Византия ва Россия цивилизациялари - История - Рефераты

Византия ва Россия цивилизациялари

Загружено в:

23.10.2023

Скачано:

0

Размер:

83.5 KB

Византия ва Россия цивилизациялари Режа: 1. Византия - Рим салтанати вориси. Давлат ва жамият бошқаруви. 2. Византия маданияти. 3. Россия цивилизацияси.

Византия империяси 395 йил Рим империяси императори Феодосий I вафот этгандан сўнг, унинг ўғиллари Аркадий ва Гонорийнинг Рим салтанатини 2- қисмга Ғарбий ва Шарқий қисмга бўлиб олишлари билан ташкил топади. Византия императори Аркадий бўлиб, унинг қўл остига Болқон ярим ороли, Эгей денгизидаги ороллар, Кичик Осиё, Сурия, Фаластин, Миср, Месопотамия, Кавказ орти, Қрим ярим ороли жанублари кирган. Византия гарчи қийинчиликлар билан бўлсада, варварлар ҳужумларига бардош бера олди. Қулчилик анъаналари V - VI асрларда ҳам сақланиб қолди. Ҳатто VI асрда Ғарбий ҳудудлар (Варвар королликларидан тортиб олинган) да ҳам қулчилик тикланди. Ҳатто VII - VIII асрларда ҳам Византия “Ромейлар” (римликлар) давлати бўлиб қолаверади, чунки Римнинг сиёсий ва маданий анъаналарини сақлаб қолишда давом этмоқда эди. Шундай бўлсада, ижтимоий тартибларда қулчилик тобора кўпроқ кириб кела бошлади. Византиянинг феодаллашишига словянлар (болгар, серб, хорватлар) катта роль ўйнадилар. Улар Византия ҳудудларига келиб ўрнашиб, Германлар Рим империясида қандай роль ўйнаган бўлсалар, шу ролни Византияда славянлар ўйнадилар. Византиянинг славянлашувига, варвар королликлари, славянлар, шарқда Эрон давлатига қарши тура олган, қулчилик анъаналарини қайта тикланган император Юстиниан (527-565 йй.) бўлиб ҳисобланади. Юстиниан даврида Византия Германлар ва славянлар ҳужумини қайтариб қолмасдан балки уларга қарши ҳужумга ҳам ўта олди. У Ғарбий Рим империяси ҳудудларини ҳам ўзига қўшиб олиш учун курашди. Унинг саркардалари Велизарий, Нарсеслар 534 йил Шимолий Африкадаги Вандал короллигини, 555 йил Италиядаги Остгот короллиги, шу йили Испаниянинг Жанубий Шимолда хунлар, Шарқдан Эрон билан тўқнашувлар барбод қилади. Юстиниан давлат бошқаруви, қонунчилик борасида ҳам бир қатор ислоҳотлар амалга оширилади. Унинг ҳукмронлиги даврида барча Рим императорлари қонунлари тўпланиб, Трибониан бошчилигида 528-34 йилларда “Граждан ҳуқуқлари тўплами” ишлаб чиқилди. У тўрт қисмдан иборат бўлиб, 1-қисмида 12- томдан иборат Рим императорлари қонунлари тўплами, 2-қисмда Рим

ҳуқуқининг турли соҳаларига оид, Рим юристларининг дегистлари (50 китобдан иборат, 3-қисм институция деб номланиб, судьялар ва юристлар учун 1 китобдан иборат қўлланма бўлса, 4- қисм новеллалардан иборат бўлиб, у дастлаб кодексларга кирмаган. 535 йилдан Юстиниан умрининг охиригача қабул қилган қонунларидир. Юстиниан қонунларида кишилар икки гуруҳга, қарам (қул) ва эркин кишиларга бўлинсада қулларни эркинликка қўйиб юбориш, колонлар тўғрисидаги қонунлар империянинг феодаллашишидан далолат берар эди. 532 йилги Ника қўзғолонларидан кейин Юстиниан йирик ер эгалари, сенаторлар, магнатларга қарашли ерларни бир қисмини черковлар ва ҳарбий хизматчи, кам ерли, ерсиз деҳқонларга бўлиб беришга эриша олди. Маъмурий бошқарувда Марказий ҳокимият ролини ошириш учун, маҳаллий ҳудудлардаги иккинчи даражали мансабдорларни ҳам император буйруғи билан тайинлаш тартибини жорий қилади. Туз, ипак ва бошқа бир қатор маҳсулотлар савдосида давлат монополияси ўрнатилади. Византия феодаллашув жараёнини VII асрда яратилган “деҳқончилик қонунлари” китобида айниқса аниқроқ намоён бўлади. Қонунларда Византия деҳқон жамоаларининг ердан фойдаланиш тартиби қуйидагича бўлган. Жамоа ерлари ҳар йил баҳорда жамоа аъзолари ўртасида тақсимланган. Ҳосил йиғиб олингандан сўнг, барча ерлар яна жамоа мулки ҳисобланиб, жамоа эгалари чорва молларини боққанлар, деҳқончилик қонунларида апрах - деҳқонлар, яъни ерни ижарага олиб ишловчи деҳқонлар ҳам тилга олиниб, улар йирик хусусий ер эгалари ва жамоадан ер ижарага олиб, ҳосилнинг ярмини ер эгасига берганлар. Йирик ер эгалари ҳосилни ўндан бирини тўловчи мортитлар ҳам тилга олиниб, улар эркин жамоачиларнинг йирк ер эгасига иқтисодий қарам бўлиш жараёнидаги дастлабки кўринишлардан бўлиб ҳисобланади. Византия маданияти илк ўрта асрларда Европадаги энг илғор фан ютуқлари натижасида юзага келган десак хато бўлмайди. Чунки Византия Рим империяси вориси сифатида антик давр анъаналарини, илм-фанини давом эттириш билан бирга, шарқдаги билимлар ва империя яхлитлиги эвазига юқори маданий

ютуқларга эришди. Айниқса, қасрлар, ибодатхоналар қурилишида бу ўз аксини топди. 532-538 йилларда қурилган муқаддас София черкови ўз даври учун йирик ва бетакрор архитектура намунаси бўлиб қолади. Бино сўнгги Рим императорлари томонидан қурилган иншоотларга ўхшаб кетсада, антик архитектура намуналарини (ички устунлар, колонада) ҳам ўзида акс эттирган, шунингдек, Шарқ анъаналари (қимматбаҳо безаклар бериш, йирик қубба)ни ҳам ўзида мужассамлаштирган. Тарих фани соҳасида Прокопий Кесарийский (“урулар тарихи”, готлар, форслар), “қурилишлар тарихи”, “сирли тарих” каби асарларида нафақат Византия балки унга қўшни халқлар тарихига оид қимматли маълумотлар мавжуд. VI асрда яшаган Агафий Прокопий маълумотларини бир қадар тўлдиради. Аниқ фанлар соҳасида София ибодатхонасини қуришда иштирок этган Александр Тралльский, Павл Эгинский, математик механиклар исмдор Милетский, Анфимия Тролльскийларни таъкидлаш лозим. Географлардан Козьма Индикоплавт ўз даври учун энг аниқ харита чизгани билан алоҳида ажралиб туради. Юстиниан замони ва ундан кейинги оғир урушлар даврида халқ аҳволи оғирлашди. Шунингдек турли еретик секталар фаолияти ҳам кучайиб борди. V - VII асрларда империя учун монофизистлар ва несторианлар айниқса хавфли тус олади. Монофизистлар - V асрда шаклланиб, улар Исони оддий инсон эмас худо деб ҳисоблаганлар. Несторианлар эса ғарбдаги Арианликка ўхшаб, Исони оддий инсон деб ҳисоблаганлар. Бу оқимлар Миср, сурия, Месопотамия ҳудудларида кенг тарқалган эди. Византия маданияти Шарқий Европа халқларига ҳаётига катта таъсир кўрсатди. Византия архитектураси анъаналари асосида Болгария (София ибодатхонаси), Киев ва Новгороддаги София ибодатхоналари ўз даврида Византия услубидаги архитектура услубида қурилган эди. Византия маданияти айниқса, рус маданиятига катта таъсир кўрсатди. IX - XI асрларда ҳам Византияда деворга фрескалар ва тасвирий санъат намуналари асосида ишлов бериш, мозаик тасвирлар тасвирлаш усуллари ривож топади. Ювилер буюмлар, ўймакорлик, металга ишлов бериш Европада энг тараққий этган эди. Шунингдек, қуролсизлик, кемасозлик, тоғ-кон ишлари ҳам тараққий этган эди. IX - XI асрларда Константин VII Багрянородныйнинг

“Империяни бошқариш”, “Фемлар ҳақида”, “Одатлар ҳақида” асарлари, Патриарх Фотий (820-891 йй.) нинг “Мириобиблион”, Иоанн Малала, Феодан, Георгий Амартол, Анна Комнин, Никита Акоминат каби тарихчиларни санаб ўтиш мумкин. Уларнинг асарларида Византия ва унга қўшни халқлар салиб юришлари каби масалалар ёритилган. Византияда христиан динининг провослав черкови ҳукмрон мавқега эга эди. Лекин Ғарбдаги католик йўналишидан анча фарқ қила бошлаганди. Провослав черковига Эрон билан бўлган урушлар рақобат натижасида Эрон ҳудудларидан моний ва маздак оқимлари зардушт руҳонийларидан қочиб Византия ҳудудларига кириб кела бошладилар. Натижада бу оқимлар христиан провослав динига сингиб, ҳатто монийлик христианликда Павликанлик йўналишига айланиб кетади. Католик мазҳабидаги мамлакатларга ҳам кириб боради. Монийлик таъсирида илоҳий иконалар чизишлар ва уни илоҳий қудратига ишониш кучайган даврларда ҳатто иконачилик (бутпарастликка) қарши кураш жараёнлари ҳам бўлиб ўтди. Павликанлик еретик мазҳаб деб эълон қилинди. Христианликни католик ва провослав мазҳабларига ажралиб кетиши 1054 йили Рим папаси ва Константинопол патриархи бошқарув тизимидаги ибодат тили, одатлари устида келишмовчиликлари туфайли жанжаллашиб, бир-бирларига анафема (лаънат) ўқишади. Католик мазҳабидан фарқли Провослав черкови марказлашмаган ташкилот бўлиб, рус цивилизациясининг дастлабки даврларида рус митрополитини Константинопол патриархи тайинласада, Митрополит мутлақо мустақил фаолият олиб борган. Архитектура икки даврда қулдорлик ( IV - V ) аср ва феодализм (6-15 асрлар) даврларига бўлинади. Зафартоқлари, черковлар қурилишида базилика кенг расм бўлди. Кичик Осиё, Сурия (калоб - лузех, 480 й.) ва Калат-Семан (5 аср) базиликаси кейинчалик София ибодатхонаси (гумбаз диаметри 31,5 м, баландлиги 55 м.) қурилишида кенг қўлланилди. 7-8 асрдан бошлаб гумбазли ибодатхоналар Фессолоника собори, Константинополдаги Андрей Хрисис, Феодосий, 11-12 асрларда бу анъаналар давом этиб, Фессолоника Биби Марям (11 аср), Пантелей

Мон (12 аср), Афинада Феодор (11 аср) ибодатхоналари Шарқ ва Ғарб анъаналарини уйғунлаштирган эди. Тасвирий санъат юнон, Рим, Ғарбий Европа, Жанубий Словян, Шарқ санъати уйғунлигини кўриш мумкин. Асарларда соя, чизиқлар ва рангдорлик ниҳоятда ифодали бўлган. Равенадаги Сан-Виталле чреокив (547 й) Никидаги успенсиа (7 аср) Дофнадаги монастр (11 аср) мозоика ва фрескалар ва бошқаларни мисол қилиб келтириш мумкин. Минатюрали асарлардан китобларни безаш ва бадавлат кишилар портретларини жамлаган “Исусновин ўрамли ёзувлари” (7 аср) “Париж пластри” (10 аср) ва бошқаларни келтириш мумкин. Мусиқа санъатида профессионал мусиқа эвфемик (пардали0 сўзларни ибодатхоналарда қироат билан айтиш, орган, труба жўрлигида ижро этиш рам бўлган. Забур, инжил оятлари ижроси кенг тарқалган. 5-6 асрларда яшаган шоир ва мусиқачи Роман Кондак деб номланувчи мадҳия-гимнлардан мураккаб компоцизиялар тузган. 7-8 асрларда яшаган критлик Андрей Конон деб аталган бандма-банд мадҳиялари кенг тарқалган. 8 асрда яшаган Ион Домаский муножотларнинг энг атоқли муаллифидир. 9 асргача Византия мусиқаси Европада пешқадамлик қилган. Кейин инқирозга юз тутган. 5-6 асрларда фалсафада неоплатонизм ҳукмронлик қилар эди. Уни Прокл Диодох (410-485 йй.) системалаштирган эди. 4 асрда яшаган Серен Антинейский конус ва цилиндрнинг кесишишини тадқиқ қилди. Феон Александрийский математикадан ташқари оптика ва астрономия билан шуғулланди. Врач Орибасий (326-403 йй.) медицина энциклопедиясини яратди. 4 асрда Константинополда олий дунёвий мактаб очилади. У 7 асрда ёпилиб 9 асрда қайта очилади. Энг машҳур файласуфлари Михаил Пселл (1018-1078), Иоан Итол (11 аср) фалсафа ва черков бир-биридан мустақил, уларнинг ҳар иккиси ҳам ҳақиқатни алоҳида таҳлил қилади деб ҳисоблайдилар. 8-9 аср бўсағасида феодал муносабатларнинг ривожланиши натижасида маркази Киев бўлган илк феодал давлати - Қадимги Рус давлати пайдо бўлди. 988- 989 йилларда христиан дини қабул қилинди. 11 асрда Шарқий Славянларда феодал тузум қарор топди.

Печенег (бижинак) ва қипчоқлар ҳужумини қайтарган Киев Руси Шарқий Европадаги йирик давлатга айланди. Киев Руси давлатининг равнақи Владимир Святославич (тахм. 980-1015 йилларда идора қилган) ва Ярослав Мудрий (1019-54 йилларда идора қилган) фаолияти билан боғлиқ. Феодал муносабатларнинг ёйилиши ҳамда синфий курашнинг кескинлашуви янги феодал марказларнинг юксалиши ва маҳаллий феодаллар ҳокимиятининг кучайишига олиб келди. Владимир Всеволодович Мономах (1113-25 йилларда идора қилган) Киев Руси давлатини ўз қўлида сақлаб қолишга муваффақ бўлди. Аммо улуғ княз Мстислав Владимирович вафоти (1132) дан сўнг қадимги рус давлати парчаланиб кетди. Кие русидан Владимир Суэдаль князлиги, Галич - Волин князлиги, Новгород феодал республикаси ва бошқа давлатлар ажралиб чиқди. 1223 йили жанубий рус князликлари мўғул- татарлар билан Калка дарёси бўйидаги жангда мағлубиятга учради. 1236 йили мўғул-татарларнинг Шарқий Европага юриши бошланди. Улар Волга- Кама Булғориясини, 1237 йили Рязань ва бошқа шаҳарларни вайрон қилдилар. Айни вақтда рус давлатига ғарб томондан ҳужум бошланди. 1240 йили шведлар бостириб кирди. Рус қўшинлари Нева жанги (1240) да Александр Невский раҳбарлигида шведларни, 1242 йилги Муз устидаги жангда немисларни тор-мор келтирди. Феодал тарқоқликнинг кучайиши ва мўғул-татарлар хавфи натижасида жанубий ва ғарбий рус ерлари кучайиб келаётган Буюк Литва князлигига, Закарпатье, Венгрия, Галиция ва Польша қўл остига ўтиб кетади. Феодал тарқоқлик мўғул-татарларга қарши кураш билан бир жараёнга тўғри келди. 15-16 асрларда Москва князлиги атрофида бирлаштирилди. Иван IV Грозний (1533-84) даврида Қозон, Астрахань хонликлари Сибирь ғарбий қисми забт этилди. 15 асрнинг охири 16 асрнинг бошларида рус халқининг шаклланиши жараёни бўлиб, Россия деган ном шу даврдан бошлаб ишлатила бошланди. Россияда 1604 йил швет феодаллари 1611-12 йилларда Польша қўшинлари бостириб кирди. Пётр I (1700-1721 йй.) даврида мунтазам армия ҳарбий денгиз флоти тузилди. Боярлар думаси тугатилиб, сенат ва коллегиялар тузилди. 1700 йилда янги календарга ўтилди. Россия Ўрта Осиёга ва Узоқ Шарқ минтақасига мустамлакачи сифатида кириб кела бошлади. 1812 йил Напалеонга қарши оғир

уруш бўлиб, Россия ғалаба қозонди. Александр II даврида (1861) Россиядаги 22,5 млн Крепостной деҳқонлар чиқарилди. Рус адабиёти унинг бой оғзаки ижодиёти 11 асрдан бошлаб шакллана бошлади. Меҳнаткашларнинг аҳволи, ташқи душманларга қарши кураш Ил Муромец, Добриния, Василий Балислав каби қаҳрамонлар образи сифатида гавдаланди. Ёзма адабиёт 11 асрда шакллана бошлади. 14-15 асрларга оид Новгородлилар ва судаликлар жанги ҳақидаги афсона Иоан Новгородский ҳақидаги афсоналар цикли етакчилик қилди. 15-16 асрларда экспрессив эмоционал услуб (афсона ва публицистика) услуби устунлик қилди. 17 асрдан бошлаб рус адабиёти тематик ва услуб жиҳатидан бойиди. А.С.Пушкин реалистик поэзия жанрини яратди. М.Ю.Лермантов бу анъанани давом эттирди. 9010 асрларда рус шаҳар маданияти шаклланди. 10-13 асрларда фрезка- мозацка санъати, китоб минатюраси ривожланди. 16 асрда Москвада тош ибодатхоналарнинг чодирсимон томли миноралари вужудга келди. 17 асрда рус тасвирий санъатида дунёвий мазмун кенгайди. Асрнинг ўрталарида қурол палатаси бадиий марказга айланди. 1757 йилда Петербургда бадиий академияга асос солинди. Рус мусиқаси славян қабилалари мусиқасига яқин бўлиб, меҳнат, маросим, лирий қаҳрамонлик, рақс қў шиқлари, хор, мусиқа шакли ривожланган. Асосан мусиқа асбоблари гусли, доира, балалайка, гитара, гармон ва бошқалар бўлган. 998 йил христиан дини қабул қилингач червок хонандалиги қабул қилди. 1859 йил А.Рубинштейн ташаббуси билан рус мусиқа жамияти тузилди. 1862 йил Петербургда, 1866 йилда Москвада консерватория очилди.

Хулоса Жаҳон цивилизациялари ва уларнинг тарихига бағишланган кичкинагина усулий ишланмани яратишимиз бу борадаги тугалланган иш деб бўлмайди. Бу борадаги дебоча ишлардан холос деб ҳисоблаймиз. Шунинг учун ундаги айрим камчиликлар учун муҳтарам ўқувчидан узр сўраймиз. Кўриб чиқилган мавзулар инсоният цивилизациясининг энг қадимги даврларидан янги замон давригача бўлиб, ҳозирги замон цивилизацион жараёнлари хусусида тўхталиб ўтирмадик. Биз бу мавзуни алоҳида ўрганиш зарур ва албатта уни ўрганишда кўпгина воқейликларга танқидий баҳо бериш зарур деб ҳисоблаймиз. Бу борада ғарбдан турли - туман оқим ва “маданият” ларнинг кириб келиши ва уларнинг салбий жиҳатларига алоҳида урғу берилишини истаймиз. Жаҳон цивилизациялари тарихи, уларнинг вужудга келиши, ривожланиши ва инқирози масалаларини бизнинг фикримизча, муҳим ижтимоий - сиёсий аҳамиятга эга бўлган муамо деб қараш ва уни кенг миқиёсда, дунёнинг барча мамлакатлари ва халқлари ҳаётига дахлдор масала сифатида ўрганиш, таҳлил қилиш ва баҳолаш мақсадга мувофиқдир. Ушбу ишланма ана шундай саволларнинг айримларига жавоб беради деб ҳисоблаймиз.

Адабиётлар : 1. Каримов И.А. Тарихий хотирасиз келажак йўқ. Т., 1998. 2. 2017-2021 йилларда Ўзбекистон Республикасини ривожлантиришнинг бешта устивор йўналишлари бўйича ҳаракатлар стратегияси. 2017 йил 7-Февраль. ПФ 4947-сонли фармон. //Халқ сўзи, 28-сон, 2017 йил, 8 февраль. 3. Мирзиёев Ш.М. Таныидий таҳлил, қатъий тартиб-интизом ва шахсий жавобгарлик-ҳар бир раҳбар фаолиятининг кундалик қоидаси бўлиши керак. - Т.: Ўзбекистон, 2017. - 104 б. 4. Эшов Б. Цивилизация тизимида илк шаҳарлар. Тошкент, 2005. 5. Островский А.В. История цивилизаций. Санкт-Петербург. 2000 6. Яковец Ю.В. История цивилизаций. М., 1997. 7. “Древние цивилизации”. Под общей редакцией Бангарда-Левина Г. М. М., 1989. 8. “Древнеиндийская философия. Начальный период” М., 1963. 9. “Мифология древнего мира”. М., 1977. 10. Крамер С. “История начинается в Шумере”. М., 1991. 11. Ғуломов Х.Ғ., Татибоев А.С. “Ўрта Осиё ва жахон тарихи”. Т., 1993.

Похожие

Қадимги Кавказорти ўлкаларининг цивилизациялари

VI-XI асрларда Византия империяси

VI—XI Асрларда Византия империяси

Қадимги Кичик Осиё ва Шарқий Ўрта ер денгиз бўйи цивилизациялари

XIII-XV асрларда Византия. Константинополнинг қулаши