Kushon davlatida davlat muassasalari tizimi - История - Рефераты

Kushon davlatida davlat muassasalari tizimi

Загружено в:

14.01.2024

Скачано:

0

Размер:

102 KB

Kushon davlatida davlat muassasalari tizimi Reja: 1. Kushonlar davlatining tashkil topishi 2. Kushonlarda davlat boshqaruv tuzilmasi 3. Kushonlar davlatida harbiy soha va jinoyat va jazo organlar faoliyati 4. Kushonlar davlatida soliq tizimi.

Qadimgi Xitoy manbalari Baqtriyani yuechji qabilalari bosib olganligi haqida ma’lumot beradi. Mil.avv. II asrning ikkinchi choragida (tadqiqotchilar bu sanani mil. avv. 172-161 yillar oralig`ida deb belgilaydilar) yuechjilar xunlardan mag`lubiyatga uchraganidan so`ng O`rta Osiyoning shimoliy hududlarida ko`chib yuradilar. Bu qabilalar Xitoy manbalarida “Da-yuechji” – “Buyuk” yoki “Katta yuechji” deb eslatiladi. Xitoy manbalarida aytilishicha miloddan avvalgi III asrda Mo’g’ulistonda katta yuechjilar qabilalari ittifoqi hukmronlik qilgan. Hatto xunlar ham ularga o’lpon to’lagan. Mil. Avv. 206-yilda yuechjilar qo’lida garovda bo’lgan Mode xunlarga sardorlik qila boshlagan. U hokimyatni mustahkamlab, qo’shinni qayta tuzib 206-204-yillar yuechjilarga birinchi bo’lib zarba beradi. Mil. avv. 165-yili xunlar o’z sardorlari Shansuy Lyaoshan boshchiligida ikkinchi marotaba yuechjilarni tor-mor etadilar natijada yuechjilar g’arbga O’rta Osiyoga siljiydilar. Yapon olimi Kovabarinning yozishicha yuechjilar O’rta Osiyoning shimolida mil. avv. 172-161-yillarda bo’lgan. Amudaryo janubiga esa 139-129-yillarda kelishgan. Arxeologik ma’lumotlar yuechjilarning Samarqandda 130-121-yillarda bo’lganini ko’rsatadi. Yuechjilar Sug’dga Farg’ona orqali o’tdan degan fikrlar ham mavjud. O’rta Osiyoga kelgan yuechjilar (buyuk yoki katta yuechjilar) Sharqiy Turkistonda qolgani esa kichik yuechjilar deyilgan. Rus olimi S.S Tolstov fikricha yuechjilar bu-massagetlar, aniqrog’i massagetlar konfederatsiyasi tarkibiga kirgan toxarlardir. S.S. Tolstov fikricha ko’chmanchilarning janubga siljishiga sabab massagetlar konfederatsiyasi bilan xun va Baqtriya greklari o’rtasida kechgan kurashning yakuni ya’ni massaget (yuechjilar) parfiyalik bilan ittifoqda Salavkiy-Baqtriya greklari ustidan g’alaba qozongan. Shuningdek, S.S Tolstov ko’chmanchilarning janub tomon yurishlarini qandaydir stixiyali tarzda emas balki O’rta Osiyolik erksevar xalqlarining grek-makedon bosqinchilariga qarshi kurashi sifatida baholaydi. Yunonlar hukmronligining qulashi va ko`chmanchilar tomonidan zabt etilishidan so`ng (ya'ni er.av. II asrning 40-yillarida) Baqtriya tarixi shartli ravishda ikkita bosqichga bo`linadi. Dastlab uning hududida bir nechta

ko`chmanchi qabilalar boshliqlari tomonidan yaratilgan mayda davlatlar mavjud bo’lgan. Bu kechagi ko`chmanchilar tez orada o`troq madaniyat an'analarini o`zlashtirib, o`zlarini ishbilarmon yer egalari sifatida ko`rsatishdi. Ular tomonidan er.av.I asrda yangi kanallar o`tkaziladi, dehqonchilik vohalari yaratiladi, shaharlar barpo qilinadi. Tez orada Geray ismli hukmdor yirik kumush tangalar zarb ettirib, unda o`zining qurollangan suvoriy shaklidagi tasvirini joylashtiradi va bu tasvir tagida yunoncha alifbodagi yozuv yozdiradi. Bu bilan u ko`chmanchilar dashti va ellinistik davlatchilik an'analari kabi ikkita bosh mezonni tasdiqlamoqchi bo`ladi. Bu hukmdor o`zini kushonlik deb ataydi. Geray davlatining keyingi yuksalishi oxir-oqibatda Kushonlar saltanatining tashkil topishiga olib keladi. Shu tariqa Baqtriya tarixidagi ikkinchi bosqichga asos solinadi. Bu bosqichda Baqtriya Kushonlar podsholigi tarkibiga kiradi. Kushonlar podsholigining asoschisi Kadfiz I bo`lib, u o`ziga Baqtriya hududida joylashgan to`rtta katta bo`lmagan knyazliklarni bo`ysundiradi. Natijada butun Baqtriya yangi hukmdor hokimiyati ostida birlashtirilgan bo`lib, bu hukmdor “podsholar podshosi” unvonini qabul qiladi. Bu voqealar hozirgi eraning I asriga to`g`ri keladi. Yangi saltanat o`z nazarini janubdagi an'anaviy yo`nalishlarga qaratib, Hindukush tog`lari ortidagi bir qator viloyatlarda ham Kadfiz I o`z hukmronligini o`rnatishga muyassar bo`ladi. Xitoy yilnomalari aytilishicha yuechjilar Baqtriyaga kelgandan keyin 100 yil 5ta xonadonga bo’linib yashagan. Milodiy I-II asrning 2-yarmida Guyshuan sulolasi qolgan 4 ta sulola ustidan nazorat qilgan. U paytda hukmdor Kiosyukko bo’lgan.Uning nomi tangalarda Kudzula Kadfiz deb nom berilgan. U Sug’diyona, Marg’iyona va Hindistonni egallagan. Undan keyin Yangaochjan (Vima Kadfiz) Kadfiz II nomi bilan mashhur. Uning davrida Hind va Gang daryosi hududlari ham egallangan. Har biri 8 grammli tangalar zarb ettirgan. Kushonlar kuchayishi Kanishka davriga to’g’ri keladi. Uning hukmronligi davri 23 yil davom etgan. Chjan Szyan ma’lumotlariga ko`ra, yuechjilar xunn qabilalaridan mag`lubiyatga uchragach O`rta Osiyoning janubiga tomon harakat qilib, Dahya (Baqtriya)ni bosib oladilar va Guyshuy (Amudaryo)ning shimoliy tomonida

joylashadilar. Katta Xan uyi tarixida ham yuechjilar Guyshuy daryosining shimoliy tomonidan o`z poytaxtlariga asos solganliklari ta’kidlanadi. Tadqiqotchilarning fikrlariga ko`ra, yuechjilar mil.avv. 140-130 yillar oralig`ida Baqtriyaga bostirib kirganlar. Oradan ko`p o`tmay Baqtriyada Katta yuechji davlati tashkil topadi. Kichik Xan uyi tarixi ma’lumotlariga ko`ra, Katta yuechji hukmdorlari qo`l ostida beshta xokimlik (Xi-xeu) bor bo`lib, ular Xyumi, Shaunmi, Guyshuan, Xise va Dumilardan iborat edi. Xitoy manbalaridan xulosa chiqargan ko`pchilik tadqiqotchilar Baqtriya tarixidagi butun yuechji davrini uch bosqichga bo`ladilar: 1. Mil.avv. 139-125 yillar – Katta yuechji Dahya viloyatini bosib oladi, ammo ularning asosiy mulklari Amudaryodan shimol tomonda edi. 2. Mil.avv. 25 yilga qadar – Katta yuechji davlatining shakllanishi va keying rivojlanishi. Davlatning poytaxti Amudaryodan shimol tomonda bo`lib, janubiy chegarasi Gibin atroflarida (Kashmir yoki Qandahor) edi. Yuechjilar bo`ysundirgan hududlar Xise, Shaunmi, Guyshuan, Xyumi, Dumi mulklaridan iborat bo`lib, ular xi-xou (yabg`u) tomonidan birlashtirilgan. 3. Mil.avv. 25 yildan keyin Katta yuechji davlatining inqirozi va yuqorida eslatilgan mulklarning mustaqil bo`lishi. Kushon (Guyshuan) yabg`usi Kiotszyukyu (Kujula Kadfiz) qolgan to`rtta mulkni birlashtirib Kushon davlatiga asos soldi 61 . Ta’kidlash lozimki, madaniy va ijtimoiy-iqtisodiy tarixga nisbatan Kushon davlatining siyosiy tarixi kam o`rganilgan masala hisoblanadi. Kushonlarning hokimiyat tepasiga kelish sanasi, ushbu davlat tarixini davrlashtirish ayrim kushon yozuvlari, tangashunoslik ma’lumotlari, qisman Xitoy manbalari, buddaviy ma’lumotlar va ilk o`rta asrlar manbalariga asoslanadi. Tadqiqotchilar Kushon davlati tarixini quyidagi uchta bosqichga ajratadilar: 1. Yunon-Baqtriya podsholari hukmronligining tugatilishi hamda O`rta Osiyo va Shimoliy Afg`oniston hududlarida bir nechta alohida davlat uyushmalarining tashkil topishi (mil.avv. II asrning oxiri – I asr). 2. Buyuk Kushon davlatining paydo bo`lishi va gullab yashnashi (milodiy I-III asrlar).

3. Ko`chmanchilarning tinimsiz urushlari natijasida Kushon davlatining inqirozi va qo`lashi (III asr oxiri – IV asr). Kushon davlatining paydo bo`lishi haqida ko`proq Xitoy manbalari va tangashunoslik ma’lumotlari xabar beradi. Umuman, Kushonlar saltanatining paydo bo`lishi va rivojlanishi uzoq vaqt tadqiqotchilar orasida bahslarga sabab bo`lgan bo`lsada, o`tgan asrning ikkinchi yarmidan boshlab bu masalaga juda ko`plab aniqliklar kiritish imkonini bergan tadqiqotlar olib borildi. Ayniqsa, 1961-yil Londonda o`tkazilgan xalqaro simpozium, 1968-yil Dushanbeda YUNESKOning konferensiyasi, 1970-yil Qobuldagi xalqaro anjuman Kushon davlati masalalariga bag`ishlangan bo`lib, undan keyin ham bu masala bo`yicha ko`plab xalqaro anjumanlar bo`lib o`tdi. Mil. avv. I asrning oxiri – mil. I asrning boshlariga kelib, Guyshuan hokimi Kiotszyukyu barcha mulklarni birlashtirib Qobuliston va Qandahorni zabt etadi. Natijada bu davrga kelib dastlabki poytaxti Surxon vohasidagi Dalvarzin ko`hna shahri xarobalari bo`lgan Kushon davlati o`z ahamiyatiga ko`ra antik davr Xitoydagi Xan davlati, Parfiya podsholigi, Rim saltanati bilan raqobatlasha oladigan qadimgi dunyoning eng qudratli va zabardast davlatlaridan biri sifatida tashkil topdi. Xitoy manbalaridagi “Guyshuan hokimi Kiotszyukyu”, ilk Kushon davriga oid topilma tangalar aks ettirilgan “Kushon podshosi Kujula Kadfiz”ga aynan mos to`shadi. Tangashunoslik ma’lumotlariga tayangan tadqiqotchilarning fikricha, Kujula Kadfiz yoki Kadfiz I 80 yildan ziyodroq umr ko`rib 50-60 yil davlatni boshqarib, taxminan milodiy 35-yilda vafot etadi. O`zining hukmronligi davrida Kadfiz I Baqtriyadagi uncha katta bo`lmagan yuechji mulklari hukmdoridan Baqtriyadan tashqari G`arbiy va Janubiy Afg`oniston va Shimoliy Hindistonni o`z tarkibiga olgan qudratli davlatning podshosi darajasiga ko`tariladi. Ammo, manbalarning guvohlik berishicha Kadfiz I davrida Kushon davlati to`la shakllanib bo`lmagan edi. Har holda, bu davrda Kushonlar o`z tangalariga ega bo`lmay, Kadfiz I Rim imperatorlariga (Avgust va Tiberiyga) taqlid qilib tanga zarb ettirgan. Manbalarning dalolat berishicha, Kujuladan keyin taxtga uning o`g`li Vima (Gima) Kadfiz (Kadfiz II) o`tiradi. Xitoy mualliflari Kadfiz II taxtga o`tirganidan

so`ng “Tyanchju (Markaziy Hindiston) ni zabt etdi va u erga o`z sarkardalaridan birini boshqarish uchun qoldirdi. Shu davrdan boshlab yuechji kuchli va boy davlatga aylandi”, deb xabar beradilar. Bu xabarni tangashunoslik ma’lumotlari ham ta’kidlaydi. Kadfiz II zarb ettirgan tangalarning o`ng qirg`oq Baqtriyadan, Tojikiston va O`zbekistonning janubiy tumanlaridan topilishi bu hududlarning Kushon davlati tarkibiga kirganligidan dalolat beradi. Tangashunoslarning so`nggi yillardagi tadqiqotlariga ko`ra, Kadfiz II zarb ettirgan “Shohlar shohi – buyuk xaloskor” degan yozuv bor tangalar Hindiston, Afg`oniston va O`rta Osiyoda keng tarqalgan. Bunday tangalar Ashxobod, Xorazm, Toshkent vohasi, Surxondaryo, Qashqadaryo, Panjikent hududlaridan ham topilgan. Kadfiz II ning Rim saltanati bilan aloqalar o`rnatganligi haqida ma’lumotlar bor. Kushonlar dastlab hokimiyatga kelganlarida o’z nomlarini “shoh” yoki “podsho” nomi bilan bog’lamaganlar. Ammo Kushon davlati hududi kengayishi va siyosiy hokimiyatning va harbiy hokimiyatning kuchayishidan so’ng tanga pullarga “shoh” va “podsho” so’zlari ishlatiladigan bo’lgan. Bunday o’zgarishlar kushonlar davlatining hokimyati kuchayganligini bildiradi va boshqa mamlakatlar tomonidan ham tan olinganini bildiradi. Podsho Kanishka o’zidan oldingi davlat boshqaruvi an’analarini saqlab qoldi va davom ettirdi. Ma’lum viloyat va shaharlar davlat tepasida turuvchi oliy hukmdor noib tomonidan boshqarilar edi. Bunday noiblar podsho tomonidan tayinlanib, uning eng yaqin va ishonchli vakillari hisoblangan edi. Ular oliy hukmdorga, ya’ni podshoga so’zsiz bo’ysunar edi. Ular doimiy ravishda soliq to’lab yurganlar. Kushonlar davlatida hokimiyat ruhoniylar qo’lidagi davlat bo’lib, bu davlatda podsho hokimyatini boshqarish bilan birga, bosh kohin ham hisoblangan. Kushonlar yabg’u unvonida o’z sulolari doirasida faoliyat ko’rsatganlar. Saltanatga asos solinganidan so’ng mintaqa uchun an’anaviy satrapiyalar tizimidan keng foydalana boshlangan. Satraplar oliy hukmdor tomonidan uning ishonchini qozongan, o’z doirasi namoyondalaridan tanlangan.Shu bilan birga satraplik lavozimiga harbiy yurishlarda jonbozlik ko’rsatgan lashkarboshilar ham tayinlangan. Satraplar baqtriyaliklar orasidan bo’lgan. Satraplar noiblari ham podsho tomonidan tayinlangan. Kushon podsholigi markazlashgan davlar hisoblanib, davlatda

qishloq jamoalarining ahamiyati nihoyatda katta bo’lgan. Podsho dunyoviy rahbar bo’lishi bilan birga kohin ham edi. Baqtriyaga kelgan yuechjilar bu yerni 5 ga bo’lishgan. 1.Vaxan(Syunmi) markazi-Mo’cheng 2. Shuanmi (Suamaka) markazi- Shuangmi 3. Kushon (Guyshuan) markazi- 4. Kandat (Xusuo) Parvar (Sidan) markazi Uchju 5. Dumi yabg’uligi edi. Kushonlar qo’shini otliq va piyoda askarlardan iborat bo’lib, otliqlar zirxga chulg’angan holda jangga kirganlar. Jang qurollariga quyidagilar kirgan: uzunligi bir mtr dan ortiqroq bo’lgan har ikki tomoni o’tkir qilich, xanjar, nayza, jangovar oybolta, sopqon. Kushon harbiylari uzoqdan turib jang qilishda asqotadigan kamonni takomillashtirish borasida ham ma’lum ishlarni qilganlar. Suyak yoki shoh bilan qoplangan murakkab qo’sh kamon kushonlar davrida yaratilgan. Bu kamon turi Uraloldi yerlari orqali Shotlandiya, Sharqda Eron, Hindiston va Xitoygacha tarqab borgan. Qurol-yarog’ ustaxonalarida harbiy qurollar yasash rivojlangan. Nayzalar yog’ochdan yasalgan. O’qlar va nayza uchlari temirdan yasalib bir necha ko’rinishdan iborat edi. Uchi uchburchakli o’qlar kengroq yoyilgan edi. Harbiylar xanjar va qilichlar bilan qurollangan edi. Qurol-aslahalardan qalqon, jang boltasi ham taqib yurgan. Jamiyatning asosini dehqonchilik qilib kelgan urug’ yoki qishloq jamoasi tashkil etgan. Har bir jamoa hukumatga o’z xo’jaligidan soliq to’lash bilan birga askarlikka hamda ariq qazish, qal’a va yo’l qurulishi uchun ham odam ajratishi lozim bo’lgan. Ta’kidlash lozimki, madaniy va ijtimoiy-iqtisodiy tarixga nisbatan Kushon davlatining siyosiy tarixi kam o’rganilgan masala hisoblanadi. Kushonlarning hokimiyat tepasiga kelishi sanasi ushbu davlat tarixini davrlashtirish ayrim kushon yozuvlari, tangashunoslik ma’lumotlari, qisman Xitoy manbalari, buddaviy ma’lumotlar va ilk o’rta asrlar manbalariga asoslanadi. Kushon davridagi g’oyat muhim bo’lgan buddaviylik markazi Surxondaryoning o’ng sohilida Sho’rchi shahrining shimoli-sharqidan 10 km masofada joylashgan Dalvarzintepa yodgorligidir. Bu yerda ikkita buddaviylik

yodgorligi shahar tashqarisidagi va shahar markazida joylashgan ibodatxonalar topilgan va qazib o’rganilgan. Yanada qiziqroq topilma Kushon shahzodasining ma’noli va ulug’vor yuz- qiyofasi aks ettirilgan oltin bezaklar tikilgan baland, konnussimon bosh kiyim kiygan boshidir. Bu haykal Ayritom frizi va Fayoztepadan topilgan. Budda va rohiblar tasvirlangan yodgorliklar bilan birga gantxara san’ati an’analariga ko’ra yasalgan Baqtriya haykaltoroshlik maktabining eng noyob na’munalari sirasiga kiradi. Belbog’li, to’n kiygan, ko’rinishidan donotor, devatlar boshlig’i va din arkoniga o’xshash mo’ylovli qiyofa haykali ham katta qiziqish uyg’otadi. Kushonlar davrida nafaqat ibodatxonalar balki avvalgi davrlardagidek, ichki otish yo’laklari bo’lgan qal’a devorlari qurilgan, ularda burjlar, peshdarvoza inshootlari, shinaklar konstruksiyalari va boshqalar saqlanib qolingan. Kushon davri shaharlarining kelib chiqishi va shakllanishi jarayonini Dalvarzintepa nisbatan yaxshi aks ettiradi. Uning dastlabki asosi mil.avv. III asrda ko’hna shaharning janubi-sharqiy qismida, ikki tomondan qadimgi irmoq o’tib turgan, baland tepalikda paydo bo’ladi. Bu irmoqlardan xandaq sifatida foydalanilgan. Turli xalqlarning ajdodlari haqidagi turli xil fikrlashdan yuechji xalqi ham benasib qolmagan. Xitoy tilidagi “Yuechji” atamasi qanday o’girilsa to’g’ri bo’lar ekan degan muommo hali-hanuz tarixchi olimlar tomonidan aniq yechimini topmayapti. Ayrim olimlar “barcha aytilgan xulosaviy fikrlar va to’plangan materiallar yetarli bo’lmaganidan aytilgan e’tiroflarni qabul qilib bo’lmaydi. Shuning uchun “yuechji” atamasi ko’chmanchi davlatning nomi” deyishdan nariga o’tishmayapti. Biri “yuechji” atamasi bilan yuritilgan xalq massagetlar bo’lishgan deyishsa, boshqa birlari skiflarning ajdodlari sanashadi. Boshqalari yuechji xalqini xunnlar bilan bog’lasa, boshqa birlari usunlarga bog’lashadi. Xullaski, tarix fanida “yuechji” etnonimi nisbatan ko’p turli xillikdagi etnonimlar qatoridan joy oldi. So’nggi yillarda olib borilgan ko’plab arxeologik tadqiqotlar Kushon davri O’rta Osiyo xalqlarining moddiy madaniyatini o’rganish bo’yicha boy materiallar berib, keng imkoniyatlar yaratdi. Ushbu tadqiqotlar natijalariga ko’ra, mil.avv. I

ming yillikning oxiri-milodning dastlabki asrlari O’rta Osiyoda xo’jalik va madaniy hayot darajasining ko’tarilgan davri bo’ldi. Janubiy Turkmaniston va Xorazm, Buxoro va Samarqand, Surxon vohasi, Vaxsh, Qashqadaryo va Farg’ona vodiysidan topilgan shu davrga oid arxeologik topilmalar sug’orma dehqonchilikning anchagina rivojlanganligidan dalolat beradi. Dehqonchilikning rivoji tufayli keng hududlar o’troq aholi tomonidanjadallik bilan o’zlashtiriladi. Misol uchun, E.V Rtveladzening tadqiqotlariga ko’ra, faqatgina Shimoliy Baqtriyada 120 dan ziyod kushon davriga oid aholi shahar va qishloqlari aniqlangan. Bu davrda dehqonchilik nafaqat tekisliklarda, balki tog’li hududlarga ham yoyiladi. Zarafshon va Qashqadaryoning yuqori oqimidagi tog’li hududlardan dehqonchilik manzilgohlari topib o’rganilgan. Bu darda shuningdek, Xorazmda, Zarafshonda, Surxon vohasida ilgariga davrdagiga nisbatan anchagina murakkablashgan sug’orish inshoatlari barpo etiladi. Dehqonchilik qurollarida ham o’zgarishlar sodir bo’ladi. O’z gullab yashnagan davrida kushon davlati ko’plab xalqlar va elatlar yashab turgan hududlarni egallagan edi. Ushbu xalqlar va elatlar turli tillarda gaplashganlar, yozuvning turli tartibidan foydalanganlar hamda turli diniy e’tiqodlarda bo’lganlar. Moddiy madaniyat buyumlarida ham ayrim farqlar kuzatiladi. Shunga qaramasdan kushonlar davri madaniyatiga ko’pgina umumiylik seziladi. Ammo, butun Kushon davlatiga yagona madaniyat hukm surganligi haqida fikr aytib bo’lmaydi. Bu ulkan davlatning har bir viloyati qaysidir tomonlari bilan o’ziga xos bo’lgan madaniyatga ega bo’lgan. Umuman, Kushonlar davrida madaniy hayotning yanada yuksalganligi yaqqol ko’zga tashlanadi. Xususan, Kanishka davrida Hindistondan tarqalgan budda dini davlat diniga aylanadi. Oromiy va yunon yozuvlari asosida kushon yozuvi mavjud bo’lgan. Shuningdek, bu davrda sug’dcha va xorazmiycha yozuvlar ham bor edi. Ushbu yozuvlar yodgorliklarida o’sha davrdagi ijtimoiy-siyosiy va madaniy hayotni aks ettiruvchi ayrim ma’lumotlar saqlanib qolgan. Shuningdek, Kushonlar davrida O’rta Osiyo xalqlari madaniy hayotining quruvchilik, haykaltaroshlik, rassomlik, naqqoshlik kabi sohalarida ham katta yutuqlarga erishilgan. Xorazm,

Sug’diyona, Baqtriya, Farg’ona, Choch, Sharqiy Turkiston va Shimoliy Hindistondan ochilgan ko’plab madaniy yodgorliklar yuqoridagi hududlardagi madaniy hayot o’zining yuqori cho’qqisiga chiqqanligidan dalolat beradi. Kushon davlatining inqirozga uchrashi Yunon-Baqtriya va Rim saltanati tarixiy taqdiriga ancha o’xshab ketadi. Bu davlatlarning barchasi qulash arafasida tinimsiz yurishlar olib borishga majbur bo’lganlar. Tashqi harbiy bosqinlardan himoyalanish uchun ichki va tashqi sabablarga ko’ra, zaiflashgan yirik davlatlarda yetarli harbiy imkoniyat topilmadi. Milodiy IV asrga kelib kushon podsholigi o’zining asosiy hududlaridan mahrum bo’la boshlaydi. Kushon podsholigi o’z hududlaridan mahrum bo’lishining asosiy sabablaridan biri yuqorida qayd etilganidek IV asrning o’rtalariga kelib kushonlar bilan sosoniylar o’rtasidagi munosabatlarning keskinlashib ketishidir. Bu davrda Shopur II kushonlarga zarba berib, Shimoliy Baqtriya yerlarini bosib oladi. Kushonlar bu zarbaga ham bardosh beradilar. Maydonga yangi kuchlar chiqadi. Bu kuchlar o’z vaqtida kushonlar saltanatining tarix sahnasidan o’chishiga olib keldi. Kushon podsholigi va kushonlar davri O’zbekiston, Tojikiston, Afg’oniston, Pokiston va Hindiston tarixida muhim o’rin tutadi. Bu podsholik o’z tarkibiga ko’pgina hududlar va ko’plab xalqlar va elatlarni birlashtirgan bo’lsa-da, uning tarixi o’zbek xalqi davlatchiligi tarixi bilan uzviy bog’liq bo’lgan. O’zbek xalqi davlatchiligi tarixida Kushon davri ijtimoiy-siyosiy, iqtisodiy va ayniqsa, madaniy hayot va tashqi aloqalar sohasida ulkan yutuqlarga erishilgan davr bo’lib kirdi.Shunday qilib, kushonlar saltanati tarix maydonida o’z o’rnini boshqa, o’zidan kuchliroq siyosiy uyushmalarga bo’shatib berdi. Bu davrda yaratilgan noyob san’at asarlari, madaniyat yodgorliklar uning o’tmishdagi qudratidan dalolatdir. Hind yozuvlari mavjud bo`lgan tangalarning zarb etilishi shuni ko`rsatadiki, bu davlat tarkibiga hind aholisi ham kirgan. Kadfiz I davrida Kushon davlatining markazini Baqtriya tashkil etardi, Baqtra shahri esa poytaxt bo`lgan bo`lishi mumkin. Keyinchalik Kushon podsholigi chegaralarining kengayishi davlat asoschisining o`g`li va merosxo`ri bo`lgan Kadfiz II davrida sodir bo`ladi. U

Kushon saltanatining tarkibiga shimoli-g`arbiy Hindistonning katta qismini birlashtiradi. Kushon hukmdorlaridan eng mashhuri Kanishka bo`lgan. Biroq uning hukmronlik qilgan davri to`g`risida tadqiqotchilar o`rtasida hamisha tortishuvlar bo`lmoqda. Kushon saltanatining asosiy markazi hind erlari tomoniga siljiydi. Endilikda davlatning poytaxti Purushapura (hozirgi Peshovar) shahri bo`ladi. Keyinchalik kushonlar Sosoniylar davlati bilan to`qnashuvlarda mag`lubiyatga uchraydilar. Sosoniylar davlati Parfiyada o`rnida hukmronlik qila boshlagan edi. Ayniqsa hozirgi eraning IV asr o`rtalarida bo`lib o`tgan voqealar muhim bo`lib, bunda sosoniylar qo`shinlari Baqtriya hududlariga bostirib kirdilar, Sharqdagi sosoniylar noiblari esa “kushonlarning podshosi” hatto “kushonlarning buyuk podshosi” unvoniga ega bo`lganlar. Kushonlar podsholigi kabi qudratli imperiyaning botishi shunday edi. Kushonlarning alohida hukmronlik qilayotgan yerlari hanuz mustaqilligini saqlab qolgan bo’lsa-da, Gangdan Amudaryogacha o`z chegaralarini yoygan yagona Kushonlar davlati mavjud emas edi. Kushonlar Baqtriya madaniyatining, jumladan moddiy madaniyatning ko`plab an'analarini meros sifatida qabul qildilar. Iqtisodiyotning asosini sug`orma dehqonchilik tashkil etardi. Savdo-sotiq va hunarmandchilikning rivoji shahar hayotining yuksalishiga imkon yaratdi. Savdo-sotiqda pul muomalasi katta ahamiyat kasb eta bordi. Kushon davlatlari butun bir tizimni tashkil etib, yo`llar va karvon yo`llari bilan bog`langan edi. Birinchi o`rinlarning birida g`arbiy mamlakatlar - Rim imperiyasi, avvalambor uning sharqiy provinsiyalari bilan savdo aloqalari turgan edi. Bu savdo ham quruqlikda, ham dengiz orqali - Hindistonning g`arbiy bandargohlari orqali olib borilgan. Quruqlikdagi yo`l esa Farg`ona vodiysi oralab shimolga - Xitoyga olib borgan. Ushbu savdo yo`llari orqali turli-tuman savdo mollari olib borilgan. Rimga ziravorlar, qimmatbaho toshlar, fil suyagi, shakar olib borilgan. Guruch va paxta mahsulotlari ayniqsa katta ahamiyatga ega bo`lgan. Xitoydan tranzit bilan shoyi, teri va boshqa buyumlar keltirilgan. O`sha davrdagi yirik xalqaro savdo yo`lini Buyuk ipak yo`li deb atashgan. Rimdan mahalliy

ehtiyojlarni qondiradigan matolar va kiyim-kechaklar, shisha va qimmatbaho metalldan ishlangan buyumlar, haykallar va turli sharoblar keltirishgan. Rimning oltin va kumush tangalari ham ko`plab keltirilgan. Kushonlar davrining eng katta yutuqlaridan biri-madaniyatning yuqori darajasi hisoblanadi. Kushonlar madaniyatida (uning barcha lokal va davriy farqlari bilan) ijodiy birlikda qadimgi Sharq turidagi mahalliy sivilizatsiya yutuqlari, ellinizm madaniyatining eng yaxshi an'analari, Hindiston san'atining nozikligi hamda Osiyo hududlaridagi ko`chmanchi qabilalar olib kelgan o`ziga xos madaniyat bir-biri bilan qorishgan edi. Ushbu sintetik kushonlar san'atining boshlang`ich bosqichi Janubiy Baqtriyada arxeologlar tomonidan ochilgan zodagonlar qabrlaridagi topilmalarda o`z aksini topgan. Bu yodgorlik hozirgi Afg`oniston hududidagi Tilla-tepa qarorgohi bo`lib, bu erda ko`plab oltin buyumlar topilgan. Tilla-tepada ilk kushonlar madaniyatiga ta'sir ko`rsatgan bir nechta badiiy an'analar kuzatiladi. Masalan, hayvonlarning dahshatli kurashi sahnalarining syujetlari va tasvirlash shakli, harakatdagi hayvonlar figuralari, qanotli ajdarholar sarmatlar san'ati asarlariga o`xshash bo`lib, Osiyodagi ko`chmanchi qabilalarining badiiy madaniyatidan darak beradi. Boshqa bir guruh syujetlar esa toza antik yo`nalishda bo`lib, ko`plab tasvirlar juda mukammaldir. Bu tasvirlarga mahalliy, baqtriyalik obrazlarni ellinistik va hind an'analari ta'sir ko`rsatgan bo`lishi mumkin. Tangalar topilmalari orqali bu qabrlar er.av. I asr-hozirgi eraning I asri bilan davrlanishi mumkin. Alohida haykallarda individual portret belgilari kuzatiladi, biroq ular personajning ichki dunesini ochib bermaydi.Bu madaniy intergratsiyaning ilk bosqichi bo`lib, kushonlar madaniyatining negizlari hisoblanadi. Yangi madaniy etalon tashuvchilari kushon shaharlari bo`lib, ularda uy-ro`zg`ordagi idishlardan to sig`inish buyumlarigacha bor. Ularda shakllanaetgan urbanizatsiyalashgan madaniyat, pul muomilasi kabi, qishloqlarga ham tarqaladi. Kushonlar davrida Baqtriyada buddizm keng yoyiladi. Bu davr yodgorliklari haykallar, releflar va rasmlar bilan bezatilgan. Termiz shahri yonida buddaviy g`or

ibodatxonasi - Qora-tepa (B.Ya.Staviskiy qazishmalari) qazilgan. Bu yerda butun bir qator ochiq turdagi inshootlar va g`or xonakohlari mavjud bo`lgan1. Termiz atrofidagi yana bir ibodatxona Fayoz-tepa bo`lib (unda L.I.Albaum izlanishlar olib borgan), u, aksincha, to`laligicha yer ustida joylashgan. Uning markaziy qismini hovli tashkil etib, uning perimetri bo`yicha xonakohlar va topinish xonalari qurilgan, markazida esa umumiy yig`ilishlar zali bo`lgan. Fayoz-Tepa buyoqlangan sopol haykallar va rasmlar bilan bezatilgan. Ularda donatorlar (tuhfa beruvchilar) figuralari ellinistik portret ta'siri ostida bajarilgan. Gipsdan yasalgan haykallari mavjud bo`lgan Budda ibodatxonasi Dalvarzin shahar atrofida ochilgan. Qora-tepa va Fayoz-tepadagi yozuvlar olimlar o`rtasida katta qiziqish uyg`otdi. Bu yozuvlar braxmi va kxaroshtxi yozuvlarida bajarilgan bo`lib, o`rta hind tiliga mansub deb hisoblangan prakit tilida yozilgan. Bu yozuvlarning tadqiqoti sovet olimlari va venger olimi Ya.Xarmatta tomonidan olib borilgan bo`lib, ularda turli buddaviy maktablarning nomlari keltirilganini ko`rsatdi. Kushon hukmdorlari buddizmga xayrihoh bo`lib, shu bilan birga dunyoviy hokimiyat obro`sini ham tasdiqlashga intildilar. Bunday sulolaviy topinish yodgorliklari jumlasiga Shimoliy Afg`onistonda, Puli-Xumri shahridan janubda joylashgan Surx-Kotal ibodatxonalari kiradi. Olov altari bo`lgan bosh ibodatxona qal'a devorlari bilan o`ralgan tepalikda joylashgan. Yuqoriga ko`pzinali zinapoya olib borgan. Bu yerda topilgan yozuvda butun majmua nomi ham keltirilgan - Kanishka-G`olib ibodatxonasi. Taxminlarga ko`ra, Shimoliy Baqtriya hududida bunga o`xshash yodgorliklardan biri Ayritom bo`lgan bo`lishi mumkin. Ayritomda XX asr 30- yillaridayoq Gandxara haykaltaroshligiga yaqin bo`lgan tosh releflar topilgan edi. Arxeologik tadqiqotlar jarayonida bu yerda yozuvli tosh plitasi topildi. Rasmiy madaniyatlar va dinlar bilan bir qatorda Kushonlar davlatida mahalliy xalq e'tiqodlari ham mavjud edi. Ushbu tasavvurlar bilan bog`liq qiziqarli yodgorliklarga ko`psonli terrakota haykalchalarini kiritish mumkin. Bu haykalchalar shaharlarda ham, qishloq joylarda ham topilgan. Ommaviy

xalq madaniyatining boshqa bir xarakterli belgisi - suvoriylar, egarlangan otlarning terrakota (sopol) haykalchalaridir. Bu haykalchalar Kushonlar saltanati asoschilari haqidagi o`ziga xos xotira va uning qurolli qo`shinlarining asoslaridan birining timsoli sanaladi. Kushonlarning madaniy etalonlari qo`shni mamlakatlar va xalqlarga katta ta'sir ko`rsatgan. Xususan, bu O`rta Osiyoning boshqa bir muhim viloyati bo`lgan Sug`dda kuzatiladi. Sug`d tarkibiga o`sha davrda Qashqadaryo va Zarafshon vodiylaridagi hosildor vohalar kirgan. Sug`d Salavkiylar davlati hamda Yunon- Baqtriya davlati tarkibiga kiritilgan edi. Uning poytaxti Marakanda shahri bo`lib, bu shahar xarobalari fanda Afrosiyob nomi bilan mashhur va hozirgi Samarqand shahrining chekkasida joylashgan. Bu xarobalarda qal'a devorlari va boshqa inshootlar qazib chiqarilgan. Madaniyatda yunon obrazlarining ta'siri ko`rinadi. Sug`ddagi hayotning turli tomonlari to`g`risida fikr yuritish uchun “eski sug`d xatlari” katta qiziqish uyg`otadi. Bu xatlar Sharqiy Turkistondagi sug`d mustamlakalaridagi hujjatlar bo`lib, ular aramey grafikasi yordamida sug`d tilida yozilgan. Bu hujjatlar yomon saqlangan bo`lib, ularni o’qish juda qiyin bo`ldi. Ushbu hujjatlarda sug`d jamiyatining ijtimoiy madaniyati (masalan, ularda “ozodlar-oqsuyaklar” eslatiladi), ayolning jamiyatdagi o`rni, xo`jalik faoliyati va boshqalar tug`risida ma'lumotlar bor. XX asrning ikkinchi yarmida olimlar tomonidan hozirgi eraning dastlabki yillaridagi sug`d madaniyati har tomonlama o`rganildi. Yerqo`rg`on shahristonida katta xajmdagi hukmdor saroyi qazib ochildi (120x90 m). Bu saroy xom g`ishtdan qurilgan mustahkam poydevorga qurilgan. Kadfiz I davrida zarb etilgan tangalarda “Kujula Kadfiz Yabg'u” degan so'zlar uchraydi. Uning o'g'li Vima Kadfiz davri ham muhim o'zgarishlar bilan bog'liq. Bu davrga kelib Shimoliy Hindistonning bir qator muhim hududlari egallanadi. Vima Kadfiz mamlakatda pul islohoti o'tkazib, vazni 8 gr og'irlikdagi oltin tangalarni zarb qildirib muomalaga chiqartiradi. Bu esa xalqaro savdoda davlat obro'sining ko'tarilishiga sabab bo'ladi. Xuddi shu vaqtda Rim imperiyasi bilan savdo-sotiq aloqalari kuchayadi.

Kushonlar mavqeining kuchayishi Kanishka davriga to'g'ri keladi. Bu paytga kelib Hindistonning Peshovor, Panjop, Kashmir va boshqa markaziy hududlari, shuningdek, Sharqiy Turkistonning ancha qismi saltant tarkibiga kiritiladi. Bu davrda mamlakat poytaxti ham Peshovorga ko'chirilgan. Usta siyosatchi, yetuk sarkarda bo'lgan Kanishka mamlakat ichki hayotida muhim ijtimoiy siyosiy va ma'naviy o'zgarishlarni amalga oshirish barobarida tashqi siyosatda ham g'oyatda uddaburonlik bilan faoliyat yuritadi. Uning din sohasida o'tkazgan siyosati muhim ahamiyatga ega bo'ldi. Garchand uning davrida Budda dini davlatning rasmiy dini darajasiga ko'tarilsada, biroq mamlakatning turli hududlarida mahalliy aholi oldindan e'tiqod qilib kelgan boshqa dinlar erkinligi va daxlsizligi saqlanib qoldi. Hatto zarb etilgan oltin va kumush tanga pullarda budda xudosi bilan bir qatorda mahalliy xalqlar e'tiqod qo'yib kelgan xudolar-Anaxita, Mitra, Veretragna, Vaxsh va boshqalarning ham tasvirlari tushirilganligi bunga yorqin dalildir. Bu davrda zarb etilgan tangalar avvalgidek yunon tilida emas, balki mahalliy Kushon-Baqtriy tilida chiqarilganligi alohida e'tiborga loyiqdir. Bunday uzoqni ko'zlab oqilona yuritilgan siyosat turli aholi qavmlari, ijtimoiy guruhlari o'rtasida tinchlik, osoyishtalik va barqarorlikni ta'minlashga xizmat qilgan. Biroq Kanishkadan so'ng hokimiyatga kelgan Vasishka, Xuvishka, Vasudevalar davriga kelib Kushonlar sulolasi bir qator ob'yektiv va sub'yektiv sabablar orqasida asta-sekin inqirozga uchray boshlagan. Ayniqsa, III asr o'rtalariga kelib qo'shni davlat-Parfiya o'rnida yangidan vujudga kelib, tobora kuchayib borgan Eron Sosoniylari hukmdorlarining to'xtovsiz olib borgan urush harakatlari natijasida Kushonlar mavqei zaiflashib, hududlari kichrayib bordi. Janubda Hind yerlarining Kushonlar tasarrufidan mustaqil bo'lib ajralib chiqish jarayoni kuchaydi. Keyinchalik Xorazm, So'g'diyona sarhadlari ham o'z mustaqilliklarini qo'lga kiritadi. Buning oqibatida Kushonlar sulolasi oxir-oqibatda haloqatga uchradi. Spitamen qo`zg`oloni mag`lubiyatidan so`ng, miloddan avvalgi IV asr oxirlarida xitoy manbalarida yuechjilar deb atalgan qabilalar Sharqiy Turkistondan to Mo`g`uliston chegaralarigacha bo`lgan hududlarga borib o`rnashganlar. Xitoyning shimolida esa xunn qabilalari yashardi. Yuechjilar xunnlarga janubiy

qo`shni bo`lganlar. Ular Sharqiy Turkistonda joylashib olib, xunnlarni o`z ta’sirlariga olish niyatida bo`lganlar. Ularning bu niyati, ayniqsa, miloddan avvalgi III asrning ikkinchi yarmida to`la namoyon bo`la boshlaydi. Sababi xuddi shu davrda O`rta Osiyoning janubi-sharqiy viloyatlarida Yunon Baqtriya davlati tarkib topib, yuechjilarni bezovta qilmoqda edi. Yunon-Baqtriyaga qarshi O`rta Osiyo qabilalarining birlashgan mustaqil qo`shinini tuzish zaruriyati kelib chiqqan edi. Yunon-Baqtriya podshosi Yevtidem massaget qabilalarining bu harakatlarini barbod etish maqsadida xunnlardan mohirona foydalanadi. Yevtidem mil. avv. 206-yilda salavkiylar hukmdori Antiox III bilan shimol ko`chmanchilariga qarshi harbiy ittifoq tuzadi. Bundan xabardor bo`lgan xunn shahzodasi Mode yuechjilar qo`lidan garovlikdan qochadi, o`z otasini hokimiyatdan ag`darib tashlab, yuechjilar ustiga lashkar tortib boradi. Mil. avv. 176-yilda xunnlar yuechjilar ustiga ikkinchi marta hujum uyushtiradilar. Oqibatda xunnlar 165-yilda yuechjilarni g`arbga uloqtirib tashlaydilar. Rivoyatlarga qaraganda xunn hukmdorlari mag`lub bo`lgan yuechjilar podshosining bosh suyagidan kosa yasab, g`alaba sharafiga unda sharob ichib yurgan ekanlar. Yuechji qabilalari qadimgi Farg`ona yerlariga chekinadilar va o`sha yerda istiqomat qila boshlaydilar. Xitoy manbalarida yozilishicha qadimgi Farg`onaning shimoliy tumanlarida yuechjilar qishloq va shaharlar barpo qiladilar. Bu davrda yagona bir podsho bo`lmagan, balki qabila va urug` yabg`ulari qabila oqsoqollari qo`li ostida birlashganlar. Jumladan, hozirgi Namangan viloyatining Yangiqo`rg`on tumani hududida Kushon qishlog` va Kosonsoyda Koson shahrini yuechjilar barpo qilgan edilar. Yuechjilar Baqtriyada 100 yil mobaynida 5 ta qabilaga bo`linib yashaganlar. Guyshuan (Kushon) qabilasi (yabg`usi Kudzula Kadfiz)qo`shinini tezda chaqirib oladi. Qashg`ar hokimligi esa xitoyliklarga taslim bo`ladi. Shundan so`ng kushonlar Xitoy ga Turfonni bosib olishda yordam ko`rsatadi. Oradan 2-3-yil o`tgach, ikki o`rtadagi munosabat buziladi. Buning sababi Kushon elchisi Katta sovg`alar bilan Xitoy hukmdorining qi zi ni ku shonlar podshosiga unashtirish maqsadida Xitoyga bor gan edi. Xitoy hukmdori uni hibsga oladi. Natijada ikki o`rta ga sovuqchilik tushadi. O`zini

haqoratlangan deb hisobla gan Kushon hukmdori 70 ming kishilik qo`shin bilan Xitoyga qarshi yurish qiladi. O`zaro kurashda u yengi lib, Sharqiy Turkistondan qochishga majbur bo`ladi. 102-yilda Xitoyning nomdor va yengilmas lashkarboshisi Ban Chao vafot etadi. Bundan foydalangan Sharqiy Turkiston viloyatlari xalqlari birin-ketin Xitoyga qarshi qo`zg`olonlar ko`taradilar. Bu qulay vaziyat tufayli kushonlar 107-yilda Sharqiy Turkistonga yana lashkar tortadilar. Kushonlar Sharqiy Turkistonda o`z hukmronliklarini o`rnata olmagan bo`lsalar-da, Hindiston yilnomalarida Kanishkaning Tarim havzasini bosib olganligi haqida ma’lumotlar berilgan. Xullas, Kanishka podsholik qilgan 23 yillik davrda kushonlar davlati hududlari juda ham kengaygan.Soson podshosi Shopur I (241-242-yillar) yozdirgan “Zardusht Ka’basi”da kushonlar saltanatining hududi haqida: “Kushonlar mamlakati Peshovar, Qashg`ar, Sug`d va Chochgacha cho`zilgan” — deyiladi. Kanishka vafotidan keyin kushonlar taxtiga uning o`g`li Vasishka o`tirdi. U 4 yilgina podsholik qildi, xolos. Vasishkadan so`ng hokimiyat Xuvishka qo`liga o`tadi. U 32 yil hukmronlik qiladi. Undan so`ng Vasudeva podsholik qildi. Vasudeva 34 yil mamlakatni idora qildi. Bu davrga kelib Kushon podsholigi ikki qismga bo`linadi. Mamlakatning bir qismiga Vasudeva, ikkinchi qismiga Kanishka III hukmronlik qiladi. Buni ularning har ikkalasi nomidan zarb etilgan tanga, pullar isbotlaydi.Kushon davlatining xalqaro elchilik va savdo aloqalari keng rivoj topgan. 99-yilda Kushon davlatining elchisi Rimga borgan. Kushon va Rim saltanatlari o`rtasida yaqin elchilik aloqalari bo`lgan. Ehtimol shu boisdan bo`lsa kerak, Rim podsholari II asr boshlarida Troyan kolonnalariga Rimga kelgan elchilar, savdogarlar, hunarmandlarning tasvirlarini tushirganlar. Ana shu haykal-tasvirlarda O`rta Osiyo vakillarining tasvirlari ham uchraydi. Baqtriya hududida rim tangalari va san’at asarlarining namunalari ko`plab topilgan.Yuqorida Vima Kadfiz haykallar o`rnatilgan. Haykallarda yaxshi kiyingan va marjonlar taqqan ayollarning do`mbira, rubob, chang, nay, kabi cholg`u asboblarini chalayotgani tasvirlangan. Peshtoqning bir tomonida qo`lida gul, meva va boshqa narsalardan iborat dahyalar ko`targan odam haykallari o`rnatilgan.Bino

ichida g`ishtdan ishlangan Budda haykalining siniqlari topilgan. Bu yerdagi haykallarning ishlanish uslubi, kiyim-kechagi, musiqa asboblari Hindiston, O`rta Osiyo, Yunoniston madaniyatlari hamda bu xalqlar o`rtasidagi iqtisodiy munosabatlarning rivoji madaniy hayotda juda ravshan aks etganini ko`rsatadi. 242–243-yillarda bo`lib o`tgan ikki o`rtadagi jangda sosoniy Shopur I ning qo`shini kushonlarni mag`lubiyatga uchratdi. Shundan so`ng sosoniylar hukmdorlari Sharqiy Xuroson hududlarida “Kushonshoh” unvoniga ega bo`ldilar. 252-yilda esa ular yana “Kushon shohlarining ulug` shohi” degan unvonga ega bo`ldilar. Bu yillarga kelib kushonlar Hindistondagi yerlarining ham katta qismidan judo bo`ldilar. Buni bir budda matnida (III asr o`rtalariga oid) “dunyo uch qismga (Xitoy, Rim va Kushon) bo`lingan, ammo “osmon o`g`lonlari” (saltanatlari) to`rtta: Xitoy, Rim, Kushon va Hind”, deb bergan xabaridan ham bilish mumkin. Hind manbalarida ko`rsatilishicha, III asr o`rtalariga kelib Hindiston kushonlardan mustaqil davlat bo`lib ajralib chiqqan. Xuddi shu yillarda Xorazm ham kushonlardan ajralib chiqadi. Ana shu tariqa III asr o`rtalaridan e’tiboran kushonlar saltanati chuqur iqtisodiy va siyosiy inqiroz sari yuzlanadi. Ammo shundan keyin ham Kushon davlati O`rta Sharqning yirik davlatlaridan biri sifatida yana 100 yildan ortiq vaqt tarix sahnasida turdi. Soson podsholarining kuchayishi kushonlarning Rim saltanati bilan aloqasini mustahkamlanishiga sabab bo`ldi. Kushon elchilari 274-yilda Rim saltanati hukmdori Avrelinning Palmir ustidan g`alabasiga bag`ishlangan tantanalarda qatnashganligi manbalarda ko`rsatililadi. Natijada sosoniylar Rim-Kushon do`stligidan xavfsirab, kushon lar bilan aloqani yaxshilash yo`lidan boradilar. Bu maqsadning ijobiy natijalanishiga erishish yo`lida sosoniylar shohi Xormuzd II (301—309) kushonlar malikasiga uylanadi. Biroq IV asrning o`rtalariga kelib kushonlar bilan sosoniylar o`rtasidagi munosabatlar yana keskinlashdi. Bu davrda Shopur II (309—379) kushonlarga zarba berib, Shimoliy Baqtriya yerlarini bosib oladi. Kushonlar bu zarbaga ham bardosh berdilar. Maydonga yangi kuchlar chiqdi. Bu kuchlar o`z vaqtida kushonlar saltanatining tarix sahnasidan o`chishiga olib keldi.

Shunday qilib, Kushon podsholigi o`z tarkibiga ko`pgina hududlar va ko`plab xalqlar va elatlarni birlashtirgan bo`lsada, uning tarixi o`zbek xalqi davlatchiligi tarixi bilan o`zviy bog`liq bo`lgan. O`zbek xalqi davlatchiligi tarixida Kushon davri ijtimoiy-siyosiy, iqtisodiy va ayniqsa, madaniy hayot va tashqi aloqalar sohasida ulkan yutuqlarga erishilgan davr bo`lib kirdi.

Adabiyotlar: 1. Karimov I. A O ’ zbekiston XXI asr bo’sag’asida: xafsizlikka tahdid , barqarorlik shartlari va taraqqiyot kafolatlari . - T ., “ O ’ zbekiston ”, 1997- yil . 2. Karimov I. A Asarlar, 7-tom, T., “O’zbekiston” 1999-yil. 3. Abdirahimova N.A Isakova.M. S, Sulaymonova.Z.M Davlat muassasalari tarixi.T., “Sharq”, 2007-yil. 4. Usmonov.Q, Sodiqov.M, Burxonov.S O’zbekiston tarixi. T., “Iqtisod- Moliya”, 2006-yil. 5. Azamat Ziyo. O’zbek davlatchlik tarixi. T., “Sharq”, 2000-yil. 6. Xamidova.M O’zbekiston davlati va huquqi tarixi (o’quv qo’llanma), T., “Sharq”, 2005-yil. 7. O’zbekiston tarixi. Murtazayeva R.H. tahriri ostida T., “Yangi asr avlodi”. 2003-yil. 8. O’zbekiston Milliy ensiklopediyasi. 3-tom. Toshkent., 2002-yil. 9. Tojiboyeva X Farobiy buyuk jamiyatshunos olim. T., “Turon Zamin Ziyo”, 2016-yil. 10. Eshov B O’zbekiston davlatchiligi va boshqaruv tarixi. T., “Sharq”, 2012-yil.

Похожие

Eftaliylar davlatida davlat boshqaruv tizimi

Qadimgi Qang’ va Davon davlatlarida davlat muassasalari tizimi

Kushon podsholigi

Yunon Makedonlar va Salavkiylar davrida boshqaruv va davlat muassasalari

Boburiylar saltanatida davlat boshqaruv tizimi