Педагогик коллежларда мусиқа фанини ўқитишнинг мазмуни ва методикаси - Искусство - Рефераты

Педагогик коллежларда мусиқа фанини ўқитишнинг мазмуни ва методикаси

Загружено в:

20.09.2019

Скачано:

0

Размер:

45 KB

Педагогик коллежларда мусиқа фанини ўқитишнинг мазмуни ва методикаси Режа: 1. Педагогик коллежларда мусиқа фанини ўқитишнинг мазмуни. 2. Мусиқа фанини ўрганиш бўйича талабаларда билим ва малакалари қўйилган талаблар. 3. Талаба ёшларни замонавий ўқитувчи кадрлар қилиб тайёрлашнинг тарбиявий аҳамияти.

Республикамизда рўй бераётган ўзгаришлар, барча соҳалардаги каби бўлажак педагогларнинг зиммасига ҳам ўта масъулиятли вазифаларни юклайди. Педагогик коллежнинг бўлажак мусиқа ўқитувчиси мусиқа ўқитиш методикаси фанидан махсус билим ва малакаларга эга бўлиши, ахлоқий пок, халол ва софдил, юксак фазилатли, ўз касбининг жонкуяри, талабаларга ва ўсмир ёшларга нисбатан ўта меҳрибон, ўта талабчан ва ўзбек халқининг урф- одатларини, қадриятлдари ва анъаналарини мукаммал биладиган, ҳамда ўз касбига талабаларни қизиқтира оладиган шахс бўлмоғи лозим. Бугунги талаба – бўлажак педагог, ўтмиши бор ўзбек халқининг мусиқа санъатини ноёб намуналари ўзлаштирган бўлиб ўқувчи-ёшларга улашмоғи давр талабидир. Шу сабабли бўлажак мусиқа фани ўқитувчиси олдига қўйидаги талаблар қўйилади. 1. Ўзлари таълим бериши лозим бўлган талаба-ёшларга мусиқа санъати сирларини ўргатиш борасида доимо изланиш. 2. Талаба-ёшларга педагогика, психология, мусиқа ўқитиш методикаси фанларини мукаммал ўргатиш. 3. Ўқувчи-ёшларни мусиқа санъати бўйича ижодкорликка етаклаш. Иқтидорли талабаларини тўгаракларга жалб қилиш. 4. Замон талабларига мос дарс ва машғулотларни ноанъанавий дарс режалари асосида ўтказиш. 5. Жаҳон андозаларига хос янги педагогик технологияларни, дарсларда қўллаш. Юқорида қайд этилган талабларни ўзида мужассам этган ҳар қандай талаба келажакда етук баркамол педагог бўлиб вояга етиши мумкин. Талабаларга мусиқий таълим беришнинг асосий шакллари ва маъруза, амалий машғулотлар, лаборатория машғулотлари ва мустақил иш йўналишларида амалга оширилади. Маъруза – мусиқа маданияти дарсларини ва уни ўқитиш методикасини назарий асослари ва методлари ўргатиш демакдир.

Амалий машғулотлар – мавзули режалар асосида, оғзаки сўров, суҳбат дарс, семинарларга тайёрланади, ҳамда дидактик материаллар асосида амалий дарс фаолиятларини ўтказиш. Лаборатория машғулотлари – мусиқа маданияти дарсларини оддий фаолият турларидан бошлаб, тўгаракларда ишлаш каби мураккаб иш фаолиятларини якка тартибда бажариш демакдир. Педагогик коллежларда мусиқа ўқитиш методикаси фани асосий фанлардан бири бўлиб ҳисобланади. Шу боис, дарсларга кўргазмали қуроллар тайёрлаш, дарс ишланмалари ёзиш, мусиқий таҳлил қилиш, мусиқий асарларни бирор чолғуда (пианино, рубоб, дутор) ижро этиш, куйлаш, дирижёрлик қилиш, қўшиқ ўргатиш, мусиқа тинглаш, рақс ҳаракатларини ўргатиш, ижодкорлик каби ишларни ўз ичига олади. Талабаларда мусиқа санъати борасидаги барча назарий ҳамда амалий билимларни ривожлантириш, ўз соҳасига ижодий ёндашишни талаб этади. Педагогик коллеж ишларида илғор ўқитувчи бўлиши учун ҳозирги замон педагогик технолдогияларни эгаллаш ва уларни амалда қўллай билиш мақсадга мувофиқдир. Ҳозирги кундаги мусиқа ўқитиш методикаси бирданига келиб шаклланган фан эмас, бунга қадар мазкур методикани шаклланиши мураккаб тараққиёт йўлини босиб ўтган. Республикамизда мусиқа ўқитиш методикасини шаклланишида маҳаллий олимлар, методистларнинг қатор изланишлари ўқув қўлланмалари, дастурлари, методик тавсияларни аҳамияти катта бўлди. Бу таълим мазмунида ҳар бир худуднинг санъати ва мусиқа маданияти, унинг бадиий анъаналарида ўз ифодасини топган. Шуни алоҳида қайд этиш лозимки, ҳаётни ва атрофдаги гўзалликни билмай туриб тўлақонли бадиий ижодни амалга ошириб бўлмайди. Мусиқа санъати эстетик идрокнинг битмас-туганмас манбаидир, инсон юраги ва ақлини забт этувчи мафтункор дунёдир. Инсон доимо гўзалликка интилиши ва кундалик ҳаётда, шу гўзаллик қоидаларига амал қилиши керак. Талаба ёшлар учун эса, мусиқа таълими жуда зарурдир, чунки бўлажак

талабалар ўқитувчилик касбини эгаллаб, ёш авлодни ҳар томонлама тарбиялаб, вояга етказади. Хулоса қилиб айтганда, биз ёш авлодни бўлажак мусиқа ўқитувчиларини, ўзбек халқининг мусиқа маданияти билан таништириб, унинг нафосатли ҳис-туйғуларини ривожлантиришимиз, мусиқа таълимининг савиясини оширишимиз керак. Бўлажак мусиқа ўқитувчилари таълим-тарбия ишларини шундай юксак даражада ташкил этиш зарурки, талаба-ёшлар умумий ўрта маълумот олиш билан бирга анъанавий мусиқа маданиятидан баҳраманд бўлсинлар.

Адабиётлар: 1. И.А.Каримов. «Баркамол авлод орзуси». Т. Ўзбекистон 1998 йил 2. М.О. Иномова. «Педагогика маърузалар матни» Т. 2000 3. Д.Ф.Омонуллаев ва бошқалар «Бошланғич таълим» Давлат Таълими Стандартлари дастури. Т. 1992 4. О. Шайхова. Инсон ва унинг маънавий дунёси Т. 1993 5. Д.Ф. Омонуллаев «Мактабда мусиқа тарбияси методикаси» лекциялари курс . Т.1990 йил. 6. М.О. Иномова. «Педагогика» маърузалар матни Т. 2000 йил О.Апраксина. «Методика музўкального воспитания в школе» Т.1992.

Похожие

Тўртинчи синфда мусиқа ўқитишнинг мазмуни ва методикаси

Биринчи синфда мусиқа ўқитишнинг мазмуни ва методикаси

Бешинчи синфда мусиқа ўқитишнинг мазмуни ва методикаси

Учинчи синфда мусиқа ўқитишнинг мазмуни ва методикаси

Икккинчи синфда мусиқа ўқитишнинг мазмуни ва методикаси