Наум Гольдман - Искусство - Рефераты

Наум Гольдман

Загружено в:

20.09.2019

Скачано:

0

Размер:

30 KB

Наум Гольдман (1896–1981) Ўзбекистонда хизмат кўрсатган санъат арбоби Наум Абрамович Гольдман 1896 йил 23 июлда Киев шахрида таваллуд топди. 1913 йили у Киев шахридаги консерваторияга ўқишга киради. Бироқ ўқишни тўхтатишга тўғри келади, чунки биринчи жахон уруши бошланиб, уни армия хизматига сафарбар этишади. Н. Гольдман армия сафида 1918 йилгача хизмат қилиб, она шахри Киевга қайтади. Бу ерда у Лисенко номидаги мусиқа институтига, дирижёрлик факультетига ўқишга киради. Ўқиш даврида Л. П. Штейнберг раҳбарлигида опера студиясида дирижёрлик сирларини пухта ўрганади ва 1921 йили ўқишни муваффақиятли тугатиб, Житомир шахридаги опера ва балет театрида дирижёр лавозимида ишлаб, сўнг у Одесса театрида, Харьков, Ростов, Краснодар ва Саратов театрларида икки йилдан ишлаб, 1931 йили Одесса опера ва балет театрида уруш бошлангунга қадар дирижёрлик лавозимида ишлайди. Одесса опера ва балет театрида ғарбий европа ва рус композиторларининг дурдона операларига дирижёрлик қилади. Буларнинг ичида Вердининг «Аида » , Пуччинининг «Чио-чио сан » ва «Тоска » , Чайковскийнинг «Мазепа » , Бородиннинг «Князь Игорь » , Мусоргскийнинг «Борис Годунов » ва бошқалар бор эди. Уруш бошлангандан сўнг Одесса театри Қозоғистоннинг пойтахти Олма Отага кўчирилади. Театр билан бирга келган Н. Гольдман бу ерда қолмай Тошкентга келиб умрининг сўнгги кунигача А. Навоий номидаги опера ва балет театрида дирижёр лавозимида ишлайди. Унинг театрда сахналаштирган биринчи операси М. Глинканинг «Иван Сусанин » операсидир. 25 йилдан ортиқ давр ичида театрнинг бош дирижёри вазифасида меҳнат қилиб ғарбий европа ва рус композиторларининг машхур ва дурдона асарларини сахналаштиришга эришди. М.: Дж. Верди «Трубадур » , «Травиата » , Д. Пуччини «Турандот » , «Тоска » , Ж. Бизе «Кармен » , «Марварид қидирувчилар » , П. Чайковский «Пиковая дама » ,

«Мазепа » , «Евгений Онегин » , А. Рубинштейн «Демон » , А. Бородин «Князь Игорь » , Э. Направик «Дубровский » , М. Мусоргский «Борис Годунов » , И. Джержинский «Тинч Дон2, Т. Хренников «Бўронда » , таниқли ўзбек композиторлари Т. Жалилов ва Б. Бровцинларнинг «Тохир ва Зуҳра » , А. Козловскийнинг «Улуғбек » , С. Юдаковнинг «Майсаранинг иши » опералари бор эди. Булардан ташқари у балет спектаклларига қўл уриб П. Чайковскийнинг «Оққуш кўли » , Р. Глиэрнинг иккита асари «Қизил гул » («Красний мак » ) ва «Мис чавандоз » («Медний всадник » ), М. Чулакининг «Ёшлик » («Юность » ) балетларига дирижёрлик қилишга муваффақ бўлди. Ўзининг сермахсул меҳнати билан Ўзбекситон мусиқа театри ривожига қўшган улкан хизматларини инобатга олиб Ўзбекситон ҳукумати 1944 йилда Наум Абрамович Гольдманга «Ўзбекистонда хизмат кўрсатган санъат арбоби » фахрий унвони билан тақдирлада. У дирижёрлик санъати билан бир қаторда, 1948 йилдан бошлаб Тошкент Давлат консерваториясининг опера студиясида курс раҳбари ва дирижёри сифатида педагогик фаолиятини давом эттирди. Студияда ёш талабалар билан бир қаторда опера спектаклларини сахналаштирди. Уларнинг ичида катта муваффақият қозонган асарлар: С. Рахманиновнинг «Алеко » , С. Юдаковнинг «Майсаранинг иши » , В. Моцартнинг «Фигаронинг уйланиши » операларини келтириш мумкин. Наум Абрамович Гольдман 1981 йили 85 ёшида Тошкентда вафот этди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981. 6. Ашрафий М. Музыка в моей жизни. Т. 1975. 7. Ансарме Эрнест. Статьи о музыке и воспоминания. М. Сов. Композиор. 1986.

Похожие

Оркестр ва хорга дирижёрлик қилганлар

Mа’nаviy hаyotning ijtimоiy-estеtik аsоslаri

Mа’nаviyat, mа’nаviy hаyot tushunchаlаri

Sаn’аt bilаn mа’nаviyatning bоshqа turlаri аlоqаdоrligi

Sаn’аt - ijtimоiy-mа’nаviy vа estеtik hоdisа. Sаn’аtning mа’nаviy-estеtik tаbiаti