Ижтимоий маданий институт сифатида музейнинг умумий тавсифи - История - Рефераты

Ижтимоий маданий институт сифатида музейнинг умумий тавсифи

Загружено в:

24.09.2022

Скачано:

0

Размер:

38.5 KB

Ижтимоий маданий институт сифатида музейнинг умумий тавсифи Режа: 1. Умумий тушунчалар. 2. Музейларнинг ўзга институтлардан фарқи.

Музейшунослик ижтимоий фан бўлиб, ижтимоий маълумотлар, билимлари саклаш жараенларини, ҳамда билимлар ва ҳиссиётларни музей предметлари воситасида етказиб бериш масалаларини ўрганади. Музейшунослик музей ишини, музейнинг ижтимоий институт сифатидаги ролини, шунингдек унинг ижтимоий функцияларини ва турли ижтимоий-иқтисодий шароитларда улардан фойдаланиш шаклларини ўрганади. Музейлар - моддий ва маънавий маданият ёдгорликларини, шунингдек табиат ва инсоният жамияти тараққиёти ҳақидаги билимларнинг илк манбалари ҳисобланадиган табиий-тарихий коллекцияларни тўплаш, сақлаш, ўрганиш, кўргазма қилиш ва оммага етказиш билан шуғулланади. Музейлар маданиятнинг асосий давлат омбор хоналаридир. Музейлар фаолиятининг характерига кўра илмий-тадқиқот ва илмий-маърифий муассасалар ҳисобланади. Илмий-тадқиқот муассасаси сифатида музейлар маданият ва табиий-тарих ёдгорликларини, шунингдек табиат ва жамият ҳақидаги билимлар бўйича бошқа илк манбаларни тўплайдилар, ўрганадилар, сақлайдилар. Илмий-маърифий муассасалар сифатида эса музейлар ўзларининг тадқиқот ишлари натижаларини кўргазма ва нашр қилиш сингари илмий-маърифий фаолиятларида намойиш қиладилар. Бошқа фанлар қатори «музей», «музей иши» терминининг ўзига хос бошқа фанлардан фарқлантириб турувчи хусусияти бор. Музейларни ривожлантириш, уларнинг ижтимоий функциялари, ички структураси, бошқа фанлар, маданият, ўқув, тарбиявий, ташвиқот соҳалари билан алоқадорлиги ўзига хос илмий анализни талаб этади. Музейшунослик ривожланишнинг барча поғоналарида музей феноменини тўлиқроқ шарҳлашга, унинг жамиятдаги ўрнини кўрсатишга интилади. Музейларни бошқа институтлардан фарқлантириб турувчи ҳужжатлар хусусиятлари бор . Масалан , архив каби маълум даврга тегишли ҳужжатлар билан шуғулланиш , кутубхоналар каби маълум информа - цияларни етказиб бериш бу институт зиммасига кирмайди . Унинг зиммасига сақлаш ,

тадқиқотчилик , ўқув - тарбиявий масалалар кириши билан бирга қисқа вақт ичида узлуксиз тарихни ёритиб бера олишдек масъулиятли вазифа юкланган . Шунингдек маданий хордиқ чиқариш муассасаси бўлиш масаласи ҳам уни бошқа институтлардан фарқлантириб туради . Демак , музей ижтимоий талаб - эҳтиёжни қондиришга , тарихий хотирани ҳужжат - маълумотлари асосида жонлантиришга , кишиларга эстетик завқ бағишлашга хизмат қилади . Музей ашёларини йиғиш , уларни илмий асосда ҳисобга олиш , сақлаш , таъмирлаш музейшуносликнинг ўзига хос илмий услублари асосида тадқиқ этиш , илмий , ўқув - тарбиявий масалалар музейнинг махсус белгиларидир . Музейлар томонидан маълумотлар бериб борилиши ўзаро алоқадорликнинг ўзига хос кўринишидир . Унинг фарқлантирувчи ўзига хослиги бу - экспозиция ва кўргазма сифатида фаолият олиб боришдир. Музей - маданий-тарихий, табиий-илмий қадриятларни йиғувчи ва улар ҳақидаги маълумотларни музей ашёлари воситасида, тарғиб қилувчи ижтимоий институтдир. Табиат ва жамиятнинг мухим ўзгаришларини хужжатлаштириб музей ашёларни тўлдиради, сақлайди, музей ашёлари коллекцияларини тадқиқ қилади, ҳамда улардан илмий, ўқув-тарбиявий ва ташвиқот мақсадида фойдаланади. Музей иши амалиёт, ёдгорликларни сақлаш, музей тармоқлари, музей сиёсати, қонунчилиги, кадрлар тайёрлаш ва малакасини ошириш, ихтисослашган илмий-услубий ва ўқув марказлари, махсус даврий матбуот, музейшунослик каби масалаларни қамраб олади. Музейшуносликда музейларнинг келиб чиқиши, тарихи, ижтимоий тизимда уларнинг ўрни, гуруҳлаштириш, музейларни турлаштириш, каби масалалар ўрганилади; - музейларнинг ички ташкил этилишини, музейларнинг ижтимоий функциясини, махсус фанлар ривожланишини ўрганади; - музейларнинг ўзига хос ҳаракатларини ўрганади;

- музей иши ривожланишининг қонуниятларини, уни ташкил этиш ва бошқариш масалаларини ўрганади; - музей тармоқлари, ташкил этилиш жараёни ва ривожланиши, тармоқларни лойиҳалаш масалаларини ўрганади; - музейшунослик фанини махсус фан сифатидаги ҳолатини, унинг ўзига хос характерини ва фанлар тизимидаги ўрнини ўрганади.

Адабиётлар: 1. Кириенко Е. М. Исторический музей. М.,1984. 2. Коейн А. А. Рождение музея. М., 1980. 3. Мозийдан садо. 2000 й, №1-2. 4. Музееведние. Музеи исторического профиля. М., 1988. 5. Обҳественнўе музеи Узбекистана. Т., 1988.

Похожие

«Авесто» илмий, маданий манба сифатида

Музейнинг илмий маълумотнома аппарати

Музейшунослик фaнининг предмети, мақсади ва вазифалари

Илк ўрта асрлар ўзбек давлатчилиги ижтимоий-сиёсий, иқтисодий ва маданий ҳаёт

IX-XII асрларда ўзбек давлатчилиги сиёсий, ижтимоий - иқтисодий ва маданий ҳаёт