Шахс камолотини ривожлантиришда мусиқа тарбиясининг роли - Искусство - Рефераты

Шахс камолотини ривожлантиришда мусиқа тарбиясининг роли

Загружено в:

20.09.2019

Скачано:

0

Размер:

45 KB

Шахс камолотини ривожлантиришда мусиқа тарбиясининг роли Режа: 1. Маданий ҳаётимизда мусиқани тутган ўрни. 2. Мусиқа таълимотини ривожлантиришга мусиқа маданияти дарсларини аҳамияти. 3. Шахсни шаклланишида мусиқанинг роли. 4. Мусиқа ўқитувчиси олдига қўйилган замонавий талаблар.

Мусиқа маданий ҳаётимизда кенг ўринни тутган, инсон шахсиянини шакллантиришда муҳим аҳамият касб этадиган санъат туридир. Мусиқа тарбияси эса, нафосат тарбиясининг асосий ва мураккаб қирраларидан биридир, у атрофдаги гўзал нарсаларни тўғри идрок этишга ва қадрлашга ўргатади. Ўқувчиларга нафосатли тарбия беришда умумтаълим мактабларидаги, мусиқа маданияти дарсларини аҳамияти катта. Ўқувчилар нафосат ҳиссини, санъат сирларини тушунишни ва қадрлашни, санъатдан баҳраманд бўлишни, аввало мактабларга ўрганадилар. Нафосат дидини шакллантириш учун эса, мусиқа маданияти дарслари билан бир қаторда синфдан ташқари мусиқа тарбиясини аҳамияти катта. Чунки, синфдан ташқари мусиқа тарбиясининг оммавий ва тўгарак шаклларида болалар ялпи тарзда жалб этилади. Зотан, мусиқа тарбияси созанда ёки хонандани эмас, энг аввало инсонни тарбиялайди. Ўсиб келаётган ёш авлодни мусиқа, гўзаллик оламига олиб киради. Чунки, мусиқа инсон ҳаётига кучли таъсир кўрсатиш имкониятига эга ва аҳлоқий-нафосат тарбиясининг муҳим воситасидир. Инсон мусиқа билан она алласи орқали танишиб, умирбод мусиқадан завқ топади. Мусиқадан озуқа олиш учун эса, инсон юксак маданиятли, соф қалб эгаси, гўзалликни хис эта оладиган бўлиши керак. Олимлардан бирлари: «Одам шахс бўлиши учун, у руҳий томонидан ривожланиши, ўзини бир бутун инсон деб ҳис қилмоғи керак» - деган эди. Шахсни ривожлантириш учун аввало, унинг ҳулқига таъсир этувчи омилларни, унинг табиатини, қизиқишини ўрганиш лозим. Бунинг учун шахсни турли муносабатлар доирасига қўйиб кузатиш керак. Ана шундагина унинг ижтимоий ҳулқи, маънавий қиёфаси, инсоний фазилатлари рўёбга чиқади. «Ҳар бир инсон – деган эди Абу Носир Ал-Фаробий – ўз табиати билан шундай тузилганки, у яшаш ва юксак етукликка эришиш учун, инсонлар жамоасига эҳтиёж туғилади, шу сабабли у кўп нарсаларни ўзаро ёрдамлашуви орқали етукликка эришади». Болани шахс сифатида ривожлантиришда насл, атрофидаги муҳит, тарбия муҳим роль ўйнайди. Ўқитувчи бу омилларни кузатиб, ўрганиб чиқиб,

ўқувчиларни қизиқиши, қобилияти, мусиқага, гўзалликка, меҳнатга муносабатларига қараб, мусиқий билим, кўникма ва малакаларини сингдира бориши лозим. Инсон мусиқадан умрбод завқ топади ва мадад олади. Шу боис ўқувчиларга мусиқа маданиятини тарбиялаш, юксак дид билан қуроллантириш, маънавий дунёқарашини шакллантириш бошланғич синф мусиқа ўқитувчисини вазифасидир. Мусиқа инсон руҳиятига эмоционал таъсир кўрсатиш билан бирга, мусиқий товуш ёрдамида вужудга келадиган мусиқий товуш ёрдамида вужудга келадиган мусиқий оҳанглар билан таъсир этади, болаларни қувонтиради, ўйлантиради, яхшиликка, гўзалликка етаклайди ва нафосат оламига олиб келади. Шундай экан, бошланғич синфларда мусиқа маданияти дарсларига эътибор янада кучайиб, бошланғич синф мусиқа ўқитувчиси олдига катта вазифаларни қўяди. Шу билан бирга, иқтидорли ўқитувчиларни, мактаб ҳаётига оммавий ва тўгарак ишларига жалб этиш бошланғич синф ўқитувчиси зиммасидадир. Мусиқа маданияти дарсларида миллий мусиқа меросларидан тўлақонли фойдаланиш ва бугунги замонавий асарларни мусиқа дарсларида қўллаш, ўқитувчидан иш мазмунини ва услубини янгилашни талаб этади. Бунинг учун мусиқа ўқитувчиси ўз фанини пухта билиши, болаларни севиши, педагогика, психология, болалар физиологияси, мусиқа ўқитиш методикасидан чуқур билимга эга бўлиши лозим. Чунки ёш авлодни баркамол инсон қилиб тарбиялашда мусиқа ўқитувчиси етакчи бўлиб ҳисобланади. Мактаб ҳаётида бошланғич синф мусиқа ўқитувчисини фаолият миқёси кенгдир. Мусиқа маданияти дарсларидан ташқари, ўқувчилар билан тарбиявий мусиқали очиқ дарслар ўтказади. Бу ҳозирда ишлаётган ўқитувчилардан иш мазмуни ва услубида янгиланиш жараёнини талаб этади. Бундай талаблар янги нашрдан чиққан қўлланмалар, тавсияномалар, дастурлар, дарсликлар кенг маънода мазмунли қилиб ёритилган. Мусиқа ўқитувчиси дарс жараёнида қўшиқ куйлаш, мусиқа тинглаш, мусиқага мос болалар чолғу асбобларидан жўр бўлиш мусиқий ритмга ҳаракатлар бажариш каби дарс фаолиятларида мусиқага қизиқтира олиш, уларни мусиқий қобилиятларини ўстиришга

ҳаракат қилиш лозим. Чунки, мусиқа ўқувчиларга тез таъсир эта оладиган таълим-тарбия воситасидир. У ўқитувчиларни шахс бўлиб шаклланиши учун оммавий ва аҳлоқий томондан ижобий таъсир кўрсатади. Шунинг учун ҳам, мусиқа маданияти дарслари, аввало тарбия дарси деб аталади. Дарс самарадорлигини ошириш мусиқа ўқитувчисидан меҳнат, ўз фанига муҳаббат, болаларни гўзаллик ва нафосат оламига олиб кириш учун билим, мусиқага меҳр ва шижоат талаб этади.

Адабиётлар: 1. И.А.Каримов. «Баркамол авлод орзуси». Т. Ўзбекистон 1998 йил 2. М.О. Иномова. «Педагогика маърузалар матни» Т. 2000 3. Д.Ф.Омонуллаев ва бошқалар «Бошланғич таълим» Давлат Таълими Стандартлари дастури. Т. 1992 4. О. Шайхова. Инсон ва унинг маънавий дунёси Т. 1993 5. Д.Ф. Омонуллаев «Мактабда мусиқа тарбияси методикаси» лекциялари курс . Т.1990 йил. 6. М.О. Иномова. «Педагогика» маърузалар матни Т. 2000 йил О.Апраксина. «Методика музўкального воспитания в школе» Т.1992.

Похожие

Шахс камолотини ривожлантиришда Мусика тарбиясининг роли

Ўзбекистоннинг умумтаълим мактабларида мусиқа таълими ва тарбиясининг ривожланиши

Мусиқа тизими

Мусиқа психологияси тарихидан

Мусиқа маданиятимиз намояндалари