Гериатрия амалиётида қўлланиладиган дори турларини яратишдаги муаммолар - Медицина - Рефераты

Гериатрия амалиётида қўлланиладиган дори турларини яратишдаги муаммолар

Загружено в:

20.09.2019

Скачано:

0

Размер:

120 KB

Гериатрия амалиётида қўлланиладиган дори турларини яратишдаги муаммолар Режа: 1. Гериатрия ёшидаги касалларга махсус дори турларини яратишдаги муаммолар 2. Қарияларнинг фармакотерапиясининг ўзига хослиги. 3 .З амонавий геропротекторларни ўрни 4 . Гериатрия амалиётида ишлатиладиган дориларни таърифи.

Гериатрия ёшидаги касалларга махсус дори турларини яратишдаги муаммолар Ривожланган мамлакатлар ахолисида кексаларнинг сонини ўсиши хозирги куннинг асосий ижтимоий-тиббий муаммолардан бири. Адабиётларда келтирилган маълумотларга кўра ўртача ҳисобда хар юзта ишлаётган одамларга 30-та нафақаҳўр (гериатрия ёшидаги одамлар) тўғри келади. Шу билан бирга шу жараён қарилик касалликларидан ( Ю-Қ-Т , рак, қанд диабети, иммун тизимининг сусайиши) ўлим даражасини юқори бўлишига сабаб бўлади. Шунинг учун ООН томонидан “ХХ1 асрда қариш муаммоларига оид илмий тадқиқиотлар дастури” ишлаб чиқилган. Шу дастурнинг устун концепцияси бу соғлом қариш концепцияси. Шунга асосан дастурда муддатдан олдин қаришнинг профилактикасига қаратилган чора тадбирлар ва воситалар ишлаб чиқиш долзарб йўналиш қилиб белгиланган. Шундан келиб чиқққан холда қарияларнинг даволанишига ва фармакотерапиясига тегишли саволлар катта ахамиятга эга ва долзарб ҳисобланади. “Геронтология бу фан бўлиб, одам организмининг қариш механизмни ва қарияларда касалликларни ривожланишини ўрганадиган фан. ’’ Геронтологиянинг” асосий масалалардан бири бу одам умрини узайтириш жараёнларини ўрганиш. "Гериатрия" бу тиббиётнинг бир сохаси бўлиб, қарияларни даволаш ва профилактикасини ўрганадиган фан. Унинг асосий вазифаларидан бири бу одам умрини узайтиришга қаратилган дори воситалар излаб топиш ва уларни тўғри қўллаш бўйича кўрсатмалар бериши. Қариш (кексайиш) – объектив ва субъектив биологик қонуниятларга асосланган организмни ҳаёт кечиришининг сўнгги босқичини ифодаловчи биологик жараён бўлиб, бунда ёш улағайиши билан организмда аста-секин мослашиш имкониятлари камайиб, ўлиш эҳтимоли ортади. Кексайиш ва

қариш даврини келиши шартли равишда белгиланиб, ҳаёт кечириш даврини ортиши билан ушбу вақт сурилади. Бугунги кунда кексалик даври – 60-74 ёшни ва қариялик даври - 75-90 ёшни ташкил этмоқда. Кексайиш ҳам физиологик нормал ёки муддатидан олдин содир бўлиши мумкин. Физиологик кексайишда организмнинг физиологик системаларидаги ўзгариш нисбатан бир меъёрда кечади, инсон умрининг охиригача жисмоний ва ақлий фаолликни сақлаб қолади ва атроф муҳитдаги ўзгаришларга қизиқади – яшашга қизиқиши сўнгмайди. Муддатидан олдин қариш эса организмда олдин ўтказилган касалликлар, яшаш муҳитининг салбий таъсири, зарарли одатлар ва модда алмашинувни тартибга солувчи тизимларни зўриқиши, шикастланиши ва муддатидан олдин касалланишига боғлиқ бўлади. Организмнинг биологик ёши тақвимий ёшга мос келиши ёки келмаслиги мумкин. Шу сабабли қарияларда турли касалликларни олдини олиш ва даволаш учун, шунингдек уларни рационал меҳнат қилиши ва ҳаёт кечиришини тўғри ташкил этиш учун кексаларни биологик ёшини тўғри белгилашг муҳим. Организмни қариш натижасида танада мухим ўзига хос биокимёвий, физиологик, анатомик (тизим, аъзо, тўқималарда) ва психосоматик ўзгаришлар содир бўлади. билан боғлиқ. Бироқ қариш бу табиий биологоик жараён бўлиб, ушбу жараённи касаллик билан боғлаш нотўғри! Шу сабалбли қарияларда турли паталогик ҳолатларни олдини олиш ва даволаш учун уларнинг организмида содийр бўладиган асосий ўзгаришларни ҳисобга олиш керак: Гериатрик ёш ўртача хисобда 60 ёшдан бошланади ва гериатрик даври ўз навбатида қуйидагиларга бўлинади: -кексалик даври-60-74 ёш - қ ариялик даври 75-90 ёш -узо қ яшовчилар 90 ёш дан кейин.

Махсус гериатрик дориларни яратиш зарурлиги чамбарчас организмни қ ариш натижасида танада мухим ўзига хос биокимёвий, физиологик, анатомик ва психосоматик ўзгаришлар содир бўлиши билан боғлиқ ( тизим , аъзо, тўқималарда). Ошқозон-ичак шираларининг ишлаб чиқарилиши сусаяди. Айниқса, ошқозондаги кислота муҳити ўзгаради, бу эса дориларнинг эриш тезлигига (таблеткаларда, капсулаларда) таъсир кўрсатади. Масалан, ўртача 30% га сўрилиш тезлиги камаяди ва 58% сўрилиш жараёнининг самарадорлиги пасаяди. Айниқса, салицилатларнинг, барбитуратларнинг, антибиотикларни, сульфаниламидларнинг сўрилиши сусаяди ва оқибатда дориларнинг таъсир кўрсатиш вақти чўзилади хамда махаллий салбий таъсири ошади. Ўртача 20% гача хаётий муҳим бўлган тана аъзоларининг вазни (жигар, юрак) камаяди. Лекин бунга қарамасдан ёғларнинг миқдори ўртача 10- 20% кўпаяди. Шу ўзгаришлар дориларнинг оддий дозаларда берилганида қондаги белгиланган миқдоридан юқори бўлган концентрациясини ҳосил бўлишига олиб келиши мумкин, оқибатда дориларнинг салбий таъсири ошади. 2. Танада тарқалган сув миқдори ўртача 10-15% камаяди, айниқса 75 ёшдан кейин эса бу сон 18-20% гача бўлади. Ундан ташқари хужайраларининг таркибидаги сув миқдори анча камаяди. Шу ўзгаришлар дори модданинг организмда тўла таршқалишига йўл қўймайди, айникса сувда эрувчан препаратларнинг фармакокинетикаси ўзгариши мумкин. Дориларнинг метаболизмида қатнашадиган фермент системаларининг фаолияти анча сусаяди, айниқса жигарда дориларни энзиматик парчаланиш реакциялар тезлиги секинлашади. Бу эса истеъмол қилинган дориларнинг ва уларнинг парчаланган махсулотларини (метаболитларини) организмда тўпланишига олиб келиши мумкин, натижада дориларнинг салбий таъсирларини кучайиши кузатилади.

Қариялар ёшида буйрак фаолияти ўзгаради (ўртача ҳисобда буйракда қон айланиш даражаси 50% ва азот чиқариш қобилияти 3 марта камаяди). Бу эса дориларни организмдан чиқиб кетиш ва дориларни кумуляциясига сабаб бўлади. 6. Сулак ишлаб чиқариш ва чайнаб майдалаш кобилияти сусаяди 7. Қон айланиш тезлиги ва қон томирларнинг ўтказувчанлиги камаяди. Натижада дори моддаларни ИОС дан сўрилиши анча сусаяди, уларни танада тарқалишини ўзгартиради. Шуни ҳисобига уларнинг қонда юқори концентрацияси намоён бўлиши ва салбий токсик таъсири ошиши кузатилади. Қон зардо бидаги альбумин фракциясининг таркибида ўзгаришлар рўй беради.Оқибатда дори моддаларни оқсиллар билан боғланиш даражаси пасаяди ва дориларни танада транспортлаш жараёни ўзгаради. Бунинг натижасида терапевтик дозаларда қабул килинган препаратларнинг қонда узоқ вақт давомида юқори концентрацияси кузатилади. 9. Шу билан биргаликда қарияларнинг вегетатив асаб системасининг фаолияти сусаяди, оқибатда кўп холларда мосланиш ( адаптация) жараёнлари ўзгаради. 10. Қарияларда асосий хаётий муҳим витаминлар, микроэлементларнинг етишмовчилиги кузатилади ( сўрилиш жараёнлари ўзгариши оқибатида). Демак, қариялар организмида содир бўган ўзгаришлар дориларнинг фармакокинетикасига сезиларли таъсир кўрсатиши мумкин (сўрилиш, тарқалиш, биотрансформация ва чиқиб кетиш жараёнларида) ва шунга боғлиқ дориларни салбий реакцияларини ошиши. Агар ўрта ёшдаги одамларда дориларнинг салбий таъсири 10,2% бўлса, ўртача ҳисобда 75-80 ёшдаги касалларда бу сон 20,3%га етиши мумкин.90 ёшдан сўнг бу кўрсаткич 24% ни ташкил этиши кузатилади.Айрим пайтларда дориларнинг парадоксал (яъни тескари кутилмаган таъсири бўлиши мумкин) Масалан, маълумотлар бўйича папаверин гидрохлорид қарияларда қон босимини ошишига олиб келиши мумкин,

шунинг учун гериатрия ёшига етган касалларга махсус гериатрик дорилар яратилиши долзарб муаммо деб хисобланади. Шунинг учун академик Чеботарёв томонидан гериатрия амалиётида фармакотерапияга қўйиладиган асосий талаб бу-эҳтиёткорлик деган ва қуйидаги асосий тамойилларга риоя қилиш кераклигини таъкидлаган:  я нги дориларни эхтиёткорлик билан бериш,чунки салбий реакция даражаси юқори  беморга бериладиган дориларнинг сонини имкон даражасида чегараланган бўлиши ,чунки уларнинг бир бири билан ўзаро таъсирлашуви оқибатида салбий реакцияларнинг содир бўлиши гериатрия ёшидаги беморларда юқори бўлади  ишлатиладиган дори турлари қулай бўлиши лозим ва таъсир этувчи моддаларнинг қариялар организмига салбий реакцияларини пасайтиришга қаратилган бўлиши керак  гериатрия амалиётида дориларнинг дозасига алоҳида эътибор берилади.Клиник синовларнинг натижалари шуни кўрсатадики,гериатрик беморларнинг организми айрим дори моддаларга марказий асаб тизимига таъсир этувчи(ухлатувчилар,морфин,бромидлар,нейролептиклар,юрак гликозидлари) дори воситаларига сезгирлиги юқори бўлади.Уларнинг дозасини танлашда шуни ҳисобга олиш керак.ДФ кўрсатмаси бунга 60 ёшдан кейин МНС га таъсир этувчи моддаларнинг 1/2 қисмини,кучли ва заҳарли таъсирга эга моддаларнинг эса 2/3 қисмини беришни тавсия этади. Шифокорлар томонидан йўл қўйиладиган хатоликлар айнан гериатрик ёшдаги беморларни даволашда кузатилади.Чоп этилган маълумотларга кўра, Буюк Британияда гериатрик ёшдаги беморларни даволашда шифокорлар томонидан буюриладиган дориларнинг 1/3 қисми мақсадга мувофиқ эмас.Россияда 5070% гача бериладиган дорилар беморларнинг холатига мос эмас. Асосий хатоликлар қуйидаги холлатларда келиб чиқиши мумкин: 1) дориларни асоссиз буюрилиши(зарурат йўқлигида)

2) дозаларининг адекват эмаслиги,организмда солир бўлган ўзгаришларни ҳисобга олмаган ҳолда 3) полипрагмазия,яъни бир вақтнинг ўзида бир нечта дорининг буюрилиши 4) даволаш курси давомийлигининг тўғри танланмаслиги Шулар кўп холларда доривор терапиянинг салбий реакциялари сонининг ошиб кетишига сабаб бўлади. Шуни ҳисобга олган ҳолда,гериатриянинг долзарб масалаларидан бири аниқланди.Бу дори препаратларини клиник синовлар этапида қариялар гуруҳини ҳам ҳисобга олишдир.Зарурий бўлган болалар ёки ҳомиладор аёлларга тегишли маълумот қариялар учун ҳам келтирилиши лозим. Россияда ССВ Фармакологик комитетида махсус геронтологик комиссия тузилган. Геропротекторларнинг геронтологиядаги ўрни Гериатриянинг асосий вазифаларидан бири бу-одам организмининг муддатдан олдин қаришини секинлаштириш масалаларини ўрганишдир.Асосий эътибор шу жараённи секинлаштирувчи воситаларни излаб топиш ва уларни ўрганишга қаратилган.Ушбу воситалар “геропротекторлар”деб аталиб”қариликдан ҳимоя қилувчи” деган маънони англатади. Ҳозирда 20 га яқин моддаларнинг ҳайвонлар умрини узайтиришига ижобий таъсир кўрсатиши тасдиқланган.Қариш жараёнини секинлаштиришга қаратилган дорилар ҳақида гапиришдан олдин қариш механизми ҳақида маълумотга эга бўлиш лозим.Турли қариш назариялари мавжуд бўлиб, геропротекторларининг таъсир механизми ҳам шуларга боғлиқ ҳолда турлича бўлади. . 1) Иммунологик қариш назарияси.Бунга асосан қариялардаги иммунитет дисфункцияси организмни турли инфекцияларга чидамлилигини пасайтиради ва турли аутоиммун касалликларнинг ва ракнинг ривожланишига мойиллик яратади.Шунга кўра турли иммуномодуляторларни геропротекторлар

сифатида қўллаш мақсадга мувофиқлиги кўрсатилди.Масалан қуйидаги иммуностимуляторларга левомизол,бестадин тажрибаларда (сичқонларда) умр давомийлигига ижобий таъсир кўрсатиши ва шу билан бирга рак тўқималарни ривожланиши ва пайдо бўлишини сусайтирувчи таъсирга эга эканлиги аниқланади. 2.Эркин радикаллар назарияси .Бу назарияга кўра турли оксидланиш жараёнлари оқибатида организмда пайдо бўладиган эркин радикаллар макромолекулаларга (нуклеин кислоталар,оқсиллар) шикаст етказиб,уларнинг деградацияси ва қаришига олиб келади.Бунга қарши махсус гуруҳ моддалар-антиоксидантлар қўллаш мақсадга мувофиқлиги кўрсатилди.Клиник синовларда(сичқон,каламуш ва бошқа ҳайвонлар) ва беморларда қатор ўрганилган антиоксидантлар-дан: каталаза, вит.Е(токоферол), вит.С, мелотонинлардан фақатгина вит.Е ва вит.С ларнинг организмга антиоксидант таъсири кучли эканлиги тасдиқланган.Улар эркин радикалларни боғлаш қобилиятига эга эканлиги исботланган. 2) Иммунологик қариш назарияси.Бунга асосан қариялардаги иммунитет дисфункцияси организмни турли инфекцияларга чидамлилигини пасайтиради ва турли аутоиммун касалликларнинг ва ракнинг ривожланишига мойиллик яратади.Шунга кўра турли иммуномодуляторларни геропротекторлар сифатида қўллаш мақсадга мувофиқлиги кўрсатилди.Масалан қуйидаги иммуностимуляторларга левомизол,бестадин тажрибаларда (сичқонларда) умр давомийлигига ижобий таъсир кўрсатиши ва шу билан бирга рак тўқималарни ривожланиши ва пайдо бўлишини сусайтирувчи таъсирга эга эканлиги аниқланади. Энтеросорбентлар Тажрибаларда (каламушларда) аниқ олинган натижаларга кўра умр давомийлигига ем билан бериладиган углеродли энтеросорбентлар ижобий таъсир кўрсатиши тасдиқланган.Аквален кўмир сорбентини,хусусан,оғир металлар тузлари,канцероген полициклик ароматик углеводородлар,нитрозабирикмаларни боғловчи самарали восита

бўлиб,сичқонларда олиб борилган тажрибаларда шишларни пайдо бўлишини олдин олиш ва умр давомийлигига ижобий таъсир кўрсатиш ҳусусиятига эга эканлиги тасдиқланган.Шунинг учун уларни ҳам ҳозирги пайтда геропротектор ва антиканцероген восита сифатида ўрганиш мақсадга мувофиқ. Адаптогенлар Адаптогенлар-буодам организмининг салбий ташқи муҳит омилларига қарши нисбатан чидамлилик ҳолатини ривожга келтирувчи моддалархисобланади.Кенг ўрганилган адаптогенларга женьшень ва элеутеракокка препаратларини келтириш мумкин.Бу моддалар адаптоген хоссага эга бўлиб,ҳужайранинг генетик аппаратини ҳимоялаш ва фаоллаштириш,нейроэндокрин тизимга ижобий таъсир кўрсатиш қобилиятига эга.Шуни ҳисобига уларни геропротекторлар сифатида қўллаш мақсадга мувофиқлиги ўрганилди. Бошқа препаратлар Руминиялик тадқиқотчилар томонидан прокаин (геровитал) препарати геропротектор сифатида таклиф этилган. Демак,геропротекторларининг асосий аҳамияти- уларинингантиоксидант,антигипоксик таъсирига боғлиқ.Ундан ташқари улар ҳимоя кучларини,тўқималарни қайта тикланиши,озиқланиш фаолиятини оширади.Адаптоцион ва дезтоксикацион жараёнларни тартибга солади. Қариялар фармакотерапиясининг ўзига хослиги. Юқорида айтилгандек, гериатрик беморларнинг фармакотерапиясига алоҳида эътибор берилиши ва дориларнинг сўрилиш жараёнида ўзгаришларни ҳисобга олиш лозим (айниқса перорал усул билан истеъмол қилинадиган дорилар учун). Сўрилиш жараёнининг даражаси ва тезлиги нисбатан анча паст бўлганлиги учун дориларнинг ошқозон-ичак шиллиқ пардаларига махаллий салбий таъсири (яллиғланишлар, яралар) нисбатан юқори бўлади. Иккинчидан, узоқ вақт ошқозон-ичак йўлларида қолиб кетганлиги сабабли уларнинг гидролитик парчаланиш даражаси хам

нисбатан кўп бўлади ва фармакотерапевтик таъсирини камайишига сабаб бўлади.Яъни ўзига хос тарфи гериатрик дорилар таркибига албатта сўрилиш жараёнини тезлаштирувчи ёрдамчи моддалар қўшиш тавсия этилади(тензидлар).Тензидлар сифатида ҳар хил СФМ лар ишлатилади:твинлар,лецитин,эмульгатор Т-2,натрий лаурил сульфат,димексид ва ҳ.к. Шунинг учун гериатрия амалиётида айрим препаратларни ишлатилиши чекланган бўлади ёки умуман ишлатилмайди. Ундан ташқари организмга керак бўлган хар-хил биофаол моддалар етарли даражада организмга сўрилмайди ва гериатрик ёшдаги касалларда кўпинча шу моддаларнинг организмда етишмовчилиги кузатилади. Шуларни хисобга олган холда гериатрик дориларни яратишда албатта шу муаммоларга эътибор берилиши лозим. Ундан ташқари гериатрик дориларни яратишда алохида эътибор ёрдамчи моддани танлашга берилади. Қўшиладиган ёрдамчи моддаларнинг вазифаси дори турининг технологик хусусиятини таъминлаш бирга таъсир этувчи модданинг қариган организмга салбий таъсири камайишига ёки бу таъсирни олдини олишга қаратилган бўлиши керак. Мисол: Гериатрия амалиётида таклиф этилган ва макро ва микроэлементлар сақлайдиган (К , Са , Си , Мп , Zп , Со ) таблеткалар таркибида ёрдамчи моддалар сифатида қуруқ казеин ва декстран танланган. Бу ерда танланган ёрдамчи модданинг вазифаси шу макро ва микроэлемантларни ошқозон шиллиқ пардаларини сақлаш ва сўрилиш жараёнини тезлаштириш. Декстран ЮМБ ва унинг эритмаси қовушқоқ бўлиб, ошқозон шиллиқ пардаларини металларнинг махаллий яллиғлантирувчи таъсирини камайтиради. Казеин эса металлар билан казеинатлар хосил қилиб, уларни сўрилишини тезлаштирилади. Натижада умумий салбий таъсири бўлмайди ва дориларнинг терапевтик таъсири юқори бўлади. Гериатрик касалларга мўлжалланган седуксеннинг инъекцион эритмасини таркибига Полоксамер-188 ёрдамчи модда қўшилади,

унинг вазифаси седуксенни эритмаларда кристализациясини олдини олиб , тромбозларни содир бўлишига тўсиқ бўлиши. Юқоридагилардан ташқари гериатрия амалиётида дориларни салбий таъсири олдини олиш ёки камайтириш мақсадида уларни истеъмол қилишига эътибор берилади. Масалан: таблеткаларни майдалаб сувда эритиб ичиш ёки айрим препаратларни (махаллий яллиғлантирувчи таъсирга эга бўлган) АСК, бутадион стероидлар сут билан бирга истеъмол қилиш. Ундан ташқари қариялар организмида витамин, аминокислота миқдори кўпинча етарли даражада бўлмаганлиги сабабли гериатрия дориларни биологик фаол моддалар билан бойитиш мақсадга мувофиқ деб хисобланади. Гериатрия амалиётида қўлланиладиган дори воситалар учта гурухга бўлинади: I гурух А-геропротекторлар II гурух Б-асосий касални даволаш учун бериладиган дорилар III гурух В-бу гурухга гериатрияда ишлатилиши чекланган препаратларни бу ёшдаги касалларга кўпинча салбий таъсир кўрсатадиган дорилар. I гурух А-геропротекторлар қ аришнинг профилактикасига мўлжалланган дорилар: биологик фаол моддалар улар организмининг ҳ имоя кучларини оширадиган модда алмашинувини яхшилайдиган. Геропротекторларга витамин препаратлар (квадевит, ундевит, токоферол ацетат, витамин А, декамевит) аминокислоталар (метионин) ва бош қ а биофаол моддалар (женьшень настойкаси, элеутерококк экстракти, аскорбин кислотаси, ретинол, ретоболил). Жадвал-1 II Гурух Б-врач кўрсатмасига биноан касални даволаш учун керак б ў лган дорилар III Гурух В-махсус гурух. Бу гурухга гериатрия амалиётида ишлатилиши чекланган ёки умуман ишлатиб бўлмайдиган дорилар киритилган. Қ ариялар организмига ю қ ори даражада салбий таъсир кўрсатиши мумкин бўлганлиги

учун уларни айрим ёшга етгандан кейин бериш мақсадга мувофиқ эмас . Масалан, 50 ёшдан кейин: аммифурин, маргумиш препаратларини 60 ёшдан кейин: псоберан, тетурам ; 75 ёшдан кейин: апоморфин, кортикостероидлар, кофеин, морфин, купренил бериш мумкин эмас. M. Beers мезонини куйидаги категорияларга таснифлаш мумкин: 1. 65 ёшдан катта бўлган беморларга берилиши тақиқланган препаратлар; 2. Дозаси, бериш тартиби ва муддати билан оддий препаратлардан фарқли чекланган препаратлар. М. Beers мезони 2003 йилда қайта кўриб чиқилган ва ундан эскирган дори препартлари чиқирилган ва янгилари қўшимча тарзда киритилган (1 ва 2- жадваллар). 1-жадвал Кекса ёшдагилар ва қарияларга берилиши ман этилган ва чекланган дори препаратлари 1. Диагноз ва клиник ҳолатидан қатъий назар берилиши таъқиқланган препаратлар Препарат номи (таъқиқланишига асос) Амитриптилин (ва хлордиазепоксид, перфеназин билан комбинациялари) - аниқ намоён бўлувчи антихолинергик ва седатив таъсир Таъсири узайтирилган бензодиазепинлар: хлордиазепоксид (ва амитриптилин, клиди-ний билан комбинациялари), диазепам, квазепам, галазепам, клоразепат - организмда узоқ муддат сақланиши, яққол намоён бўладтган седатив таъсири ва йиқилиш ва суяк синидириш ҳавфини ортишиАмфетамин ва анорекси к воситалари - мойиллик, гипертензи я , стенокарди я ва миокард инфаркт и Қисқа муддат таъсир кўрсатувчи бензодиазепинлар: лоразепам (>3 мг), оксазе-пам (>60 мг), алпразолам (>2 мг), Тиклопидин -терапевтик самарадорлиги паст ва заҳарли

темазепам (>15 мг), триазолам (>0,125 мг) - дозага нисбатан мойиллик пайдо бўлиши Тирилган Метилдопа Б арбитурат лар Индометацин Циметидин Н апроксен, пироксикам Пентазозин Кеторолак Дизопирамид Ошқозон-ичак спазмолитик препарат лар (гиосциамин, беладонн а алкалоид лари ) Қисқа муддат таъсир этувчи дипиридамол Метилтестостерон Қисқа муддат таъсир этувчи нифедипинлар Нитрофурантоин Амиодарон Этакрин кислота си Дозага коррекция киритиш ва бериш муддатини аниқ белгилаш керак бўлган препаратлар Резерпин Дигоксин 2. Маълум клиник ҳолатларда берилиши таъқиқланган препаратлар Дизопирамид ва натрий с ақловчи препарат лар А спирин (> 325 мг) , дипиридамол, тиклопидин, клопидогрель ва б. (коксиб лар бундан истисно ) Трицикли к антидепрессант лар Таъсири узайтирилган бензодиазепинлар, β -адреноблокаторлар (пропранолол) Барбитурат лар , антихолинерги к , а нтиспазмати к воситалар , м ушак релаксант лари 2-жадвал Ташхиз ва клиник ҳолатига кўра кекса ёшдагилар ва қарияларга берилиши тавсия этилмайдиган дори препаратлари Касаллик ёки клиник ҳолат Препаратнинг номи Тавсия этмасликга асос Анорексия, овқатдан қолиш Марказий асаб системаси с тимуля тор-лари : декстроамфетамин, метилфени - Аноректи к таъсир

дат, метамфетамин, пемолин, флуоксе - тин Аритми ялар Трицикли к антидепрессант лар : ими -пра мин гидрохлорид, доксепин гидро - хлорид, амитриптилин гидрохлорид Проаритмоген таъсир , QT интервал узунли-гига таъсир Синкопе ёки йиқилиш ҳолати Қисқа муддат таъсир этувчи б ензодиазепин лар , трицикли к антидепрессант лар (имипрамин, доксепин, амитриптилин) А таксию, психомотор функци яларни бузилишини й, синкопе, йиқилиш ҳолатларини чақириши мумкин Гериатрия амалиётида ишлатиладиган дори турлари Гериатрия амалиётида хар хил дори турлари ишлатилади: перорал қаттиқ таблетка, драже, капсула, суюқ дори турлари, ректал, инъекцион, аэрозол, трансдермал. Перорал дори турларидан асосан, қаттиқ дори турлари: таблетка, капсула, драже ва суюқ дорилардан сувли ажратмалар, томчилар ишлатилади. Лекин сўрилиш самарадорлиги пасайишини хисобга олган холда, айрим пайтларда перорал бериладиган дориларнинг терапевтик таъсири керакли даражада бўлмаслиги мумкин. Ундан ташқари ошқозон шиллиқ пардаларига дори модданинг махаллий салбий таъсири намоён бўлиши мумкин. Шунинг учун қарияларнинг фармакотерапиясини мўътадиллигини таъминлаш учун хозирги пайтда дориларни ректал усул билан бериш қулай деб хисобланади. Гериатрия амалиётида ишлатиладиган дориларни (шамчаларни хам шу жумладан) таркибига сўрилиш жараёнини тезлатувчи моддалар киритилиши (ПАВ) тензидлар гериатрияда қўлланилган.

Мисол: гериатрияда қўлланиладиган инсулин шамчаларининг таркибига 5% ПАВ-полиоксил 30-олеат киритилган. У сўрилиш жараёнини тезлатувчи ёки фенобарбитал, бензилпенициллин шамчаларига 5% натрий лаурил сулфат қўшилади. Тензидлар сифатида шамчаларда Т-2, лецитин, твин-80 қўшиш тавсия этилади. Аэрозол (А) айниқса ўпканинг ўткир ва хроник касалликларида антибиотиклар ва бошқа антибактериал препаратлар, юрак касалликларида- юрак гликозидлари билан даволашда кенг қўлланилади. Гериатрия амалиётида ишлатиладиган дори турларининг қариётган организмга фаол моддани юмшоқ таъсир кўрсатишига ва терапиянинг хавфсизлигини таъминлашига алохида эътибор берилади. Яъни салбий таъсири минимал даражада бўлиши лозим. Шуни хисобга олган холда гериатрия амалиётида хар хил таъсири узайтирилган дори турларини сублингвал ва трансдермал йўллари билан киритиш мақсадга мувофиқ.. Охирги пайтларда ривож топган трансдермал йўли билан таъсир этувчи модда билан организмнинг таъминловчи замонавий ТТСлар ишлатилади. Уларнинг қуйидаги афзаллик томонлари гериатрияда қулай келади: а) Таъсири узайтирилганлиги; б) Дори модда танадан таш қ ари жойлашган б ў лади ; в) ИОС г а салбий таъсир кўрсатмайди ; г) Дори моддалар бир текис (бир меъёрда) танага сўрилади. д) Д ори моддалар ферментлар таъсирига учрамайди. Охирги йилларда "Окусерт-20", Нитродерм, Минитран, Нитродур, Депонит, Нитроглицерин са қ ловчи ТТС лар кенг қў лланилади. Дориларни сублингвал (тил остига) йўли билан юбориш анча ижобий тарафларига эга: 1. ферментларнинг таъсири бўлмайди 2. ялли ғ ланиш хам йўқ 3. нисбатан тез таъсир кўрсатади

Сублингвал т аблетка шакли да (метилтестестерон) ёки хар хил полимер пардалар шакли да бўлиши мумкин ,о ддий ёки таъсири узайтирилган. Гериатрия ёшида юрак касалликлари (стенокардия) нисбатан кенг тар қ алганлигини хисобга олган холда нитроглицерин препаратларини са қ ловчи сублингвал полимер пардали ишлаб чи қ арилган (таъсири узайтирилган) тринитролонг, изосорбилонг 6-7 соат мобайнида таъсир кўрсатади .Улар оғиз шиллиқ пардаларидан сў рилиб умумий таъсир кўрсатади ва даволаш ҳамда профилактика учун қўлланилади. Бу ПДП ўлчамлари 4х9х0,15 мм бўлиб, полимер синтетик ЮМБ эритмаларидан (МЦ, ПВП, ПАА, ПВС) олинади. 60 ёшдан ошган беморларга 50% extempore рецептлардан томчилар ташкил этади. Улардан 90% кўз томчиларига тегишли. Шунинг учун таъсири узайтирилган кўз томчиларини қўллаш мақсадга мувофиқ (пилокарпин + МЦ). Тери орқали 300-800 м оғирликка эга бўлган моддаларни киритишнинг афзаллик томонлари сублингвал усули ўхшаш бўлади. Тери орқали сўрилишини таъминлаш учун умумий таъсир кўрсатувчи суртмалар мўлжалланган. Суртмалар тери га суртилганда дориларнинг умумий таъсирини таъминлайди. Масалан, нитроглицерин 2% суртмаси юрак атрофи тери сига суртилади. ( 30см 2 ) нитро глицерин с ў рилиб ўзининг таъсирини кўрсатади. Комплекс гериатрик препаратлар Таблеткалар: 1.Медиатрик (США)-Витаминлар:(В 12 , В 1 , В 2 , В 6 , В 3 , РР, С),темир сульфати, эстроген, метилтестестерон 2.Олиговит (Югославия)- Витаминлар:(А, В 1 , В 6 , В 12 , РР, С, Д 3 , Е, В 3 ) минерал моддалар, кальций фосфат, натрий фтор, темир сульфат, мис сульфат, кобальт сульфат, магний оксиди, рух сульфати, кальций сульфат) 3.Геротон (Квадевит)-Витаминлар:(А, Е, В 12 , В 1 , В 2 , В 6 , В 3 , Р), фитин, глутамин кислотаси, метионин, мис сульфат, калий хлорид.

4.Цимексон (Швейцария)-Микроэлементлар, витаминлар йи ғ индиси (комплекс) ва жень- шень экстракти-эфервесцент таблеткалар. Дражелар: 1. Витерал (ПНР): Витаминлар: ( А, В 12 , В 1 , В 2 , В 6 , С, Д 3 , Е, РР), минерал моддалар, кальций фосфат, темир сульфат, магний сульфат, калий йодид, рух сульфат, кобальт сульфат, аммоний молибдат, мис сульфат, борат кислотаси, жигар порошоги (кукуни). 2. Ундевит (СНГ) Витаминлар (ретинол, тиамин хлорид, В 12 , В 2 , В 6 , никотинамид, Р, Е, фол ий кислотаси, кальций пантотенат, витамин С. Капсулалар: 1. Активал (Швейцария)-Витаминлар: (А, Д 2 , В 12 , В 1 , В 2 , В 6 , С, Е, панте н ол, никотинамид, рутин, минерал моддалар, йод, молибден, марганец, мис сульфат, темир фумарат, фосфор. 2. Гериавит (Швейцария)-Витаминлар: (А, В, С, Д, Е, РР, рутин) микроэлементлар (Са, фосфор, фтор, калий, мис, марганец, магний, рух) холин, инозит, лип ой кислотаси . 3. Гериоптил (Швейцария)-Витаминлар: (А, В 12 , В 1 , В 6 , фолий кислотаси, витамин С,рутин, вит Е, глутамин кислотаси минерал моддалар, Са, Мg- инозитгексафосфат, холинбитартрат, темир сульфат, кальций фторид, мис сульфат, калий сульфат, магний сульфат,марганец сульфат,бура 4. Гериплекс (Югославия)-Сувда ва ёғларда эрувчан витаминлар, минерал моддалар, феррогмицин сульфат, этилэстренол, инозит, глютамин кислотаси. 5 . Геровит (Венгрия)-Витаминлар: (А, В 12 , В 1 , В 2 , В 6 , С, Д 2 , Е, К , Р Р ) , холин йодид, метиландростендол 6. Липоболит (Дания)-Витаминлар:(А, Е, В 1 , В 2 , В 6 , В 3 , С, биотин, РР, инозит, холин, жигар экстракти. Порошоклар: Вибалт (Венгрия)- А, Д, С, В 12 , В 1 , В 2 , В 6 , никотинамид , альфа -пантотенат Са -эфервесцент порошок

Ампулалар : 1. Туригеран (Германия) 1 ампулада: витамин С, новокаин парааминобензой кислотаси, никотинамид, В 1 , пантотенол, В 6 , В 2 . Сую қ ликлар Бю е рлецитин (Бельгия)-100 млда, лицетин, В 12 , В 1 , В 2 , В 6 , никотинамид, С а - пантотенат Педиатрия кўп йиллар давомида ривожланиб келган , аммо гериатрия масалалари деярли муҳокама қилинмаган.Собиқ СССР даврида бутун мамлакатда битта институт - герантология институти Киевда геронтологиянинг фундаментал муаммолари билан шуғулланган.Фақат 90 - йилларнинг бошида гериатрия тиббиётнинг мустақил йўналиши сифатида шакллана бошлади. Республикамизда ҳам гериатрия масалаларига эътибор берилмоқда: 2002 й ноябрь ойида Тошкентда (Тошми) “Геронтология ва гериатриянинг долзарб муаммолари” мавзудаги илмий-амалий анжуман ўтқазилди. 2001 й январ ойида “Ибн Сино номли Геронтологик марказ ташкил этилди. “АҚЛИЙ ХУЖУМ” УЧУН САВОЛЛАР 1.Гериатрия вагеронтология фанлари хақида тушунча 2. Қарияларни даволашда фарқлари. 3. Геропротекторларнинг вазифалари Тезкор сўров учун саволар 1. Гериатрия ёшидаги касалларга фармакотерапиясининг ўзига хос томонлари ва асосий қоидалар 2. Қариш назариялари 3 .З амонавий геропротекторларни таъсир этиш механизмлари 4 . Гериатрия амалиётида дориларни ишлатилишида M. Beers

мезони НАЗОРАТ УЧУН ТЕСТЛАР 1. Гер атрик ёш неча ёшдан бошланади? А) 50 ёшдан; В) 55 ёшдан; С) 60 ёшдан; Д) 65 ёшдан; Е) 70 ёшдан; 2.Гериатрик ёшдаги беморларга кучли таъсир этувчи ва захарли дори воситаларнинг дозаси қандай белгиланади? А) 1/2 қисми; В) 2/3 қисми; С) 1/3 қисми; Д) 1/4 қисми; Е) 1/5 қисми; 3.50 ёшдан сўнг қайси дори воситаларини бериш тавсия этилмайди? А) аммифурин; В) фестал; С) кетонал; Д) милипрамин; Е) тизерцин; 4. Геропротекторлар бу - .... А) жигар касаллигида бериладиган дори воситалар; В) жигар тўқималари регенерациясини кучайтирувчи лори воситалар; С) ёшартирувчи воситалар; Д) қариш жараёнини секинлаштирувчи дори воситалари; Е) тўғри жавоб йўқ;

А д а б и ё т л а р 1. Анисимов В.Н. Средства профилактики преждевременного старения ( геропротектор ы ) // Успехи геронтологии.-2000.-вып.4.-с.275-277 2.Гериатрия в лекциях.М.; Ньюдиамед.-2002.-440С. 3. Западнюк В.Г. Гериатрические лекарственные средства и геропротекторы//Фармац. журн.- 1991, N 1.- С.25-28. 4. Тенцова А.И. Гериатрические лекарственные формы.- М.,1979.- 18- 65. 5.Белоусов Б., Леонова М.В Особенности применения лекарства в гериатрической практике. М.1999г 6.Чеботарев Д.Ф., Гериатрия в клинике внутренних болезней. К. 1998г 7.Холостова, Е. И. Социальная геронтология: Учебное пособие / Е. И. Холостова, А. В. Рубцов. – М.: Дашков и К, 2005. – 290 с. 8.Астраханцева Л.З. Гериатрическая фармакология, Л.,1972 //Журнал ФАРМАТЕК №4/5-2005г

Похожие

Болалар амалиётида ишлатиладиган дори турларини яратишдаги муаммолар

Гериатрия амалиётида қўлланиладиган дори турлари

Педиатрик дори турларини технологиясини такомиллаштириш

Инфекцион дори турларини тайёр дорилар орасида тутган ўрни. Инфекцион дори турлари учун ишлатиладиган шиша ва полимерлар

Суюқ дори турларини таърифи, таснифи. Эритмаларни умумий технологияси. Эритмаларни ызига хос тайёрланиши