logo
  1. Главная страница
  2. Рефераты
  3. Лингвистика
  4. Ergashgan qo’shma gap

Ergashgan qo’shma gap

Загружено в:

20.09.2019

Скачано:

0

Размер:

83 KB
Скачать
Ergashgan qo’shma gap   Reja 1. Ergashgan qo’shma gap haqida ma’lumot. 2. Ergash gap bilan bosh gapning birikish usullari. 3. Ergash gapning turlari.     1. Ergashgan qoshma gap.       Ergashgan qo’shma gap sostavidagi soda gaplarning biri ikkinchisiga mazmunan va gramatik jihatdan tobe bo’lib, uni aniqlash, to ’ldirish kabi vazifalarni bajaradi. Masalan: Nargiz olislardagi yorining yo’liga ko’z tikib kuylarkan, uning kuyi boshqa barcha sevuvchilar quyidagi nafisroq, so’limroq, yoqimliroq yangraydi. (Sh.R.) Bu qo’shma gap ikki soda gapning birikuvidan hosil bo’ladi.                 Ergashgan qo’shma gap tarkibidagi soda gaplar ikki xil bo’ladi. Biri boshqasiga bo’ysunib, tobe holatda keladi. Bu gap ergash gap deb ataladi. Ikkinchisiga esa ergash gapni o’ziga qaratib, bo’ysundirib keladi. Bunday gap bosh gap deb aytiladi.                 Masalan: Tong yorishgach, paxta dalalarini terimchilar qopladi. Ergashgan qo’shma gap tarkibidagi soda gaplar o’zaro ergashtiruvchi bog’lovchi yoki bog’lovchi vazifasidagi vositalar, turli morfologik ko’rsatkichlar yordamida birikadi. Bular, asosan, quyidagilar: -Ergashtiruvchi bog’lovchilar yordamida: Karimovning nomi butun yurt fuqarolari uchun aziz va qadrlidir, chunki u insonlarni ozodlik yo’liga chorlaydi.                 - Ko’makchilar yordamida: Ota-onasi yonida bo’lgani uchun, kichkina Tojiev va Tojievalar osma ko’prikdan qarshiliksiz o’ta oldilar.                 - Yuklamalar yordamida: Bahor quyoshining tig’ida Komiljonning ko’zi qamashdimi, g’uborsiz ko’m-ko’k osmon unga dastlab kumushsumon yarqirab, so’ngra zarga o’xshab tovlanib ko’rindi.                 -Nisbiy so’zlar yordamida: Tog’asi qancha asabiylashsa, oyqiz o’zini shuncha og’irlikka solardi.                 - Sifatdosh formasi va kelishik affiksi yordamida: Bu uy ilgari bedanaxona bo’lganidan, darchasi ham yo’q edi. Oyqiz har safar biron maslahatni ko’pchilik o’rtasiga tashlaganda, kolxozchilar hamma vaqt uning fikrini maqull edi.                 - Fe’lning ravishdosh formasi yordamida: Shu vaqt cabinet eshigi ochilib, undan Qalandarovning yuzi ko’rindi.                 -Shart mayli formasi yordamida: Qalovini topsang, qor yonar:                 Ergash gaplar bosh gapdan oldin ham, keyin ham kelishi mumkin. Masalan: Paxta qor yog’sa, yurakka tosh yoqqandan battar bo’ladi.                 Ba’zi hollarda ergash gap bosh gap ichida ham kelishi mumkin. Masalan: Biz, ob-havo sharoiti yomon bo’lsa ham. Ekskursiyamizni davom ettirdik.     2. Ergash gap bilan bosh gapni qo’llanishi.                   Ergash gap bosh gapdan yozuv vergul bilan ajratiladi. Bunda vergul quyidagicha qo’yiladi:                 1. Ergash gap bosh gapga chunki, shuning uchun, go’yo kabi yordamchilar bilan birikkan bo’lsa, vergul shu yordamchilardan oldin qo’yiladi. Masalan: Ona uni anchadan beri kormagan edi, shuning uchun birinchi qarashdayoq ko’ziga tashlangan narsa qizginaning g’ayri tabiy to’laligi bo’ldi.                 Ba’zan gap tugallangan ohang bilan aytilib, vergul o’rniga nuqta qo’yiladi va ergash gap bosh harf bilan boshlanadi. Masalan: Sayramov iljayib qo’ydi. Chunki u raisning bu odatini oldindan bilardi. 2. Bosh gap kesimiga – ki bog’lovchisi qo’shilib kelganda, vergul shu bog’lovchidan keyin qo’yiladi. Masalan: Biz istaymizki, mustaqilligimiz abadiy bo’lsin. 3. Ergash gap bosh gapga fe’lning ravishdosh formasi, shart mayli formasi, sifatdosh formasi va kelishik affiksi yordami bilan birikkanda, vergul bu vositadan keyin qo’yiladi. Masalan: Gulnor bu yot kishining ellikboshi ekanligini bilgach, g’azabi shiddatlandi. Xalq g’ayrat qilsa, umidi tush bo’lib qolmaydi. Yulduzxon osh yuziga solish uchun ariq bo’yidagi rayxon barglaridan terayotganida, G’ulomjon ishdan qaytdi. Aziza hech qachon Iqbollarnikiga bormagan bo’lsa ham, qaerda turishlarini bir kuni Ra’no unga ko’rsatgan edi. 4. Ergash gap bosh gapni ichida kelsa, har ikki tomondan vergul bilan ajratiladi. Masalan: O’rta bo’yli, soddagina kiyingan Jo’raboev, sochlari oqarib ketgan bo’lsa ham, yoshlar singari chaqqon, g’ayratli edi.             3. Ergash gapning turlari         Ergash gaplar anglayotgan mazmuni, shakillanishi va bosh gapga bog’lanish usuliga ko’ra quyidagi turlarga bo’linadi: ega ergash gap. Kesim ergash gap, to’ldiruvchi ergash gap, aniqlovchi ergash gap, payt ergash gap, o’rin ergash gap, sabab ergash gap, maqsad ergash gap, shart ergash gap, to’liqsiz ergash gap, natija ergash gap, o’xshatish ergash gap, miqdor-daraja ergash gap, ravish ergash gap. 1. Ega ergash gap bosh gapdagi olmosh bilan ifodalangan egani izohlab, kim? Nima? Degan so’roqlardan biriga javob bo’ladi. Ega ergash gap bosh gapga bog’lanishi: 1. Ergash gapning kesimi shart mayli formasida bo’ladi. Bunda bosh gapning egasi u, o’sha, o’zi kabi olmoshlar bilan ifodalanadi.                 Masalan: Kim birovga yaxshilik qilsa, u yomonlik ko’rmaydi. 1.                                                         Ergash gapning kesimi aniqlik maylida formasida bo’ladi. Masalan: Kim o’qishda ko’proq jonkuyarlik ko’rsatar ekan, u mehnatda qiynalmaydi. 2.                                                         Ergash gapning kesimi ot kesim bo’lsa, bosh gapga ekan, bo’lsa yordamida bog’lanadi: masalan: Kim talaba ekan, u doimo shu ulug’ nomga yarasha ish qilsin. 3.                                                         Ega ergash gap bosh gapdan keyin kelib, bosh gapga – ki bog’lovchi yordamida bog’lanadi. Bosh gapning kesimi bor so’zi bilan yoki sifat bilan ifodalanadi, tarkibida shu olmosh qatnashadi. Masalan: Shu narsa ravshanki, ta’lim-tarbiya hayot bilan bog’liq bo’lishi lozim. 2.   Kesim ergash gap   bosh gapning olmosh bilan ifodalangan kesimini izohlaydi. Kesim ergash gap bosh gapga quyidagicha birikadi: 1. Bosh gapning kesimi shu, shunda, shunday kabi so’zlar bilan birikadi. Ergash gap bosh gpga-ki bog’lovchisi yordamida birikadi. Masalan: Yutuqlarimizni butun omili (shundaki) shuki, butun xalqimiz mustaqillik uchunkurashni o’zini bevosita burchi deb biladi. 2. Bosh gapning kesimi “Chiqish kelishigidgi olmoshdan iborat” shaklida ifodalanishi mumkin. Bunda –ki bog’lovchisi keyingi ko’chadi. Masalan: Botirning yutug’i shundan iborat ediki, u uztoz Michurin ko’rsatmasiga amal qilib, changlanuvchi navlardan eng yaxshi changlanuvchi navlarni topdi. 3. To’ldiruvchi ergash gap bosh gapning olmosh bilan ifodalangan to’ldiruvchisining izohlaydi yoki bosh gapning kesimidan anglashilgan ma’noni to’ldiradi.                 To`ldiruvchi ergash gap bosh gapga birikishi: 1. Ergash gapning kesimi, odatda, shart mayli formasida bo’ladi: ergash gap tarkibida kim, kimki, nima olmoshi bo’lib, bu olmoshlar bosh gapga to’ldiruvchi vazifasida kelgan, u, shu, o’sha olmoshlariga mos keladi. Masalan: Sportda kim ilg’or bolsa, uni hamma hurmat qiladi 2. Ergash gap bosh gapga –ki bog’lovchisi yordamida birikadi. Bosh gap tarkibida ko’pincha shu olmoshi bo’lib, ergash gap o’sha olmoshining ma’nosini oladi. Masalan: Shunga erishaylikki, kursimizda birorta ulgurmovchi talaba bo’lmasin.                 Ko’pincha bosh gap tarkibidagi olmosh ishlatilmaydi. Masalan: Kishilar istaydayki, hamisha ravshan bo’lsin kuni-kuni ertalar, kuni-kuni istiqbol.                 4. Aniqlovchi ergasg gap bosh gapdagi olmosh bilan ifodalangan biror bo’lakning belgi, xususiyatni aniqlaydi.                 Aniqlovchi ergash gap bosh gapga birikishi: 1.                                                         Ergash gap tarkibida kim, kimki, kimda-kim, kimning kabi olmoshlar qatnashib, kesimi shart mayli formasida bo’ladi. Bunday ergash gap bosh gap tarkibidagi qaratqichni aniqlaydi. Bu qaratqich III-shaxs olmoshi bilan yoki u, o’sha ko’rsatish olmoshlari va otdan tarkib topgan birikma bilan ifodalangan bo’ladi. Masalan: Kim ko’p kitob o’qisa, uning bilimi doirasi keng bo’ladi. Ba’zan bosh gapdagi uning so’zi umuman tushirishi yoki bu olmosh o’rnida u, o’sha, olmoshlari ishlatilishi mumkin. Masalan: Kim ko’p kitob o’qisa, o’shaning bilim doirasi keng bo’ladi. 2.                                                         Ergash gap tarkibida qaysi, qanday olmoshlari qatnashib, kesimi shart mayli formasida bo’ldi. Bunday ergash gap bosh gapdagi shunday, o’sha, shu so’zlari aniqlab kelayotgan predmetni izohlaydi. Masalan: Lolaxonga siz qanday muomala qildingiz, To’lqin ham shunday muomala qiladi. 3.                                                         Ergash gap bosh gap bilan –ki bog’lovchisi yordamida birikadi. Bunda bosh gap tarkibida shunday, ergash gap tarkibida esa bunday so’zi   keladi. Bu holda ergash gap bosh gapdagi shunday olmoshni aniqlayotgan predmetni izohlaydi. Masalan: Sizlar shunday zo’r g’ayrat va sidqidillik bilan ishladingizki, bunday mehnat katta g’alaba olib kelishi muqarrar edi. Ba’zan ergash ga’p tarkibidagi bunday so’zi   o’z aniqlashi bilan birgalikda tushirilgan bo’lishi ham mumkin. Masalan: Ular shunday shaxs bo’lsinki, har tomonlama etuk va xalqiga sodiq bo’lib xizmat qilsinlar qilsinlar.                 Ayrim paytda esa ergash gapdagi aniqlovchi va aniqlanmish o’rnida u, bu, ular kabi olmosh keladi. Masalan: Ish jarayonida shunday masalalar ham chiqardiki, bu Oyqiz uchun uchun hal qilib bo’lmaydigan darajada murakkab va mas’uliyatli tuyulida.                 Ba’zan bosh gap tarkibidagi shunday so’zi o’rnida shu qadar, shuncha (lik), shu xil kabi so’zlar ishlatiladi. Masalan: Anvar Munisxonga shu qadar nzar tashladiki, buni payqagach Munis uyalib, sekin erga qaradi.                 Ayrim hollarda olmoshlar ergash gapda ham, bosh gapda ham tushirilgan bo’ladi. Lekin bunda –ki   bog’lovchisi saqlanadi. Masalan: Odam borki odamlarning naqshidir, odam borki xayvon undan yaxshidir. (maqol).                 5. Payt ergash gap bosh gapning kesimidan anglashilgan ish- harakatning bajarikish paytini bildiradi. Ergash gap bilan bosh gapdagi ish-harakatning yuzaga kelishi quyidagicha:                 1. Bosh gap bilan ergash gapdagi ish-harakat bir paytda yuzaga keladi. Bunda bosh gap bilan ergash gapning o’zaro birikishi quyidagicha: 1. Ergash gapning   kesimi sifatdosh formasida bo’lib, o’rin – payt kelishigi affiksini olgan cjg’, payt, zamon so’zlari bilan birikib keladi.   Masalan: Oyoqlari uyning ostonasiga etgan chog’da, Komil ko’zlarini erdan uzib olib, boshini yuqoriga ko’tardi.                 2. Ergash gapning kesimi o’rin-payt kelishigi affiksini olgan sifatdosh bilan ifodalanadi. Masalan: O’qituvchi so’zining oxirida Salimni nomini o’qiganda, xona yana jim qoldi.                 3. Ergash gapning kesimi – P (-ap)+ ekan” shaklida bo’ladi: Naq yarim kechada odamlar uy-uylariga tarqalarkan, Navoiy Sultonmurodning to’xtatdi. Jilam daryosida suzar ekanmiz, qirg’oqlarda sunray sadolari, yoqimli qoshiqlar yangraydi.                 Ergash gapning kesimi – P (-ap) bilan yasalgan sifatdoshning bo’lishli- bo’lishsiz formasidan tusilgan juft so’z bilan ham ifodalanadi. Masalan: Yarim soat o’tar-o’tmas, samalyot qo’nadigan maydonchaga etib keldik. II. Bosh gapdagi ish-harakat, holat ergash gapdagi ish-harakat, holatdan oldin yuzaga keladi. Bunda gap bilan bosh gap o’zaro quyidagicha bo’ladi: 1.         Ergash gapning kesimi-guncha affiksi bilan yasalgan ravishdosh bo’ladi. Masalan: Majlis boshlanguncha, bir oz kulishib o’tiraylik. Ba’zan ergash gap kesimi   “Fe’l+guncha qadar” shaklida keladi. Masalan: Uy egasi dasturxonni mehmon oldiga solguncha qadar, Fotima ham barkashni olib keldi. 2.     Ergash gapning kesimi ravishdoshning bo’lishsiz formasi (-ma y, -ma-s-dan) bilan ifodalangan bo’ladi. Masalan: Oradan ko’p vaqt o’tmay, kimdir shoirning kelganidan habar berdi. Tong yorishmasdan, ko’chada harakat boshlandi. Ba’zan bu xil ergash gplarning kesimi ilgari, avval, oldin kabi so’zlar bilan keladi.                 Masalan: Mustaqil bo’lmasdan ilgari, o’zbeklar qaram halq edi.                 III. Bosh gapdagi ish-harakat, holatdan keyin yuzaga keladi. Bunda ergash gap bosh gapga quyidagicha birikadi. 1.         Ergash gapning kesimi (-gan+dan keyin, so’ng) shaklida ifodalanadi. Masalan: Suhbat tugagandan keyin, odalar tarqaldi. 2.             Ergash gapning kesimi – gach affiksi bilan yasalgan ravishdosh bo’ladi. Masalan: Yo’chining hasharga kelgani Nurining qulog’iga etgach, unda sabr qolmadi. 3.           Ergash gapning kesimi – gan (yotgan) edi + shaxs son affiksi shaklida ifodalanadi. Bu vaqtda ergash gapni bosh gapga bog’lovchi maxsus intonatsiya ham bo’ladi: Sodiq eshikdan chiqqan ham edi, Otabek boshini sekingina ko’tardi. Ba’zan bu xil ergash gaplarning kesimi – ki bog’lovchisini ham olib kelishi mumkin: Boy endi ovqatlanayotgan ediki, xizmatkori kirib keldi.                 IV. Bosh gap bilan ergash gapdagi ish-harakat, holat ketma-ket yuz beradi. Bunda ergash gapning bosh gapga bog’lanishi quyidagicha bo’ladi: 1.                                                                                 Ergash gapning kesimi –gan+dan beriyoki buyon shaklida ifodalanadi. Masalan: Kumush kelgandan beri, Otabek o’zini kun sayin sariqroq bir doiraga kirib borganini sezar edi. 2.                                                                                 Ergash gapning kesimi –gan sayin yoki hamon, sari shaklida ifodalanadi. Masalan: Komiljonni fikri oydinlashgani sari, hamma Komiljon tarafiga o’ta boshladi. 3.                                                                                 Ergash gapninh kesimi Harakat nomining –sh formasi + bilan shaklida ifodalanadi. Masalan: Shokirxonning xikoyasi tugashi bilan, oy ham botdi. Ba’zan ergash gap kesimi tarkibidagi bilan so’ziga –oq yuklamasi qo’shilib keladi. Bunda harakatning juda tez almashuvi ifoda qilinadi. Masalan: mehmonlar jo’nashi bilanoq, hovli jim\jit bo’lib qoldi. 6. O’rin ergash gap bosh gap kesimidan anglashilgan ish-harakat, holatning bajarilish o’rnini bildiradi. Ergash gapning kesimi shart mayli formasda bo’ladi. Ergash gap tarkibida qaerga, qaerda, qaerdan, qayoqqa kabi nisbiy so’zlar bo’lib, bular bosh gap tarkibidagi shu erda, u erda, o’sha erda, o’sha erga kabi holga mos keladi. Masalan: Ko’z qaerda bo’lsa, mehr ham o’sha erda bo’ladi. Qaerda kurash bo’lmasa, u erda o’sish ham bo’lmaydi. 7.Sabab ergash gap bosh gap kesimidan anglashilgan ish-harakatni bajarish sababini bildiradi. Sabab ergash gap bosh gapga quyidagicha bog’lanadi: 1.         Ergash gapning kesimi – gan + egalik af + uchun shaklida ifodalanadi. Masalan: Majlis bo’lgani uchun, dars bo’lmadi. G’ulomjon uzoq o’y surib qolgani sababli, uzilib qoldi. Ergash gapning kesimi ba’zan –lik affiksini ham olib keladi. Masalan: Talabalar qiziquvchan bo’lganligi uchun, darslar qiziqarli bo’ladi.   2.         Ergash gapning kesimi – gan + egalik af +dan shklida ifodalanadi. Masalan: Qishloq sharoitida ish ko’p bo’lganidan, o’qishga vaqt bo’lmaydi.                 Ergash gapning kesimi ba’zan –lik affikasini ham olib keladi. Masalan: Kumush juda hafa ko’ringanligidan, uning ko’nglini olmoqqa to’g’ri kelardi.                 3. Ergash gap bosh gapga shuning uchun, shu sababli, shu tufayli so’zlari yordamida bog’lanadi. Masalan: Biz o’z vatanimizni sevamiz, shuning uchun go’zal tarixini yaxshi bilmog’imiz kerak.                 4. Ergash gap bosh gapdan keyin kelib, bosh gapga chunki bog’lovchisi yordamida bog’lanadi. Masalan: Yo’lchining ko’ngli quvonch bilan to’la edi, chunki yori yonida edi. O’rni bilan chunki bog’lovchisi ishlatilmasligi ham mumkin. Masalan: Egilgan tayoqqa suyanma: seni ham egadi. 5. ergash gap bosh gapga –mi yuklasi yordamida bog’lanadi. Masalan: Modomiki xaloyiq qo’liga tosh olibdimi, uning ko’nglida dardi bordir. 1.   Ergash gapda shekilli so’zi keladi. Masalan: Olimjon kelmadi, shekilli, majlis hali ham ochilgani yo’q. 8. Shart   ergash gap bosh gapdan anglashilgan mazmunning qanday shart bilan bajarilishini bildiradi. Shart ergash gapga quyidagilar bog’lanadi: 1. Shart maylidagi fe’l yordamida: Masalan: Ter to’kib mehnat qilsang, erdan xatto zar unadi. 2. Ba’zan shart ergash gapning kesimi –gan + da shaklida ifodalanadi. Masalan: mustaqillik bo’lganda, biz bunday erkin hayot kechirmas edik. Bosh tarkibida u holda, u vaqtda, shunda, bunda kabi so’zlar keladi. Masalan: Elning, yurtningbaxti barqaror bo’lsa, u holda saltanat ham bezatar bo’lur. -mi –chi yuklamasi qo’shilib yoki bormi so’zi keltiriladi: Masalan: Mehnatni ayamasangiz-chi, barakasi oshaveradi.                 Ergash gapdagi shart ma’nosini ta’kidlash uchun ergash gap tarkibidagi agar, basharti, mobodo kabi so’zlar keladi. Masalan: Agar astoydil mehnat qilinsa, mo’ljaldagi hosil etishtirilishi mumkin.                 Ayrim shart ergash gaplarda payt manosi ham bo’ladi. Masalan: Amudaryoni jilovlasak, O;zbekiston butun-butun paxta vodiylari yaratadi. 9. Maqsad ergash gap bosh gapdagi anglashilgan ish-harakatning maqsadini bildiradi. Maqsad ergash gap bosh gapga quyidagicha bog’lanadi:                 1. Ergash gap qo’shma gap shaklida bo’lib,   bosh gapga deb bog’lovchisi yordamida bog’lanadi. Masalan: Anorxonning qo’llari kuymasin deb, Sobir o’zi qumg’onlarni ildam o’choqdan oldi.                 2. Ergash gap bosh gapga toki yordamida bog’lanadi. Masalan: Biz o’z bilimimizni kun sayin chuqurlashtirib boraylik, toki Vatan oldidagi o’z burchimizni muvoffaqiyatli hal qilaylik. 10.   To’liqsiz ergash gap mazmuni bosh gap mazmuniga zid bo’lsa ham unda ifoda qilinayotgan fikrning bajaralishiga to’siq bo’lmaydi. To’liqsiz ergash gap bosh gapga quyidagicha bog’lanadi. 1. Shart mayli affiksi (] egalik affiksi) ] ham yordamchisi orqali: Masalan:   Bir kishi tarixni yoritmasa ham, kishining tarixda yuksak o’rni haq. Ba’zan ma’noni kuchaytirish uchun bosh gap tarkibida zidlovchi bog’lovchi ham keladi. Masalan: Kumushbib boya yo’l ustida yigitlar orasida korgan bo’lsa ham, biroq daxshat ichida o’rdaga qarab yugurgan edi. Ergash gap tarkibida keladigan garchi so’zi ham to’liqsiz ma’nosini kuchaytiradi. Masalan: Garchi bahor fasli bo’lsa ham, peshinning issig’I jazirama yozdek qizdirardi. 2. Shart mayli affiksi ] –da yuklamasi orqali: masalan: Quyosh botgan esa- da, hali hamma yoq yorug’. 3. Ergash gapnin gkesimi buyruq maylidagi fe’l bilan ifodalanadi. Masalan: O’z o’qituvchisiga ona singari mehribon bo’lmagan har bir o’qituvchi, garchi u ko’p tajribali   bo’lsin, oxirida pushymon bo’lur. 11. Natija ergash gap bosh gapdan ergashilgan ish-harakatni   natijasini bildiradi. Natija ergash gap bosh gapga quyidagicha bog’lanadi: 1. Bosh gapning kesimiga –ki bog’lovchisi qo’shiladi:   tarkibida esa shunday, shu qadar, shu darajada, shuncha (lik), shunaqa, gunoh kabi bog’lovchi vazifasidagi so’zlar keladi. Masalan: Olimjon shuncha tez va ildam ishlardiki, u ajratib olgan er bir pastda tizza bo’yi chuqurlashdi. Ba’zan ergash gap tarkibida natijada, oqibatda kabi   so’zlar kelib, gapning mazmunini bo’rttirib ko’rsatdi. Masalan: Men shunchalik hayajonlandimki, oqibatda bir og’iz ham so’z ayta olmadim. Bosh gap tarkibida kelgan bog’lovchi vazifasidagi so’z tushirilgan bo’lishi ham mumkin. Masalan: Bizning tilimiz Navoiyning so’zida ulug’ 12. O’xhatish ergash gap bosh gapdan anglashilgan harakat holat, belgi- xususiyatni boshqa bir voqea = hodisa, belgi – xususiyatga o’xshatadi, qiyos qiladi. O’xshatish ergash gap bosh gapga quyidagicha bog’lanadi. a)                                                         Ergash gapning kesimi –day –dek affiksini olgan sifatdosh bilan ifodalanadi. Masalan: Adrlarga qip-qizil gilam yopganday, lolalarchaman bo’lib ochilib yotibdi. b)                                                       Ergash gapning kesimi –gan ] egalik ar r]kabi shaklida ifodalanadi. Masalan: Xotin kishining o’zi nozik bo’lgani kabi, hissi ham, ko’ngli ham nozik, sezuvchan bo’ladi.                 c) Ergash gap tarkibida go’yo, go’yoki yordamchilari keladi. Masalan: Childirmalarning sho’x ovozi hamma yoqni to’ldirgan, go’yo kechaning o’zi kuylaydi. Ba’zan bosh gap tarkibida – u, -yu, Yuklamalari ham keladi. Masalan: Munisxon osmonda porlab turgan bir yulduz-u, go’yo Qudrat shu yulduzning suvda aks etgan shulasi edi.                 13. Miqdor daraja ergash gap bosh gapdan anglashilgan harakat, holatning qanday darajada, qancha miqdorda bajarilishini bildiradi. Miqdor daraja ergash gapning kesimi shart mayli shaklida bo’ladi. Bunda ergash gap tarkibida kelgan qancha, qanchalik, nechalik olmoshlari bosh gap tarkibida kelgan shuncha, shunchalik, shu chog’li, shu qadar kabi so’zlarga mos keladi. Masalan: Oshnalar qancha ortsa, yotlar bo’lar shunch kam. Foydalanilgan adabiyotlar 1. O’zbek tili (Universitet va pedagogika institutlari uchun) qayta ishlangan 2- nashr T. “O’zbekiston” 1992 y. 2. A.Nurmatov va boshqalar. O’zbek tilining nazariy sintaksisi T. 3. R.Rasulov. So’z     valentligi va sintaktik a’loqa   “O’zbek tili va adabiyoti” jurnali № 5-6   1992 y. 4. A.Aliev, K. Sodiqov. O’zbek adabiy tili tarixidan. (Universitet talabalari uchun darslik) T. “O’zbekiston”. 1994 y. 5. B . Abdurahmonov , S . Mamajanov o ’ zbek tili va adabiyoti ( Oliy o ’ quv yurti talabalari uchun darslik ) T . “ O ’ zbekiston ” 1995 y . 6. M. Mirtojiev Mantiqiy predikatning ega vazifasida kelishi. “O’zbek tili va adabiyoti” jurnali   № 2   1995 y. 7. F.Ubaeva, R. Saydullaeva to’liqsiz gaplar to’g’risida ba’zibir mulohazalar. “O’zbek tili va adabiyoti” jurnali № 1   1997 y. 8. A.Xo’jiev. So’zning morfem tarkibi masalalariga doir. “O’zbek tili va adabiyoti” jurnali 1998 y. 9. www.ziyonet.uz

Похожие

Qo’shma gap
Murakkab qo’shma gap
Bog’langan qo’shma gap. Bog’langan qo'shma gap qismlarining mazmun munosabati haqida
Gap
Gap ( gap asosini aniqlash )