turli shakllarda qo'llanishi so'zning grammatik shaklini tashkil etadi. Masalan, kishining, kishiga, kishilar. Grammatik shakl ma'no ifodalash uchun xizmat qiluvchi muhim qismdir. Masalan, keldi, yozdi so'zlariga -m, -k qo'shimchalari qo'shilganda birinchi shaxsning birlik va ko'plik ma'nolari anglashilsa shu so'zlarga -ng -ing qo'shimchalari qo'shilganda ikkinchi shaxsning birlik va ko'plik ma'nolari ifodalanadi. Ushbu misollardan ko'rinadiki turli grammatik ma'nolarni ifodalashda shakl asos bo'lib xi2mat qiladi. I Grammatik shakl nutqdagi so'zlarning bir-biriga turli munosabatini ham ifodalaydi. Masalan, kitobning varag'i birikmasidatobelik ma'nosi mayjud bo'Isa, ota va bola birikmasida tenglik ma'nosi mayjud. Grammatik shakl so'zning lug'aviy ma'noli qismi orqali, shuningdek, unga qo'shiladigan grammatik ma'no orqali hosil bo'ladi. Demak, so'zlar nutqda yo lug'aviy ma'no ifodalash shaklida, yoki grammatik ma'no ifodalash shaklida qo'llaniladi. So'zlarning lug'aviy ma'nosi bilan birgalikda nutqdagi boshqa so'zlarga munosabatini ifodalaydigan qo'shimcha ma'noga mos holati so'zning grammatik shakli deyiladi. So'zning grammatik shakli ikki xil: a) so'zning modal shakli; b) so'zning so'z o'zgartirish shakli. Lug'aviy ma'noga mos keladigan, turli munosabatlarni ifodalaydigan shakl

so'zning modal shaklidir. Masalan, bola-bolalar (birlik vako'plik), qush -qushcha (kichraytish), o'qi (aniq nisbat), o'qit (orttirma nisbat) shakllaridir. So'z o'zgartirish shakli grammatik munosabatlarni vujudga keltiruvchi shakldir. Bu shakl nutqda so'zlarning o'zaro munosabatlarini (bog'Ianishini) ifodalaydigan shakldir. Masalan, Kumushning bu holi bechora onaning yuragini ezar!(A. Qod.) gapidagi -ning,-ni so'z o'zgartiruvchi qo'shimchalar so'zlarning birikishi uchun muhim vaziia bajaradi. So'zning grammatik shakllari tuzih'shiga ko'ra uch xil: sintetik shakl analitik shakl, aralash (analitik -sintetik) shakl. Grammatik ma'noning qo'shimchalar orqali ifodalanishi sintetik shaklni vujudga keltiradi. Sintetik shakl so'z o'zgartiruvchi qo'shimchalar orqali: kitobni (o'qidim), kitobdan o'qidim, hamda shakl yasovchi qo'shimchalar orqali. ko'kish, ko'kroq, ko'kimtir hosil bo'ladi. Mustaqil so'zlarning yordamchi so'zlar bilan birgalikda ishlatilishi analitik shaklni hosil qiladi.Masalan, qalam bilan, bog' tomon, uy sari kabi. So'zlarni takrorlash bilan hosil bo'ladigan shakl ham analitik shakldir: uyum -uyum, baland-baland, uzun-uzun. Ham qo'shimchalar, ham yordamchi so'zlar orqali ifodalanadigan shakl aralash shakl hosil qilad. Uyga tomon, yo'lga qadar, toqqa tomon kabi. Nutqda so'zlar biror maxsus shaklni olmagan holda ham qo'llaniladi. O'zaro zich bog'lanib, bir xil grammatik ma'no ifodalaydigan shakllar yig'indisi grammatik kategoriya deyiladi. Masalan, egalik, kelishik, son kategoriyalari otturkumiga. shaxs -son, nisbat, mayl kategoriyalari fe'l turkumiga xos grammatik kategoriyalardir. Grammatik kategoriya atamasining ikki ma'nosi mavjud. So'zlarning lug'aviy -grammatik jihatdan turkumlarga ajratilishi, so'zlami kategoriyalarga bo'lish—grammatik kategoriyadir. Shu bilan birgalikda muayyan turkumning o'ziga xos shakllari, jumladan, otlardagi egalik -grammatik kategoriyadir.

Adabiyotlar: 1. H.Jamolxonov. Hozirgi o’zbek adabiy tili. T., 2005 2. M.Mirzayev, C.Usmonov, I.Rasulov. O’zbek tili. T.,1978 3. O’zbek tili leksikologiyasi. T., 1981. 4. B.Mengliyev, O’. Xoliyorov. O’zbek tilidan universal qo’llanma. T., 2007 5. Ne’matov H., Rasulov R. O’zbek tili system leksikologiyasi asoslari. T., 1995. 6. Safarova R. Leksik-semantik munosabatning turlari. T., 1996 7. Qilichev E. Hozirgi o’zbek adabiy tili. Buxoro, 2001 8. S.Rahimov, B.Umurqulov, A.Eshonqulova. Hozirgi o’zbek adabiy tili. T., 2001 9. S.Rahimov, B.Umurqulov. Hozirgi o’zbek tili. T., 2003. 10. www.ziyonet.uz

Похожие

Grammatika

Grammatika

Tarixiy grammatika

J. Blok yaratgan grammatika

Grammatika va uning ob‘ekti