Мустақил Ўзбекистон давлатининг барпо этилиши - История - Рефераты

Мустақил Ўзбекистон давлатининг барпо этилиши

Загружено в:

25.09.2022

Скачано:

0

Размер:

77 KB

Мустақил Ўзбекистон давлатининг барпо этилиши Режа: 1. Ўзбекистон – буюк ўтмиш ва узоқ тарихга эга бўлган давлат. Ўзбекистон халқининг миллий истиқлол учун кураш тарихидан. 2. Ўзбекистоннинг давлат мустақиллигини қўлга киритиш томон йўл тутиши. 3. Ўзбекистон – мустақил давлат. 4. Оғир синов йиллари. 5. Огоҳлик – мустақилликни асраб-авайлаш, ҳимоя қилиш ва мустаҳкамлашнинг муҳим омили. 1

Ўзбек халқи ўз тарихий тараққиёти давомида оғир ва мураккаб синовларни бошдан кечирган. Марказий Осиё давлатлари жойлашган географик кенглик, айниқса, Ўзбекистон Республикаси ҳудуди доимо турли ташқи босқинчи кучлар диққатини ўзига тортиб келган. Чунки бу ҳудуд Шарқ билан Ғарбни, Шимол билан Жанубнинг боғланишида энг қулай чорраҳада жойлашган бўлиб, гўзал ва бетакрор табиатга, серҳосил тупроғи ва ерости бойликларига эга. Бунинг натижасида юртимиз ҳудуди, шаҳар ва қишлоқлари жуда кўп марта вайрон этилган, халқимизнинг фидойи фарзандлари Ватан ҳимояси йўлида қурбон бўлган. Бойликларимиз таланган, аждодларимиз тазйиқ ва таъқиб остида яшаган. Халқимизнинг Ватан мустақиллиги учун олиб борган кураши тарихига назар ташлар эканмиз, унинг оғзаки ижодида мифологик образлар билан бирга афсонавий қаҳрамонлар образлари тасвирланганлигини ҳам кузатиш мумкин. Бу қаҳрамонлар кишиларнинг осойишталиги ва бахт-саодати учун курашиб, фидокорлик кўрсатадилар. Чунончи, Тўмарис, Широқ, Зарина, Рустам, Сиёвуш ҳақидаги халқ оғзаки эпосларида ватанпарвар ва фидокор баҳодирларнинг монументал образлари яратилган. “Тўмарис” эпосида Ўрта Осиё халқларининг чет эл босқинчиларига, хусусан, эрамиздан аввалги VI асрда бу ўлкага бостириб кирган Эрон аҳмонийлари шоҳи Кир II га қарши Массагет қабилаларининг қаҳрамонона кураши акс этган. Кир II қўшини тор-мор этилиб, унинг ўзи милоддан аввалги 529-йилда жанг майдонида ўлдирилади. Боши танидан жудо қилиниб, қон билан тўлдирилган мешга солинади. Доро қўшинларига қарши турган халқ қаҳрамонининг жасоратини акс эттирган “Широқ” эпоси ҳам Ўрта Осиё халқларининг чет эл босқинчиларига қарши қаҳрамонона курашини акс эттиради. Ватанпарварлик ва жасорат, Ватани ва халқининг бахт-саодати йўлида фидойилик қилишга шай, тайёр туриш каби юксак маънавиятлилик сак қабиласининг ўғлони чўпон Широқ тимсолида гавдаланган. 2

Юқорида келтирилган ҳар иккала халқ оғзаки ижоди намуналари замирида ҳақиқий тарихий далиллар ётади. Тўмарис ва Широқ халқ қаҳрамонлари аҳмонийлар тажовузига қарши курашган, ўз халқи, Ватани учун жонини ҳам аямайдиган буюк ва мислсиз мардлик ҳамда жасорат тимсоли ҳисобланади. Милоддан аввалги 329 йилда македониялик Искандар Ўрта Осиё ҳудудига босқинчилик юришларини уюштирди. Унга қарши Спитамен бошчилигидаги сўғдийлар кураш олиб боради. Ёзма манбаларда келтирилган маълумотларга кўра, Искандар учун Спитамен катта хавф туғдирганлиги сабабли, унга қарши жиддий тайёргарлик кўради. Милоддан аввалги 328 йилда Спитамен Бақтрияда ва Қуйи Зарафшонда юнон-македонларга қарши ҳужум бошлайди, аммо бу жанглар Спитамен қўшини учун муваффақиятсиз якунланиб, Спитамен саклар билан чўл ҳудудларга чекинишга мажбур бўлади ва у ердаги жангларда ўлдирилади. Спитамен бошчилигидаги кураш мағлубиятга учраганига қарамасдан, Ватан мудофааси ҳамда озодлиги учун олиб борилган муқаддас кураш тимсоли сифатида тарихимиз саҳифаларида муҳрланиб қолган. VII асрнинг охири – VIII асрнинг бошларида араб босқинчилари Мовароуннаҳрни босиб оладилар. Бунда истило ва истидодга қарши кураш ғоялари ягона мақсад йўлида, масалан, Турон заминни истилочилардан озод қилиш учун бўлган жангларда бирлаштирувчи ғоя бўлади. Хусусан, Муқанна бошчилигидаги қўзғолон ва унинг озодлик учун кураш ғоялари истилочиларга қарши курашда мафкура вазифасини бажарди. XIII аср бошида Ўрта Осиё ҳудудига Чингизхон бошчилигида мўғуллар бостириб киради. Уларга қарши курашган қаҳрамон амирлардан бири Хўжанд ҳокими Темур Малик бўлган. Бир ярим ой давомида жон олиб, жон бериб Хўжанд шаҳрини ҳимоя қилган. Ўт ичида қолган шаҳарни иложсиз тарк этиб, Сирдарё ўртасида бир оролга жойлашади ва душманга қарши курашишни давом эттиради. Ниҳоят, махсус кемалар ясаб, дарё оқими бўйлаб Хоразм томон сузиб кетадилар. Халқ қаҳрамони Темур Маликнинг бундан кейинги қаҳрамонликлари Хоразм ва она юртнинг бошқа ҳудудларини босқинчилардан ҳимоя қилувчилар сафида кечди. 3

1221 йилнинг ёзида мўғуллар Хоразмшоҳлар пойтахти Гурганчга ҳужум қилганда Жалолиддин Мангуберди, Темур Малик сингари саркардалар халқ қасоскорлари билан бир сафда жанг қилдилар. Бу жангда оташнафас шоир, ҳақиқат ва маърифат илми пешвоси Шайх Нажмиддин Кубро беназир ибратдир. Мамлакат бошига мусибат тушганда 76 ёшли шайх ўз муридларини ёвга қарши курашга илҳомлантириб турди. Чингизхон довруғи дунёга кетган шайх ҳузурига элчи жўнатиб, унга ўз яқинлари билан шаҳарни тарк этишни таклиф этади. Шайх эса, табиийки, Чингизхон “марҳамат”ини рад этиб, унинг элчисига “Шу тупроқда туғилибмиз, шу тупроқда ўламиз!”, – деб жавоб беради. Эртаси куни шайх Нажмиддин Кубро ўз шогирдларини қуроллантириб, мўғулларга қарши жангга бошлайди. Ўзи ҳам қўлида қурол билан душманга қарши жанг қилади. Жароҳатлангач, йиқилаётиб душман байроғига чанг солади. Жангчи мўғуллар жонсиз шайх қўлидан байроқни ажратиб ололмаганлар. Мовароуннаҳрни босиб олиш мўғуллар учун осон кечмади. Хоразмшоҳнинг тўнғич ўғли Жалолиддин Мангуберди, Темур Малик каби Ватан ҳимоячилари сўнгги нафасларигача душманга қарши курашаётган халққа раҳнамолик қилдилар. Улар ўзларининг ботир жангчилари билан ўн йил давомида гоҳ Мовароуннаҳр, гоҳ Афғон ва Ҳинд, гоҳ Эрон ёки Кавказда пайдо бўлиб, мўғулларга қақшатқич зарбалар беришда давом этдилар. Мўғуллар ҳукмронлиги даврида Мовароуннаҳрда юз берган муҳим ватанпарварлик жасоратларидан яна бири — Маҳмуд Торобий етакчилигида истилочиларга қарши кўтарилган қўзғолон бўлди. Қўзғолон 1238 йили Бухоро шаҳридан уч фарсах узоқликда жойлашган Тороб қишлоғида бошланди. Қўзғолонга мўғул босқинчиларининг кун сайин ошиб бораётган зулми ва аскарининг бебошлиги сабаб бўлди. Лекин қўзғолончилар етарли даражада фаоллик ва ташаббус кўрсата олмадилар. Қўзғолон бошқа шаҳарларга тарқалмади. Жанглардан бирида Маҳмуд Торобий яраланиб, ҳалок бўлади. Мўғулларга қарши курашларнинг мағлубиятга учрашига қарамай, бу курашлар уларнинг зулмини кучсизлантиришга хизмат қилган. 4

Мовароуннаҳрни мўғул истилочиларидан озод этиш, тобора парчаланиб бораётган мамлакатни бирлаштириш, унинг мустақиллигини таъминлаш, босқинчилар зулми остида йилдан–йилга ночорлашиб, қашшоқлашиб бораётган халқ турмушини яхшилаш йўлида олиб борилган курашларга буюк Соҳибқирон Амир Темур бошчилик қилди. 1370 йилда Амир Темур ҳокимият тепасига келгач, мамлакатда қайта тиклаш ишлари, ободончилик, суғориш тармоқларини барпо этиш ва таъмирлаш ишларига катта эътибор қаратди. Турли тоифаларга мансуб мулк эгаларини бир қўл остида бирлаштирди. Давлат сарҳадларини душманлардан ҳимоя этиш мақсадида Мўғулистонга етти марта ҳарбий юришларни амалга оширди ва ғалабаларга эришди. Мовароуннаҳрнинг шарқий ва шимолий ҳудудлари дахлсизлигини таъминлади. Бунинг натижасида Мовароуннаҳр марказлашган, қудратли давлатга айланди. Умуман олганда, Амир Темур давлатида: - шаърий ва инсоний қонунлар устуворлиги; - қудратли ҳарбий қўшинга эгалиги; - инсон, жамият манфаатлари улуғворлиги; - мамлакатда тинчлик ва барқарорлик таъминланганлиги; - давлатлараро ижтимоий-иқтисодий, маданий алоқаларнинг мустаҳкамланиши; - қонун устуворлиги таъминланган эди. Ўзбекистон Республикаси Президенти И.А. Каримов таъкидлаганидек: “Ўзбекистоннинг бугунги озодлигини мустаҳкамлаш даврида Амир Темур биз учун буюк давлат асосчиси сифатида қадрлидир. У давлат пойдеворини қурган, давлатнинг ҳуқуқий асосларини барпо этган. Унинг давлатчилик борасидаги фикрлари нафақат ўз даври, балки келгуси авлодлар учун ҳам катта аҳамият касб этади” 1 . Амир Темур вафотидан сўнг темурийзодалар ўртасида тахт учун курашлар марказлашган давлатни парчалабгина қолмай, уни заифлаштирди. Натижада XVI 1 Каримов И.А. Маънавий юксалиш йўлида. – Т.: Ўзбекистон, 1998, 410-б. 5

аср бошларида Дашти Қипчоқ томонидан кўчманчи ўзбеклар давлати ҳукмдори Муҳаммад Шоҳбахт Шайбонийхон кўшинлари Мовароуннаҳрни босиб олди. Кейинчалик, Шайбонийларнинг Мовароуннаҳрда ташкил этган давлати Бухоро хонлиги деб атала бошланди. XVIII асрга келиб эса Ўрта Осиё ҳудуди учта (Бухоро, Хива, Қўқон) хонликка бўлиниб кетди. Бироқ Ўрта Осиё хонликлари ўртасидаги сиёсий ҳукмронлик учун низо ва урушлар пировардида мамлакатни инқирозга туширди. Бундай сиёсий вазиятдан фойдаланган Россия империяси ХIХ асрнинг иккинчи ярмида Ўрта Осиё давлатларини босиб олди. Бухоро амирлиги ва Хива хонлиги сиёсий мустақиллигини сақлаб қолган бўлсада, иқтисодий нуқтаи назардан Россия империясининг протекторати остида қолган эди. Қўқон хонлиги бутунлай тугатилиб, унинг ўрнида Туркистон ўлкаси ташкил этилди. Россия империяси истибдодига қарши маҳаллий аҳолини тинимсиз норозиликлари халқ қўзғолонлари ва ҳаракатлари шаклида намоён бўлиб турди. Хусусан, 1892 йилги Тошкент қўзғолони, 1898 йилги Андижондаги Мадали Эшон қўзғолони, ХХ аср бошларидаги Номоз Ботир бошчилигидаги Самарқанд вилоятидаги қўзғолонлар бунинг ёрқин мисолидир. 1916 йилда Туркистонда мустамлакачилик зулмининг янада кучайиши, оғир иқтисодий танглик, очарчилик ва қашшоқликнинг авж олиши сабабли истибдодга қарши халқ қўзғолонининг янги тўлқини бўлиб ўтди. Бироқ, кўтарилган озодлик ҳаракатлари тарқоқ ғоявий жиҳатдан бирлашмаган бўлиб, бунинг асосий сабабларидан бири хонликлар ўртасидаги адоват, қарама-қаршилик ва зиддиятлар бўлган. Шунинг учун улар осонликча бостирилар эди. ХIХ аср охири ва ХХ аср бошларида Туркистоннинг ижтимоий-сиёсий ҳаётида жадидчилик ҳаракати кенг тус олди. Мазкур ҳаракатнинг таниқли намоёндалари Мунаввар Қори Абдурашидхонов, Маҳмудхўжа Беҳбудий, Абдурауф Фитрат, Абдулла Қодирий, Убайдулла Хўжаев, Полвонниёз Ҳожи Юсуповлар мамлакатни инқирозли ҳолатидан бошқарув, дин, маориф, маданият соҳаларини ислоҳ қилиш йўли орқали олиб чиқишга ҳаракат қилган. 6

Жадидчилик Ўрта Осиёнинг турли минтақаларида турлича кечган бўлишига қарамасдан, уларни ягона ғоя, яъни мустақиллик учун қурашиш ғояси бирлаштирган. Улар турли хил маданий жамиятлар, нашриётлар, китоб дўконлари, жамоатчилик кутубхонлари, янги услуб мактабларини очдилар. Жадидлар ўзларининг ижтимоий-сиёсий қарашлари билан миллат манфаатларини ҳимоя қилган. ХХ асрнинг 20-йилларига келиб Ўрта Осиё ҳудудида совет ҳокимияти ўрнатилиб, “янги” мафкура – коммунистлар мафкураси таркиб топди. 70 йил давомида ҳукмрон мустабид сиёсат доирасида “ғайри инқилобий” қарашлари учун маҳаллий зиёлиларга қарши кураш олиб борилди. 1930, 1950, 1980 – йиллардаги сиёсий қатағонлар тўлқини юзлаб маданият, фан, адабиёт, сиёсат арбобларининг қурбон бўлишига сабаб бўлган. ХХ асрнинг 70-80 йилларида собиқ иттифоқ иқтисодиётининг ривожланиш суръати тобора пасайиб, буйруқбозлик бошқарув усули мамлакат ривожланишига тўсқинлик қилмоқда эди. Бундан ташқари, ўзбек халқининг бой тарихи ва маданиятини, ўлканинг ўзига хос ноёб хусусиятларини тушунмаган коммунистлар маҳаллий халқнинг урф-одатлари, анъаналарини камситдилар. ХХ асрнинг 80-йилларида собиқ СССРнинг ижтимоий-сиёсий, иқтисодий, маънавий ҳаётида инқирозли вазиятлар кескинлашиб борар эди. Натижада, иттифоқ таркибидаги республикаларни давлат мустақиллигини қўлга киритишга қаратилган интилишлари фаоллашиб борди. Ўзбекистонда мазкур жараёнлар 1989 йил 21 октябрда ўзбек тилига давлат тили мақомининг берилиши, 1990 йил 24 мартда Президентлик лавозимининг таъсис этилиши, шунингдек 1990 йил 20 июнида “Мустақиллик Декларацияси”ни қабул қилишда ўз ифодасини топди. Хусусан, “Мустақиллик Декларацияси”да умумбашарий қадриятлар ва демократия тамойилларига асосланиб давлат суверенитети эълон қилинди. 12-моддадан иборат мазкур Декларациянинг 1-моддасида: “Ўзбекистоннинг демократик давлат мустақиллиги республиканинг ўз ҳудудида барча таркибий қисмларини белгилашда ва барча ташқи муносабатларда танҳо ҳокимлигидир”, - деб белгилаб 7

қўйилди. Мазкур тарихий воқеа Ўзбекистоннинг ҳам сиёсий, ҳам иқтисодий мустақиллигини тасдиқлаб берди. 1991 йил 31 августда республика Олий Кенгашининг навбатдан ташқари сессиясида Ўзбекистон Республикаси Президенти И.А. Каримов Давлат мустақиллигини эълон қилди. 1 сентябрь Мустақиллик куни деб белгиланди. Шунингдек, Олий Кенгашда “Ўзбекистон Республикасининг Давлат мустақиллиги асослари тўғрисида” Қонун қабул қилинди. 17 моддадан иборат ушбу қонуннинг биринчи моддасида: “Ўзбекистон Республикаси ўз таркибидаги Қорақалпоғистон Республикаси билан мустақил, демократик давлатдир”, - деб белгилаб қўйилди. Давлат мустақиллиги тўғрисидаги мазкур ҳужжатлар ўзбек халқининг асрий орзусини рўёбга чиққанлигининг ҳуқуқий ифодаси бўлди. Ўзбекистон мустақил ички ва ташқи сиёсат юритиш, халқимиз учун ўз тақдирини ўзи белгилаш, ўзлари учун муносиб тараққиёт йўлини танлаш имкониятини яратди. 1991 йил ноябрда бўлиб ўтган Олий Кенгашнинг VIII сессиясида Давлат мустақиллиги бўйича референдум ўтказиш масаласи кўриб чиқилди. Мазкур сессияда 1991 йил 29 декабрида Давлат мустақиллиги тўғрисида референдум ўтказиш тўғрисида қарор қабул қилинди. Референдумда овоз бериш бюллетенига: “Ўзбекистон Республикаси Олий Кенгаши томонидан эълон қилинган Ўзбекистон Республикаси Давлат мустақиллигини маъқуллайсизми?” саволи қўйилган эди. Умумхалқ референдумида жами 9898707 та, яъни сайловчиларнинг 94,1% қатнашиб, улардан 98,2% Ўзбекистон Республикаси мустақиллигини маъқуллаб овоз берди. Шу тариқа давлат мустақиллиги халқ томонидан маъқулланди. 8Мустақил давлатнинг белгилари Давлатнинг ибтидоий жамиятдаги ҳокимиятдан фарқлари Аҳолининг ҳудудий принцип бўйича бўлиниши Оммавий-сиёсий ҳокимиятнинг мавжудлигиАлоҳида тоифадаги кишилар қатлами — бошқарувчилар, амалдорлар, ҳокимиятни бошқариш учун қўшимча кучлар: — армия, суд, полиция, турмалар ва бошқаланинг мавжудлигиДавлат аппаратини сақлаб туриш учун мўлжалланган солиқлар ва бошқа тўловларнинг жорий этилиши Давлатнинг жамиятдаги бошқа ташкилотлардан (партиялар, жамоат уюшмалари, диний ташкилотлар ва ҳ.к.) фарқлари Суверенитет — давлатнинг мамлакат ичида тўла ҳукмронлиги ва халқаро майдонда сиёсий мустақиллиги Ҳуқуқ ижодкорлиги, яъни ҳуқуқий меъёрлар чиқаришДавлат мажбурлов воситалари ёрдамида жамият манфаатларини қўриқлаш

1-чизма. Давлат мустақиллигининг ўзига хос хусусиятлари Бироқ давлат мустақиллиги катта масъулият бўлиб, дастлабки кунларданоқ, уни ҳам ташқи, ҳам ички ғанимлардан асраш зарурияти пайдо бўлди. Ижтимоий ҳаётнинг барча соҳаларида муаммолар тўпланиб борди, уларни маъмурий- буйруқбозлик усуллари билан ҳал қилишга уринишлар ҳеч қандай натижа бермади. Халқ орасида пинҳона ўсиб бораётган ишончсизлик, лоқайдлик кайфиятлари аста- секин юзага чиқа бошлади. Сиёсатга қарши митинг, намойишлар ўтказиш, ҳатто нохуш воқеалар ҳам содир бўла борди. Хусусан, 1989 йилнинг май-июнь ойларида Фарғонада фожиали воқеалар содир бўлди. Бунда II Жаҳон уруши йилларида Ўзбекистонга сургун қилинган месхети турклар ва маҳаллий аҳоли ўртасида минтақавий тўқнашувлар бўлиб ўтди. Фарғонада амалга оширилган сиёсий иғвогарлик, кейинчалик, 1990 йил февраль – март ойларида Бўка ва Паркент, 1990 йил июнида Ўш ва Ўзган воқеалари, 1991 йилнинг 8 декабридаги Намангандаги собиқ вилоят ижроқўми биносини эгаллаб олган диний экстремистларнинг конституцион тузумга қарши тажовузлари, 1991 йил октябридаги Олий кенгаш 7-сессиясида Президентни ағдаришга бўлган уринишлар, 1992 йил 16 январида Талабалар шаҳарчасида уюштирилган тартибсизликлар ва шунга ўхшаш хатти-ҳаракатлар халқимизнинг ҳамжиҳатлигини бузиш, унинг эркинлик ва озодлик учун олиб бораётган қурашига зарба беришга қаратилган эди. 1999-2001 йилларда эса мустақилликка қарши қурашлар дин ниқоби остида террорчи тўдаларнинг халқ тинчлиги ва барқарорлигига хавф туғдириши билан бирга мавжуд конституцион тузумни ағдаришга қаратилган эди. 2004 йил 28 март-1 апрель кунлари Тошкент шаҳри, Бухоро ва Тошкент вилоятларида, 2004 йил 30 июлида эса Исроил ва АҚШ элчихоналари, Ўзбекистон Бош прокуратураси биноси олдида такроран террорчилик ҳаракатлари содир этилди. 2005 йил май ойида диний экстремистик гуруҳлар томонидан Андижонда содир этилган ваҳшиёна терактларида бир қанча бегуноҳ инсонларнинг ҳаётига 9

зомин бўлди. Юқорида қайд этилган ғайриинсоний ҳаракатларнинг асл моҳияти жамиятдаги бунёдкорлик муҳитини бузиш, танланган демократик тараққиёт йўлидан қайтаришга йўналтирилган эди. Бироқ ёвуз кучларнинг мақсадлари амалга ошмади. Ўзбекистон Президенти И.А. Каримов бошчилигидаги раҳбарият томонидан ўз вақтида кўрилган чора- тадбирлар натижасида кескинлик бартараф этилди. Шунингдек, мазкур холатлар ҳар бир ўзбекистонликни ёшлар тарбияси, юрт тинчлиги ва осойишталиги масаласида огоҳ ва янада ҳушёр бўлишга, фахрланишимиз мумкин ва лозим бўлган бебаҳо қадриятлар – мустақиллик, миллатлараро тотувлик, тинчликни, Ватанни хавф-хатардан сақлашда янада масъулиятли бўлишга туртки бўлди. Бугун биз — халқимиз ўз олдига эзгу ва улуғ мақсадлар қўйиб, тинч- осойишта ҳаёт кечираётган, авваламбор ўз куч ва имкониятларига таяниб, демократик давлат ва фуқаролик жамияти қуриш йўлида улкан натижаларни қўлга киритаётган тарихий бир даврда яшамоқдамиз. Маънавий тарбия соҳасидаги амалга оширилаётган ишларни янада самарали олиб борилишида юқорида номлари зикр этилган улуғ аждодларимизнинг ҳар бири ҳақида кенг оммага, энг аввало ёшларга мўлжалланган кўрсатувлар, ҳужжатли фильмлар, мақола ва рисолалар ёрдамида тарғиб этишни кучайтиришимиз зарур. Ўзбекистон Республикаси Президенти И.А. Каримовнинг “Энг асосий мезон – ҳаёт ҳақиқатини акс эттириш” номли рисоласида маънавий тарғибот ишларини кучайтиришнинг қуйидаги йўллари асослаб берилган: – одамнинг иродаси, дунёқараши бақувват бўлиши учун унинг ҳаётга, эртанги кунга, ўзининг куч ва имкониятларига ишончини мустаҳкамлашда асосли ва ҳаққоний маълумот ва ахборотларга эга бўлиши зарур. Бу борада оммавий ахборот воситалари мамлакатимизда амалга оширилаётган ижтимоий–иқтисодий сиёсатни, янгиланиш ва ўзгаришларни ҳар томонлама чуқур, таъсирчан усуллар ёрдамида ёритиб бориши керак; – ҳар бир инсон қалбида ота–боболаримиз хоки ётган бу юрт, бу муққадас замин – бизники, унинг бугуни ва истиқболи фақат ўзимизга боғлиқ, мустақиллик пойдеворини қурган инсонлар бошлаган ишларни давом эттириш – ҳар биримизни 10

эзгу бурчимиз, деган тушунчани, керак бўлса ҳаётий эътиқодни ёшларимиз онгу шуурига сингдиришимиз зарур. 2 Биз ўз тақдиримизни ўз қўлимизга олиб, азалий қадриятларимизга суяниб, шу билан бирга, тараққий топган давлатлар тажрибасини ҳисобга олган ҳолда, мана шундай олижаноб интилишлар билан яшаётганимиз, халқимиз асрлар давомида орзиқиб кутган озод, эркин ва фаровон ҳаётни барпо этаётганимиз, бу йўлда эришаётган ютуқларимизни халқаро ҳамжамият тан олгани — бундай имкониятларнинг барчасини айнан мустақиллик берганини бугун ҳаммамиз чуқур англаймиз 3 . Ана шу ҳақиқатни халқимиз ҳар томонлама тўғри тушуниб, танлаган тараққиёт йўлимизни онгли равишда қабул қилгани ва қўллаб-қувватлаётгани олдимизга қўйган мақсадларга эришишнинг асосий манбаи ва гарови эканини ҳаётнинг ўзи тасдиқламоқда. 2 Каримов И.А. Энг асосий мезон – ҳаёт ҳақиқатини акс эттириш. – Т.: Ўзбекистон, 2009, 13-15 б. 3 Каримов И.А. Юксак маънавият — енгилмас куч. – Т.: Маънавият, 2008, 3-б. 11

Фойдаланилган адабиётлар : 1. Каримов И.А. Ўзбекистоннинг ўз истиқлол ва тараққиёт йўли. – Т.: Ўзбекистон, 1992. 2. Каримов И.А. Баркамол авлод – Ўзбекистон тараққиётининг пойдевори. – Т.: Ўзбекистон, 1997. 3. Каримов И.А. Маънавий юксалиш йўлида. – Т.: Ўзбекистон, 1998. 4. Каримов И.А. Тарихий хотирасиз келажак йўқ. – Т.: Ўзбекистон, 1998. 5. Каримов И.А. Амир Темур – фахримиз, ғуруримиз. / Маънавий юксалиш йўлида. – Т.: Ўзбекистон, 1998. 6. Каримов И.А. Эришган маррамизни мустаҳкамлаб, ислоҳотлар йўлидан изчил бориш — асосий вазифамиз. – Т.: Ўзбекистон, 2004. 7. Каримов И.А. Ватанимизнинг тинчлиги ва хавфсизлиги ўз куч- қудратимизга, халқимизнинг ҳамжиҳатлиги ва букилмас иродасига боғлиқ Маънавий юксалиш йўлида. – Т.: Ўзбекистон, 2004. 8. Каримов И.А. Империя даврида бизни иккинчи даражали одамлар, деб ҳисоблашар эди. – Т.: Ўзбекистон, 2005. 9. Каримов И.А. Юксак маънавият – енгилмас куч. – Т.: Ўзбекистон, 2008. 10. Каримов И.А. Энг асосий мезон ҳаёт ҳақиқатини акс эттириш. – Т.: Ўзбекистон, 2009. 11. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари. – Т.: Ўзбекистон, 2009. 12. Ўзбекистон Республикаси Президенти Ислом Каримовнинг “Жаҳон молиявий инқирози, Ўзбекистон шароитида уни бартараф этишнинг йўллари ва чоралари” номли асарини ўрганиш бўйича ўқув қўлланма. / Тузувчилар проф. Б.Ю. Ходиев ва бошқ. – Т.: Иқтисодиёт, 2009. 12

Похожие

Мустақил ўзбекистон матбуоти. ўзбекистон матбуоти ва фан-техника ютуқлари

Узбекистонда хукукий демократик давлат ва фукаролик жамияти асосларининг барпо этилиши

Узбекистонда давлат мустакиллигининг кулга киритилиши. Хукукий демократик давлат ва фукаролик жамияти асосларининг барпо этилиши

Узбекистонда давлат мустакиллигининг кулга киритилиши. Хукукий демократик давлат ва фукаролик жамияти асосларининг барпо этилиши

Мустамлака ҳукмронлигининг жорий этилиши