Rangtasvir o`qitishning nazariy asoslari - Изобразительное искусство - Рефераты

Rangtasvir o`qitishning nazariy asoslari

Загружено в:

20.09.2019

Скачано:

0

Размер:

149 KB

www.arxiv.uz Reja: 1. Rangtasvir - rang san`ati. 2. Rangtasvir tarixidan. 3. Rangtasvir janrlari. 4. Rangni tushunish va uni qabul qilish. Rang simvolikasi. 5. Rang va san`atdagi sintez.

www.arxiv.uz Rangtasvir - rang san`ati Rangtasvir-rang san`ati. Rangtasvir-xaqiqiy hayotni aks ettirib, tamoshabinning fikri va hissiyotlariga ta`sir o`tkazuvchi tasviriy san`at turlaridan biridir. Biror bir satx yuzasiga, bo`yoqlar (moybo`yoq , tempera, akvarel, guash va boshqalar) bilan bajarilgan san`at asariga rangtasvir deyiladi. Rangtasvirdagi obrazlar juda yorqin va tomashabop. Rassomlar asarlarini rangtasvir va plastik vositalar bilan yaratadilar. Ular qalamtasvir va kompozitsiya imkoniyatlaridan foydalanganlari bilan, rangtasvirdagi eng asosiy ta`sirchanlikni beruvchi vositalardan biri bu rang hisoblanadi. Rangtasvirdagi tasvirlar tasviriy satxda uzluksiz bo`yoq qatlamini hosil qiluvchi bo`yoqlar yordamida yaratiladi. Xattoqi akvarel rangtasvirida qog`ozda bo`yoq tegmagan joylar qolsa ham, tasvirning uzluksizligiga ta`sir qilmaydi, chunki bo`yoqlar bir-biriga singishib va aralashib ketishadi. Rangning tasviriy va ta`sirchanlik imkoniyatlaridan rangtasvirda rassomga zarur bo`lgan erkinlik va to`liq kuch bilan foydalaniladi. Rang orqali kompozitsiyadagi asosiy fikrni ajratib ko`rsatish, muhim detallarini bo`r ttirish, masofani chuqurligini berish yoki tasvirning yassiligini berish mumkin. Rangtasvirning eng muhim ajralib turuvchi xususiyatlari shundan iboratki, unda shakl va masofaning tasviri, obrazlar va harakatlar faqat rang orqali ko`riladi. Rangtasvir inson hissiyotlari va xarakterining murakkab dunyosini aks ettirishi bilan birga tabiatning nozik o`zgarishlari, fantastik obrazlar va falsafiy fikrlarni berish xususiyatiga ega. Bo`larning hammasi rangtasvir janrlari orqali beriladi. Dunyodagi ob`ektlar, voqea va hodisalarning turli tumanligi va rassomlardagi ularga bo`lgan qiziqishning kuchayib ketishi XVII asrga kelib rangtasvirda turli tuman janrlarning paydo bo`lishiga olib keldi. Bo`lar portret, manzara, natyurmort, animalistik, afsonaviy, tarixiy, batal va maishiy janrlar edi. Rangtasvir asarida janrlar yoki ularning elementlari aralashib kelishi mumkin. Masalan, natyurmort va manzara portretni muvaffaqiyatli to`ldirishi mumkin. Rangtasvir dastgoxli va monumental rangtasvirga bo`linadi.

www.arxiv.uz Rassom kartinasini podramnikki tortilgan xolstda ishlaydi. Bu xolst dastgoxga urnatilgan bo`ladi. Shu sabali ham bu dastgoxli rangtasvir deb ataladi. "Monumental" so`zi juda katta degan mazmunni beradi. Monumental rangtasvir esa binolarning ichki yoki tashqarigi devoriga chizilgan katta kartina (freska, panno va boshqalar) hisoblanadi. Monumental rangtasvir asarini uning asosida (devorlar, tayanch, ship va x.zo) ajratish mumkin emas. Monumental kartinalar uchun mavzular katta ahamiyat berib tanlanadi. Buning uchun tarixiy voqealar, qahramonona jasoratlar, halq ertaklari va xoqazolar tanlanadi. Monumental rangtasvir bilan panno, mozaika va vitrajlar ham bevosita bog`lanib keladi. Bu san`at turlari dekorativ rangtasvir va dekorativ san`at hisoblanadi. Bu yerda monumental rangtasvir va arxitekturaning stil va obrazli birligi muhim ahamiyatga ega. Rangtasvirning miniatyura, ikonaga rasm solish, dekorativ naqsh, teatr - dekoratsiyasi kabi turlari ham mavjud. Rangtasvirning harbir turlari o`zining bajarish texnikasi va badiiy - obrazli vazifalarni hal qilishi spetsifikatsiyasiga qarab ajratiladi. Rangtasvir tarixida ikonaga rasm solish san`ati katta rol uynagan. Bu san`at IV asrda Vizantiyada tugilib, bo`tun pravoslav dunyosiga tarkaladi. Ikonalar dunyoga xizmat qilib, unda faqat mukaddas diniy bitiklardagi obrazlar tasvirlangan. Maqbaralarda ikonalar me`morchilik, dekorativ - amaliy san`at bilan bir yaxlit kompozitsiyani tashkil etadi. Ikonadagi rasmlar diniy marosimlarda miltillab yonib turuvchi lampa va shamlar, shuningdek diniy aytimlar ta`sirida juda katta emotsional - obrazli ta`sir ko`rsatadi. Ikonalar iloxiy go`zallikni bera oluvchi rangtasvir asari hisoblanadi. Ikonalarning rangi shartli va dekorativ bo`lib, u real hayotni emas, balki iloxiy fikrni beradi. Shuningdek u halqning estetik ideallarini aks ettiradi. Qadimgi Rus ikonalari dunyo san`atiga juda katta badiiy kiymatga ega bo`lgan san`at asarlari hisoblanadi. F.Grek, A.Rublev, Dionisiy kabi rassomlar ikonaga rasm solish san`atining eng ko`zga ko`ringan namoyondalaridan hisoblangan.

www.arxiv.uz Miniatyura san`ati bu o`zining shartliligi, dekorativligi, shakl, faktura va bezaklarining o`ziga xos usulda berilishi bilan ajralib turuvchi kichik o`lchamdagi tasviriy san`at asari hisoblanadi. O`rta asrlarda qo`lyozma kitoblarga ishlangan tasvirlar miniatyura san`atining paydo bo`lishiga olib keldi. O`rta asrlarda kitob miniatyura san`ati Yaqin Sharq, Markaziy va O`rta Osiyo, Eron, Hindiston, Vizantiya, Qadimgi Rus va Sharqiy Yevropa mamlakatlarida gullab yashnadi. Shu davrlarda yashab ijod etgan Kamoliddin Behzod , Maxmud Muzaxxib, Murod Samarkandiy va boshqa qator musavvirlar Sharq miniatyura san`atining nodir na`munalarini yaratib qoldirdilar. Bo`lar orasida Ayniqsa Kamoliddin Behzod ning faoliyati (taxminan 1466-1535 yillar) diqqatga sazovordir. Kamoliddin Behzod Xirotda tugilgan. Bu yerda Husayn Boyqaro ko`tubxonasida ishlagan. 1507 yil Xuroson Shayboniyxon qo`liga o`tgach, Behzod Buxoraga ko`chib kelgan va shu yerda 1522 yilgacha yashab, ijod qilgan va o`zining mashhur Shayboniyxon portretini yaratgan. Keyinchalik qisqa vaqt Tabrizda (1522-1524) keyin yana Xirotda yashab ijod etgan. Buyuk Alisher Navoiy g`amho`rligida kamol topgan Behzod Sa`diyning "Bo`ston", "Guliston", Nizomiyning "Hamsa", Hisrav Dehlaviyning "Xamsa", Sharafiddin Ali Yazdiyning "Zafarnoma" asarlariga ko`plab suratlar chizgan. A. Navoiyning dostonlarini ajoyib suratlar bilan bezagan. Behzod ning ijodiy rejalarini keyinchalik uning shogirdlari Qosim Ali, Maxmud Muzaxxib, Mulla Yusuf va boshqalar davom ettirdilar. O`rta asrlar kitob miniatyurasi hozirgacha bizni o`zining go`zalligi, bo`yoqlarining yorqinligi va tozaligi, bezaklarining murakkabligi, obrazlarining qiziqarliligi bilan lol qoldirib keladi. Rangtasvirning yana bir turi dekorativ naqqoshlik hisoblanadi. Kartina va monumental rangtasvirdan farqli bo`lgan mustaqil fikriy - obrazga ega bo`lmagan, dekorativ xarakterga ega bo`lgan syujetli rangtasir kompozitsiyalari dekorativ rangtasvir deyiladi. Dekorativ rangtasvir me`moriy inshoot va dekorativ - amaliy san`at buyumlaridagi bezaklarning turli ko`rinishlarini birlashtiradi.

www.arxiv.uz Me`moriy dekorativ bezak devorga, gumbaz, fasad va binoning boshqa elementlariga yoki xolstga bajarilishi mumkin. Teatr dekoratsiyasi ham rangtasvirning turlaridan biri hisoblanadi. Uning vazifasi spektaklning obrazini yaratishdan iboratdir. Spektaklni badiiy bezash stsenografiya deb ham yuritiladi. Teatr uchun turli - tuman dekoratsiyalarni yaratishda rangtasvir juda katta rol uynaydi. U saxnadagi san`at asarini bo`lib o`tayotgan joyi, vaqti, davri, stili va janrini aniq bera oladi. Teatr - dekoratsiyasi rangtasviri faqat asar xarakteriga emas, balki spektaklning rejissurasiga va rassomning individual ijodiy yondoshuviga ham bog`liq bo`ladi. Shuning uchun ham turli teatrlarda kuyilayotgan bitta spektakl turlicha bezatilishi va turlicha ahamiyatga ega bo`ladi. Hozirgi davrga kelib teatr-dekoratsiyasi san`tida ham turli tuman tendentsiya va oqimlar paydo bo`lgan. Ba`zi rassomlar dekorativ rangtasvirning realistik an`analarini davom ettirsalar, boshqalari shakl, rang. Yorug`lik va fazoni qo`llagan holda turli-tuman izlanishlar olib boryaptilar. Ba`zilari turli fakturali noan`anaviy materiallardan (plastik, metall, arkon, suyak va xoqazo) foydalanadilar. Hozirgi davrda esa lazer effektlari, lyuminestsent bo`yoqlari, videoapparatura, kompyuter grafikasidan ham foydalanayaptilar. Dekorativ rangtasvirning o`ziga xos xususiyatlaridan biri shundaki, u yorug`lik sharoitida, aniq saxna ko`rinishida qabul qilinadii va u harakatda ham bo`lishi mumkin. Teatrda san`atdagi sintez muhim ahamiyatga ega: dekoratsiyalarning dinamik kurilishi musikaga va saxna harakatining ritmiga mos kelishi kerak. Spektaklning yaxlit obrazi dramaturgiya, musika, yorug`lik, dekoratsiya, kostyum va grim asosida yuzaga keladi. Qo`llaniladigan texnikasi, uslublari va foydalaniladigan materiallariga qarab rangtasvirni quyidagi turlarga bulish mumkin: moybo`yoq li, temperali, mumli (enkaustika), emalli, yelimli, quruq suvoqka suv bo`yoqlar bilan ishlash (freska) va boshqalar. Ba`zi xollarda esa rangtasvirni grafikadan ajratish qiyin.

www.arxiv.uz Rangtasvir bir qatlamli, ya`ni tez tugatiladigan va ko`pqatlamli va nozik nyuanslarni va ranglarning go`zal tuslarini bera oluvchi lessirovka usullariga bo`linadi. Rangtasvir uchun zarur bo`lgan rangni rassom palitrada aralashtirib topadi, keyin bu bo`yoq kartina tekisligida rangga aylanadi. Bu yerda u rang tartibi - koloritni yaratadi. Ranglar aralashmasiga qarab u issiq va sovuq, quvnoq va g`amgin, tinch va harakatli, yorqin va to`q bo`ladi. Rangtasvir tarixidan Rantasvir juda qadimiy san`at. Uning asoslari qoyadagi tasvirlardan boshlanadi. Antik davr rassomlari rangtasvir asarlarida juda katta ta`sirchanlikka erisha olishgan, bu naturaga katta diqqat e`tibor qarashdan, shu bilan birga rangtasvir texnologoyasiga kiritilgan yangiliklar bilan bog`liq bo`lgan. O`rta asrlarda turli janrlardagi kartinalarning yaratilishi rangtasvir tarixini boyitdi. Keyingi yuz yilliklardagi turli oqim va yo`nalishlarda ijod qiluvchi rassomlarning ijodiy izlanishlari juda ko`plagan yangi rangtasvir oqimlarini (realizmdan abstraktsionizmgacha) vujudga keltirdi. Kuyi paleolit davrida yashagan odamlarning ijodida ularning hayvonlar dunyosi, tabiat haqidagi tasavvurlari o`z aksini topgan. Bu tasvirlarda asosan ov manzaralari aks etgan. Qoyalarda faqat rangtasvir asarlarigina emas, balki grafik va bo`rtma qoya tasvirlari ham saqlanib qolgan. Ibtidoiy davrlardagi qoya rasmlari o`zining mukammalligi, hayvonlar anatomiyasi, harakatining, jun fakturasining aniq berilishi va obrazli ta`sirchanligi bilan bizni hozirgi davrgacha lol qoldirib kelmoqda. Tasvirlar ma`naviy madaniyatimizni avloddan-avlodga yetkazishda asosiy vositalardan biri hisoblanadi. Antik davrlarda rassom dunyoni qanday ko`rsa o`shanday tasvirlashga harakat qilgan. Yorug`-soya printsiplari, perspektiva elementlari, hajmli-fazoviy rangtasvirning paydo bo`lishi shular bilan bog`liq bo`lgan. Yunon rassomlari inson tanasining tuzilishi, proportsiyasi, harakat plastikasini o`rganishgan. Rassomlar freskalardagi yunon vazalarida insonning xaqiqiy realistik tasvirlarini tasvirlashga

www.arxiv.uz erishishgan. Rangtasvir asarlarida borliqni tasvirlashning yangi imkoniyatlari paydo bo`ldi. Turar joylar, makbaralar, ibodatxonalar va boshqa inshoatlar rangtasvir asarlari bilan bezatilgan. U arxitektura va xaykaltaroshlik bilan badiiy, kompozitsiyani tashkil etgan. O`rta asr rangtasviri diniy mazmunga ega bo`lgan roman davri va asosan gotika davrida san`at sobor uchun xizmat qilgan, shuning uchun ham rangtasvir asarlari bilan faqat soborlar bezatilgan. Undagi ranglarning jarangdorligi, asosan lokal ranglar ishlatilishi, konturlarining ta`sirchanligi bilan ajralib turadi. Kartina va freskalarning foni shartli, neytral yoki tillarang bo`lgan, Ranglarning simvolikasi katta rol o`ynagan. Gotika rangtasvirida vitraj san`ati eng katta o`rin egallagan. Intererning sirli ko`lagasida oynalarni to`ldirib turuvchi vitrajlar yorqin ko`k, sariq, qizil ranglar bilan jilvalangan. U o`zgacha bir ruxiy sharoitni bergan. Hozirgi davrda Shartr soborida vitrajlarning eng go`zal namunalari saqlanib qolgan. Gotika davri - kitob miniatyurasi va boshqa dekorativ - amaliy san`at turlarining gullagan davri bo`ldi. Quyi gotika davri portretlari o`zining individual xususiyatlari, obrazlarining yuksakligi bilan ajralib turadi. Gotika san`atida psixologik tushkinlikdagi lirizm va tragizm, yuksak ma`naviyat va sotsial satira, aniq hayotiy tuzatishlar va fantastika organik ravishda bog`lanib kelgan. Jamiyatda rassomlarga bo`lgan munosabat o`zgarib ketdi. Ularning mehnati e`tiborga olina boshlandi. Uyg`onish (Renessans) - jahon san`ati rivojidagi eng buyuk davrlardan biri hisoblanadi. Uyg`onish davri Garbiy va Markaziy Yevropa mamlakatlari madaniyati tarixida o`rta asr madaniyatidan yangi davr madaniyatiga (Italiyada - XIV-XVI asrlar, boshqa mamlakatlarda - XV-XVI asrlar) o`tish davri bo`ldi. Uyg`onish davri ideallari insonparvarlik dunyoqarashi asosida ko`rildi. Yangi tarixiy davrda antik davr merosiga qiziqish kuchayib ketdi. Rassomlar u davr asarlaridan faqat nusxa ko`chirib qolmasdan. Balki yangi pozitsiyada turib ko`zdan kechirdilar. Inson va uni o`rab turgan dunyoni o`rganishga yo`naltirilgan

www.arxiv.uz insonparvarlik san`at printsiplari rivojlandi. Real dunyo va inson eng katta boylik sifatida ko`klarga ko`tarildi. Bu yangi sistema ko`pchilikda qiziqish uyg`otgan plastik san`atda munosib o`rin egalladi. Tasviriy san`at turlari rorasida rangtasvir eng asosiy egalladi. Ayniqsa monumental (freska) rangtasviriga qiziqish orta bordi. Diniy va mifologik mavzulardagi rangtasvir kompozitsiyalarida portret, maishiy va tarixiy ko`rinishlarda dunyoviy uyg`unlik, antropotsentrizm (inson koinot markazida) o`z aksini topdi. Bu fikrlar Leonardo da Vinchi ijodida to`liq o`z aksini topdi. Masalan, "Joqonda" (Mona Liza) asarini o`sha davr simvoli sifatida ko`rish mumkin. Rangtasvirchilar yuksak maxorat bilan madonnalarni tasvirladilar. Ular bu yorqin, esda qoluvchi obrazlari orqali dunyoviy go`zallikni tarannum etishgan. Uyg`onish davri rassomlari ijodining markazida mustaqil, hartomonlama rivojlangan shaxs turgan. Yangi tasviriy sistema naturani urganish asosida ko`rildi. Hajmni tushunish va uni yorug`-soya yordamida masalasini Mazachcho birinchi bo`lib ilgari surdi. Ilmiy asoslangan chiziqli va havo perspektivasi, yorug`-soya qonuniyatlari yaratildi. Bu Yevropa san`ati (Frantsiya, Ispaniya, Germaniya, Angliya, Rossiya) ning keyingi rivojlanishiga katta ta`sir ko`rsatdi. Uyg`onish davri buyuk insonlari: Leonardo da Vinchi, Rafael, Mikelandjelo, Jorjone va Titsian, Tintorettolar o`z ijodlarida davrning yangi dunyo qarashini aks ettirdilar. Niderlandiya, Frantsiya va Germaniya (XV-XVI asrlar) san`atining rivojlanishini Shimoliy Uyg`onish deb yuritiladi. Rangtasvirchilardan Yan Van Eyk, katta P.Breygellarning ijodi o`sha davr san`atining cho`qqisi hisoblangan. Germaniyada nemis Uyg`onishining buyuk rassomlaridan biri A.Dyurer hisoblangan. Ma`naviy madaniyat va san`atdagi Uyg`onish davri Yevropa san`atining keyingi rivojlanishiga o`z ta`sirini ko`rsatdi. Unga qiziqish hozirgi davrda ham saqlanib qolgan. XVII-XVIII asrlarda Yevropa rangtasvirining rivojlanish jarayoni murakkablashib ketadi, o`z an`analari va xususiyatlariga ega bo`lgan milliy

www.arxiv.uz maktablar vujudga keladi. Rangtasvirda psixologik muammolar chuqurlashib ketadi. Insonni o`rab turgan atrov-muhit, kundalik hayotga va real voqea - xodisalarga murojat qilish rangtasvirda ham janrlarning paydo bo`lishiga olib keldi. Bu janrlar manzara, natyurmort, portret, maishiy janr va xakozolar edi. San`atda turli stildagi yo`nalishlar yaratildi. Barokko stili Yevropa san`atida XVI asr oxiridan XVIII asr o`rtalarigacha bo`lgan davrda shakllandi. U Italiyada tugilib, Renessans davridan keyin boshqa mamlakatlarga yoyilib ketdi. Barokko stilining asosiy belgilari - tantanavorlik, ulug`vorlik, dinamika hisoblanadi. Barokko stilida chizilgan san`at asarlarida hayotmohiyati - ko`rash harakatda aks ettiriladi. Barokko san`ati bevosita inson psixologiyasiga, uning his-tuygulariga qaratilgan san`atdir. Unda ekspressiv chiziqlar va yorug`-soyalar o`ta keskin shaklda olingan bo`lib, asar kompozitsiyasining ta`sir kuchini yanada oshiradi. Barokko stilida turli san`atning yagona ansamblga birikib ketishini ta`kidlab o`tish lozim. Ayniqsa me`morchilik, xaykaltaroshlik, rangtasvir va dekorativ san`at birga shakllanadi. San`atdagi sintezga intilish Barokkoning asosiy belgilaridan biridir. Barokko stili xokimiyat va cherkovning buyukligini kuyladi. Shu bilan birga rangtasvirda dunyoqarashning murakkabligi, dunyoning cheksizligi va turli- tumanligi, uning o`zgaruvchanligi ham o`z aksini topdi. Barokko san`atida inson - dunyoning bir qismi, murakkab shaxs sifatida tasvirlanadi. Barokkoning xususiyati - u tamoshabin bilan emotsional kontaktga kirishish uchun renessans uyg`unligidan voz kechadi. Tasviriy sa`atda diniy va mifologik mavzuli monumental - dekorativ kompozitsiyalar, intererlarni bezash uchun portretlar yetakchi o`rin egalladi. Rokoko - XVIII asr Yevropa san`atidagi stillardan biri (XVIII asrning ikkinchi choragi va o`rtasi) Frantsiyada paydo bo`lib, o`z nomini naqshlardan asosiy elementlardan biri "roqayla" nomidan olgan. Roqayl shakliga ko`ra chig`anoqning buralib ketgan qismiga o`xshaydi.

www.arxiv.uz Park pavilonlari tabiat elementlariga o`xshab ketuvchi (dengiz chiganoqlari, g`aroyib o`simliklar, toshlar, qoyalar) detallar bilan bezatilgan. Shu sababli ham "rokayl" nomi kelib chiqqan. Oxir oqibatda "rokayl" termini barcha buralib, chatishib ketuvchi, xuddi chiganoqka, toshga yoki marvaridga o`xshab ketuvchi g`aroyib shakllarga nisbatan aytila boshlandi. Ba`zida "rokayl" termini Rokoko stilini belgilaydi. Interer, mebellar va dekorativ buyumlar, uyma va kuyma roqayl jingalaklaridan iborat bo`lgan garoyib, nafis bezaklar bilan bezatilgan. Barokko stilidan farqli ravishda Rokoko stili kundalik hayotning qulay bo`lishi uchun xizmat qilgan. Inshootlarning shiplari va devorlari bezaklar, releflar, amurlar maskasi, rangtasvir pannosi va ko`zgular bilan qoplangan. Dekorativ amaliy san`at buyumlari o`zining nafisligi bilan ajralib turgan. Ustalar chinni, zargarlik buyumlari, yog`ochga naqsh o`yib bezashda barcha tasviriy imkoniyatlardan foydalanganlar. Rokoko stili to`g`ri chiziqlar, order sistemasidan voz kechadi. unga yorqin tonlar, yengillik, assimmetriya, shaklning go`zalligi va g`aroyibligi xosdir. 1760 yilga kelib Rokoko stilini o`rnini klassitsizm egallaydi. Klassitsizm - XVII-XIX asrlar Yevropa san`atidagi badiiy stillardan biri bo`lib, uning muhim xususiyatlaridan biri bu yuqori Uyg`onish davri an`analariga tayanch va namuna bo`lgan antik san`atga yunaltirilganligidir. Klassitsizm stilida esa hamma narsa xotirjam va ulugvor. Uning namoyondalari Uyg`onish davri ijodkorlari singari antik va yuqori Uyg`onish davri an`nalarini qabul etib, uni rivojlantirishga harakat qiladilar. Lekin shu bilan birga klassitsizm vakillari o`tmish san`ati badiiy shakl va obrazlarini o`zlari yashab turgan davr mazmuni bilan to`ldirishga, boyitishga harakat qildilar. Davlat va shaxs, ideal va reallik, hissiyot va aql o`rtasidagi qarama-qarshiliklar yangi stilning murakkabligidan dalolat beradi. Klassitsizmning badiiy shakllariga obrazlarining aniqligi va garmonikligi, ulug`vor va xotirjamligi xosdir.

www.arxiv.uz Klassitsizm va Barokko stilini yaxlit tantanavor stil sifatida birlashtirilgan me`moriy yodgorliklardan biri bu - Versaldagi frantsuz qirollari (XVII asr ikkinchi yarmi) qarorgohidir. XIX asr rangtasviri jamiyat hayotida muhim rol o`ynashda davom etdi. Romantizm rangtasviri tarixiy va zamonaviy hayotning dramatik voqealariga qiziqish bilan qaradi. Kartinalar yorug`lik va soyaning kontrastliligi, koloritning to`yinganligi bilan ajralib turgan. Romantizm - XVIII asr oxiri va XIX asrning birinchi yarmida Yevropa va Amerika madaniyatida shakllangan yo`nalishlardan biri. U san`atning barcha turlari, falsafa va gumanitar fanlarda o`zini namoyon etdi. Romantizm falsafa va klassitsizm estetikasiga, ratsionalizm va jamiyatning ma`naviyatsizligiga qarshi kelib chiqdi. Romantik ideal asosida boshqa xalqlar tarixi, san`atiga, milliy madaniyat va folklorga qiziqish shu bilan birga ijodkor shaxsning mustaqilligi yotadi. Romantizmning xarakterli belgilaridan biri - bu ideal bilan reallik orasidagi o`tkir qarama-qarshilikdir. Romantiklar san`atning sintezi va o`zaro aralashib ketishini, san`atdagi turlar va janrlarning bog`lanib ketishini izlashgan. Romantizm vakillari san`atni his-tuyg`uga voqelikni dinamik harakat vaqtida tasvirlashga, yorqin ranglar gammasiga alohida e`tibor berdilar. Ular klassitsizm vakillariga nisbatan real voqelikka ko`proq e`tibor bera boshladilar. Romantizm oqimining o`ziga xos tomonlari shu oqimning yirik vakili va asoschilaridan biri T. Jeriko ijodida o`z ifodasini topdi. Rangtasvirchilar T. Jeriko va E. Delakrualar yorqin to`q koloritga va mustaqil dinamik kompozitsiyaga ega bo`lgan asarlar yaratdilar. Ular tabiiy va sotsial falokatlarga qarshi tura oluvchi ma`naviy va jismoniy jihatdan juda kuchli bo`lgan insonlar obrazlarini yaratdilar. Tasviriy san`atdagi romantizm akademik qonunlardan yuz o`giradi. u lirika, qahramonlik, hissiyotli, kulminatsion va dramatik voqealarni aks ettira boshladi. XVIII asrning oxirlaridan boshlab Yevropa san`atida realistik oqim asosiy oqimlardan biriga aylanib bordi.

www.arxiv.uz Realizm - bu voqea va xodisalarni badiiy ijodga xos bo`lgan spetsifik vositalar bilan har tomonlama, haqqoniy, ob`ektiv aks ettirishdir. San`atshunoslikda "realizm" tushunchasiga turlicha qarashlar mavjud. Umuman olganda realizm borliqni bilishning ma`naviy - amaliy vositasi sifatidagi, dunyo san`atining eng yaxshi an`analarini davom ettiruvchi, insoniyatning badiiy madaniyatini rivojlanishi tendentsiyasi sifatida ko`riladi. Asarning realligi o`lchovi esa hayotning eng muhim tomonlarini badiiy shaklda aks ettirish, inson hayotiga suqilib kirishi hisoblanadi. San`atning rivojlanishi davomida realizm konkret - tarixiy shakllarga va ijodiy metodlarga ega bo`lgan. Bo`lar tankidiy, sotsialistik va ma`rifiy realizmdir. Qisqacha aytganda realizm xuddi badiiy stil sifatida ko`riladi. U XVIII asrda paydo bo`lgan. Realizm inson shaxsini u yashab turgan jamiyat va undagi sotsial ahvoli bilan aloqadorlikda o`rganadi. "Realizm" termini tasviriy san`atda XIX asr o`rtalarida paydo bo`lgan. Uning ajralib turuvchi xususiyatlaridan biri insonlarning kundalik hayotiga diqqatni kuchaytirishdir. Amerika va Yevropa mamlakatlaridagi tanqidiy realizm kambag`al halq hayotini tasvirlaydi va jamiyatning boy qatlamiga qarshi qo`yadi. G. Kurbe, F. Mille va boshqa frantsuz rassomlarining ijodi jamiyat hayotidagi qarama- qarshiliklarni tasvirlashga qaratilgan. Realistik fikrlash tendentsiyasi san`atning turli ko`rinishlari va janrlarida turlicha namoyoni bo`ladi. Shuni ta`kidlab o`tish lozimki badiiy obrazning ta`sir kuchi uning real ob`ektga o`xshashligida emas, balki uning natural tasvirligidadir. Bunday holda primitiv san`at akademik rangtasvirga nisbatan ham real ko`rinishga ega bo`lishi mumkin. Kichik gollandlar naturalizmi yoki impressionistlar ijodini ham real tasvir deyish mumkin. Ko`pincha naturalizm voqea-xodisalarni ichki jarayonlariga chuqur kirmasdan turib, faqat tashqi o`xshashlik bilan qanoatlanib, o`zining hayotiyligi va realligini yo`qotadi, aksincha abstrakt fikrlash esa reallikni aniq tasvirlashi mumkin. Chunki abstrakt tasvir tasvirlanayotgan predmet yoki xodisaning eng chuqur haqiqatini anglab olishi mumkin. Realistik san`atning

www.arxiv.uz badiiy-obrazli mazmuni rassom tomonidan konkret fikrni aks ettirish uchun tanlangan shakli bilan mos kelishi deb hisoblash mumkin. Realizm metodining belgilaridan biri borliqni aks ettirishdagi ishonarlilikdir. Shu bilan birga realistik san`at borliqni badiiy aks ettirish, umumlashtirish va tushunishning turli-tuman vositalariga ega. Masalan, Mazachcho va P. Della Francheska, A.Dyurer va Rembrandt, J.L. David va O. Dome, I.Repin, V.Surikov, V.Serovlarning realizmi bir-biridan juda katta farq qiladi. Bu realizmning ijodiy imkoniyatlarini juda kengligidan dalolat beradi. Impresionizmning vujudga kelishi rangtasvirda to`ntarish yasab, uzoq yillar davomida uning rivojlanishiga katta ta`sir ko`rsatdi. Imperessionizm tiniq ranglarni optik aralashtirish va faktura berish imkoniyatlarini, dunyoning o`zgaruvchan go`zalligini berish usullarini aniqlab berdi. Impressionizm "Impressionizm" so`zi frantsuzcha "taassurot" ma`nosini anglatib, o`tgan asrning 70-90 yillarida jahon san`atida keng tarqalgan uslubiy yo`nalishni ifoda etadi. Impressionistlar ijodida manzara janri oddiy tabiat ko`rinishining aksidan inson qalbi to`lqinlarini ifoda etish vositasiga aylandi. Impressionist rassomlar manzaralarida asta-sekin konkret inson obrazi individual xarakter ifodasimas, balki tabiatning ajralmas bir qismi sifatida idrok qila boshlandi. Ochiq havoning badiiy- estetik ko`rkidan hayratlanish tobora kuchayib bordi va turli mavsumiy makondagi ko`rinishlar soniyasi asosiy badiiy obraz sanaladi. Impressionistlar tarixan shakllangan yoki zamonaviy tasvir maktabi va yo`nalishlariga nibatan badiiy obraz olamiga juda ko`p yangiliklar olib kirdi. Shahar ko`rinishlarining realistik tasviri bo`yicha ularning originalligi ko`zga yaqqol tashlandi, tabiat lavxalaridagi hamoxang tarzda tasvirlay oldilar, shahar hayotining kamalak singari tovlanishi, odamlar, binolar, muhit, havo hamda daraxtlarning rangin ritmi turli vaziyatlar bilan uyg`unlashib harakat simfoniyasini tashkil etadi.

www.arxiv.uz Ular bo`yoqlarning toza o`z kuchini saqlab qolgan holda yonma-yon qo`yish orqali nur tovlanishiga erishishni maqsad qilib qo`ydilar. Tasvirlanayotgan hamma narsalarda quyosh nurlariga cho`milgan vaziyatni ifodalashga ko`chdilar. Impressionizm o`z tasvir programmasi va erishgan muvaffaqiyatlari jihatidan ko`p qirrali ijodiy yo`nalish edi. Impressionizm oqimining o`ziga xos tomoni shu oqimning asoschilaridan biri Klod Mone ijodida namoyon bo`ldi. K. Mone realistik plener Ғochiq havodagiҒ manzarasini yaratuvchilardan biri edi. Shuningdek inson obrazi ham uning ijodida markaziy o`rinni egallaydi. Rassomni asosan oftob jamoli, muhit ahvoli kiziktiradi. Realistik tasvirga xos bo`lgan inson xarakteri va muhit bilan aloqadorligi emas, balki inson manzara obrazini ochishda bir zarur element tarzida tasvirlandi. Uning "Pichan g`arami", "Ko`knori dalasi", kabi asarlari mavjud. 1874 yili bir guruh yosh rassomlar-Mone, Pissaro, Sisley, Renuar, Sezann, Berta Morizo, Degalar o`zlarining birinchi gruppali ko`rgazmasini tashkil qildilar. Rassomlarning asar yaratishda etyud holatini saqlab qolishi, o`z sub`ektiv kechinmalariga burkanganliklarini ko`rgan bir tanqidchi ularga "impressionistlar" laqabini qo`yadi va shu tariqa bu so`z san`at tarixiga ma`lum yo`nalish ifodasi sifatida qoladi. Tomoshabinlar shahar ritmi, asabi va havodagi namgarchilik, osmon qa`ridagi bulo`tlarning bezovta harakatlaridan hayratga tushdilar. Bu rassomlar biror kun yoki biror manzaraning turli vaqtlarga xos "nafas" olishini kuzatadigan va shunga mos keluvchi kechinmalarni matoga muhrlaydigan printsipga ko`chdilar. Impressionistlar polotnosida voqelikning moddiyligidan ko`ra undan olingan kechinmalar asosiy o`rinni egallaydi. Kamil Pissaro impressionistlarning tipik vakili bo`lib, o`z kartinalarida realistik tasvirning bevosita hayotiy manzaralarini ifodalash jihatidan ajralib turadi. Aksariyat impressionistlar tasvirlanayotgan hodisalarning bir lahzaliligiga ahamiyat bergan bo`lsalar, Pissaro tabiat va shahar manzaralaridagi doimiylik va boqiylikni ko`rsatishni sevardi.

www.arxiv.uz Uning kompozitsiyalari tugallanganlik va yagona ruhiy koloristik birlik qonuniyatlariga asoslangan edi. "Vuazin qishlog`iga kiraverishda", "Parijning Monmartr xiyoboni", "Sidxemdagi ko`cha" singari asarlari bunga misol bo`la oladi. Alferd Sisley manzaralari lirik ruhi va tasvirdagi san`atkorona erkinligi bilan ajralib turadi. Boshqa impressionistlarga nisbatan O.Renuar o`z ijodida inson obrazini asosiy tasvir va hayrat mavzui qilib oladi. Bunday asarlarga "Madam Samari", "Kiyimsiz ayol" kabi asarlarini misol qilsak bo`ladi. Postimpressionizm Asta sekin impressionizm namoyondalari orasida realistik tasvirdan uzoqlashish va dekorativizm, simvolizm, divizionizm singari oqimlar ruhida qilqalam tebratish kuchayib bordi. XIX asrning II-yarmida impressionistlar orasida yangi nomlar paydo bo`ldi. Divizionizm asoschilari Sera va Sin`yak, dekorativ- simvolik asarlar muallifi Gogen, moddiylikni ijod mezoni qilgan Sezann, ekspressiv adabiy asarlar ustasi Van Gog hamda Tuluz Lotrek singari rassomlar yetishib chiqdiki, ular "Postimpressionistlar" nomini oldi. Jorj Sera va Pol Sin`yaklar "sof" impressionistlardan farqli o`laroq va rang qo`yish yo`llarida optika bo`yicha ilmiy izlanishlarga asoslanishga o`rindilar. Sera fikricha, rassom bo`yoqlarni shunday parchalay olishi kerakki, natijada u nimranglarning qanchalik o`zaro yaqin va aloqadorligini ham tasavvur qila olsin. Natijada Sera toza dekorativizm printsipiga qurilgan kartinalar ishlay boshladi. Uning monumental-dekorativ kompozitsiyalari tugallanganligi va yaxlitligi bilan ajralib turadi. Jorj Sera "Cho`milish". Seraning sovuq mantiqiy tahlilga qaratilgan rangtasviridan Pol Sinyakning lirik-emotsional manzaralari farq qiladi. P. Sin`yak ijodini yorqin ifodalaydigan asarlardan biri "Dengizning qumli qirg`og`i" manzarasidir. Bu manzarada romantik kayfiyatlar asosiy tasviriy vosita vazifasini bajargan. Shuningdek hayotiy lavxa, ko`rinishni tasvirlashni ham asosiy badiiy vazifa deb tushungan. Rassomning "Qarag`ay. Sen -Tropez" manzarasi esa endi u impressionizm yo`lini chuqur egallaganini va hatto o`z dastxatiga ega

www.arxiv.uz bo`lgan san`atkor ekanligini yaqqol namoyish etadi. Mone, Renuar, Sisleylar bilan bir davrda ijod qilgan Pol Sezann asarlari postimpressionizmning tipik namunasidir. Uning kartinalari moddiyligi va realistik ekspressivligi bilan ajraladi. Agar realistik maktab namoyondalari (Kurbe, Mille) nur va soyalar orqali obraz to`qigan bo`lsalar, Sezann o`zaro zid ranglar to`qnashuvi asosida ish ko`radi. Klod Monening besabr, o`zgaruvchan tasviriga qarama-qarshi o`laroq Pol Sezann narsa va hodisalarning ichki turg`unligi, geometrik barqarorligini ta`kidlaydi. Impressionistlar o`z manzaralariga, albatta, inson obrazini kiritib, tabiatdagi harakat, o`zgarishlarni ko`rsatishni sevishgan bo`lsalar, Sezann koloristik manbalarida ularga yaqinlashsada, uning manzaralarida odam uchramaydi. Sezann o`z natyurmortlarida shakl yaratishning ichki strukturasini topishga, obraz mohiyati kolorit qurilmalarining birligidan tashkil bo`lishiga katta ahamiyat berdi. Uning bu intilishi keyinchalik avangardist- modernistlar deb atalgan va kubizm maktabiga xos rassomlar tomonidan ilib ketildi. Sezann ijodida odamga nisbatan "natyurmort munosabat"dan tortib, inson ruhiyatidagi turg`un holatlarni aks ettiruvchi asarlar yaratishgacha bo`lgan jarayon uchrab turadi. "Xotinim portreti". "Cho`milayotgan ayol", "Shaftoli va noklar","Pero va Arlekin", "Qizil nimcha kiygan bola", "Avtoportret", "Karta o`ynovchilar" va hokazo asarlar Sezann badiiy dahosining yorqin ifodasidir. Pol Gogen, Van Gog, Tuluz Lotrek singari rassomlar ham postimpressionizmning yirik vakillaridan edilar. Shunday qilib, impressionizm va postimpressionizm tasviriy san`at tarixida yangi, yorqin va ijobiy oqim sifatida tasvir vositalarini boyitdi, jahonga mashhur daholarni berdi, XX asr san`ati taraqqiyotiga ham samarali ta`sir ko`rsatdi. XIX asr oxiri va XX asr boshlarida rangtasvirning rivojlanishi juda murakkablashib ketadi. Ayniqsa ikkinchi jahon urushidan so`ng turli oqimlar vujudga keldi. Formalistik va realistik san`at orasidagi kurash keskinlashdi. Modern

www.arxiv.uz Modern - XX asrdagi badiiy stillardan biri. (Boshqacha nomlanishi - art nuvo). Modern stilini "Zamonaviy" so`zining umumiy ma`nosidan va "Modernizm" tushunchasidan ajrata bilish lozim. Modern stilining asosiy belgisi- dekorativlik, asosiy motivi - buralib o`sayotgan o`simlik. Asosiy printsipi - tabiat shakliga taqlid qilish va aksincha bo`ladi. Bularning hammasi me`morchilikda, binolar detalida, bezaklarida o`z aksini topdi. Bezaklardagi chiziqlar o`zida ma`naviy-ruxiy, simvolikani aks ettiradi. Modern stili san`atlar sintezi ideyasi bilan sug`orilgan. Bunga misol qilib eng avvalo o`zida san`atning barcha turlarini rantasvirdan tortib to kiyimlar modeligacha bo`lgan sohalarini birlashtiruvchi me`morchilikni ko`rsatish mumkin. Me`morchilikdagi modernda konstruktiv va dekorativ elementlar organiq birikib keladi. San`atlar orasidagi sintezga yorqin na`muna sifatida qasrlar, pavilonlar, jamoat binolarini ko`rsatish mumkin. Bunday binolarning fasadi simmetrik bo`lmagan va tabiat shakllariga o`xshash, shu bilan birga haykaltaroshning mustaqil ijodi hosilasidir. Bunday binolarning ichki tuzilishi, binoning tashqi ko`rinishiga ham o`z ta`sirini ko`rsatadi. Ispan arxitektori A.Gaudining ijodi-yaxlit obrazli-simvollik ansamblga yorqin misol bo`la oladi. Uning ijodida reallik va fantaziya qorishib ketadi. Modernning badiiy tili ko`pincha murakkab stilizatsiyalashgan o`simliksimon bezaklar, qayrilma, cho`zilib ketuvchi chiziqlar va tekis rang dog`lari bilan bog`lanib keluvchi ko`pgina fikrlar va obrazlar simvolikasi bilan mujassamlashib keladi. Dekorativ san`at asarlari panno, mozaika, vitrajlar, keramik qoplamalar, dekorativ releflar, mayolika xaykaltaroshligi, chinni va shisha vazalar xuddi shu ruhda bajarilgan. Frantsiyadan P. Gogen, M. Deni, P. Bonnar, Avstriyadan G. Klipet, Norvegiyadan E. Munk, Rossiyadan M. Vrubel, V. Vasnetsov, A. Benua, L. Bakst, K. Samovning rangtasvir asarlarini modern bilan aloqadorlikda ko`rish mumkin. XIX asr o`rtalaridan Rossiyada tanqidiy realizm keng quloch yoydi. U P. Fedotovning janrli asarlarida, V. Perov, sayyor - rassomlar I. Kramskoy, V.

www.arxiv.uz Makovskiy, N. Yaro ҳ enko, I. Repin va boshqalar asarlarida o`z aksini topdi. Ular o`z asarlarida jamiyatdagi turli qarama-qarshiliklarni aks ettirdilar. Rossiyaning madaniy hayotidagi muhim voqealardan biri bu mashhur rassomlar I. Kramskoy, G. Myasoyedov, N.Geva V. Perovlar tashabbusi bilan 1870 yilda "Ko`chma ko`rgazmalar birodarligi" birlashmasining tashkil etilishi bo`ldi. Unda mashhur rus tankidchisi V.V. Stasov hamda san`at xomiysi P.M. Tretyakovlarning roli katta bo`ldi. "Ko`chma ko`rgazmalar birodarligi" o`z tevaragida ilg`or san`atkorlarni birlashtirib, halq hayotini aks ettiradigan realistik san`atni rivojlantirish va targib etishni o`zining asosiy maqsadi deb bildi. Shu maqsadda Rossiyaning turli joylarida badiiy ko`rgazmalar tashkil etildi. Bu birlashmaga a`zo bo`lgan, uning goyaviy platformasini tan olgan va ko`rgazmalarida qatnashgan rassomlar "sayyor rassomlar" (peredvijniklar) deb nomlandilar. Shunday rassomlardan biri Vasiliy Grigorevich Perov (1833-1882) edi. U o`zining bo`tun ijodiy faoliyatida halq hayotini tasvirlashga, mavjud tuzum kamchiliklarini ochib berishga intildi. Uning bu intilishlari "Uchovlon", "Marxumni kuzatish", "Chegaradagi mayxona" kabi qator asarlarida o`z ifodasini topdi. "Uchovlon" kartinasi kuchli dramatizm bilan ifodalangan. Uch o`smirning katta bochkadagi suvni chanada tortib kelayotgan paytini tasvirlab, rassom o`z yoshlariga nomunosib mehnat azobidan qiynalayotgan qashshoq bolalar obrazini yaratadi va shu orqali jamoatchilikni ijtimoiy tuzumning jirkanch tomonlariga e`tibor berishga da`vat etadi. "Qishloqda Pasxa paytidagi yurish", "Mitishchadagi choyxo`rlik" kabi asarlarida esa ruhoniylarning riyokorligi, johilligi va ahloqiy tubanligini fosh etadi. Aksincha "Murabbiyaning boy xonadoniga kelishi" deb nomlangan kartinasida kambag`al ziyoli ayollarning og`ir qismati obrazli talqin etiladi. "Sayyor rassomlar"ning yo`lboshchisi, "Ko`chma ko`rgazmalar birodarligi"ni tashkilotchilaridan biri Ivan Nikolayevich Kramskoydir (1837-1887). U portretchi san`atkor sifatida taniqli bo`lib, uning asarlari o`zining chuqur psixologizmi bilan

www.arxiv.uz ajralib turadi. Bu o`rinda uning "Tolstoy portreti" asari diqqatga sazovordir. Rassomning ko`pgina portretlari janrli talqin etiladi, ya`ni tasvirlanayotgan obraz biron bir narsa bilan shug`ullanayotgan paytda, tevarak-atrof ko`rinishi bilan tasvirlanadi. Shunday portretlar ichida "Nekrasov portreti", "Notanish ayol" asarlari xarakterlidir. "Ko`chma ko`rgazmalar birodarligi" birlashmasining eng gullagan davri 60-70 yillarga to`g`ri keladi. Shu yillarda xalq hayotining butun mohiyatini ochib bera oladigan yirik asarlar yaratildi. XIX asrning ikkinchi yarmidan boshlab rus badiiy hayotida faol ishtirok eta boshlagan, birodarlik birlashmasining faol ishtirokchilaridan biri, buyuk rus rassomi Ilya Yefimovich Repin (1844-1930) o`zining bo`tun umrini rus san`atining ravnaqiga bag`ishladi. Repin tarixiy, maishiy va portret janrlarida samarali mehnat qilgan. Uning bu janrdagi asarlari o`zining chuqur psixologizmi, badiiy tilining soddaligi va tushunarliligi hamda yuksak professional mahoratda ishlaganligi bilan kishini hayratlantiradi. Repinning studentlik yillarida yaratgan "Volgadagi burlaklar" (1870-1873) asari rus badiiy hayotida muhim voqea bo`lib, buyuk san`atkor dunyoga kelganligini bildirdi. Shu bilan birga bu asar yosh rassomning dunyoqarashi va estetik idealini yaqqol namoyon etdi. Repin bu asarida burlaklarning og`ir mehnatini tasvirlar ekan, chor Rossiyasida mavjud bo`lgan ekspluatatsiyani qattiq qoralaydi. Shu bilan birga halqning ulug`vorligi va buyuk kuchidan g`ururlanadi, ular ichidan yetilib chiqayotgan "isyonkor yoshlar" obrazida davr ruhini. Kishilarning shu turmushga bo`lgan noroziligini ochib beradi. Repin ijodining eng gullagan davri 80- yillarga to`g`ri keladi. Shu yillarda "Kutmagan edilar", "Ivan Grozniy va uning o`g`li Ivan", "Zaparojeliklar" kabi buyuk asarlarni yaratdi. Repin portret ustasidir. U mashhur zamondoshlarining portretlari galeriyasini yaratib qoldirdi. Bular ichida M.P.Musorgskiy, L.N. Tolstoy portretlari diqqatga sazovordir. Buyuk rus rassomi Vasiliy Ivanovich Surikov (1848-1916) tarixiy janrlarda ijod qilgan. U o`z asarlarida halqni tarixiy rivojlanishning asosiy kuchi ekanligini ko`rsatishga harakat qildi. Surikovning dastlabki yirik asari 1881 yilda yaratilgan

www.arxiv.uz bo`lib, u "O`qchilar qatl etilgan tong" deb nomlanadi. Bu asarda rassom Petr I davrini tasvirlab, uning ziddiyatlarini ochib ko`rsatdi. Asarda eskilik tarafdorlari - o`qchilar bilan Rossiyani tubdan o`zgartirishga intilgan Petr I o`rtasidagi ruhiy kayfiyat ochib beriladi. "Menshikov Berezovada" asari ham Petr davri voqealariga bag`ishlangan. Petr I ning yaqin safdoshi Menshikov Petr I o`limidan so`ng Yekaterina II tomonidan oilasi bilan surgun qilinadi. Asarda Menshikovning surgundagi payti aks ettirilgan. Asar mohiyati Menshikovning hissiy kechinmalarining yoritilishi hisobiga yechiladi. Menshikovning yuzi, qo`l harakati, uning iroda kuchi va o`z farzandlariga qayg`urishi cheksiz va tuzatib bo`lmas fojianing yechilishiga xizmat qilgan. "Boyar xotin Morozova" kartinasi Surikov ijodining eng kamol topgan davrida yaratilgan bo`lib, unda san`atkor so`ng gi damlargacha o`z e`tikodlariga sodik qoluvchi insonning yorqin obrazini yaratib bergan. Surikovning "Ermakning Sibirni zabt etishi", "Suvorovning Alp toglaridan oshib o`tishi" kabi asarlari ham rus san`ati tarixida muhim o`rinni egallaydi va muhim tarixiy voqealar haqida xiqoya qiladi. XIX asrning ikkinchi yarmida samarali ijod qilgan Viktor Mixaylovich Vasnetsov (1848-1928) o`z ijodida halq doston va ertaklaridan olingan syujetlar asosida asarlar yaratdi. Uning "Pahlavonlar", "Alenushka", "Bo`ri mingan shahzoda", "Uchar gilam" kabi asarlari mashhurdir. Bu asarlar orqali halqning baxt-saodati va adolat haqidagi orzu-umidlari kuylanadi. XIX asrning ikkinchi yarmida portret san`ati borasida katta yutuqlar qo`lga kiritiladi. Bu davrga kelib rassomlar ijodida zamonning mashhur kishilari portretlari bilan bir qatorda ishchilar, revolyutsion kayfiyatdagi ziyolilar obrazi o`z ifodasini topa boshladi. V.A. Serovning (1865-1911) "Ermolova portreti", Nikolay Aleksandrovich Yaroshenkoning (1846-1898) "Kochegar", N.A. Kasatkinning (1859-1930) "Smena", "Shaxtyor ayol" kabi asarlari bunga misol bo`la oladi. Bu davrda xaqiqiy rus milliy manzara rangtasviri maydonga keldi. Manzarachi rassomlar rus o`lkasining go`zalligi, bepoyonligini ko`rsatish orqali kishilarda vatanparvarlik hislarini ustirishga, oddiy tabiat ko`rinishidagi go`zallikni to`laqonli

www.arxiv.uz ifodalashga harakat qildilar. Tabiatning turli holatlarini (salqin, nam havoli tabiat, quyoshli kun va xokazolarni) real tasvirladilar. Aleksey Kondratevich Savrasov (1850-1897) shunday birinchi rassomlardandir. Uning "Qora qargalar uchib kelishdi" deb nomlangan suratida qish qaytib, tabiatning jonlanishi ishonarli va jonli talqin etilgan. Shu davrda yashagan Ivan Ivanovich Shishkin (1832-1898), Fedor Aleksandrovich Vasilev (1850-1873), Vasiliy Dmitrevich Polenov (1844- 1927) kabi asarlari bunga misol bo`la oladi. Bu davrda haqiqiy rus milliy manzara rangtasviri maydonga keldi. Manzarachi rassomlar rus o`lkasining go`zalligi, bepoyonligini ko`rsatish orqali kishilarda vatanparvarlik hislarini o`stirishga, oddiy tabiat ko`rinishidagi go`zallikni to`laqonli ifodalashga harakat qiladilar. Tabiatning turli holatlarini (salqin, nam havoli tabiat, quyoshli kun va hokazolarni) real tasvirladilar. Shu davrda yashagan Ivan Ivanovich Shishkin (1832-1898), Fedor Aleksandrovich Vasilev (1850-1873), Vasiliy Dmitrevich Polenov (1844-1927) kabi rassomlar ham rus manzara rangtasvirining xaqiqiy namunalarini yaratib qoldirdilar. Ularning asarlarida Rossiya tabiatining go`zalligi va bepanligi realistik san`at tilida kuylanadi. XIX asrning ikkinchi yarmida yashab ijod etgan yirik rus rassomi I.I. Levitanning mavzusi ham rus tabiatini kuylashga qaratilgan. U o`z asarlarida tabiat go`zalligi va ulugvorligini ko`rsatish bilan birga, asarlarini davr kishilarining ruhi bilan to`ldirishga, o`zining hayot to`g`risidagi falsafiy fikrlarini bayon etishga harakat qildi. Uning "Vladimirka", "Qabr ustida", "Abadiy sukunat" kabi asarlari shunday asarlardandir. XX asr boshlarida avangard rangtasvirida ko`pgina yo`nalishlar (abstraktsionizm, andegraund, kubizm, fovizm, fo`turizm, ekspressionizm va boshqalar)paydo bo`ladi. Bu yo`nalishlar tasviriy ifodaviylikdan voz kechib, rassomning dunyoga shaxsiy munosabatini, rangning emotsionalligi va shartliligini, shakl geometriyasi, dekorativligini faol aks ettirdi. Keyinchalik XX asrning 20 va 30 yillarida avangard yo`nalishda syurrealizm yunalishi paydo bo`ldi.Syurrealizm frantsuzcha so`z bo`lib, realizmdan yuqori degan ma`noni bildiradi. Syurrealistlarning asarlarida mistik g`oyalar voqelikni o`ta illyuzion- naturalistik tasvirlanishi bilan bir qatorda uning ko`rinishini kishi aqliga to`g`ri

www.arxiv.uz kelmaydigan darajada buzib ko`rsatilgandek tuyuladi. S. Dali bu oqimning yirik vakilidir. Uning "O`lik shahar " deb nomlangan asari shu oqimning o`ziga xos xususiyatini ifodalaydi. Uning "Atom-Ledi" ("Atom malikasi"), "Venera Milosskaya", "Kechki ovqat", "Dollar tantanasi", "Qullar bozori", "Pol Elyuarning portreti" kabi asarlari mavjud. XX asr boshidagi yana bir yo`nalishlardan biri bu kubizmdir. Bu yo`nalish hajmli shakllarning geometrik strukturasini aniqlashtirish, real predmetlarni ichki tuzilishi bilan bog`liq holda qismlarga ajratish orqali yangi shakl tuzishni o`z oldiga maqsad qilib qo`yadi. Kubizm nomi predmetlarning tashqi ko`rinishi shar, konus, prizma, kubga o`xshab tasvirlanishidan kelib chiqqan. Frantso`z san`atida kubizm 1900-1910 yillarda kelib chiqqan. Uning asoschisi P.Pikasso ("Avin`on qizlari", 1907) hisoblanadi. Kubizm tarixi uch davrga bo`linadi. Bular sezann, analitik va sintetik davrlar hisoblanadi. Sezann davri kartinalarida shakl geometriyasi dunyo predmetliligini, shakllar geometriyasini ta`kidlaydi. Xuddi og`ir hajmli predmetlar xolst tekisligida turganday, rang esa predmet qirralarini aniqlashtirib beradi. (P.Pikasso "Uch ayol", 1909 y; J.Brak "Estak", 1908 yil). Keyingi analitik davr san`atida predmetlar bir-biridan ajralib turgan, tekislik burchagida to`tashuvchi va mayda qirralarga bo`lingan holda tasvirlanadi. Bitta tasvirning o`zi turli tomondan va har hil rakursda tuziladi. Bu shakllar, tekislik va hajmlarni ritmik o`yiniga olib keldi.Tasvir xuddi xolstda suzib yurgandek taassurot qoldiradi. (P.Pikasso "A. Vollar", 1910 y). Oxirgi sintetik davrda dekorativlikka amal qilinadi. Kartina go`zal rangli, tekis pannoga aylanadi. (P.Pikasso "Gitara va skripkalar", 1913 y. ; J. Brak "Gitarali ayol", 1913 y.). asar yaratishdan asosan kollajdan foydalanilada. Ob`ekt turli - tuman fragmentlar va belgilar, so`z, raqam, nota, gazeta qirqimlari va rangli qog`ozlar, sxematik rasmlar va bo`yoq mazoklaridan to`planadi. Tasvirlarda perspektiva va hajmlardan voz kechilgani bilan real hajmli konstruktsiyalar xolst tekisligiga joylashtiriladi. Shu bilan birga figuralarni deformatsiyalab, geometrik shakllarning kubli xaykali paydo bo`ladi.

www.arxiv.uz Kubizm - predmetlarning ichki, falsafiy mohiyatini yangi vositalar orqali ochishni, reallikni bilishni o`z oldiga maqsad qilib qo`yadi. U realizmdan voz kechib, standart go`zallikni keltirib chikardi. P. Pikasso kartinalarida kubizm davrida ulkan, yemirilayotgan dunyoning tragik obrazi yaratiladi. O`sha davr san`at oqimlaridan biri bu - abstrakttsionizmdir. Bu oqim butunlay realizmni inkor etadi. Abstrakt so`zi lotincha bo`lib, mavhum degan tushunchani anglatadi. Abstraktlash narsa, voqea, hodisalarning mavxum tomonlarini aniqlash, ularning juz`iy tomonlari asosida fikr yuritishdir. Abstrakttsionizm voqelikni o`ziga o`hshatishdan voz kechish va uning o`rnini shu voqelik to`g`risida tasavvur bera oladigan shakl, rang dog`lari, chiziqlar orqali tasvirlashga da`vat etadi. Bu oqim nazariyotchilari esa rassom o`z asarlari orqali tomoshabinga biror-bir g`oya, fikr, his-tuygu yoki kayfiyat berishi shart emas, tomoshabin rassom tasvirlangan turli rang dog`lari, chiziqlar, hajmlardan o`ziga kerak bo`lgan faraziy-optik tasavvur qilishi kerak deb ta`lim beradilar. Abstrakt tasviriy usul ham ijod doirasida mo`tlaqo zararsizdir. Chunki har bir usulning ham kamchiligi yoki yutug`i bo`lishi mumkin. Shunga asosan, unga yutuqlari ma`nosida yondoshsak, bu sohada ham tomoshabinni hayajonga soladigan, fikrini uyg`otadigan o`rinlarni topsak ajab emas. Ba`zan hayotda abstrakt usulning zaruratini ham sezishimiz mumkin. Jumladan, to`qimachilikda, ya`ni gazlamaga gul solishda, bezashda abstrakttsionizm - erkin san`at oqimi kul keladi. Tasviriy san`atning bu turi haqida juda ko`p fikrlar, muloxazalar aytib kelinadi. Hatto ularning qay biri haq, qay biri nohaqligini ajratish qiyin. Ba`zida shunday vaziyat vujudga keladiki, badiiy bezak faqat "abstraktsiya" san`ati yechimida o`zining tugal darajasiga erishadi. XXI asrda rangtasvir asarlarini yaratishda yangi texnik vositalar va yangi bo`yoqlar, yangi fikr, obraz, shakllarni izlash jarayoni davom etadi, bu esa tasviriy san`atda yangi oqim, yo`nalishlar paydo bo`lishiga shubhasiz turtki bo`ladi. Rangtasvir janrlari Rangtasvir texnikasi asrlar davomida muntazam ravishda mukammallasha borgan. Rantasvirchilarni turli-tuman syujetlar borgan sari e`tiborini tortgan. Bu o`zgarishlarning barchasi XVII asrga kelib faqat rangtasvirdagina emas, balki

www.arxiv.uz grafika va haykaltaroshlikda ham turli janrlarni paydo bo`lishiga olib keldi. Rangtasvir janrlarining quyidagi turlari mavjud: portret, natyurmort, manzara, animal, tarixiy, maishiy, afsonaviy va batal janri va boshqalar. Quyida biz bu janrlarning paydo bo`lishi va rivojlanish tarixiga to`xtalib o`tamiz. Portret Portret - bitta odam yoki odamlar guruhining tasvirlari bilan farq qiluvchi tasviriy san`at janrlaridan biridir. Portretda rassom insonning tashqi, individual o`xshashligini ko`rsatibgina qolmasdan, inson xarakteri, uning ma`naviy dunyosini ham ochib bera oladi. Portretning turli ko`rinishlari mavjud. Ularga belgacha bo`lgan portret, byust (xaykaltaroshlikda), bor buyi bilan chizilgan portret, odamlar guruhi portreti, interer yoki manzara fonidagi portretlar kiradi. Tasvirlash xarakteriga ko`ra portret ikkita asosiy guruhga ajratiladi: ya`ni odamning bor bo`yi bilan chizilgan (otda, o`tirgan yoki turgan holatda) portreti (parad portreti) va beligacha, yelkagacha chizilgan portreti. Bitta xolstda chizilgan tasvirlarning soniga qarab portretlar ikki kishilik va guruhiy portretlarga ham ajratiladi. Turli xolstga chizilgan, lekin kompozitsiyasi, formati va koloritga ko`ra bir-biriga mos bo`lgan portretlar juft portretlar deyiladi. Ko`pincha bunday portretlarda er-xotinlar tasvirlanadi. Ko`pincha portretlar yaxlit ansamblni - portretlar galereyasini tashkil qiladi. Portretda odam qandaydir, allegorik, mifologik, tarixiy, teatrlashtirilgan yoki adabiy personaj holatida tasvirlangan bo`lsa bunday portretlarga kostyumlashtirilgan portretlar deyiladi. Bu portretlarni nomlashda ko`pincha "ko`rinishda" yoki "obrazda" so`zlari qo`shiladi (masalan, Yekaterina II Minerva ko`rinishida, A.Abdullayevning "Abror Hidoyatov Otello rolida"). Portretlar o`lchamiga ko`ra ham ajratiladi, masalan miniatyura portretlari. Bundan tashqari rassomlar o`zlarining portretlari - avtoportretlarni ham ishlashadi. Portretlar faqatgina modelning individual belgilarinigina emas, balki shu odam yashagan davr ruhini ham o`zida aks ettiradi.

www.arxiv.uz Portret san`ati bir necha ming yillik tarixga ega. Qadimgi Misrda ham haykaltaroshlar odamning tashqi ko`rinishiga juda o`xshagan tasvirlar yaratishgan. Chunki ularning fikricha odam dunyodan o`tganidan so`ng uning ruhi shu yaratilgan o`xshash tasvirlarga ko`chishar ekan. I-III asrlarda enkaustika texnikasida (mum rangtasviri) yaratilgan fayyum portretlari ham shu maqsadga xizmat qilgan. Ular o`zlarining yorqin hayotiy obrazliligi, shaklining hajmliligi bilan ajralib turadi. Qadimgi Gretsiyada shoirlar, faylasuflar va boshqa mashhur kishilar portretlarini ishlash urf bo`lgan. Qadimgi Rim portret xaykaltaroshligiga xos bo`lgan asarlar o`zlarining haqqoniyligi va aniq psixologik xarakterini ochib berishi bilan mashhur bo`lgan. Ular insonning individual belgilarini aks ettirgan. Insonning yuzini haykaltaroshlikda yoki rangtasvirda tasvirlash barcha davrlarda ham rassomlarni o`ziga jalb etgan. Portret janri ayniqsa Uyg`onish davrida gullab yashnadi. Uyg`onish davri rassomlari portret obrazlarining mazmunini chuqurlashtiradi, ularni intellekt, qalb uyg`unligi va ko`pincha ichki dramatizm bilan tasvirlaydi. XVII asrga kelib intim portretlari birinchi planga chiqadi. O`sha davrning buyuk rassomlari- Rembrand, Van Reyn, F. Gals, Van Deyk, D.Velaskes oddiy insonlarni tasvirlab, ulardagi insonparvarlik va ko`ngil boyligini ko`rsata olishgan. Rossiyada portret janri XVIII asr boshlaridan rivojlana boshladi. O`sha davr rassomlari F.Rokotov, D.Levitskiy, V.Borovikovskiylar buyuk insonlarning portretlarini yaratganlar. Ayniqsa ayol obrazlari juda maftunkor va go`zal, lirika bilan sug`orilgan. Sayyor rassomlardan V.Perov, M.Kramskoy, I.Repin buyuk zamondoshlarining portretlarnini yaratishgan. Portretda tasvirlanayotgan odamlarning individual va tipik belgilari, ma`naviy-ruhiy olami ularning yuzi, holati va hatti-harakatlari orqali ochib berilgan.

www.arxiv.uz XX asrda portret o`zida turli-tuman, qarama-qarshi tendentsiyalarni yorqin realistik, individual xarakteristika va modelning abstrakt, ekspressiv deformatsiyasini (P.Pikasso, A.Modilyani, E.A. Burdel, S.Konenkov, M.Nesterov, P.Korin Rossiyada) yaratadi. Portretlar bizga faqat turli davrlarda yashab o`tgan insonlarni aks ettirib beribgina qolmay, balki rassomning tasvirlanayotgan insonga bo`lgan munosabatini va dunyoni qanday qabul qilganini ham aks ettiradi. Portret janri O`zbekiston rangtasvirchilarining kuchli jixatlaridan biri hisoblanadi. O`zbekistonda kuchli realistik maktab tarkib topishi ajoyib portretnavis-rassomlar sulolasini vujudga keltirdi. Ular orasida A.Abdullayev, R.Ahmedov, R.Choriyev, T.Oganesov, V.Burmakin kabi portret ustalari jahonda keng tan olinganligi e`tirof etiladi. Mustaqillikning ijobiy ta`siri ularoq, san`atning turli yo`nalish va uslublarida erkin ijodga yo`l ochildi. Jumladan portret janrida ham. Buning natijasida portret zamonaviy badiiy jarayonida yetakchi bo`lib qoldi. Respublikamizning yetakchi badiiy oliygohi K.Behzod nomidagi Milliy rassomlik va dizayn instito`tida aynan, realistik maktab asosida o`quv mashg`ulotlari olib boriladi. Bu esa rangtasvirning realistik janrida ijod etgan o`tmish ijodkorlarimizning boy merosini tan olinganligi, shuningdek, jahon san`ati ilg`or tajribasini chuqur o`rganishdan dalolat berib, bo`tun dunyoda avangard yo`nalish bilan bir qatorda, aynan, realistik yo`nalish rivojiga e`tibor bilan qaralganligini ko`p jihatdan namoyon etadi. 1990 yillarda o`zbek rangtasvirida portret janrining asoschisi, yetakchi portretnavis, akademik A.Abdullayev ham ijodiy faoliyatini davom ettirdi. Bo`tun umri davomida u iste`dodli va ma`naviy go`zal insonlarga hurmatini saqlab qoldi. Musavvir mo`yqalamiga mansub har bir portret kishilarning chuqur ma`naviy dunyosini akslantiruvchi, rassom bilan portret kahramoni va portret bilan tamoshabin o`rtasidagi haqiqiy va ochiq munosabatni taqozo etuvchi manbadir. 1999 yilda A.Abdullayevning 1984 yilda yaratilgan mashhur avtoportretini turli davr va halqlarga mansub buyuk rassomlar avtoportretlari saqlanayotgan dunyoning yirik to`plami, Uffitsidagi (Italiya) kartina galeriyasiga berilishi

www.arxiv.uz O`zbekiston san`ati uchun olamshumul voqea bo`ldi. Yaqin davr (2001) da esa musavvir "Ofarin" respublika sovrinining "San`atga baxshida umr" nominatsiyasi bilan taqdirlandi. Akademik R. Ahmedov o`z portretlarida epik kenglik va teranlikka erishadi. Uning qahramonlari oddiy insonlar, qishloq kishilari bo`lib, aynan, ularda musavvir donishmanlikni, ma`naviy poqlikni, yuksak ahloqiy qoidalarni gavdalantiradi. ("Jizzaxlik ayol", 1992; "Nigina" 1993). Zamondoshlar obrazlari akademik R.Choriyevni ham qiziqtirgan va o`ziga jalb etgan. Ko`p sonli ijodiy safarlar natijasida, musavvirning butun boshli portretlar galereyasi vujudga keladi. Ular orasida "Boysunlik qariya", (1996), "Sayroblik go`zal" (1997) singari o`z halqining eng yaxshi ma`naviy-axloqiy fazilatlarini tarannum etuvchi murakkab kompozitsion yechimdagi portretlari sanab o`tiladi. Rangtasvirchi R. Choriyevning kuchli jihati shundaki, u doimo naturadan ishlaydi. Ajoyib rangtasvirchi A.Ikromjonovning ilk ishlarida realistik asos kuchli ta`sir ko`rsatadi. Uning portretlari yuksak maxorat va diqqat bilan ishlanganligi, bo`yoqlarning fakturali qo`yilishi, naturani. Hatto fotosuratgacha tahlil etib chizilganligi, shuningdek, obrazning ruhiy to`laqonligi ("Malika portreti" (1993)) bilan ajralib turadi. O`z ohanglari va mo`yqalamiga ishonch bilan yondasha olgan R.Xudayberganovning portretlari ham kishini befarq qoldirmaydi ("Xojar xola", 1999). Avvalgi ustalar uslubini qo`llagan holda musavvir hech qanday yordamchi vositalarsiz, to`q fonda portretlar yaratadi-ki, ular qahramon kiyofasini yanada mukammalroq chiqishida yetakchilik qiladi. Uning ajoyib badiiy asarlaridan biri "Navro`z 2001" ko`rgazmasida namoyish etilgan "Bastakor R.Abdullayev portreti"dir. 1990 yillarda portret janrida B.Jalolov faol ijod qildi. Shuni ta`kidlash joizki, realistik chizmalar yaratishda u mislsiz darajaga erishadiki, bu borada unga hech kim tenglasholmaydi. Oxirgi o`n yillikda yaratilgan "Saudiya Arabiston qiroli Araviy Fahd ibn Abdul Aziz" (1992), "Akademik S.Azimov portreti" (1998) va

www.arxiv.uz boshqa polotnolarni musavvirning o`zbek rangtasvirchilar orasida dunyo talablari darajasida yaratgan asarlari sirasiga qo`shish mumkin. S.Rahmatov shunday rassomlar sirasiga kiradiki, uning ijodida portret asosiy o`rin egallaydi. Oxirgi o`n yilliklarda yaratgan eng yaxshi portretlari qatorida "Yunus Rajabiy portreti" (1993), "GFRning O`zbekistondagi elchisi G.Kun portreti" (1999) alohida ahamiyat kasb etadi. Keyingi yillar ko`rgazmalarda O`zbekistonning mashhur rangtasvirchi rassomi V.Burmakin portretlari munosib joy oldi. Lekin, musavvirning avvalgi ishlariga qiyoslangan tarzda, 90-yillarda yaratgan portretlarini bir muncha sust ekanligi tanqidchilar tomonidan ta`kidlanadi. Onalar va bolalar yili munosabati bilan tashkil etilgan "Qo`li guldir o`zbek ayolin" ko`rgazmasiga bir qator ayol portretchi rassomlar: A.Mamatova "Yulduz Usmonova portreti", Sh.Abdullayevaning "O`zbek madonnasi", M.Shuvayevaning "Lola" portreti, Z.Sharipovaning "Avtoportret"lari namoyish etildi. V.Shevchenko O`zbekistonning chegara himoyachilari turkum - I.Ibrohimov, Sh.Rasulov, R.Shonazarovlar portretlarini yaratadi. Portretchi rassomlar sonini ta`kidlab o`tganlar bilan chegaralab bo`lmaydi. Ular qatorida o`z matolarida zamondoshlarimiz obrazlarini muxrlangan Y.Tursunnazarov, B.Salomov, I.Baxromov, Ch.Bekmirov, M.Nuriddinov, O.Bakirov, B.Nazarov va boshqalarni sanab o`tish lozim. Natyurmort Buyumlarning tinch hayotini, ularning o`ziga xos bo`lgan portretini rassomlar natyurmortda tasvirlaydilar. Natyurmort - tasviriy san`atning bir janri yoki bu janrda ishlangan asardir. Tasvir ob`ekti hisoblangan kuyilmaning o`zi ham natyurmort hisoblanadi. U faqat jonsiz predmetlardagina emas, balki tabiat shakllaridan ham iborat bo`ladi. Shuning uchun ham ingliz tili mamlakatlarda qabul kilingan still life yoki nemischa stilleben nomi - "Tinch hayot" ma`nosini beradi. Natyurmort san`ati janr sifatida Gollandiya XVII asr boshlarida kelib chikkan. Mashhur golland natyurmortlarida hayotning kuvonchlari ochib beriladi.

www.arxiv.uz Ularni tamosha qilib turib real mevalar, baliklar, sharbatlarning ta`mini tuyasiz. Rassomlar juda oddiy buyumlarni tasvirlashgan, lekin ular go`zal va shoirona bo`lgan. Ba`zi rassomlar oddiyroq natyurmortlarni tasvirlashni yoktirishsa, ba`zilari ko`p predmetli natyurmortni chizishgan, boshqalari esa katta xolstlarga qushlar, baliqlar, gullarni chizishgan. (Gollandiyada P.Klaas, V.Xeda, Flandriyada F.Sneyders va boshqalar). Natyurmortning asosiy motiviga odamlar, hayvonlar, qushlar va hashorotlar qo`shilgan. Natyurmort janrida ijod qilgan frantsuz rassomi J.Shardenning asarlari kompozitsiyasining mustaqilligi va talabchanligi, koloritning nozikligi, insonparvarligi bilan ajralib turadi. XIX asrda yashab turli janrlarda ijod etgan buyuk musavvirlar natyurmort ham ishlashgan. Ayniqsa postimpressionistlar ijodida buyumlar mavzusi asosiy mavzulardan biri bo`lgan. (P.Sezann, Van Gog). XX asr boshlaridan natyurmort janriga turli stilistik yo`nalishlarda ijod qilgan rassomlar ham murojat qilishgan. Ular rang, shakl, faktura va fazoni turli uslubda ishlab ko`rib topishga xarakt qilishgan. Natyurmortlar realistik, dekorativ, kubizm manerasida ham ishlanishi mumkin. Buyumlarning go`zal dunyosini tasvirlashga juda ko`p rassomlar qiziqishgan. Rus rassomlaridan P.Konchalovskiy, M.Mashkov, R.Folk, K.Petrov-Vodkin, M.Saryan, Yu.Pimenov va boshqa rassomlarning yaratgan natyurmortlari buyumlarning bor go`zalligini ko`rsatibgina qolmasdan, balki inson dunyosi, uning fikri va hissiyotlarini ham ochib bera olgan. Har bir rassom bu murakkab vazifani hal qilish chun o`ziga xos bo`lgan tasviriy - ifodaviy vositalardan foydalangan. Ba`zi natyurmortlarda odamlar ham qatnashadi. Chunki natyurmortni ko`rgan kishida u yerda xuddi birov birov bo`lgan, lekin chiqib ketgan va xohlagan daqiqada kelib qolishi mumkindek taassurot qoldiradi. Masalan, Yu.Pimenovning "Ko`tish" (1959 y) natyurmortida trubkasi olinib stolga qo`yilgan telefon tasvirlangan, oynadagi yomg`ir tomchilari esa bu qutish daqiqalarini qayg`uli ekanligini bildirib turuvchi tanish tuyg`uni uyg`otadi. Shu rassomning "Aktrisa"

www.arxiv.uz nomli natyurmortida esa predmetlar orqali shu kasbning dunyosigina emas, balki shu buyumlar egasining xarakteri ham ochib beriladi. Ba`zi bir natyurmortlarda esa buyumlar faqat o`zlari haqidagina gapirishadi, ya`ni o`zlarining shakli, rangi, fakturasining go`zalligini ta`kidlashadi. Natyurmortlardagi buyumlar dunyosi ma`lum bir tarixiy davrning tashqi belgilarini aks ettiradi. Manzara Manzara- tasviriy san`atning janrlaridan biri bo`lib, uning predmeti tabiat va landshaft hisoblanadi. Bu janrda yaratilgan asarlarga ham manzara deyiladi. Manzara dastgoxli rangtasvir va grafikaning an`anaviy janri hisoblanadi. Manzara motivining xarakteridan kelib chikkan holda manzarani qishloq, shahar (shuningdek me`moriy manzarag) sanoat manzarasiga bo`lish mumkin. Shuningdek dengiz tasviri-marina janrini ham manzaraga kiritamiz. Shu bilan birga manzara tarixiy, qahramonlik, fantastik, lirik, epik xarakterga ega bo`ladi. Masalan I.Levitanning manzaralarini ko`pincha "Kayfiyat manzarasi" deb atashadi. Uning kartinalarida kuvonch, tinchlik, g`am-qayg`u holati va o`zgaruvchan kayfiyat o`z aksini topgan. Shuning uchun ham rassom predmetlarning hajmli shaklini rang dog`lari orqali va detallarni to`liq ishlamasdan, umumlashgan holatda beradi. M.Levitan tomonidan 1895 yilda yaratilgan "Mart" va "Oltin ko`z" asarlari xuddi shunday ishlangan va bu asarlar rus lirik manzarasi rivojlanishida eng yuqori nuqta hisoblanadi. Rus rassomi M.Shishkin o`z asarlarida rus tabiatining umumlashgan epik obrazini yaratdi va rus manzarasi chuqur mazmunli va demoqratik san`at darajasiga ko`tarildi. ("Jo`xorizor"1878 y, ). Shishkin polotnolarining kuchi manzarani fotografik aniqlikda olinishida emas, balki asarlarining chuqur mazmunga ega ekanligidadir. Manzara janrida tabiat ko`rinishi, fasl, vaqt va rassomning maqsadi ifoda qilinadi. Undan tashqari, manzarada chiziladigan narsalar orasidagi masofa, narsalar orasidagi o`lchov nisbatlari va ranglarning bir-biriga bo`lgan munosabatlari tasvirlanadi.

www.arxiv.uz I.I. Levitanning "Oltin kuz" asarini tahlil qilib ko`raylik. Rassom kuz ko`rinishini juda mohirona ifodalagan. Suvda osmondagi bulutlar aks etmoqda. Chap tomondagi tik sohilda oltindek to`q qizil rangli oq qayinlar soyalarini yerga yoyib, qaddini rostlab mag`rur turibdi. Taglarida oltin barglar to`shalgan. Uzoqda ufqqa tomon cho`zilib ketgan bug`doyzor, o`tloqlar, daraxtlar, quyoshli kun, lekin salqin havo sezilib turadi. Rassom O`.Tansiqboyevning "Jonajon o`lka" nomli asarida vatanimizning ajoyib xushmanzara tabiati tasvirlanadi. Ko`z o`ngimizda uzoqlarga cho`zilib ketgan qorli tog`lar etagida gul terayotgan bolalar, hayot kaynagan kishloq va kishilar mehnati namoyon bo`ladi. Ko`m-ko`k osmonda porlagan sahiy quyosh jozibali manzarani o`zining hayotbaxsh nurlari bilan yoritib turibdi. Tabiat mazarasini chizishga kirishilganda quyidagi holatlar: tabiiy yorug`likning o`zgarib turishi, ertalabki yorug`da narsalarning cheti tarqalgansimon bo`lib, to`tunga o`ralganga o`xshab ko`rinishi; kechkurun tiniq osmon tagida manzaraning aniq namoyon bo`lishi; Quyosh botish oldidan narsalar soyasining cho`zilishi va yer yuzidagi past-balandliklar aniq hamda yaqqol ko`rinishi hisobga olinishi kerak. Kundzgi yorug`da esa biz bularni yetarli darajada sezmaymiz. Tabiat manzarasini chizish uchun ma`lum paytni tanlab olishimiz va shu paytni tanlab olishimiz va shu paytda bizda aks etgan taassurotni esda saqlashimiz zarur. Masalan, narsalar soyalarini turli vaqtda chizsak, chizgan soyalarimiz turlicha yo`nalishda bo`lib, xatolikka yo`l qo`ygan bo`lamiz. Bundan tashqari, narsalarning ma`lum bir vaqtdagi yoritilgan holatini ham esda saqlab qolishimiz kerak. Masalan, biz manzarani havo ochiq paytda ishlay boshlaganimizda osmonda bulut paydo bo`lib narsalarga soya tushadi, natijada ularning yoritilishi o`zgaradi. Demak, havo ochiq paytdagi yorug`likning esda saqlab surat ishlash lozim bo`ladi. Quyoshli kun -manzara ishlashda eng qulay payt hisoblanadi. Bu paytda narsalarning soyasi va yorug`lik deyarli bir hilda saqlanib turadi. Ana shunday kunlarda tush paytida 2-2,5 soat ishlash yaxshi natija beradi.

www.arxiv.uz Dastavval ochiq joydagi, tagidan o`tlar, gullar o`sgan daraxt to`nkasi yoki xarsang toshning rasmi ishlanadi. Bunday sodda narsalarning rasmini ishlaganda ham, albatta, ufq chizigi va perspektiv qisqarish qoidalariga amal qilish lozim. Agar rasm ko`p narsalarni o`z ichiga olsa (ajoyib ko`rinish bo`lishiga qaramasdan) ish ko`payib ketib, uni eplay olmaysiz oqibat natijada ishlangan rasmingiz yomon chiqadi. Rasm ishlanganda narsalarning rangiga, o`zaro farqiga, soyasiga, tuzilishidagi xarakterli tomonlariga diqqat qilishni talab etadi. Manzara ishlashda yaqin, o`rta va olisdagi narsalarni asosan 3 planga joylashtiriladi. Yaqin plandagi narsalarni aniqroq, olisdagi narsalarni ochroq chiziladi. Manzarada narsalarni, masalan, daraxtlarni bir qatorga joylamay, ularning birini oldinda, ikkinchisini uzoqda ko`rsatib joylansa, rasm chiroyli chiqadi. Ko`pincha manzara boshqa janrlardagi rangtasvir, grafik, xaykaltaroshlik asarlari uchun fon bo`lib xizmat qiladi. Rassom faqatgina tanlangan manzara motivini ko`chiribgina qolmasdan, balki bu asar orqali o`zining tabiatga bo`lgan munosabatini ochishga harakat qiladi, yuksak emotsional ta`sirchanlikka va fikriy mazmunga ega bo`lgan badiiy asar yaratadi. Inson tabiat manzarasini juda qadim zamonlardan tasvirlay boshlagan. Manzara elementlarini neolit davridan qadimgi Sharq mamlakatlari, ayniqsa qadimgi Misr va qadimgi Gretsiya san`atida uchratish mumkin. O`rta asrlarda makbaralar, saroylar, boylarning uylari manzara motivlari bilan bezatilgan. Manzaralar ko`pincha ikona va miniatyuralarda masofani shartli ko`rsatish uchun xizmat qilgan. Mustaqil janr sifatida manzara XVII asrda shakllangan. Uni golland rangtasvirchilari yaratishgan. XVI asrdayoq rassomlar naturani urgana boshlashgan. (Niderlandiyalik P.Breygel). XVII-XVIII asrlarda manzara janri gullab-yashnadi. (Flandriyalik P.Rubens, Gollandiyadan Rembrandt va I.Reysdal, Frantsiyadan N.Pusin va K.Lorrin). Havo perspektivasi yaratildi. XIX asrga kelib manzara janri ustalarining ijodini (Frantsiyadan K.Koro, Rossiyadan A.A. Ivanov, A.Savrasov, F.Vasilev, I.Shishkin, I.Levitan, V.Serov) Impressionistlar

www.arxiv.uz (Frantsiyadan E.Mane, K.Mone, O.Renuar, Rossiyadan K.Korovin, I.Grabar) davom ettirdilar va yorug`lik, havo muhitini o`zgaruvchanligi, tabiatning turli holatlarini va bo`yoq jilvalarining boyligini bo`yoqlar yordamida berish mumkinligini kashf qildilar. XIX asr oxiri - XX asrda yirik rassomlar (Frantsiyadan P.Sezann, P.Gogen, Van Gog, A.Matiss, Rossiyadan A.Kuindji, N.Rerix, N. Kr ў mov, Armanistondan M. Saren) manzara rangtasvirining emotsional, assotsiativ sifatlarini kengaytirdilar. Shuningdek manzara an`analarini A.R ў lov, K.Yuon, A.Ostroumova- Lebedeva, A.Kuprin, P.Konchalovskiy va boshqalar davom ettirdilar. Mustaqil janr sifatida manzara janri Xitoyda VI asrlardayoq kelib chikkan. Xitoy rassomlarining manzara asarlari tush bilan ipak matoga chizilgan. U juda chuqur falsafiy mazmunga ega bo`lib, xuddi cheksiz masofa, abadiy yangilanib turuvchi tabiatni ko`rsatayotgandek tuyuladi. Rasmlarda tog` panoramasi, suvli ko`l va daryolar tuman tasvirlangan. Manzaralarda odamlar komatlari va yuksak ma`naviy sifatlarni ko`klarga ko`taruvchi simvolik motivlar (tog` sosnasi, bambuk, yovvoyi olxo`ri) tasvirlangan. Xitoy rangtasviri asosida yapon manzarasi chuqur grafik tasvirlarga ega. (K. Xokusay). Manzara janri faqatgina tabiatning turli fasllardagi turli-tumanligi va go`zalligi, uning quyosh va oy yorug`ligidagi ko`rinishini tasvirlabgina qolmay, balki hissiyot va kayfiyatni tasvirlaydi. K.Koro, Van Gog, P.Sezann manzaralarida real tabiat tasvirlangani bilan, ularda eng asosiysi rassomning shaxsiy hissiyotlari berilgan bo`ladi. Rassom faqatgina naturani ko`chirmaydi, balki o`zining ichki holatini rangtasvirda beradi, shuning uchun har bir rassomning o`zi sevgan rang munosabatlari, priyomlari mavjuddir. Animal janri Ko`pgina rassomlar hayvonlar va qushlarni tasvirlashni yaxshi ko`rishadi. Ba`zi rassomlar o`z ijodlarini shu mavzuga bag`ishlashgan. Ular animal janrida asarlar yaratadilar. Shu janrda ijod qiluvchi rassom animalist rassom deb yuritiladi.

www.arxiv.uz Animalist rassom asosiy diqqatni hayvonni badiiy -obrazli xarakteristikasiga qaratadi va shu bilan birga hayvonning anatomik qurilishiga ilmiy jihatdan juda aniq yondashadi. Hayvonot dunyosini tasvirini rangtasvir, xaykaltaroshlik, grafika, dekorativ amaliy san`at va kitob illyustratsiyalarida uchratish mumkin. Ibtidoiy davr san`ati asarlari-qoya toshlarga ishlangan hayvonlarning asarlari qadimgi davrlar rassomlarining juda o`tkir kuzatuvchi bo`lganligidan guvohlik beradi. Masalan, Altamira (Ispaniya) qoyatoshlariga ishlangan mamontlar, bug`u va bizonlar hajmli qilib xarakterli poza va harakatlarda ishlangan. Ibtidoiy davr mifologik dunyoqarashi bilan mustahkam bog`langan bu san`at tabiat kuchlariga sig`inish (animizm) va hayvonot dunyosiga sig`inish (totemizm)ga asoslangan edi. Hayvonlar tasviri antik davr san`ati mozaika, tuvakka rasm solish va xaykaltaroshlikda ham uchraydi. Uyg`onish davrida rassomlar hayvonlarni naturadan qarab chiza boshlaganlar. Buyuk rassom Dyurer otlar, qushlar va boshqa hayvonlarni rasmini chizishni juda yoqtirgan. Uning ishlari realistik va plastik aniqlikka ega. Sharq san`atida esa hayvonlar va qushlarni tasvirlashga juda katta e`tibor berishgan. Bu san`atga xos bo`lgan xususiyatlarini ochib berishga intilishidan iboratdir. Rus rassomlaridan Ye. Lansere, P. Klodt, V. Serov kabi rassomlar hayvonlarning yorqin obrazini yaratishgan. Rossiya xaykaltaroshlari sherlar, ayiq, it, mushuk, ot va sigirlarning aniq tasvirini yaratib shuhrat qozonishgan. Masalan, P.K. Klodtning ot haykallari Sankt - Peterburg shahrining ko`priklarini bezab turibdi. Taniqli animalist rassomlar V.A. Vatagin, I.S. Yefimov, Ye.I. Charushin, A.M. Laptev asarlari hayvonot dunyosini bilish va tushunishga yorqin misoldir. Masalan Ye.I. Charushin illyustratsiyalaridagi hayvonlar ta`sirchan va yorqin obrazlarda berilgan. Bu rassomda shakl, rang va fakturani berishining o`ziga xos uslubi shakllangan. Uning qahramonlari juda real ishlangan. Uning har bir illyustratsiyasi bir-biriga o`hshamaydi. Har bir qahramonning o`z ta`sirchan, aniq holat va xarakterda turgan obrazi mavjud.

www.arxiv.uz Tarixiy janr Qadimgi davrlarda bo`lib o`tgan tarixiy voqealar rassomlarni tarixiy janrda asar yaratishga undaydi. Tasviriy san`atning bu janri katta ahamiyatga ega bo`lgan tarixiy voqea va hodisalarga bag`ishlanadi. Asosan u tarixiy o`tmishga murojat etadi, lekin unda yaqin o`tmishda bo`lib o`tgan va zamondoshlar tomonidan tarixiy ahamiyati tan olingan voqea va xodisalar ham aks ettirilishi mumkin. Tarixiy janr tasviriy san`atning boshqa janrlari maishiy, portret, manzara janrlari bilan chatishib ketgan. Tarixiy janr asosan batal janri bilan aralashib ketadi. Chunki unda tarixiy janglar, yirik yurishlar va urush davri voqea va hodisalari tasvirlanadi. Xalqning sotsial kurashdagi dramatik to`qnashuvlari tarixiy janrdagi asarlarda o`z aksini topadi. XVII-XVIII asrlarda tarixiy janr akademizm va klassitsizmda asosiy o`rinlarni egallagan. Bu janrni diniy mifologik va tarixiy syujetlarni haqqoniy aks ettiruvchi yuksak janr sifatida qadrlashgan. Tarixiy - allegorik, ko`p figurali kompozitsiyalarda antik davr qahramonlari va qarama-qarshi kuchlarning o`zaro kurashlari o`z ifodasini topgan. (N.Pussen, D.Velaskes, P.Rubens, Rembrandt). Rossiyada tarixiy janr XVIII-XIX asrlarda rivojlandi. Tarixiy janr asarlarida 1812 yilgi Vatan urushi voqealari tasvirlangan. Rus tasviriy san`atida tarixiy janrda asarlar yaratgan buyuk rassomlardan biri bu V. Surikovdir. U o`z asarlarida tarixiy voqealar, qahramonona milliy xarakterni ifodalagan. Uning "Boyar xotin Morozova" (1887 y), "Sibirni Yermak tomonidan zabt etilishi" (1895 y), "Suvorovning Alp toglaridan oshib o`tishi" (1899 y) nomli asarlari tarixiy janrlarda yaratilgan. XIX asr oxiri - XX asr boshlarida gumanistik ideallar uchun ko`rashuvchi rassomlar o`z tarixiy asarlarida revolyutsiya voqealarini, fashizmga qarshi kurashni ozodlik harakati voqealarini aks ettirganlar. Sharq halqlari san`atida miniatyura san`ati asosiy o`rinni egallab, unda faqat dostonlarda aks ettirilgan voqealargina emas balki tarixiy voqealar ham o`z ifodasini topgan. Miniatyura san`atidagi tarixiy janrning eng yaxshi namunasi

www.arxiv.uz sifatida Kamoliddin Behzod tomonidan Sharafiddin Ali Yazdiyning "Zafarnoma" asariga ishlangan tasvirlarni aytish mumkin. Mazkur qo`lyozmadagi Behzod chizgan suratlar turli tarixiy voqealar, jang holatlari, saroydagi qabul marosimi, Samarkanddagi binoqorlik ishlari va boshqa tarixiy voqealarni aks ettiradi. Bulardan birinchi qo`shaloq surat Amir Temurning bog`da o`tkazayotgan qabul marosimini tasvirlaydi. "Zafarnoma"dagi ikkinchi surat Xiva kal`asining Amir Temur qo`shinlari tomonidan qamal qilinishini tasvirlaydi. Uchinchi suratda Amir Temur qo`shinlarining Oltin O`rda xoni To`xtamish (1381-1395)ning qo`shinidan qolgan- qutganlarini tor-mor keltirish voqeasi tasvirlanadi. Musavvir Amir Temur qo`shini, uning tuzilishi, qurollari va afzalliklarini bilgan holda, uning har qanday sharoitda ham jang qila olish qobiliyatini ko`rsata olgan. Keyingi suratlarda Samarqanddagi Amir Temur tashabbusi bilan avj oldirgan binokorlik ishlari tarannum etiladi. Faqatgina shu Behzod asarlari tufayligina asrlar bo`yi jahon xalqlarini o`z muhtashamligi va ulkanligi bilan hayratga solib kelgan me`morchilik obidalarining haqiqiy ijodkorlari ko`z oldimizda namoyon bo`ladi. Mustaqillikning qo`lga kiritilishi va yangi mafkuraning o`z mavqeiga erishishi natijasi o`laroq, milliy tarix alohida ahamiyat kasb etdi. Davlatimiz ravnaki va mustaqilligiga ulkan hissa qo`shgan O`zbekistonning ko`zga ko`ringan madaniyati va tarix namoyondalari siyosiy unitishdan va yo`qlikdan qayta tug`ilishi bilan san`atda ularning portretlari galeriyasi vujudga keldi. Zamonaviy hayotda asosiy mavzu bo`lib kelayotgan Amir Temur obrazi, mazkur davr faoliyatlari bu galereyada asosiy o`rinni egallaydi. Buyuk sohibqiron obraziga respublikaning yirik rangtasvirchilari akademiklar M. Nabiyev va N. Qo`ziboyevlar murojat qildilar. Musavvirlar o`ziga ishongan, jahongir hukmdor obrazini yaratdilar. M. Nabiyev tomonidan yaratilgan Amir Temur (1999) obrazi o`zining sehrli jozibasi va kuchli ta`siri bilan zamonaviy tarixiy rangtasvirning o`ziga xos mumtoz asariga aylanib, etalon sifatida qabul qilindi. Temuriylar sulolasining yana bir vakili Zaxiriddin Bobo`r portreti ham shular jumlasidandir. Shuningdek rassom K. Basharovning "Spitamen", Z.

www.arxiv.uz Faxriddinovning "Zafar", M. Nuriddinovning "Said Baraka Amir Temurni hokimiyat ramzi - nogora va g`alaba bayrog`i bilan taqdirlamoqda", S. Abdullayevning "Amir Temur, Bibixonim masjidi qurilishida" kabi asarlarini tarixiy janrda yaratilgan eng go`zal asarlardan deyish mumkin. Tarixiy janrdagi ishlar realistik maktab an`analaridagi singari miniatyura rangtasviri uslubida ham bajarildi. Bu borada G. Kamolov, X. Nazirov, T. Boltaboyevlarning Respublika Oliy Majlisi intereriga rangtasvirda ishlangan turkum asarlarini ko`rsatish mumkin. O`zbekiston rassomlari bugungi kunda tarixiy xotiralarni tiklash, o`z badiiy merosini qayta mushohada qilish kabi vazifalarni amalga oshirmoqdalar. Batal janri Tasviriy san`atning bu janri urush, jang, bosqinchilik va urush davri hayotining epizodlariga bag`ishlanadi. Batal janri birinchi navbatda rangtasvir uchun xarakterlidir. U tarixiy va mifologik janrning tarkibiy qismi bo`lishi bilan birga, hozirgi davr armiya va flotining hayotini ham tasvirlashi mumkin. Batal janri boshqa janrlarning elementlarini ham o`zida jamlay oladi. Masalan, unda portret, manzara, animal va natyurmort (qurollar va urush davrining boshqa atributlari) janri elementlari ham o`z aksini topishi mumkin. Batal janrining shakllanishi Uyg`onish davri (Leonardo da Vinchi, Mikelandjelo, Titsian, Tintoretto)dan boshlanib, XVII-XVIII asrlarga kelib gullab yashnadi (D. Velaskes, Rembrandt, N. Pussen, A. Vatto). Ayniqsa XIX asr yarmidagi romantizm davrida urush daxshatlari juda ko`p aks ettirildi. (F. Goyya, T. Jeriko, E. Depakrua). Batalist - rassomlar o`z asarlarida ozodlik kurashi, adolatli urushni, jasorat, g`alabani aks ettirishi bilan birga urushning dahshatlarini, uning oqibatlarini ochib tashlab, la`natlaydilar. (P. Pikasso "Gernika", V. Vereshagin kartinalari, M. Grekov, A. Deyneka, Ye. Monsinko, G. Korjev asarlari va boshqalar). O`zbekiston tasviriy san`atida batal janri yetakchi o`rin egallaydi. Tarixiy va batal janrida tinmay izlanishlar olib borib, ajoyib asarlar yaratgan rassomlardan biri

www.arxiv.uz bu Malik Nabiyevdir. M. Nabiyevning "Qo`zg`olon bostirildi", "Spitamen qo`zgoloni", "Muqanna qo`zg`oloni", "Samarqand qo`zg`oloni" kabi asarlari o`zining mukammalligi, tarixiy jihatdan ishonarliligi bilan ajralib turadi. Hozirgi davrda rassomlar ijodida ham batal va tarixiy janr asosiy o`rin egallib turibdi. E.Masharipov va A. Aliqulovlarning "Amir Temurning To`xtamishxon ustidan g`alabasi" (1996), Z.Faxriddinovning "Zafar" (1997), M. Nuriddinovning "Said Baraka Amir Temurni hokimiyat ramzi-nog`ora va g`alaba bayrog`i bilan taqdirlamoqda" singari asarlari bunga misol bo`la oladi. Bu asarlarda rassomlarning kompozitsion yechimga va tarixiy maishiy vositalarga alohida diqqat va bilim bilan yondoshganliklari sezilib turibdi. Mifologik janr Afsona, ertak va qadimgi hikoyalar asosidagi syujetlarga ishlangan kartinalar mifologik janrga mansub bo`ladi. Dunyo xalqlarining ertak va afsonalari badiiy ijodning muhim manbai hisoblanadi. Mifologik janr yunon-rim afsonalariga ishonish yo`qolib, ma`naviy - allegorik mazmunga ega bo`lgan xiqoyalarga aylanganidan so`ng kuyiantik va o`rta asr san`atida tugiladi. Afsonaviy janr Uyg`onish davrida shakllanadi va S. Bottichelli, A. Mantenya, Jorjone, Rafael asarlari antik davr afsonalari asosida yaratiladi. XVII asr va XIX asr boshlarida afsonaviy janr kartinalari haqidagi tasavvur ancha kengayadi. Ular yuksak badiiy idealni ko`rsatishga (N.Pussen, P. Rubens), hayotbilan yaqinlashishga (D. Velaskes, Rembrandt), bayramona go`zallikni yaratishga xizmat qiladi. XIX asrga kelib afsonaviy janr yuqori ideal san`atning normasiga aylanadi (I.Martos xaykallari). XIX-XX asrlarda antik mifologiya asarlari bilan bir qatorda hind afsonalari mavzulari ham ommaviylashib ketadi. XX asr boshlarida simvolizm va modern mifologik janrga qiziqishni kuchaytiradi. (M. Deni, M.Vrubel). Mifologik janrda juda go`zal kartinalarni yaratgan rassomlardan biri bu V.M. Vasnetsovdir. U ertak va afsonalar asosidagi syujetlarga juda ko`plab kartinalar yaratgan. Uning dastgohli kartinalarida mifologik mavzu va obrazlar turlicha jaranglagan. Masalan, Uch bahodir", "Slavyanlarni skivlar bilan jangi" asarlarida qahramonlik

www.arxiv.uz aks etsa, "Alyonushka", "Shox Ivan kulrang bo`ri ustida" asarlarida obrazlar shoirona va lirik jaranglaydi. V.M. Vasnetsov milliy ahamiyatga ega bo`lgan badiiy vazifalarni hal qilishga harakat qilgan. V.M. Vasnetsovning "Uch bahodir" asarida hech qanaqa aniq harakat yo`q, lekin undagi ichki kuch va ichki dinamika seziladi. Kartinaning chiziqli ritmi o`ta talabchan va monolit, u tasvirni yaxlitlashtira olgan. Kartinaning rang gammasi o`ta boy va go`zal palitrasi jarangdor va tiniq , qizil, qora, oq va yashil ranglar kontrastlari juda ta`sirchan chiqqan. Hozirgi davrda mifologik janr kartinalari turli yo`nalishlarda, Ayniqsa modern va avngard uslubida yaratilyapti. Bu janrda yaratilgan asarlar inson kalbida o`z o`tmishi, vatani va halqiga, uning udumlariga nisbatan mehr- muhabbat uyg`otadi. Maishiy janr Kartinalarda faqat tarixiy, qahramonona voqea va hodisalarnigina emas, balki oddiy hayotni ham tasvirlash mumkin. Bunday kartinalar maishiy janr asarlari hisoblanib, ko`pincha ular janrli rangtasvir asarlari deb yuritiladi. Asosan bu voqealar rangtasvir polotnolarida tasvirlanadi, lekin ularni grafikada va xaykaltaroshlikda ham uchratish mumkin. Rassomlar tomonidan turli davrlarda yaratilgan maishiy voqealar o`sha davrlarda yashagan odamlarning hayoti bilan tanishtiradi. Bu janr XV-XVII asrlarda Yevropa milliy maktablarida gullab yashnadi. Bunga miosl qilib P.Breygelning "Kretyanning to`yi" kartinasini keltirish mumkin. Bu kartinada halq bayramining go`zal va quvnoq sahnalari o`z ifodasini topgan. Flamand P.Rubens o`zining asarlarida qishloq bayramlarini realistik ravishda tasvirlaydi. Golland rangtasvirchilari (G.Gerborx, Ya.Vermer) jamiyatning turli qatlamlari hayotini mehr - muhabbat bilan tasvirlaganlar. XVIII asr Frantsuz rassomlari A.Vatto, F.Bushe, J.B. Sharden, O.Fragonarlar ham maishiy janrda asarlar yaratganlar. Keyinchalik rassomlar bo`layotgan voqealarni oddiy qilib tasvirlamasdan uning ichki mohiyatini ochib berishga harakat qila boshladilar.

www.arxiv.uz Jamiyat hayotiga tanqidiy munosabatda qarash frantsuz rassomlari O.Dome, G.Kurbe va rus rangtasvirchilari A.Venetsianov, G. Myasoyedov, V.Perov, I.Repin, P.Fedotov va sayyor rassomlar ijodida o`z aksini topdi. Rus rassomi B. Kustodiyev o`z kartinalarida savdog`arlar hayotini turli qirralari bilan tasvirlagan. Maishiy janr O`zbekiston rangtasvirchilarining ham kuchli jihatlaridan biri hisobalanadi. O`zbekistonda kuchli realistik maktab tarkib topishi ajoyib rangtasvirchilar sulolasini vujudga keltirdi. O`zbek tasviriy san`atidagi maishiy janrni eng avvalo rassomlardan L.Bure, A.Isupov, O.Tatevosyan, A.Volkov, I.Kazakov va boshqa rassomlar rivojlantirdilar. Maishiy janrda yaratilgan rangtasvir asarlarida o`zbek halqining hayoti o`ziga xos tarzda tasvirlangan. Ayniqsa rassom A.Volkov o`z asarlarida milliylik va milliy an`analarni juda katta ehtirom bilan tasvirlagan. Uning asarlaridan "Qizil choyxona", "Choy", "Eski shahar choyxonasi", "Sandalda" kabi asarlari g`oyat go`zal yaratilgan. Yana bir rassom P.Benkov o`z asarlarida o`zbek halqining hayotini yangi qirralarini ochib berishga harakat qildi. Uning "Buxoro bozori", "Ko`cha arizachisi", "Uzum bozori", "Sabzavot bozori" kabi asarlari o`zida sharq halqlari hayoti, odamlar harakatining turli-tuman ritmini, milliy kiyimlarning go`zalligini, bozorlarning to`qin-sochinligini aks ettirgan. Rassomlardan M.Nabiyev, T.Oganesov, M.Saidov, R.Axmedov, B.Boboyev, V.Burmakin, J.Izentoyev. A.Ikromjonov, Yu.Taldikin, R.Xudoyberganovlar ham janrli kartina yaratish soxasida mehnat qildilar. Keyingi davrlarda maishiy, tarixiy va batal janrlari orasidagi chegaralar yo`qolib ketdi. XX asr maishiy janrining rivojlanishi murakkab va turli-tuman yo`ldan ketdi. Bu davr kartinalariga psixologik nyuanslar va o`zgaruvchan voqealar xosdir. Kartinalarda simvolik mazmun ham ochib berilgan (P.Gogen, V.Borisov - Musatov, K.Petrov - Vodkin) shu bilan birga oddiy hayotiy voqealar ham bo`rttirib, qahramonona ko`rinishda beriladi. (B.Ioganson, A.Deyneka, A.Plastov).

www.arxiv.uz Maishiy va tarixiy janrlarda personajlarning o`zaro aloqasi juda muhim bo`lib, obrazlar rang yordamida yaratiladi. Biz avvalo kartinaning syujetiga, nima tasvirlaganiga e`tibor beramiz, keyin esa uning bo`yoqlari, qanday ishlangani va ishlanish uslubiga e`tiborni qaratamiz. Chunki kartinaning kayfiyati, elyutsional ta`siri undagi ranglarning qanday tanlanganiga bog`liq. Kartinaning koloriti quvnoq va g`amgin, tinch va qayg`uli, sirli va aniq bo`lishi mumkin. Rangni tushunish va uni qabul qilish. Rang simvolikasi. Rangni his qilish - halq badiiy madaniyatini aks ettirishdir. Odamlarda rangni qabul qilish individual xarakterga ega. U odamning jinsi, yoshi, kayfiyati, hayotiy tajribasi va ko`pgina boshqa sabablarga bog`liq bo`ladi. Shu bilan birga turli odamlardagi rangni qabul qilishda ko`pgina umumiylikni topish mumkin. Rang orqali fikrlash va konstruktsiyalash mumkin. Rang predmetning shaklini bera oladi, atrof-muhitni go`zalligini tasvirlaydi, hissiyotlarni, kayfiyatni, aniq emotsional holatni aks ettiradi. Rang so`zi rangtasvir jarayonini ko`pgina sifatlarini aniqlaydi, shuning uchun ham rang san`atning bu to`rini asosi hisoblanadi. Rangtasvir uchun kerakli rang bo`yoqni palitrada aralashtirish orqali olinadi. Keyin rassom bo`yoqni kartinadagi rang tarkibi kolorit yaratish orqali kartina tekisligida rangga aylantiradi. Asrlar davomida odamlar rangni turlicha qabul qilishgan. Qadimgi odamlar biz hozir ko`ra oladigan turli ranglarni sezishmagan. U davrlarda avvalambor eng yorqin ranglar - qizil va sariqni, keyinchalik esa ko`k va yashilni ko`ra boshlashgan. Masalan, qadimgi grek rangtasvirchilari faqat to`rt hil rang ishlatishgan: bular qizil, oxra, qora va oq ranglar. Keyinchalik palitradagi ranglar ko`paya borgan, lekin rassomlar juda ham ko`p vaqtlargacha yashil va ko`k rangni ajrata olishmagan, pushti va siyohrang bo`yoqlarni esa keyinchalik ajrata boshlashgan. Lekin bu faqat taxmin xolos. Umuman olganda dunyoni rang-barang qabul qilish Shimol mamlakatlaridan kelib chiqqan deyish mumkin. Chunki u yerlarda atmosferaning namligi yuqori bo`lganligi uchun rang tonlari bir-biriga yengil kirishib ketgan va rassomlar osmon, yer, dengiz va uzoqlarning boy rang jilvalariga diqqat bilan qaray

www.arxiv.uz boshlashgan. Bu keyinchalik Venetsiya, Parij, Amsterdam, Londonda koloritik rangtasvirning tug`ilishiga olib keldi. Eng muhimi rassomlar kartinani ochiq havo (plener) da ishlab boshlashdi. Bu ularning rangni yaxshi ajrata olish qobiliyatini o`stirdi. Demak, odamlarning rangni qabul qila olishda tabiatning o`zi yordamga kelgan. Tabiatdagi ranglarning bir-biriga mosligi, uning yaxlitligi va uyg`unligi rassomga tabiat hodisalarini kartinaga tushirish yo`llarini izlashda yordam beradi. Rangni qabul qilish ko`p jihatdan rang tonlariga, uning yorqinligi va to`yinganligi darajasiga bog`liq. Rassom ranglarni kartinada ijod mahsuli sifatida qo`yish uchun tez-tez yangi vositalarni, texnikani izlab topadi. Rang insonni quvontirishi va jahlini chiqarishi, qo`rquv, g`am yoki alam hissini uyg`otishi mumkin. Boshqacha so`z bilan aytganda, rang odamlarga emotsional ta`sir o`tkazadi. Ba`zi ranglar nerv sistemasini tinchlantirsa, ba`zilari aks ta`sir ko`rsatadi. Yashil. osmon rang, ko`k ranglar tinchlantirsa, qizil. Zarg`aldoq, sariq ranglar hissiyotini qo`zg`otadi. Ranglarning insonga ta`sirini birinchi bo`lib I.Gyote o`rgangan. U shoir sifatida yashil rang sahiylik, tinchlik, ko`zni va qalbni tinchlantiruvchi vosita deb bilgan. Ko`k rang sovuqlik hissini uyg`otishini, qizil rang esa aks ta`sir ko`rsatishini sezib bila olgan. M.Gyote bir hil manzarani yashil, sariq, qizil va boshqa ranglarni shishadan kuzatishni yoqtirgan va bu holatda odamning emotsional holatini o`zgarishini kuzatgan. Tasviriy faoliyatda qizil rang hissiyotini qo`zg`atuvchi, qizdiruvchi, tiriltiruvchi faol rang sifatida sariq rang esa - issiq, quvnoq, tektiklashtiruvchi, olov sahiy rang sifatida qabul qilinadi. Yashil rang ham xotirjamlik, yoqimli va tinch kayfiyatni yaratadi. Ko`k rang esa jiddiy, qayg`uli, g`amgin, sentimental va tinch rang sifatida xarakterlanadi. Siyohrang qizil va ko`k ranglarning emotsional ta`sirini birlashtiradi. U bir vaqtning o`zida o`ziga tortuvchi va uzoqlashtiruvchi, hayotga to`lik, shu bilan birga g`am va qayg`uni keltiruvchi rang hisoblanadi.

www.arxiv.uz Ranglarni qabul qilish ko`p jihatdan yorug`likka ham bog`liq bo`ladi. Agar biz qalamtasvirda masofani chiziqli perspektiva yordamida bersak, rangtasvirda esa bu holatni naturani rangli va tonli munosabatlaridagi o`zgarishlar asosida beramiz. Havo perspektivasi qonuniyatlariga ko`ra uzoq masofada turgan to`q rangli predmetlar sovuq tusga, ko`pincha osmonrangga, yorqin ranglar esa issiq tusga kiradi. Bo`rtgan ranglar qatoriga, asosan issiq ranglar kiradi. Bunday rangli predmetlar o`zlari turgan joyga nisbatan yaqinroqda turganga o`xshab ko`rinadi. Uzoqlashtiruvchi ranglarga sovuq ranglar kiradi. Sovuq rangli predmetlar esa xuddi uzoqlashganga o`xshab qoladi. Bu bilimlarni ijodiy qo`llash orqali kartina tekisligida chuqurlikni berish mumkin, yoki aksincha tasvirning biron-bir qismini yaqinlashtirish mumkin. Buyuk rassom Rembrandt o`zining rangtasvir asarlarida yorug`likni juda muvaffaqiyatli qo`llagan. Uning kartinalari hamma vaqt ichki yorug`lik bilan yoritilgan. Unda tasvirlangan oddiy odamlar xuddi kartinadan nur taralayotganga o`xshab ko`rinadi. Rassomning buyukligi uning insoniyligidadir. U o`zining mo`yqalami bilan yorug`lik olib keladi. Rembrandt asarlaridagi yorug`lik inson qalbini ko`rishga yordam beradi. Ranglar simvolikasi Ranglarning yagona simvolik sistemasi hech qachon bo`lmagan, lekin asrlar davomida hammag tushunarli bo`lgan aniq rang simvollari paydo bo`lgan. Qadimdan insonlar ranglarga katta ahamiyat bergan. Quyida biz ba`zi ranglarning simvolikasini ko`rib chikamiz. Qizil rang - bu olov, issiqlik, quyosh, qonimiz rangi, demak hayot rangi hisoblanadi. Qadimdan olov inson taqdirida muhim rol o`ynagan. Ibtidoiy davrlarda ham qizil bo`yoq ulug`lik va yorug`likni, shuningdek xavf - xatar belgisini bildirgan. Svetoforning qizil signali ham to`xtash lozimligini bildiradi. bizning Atrofimizdagi xavf-xatarning rang signallari qizil rangda.

www.arxiv.uz Qizil rang tantanani aks ettiradi, hurmat va ehtiromni bildiradi, shuningdek uni qirollar ranggi deb atashadi. Ba`zi mamlakatlarda hurmatli mehmonlar oyog`i ostiga hurmat belgisi sifatida qizil gilamlar to`shash an`anaga aylangan. Ko`pgina qirollar qizil rangli mantiya osib yurishni ma`kul ko`rishgan, fors shohlari esa oltin qushlar tikilgan qizil kiyim kiyishgan. Xitoyda - qizil rang Feniks qushi ramzi hisoblanadi. Bu qush o`zini yoqib, keyin kuldan qaytadan tug`ilish qobiliyatiga ega bo`lgan. Yaponiyada esa quyoshga sig`inishlari sababli, qizil rang hosil va to`qlik keltiruvchi quyosh rangi hisoblangan. Yaponlar qizil rang yovuz kuchlar va falokatdan, kasallik va baxtsizlikan asrashiga ishonishadi. Yaponiyaning davlat bayrog`ida quyoshning qizil halqasi tasvirlangan. Qizil - bayroqlar rangi. Qizil rangdagi havo sharlari va bayroqchalari bayram kayfiyatini yaratadi. Rus halqining madaniyatida qizil rang xavf-xatardan saqlovchi rang hisoblangan. Dehqonlarning kiyimlari ho`jayini yovuz kuchlardan saqlovchi qizil iplar bilan tikilgan. Shuningdek qizil rang sevgi - muhabbat ramzidir. Qizil atirgullarni sevgi belgisi sifatida taqdim qilishadi. Zarg`aldoq rang ham quyosh rangi sanaladi. Bu muvaffaqiyat va zafar keltiruvchi quvnoq rang. Qadimda cho`pon va dehqonlarning hayoti tabiat kuchlariga, asosan quyoshga bog`liq bo`lgan. Afsonalardagi barcha quyosh xudolari oltinrang kiyimlar kiyib, oltin aravada yurishadi. Tabiatda zarg`aldoq ranglar juda kam. Yo`l ishchilarining kiyimlari ham zargaldoq rangda bo`ladi, chunki zargaldoq rang uzoqdan ko`zga yaxshi tashlanadi. Bu esa yo`ldagi har hil halokatlarning oldini oladi. Birinchi kosmonavtlarning kiyimlari ham zarg`aldoq rangda bo`lgan, chunki shunda ular yerga qo`nganidan so`ng topish osonroq bo`lgan. Sariq rang ko`pgina tuslarga ega. Quyosh yorug`ligining rangi sariq rangga mos keladi. Qadimgi davrlardan sariq rang ilohiy va tilla rang hisoblangan. Bundan tashqari yorqin va tiniq sariq rang yuqori ijodiy yuksaklik va haqiqat hissini beradi. Avstraliyaning yerli halqi uchun esa sariq rang hayot rangi

www.arxiv.uz hisoblanadi. Shuning uchun ham avstraliya bayrog`ining o`rtasida sariq rangli aylana joylashgan. Shu bilan birga turli halqlar madaniyatida sariq rang sahiylik, qo`rkoqlik va qo`rquvni bildiradi. Ko`pgina rassomlarning kartinalarida Iuda sariq rangli kiyimda tasvirlangan, chunki u Iisusga sotqinlik qilgan. Ko`pincha sariq rangli gullarni o`zlari yoqtirmaydigan odamlarga sovg`a qilishgan. Yashil rang - tabiat, hayot, abadiylik rangi. Bu Yerdagi hayotni ularsiz tasvavvur qilib bo`lmaydigan yashil o`simliklar (yaproqlar, o`t-o`lanlar, shoxlar va hokazo) dunyosi. Yashil - yangilanish, tug`ilish, yoshlik, usmirlik, umidlar ramzi. Yashil rangni ekologik tashkilotlar o`zlarining simvoli sifatida qabul qilishgan. Masalan Grinpis (inglizchadan "Yashil") halqaro harakati tabiat, o`rmonlar, dengizlarni saqlab, kelajak avlodlarga yetkazish uchun harakat qilishadi. Osmon rang va ko`k rangi - osmon va suv, muomala va hissiyot rangi hisoblanadi. Osmonrang tonlar yengillik, tozalik, salkinlik hissiyotini uygotadi. Ko`k rang abadiylik va turg`unlik, sir va haqiqatni bildiradi. Siyohrang - faylasuflar va shoirlar, haqiqatni tushunish rangi. Chiroyli va toza siyohrang insonning intellektual qobiliyatlari bilan bog`liq. Oq rang - tozalik, mayinlik va haqiqat rangi. Shuning uchun ham ko`pgina mamlakatlarda kelinlar oq rangli libos kiyishadi. Ko`pgina Xitoy, Osiyo va Afrikaning issiq mamlakatlarida oq rang motamni bildiradi. slavyanlar vafot etgan odamlarga oq kiyim kiygizishadi. Qora rang - motam va qayg`u rangi. Yevropa mamlakatlarida motam marosimlarida qora kiyim kiyiladi. Bundan tashqari qora rang tantanavorlik va talabchanlikni ham bildiradi. qora rangli kuylaklar ishga yoki tantanali uchrashuvlarda kiyiladi. Masalan, simfonik orkestr dirijyori albatta qora frak kiyishi lozim. An`ana va bayramlarda rangning roli juda katta. Turli halqlarda bitta rangga turlicha ta`rif berilishi mumkin. Hatto zamonaviy meditsinada qadimgi tabobat asosida turli kasalliklarni rang bilan davolashadi.

www.arxiv.uz Tasviriy san`atda asarning fikriy-obrazli mazmunini ochib berishda rang muhim rol o`ynaydi. Buni qizil rang misolida ko`rib chiqamiz. Bu juda ham mazmunli, sirli va ajoyib rang! Yuqorida aytib o`tganimizdek qizil rang quvonch va qayg`u, kurash va g`alaba, urush va sevgini, hayot va o`limni, olov va yorug`likni bildiradi. XVIII asr rangtasvirida qizil rang boylik, aristokratizmni bildirgan, faqat ayollar va bolalar portretlarida sevgi va qalb go`zalligini bildiradi. XIX asrning birinchi yarmidagi romantik rangtasvirda qizil rang ilohiy sevgini emas, balki haqiqiy sevgini aks ettiradi. K. Bryullovning "Pompeyaning so`nggi kuni" nomli asarida qizil rang ko`pgina insonlarning hayotini olib ketgan falokatni ko`rsata olgan. XIX - XX asrlarga kelib qizil rang revolyutsiya rangi hisoblangan. Petrov - Vodkinning "Qizil otni cho`miltirish" nomli asari yaqinlashib kelayotgan qonli voqea - urush va revolyutsiyani aks ettirgan. Yangi davr mazmun mohiyatini aks ettirishning simvoli sifatida Malevichning "Qizil kvadrat" kartinasini olish mumkin. Ulug` Vatan urushi davrida qizil rang qahramonlik rangi sifatida g`alabaga chaqirgan. Masalan, "Ona Vatan chorlaydi!" nomli plakatni bunga misol qilish mumkin. XX asr rangtasviri o`zida barcha badiiy oqim va yo`nalishlarni mujassam etgan bo`lib, ranglarning ko`p qirraligini an`anaviy va yangi vositalar orqali ochishga harakat qilmoqda. Rang va san`atdagi sintez Rangning sehrli kuchini yana bir qirrasini ko`rib chiqamiz. U turli san`atlarning o`zaro aloqasidan paydo bo`ladi. Guruhlar ichidagi san`at ham birlashishi mumkin. Bu plastik san`at bilan vaqtinchalik san`atning birlashishidir. Plastik san`at guruhidagi sintez me`morchilik asosida amalga oshadi. U ko`pincha rangtasvir, grafika, amaliy san`at yoki dizayn asarini birlashtiradi.

www.arxiv.uz Turli guruhlarga kiruvchi san`atlar orasida ham sintez bo`lishi mumkin. Bunga bir necha namunalar keltiramiz. Masalan, tasviriy san`at hayotning turli tuman ko`rinishlarini aks ettirishi bilan birga, musiqa bilan birlashishga intilgan. Musiqaning rangtasvir, grafika va xaykaltaroshlik san`atiga ta`siri musiqani his qilishning turli shakllarining (she`r yozish, musiqa tinglash, ijro etish) rassomlarga ilhom baxsh etib, asar yaratish uchun mavzu berishidan boshlangan. Qadimgi davrlarda yaratilgan tasvirlar va bo`rtma tasvirlarda turli urf-odat va an`analar, shoxlarning ziyofatlari va bayramlari aks bo`lib, unda musiqachilar ham tasvirlangan. Qadimgi Gretsiya san`atida ham teatr tomoshalari va sport musobaqalarida musiqa chalayotgan musiqachilarni tasvirini uchratish mumkin. Bunday kartinalarni faqatgina relef yoki binolarga chizilgan tasvirlardagina emas, balki tuvaklarga ishlangan rasmlarda ham uchratish mumkin. Gotik soborda o`tkaziladigan marosimlar odamlarda juda kuchli tassurot qoldirgan. Marosimda ijro etiladigan xor va organning ovozi rangli vitrajlardan o`tuvchi yorug`lik bilan garmonik munosabatda bo`lgan. Bularning hammasi badiiy yaxlitlikni tashkil qilgan. O`rta asrlarda va Uyg`onish davrida rangtasvir va xaykaltaroshlikda ko`pincha kuylayotgan va nay chalayotgan farishtalarni, bayramlardagi halq kushikchilari va musikachilarini, raqsga tushayotgan yoki vol ў nka, skiripka, klavesin, violada musiqa chalayotgan odamlarini tasvirlaganlar. Qadimgi davrlardan musiqa homiysi Muzaning allegorik tasviri qandaydir musiqa asbobi bilan tasvirlangan. Musiqa va rangtasvir eng avvalo fikrlar, obrazlar, dramaturgiya, hissiyotlarning mazmunini birlashtiradi. Bundan tashqari kompozitsiya, ritm, garmoniya, dinamika, bo`yoq kabi vositalar ham muhim ahamiyat kasb etadi. Natijada har ikkala san`atning sintezi hosil bo`ladi. San`atdagi xaqiqiy sintez chin mu`jizani yarata oladi. XIX - XX asrlarga kelib rangtasvirda "musiqa" tendentsiyasi rivoj topdi. V.M. Vasnetsov shunday degan edi. "Mening kartinalarimda hammavaqt musiqa his

www.arxiv.uz kilinishini xohlar edim". Rassom A.Savrasov o`z kartinalarida rus tabiatini musiqasini his qilib, tasvirlab bera oldi. Masalan, uning "Qora qarg`alar uchib keldi" nomli asarida bahor musiqasini his qilish mumkin. Unda tomchilar jarangi, suvning shildirashi, qayinlar shoxlarining shovillashi, qarg`alarning g`ovur-g`uvo`rini eshitish mumkin. Rassomlardan M.Vrubel, M.Chyurlenislar o`z kartinalarida rang va tovush orasidagi o`zaro uyg`unlikni bera olgan. M. Chyurlenis o`z kartinalariga "Prelyud", "Sonata" kabi nomlar bergan. Chyurlenisning obrazli dunyosi bu orzular, uyg`unlik, fantastikaning go`zal qorishmasi hisoblanadi. Uning "Bahor sonatasi", "Yoz sonatasi", "Quyosh sonatasi", "Yulduzli sonata", "Ilon sonatasi", "Piramida sonatasi", kabi asarlari mavjud. Bu har bir sonataning bo`limlari musiqa terminlari (Allegro, Andante, Scherzo, Finale) bilan nomlangan. Har bir kartinada aniq kayfiyat, lirik hissiyot hukm suradi. Bu kartinalarda ritm katta rol o`ynagan. Masalan, "Dengiz sonatasi" turli - tuman ritmlarga ega. Unda tulkinlar, kemalar, suvlar, qirg`oqlar ritmi mavjud. Kompozitor A.N. Skryabin o`z asarlarini rangni yorug`lik bilan hamkorlikda toshoshabinga yetkazgan. Musiqa va rangli yorug`lik yaxlit obraz yaratgan. XX asrga kelib musiqa, rang va yorug`likning sintezi fikri juda keng tarkaldi. Masalan, dunyonining ko`pgina shaharlarida kuylovchi, rangli musiqali fontanlar qurilgan. Unda musiqa, suv ritmi va rang bir-birini to`ldiradi. Musiqasiz bu san`at asari o`zining obrazli ahamiyatini yo`qotadi. Avangard yo`nalishdagi bu yangi shakllar rassom va tomoshabinni o`zaro dialogi va aloqasiga asoslangan.

www.arxiv.uz Adabiyotlar: 1. X. Egamov «Bo`yoqlar bilan ishlash» T-1987 y. 2. Ensiklopediya xudojnika. Izdatelstvo «Vneshsigma» 2000 g. 3. «Shkola izobrazitelnogo iskusstva» Izd «Izobrazitelnoye iskusstvo», 1989 g. 4. Risunok.Jivopis.Kompozitsiya.(Xrestomatiya) Moskva."Prosvesheniye"1989. 5. S.D.Levin "Besedi yunim xudojnikom" M-1988. 6. N.P.Bestchastnov idr. "Jivopis" M-"Vlados"-2001. 7. YE.V.Shoroxov "Osnovi kompozitsii" M-1979.

Похожие

Kasb-hunar kоllеjlarida chizmachilik o`qitishning o`ziga хоs хususiyatlari

Moybo’yoq rangtasvir tеxnikasi

«Rangtasvir» tushunchasi. Haqqoniy rangtasvirning vazifalari. Rangtasvir asarlarini yaratishda qalamtasvirning ahamiyati

Chet ellar tasviriy san`at o`qitish metodlari

1920-1990 yillardagi tasviriy san`at o`qitish metodikasining qisqacha tarixi