Cўзлашув тилига хос суффикс ва суффиксоидларининг семантик хусусиятлари - Лингвистика - Рефераты

Cўзлашув тилига хос суффикс ва суффиксоидларининг семантик хусусиятлари

Загружено в:

20.09.2019

Скачано:

0

Размер:

63 KB

C ўзлашув тилига хос суффикс ва суффиксоидларининг семантик хусусиятлари Сўзлашув суффикслари ва суффиксоидлар билан ясалган сўзлар, контаминация, тескари парчалаш йўли билан ясалган тузилмалар, сўзлашув қисқартмаларини А. Д. Швейцер 1 , А.А. Миллер 2 ва Wentworth-Flexner 3 ишларида учратиш мумкин. Улар ўз структураларининг ғайриоддийлиги билан тадқиқот учун катта қизиқиш туғдиради. Биз қуйида фақат энг қизиқарли ва сўзлашув тили учун сермаҳсул ҳисобланган хорижий суффиксларни кўриб чиқиб, ясама сўзларни таснифлашга ҳаракат қиламиз. Бу жиҳатдан, тадқиқ этилаётган суффиксларнинг этимологиясига таянамиз. Шуни таъкидлаш керакки, бундай сўзлар асосий фарқловчи белгига эга бўлади. Бу белги эса структуравий белгиланганлик бўлиб, сўз асосининг суффикс билан боғланишининг ғайриоддийлиги ва адабий андоза учун маҳсулдор эмаслиги билан белгиланади. Структуравий белгиланганлик 4 ўз навбатида, ясама сўзлар нуқтаи назаридан услубий маркерланган, турли экспрессив – баҳоловчи белгилари билан муайян экспрессив коннотациянинг мавжудлигини тақозо этади. Шунга асосланган ҳолда биз ясама сўзларни экспрессив деривация мисоллари сифатида таҳлил этамиз. (1) Келиб чиқиши лотин тили билан боғлиқ суффиксларга эга сўзлар. auditorium, sanatorium каби адабий андозадаги отларда мавжуд суффикслар – atorium, - torium, -orium кабилар бўлиб, қандайдир қуйи табақали ташкилотни англатувчи ясама сўз ва ибораларни шакллантиради. Масалан drinkatorium (барча пивохона), hatatorium (эркаклар бош кийимлари дўкони), healthatorium (вегетариан кафе), motortorium (гараж), suitatorium (эркаклар кийими магазини), 1 А.Д.Швейцер. Очерк современного анлийского языка в США. М. -. С. 124-125. 2 А.А.Миллер Основные пути формирования слэнга.// Иностранный язык. 6 Алма-Ата. 1994. – С. 6-18. 3 H.Wentworth, S.B.FlexnerA Dictionary of American Slang. N . Y . 1998. - p . 559-601, 610-611/ 4 Грайс Г. П. Логика и речевое общение // Новое в зарубежной лингвистике / Лингвистическая прагматика; вып. XVI . - М.: Прогресс, 1985. - С. 220.

printorium (нусха кўчириш, босмалаш дўкони) ва ҳоказолар. Ушбу суффикс одатда асосий фонетик жиҳатдан бир хил от сифатида белгиланган биринчи элементга бирликда қўшилади. Агар отда бирлик ва кўплик шакли бир хил бўлса, асосдаги –s морфемаси олиб ташланади ва бундай ҳолатда ясама сифатида қуйидагича тузилма ҳосил бўлади; масалан; pants – pantorium, pantatorium (эркаклар ательси). Баъзи бир ясамаларда биринчи элемент қисқартирилган ҳолатда намоён бўлади; масалан, beautorium (гўзаллик салони), theatorium (кинотеатр), furnitirium (мебель дўкони), lubritorium (автоматика). Баъзан эса, «ғайриоддийлик» хусусиятини кучайтириш учун биринчи элемент сифатида архаизмга ўхшаш асос намоён бўлади. Масалан, barb (соқол) – barbers (cартарошхона) тузилмасини barber – barbertorium каби тузилма билан бир қаторда кўриш мумкин. Ёки бунинг тескариси бўлмиш bob (киска аёллар турмаги) каби неологизмлар bobatorium (аёллар салони) сифатида намоён бўлиши ҳам кузатилади. Таҳлил учун hotdogatorium (хот-дог сотиладиган дўкон) каби тузилмалар ҳам қизиқиш уйғотади. Бундай мураккаб асос hot-dog сленгизми иборасининг ўхшаш шакли сифатида иккиламчи, сўзлашувнинг икки карра кодланишини яққол намоён этади. Ушбу суффикс билан ясалган тузилмалар муайян коннатацияга эгадир: улар одатда кинояли белгига молик бўлиб, тўла қийматга эга бўлмаганлик, баъзан эса бетакаллуфлик касб этади. (2) Француз тилига мансуб суффикслар . –ese суффикси Британия умумий сленгига хос бўлиб, эски француз (-eis) суффиксидан ўзлашган ва французча –ois, -ais суффиксларига мос келади ва уни итальян тилидан ўзлашган деган фикрни инкор қилишга асос бўлади. Таъкидлаб ўтамизки, –ese суффикси адабий андоза учун унчалик маҳсулдор эмас (масалан, Japanese, Chinese, Siamese, Partugese, Tyrolese); у турли индивидуал услубга хосликни билдирувчи отларни ясашда ишлатилади:

(Johnsonese, Carlylese) (Джонсон, Карлайл ёзув тарзини эслатувчи услуб); шунингдек, функционал услубни ифодалашда ҳам ишлатилиши мумкин: Journalese (газета-журналларга хос услуб) ва ҳоказолар. Оддий сўзлашувда ушбу суффикс бирор ҳудудга тегишли аҳолининг нутқий хусусиятлари ёки бирор касбга тегишли лексиконни англатувчи отларни ясаши ҳам мумкин. Бу ҳолда фақат шу аҳолига хос севимли сўзлар ва нутқий қўлланилишларга доир сўз ва иборалар бирлиги кўзда тутилади. Масалан, Brooklynese, Manhattanesе (Бруклин, Манҳеттанда яшовчи кишилар нутқи), Madison Avenuese (Нью-Йоркнинг кўчаларидан бири Мадисон Авенюга хос нутқий қўлланмалар), Pentagonese (Пентагон ходимларига хос лексикон), Federalese (расмий жаргон), gangsterese (гангстерларнинг нутқий хусусиятлари), junglese (Хобо жаргони), filmese (овозсиз фильмлардаги субтитрга хос ёзув услуби), cablese (телеграфга хос услуб) кабилар. 1939-1945 йиллардаги уруш даврида Британияда структурасига кўра ўзига хос янги сўзлашув тузилмаси - evacuesе (эвакуация қилинганлар жаргони) вужудга келди. Баъзида биринчи элементнинг қисқартирилган шаклда келишини ҳам таъкидлаб ўтиш керак, одатда, ёзувда сўз охиридаги ўқилмайдиган – е олиб ташланади: junglese, cablese, Madison Avenuese. Бизнинг таснифимизга кўра ушбу суффикс билан ясалган барча тузилмаларни эркин моноэлементларга киритиш жоиздир. Уларнинг барчасида бетакаллуфлик белгиси мавжуддир 5 . Юқорида таҳлил қилинган суффиксларнинг барчаси маҳсулдор бўлиб, экспрессив дериватлар ясашда фаол қатнашади. Ушбу турдаги дериватларнинг вужудга келишига, фикримизча, икки омил таъсир кўрсатади: а) Адабий андозада хақиқий англо-саксон негизларнинг чет тиллардан кириб келган маҳсулдор суффикслар билан боғланишининг бирмунча осонлиги. Бу эса ўз навбатида ушбу негизларнинг адабий андоза учун маҳсулдор 5 Кунин А. В. Английская фразеология. - М.: Высшая школа,1970. - C . 214.

ҳисобланмаган чет тиллардан кириб келган суффикслар билан боғланиш имконияти кенг бўлиши эҳтимолини олдиндан белгилаб беради. б) Адабий андозада маълум даражада сермаҳсул ҳисобланмаган суффикс- дериватларнинг мавжудлиги ва бундай суффиксларнинг структуравий жиҳатдан ўхшаш сўзлашув элементларини шакллантиришининг потенциал имкониятга эгалиги. Шу ўринда таъкидлаб ўтиш жоизки, адабий андозадаги баъзи янги шаклланишлар учун бошланғич модел вазифасини ўтаган дериватлар бир неча юз йиллардан бери ишлатилиши маълум. Масалан, arthritis 1544 йилдан буён мавжудлиги маълум бўлса, Japanese – 1604 йилдан, Auditorium – 1727 йилдан, bambino – эса 1761 йилдан бери мавжуддир(Катта Оксфорд Луғати). Юқоридагиларнинг барчаси ҳозирги замон умумий сленгида кўрсатиб ўтилган экспрессив дериватларнинг вужудга келиши ва кенг қўлланилиши имкониятининг мавжудлиги ҳақида хулоса чиқаришимизга асос бўлади. Чунки улар мавжуд инглиз тили структуравий моделларига зид эмасдир 6 . Қуйида биз бир морфемали суффиксоидлар билан боғланиб, сўзлашувга хос от ва сифатлар ясайдиган ва одатда АҚШ умумий сленгига тегишли бўлган тузилмаларнинг баъзиларини кўриб чиқамиз. Кўрсатиб ўтилажак суффиксоидларнинг барчаси адабий андоза сўзлари бўлиб, фақат сўз ясаш асосида сўзлашув тили бирликларини ясайди. Таъкидлаб ўтамизки, суффиксоид атамаси хориждаги замонавий инглиз филологияси соҳасида қўлланилиши билан бирга биздаги германистикада ҳам кенг тарқалган дейиш мумкин. 7 Аммо баъзи олимлар алоҳида суффиксоидни ажратиб кўрсатиш тўғри эканлигини тан олишмайди ва уларни ҳатто қадимги герман тиллари учун хос хусусият бўлган муайян лексик заифлашувни бошидан кечираётган ва функционал жиҳатдан қўшма сўзлардаги иккинчи 6 Яковлева Е. С. О понятии «культурная память» в применении к семантике слова // Вопросы языкознания. – М., 1998. - №3. – С. 50-51. 7 Швейцер А. Д. [Рец]: «Кунин А. В. Англо- русский фразеологический словарь. 4-изд., перераб. и доп. - М.: Русский язык, 1984. 944 с. « //Вопросы языкознания. - М., 1986. - № 3. - С. 137.

компонент сифатида суффиксга яқинлашаётган мустақил лексик бирлик сифатида қарашни таклиф этишади. Тилшуносликда ушбу бирликка нисбатан яна бир атама - «нисбий суффикс» атамаси ҳам ишлатилади. У тўлиқ маъноли сўз шаклидаги коррелятларга эга бўлган, аммо морфологик ва семантик жиҳатдан чегараланган деривацион морфемаларга нисбатан қўлланилади. У ёки бу атаманинг афзаллиги ҳақида баҳс юритишга берилмасдан, фақат қуйидагиларни таъкидлаб ўтиш мақсадга мувофиқ деб топдик: бундай деривацион морфемадан ясалган тузилмалар тил тизимида алоҳида оралиқ ўринни эгаллайди. Улар соф бирикмалар ва суффиксли ясамаларни яқинлаштирувчи белгига эга сўз ясовчи қаторларни шакллантиради. Суффиксоидли ясамаларни биз сўзлашувга хос бўлган экспрессив деривациянинг алоҳида тури сифатида кўриб чиқамиз: –man, -boy, -bug, -hound суффиксоидлари билан ясаладиган сўзлашув тили элементлари. Ушбу суффиксоидлар биринчи компонент билан боғланиб, N-N’s-Ns-Ns’ парадигмали ва he-they олмоши билан ўрин алмашиб кела оладиган эркак жинсидаги отларни ясайди. Бунда –bug, -hound билан ясаладиган ясамалар одатда яққол намоён бўладиган камситувчи-кинояли белгини олса, -man, -boy билан ясаладиган тузилмаларда бетакаллуфлик оҳангги мавжуд бўлади. Чамаси , коннотация яратилишида кам бўлса-да сезилиб турадиган ушбу дериват морфемаларнинг предмет-мантиқий маъноси муайян роль ўйнайди. (а) – man суффиксоиди адабий андозада ҳийла кўп кузатилади. Оддий сўзлашувда у ўзига хос жинсни кўрсатувчи сифатида чиқса, биринчи компонент дериватнинг предмет-манти қ ий маъносини белгилайди. Масалан адабий андозадаги airman га ўхшаш тарзда shyman , birdman ( қ иёсланг. manbird ) жаргонизмлари шаклланган 8 . Gunman адабий ясама сўз и Америка вариантида умумий сленгнинг «гангстер» лексик-семантик вариантига мансуб бўлиб, ушбу модел асосида худди шу 8 H.Marchand. The categories and Types of Peresent Day English Word Formation. - Wiesbaden. 1990. P. 134 – 135.

предмет – мантиқий маънога эга бўлган махсус сленгизм (МС) - жаргонизмлар шаклланган: rodman , bumpman , croakman , mobsman , heavyman , hatchet - man , yeggman , heistman , tobyman . Америка ареали махсус сленги учун адабий доминант га эга жуфт синонимик қаторлар хосдир, масалан, ( pickpocket ) – knucksman , pratman : ( safe - cracher ) – peteman , peterman : ( street pedder ) – pitchman , phoneyman : ( detective ) – clapman , slap - man : ( smuggler ) – iceman , yellow – goodsman : ( swindler ) – magsman , shellman Баъзи бир ясама лексемаларнинг семантик тузилиши сўзлашув лексик- семантик вариантининг пайдо бўлиши ҳисобига кенгаяди ва ушбу структурани адабий андоза чегарасидан ташқарига чиқиш и га сабабчи бўлади. Масалан, fieman (ўт ўчирувчи) ва (авто-пойгачи), lumberman (дарахт кесувчи) ва (ҳассали, қўлтиқоёқли одам); худди шу нарса кўп маъноли ясамаларда ҳам: waterman (қайиқчи, рассом-акварелчи), ва (хушомадгўй, лаганбардор, қўрқоқ, боксчи), шунингдек, икки-маъноли ясамаларда: caveman (ғор одами, тийиқсиз эҳтиросларга эга одам) ва (бақувват гавдали эркак, кучли боксчи) ларда учрайди . Баъзи ясама ларнинг семантик структураси кенгайиши айнан сўзлашув лексик- семантик вариантларининг вужудга келиши ҳисобига юз бериши ҳам кузатилади; масалан, meat - man (қассоб)нинг гиламдаги курашчи, каллакесар, тобутсоз каби, wheel - man (ғилдирак устаси)нинг велосипедчи, зўр ҳайдовчи, машина ўғирлаш бўйича мутахассис каби сўзлашув вариантлари пайдо бўлди. Умумий сленгнинг иккала ареалида ҳам super - man ясама сўзи немис тилидаги ubermensch сўзининг тақлидий шакли бўлиб (Ницше томонидан яратилган ва 1903 йилда Б. Шоу томонидан таржима қилинган – қиёсланг. « Man and Superman »), иккинчи жаҳон уруши даврида унинг фашист, немис солдати каби вариантлари пайдо бўлди. С ўзлашув тилида баъзи ясамаларда лексик омонимия ҳолатини қуйидаги ҳолларда кузатиш мумкин :

а) Агар дериватлар турли ареалларда қўлланилса, масалан, Британия ареали умумий сленги (БАУС) ва Америка ареали умумий сленги (ААУС)да swagman ўғирланган молни қабул қилувчи шахс маъносини англатса, Австралия умумий сленгида эса дайди маъносини беради; б) дериватлардан бири сленгизм, бошқаси эса жаргонизм бўлса, масалан, penman сўзининг ёзувчи, муаллиф-каллиграф каби адабий лексик-семантик вариантлари семантик структурасига қалбаки пул ясовчи сленгизми ва хабарчи жаргонизми ҳам киради. б) –man суффиксоидига синонимик тарзда –boy суффиксоиди ҳам намоён бўлади. Rod-man, waterman, кабилар уларга синонимик ҳисобланган rod-boy, waterboy билан бир қаторда ишлатилади. -man суффиксоидли дериватлардан фарқли ўлароқ, бу ҳолатда дефис билан ёзиш кўп учраши одатий ҳолдир. ААУСга тегишли бўлган pretty-boy (муштумзўр), bindo-boy (пиёниста), lover-boy (келишган), willy-boy (нозик одам), ААМСга тегишли жаргонизмлар – fly-boy (учувчи), blow-boy (карнайчи), speed-boy (югурувчи) ва ҳоказолар. –man билан ясаладиган ясамалар каби –boy суффиксоидли бирикмаларда сўзлашувга хос лексик-семантик вариантларнинг вужудга келиши семантик структуранинг адабий андоза чегараларидан ташқарига томон кенгайиши ҳисобига амалга ошади ва бу вариантлар асосий предмет-мантиқий маъно билан боғлангандир. Масалан, cowboy (ковбой) шайка раҳбари, каллакесар каби маъноларни олиш ва ҳатто кейинги маънонинг ўзгаришига (турли масаллиққа бой катта сандвич). Яъни бу ерда N-Ns парадигмали вариант ва олмошли ўрин алмашиш (it they) мавжуд. Poor-boy сленгизмида ҳам худди шу нарса мавжуддир. Tomboy (қиёсланг. tomgirl(қизча-зумраша)) сленгизми алоҳида ўрин тутади. Чунки у ушбу дериватларга хос бўлмаган парадигмага (she-they) эгадир. Ушбу ясамалар боғланган (1), ёки эркин (2) синоэлементларга тегишли бўлса- да, жуда кам ҳолларда боғланган моноэлементларга (3) тегишли бўлиши

мумкин: (1) waterboy, lower-boy, pretty-boy, (2) rod-boy, hatchet=boy, bingo-boy, fly-boy, willy-boy, blow-boy: (3) water-boy (қиёс. waterman), cowboy, poor-boy, tomboy. 9 Сўзлашувга хос префиксларни кўриб чиқмаганлигимизни фақат сўзлашувга хос бўлган бирорта ҳам префиксни учратмаганлигимиз билан изоҳлаймиз. Худди шунингдек, сўзлашувга хос феъл ва равиш суффиксларига ҳам дуч келмадик. Л. Соудек 10 , А. А. Миллер 11 ва бошқа инглиз тили мутахассислари (масалан, лексикологияга оид барча қўлланмалар муаллифлари), таҳлил қилган барча аффикслар сўзлашув учун тегишли бўлмасдан, адабий андозадан ўзлашгандир. Бундай аффикслар морфологик жиҳатдан белгиланган сўзлашувга хос янги ясамаларни вужудга келтиришда иштирок этмайди. Адабий андозадаги аффиксга эга дериватларнинг структуравий белгиланганлиги морфологик жараёнлар орқали шакллантирилади. 9 Mc Houl A. W. An initial investigation of the usability of fictional conversation for doing conversation analysis // Semiotica. - Amsterdam etc., 1987. - Vol. 67, № 112 . - P. 100. 10 Lev Soudek. Structure of Substandard Words in British and American English. – Bratilava, : Academia, 1997 . 11 Миллер А.А. Основные пути формирования слэнга //Иностранный язык.- 6 .- Алматы , 1991 .

Фойдаланилган адабиётлар 1. Грайс Г. П. Логика и речевое общение // Новое в зарубежной лингвистике / Лингвистическая прагматика; вып. XVI . - М.: Прогресс, 1985. - С. 220. 2. Кунин А. В. Английская фразеология. - М.: Высшая школа,1970. - C . 214. 3. Миллер А.А. Основные пути формирования слэнга.// Иностранный язык. 6 Алма-Ата. 1994. – С. 6-18. 4. Швейцер А.Д. Очерк современного анлийского языка в США. М. -. С. 124-125. 5. Швейцер А. Д. [Рец]: «Кунин А. В. Англо- русский фразеологический словарь. 4-изд., перераб. и доп. - М.: Русский язык, 1984. 944 с. « //Вопросы языкознания. - М., 1986. - № 3. - С. 137. 6. Яковлева Е. С. О понятии «культурная память» в применении к семантике слова // Вопросы языкознания. – М., 1998. - №3. – С. 50-51 7. H.Wentworth, S.B.FlexnerA Dictionary of American Slang. N.Y. 1998. - p. 559- 601, 610-611/ 8. Marchand H.The categories and Types of Peresent Day English Word Formation. - Wiesbaden. 1990. P. 134 – 135. 9. McHoul A. W. An initial investigation of the usability of fictional conversation for doing conversation analysis // Semiotica. - Amsterdam etc., 1987. - Vol. 67, № 112 . - P. 100. 10. Soudek Lev. Structure of Substandard Words in British and American English. – Bratilava, : Academia, 1997 . 11. The article is devoted to the analysis of the semantic characteristics of suffixes of the spoken English where the author pays a specific attention to the formation of new elements of Spoken English by these suffixes.

Похожие

-да юкламасининг семантик-грамматик хусусиятлари ҳақида

Матнда гумон олмошларининг айрим семантик ва функционал-услубий хусусиятлари

Телевидениенинг ўзига хос хусусиятлари

Синхрон таржиманинг ўзига хос хусусиятлари

Лексик-семантик муносабатлар