Зоҳид Хақназаров - Искусство - Рефераты

Зоҳид Хақназаров

Загружено в:

20.09.2019

Скачано:

0

Размер:

34.5 KB

Зоҳид Хақназаров Ўзбекистон халқ артисти, профессор Зоҳид Абдувоҳидович Ҳақназаров 1937 йил 12 ноябрда Тошкент шахрида ишчи оиласида таваллуд топди. У жуда ёш бола вақтидаёқ ота-онадан етим қолиб, Тошкент, Янги йўл ва Самарқанд болалар уйларида тарбияланади. Болалар уйида мусиқа дарсига алоҳида эътибор қилиб ҳамма ёш болалар бирор чолғуда чалишни билишлари шарт эди. Зоҳид ҳам олдин скрипка чолғусини ўзлаштирабошлади. Кейин, яъни 1950 йилда Тошкентдаги харбий мусиқа мактабига кириб, флейта синфи бўйича таълим олади. Ўқишни муваффақиятли тугатиб, 1954 йили Самарқанд гарнизони қошидаги харбий оркестрда хизмат қилади. Хизмат даврида у мусиқа билим юртига флейта чолғуси бўйича ўқишга киради. Бу ерда икки йил ичида ўқишни ва харбий хизматни муваффақият билан тугатиб, 1956 йили Тошкент Давлат консерваториясининг икки бўлими, яъни оркестр чолғулари ва мусиқашунослик факультетларига ўқишга киради. Икки йил ўқиб 1958 йили Маданият вазирлигининг йўлланмаси билан Москва консерваториясининг мусиқашунослиги факультетига ўқишга кириш учун Москвага боради. Лекин, у мусиқашунослик факультетига кирмай, опера-симфоник дирижёрлиги факультетига ўқишга киради. Дирижёрлик курсида у таниқли дирижёр, профессор Николай Павлович Аносов ва Геннадий Рождественский раҳбарлигида дирижёрлик маҳорати сирларини пухта эгаллашга ҳаракат қилади. У талабалик йилларидаёқ Москва консерваторияси қошидаги опера студияси оркестри билан Моцарт, Мусоргский, Книппер ва Равель каби машхур композиторларнинг йирик симфоник асарларига дирижёрлик қилади. Тошкентга келиб, улуғ немис композитори Л. Бетховен ижодига бағишланган катта концерт дастурини тайёрлайди ва намойиш этади. Бундан ташқари у Ўзбекистон Давлат филармониясининг симфоник оркестри билан Сибирь шахарларида ижодий сафарларда бўлади.

Зоҳид Хақназаров 1963 йили Москва консерваториясини муваффақиятли тугатиб, Ўзбекистонга келади ва ўзбек давлат филармонияси қошидаги симфоник оркестрда дирижёр лавозимида ишлайди. Икки йилдан сўнг, яъни 1965 йилдан шу оркестрнинг бадиий раҳбари ва бош дирижёри этиб тайинланади. У биринчи галда оркестрнинг ижро маҳоратига, уни юқори профессионал жамоа даражасига кўтариш учун тинмай ишлайди. Оркестрга ёш, истеъдодли чолғучиларни жалб қилади. Шу билан бир қаторда оркестр репертуарига алоҳида аҳамият бериб ғарбий европа, рус, замонавий мусиқа асарларини, ҳамда Ўзбекистон композиторларининг йирик асарларини киритади. Бу билан у оркестр ижро маҳоратини янада юқори поғонага кўтариш имконига эришади. Унинг репертуарида Р. Штрауснинг «Дон Жуан » , А. Штейнбергнинг оркестр учун бешта пъесаси, П. Хиндемитнинг «Рассом Матис » , И. Стравинскийнинг «Петрушка » , «Прибаутки » , Пульчинелла, «До » минорли симфонияси, Б. Бриттеннинг «Перселл » мавзусига ёзилган вариациялар ва фуга, А. Хачатуряннинг «2–чи симфонияси, Д. Шостаковичнинг «5 » , «8 » , «12 » , «13 » симфониялари билан бир қаторда унинг скрипка ва оркестр учун ёзилган концерти, С. Прокофьевнинг «Ромео ва Жульетта » балетидан сюита, «4 » ва «5 » симфониялари ҳамда унинг «2 » скрипка ва оркестр учун ёзилган концерти, М. Ашрафий, С. Юдаков, М. Бурхонов, И. Акбаров, Р. Вильданов, М. Тожиев, Р. Хамроев, Ш. Шоимардонова, С. Карим-Хожи ва бошқа композиторларнинг асарлари ижро этилди. Бу билан З. Хақназаровнинг дирижёрлик маҳорати юқори баҳоланиб, у 1969 йили «Ўзбекистонда хизмат кўрсатган артист » фахрий унвонига сазовор бўлди. 1971 йилда Италиянинг пойтахти Римда ўтган халқаро дирижёрлар танловида танлов дипломанти бўлишга муяссар бўлди. Бундан рухланган З. Хақназаров янги асарлар устида тинмай иш олиб борди. 1979 йили Тошкент шахрида ўтган Ўрта Осиё, Қозоғистон, ҳамда Кавказорти республикаларининг симфоник мусиқа оркестрлари, замонавий мусиқа фестивали, М. И. Глинка номидаги У111 Бутуниттифоқ хонандалар ва пианиночилар танловларини маҳорат билан

ўтказишга эришди. Яна машхур ва таниқли композиторлар Л. Бетховен, А. Скрябин, Д. Шостакович ва бошқаларнинг ижодига бағишланган концертларни уюштирди. Унинг концертларида машхур ижрочилар Джон Лил, А. Бахчиев, Л. Василенко, О. Криса, Т. Николаева, Р. Керер, Е. Сорокина, А. Слободяник, Г. Соколов ва бошқалар мунтазам иштирок этиб келди. Бундан ташқари Ленинград Давлат академик капелласи, А. Юрлов номидаги хор капелласи, ўзбек филармонияси қошидаги хор капелласи ва Ўзбекистон радиоси қошидаги хор жамоалари билан катта концертлар ўтказди. З. Хақназаровнинг ўзи Москва, Ленинград, Киев, Одесса, Белоруссия, Арманистон, Қозоғистон, Германия, Югославия, Чехословакия, Болгария, Руминия давлатларида ўтган симфоник концертларда ўзининг дирижёрлик мақоратини намойиш этиб тингловчилар олқишига сазовор бўлди. 1978 йили у раҳбарлик қилган оркестр «Ўзбекистонда хизмат кўрсатган ижрочилик жамоаси » фахрий унвонга, З. Хақназаров эса «Ўзбекистон халқ артисти » фахрий унвонига сазовор бўлди. У 1967 йилдан бошлаб телеэкран орқали ўзбек ва рус тилларида «Бугун сизлар билан дирижёр » туркум эшиттиришларини намойиш этиб, чет эл, рус ва ўзбек композиторларининг мумтоз асарлари билан кенг оммани таништириб, тарғибот ишларини олиб борди. 1979–1984 йилларда Тошкент Давлат консерваторияси ректори лавозимида ишлаб, консерватория талабаларига дирижёрлик маҳоратидан сабоқ бериб, 1982 йили профессор илмий унвонига муяссар бўлди. Зоҳид Хақназаров Ўзбекистон мусиқа санъатига қўшган ҳиссаси учун 1999 йилда «Эл-юрт ҳурмати » ордени билан мукофотланган.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975. 7. Ансарме Эрнест. Статьи о музыке и воспоминания. М. Сов. Композиор. 1986.

Похожие

Оркестр ва хорга дирижёрлик қилганлар

Уйғониш даври театри

Mа’nаviy hаyotning ijtimоiy-estеtik аsоslаri

Mа’nаviyat, mа’nаviy hаyot tushunchаlаri

Sаn’аt bilаn mа’nаviyatning bоshqа turlаri аlоqаdоrligi