Алексей Федорович Козловский (1905–1977) - Искусство - Рефераты

Алексей Федорович Козловский (1905–1977)

Загружено в:

20.09.2019

Скачано:

0

Размер:

29 KB

Алексей Федорович Козловский (1905–1977) Ўзбекистон халқ артисти А. Ф. Козловский 1905 йилнинг 15 октябрида Украинанинг пойтахти Киев шахрида зиёли оиласида таваллуд топди. Уларнинг уйида доим мусиқа жаранглаб турарди, чунки Алексейнинг акалари созанда эдилар. Бундай шароит унинг мусиқага бўлган ҳавасини ёшлигидан уйғотиб, мусиқа билан шуғулланишга чорларди. Натижада, 12 ёшга тўлган Алексей Киев консерваториясининг фортепиано ва композиторлик бўлимига қабул қилинади. Ўқиш даврида у кўплаб украин халқ куй ва қўшиқларини ёдлаб, нотага кўчирарди. Келажакда ёзиб олган асарларидан унумли фойдаланади. У билимларини такомиллаштириш ниятида Москвага келиб, аввал мусиқа техникумида, сўнг консерваториянинг композиторлик бўлимига ўқишга киради. Бу ерда у 1928 дан 1931 йилгача таниқли композитор Н. Я. Мясковскийда тахсил олади. Ўқишни муваффақиятли тугаллаб, 1931 йили К. С. Станиславский ва В. Н. Немирович-Данченко номидаги мусиқали театрда дирижёр вазифасида ишлайди. Бу ерда у К. С. Станиславский билан биргаликда қатор операларни сахналаштирди. Шунга қарамасдан, тақдир тақозоси билан 1936 йили А. Ф. Козловский Тошкентга кўчиб келади. Тошкентда у ўзбек халқининг ўтмиш тарихини, бой мусиқа меросини синчиклаб ўрганади. Натижада унинг бебахо йирик мусиқа асарлари: «Бектошнинг жасорати » , «Улуғбек » опералари, «Тановар » балети, Т. Содиқов билан биргаликда «Даврон ота » мусиқали драмаси, М. Ашрафий, С. Василенколар билан ҳамкорликда «Шерали » мусиқали драмаси, «Тохир ва Зуҳра » , «Хўжа Насриддин » , «Фарғона » кинофильмига, хамда М. Горький номидаги рус драма театрининг кўпгина спектаклларига мусиқа басталади. Булардан ташқари симфоник оркестр учун уч қисмли «Лола » симфоник сюита, «Ўзбек рақс сюитаси » , «Достон » , «Қорақалпоқча сюита » , «Тоғли Сюита » , «Сўғдиёна фрескалари » , «Тановар » , «Ҳинд поэмаси » каби дурдона асарларни басталади. Бу ўлмас асарлари билан

у ўзини ажойиб бастакор эканлигини намоён қилган бўлса, дирижёр сифатида ҳам жуда катта ишлар қилди. Москвадан келганига оз вақт ўтмай, яъни 1938–1941 йиллар давомида ўзбек мусиқали театрида дирижёр сифатида фаолият кўрсатди. 1949 йилда эса уни Ўзбек Давлат филармонияси қошидаги симфоник оркестрга бадиий раҳбар ва бош дирижёр этиб тайинланади. Бу вазифада у 1957 йилгача, сўнг 1960 йилдан 1966 йилгача унумли меҳнат қилиб келди. Бу даврда унинг бошчилигида Ғарбий Европа, рус, замонавий ва ўзбек композиторларининг машхур ва йирик симфоник асарларини юқори савияда муваффақият билан ижро этилди. Жумладан: Чайковский, Римский-Корсаков, Скрябин, Дворжак, Франк, Бетховен, Моцарт ва бошқа композиторларнинг йирик асарлари, Мусоргский, Равелнинг «Кўргазмадаги расмлар » , Рихард Штрауснинг «Дон Жуан » , Морис Равелнинг «Болеро » ва бошқа кўп мумтоз асарлар юксак махорат билан бажарилди. А. Козловскийнинг яна ажойиб ишларидан бири, бу ҳам бўлса ёш санъаткорларни юқори савияда, профессионал даражада тарбиялаш эди. Бу ишни у 1941 йилдан то умрининг сўнги дақиқасигача виждонан адо этди. У тарбиялаган ёшлардан келгусида таниқли санъаткорлар етишиб чиқди. Улардан композиторлар Дони Зокиров, Дадаали Соатқулов, Икром Акбаров, Иброҳим Хамроев, Сайфи Жалил ва бошқалар, дирижёрлардан Бахром Иноятов, Фазлитдин Шамсутдинов, Саид Алиев, Эргаш Тошматов, Валентин Руденко ва бошқалар. Ўзбекистонда мусиқа санъатини ривожлантиришга қўшган улкан хизматлари инобатга олиниб Алексей Федорович Козловский 1955 йилда «Ўзбекистон халқ артисти » фахрий унвони билан тақдирланди. У 1977 йили Тошкентда вафот этди.

Адабиётлар рўйхати 1. Каримов И.А. Тарихий хотирасиз келажак йўқ.-Т.: Шарқ, 1998 . 2. Каримов И.А.Биз келажагимизни ўз қўлимиз билан қурамиз. Т.7.-Т.: Ўзбекистон, 1999 . 3. Азимов К. Ўзбекистон дирижёрлари.-Т., 2001. 4. Аносов Н. П. Литературное наследие. Изд. Сов. Композитор, 1973. 5. Астров А. Деятель русской музыкальной культуры, С. А. Кусевицкий, Л. Музыка 1981.

Похожие

Бахром Иноятов (1917–1969)

Бастакор Ф. Содиқовнинг ҳаёти ва ижоди (1914-1977)

Композитор И. Акбаров ҳаёти ва ижоди (1921)

Ўзбек бастакорлари уюшмасининг иш фаолияти тарихи

Набижон Халилов (1922–2002)