Лейшманиоз - Медицина - Рефераты

Лейшманиоз

Загружено в:

16.02.2024

Скачано:

0

Размер:

65.5 KB

Лейшманиоз Режа: 1. Тарихий маълумотлар 2. Этиологияси. 3. Эпидемиологияси. 4. Патогенези ва патологик анатомияси 5. Клиникаси. 6. Профилактикаси.

Лейшманиоз ( Leishmaniasis ) - протозой касаллик бўлиб, уни ҳар хил турдаги лейшманийлар чақиради, асосан ички органлар лейшманиози (висцерал лейшманиоз) ёки тери лейшманиози фарқланади. Табиий ўчоқдан трансмиссив йўл билан тарқалади. Тарихий маълумотлар . Тери лейшманиози қўзғатувчисини ўрганишни 1898 -йилда Тошкентлик ҳарбий ординатор П.Ф. Баровский бошлаб берди. Ундан кейин (1900-1904 й) инглиз врачлари Лейшман ва Доновани кала-азар билан оғриган беморнинг талоғидан шу касаллик қўзғатувчисини топдилар. Алдер ва Теодор 1927-йилда искаптопар пашшасининг ичагида қўзғатувчининг табиий равишда яшашини ва одам терисини чақиб зарарлаганда юқишини исботладилар. Биринчи бўлиб искаптопар пашшаси чақиши орқали юқишини 1940-йилда А.П.Крюкова, 1937-йилда П.В.Кожебников ва Н.И.Латишив исботладилар. Шунга кўра тери лейшманиозининг 2 хил клиник тури фарқланади: кеч ривожланувчи (антропоноз ёки шаҳар типи) ва эрта ривожланувчи (зооноз ёки қишлоқ типи). Этиологияси. Висцерал лейшманиоз қўзғатувчиси- Leyshmania donavani , одамларда учрайдиган тери лейшманиози- L . tropika , ҳайвонларда учровчи- L . major . L . brasiliensis тери-шиллиқ қа ват лейшманиози. Лейшманий ривожланишининг ики даври фарқланади: амастигота (хивчинсиз ҳужайра ичи) ва помастигота (хивчинли). Одам ва ҳайвон организмида учровчи лейшманийлар думалоқ ва тухумсимон шаклда бўлиб, катталиги 3-5 мкм. Рамоновский усули билан бўялганда ситоплазмаси кўк рангга, ядроси эса қизил- бинафша рангга бўялади. Лейшманийлар ҳужайра ичи паразитлари ҳисобланади ва узунлиги 10-20 мкм. Лейшманий товуқ эмбрионли озуқа муҳитида яхши ўсади. Эпидемиологияси. Инфекция манбаи лейшманиоз билан касалланган дайди итлар, ёввойи ҳайвонлар, бўрилар, тулкилар ва кемирувчилар. Антропоноз тери лейшманиозида инфекция манбаи касал одамлар ва баъзан касалланган итлардир. Зооноз тери лейшманиозининг инфекция манбаи турли хилдаги кемирувчилар. Инфекциянинг тарқатувчиси искаптопар пашшасидир. Искаптопар майда

ҳашарот бўлиб (узунлиги 1.5-5 мм), ертўлаларда, омборхоналарда, зах жойларда, қушлар гўнгида, ахлатхоналарда учрайди. Тропик мамлакатларда искаптопар йил бўйи учрайди. Ўрта Осиёда йилнинг иссиқ ойларида (май ойидан бошлаб) учрайди. Искаптопар одам ва ҳайвонларни чақиб зарарлантиргач лейшманиоз билан касалланади. Лейшмании (амастиготлар) искаптопарнинг ошқозонида яшайди, бир неча соатдан сўнг хивчинли шаклга (промастигот) айланади, 4-5 кундан кейин юқори кўтарилиб томоғида ўрнашиб кўпая бошлайди. 5-8 кундан сўнг искаптопар касаликнинг юқумлилигини юзага келтиради. Худди шу искаптопарлар одам терисини чақиб зарарлантиради. Висцерал лейшманиоз тропик ва субтропик мамлакатларда кенг тарқалган. Лининг энг кўп ўчоқлари Хитой, Ҳиндистон, Бангладеш, Эрон, Ироқ, Туркия, Эфиопия, Марказий ва Жанубий Америкада учрайди. Тери лейшманиози эндемик ўчоқлари Африка, Осиё ва Америкада тарқалган. Лейшманиозда мавсумийлик биологик тарқатувчилар билан боғлиқ. Касалликнинг эндемик ўчоғида бошқа жойдан келганлар кўпроқ касалланади. Патогенези ва патологик анатомияси. Инфекциянинг кириш дарвозаси тери ҳисобланади. Искаптопар чаққан жойда бир неча кундан ёки ҳафтадан сўнг унча катта бўлмаган папула ёки яра пайдо бўлади. Шу жойда лейшманий ривожланишни бошлайди. Висцерал лейшманиозда қонга тушган лейшманийлар бутун организмга тарқалиб, ретикулоэндотелиал система органларига жойлашиб олиб кўпаяди ва шу органларда ретикуло-гистоцитоз характердаги ўзгаришларга сабаб бўлади, яъни жигар, талоқ, лимфа тугунлари катталашади, суяк кўмиги зарарланиб, фаолияти издан чиқади. Мазкур органларда некротик ва дегенратив жараён ривожланиб боради. Лейшманийларнинг парчаланиши ва метоболизми натижасида қонда гипергаммаглобунемия, лейкопения, гранулоцитлар сонининг ошиши кузатилади ва прогрессияланувчи анемия ривожланади. Тери лейшманиози ўзидан сўнг турғун иммунитет қолдиради. Клиникаси. Висцерал лейшманиоз. Турғунлик даври 3 ҳафтадан 1 йилгача (баъзан 2-3 йилгча) давом этади. Бошланғич даврда клиник белгилар яққол намоён бўлмайди. Беморлар кўпинча шифокорларга касалликнинг авжига чиққан

даврида мурожат қилишади. Касалликнинг бошланғич даврида беморда иситма билан бирга қалтираш кузатилади. Иситма тўлқинсимон характерда бўлиб бир неча кундан бир неча ҳафтагача давом этади. Баъзи ҳолларда ҳарорат бир кеча кундузда уч марта юқори даражага кўтарилади. Кўрик вақтида бемор териси анемияга хос рангпар бўлиши кузатилади. Геморрагик синдром асорати сифатида терида петихиал тошмалар пайдо бўлади. Беморнинг аҳволи тезда оғирлашади, анемия ва лейкопения кучайиб боради. Ривожланиб борувчи лейкопения ва агранулоцитоз натижасида ҳалқум атрофи ва оғиз бўшлиғида ярали некротик жараён ривожланади. Энг характерли белгилардан бири бу жигар ва талоқ катталашишидир. Жигар одатда киндик чизиғига қадар катталашади, талоқнинг пастки қирраси кичик чаноққача тушади, юқори қирраси эса 6-7 қовурғалар соҳасигача катталашади. Кейинчалик талоқ инфаркти ва ич кетиш кузатилади. Қонда қуйидаги ўзгаришлар кузатилади: анемия, лейкопения, агранулоцитоз, тромбоцитопения, ЭЧТ жуда тезлашган, глобулинлар (айниқса, гамма глобулин) сонининг ошиши кузатилади. Касаллик ўз вақтида аниқланиб, этиотроп даво олиб борилмаса, мушаклар тонуси пасаяди ва ҳатто кахексия ҳолати юзага келади. Асоратлари: пневмония, энтероколит, нефрит, тромбогемморагик синдром, ҳиқилдоқ шишиши, ярали стоматит, кома. Антропоноз тери лейшманиози (Баровскийнинг биринчи тип касаллиги, кеч ривожланувчи форма, шаҳар типи). Турғунлик даври 2-4 ойдан 1-2 йилгача (базан 4-5 йилгча) давом этади. Антропоноз тери лейшманиозининг (худди шундай зооноз тери лейшманиозининг ҳам) қуйидаги клиник шакллари фарқланади: 1) Бирламчи лейшманиома: а) бўртмача пайдо бўлиш даври б) яра даври с) чандиқланиш даври; 2) қийин ривожланадиган лейшманиома. Баъзи ҳолларда лейшманиознинг диффуз-инфильтратли ва силсимон тери шакли учрайди. Антропоноз тери лейшманиози терида билинар билинмас даражадаги катталиги 2-3 мм келадиган бўртма шаклдаги папула ҳосил бўлади. Улар деярли соғлом тери сатҳидан кўтарилмайди, яллиғгланиш белгилари аниқ кўзга

ташланмайди, унинг ранги хира тутунсимон рангда бўлиб, бўртма маркази кўрилганда (лупа билан) унинг марказида катта бўлмаган марказий чуқурчани кўриш мумкин. Чуқурчани қуруқ тангачасимон қипиқчалар тўлдириб туради, уларни скалпел ёрдамида олиш мумкин. Орадан 3-6 ой ўтгач, бўртмача ҳажми катталашиб 5-10 ммгача етади, бўртмача атрофидаги тўқима қизариб туради, бўртмачанинг усти қуруқ тангачасимон қипиқлар билан қопланади. Яраларнинг атрофи нотекис, шилимшиқ йиринг билан қопланган. Бўртмачалар атрофида инфильтратлар пайдо бўлади, бўртмачалар ўз навбатида ярага айланади ва бир- бири билан қўшилиш натижасида терининг анчагина жойи яра билан қопланган болади. Касалликнинг охирида, яъни 6 ойдан сўнг (баъзан 1-2 йилдан сўнг) яралар чандиқланади. Яра ўрнида чандиқ қолади, чандиқ ранги аввал пушти рангда бўлиб, сўнг эса рангсизланади. Чандиқлар сони 1-3 тагача бўлиб, асосан искаптопар пашшасининг терини чақиб зарарлантирган соҳаларида учрайди. Зооноз тери лейшманиози. (Баровскийнинг иккинчи тип касаллиги, ўткир некротик шакл, пендин яраси) турғунлик даври қисқа давом этиши (3 ҳафтагача) билан характерланади. Бу ерда диаметри 2-4 ммли конус шаклидаги туберкулома пайдо бўлиб, тезда ўсади ва бир неча кун ичида диаметри 1-1.5смга етади. Туберкуломанинг марказида некроз ривожланади. Таъсир қилувчи воситалардан сўнг некротик тўқима қирралари 2-4 ммга ўзгаради. Яра атрофида инфильтрат ва шиш пайдо бўлади. Баъзан яра майда, юмалоқ, кам оғриқли фрункулга ўхшайди. Яра пайдо бўлгач некротик инфильтратлар тез ривожланади. Кўп сонли яраларнинг (бир неча ўнлаб) ҳажми унча катта бўлмайди, аммо якка сонли яра ҳажми 5 см гача катта бўлиши мумкин. Яра қирралари нотекис ҳамда некротик масса ва кўп миқдорда сероз йирингли модда билан қопланган бўлади. 3 ойдан сўнг яра қурий бошлайди, грануляция билан қопланади, сўнгра эпителизация бошланади ва 5 ойдан сўнг жараён тўлиқ якунланади. Камдан-кам ёш болаларда ва ўсмирларда силсимон тери лейшманиоз ривожланади ва жуда узоқ муддат (бир неча йил) давом этади. Силсимон лейшманиозда ҳосил бўлган чандиқлар атрофида ёки чандиқ устида майда лейшманиомалар пайдо бўлади. Улар бир-бири билан қўшилиши натижасида катта

яралар пайдо бўлади. Диффуз инфильтирловчи лейшманиоз қартайиб қолган одамларда учрайди. Бунда терининг талайгина сатҳида инфильтрат ривожланади, унинг ҳисобига тери қалин тортади. Кўпинча инфильтрат аста- секин сўрилиб, из қолдирмай тузалиб кетади. Ташхисоти. Касаллик ташхиси клиник манзара, эпидемиологик далиллар (маҳаллий эндемик жойда бўлиш ва мавсумийлик) ва ярадан лейшманийни топишга асосланиб аниқланади. Ярада лейшманийлар жуда кўп бўлмайди, шунинг учун уни синчиклаб излаш керак. Висцерал лейшманиоз умумий ҳолсизлик, анемия белгилари, иситмали қалтираш билан характерланади. Зарарланган соҳадан лейшманийларнинг топилиши, шунингдек висцерал лейшманиозда суяк кўмиги ва лимфатик тугунлардан лейшманийларнинг топилгач, ташхиси узил-кесил ҳал бўлади. Ташхисни асослашда ёрдам берувчи серологик реакциялардан (РCК, РФА, латекс- агглютинация, биосинама ва тери аллергик синамаси) дан фойдаланиш мумкин. Висцерал лейшманиоз қорин тифи, сил, сепсис каби касалликлар билан, тери лейшманиози эса заҳм, фрункул ва тери сили билан қиёсий ташхис қилинади. Давоси. Висцерал лейшманиозни даволашда солисурмин (мураккаб беш валентли сурма ва глюкон кислотаси) қўлланилади, унинг 20% ли эритмаси вена ичига юборилади, кунлик дозаси 0.1- 0.15г/кг. (5 ёшгача бўлган болаларда 10% ли эритмаси қўлланилади). Даво курси 15-20 кун. Тери лейшманиозининг зооноз турида худди шундай дозаларда солисурмин қўлланилади, даво курси 10- 12 кунгача қисқартирилади. Жанубий Америкаликлар висцерал лейшманиозини даволашда бошқа беш валентли сурма препарати- глюкантим ( Glucantimumu ), синоними: Meglumini Stibias дан фойдаланадилар. БЖССТ тавсияларга мувофиқ препарат катталар учун мушак орасига кунлик дозаси 20 мг тана массасига буюрилади, курс давомийлиги 28-30 кун. Ҳиндистон висцерал лейшманиозни даволашда қўзғатувчи сурмага нисбатан барқарор ва чидамли бўлганлиги сабабли амфотерицин В препарати қўлланилиб, умумий дозаси 0.65-1.5 гр. ташкил этади.

Бразилия ва Мексика лейшманиозларини даволаш учун кетоканазал 400-600 мг оғиз орқали, 3 ҳафта давомида қўлланилади. Даволанмаган висцерал лейшманиозда оқибати жиддий, тери лейшманиози ҳамма вақт тузалади, аммо яра ўрнашган жойи чандиқ бўлиб қолади. Профилактикаси. Лейшманиозининг табиий ўчоқларида ҳамма имкониятларни сафарбар қилиб, ёввойи саҳро кемирувчиларини қириш профилактиканинг асосини ташкил қилади. Искабтопарларга ҳам қарши курашилади. Одамларни тери лейшманиозига қарши эмлаш билан мустаҳкам иммунитет ҳосил қилиш мумкин. Тери лейшманиозининг шаҳар шаротида учрайдиган антропоноз хилида инфекция манбаи бемор одам ҳисобланади. Лейшманиознинг бу хилида патологик жараён жуда яққол кўринмайди. Касаллик бошланганидан 3-6 ой ўтгач, терида бирламчи лейшманиома ва биринчи йилнинг охирига бориб ўртача катталикда чандиқ пайдо бўлади. Лейшманиознинг бу хили ҳозирги пайтда кам учраяпти.

Адабиётлар: 1. Ахмедова М.Д., Облокулов А.Р., Мирзажонова Д.Б. Юқумли касалликларда ҳамширалик иши. Тошкент. 2018. 2. Бажора Ю. И., Тимченко А. Д., Чеснокова М. М.Атлас: медицинская паразитология. Учебное пособие — Одеса: Одес. держ. мед.ун-т, 2001. - 110 с. 3. Богомолов Б.П. Инфекционные болезни. -М.: Издательство Московского унивеситета, 2006. – 583 с. 4. Даминов Т.А. Инфекционные болезни с детскими инфекциями.1-2 часть. Тошкент 2011. 5. Даминов Т.А., Туйчиев Л.Н., Таджиева Н.У. Инфекционные болезни в деятельности врача общей практики Тошкент-2007. 6. Жаворонок С.В., Мицура В.М., Красавцев Е.Л и др. Тропические и паразитарные болезни. Учебное пособиеЛитагент Вышэйшая школа год 2014.

Похожие

Липосомал дори турлари

Паразитар касалликларнинг лаборатор ташхисоти

Умумий бўлим паразитлар ва паразитар касалликлар ҳақида умумий маълумот

Юқумли касалликлар тарихи. Эпидемиология асослари

История педиатрии. Развитие педиатрии в Узбекистане. Периоды детства и их характеристика