Қоннинг нафас олиш вазифаси. Гемоглобин, унинг тузилиши ва хусусиятлари - Медицина - Рефераты

Қоннинг нафас олиш вазифаси. Гемоглобин, унинг тузилиши ва хусусиятлари

Загружено в:

20.09.2019

Скачано:

0

Размер:

54 KB

Қоннинг нафас олиш вазифаси. Гемоглобин, унинг тузилиши ва хусусиятлари Режа: 1. Гемоглобиннинг тузилиши ва хусусиятлари. 2. Гемоглобиннинг турлари, гемоглобинни аниқлаш усуллари. 3. Гемолиз ва унинг турлари.

Одам қонида уч хил ҳужайралар учрайди: эритроцитлар (кизил қон ҳужайралари), лейкоцитлар (ок қон таначалари) ва тромбоцитлар (Қон пластинкачалари). Қоннинг бу шаклли элементлари сони, тузилиши, етилиши, бажарадиган вазифаси билан бир-биридан фарқ қилади. Эритроцитлар қондаги сон жиҳатидан энг кўп бўлган шаклли элемент. Эритроцитларнинг энг асосий хусусияти ядросизлигидир. Эркаклар қонининг 1мкл да ўрта ҳисобда 5, 1млн, аёлларникида эса 4, 6млн эритроцит бўлади. Эритроцитларнинг сони физиологик ва патологик ҳолатларда ўзгариб туради. Улар сонининг ошиши – эритремия, камайиши – эритропения ёки анемия дейилади. Эритремия баланд тока кўтарилганда, одам организмини кислород билан таъминлашни қийинлаштирадиган касаллик ривожланганда (ўпка, юракнинг сурункали касалликларида), кислород етишмовчилиги туфайли юзага чиқади. Эритропенияга эритроцитлар яратилишининг секинлашиши, тез емирилиб кетиши ёки қон йўқотилиши сабаб бўлади. Катта одамнинг қонида жами 25. 10 12 -30. 10 12 эритроцит бўлади. Қондаги эритроцитлар йигиндиси эритрон дейилади. Эритроцитларнинг таянч тузилмаси – стромаси ва юза қавати – қобиғи тафовут қилинади. Кобикнинг тузилишида бошқа ҳужайралар мембранасидан фарқ йўқ. Унинг катионлар учун ўтказувчанлиги жуда паст, аммо анионларни бемалол ўтказади. Эритроцитлар массасининг 34 % и курук модда, курук модданинг 90 % и гемоглобин ҳисобланади. Одам эритроцитлари ўзига хос шаклга эга: ўртаси юпқа кулчага ухшайди. Диаметри 7, 2 – 7, 5 мкм, калинлиги 2, 2 мкм бўлади. Эритроцитларнинг ўртача ҳажми 90 мкм 3 . Катта одам қонидаги барча эритроцитларнинг умумий юзаси 3000 м 3 , яъни бутун гавда юзасидан 1, 5 минг марта ортиқ. Бундай катта юзанинг ҳосил бўлиши бир тарафдан эритроцитлар сонига боғлиқ

бўлса, иккинчидан шаклига боғлиқ. Агар эритроцит ҳажми 90 мкм3 шар шаклида бўлганида, юзаси 20 % кам булар эди. Бундай шарнинг радиуси 2, 5 мкм ни ташкил киларди ёки юзасидан энг узоқ нуқтасигача бўлган масофа 2, 5 мкм га тенг буларди. Кулчасимон эритроцитлар қобиғидан энг узоқ нуқтасигача бўлган масофа 1 мкм дан оз. Демак, эритроцитлар ичида энг чуқур жойлашган гемоглобиннинг молекуласигача кислород тез етиб боради. Эритроцитларнинг ўзига хос шакли ва ядросизлиги кислородни ўпка капиллярларидан ўтаётганда тезроқ бириктириб олиш ва тўқималарга тўла етказишга каратилган. (Ядроли ҳужайраларда модда алмашинуви ва унга алокадор кислород сарфи бир неча ун марта юқори бўлади). Гемоглобин . Эритроцитлар вазифасининг амалга ошиши мураккаб кимёвий бирикма – гемоглобинга боғлиқ. Таркибида темир бўлган 4 гем молекуласи ва бир оқсил глобин молекуласидан иборат бу хромопротеид кислородни бириктириш ва ажратиш қобилиятига эга. Гемоглобиннинг молекуляр массаси 64458. Кислородни бириктириш ва ажратиш вазифасини гем молекуласидаги икки валентли темир бажаради. Глобин эса гемни олиб юрувчи альбуминлар туркумига кирувчи оқсил ҳисобланади. Ҳар бир эритроцитда 400 млн гемоглобин молекуласи бор. Катта одамнинг қонидаги Концентрацияси 14 г %, умумий миқдори эса 600 гр чамасида. Ўпка капиллярларидан ўтаётган эритроцитлардаги гемоглобин оксигенацияга учраб, оксигемоглобинга айланади, тўқима капиллярларида дезоксигенация жараёни рўй бериши ҳисобига кислород эркинлашади ва тўқималарга ўтади. Кислородни йўқотган оксигемоглобин дезоксигемоглобин дейилади. Артериал қоннинг кип-кизил бўлиши оксигемоглобинга боғлиқ. Гемоглобининг 1 г 1, 34 см 3 кислород бириктириб олиши мумкин. Демак, қондаги мавжуд 600 гр гемоглобин кислородга туйинса, 800 см 3 кислородни боғлайди. 1см 3 қон бириктириб олиши мумкин бўлган кислород миқдори қоннинг кислород сигимини белгилайди. Соғлом одам қонининг кислород сигими тахминан 0, 19 см 3 .

Гемоглобинни кумикдаги эритробластлар ва нормобластлар синтезлайди. Эритроцитлар кариб, емирилгандан сунг, улардаги гемоглобин парчаланади ва гемдан ўт пигменти – билурубин ҳосил бўлади. Бир кеча- кундузда органиэмдаги гемоглобиннинг 1 % га яқини парчаланади. Оксигемоглобин, дезоксигемоглобиндан ташқари қонда гемоглобин карбонат ангидрид билан бирикиб, карбогемоглобин ҳосил қилади. Бу бирикма модда алмашинуви натижаси бўлган СО 2 ни ташилиш шаклидир. Оксигемоглобин, дезоксигемоглобин ва карбогемоглобин гемоглобиннинг физиологик бирикмаларидир. Баъзи шароитларда унинг гайри-табиий бирикмалари ҳам пайдо бўлиши мумкин. Гемоглобин ис гази билан (СО) жуда осон бирикади ва карбоксигемоглобин (НвСО) ҳосил қилади. Бу бирикманинг парчаланиши жуда қийин. Шунинг учун нафасга олинадиган ҳавода СО оз миқдорда бўлса ҳам тез вақт давомида қондаги гемоглобиннинг кўп қисмини эгаллаб олади, қон кислород ташиш қобилиятини йўқотади. Организмда кислород етишмовчилигининг оғир асоратлари (қайд қилиш, бош огриши, хушдан кетиш) ривожланади. Заҳарланиш унчалик кучли бўлмаса, тоза ҳавода нафас олиш карбоксигемоглобиннинг аста-секин парчаланиши ва организмнинг ис газидан халос бўлишига олиб келади. Заҳарланган одамни соф кислород билан нафас олдирилса, карбоксигемоглобиннинг парчаланиши 200 марта тезлашади. Табиий шароитда гемоглобиннинг фақат 1% и ис гази билан бириккан бўлади. Организмга оксидлаш қобилиятига эга бўлган доривор ёки бошқа моддалар (калий перманганат, бертолет тузи, анилин, фенацитин) киритилса метгемоглобин Организмга оксидлаш қобилиятига эга бўлган доривор ёки бошқа ьоддалар (калий перманганат, бертолет тузи, анилин, фенацитин) киритилса метгемоглобин ҳосил бўлади. Бу моддалар таъсирида гемоглобин чиндан ҳам оксидланади, унинг молекуласидаги 2 валентли темир 3 валентли шаклга

ўтади. Энди гемоглобинга бириккан кислород ажралмайди. Метгемоглобиннинг миқдори қонда кўпайиб кетса ҳаёт учун ҳавф туғилади. Миоглобин. К ундаланг-таргил мускулларда ва баъзи силлиқ мускулларда миоглобин-мускул гемоглобини учрайди. У ҳам оқсил вагем қисмлардан иборат, кўп хоссалари бўйича гемоглобинга яқин. Миоглобинни кислород бириктириш қобилияти жуда юқори бўлгани учун у мускулларда кислород захирасини ҳосил қилади. Бундай захиранинг мавжудлиги узоқ вақт ритмик равишда қисқариб, фаоллик кўрсатадиган мускуллар (юрак мускули, жаг мускуллари) учун муҳим. Бундай мускуллар қисқарганда капиллярлар сиқилиб, улардан қон оқиши тўхтайди. Бу вақтда захирадаги кислород сарфланади. Мускул бушашганда қон оқими тикланади, миоглобин яна кислородни бириктиради. Юрак мускулидаги миоглобин миқдори тахминан 0, 5%. Кислород билан таъминланиш камайиб кетса, юрак мускули тўқимасининг ҳар бир грамми миоглобин билан бириккан кислороддан 2см3 кислород ажралади. Бу миқдор юракни систола вақтидаги кислородга бўлган эҳтиёжини қондира олади. Гемолиз . Гемоглобининг эритроцитлар ичида бўлиши катта аҳамиятга эга. Агар у плазмада эриган ҳолда бўлганда, қонинг ёпишкоклиги кескин ошиб, қон айланиши қийинлашар, қоннинг онкотик босими кўтарилиб, тўқималар сувсизланарди, бинобарин кислороднинг гемоглобин билан бирикиши бузиларди. Баъзи шароитларда ва маълум моддалар таъсирида эритроцитларнинг қобиғи ёрилиб, ичидаги гемоглобин қон плазмасига чиқади. Бу ҳодиса гемолиз дейилади. Гемолизнинг бир неча туриажратилади. Гипотоник эритмада эритроцитлар ичига сув Кириши натижасида улар шишади. Агар эритмадаги тузлар миқдори анча оз бўлиб, гипотониклик даражаси анча юқори бўлса, эритроцитлар шишиб, ёрилиб кетади. Буни осмотик гемолиз дейилади. Эритроцитларнинг осмотик гемолизга чидами бир хил эмас. Чидами энг кам

бўлган эритроцитлар NaCl нинг0, 4% ли эритмасида ёрила бошлайди, 0, 34% ли эритмада эритроцитларнинг ҳаммаси гемолизга учрайди. Баъзи кимёвий моддалар, хусусан ёғ эритувчилар (эфир, хлороформ, бензол, спирт) эритроцит қобиғини эритиб, кимёвий гемолизга сабаб бўлади. Идишдаги қоннинг каттик чайкалиши, музлаб эриши механик гемолизни содир қилади. Баъзи илонлар ва хашаротлар заҳари, гуруҳи мос келмайдиган қони қуйиш биологик гемолизни содир қилади. Эритроцитларнинг чўкиш тезлиги (ЭЧТ). Ивишнинг олдини олинган қони пробиркага куйиб қуйилса, солиштирма оғирлиги каттароқ бўлган эритроцитлар чўкади. Чўкиш тезлигини аниқлаш учун миллиметрларга бўлинган ингичка шиша найчадан фойдаланилади. Соғлом эркакларда эритроцтларнинг чўкиш тезлиги соатига 1-10 мм, аёлларда 2-15 мм бўлади. Бу тезликнинг ошиб кетиши касаллик аломати ҳисобланади. ЭЧТ плазма хоссаларига, биринчи галда, ундаги йирик молекулали оқсиллар, глобулинлар ва фибриноген миқдорига боғлиқ. Яллиғланиш жараёни ривожланиши одатда глобулинлар ва фибриноген миқдорининг ошишига олиб келади. Айни вақтда ЭЧТ ҳам ошади. Бу кўрсаткичлар физиологик ҳолатларда, хусусан хомиладорлик даврида тезлашади ва 40-50 мм/соатни ташкил қилади. Бунга плазмадани фибриноген миқдорининг 2 баравар ошиб кетиши сабаб бўлади. Чамаси, плазмада йирик молекулали оқсилларнинг кўпайиб кетиши электр зарядлар миқдорини камайтиради, эритроцитларнинг бир-биридан қочишини сустлаштиради. Натижада улар бир-бирига ёпишиб, йирик танга устунлар ҳосил қилади ва тез чўкади.

Похожие

Нафас олиш физиологияси ва унинг ёшга боғлиқ хусусиятлари

Нафас олиш механизмлари

Нафас олиш органлари тизими

Қондаги кислород ҳажми. Тўқималардаги нафас олиш

Экстрапирамида тизими - тузилиши, вазифаси, патологияси