Педиатрик дори турларини технологиясини такомиллаштириш - Медицина - Рефераты

Педиатрик дори турларини технологиясини такомиллаштириш

Загружено в:

20.09.2019

Скачано:

0

Размер:

118 KB

Педиатрик дори турларини технологиясини такомиллаштириш Режа: 1. Б олалар амалиётида қўлланиладиган дориларни корригирлашда замонавий ёндашув; 2. Дориларни нохуш органолептик хоссаларини бартараф этишнинг технологик усуллари ; 3. Корригентларни таърифи, таснифи, қўйилган талаблар; 4. Корригентларни болаларга мўлжалланган дориларда қўллаш асослари

Б олалар амалиётида қўлланиладиган дориларни корригирлашда замонавий ёндашув УЖССТ (ВОЗ) маълумотига кўра хозирда педиатрия етарли махсус болалар учун мўлжалланган дорилар билан таъминланмаган. 75% болалар касалликлари учун махсус педиатрик дори турлари ишлаб чиқилмаган. Ундан ташқари дориларни болалар амалиётида хавфсиз қўллаш бўйича маълумотлар етарли эмас. Янги препаратларни болалар амалиётида қўллаш бўйича клиник синовлар тўғрисида маълумотлар етарли даражада емас. Ш.у. шифокорлар томонидан, кўп холатларда, болаларга катталарга мўлжалланган дориларни қўллаш кенг тарқалган. Лекин бу ката хавф туғдиради, айниқса янги туғилган чақалоқлар ва 1 ёшгача бўлган болаларда. УЖССТ маълумотига кўра ёш болаларга буюриладиган дори препаратларнинг 45%-стационарда ва 10-20% амбулаторияда махсус шу ёшга мўлжалланмаган. Ш.у. болаларни катталарга мўлжалланган препаратлар билан фақатгина дозасини камайтириш йўли билан даволаш асосий қоида бўлиб қолган.Аммо бу йўл хато, чунки дорининг фақат дозасини камайтириб бериш турли патологияларга, айрим холларда ўлим холатига сабаб бўлади. Ш.у. болаларга мўлжалланган махсус дориларни яратиш- долзарб муаммо ва шу муаммони ечилишига етарли эътибор берилмайди. Хозирда республикамизда шу масала четдан келтирилган болалар учун мўлжалланган дорилар ( сироплар, гранулалар ва ш .ў) билан қисман ечилади. Дориларни нохуш органолептик хоссаларини бартараф этишнинг технологик усуллари Болаларга мўлжалланган перорал, айниқса суюқ дори турларида, дориларни салбий органолептик хоcсалари кўпроқ сезилади. Шунинг учун болалар учун перорал дори турларини яратишда шу муҳим масалага эътибор берилиш лозим. Педиатрия амалиётида дорининг таъми, хиди, ранги катта аҳамиятга эга. Ёш болаларнинг нохуш таъмга сезгирлиги юқори бўлади, чунки уларнинг тилидаги таъм рецепторлари нисбатан кенгроқ тарқалган. Болаларга ёкимсиз дорини мажбуран ичириш кўп холатларда дорининг

терапевтик самарадорлигини камайтириш мумкин ( салбий психологик реакция). Демак, болаларга мўлжалланган перорал дориларни яратишда асосий эътибор дориларни нохуш органолептик хусусиятларини ниқоблашга қаратилган бўлиши керак ва педиатрия амалиётида кўлланиладиган дори турларини ўзига хос бир тарафи ҳисобланади. Болаларга мўлжалланган перорал дориларни яратишда асосий эътибор дори моддаларнинг нохуш органолептик хусусиятини ниқоблашга қаратилган бўлади. Дориларнинг ёқимли ҳиди,таъми,ташқи кўриниши боланинг асаб системасига ва умуман бутун организмга ижобий психологик таъсир кўрсатади. Дориларнинг таъми уларнинг кимёвий тузилишига ва таркибидаги фаол гурухларга боғлиқ. таъм Кимёвий хоссалари Нордон Н+ Шўр Катионлар ва анионлар мавжудлиги аччиқ Юқори молекулали тузлар Ширин Полигидроксил хосилалари альфа- аминокислот аларнинг Острый Ненасыщенные соединения хид Кимёвий хоссалари мевали Эфир лар , лактон лар ёқимли Кетон лар Камфор али Углероднинг тўртламчи атоми Корригирлаш –бу дорини таъмини,ҳидини,ташқи кўринишини ўзгартиришга қаратилган усулдир.Корригирлашни бир неча йўналиш бўйича амалга ошириш мумкин. 1. Кимёвий усуллар. Бу усулларнинг моҳияти ҳар хил реакциялар ёрдамида дори модданинг комплекс тузларини ҳосил қилиб унинг

органолептик хоссаларини ниқоблаш. Чунки модданинг нохуш таъмига айрим бир гуруҳлар сабаб бўлади ва уларни беркитиш учун стеаратлар ва таннатлар каби комплекс моддалар олинади. Левомицетин стеарат препарати бунга мисол бўлиши мумкин. 2.Физиологик усуллар. Бу усулнинг моҳияти таъм рецепторларини сезгирлигини пасайтирадиган моддаларни қўшишга асосланган. Қўпинча шу мақсадда анестезин, ментол каби моддалар қўшиш мумкин. Лекин бу усулни кенг қўлланилишига унинг физиологик тарафдан индифферент эмаслиги имконият бермайди 3. Технологик усуллар. Бу усуллар кенг ишлатиладиган бўлиб, куйидагилардан ташкил топган: а) ҳар хил ёрдамчи ва юқори молекулали моддалар қўшиш; б) ҳар хил корригентлар қўллаш; в) эмульсияларни ҳосил қилиш; г) пардалар билан қоплаш ( қобиқли таблеткалар, микрокапсулалар,капсулалар) Юқорида келтирилганлардан энг кенг тарқалган усул бу - корригентларни (дориларни мазасини, хидини яхшиловчи моддалар) қўллаш. Корригентлар кенг қўлланиладиган ёрдамчи моддалар бўлиб, ўзига хос хидга, таъмга эга бўлганлиги учун дориларга қўшилганда, уларнинг нохуш хусусиятини ниқоблайди; Корригирловчи моддаларга куйидаги талаблар қўйилади : - улар дориларнинг ёқимли ҳиди, таъми ва ташқи кўринишини таъминлаши лозим; - органолептик кўрсаткичлари асосан нейтрал бўлиши керак ( не резкий, чтобы не привлекать внимание ребёнка и не приближаться их к кондитерским изделиям); - дори билан яхши аралашиши ва унинг фаоллигини ва турғунлигини пасайтирмаслиги керак. - Организм учун индифферент ёки фойдали бўлиши керак.

- Белгиланган РН муҳитда турғунлигини сақлаши лозим. - Қуёш нурлари,оксидланиш ва қайтарилишга нисбатан турғун бўлиши лозим. Корригирловчи моддани танлаш аввало қўлланиладиган дорининг мазаси, унинг физик-кимёвий хоссаси, шаклига боғлиқ бўлади ва бифармацевтик нуқтаи назардан асосланиш лозим. Корригентлар қўшилишда куйидаги мақсадлар кўзда тутилади: 1 - дорини таъмини яхшилаш; 2 - дорининг ҳидини ниқоблаш; 3- дорининг рангини (ташқи кўринишини) яхшилаш Шунга қараб таъм, ҳидни ва ранг яхшиловчи корригентлар ажратилади. Корригирлаш асослари Хозиргача таъм ва ҳиднинг илмий назарияси ишлаб чиқилмаган.Шунинг учун дориларни ҳиди ва таъмини объектив баҳолаш усуллари яратишда қийинчиликлар мавжуд. Хозирда корригентларни танлашда сонли таъм индексини аниқлашда кенг органолептик бахолаш усуллари ишлатилади. Сонли таъм индекси-корригентни ниқобловчи таъсирини баҳолайди. Органолептик усуллар субъектив бўлганига қарамасдан баҳолашнинг объективлигинива аниқлигини таъминлаш учун тажрибаларни олиб боришда қуйидаги шартлар бажарилиши лозим: -дегустация олиб боришда бир ҳил шароит яратиш; -дори шаклига қараб дегустация техникасини қўллаш; -таҳлил натижаларини ифодалашда аниқ терминларни қўллаш. 2.1. Дориларни таъмини аниқлаш усуллари Кичик (минимал) концентрациялар усули: Бу усул бўйича препаратнинг 10 та концентрацияси олдингисига кўра 1:1,5 нисбатда тайёрланади ва корригирловчи модда билан сув муҳитида таъми ўрганилади. Эритмаларнинг

таъмидаги фарқ корригирловчи модданинг ниқоблаш қийматини белгилайди. Қанчалик фарқ катта бўлса, шунча корригирловчи модданинг потенциали юқори деб ҳисобланади. Сонли индексларни аниқлаш усули: Дори модданинг асосий таъми балларда белгиланади - 0 дан 5 гача. Юқори индекс кўрсаткичи муҳитнинг ниқоблаш кучини ифодалайди. Корригирловчи моддаларни органолептик усулда баҳолаш (проф. А.И.Тенцова таклиф этган усул): Бу усул тажриба ўтказилаётганда сезиш ва ҳис этиш кучини фарқлаш қобилиятига асосланган. Органолептик баҳолаш бир гуруҳ кўнгиллик шахсларда (20 та одам) 5 баллик система бўйича ўртача арифметик қийматни аниқлаш бўйича олиб борилади. Бунда қанчалик сон кўрсаткичи юқори бўлса, шунчалик корригирловчи модданинг таъсири юқори деб ҳисобланади. А.И.Егоров томонидан таклиф этилган ҳарф ва сон индекслари бўйича таъмни баҳолаш усули . Таъмни тўғри ва объектив равишда ниқоблаш мақсадида “таъм формуласи” тушунчаси таклиф этилган. Препаратнинг асосий органолептик таъм кўрсаткичлари ҳарф ва сон индекслари билан баҳоланади ва “таъм харитаси” тузилади, бу эса тажриба ниҳоясида дори воситанинг умумий таъм формуласини аниқлашга имкон беради. Бунда таъмни хис қилиш шартли қуйидаги ҳарфлар билан ифодаланади: О-ширин Н-нордон А-аччиқ Ш-шўр Лекин моддаларнинг таъми 4та таъм элементларидан бойроқ бўлганлиги учун,кўпинча шу элементларнинг мажмуаси билан ифодаланади. Асосий таъмни тўлдирувчи қўшимча таъм (привкус)ҳисобга олинади.ва дорини умумий баҳолашда қуйидаги терминлар қўлланилиши мумкин: НО-нордон-ширин

АШ-аччиқ-шўр ва шунга ўхшаш.Бунда 1-чи харф асосий таъм устунлигини ифодалайди. Аммо мураккаб таъмларга фақат ҳарфлар билан ифодалаш етарли бўлмайди,чунки айрим бир таъмнинг ўткирлиги ҳис даражаси ҳар ҳил бўлиши мумкин.Минимал концентрациялар фақат кам сезиларли таъм ҳиссиётларини чақириши мумкин.Катта дозаларда эса яққол сезилар таъм ҳиссиётга сабабчи бўлади. Масалан,ширин таъм-кам сезиларли ёки (приторный) ўта ширин ва болага ёқмаслик. Шунинг учун таъмни ўткирлиги кучини ифодалаш учун яна сон кўрсаткичлари ҳам қўлланилади (индекслар).Улар асосий таъмни ифодаловчи рақамдан сўнг келтирилади. Масалан: Аччиқ бўлмаган Шўр бўлмаган Нордон бўлмаган ларда индекс =1 бу сувга мос келади Индекс-2 га эса ним аччиқ Ним шўр Ним нордон Ним ширин тўғри келади. Бу эса минимал концентрация тўғри келади ва енгил сезиларли таъмга мос бўлади. Буни қуйидаги эталонлар билан солиштириш мумкин: А2-0.0002% сувли эритма хинин г/х Н2- 0.02 лимон кислота сувли эритмаси Ш2-натрий хлор 0.1% сувли эритмаси О2-сахарозанинг 0.38% эритмаси

3-индекс билан аччиқ,нордон,шўр,ширин таъм тўғри келади (ифодаланади) яъни одам одатда ўрганган меъёрдаги таъмлар.Бу таъмлар одатда салбий эмоцияларни чақирмайди. 4-индекс билан эса ўта кучли таъм эффекти ифодаланади.Буларга жуда аччиқ,жуда ширин,жуда шўр,жуда нордон таъмлар киради.Улар эса одамда салбий (нохуш) ҳиссиётларни чақиради. Юқоридаги маълумотларга асосланиб болалар учун мўлжалланган дориларни корригирлаш масаласига тўғри илмий ёндашув бўлади.Мисоллар 1-2 жадвалларда келтирилган. 1-жадвал Органолептик таҳлил ўтказиш учун стандарт эритмаларнинг таъмини таърифлаш Асосий таъм Ҳарф билан ифодалаш Таъм кучи Сон индек- си Таъмни ифода- ловчи моддалар Модда концен- трацияси % Аччиқ А Аччиқ эмас Ним аччиқ Аччиқ Жуда аччиқ 1 2 3 4 Тозаланган сув Хинин эритмаси -“- -“- - 0,0002 0,0025 0,015 Нордон Н Нордон эмас Ним нордон Нордон Жуда нордон 1 2 3 4 Тозаланган сув Лимон кислотаси -“- -“- - 0,02 0,5 2,0 Шўр Ш Шўр эмас Ним шўр Шўр Жуда шўр 1 2 3 4 Тозаланган сув Натрий хлорид -“- -“- - 0,1 2,0 4,0 Ширин О Ширин эмас Ним ширин Ширин 1 2 3 Тозаланган сув Қ анд -“- - 0,38 15,0

Жуда ширин 4 -“- 30,0 2-жадвал Болаларга мўлжалланган турли дори воситаларни таъмини таърифлаш Номи Дори шакли Харф ва сон индекслари Тъам формуласи Умумий таъми А Н Ш О Викалин Таблетка 4 - - - А4 Ўта аччиқ Алоэ темир билан Сироп 2 3 - 3 Н3О3А2 Нордон- ширин, ним- аччиқ Калий ацетат Эритма - 2 - 3 О3Н2 Ширин, ним- нордон Парацетамол Гранула - лар - 2 - 3 О3Н2 Ширин, ним- нордон Кальмагин Гранула - лар - - - 3 О3 Ширин Хозирги пайтда фармацевтика саноатида кенг қўлланиладиган корри- гентлар вакиллари қуриб чиқамиз. Улар Европа мамлакатларида, АҚШ, Японияда ишлатишга рухсат этилган: Фармацевтика саноатида қўлланиладиган таъм ва ҳидни яхшиловчи корригентлар Шарбатлар: Шарбатлар суюқ дори шаклини корригирлашда энг универсал бўлиши билан педиатрияда амалиётида ҳам кенг қўлланилади. Биофармацевтик изланишлар натижалари шарбатларни корригирловчи моддалар сифатида қўлланилиши мақсадга мувофиқлигини тасдиқлаган. Бромидлар, хлоридлар, сульфатлар ва бошқа препарат-ларнинг ёқимсиз мазасини корригирлашда олчали ва қорақат-дан тайёрланган

(шарбатлар) киёмлар жуда юқори корри-гирлаш кучига эга эканлигини аниқланди. Ҳозирги пайтда кенг қўлланиладиган шарбатлар Апельсин, олча, какао, лимон, малина, қанд, чучукмия илдизи, қора смородина, гулҳайри. Шарбатлар канд,, органик кислоталар, мевали эфирлар сақлаганлиги учун кучли корригирловчи хусусиятга эга бўлиб, кўпинча дориларни аччиқ мазасини ниқоблаш учун тавсия этилади.Чунки 73%болалар ширин мазали дориларни хуш кўради. Лекин айрим препаратларнинг турғунлигига ва сўрилишига шарбатларнинг салбий таъсири ҳақида маълумотлар бор. Шуни ҳисобга олган ҳолда корригентларни дори турига қўшилиши албатта, биофармацевтик нуқтаи назардан асосланиши шарт. Эфир мойлари: Арпабодиён, апельсин, бергамот, чиннигул, геран, кардамон, кориандр, лаванда, лимон, ялпиз, розмарина, пушти, тимьян, укроп,эвкалипт Мевали эссенциялар: Лимон, олча, нок Настойкалар: Апельсин (хушбуй), ванил, кардамон Эритмалар, хушбўй сувлар, ширалар: Сорбит эритмаси, қалампир ялпиз суви, корица суви, померанц суви, пушти сув, фенхел суви, олча, малина шираси, цитруслар шираси Спиртлар: Мураккаб апельсин, бензальдегид, лаванда, лимон, қалампир, ялпиз

Экстраклар: Чучукмия илдизи, суюқ тимьян, суюқ эриодиктион Эл и ксирлар: Ҳушбўй изоалкогол, толуан бальзами, мураккаб бензальдегид Шилимшиқлар (қуюқлаштирувчилар): Агар, натрий альгинат, пектин ,агароид Қовушқоқликни ошириш йўли билан дориларни мазасини яхшилаш ЮМБ макромолекулаларини дори моддани бевосита таъм рецепторларини контактини олдини олади. Табиий корригентлар 1)Сахароза Аниқланган 73% детей предпочитают сладкий вкус . Кўп йиллар давомида дориларни асосий корригенти сифатида сахароза қўлланилиб келган,айрим сабабларга кўра (арзон,топилиши осон). Лекин ширинлаштирувчи потенциали пастлиги учун сахарозани дориларга кўп миқдорда киритилиши зарурлиги туғилади. Масалан,димедролни аччиқ мазасини ниқоблаш учун сахарозанинг нисбати 1:50/1:100 бўлиши керак.Ундан ташқари айрим холатларда ,дорини сўрилишини ва фаоллигини салбий таъсири намоён бўлиши аниқланган.Қанд диабети билан касалланган беморларга тавсия этилмайди. Шунинг учун,бошқа қандлар ва синтетик ширинлаштирувчилар (жадвал №2)қўлланилади. Масалан,Сахарин-300-500 марта кучли Глицин -1.5 марта кучли Аспартам-100-300 марта Глицирризин -50-100 марта Глюкоза ва фруктоза қиёми 12-16 марта Бошқа қандлардан:

Ваниль, глюкоза, , декстрин, ксилит, маннит, лактоза (сут қанди), сорбит, фруктоза, мальтоза, левулоза, асал Қуруқ тритурацион шарбатлар хам таклиф этилган Проф. Х.М. Юнусова томонидан. Синтетик корригентлар: Анетол, аспартам, бензальдегид, глицин, ванилин, натрий глутамат, дульцин, ментол, метилсалицилат, сахарин, натрий сахаринат, кальций сахаринат, тимол, натрий цикламат, кальций цикламат, этилацетат, этилванилин, лимон кислотаси, глицерин 4. Корригентларни болаларга мўлжалланган дориларда қўллаш асослари/ Педиатрия амалиётида корригентларни ишлатилиш бўйича куйидаги тавсиялар келтирилган: 1. дориларни аччиқ мазасини ниқоблаш учун: а) олча , лимон, қанд, малина шарбатлари; б) апельсин , ялпиз ва арпабодиён эфир мойлари; в) табиий моддалар - асал; 2.Дориларни шўр мазасини ниқоблаш учун: а) олча ва қорақат шарбатлари билан лимон кислотасининг аралашмаси; б) Какао шарбати , ялпиз мойи ва лимон кислотасининг аралашмаси; 3. Дориларни нордон мазасини ниқоблаш учун: Мевали ва шилимшиқли шарбатлар, апельсин эфир мойи. 4. Ёғсимон моддаларни мазасини ниқоблаш учун: Эмульсия ҳосил қилиш ва шарбатлар, хушбўй моддалар ва шилимшиқлар қўшиш; 5. Антибиотикларни нохуш мазасини ниқоблаш учун: Агар-агар, қанд, малина шарбатларининг какао ва ванилин билан аралашмаси. 6.Витаминларни нохуш мазасини ниқоблаш учун:

Агар-агар шарбатининг цитруслар билан аралашмаси, қизилмия экстракти, турғуликни оширувчи моддалар билан аралашмаси. Ранг корригентлари Корригентларни таъмини,ҳидини ва рангини яхшилаш мақсадида қўшилади.Ранг болалар амалиётида катта психологик ахамиятга эга.Тажрибалар асосида аниқланган: 7-12 ёшли болаларга,кўпинча энг ёқимли ранглар: қизил, ҳаворанг, бинафшаранг. Яхши ижобий таъсурот қолдирадиган ранглар:кўк,пушти,зарғалдоқ ранглар. Лекин рангсиз,қора ранглар уларда салбий реакция чақиради.Шунинг учун дорилар рангига ҳам эътибор бериш лозим. Рангни яхшиловчи корригентлар дори турларига хар хил, болаларга ёқимли, ранг бериш учун мўлжалланган.Улар табиати бўйича 2 та гуруҳга бўлинади: 1.Табиий моддалар:антоцианлар,хлорофилл,каротиноидлар. 2.Синтетик моддалар:турли ҳил эрувчан (лаклар),ва эримайдиган (пигментлар). Кенг қўлланиладиган корригентлар : Амарант, Руберозум, Тартразин,Кармин, Шафран, Индиго,Каротин Бошқа ёрдамчи моддаларни қўлланилиши Асосий талаб –уларни иложи борича табиийларни қўлланилиши, миқдори муътадил бўлиши, ДМ фармакологик таъсирини ва турғунлигини пасайтирмаслиги лозим. Улардан: стабилизаторлар ва консервантларни келтириш мумкин . Консервантлар. Уларнинг миқдори чегараланган бўлиши керак, айниқса 1 ёшгача бўлган болаларда.Кенг қўлланилади сорбин кислотаси ( нисбатан безарарлиги учун). Этил спирти 20%гача в исключительн ы х случаях ва фақат 15 ёшдан ошган болаларда тавсия этилади ( чунки ёш болаларда альдегиддегидрогеназа( отвечает за метаболизм спирта) ферменти йўқ. Яна қўлланилиши мумкин:

натрий бензоат, бензой кислотасини Корригирланган болалар учун яратилган дорилар номенклатураси Сироплар (қиёмлар) энг қулай перорал болаларга мўлжалланган дори туридир. Болалар учун мўлжалланган сироплар-бу турли дори моддалар араматизаторлар қўшилган сахарозанинг концентрланган эритмалари. 1.Пиперазин адипинат сиропи: Пиперазин адипинат 5.0 Лимон кислотаси 2.0 Қанд қиёми 72.9 Натрий бензоат 0.1 Сув 20 мл Бу тиниқ,оч сариқ рангли,нордон-ширин таъмли,ҳидсиз суюқлик.Болаларда энтеробиозда қўлланилади. 1.Гематин сиропи Таркиб: Цианкобаламин 0,041 Аскорбин кислотаси20,0 Темир глюконат 17,0 Ароматизатор ва натрйи цитрат керакли миқдорда Сорбитол эритмаси 1 л гача Технология: темир глюконатни сорбит эритмасида эритилади.Сўнг эритмани уй ҳароратигача совутиб цианокоболамин ва ароматизатор қўшилади.Эритма натрий цитрат қўшиш йўли билан РН 4 гача олиб борилади.Фильтрланади,стандартланади. 2.Темир сульфат сиропи

Таркиб: Темир сульфат 135,0 Лимон кислотаси 12,0 Сорбит эритмаси 350 мл Глицерин 50 мл Натрий бензоат 1, 1 Ароматизатор керакли миқдорда Сув 1 л гача Технология: темир сульфат ва натрий бензоат 400 мл сувда эритилади ва глицерин,сорбит эритмаси,лимон кислотаси эритмаси билан (50 мл сувда эритилган) аралаштирилади. Сўнг унга ароматизатор қўшилади ва сув 1000 мл гача қўшилади. Эликсирлар: Фаол моддалар,кўп атомли спиртлар сақловчи,ширинлаштирилган ва ҳушбўйлантирилган сув-спиртли системалар. Асосан эликсирларда мўътадил сахароза ёки сорбит концентрацияси 40% ни ташкил этади.Эритувчи сифатида уларнинг таркибига 20-30% этил спирти қўшилиши мумкин.Солюбилловяи модда (кам эрувчан моддаларни эрувчанлигини ошириш) сифатида твин-80 қўлланилади. Фенобарбитал эликсири: Таркиб: Фенобарбитал 4. 0 Апельсин мойи 0.25 Амарант эритмаси 10мл Этил спирти 200мл Глицерин 100мл Қанд қиёми 600мл Сув 1000мл гача

Технология: фенобарбитал спиртда эритилади,сўнг кетма кетликда глицерин,апельсин мойи,шакар қиёми ва амарант эритмаси қўшилади.Эритма аралаштирилади ва қолган сув қўшилади,фильтрланади. Гранулалар -болалар амалиётида кенг қўлланиладиган дори туридир. Ҳозирги вақтда гранулаланган порошоклар кенг ишлатилади.Шу дори тури ўзига хос ижобий тарафларга эга: -сув ва органик эритувчиларни сақламайди,шунинг ҳисобига уларда деярли микробиологик ва физик –кимёвий жараёнлар кузатилмайди; -ишлатишдан олдин эритишга мўлжалланган бўлганлиги учун турли ёрдамчи моддаларни қўшиш зарурияти бўлмайди,бу эса технологик жараённи осонлаштиради; -кўп холларда ҳимояловчи жихоз (қопқоқлар) имконияти. Гранулалар экстемпоре турли болалар учун мўлжалланган дориларни яратишга асос бўлади (сироп,суспензия). Этазол-натрий гранулалари: Таркиб: Этазол-натрий 0.2 қисм Қанд 5.745 қ Руберозум 0.01 қ Натрий хлорид 0.03 қ Малина эссенцияси 0.015 қ Пушти рангли гранулалар ўзига хос хидли,флаконларда 60;120; ёки 240 г дан қадоқланган ҳолда чиқарилади. Технология: тайёрланган дори модда ва тўлдирувчилар аралашмаси малина эссенцияни сақловчи бўялган қанд қиёми билан намланади. Нам масса 3 мм ли элак орқали грануляция қилинади. ва 40 *С да қуритилади. Қўлланилиши: дизентерия,циститларда,пневмония.

Қўллаш тартиби: флаконга қадоқланган гранулалар янги қайнатилган сув ( 30-40 С) ва белгисигача қуйилади ( 100 мл гача). 1 - илова “АҚЛИЙ ХУЖУМ” УЧУН САВОЛЛАР - Болаларга мўлжалланган дори турларида нима учун корригентлар ишлатилиши керак? -Болаларга мўлжалланган дориларда қанда корригентлар қўлланилади? - Болалар учун яратилган дориларни қандай усулларда мазаси, хиди ва рангини яхшилаш мумкин? 2- илова Тезкор сўров учун саволар 1. Болаларга мўлжалланган дориларни корригирлашда қандай иккита ёндашув бор? 2. Болаларнинг дориларани корригирлашда сонли индексларни қўлланилиши 3. Ҳарф ва сон индекслар бўйича болалларга мўлжалланган дориларни коррилирлаш 4. Таъм харитаси нима? Адабиётлар 1. Гаврилов А.С. Фармацевтическая технология. Изготовление лекарственнқх средств и препаратов. М.: ГЭОТАВ.-Медиа, 2010.-624.

2. Ибн Сина (Авиценна) Канон варчебной науки.- Ташкент, 1956.- Кн. 2.- С. 36-341. 3. Кондратьева Т. С. Технология лекарствен ных форм, Т.1991, с.72-109. 4. Перцев И.М., Зупанец И.А. Фармацевтические и медико-биологи-ческие аспекты лекарств.-УкрФА.-т.1.-1999.- 464 с., т. 2.- 1999.-448 с. 5. Промышленная технология лекарств. Т-2/В.И.Чуешов, М.Ю. Чернов, Л.М., Хохлова и др. Под ред. Проф. В.И.Чуешова.-Х.:Основа, УкрФА, 1999.- 704 с. 6. Синёв Д.И., Марченко Л.Г., Синёва Т.Д.. Справочное пособие по аптечной технологии лекарств.- С.Петербург.- 2001.- 316 с. 7. Тенцова А.И., Ажгихин И.С. Лекарственная форма и терапевтическая эффективность лекарств .- М ., 1974. - С.9-29. 8. Тихонов А.И., Ярных Т.Т. Технология лекарств.-Харьков, 2002.-С.562-576. 9. Юнусова Х.М. Научно-практические основы создания технологии и исследование качества детских лекарственных форм. Автореф.дис....докт.фарм.наук.-Ташкент, 1997.- 40 с. 10. Ясницкий Б.Г. Корригенты цвета и запаха. Обз.инф.//Хим.фарм.пром.-М., 1987.- вып.9. – 30 с. 11. Ўзбекистон Республикасида фармацевтика фаолияти.- 2-китоб.- 2001.- 184-293 б. 12. Ўзбекистон Республикасида фармацевтика фаолияти.- 3-китоб.- 2003.- 288-359 б.

Похожие

Кўз томчилари технологиясини такомиллаштириш

Инфузион эритмаларни технологиясини такомиллаштириш йўналишлари

Болалар амалиётида ишлатиладиган дори турларини яратишдаги муаммолар

Гериатрия амалиётида қўлланиладиган дори турларини яратишдаги муаммолар

Инфекцион дори турларини тайёр дорилар орасида тутган ўрни. Инфекцион дори турлари учун ишлатиладиган шиша ва полимерлар