Токзорни ўғитлаш машиналари - Сельское и лесное хозяйство - Рефераты

Токзорни ўғитлаш машиналари

Загружено в:

20.09.2019

Скачано:

0

Размер:

169.5 KB

Токзорни ўғитлаш машиналари Узумчилик маҳсулотларини кўпайтириш ва унинг сифатини оширишда токзорни саводли ўғитлашнинг роли каттадир. Токзор қатор оралиғини ўғитлаш учун 55-расмдаги тупроқ юмшаткичнинг бўйлама брусларига иккита (58-6 расмда чап томондаги ўғитлаш аппарати ечиб қўйилган) ликопсимон ўғитлаш аппаратлари 1 ҳамда уларни айлантириб ишлатиш учун қўшимча юритувчи ғилдирак 4 ўрнатилади. Агрегат дала бўйлаб ҳаракатланганида юритувчи ғилдирак 4 занжирли узатма 6 ёрдамида ўғитлаш аппаратининг ликопчаларини айлантиради. Бункер тубидаги тирқишдан ликопча олиб чиққан ўғит ўтказгич 2 га тушади ва иккита четки тишлар тупроқда ҳосил қилган чуқурчага, яъни ток илдизларига яқин жойга бориб тушади ва кўмилади. Бункер туби билан ликопча орасидаги тирқишнинг кенглигини ўзгартириб, ажратиб олинаётган ўғит миқдорини ўзгартириш мумкин. Бундан ташқари ўғит миқдорлаш аппаратига ҳаракат узатадиган юритма 5 даги юлдузчаларни алмаштириб, ҳар гектар майдонга мўлжалланган миқдордаги ўғит сепилади. Минерал ўғитларни майдалаш, транспорт воситасига юклаш, далага келтириш, ўғит миқдорловчи аппаратларга солиш қишлоқ хўжалигида ишлатиладиган махсус машиналар ёрдамида бажарилади. Органик ўғитни бевосита тупроққа солиб кетадиган машиналар мураккаб бўлиб, кенг тарқалмаган. Амалда, органик ўғит оддий воситалар ёрдамида токлар қатор оралиғига сочилади ва уни тезроқ тупроққа аралаштириб кўмиш учун оддий плуг, фреза, дисксимон қуроллардан фойдаланилади. Токзорни касаллик ва зараркунандалардан ҳимоялашда боғдорчиликда ишлатиладиган пуркагич ва чанглаткичлардан фойдаланилади.

расм. Тупроқ юмшаткичга ўғитлаш аппаратини ўрнатиш схемаси: а — ён кўриниши; б — уст кўриниши; 1 — ўғит миқдорлаш аппарати; 2 — ўғит ўтказгич; 3 — рамка; 4 — юритувчи ғилдирак; 5 — миқдорлагичнинг ҳаракат юритмаси; 6 — кронштейн. Токларни кўмиш ва очиш машиналари Республикамизнинг кўп туманларида қишки совуқлардан сақлаш мақсадида токларни тупроқ билан кўмиб қўйиш талаб қилинади. Эрта баҳорда эса, куртаклари уйғона бошлаганида уларни тупроқдан очиш керак бўлади. Бундай сермеҳнат ишларни ўта қисқа вақт ичида бажариш талаб қилинади. Шу сабабли, уларни машиналар ёрдамида бажариш маъқуи бўлади. Машина билан кўмишдан олдин кераксиз новдалар қирқилиб, қолган ток новдалари шпалера симларидан ечиб олинади, тўдалаб бўлинади ва агрегат юритиладиган томонга энгаштирилиб ерга ётқизилади. Керак бўлса, қозиқлар қоқилиб, уларни бостириб ихчам кўринишга келтирилади. Шпалеранинг энг пастки симтемири 60 см дан пастроқ тортилган бўлса, уни бўшатиб, юқорироқдаги, яъни иккинчи қатордаги симтемир илинган илгакка илинтирилиб қўйлади.

Шпалера симлари тагидаги ерга ётқизилган новдаларни тупроқ билан кўмадиган машиналар тури кўп. Улардан кенг тарқалганининг схемаси 59- расмда келтирилган. Машина рамаси иккита таянч ғилдираклари 11 га қўндирилган бўлиб, унинг бўйлама брусларига ўнг ва чап томонга тупроқ ағдарадиган корпус 4 лар ўрнатилган. Турли қатор кенглигига мослаш учун, брусларни рамага нисбатан буриб қўйиш имкони бор. Бруслар оралиғи кенгайтирилганида махсус параллелограммсимон механизм корпусни агрегатнинг ҳаракати йўналишига тўғри келадиган ҳолатини сақлаб қолади, акс ҳолда корпус тупроқни керакли томонга суриб бермасдан қўяди. Ҳар бир корпус олдига шохларни ерга энгаштириб, уларни тупроқ билан тўлиқ кўмилгунича ерга босиб турадиган новда ётқизгич 7 ўрнатилган. Юқоридаги схемада машина билан ерга ётқизилмаган ёш новдаларни кўмиш жараёни кўрсатилган. Машинага гидравлик тақсимлагич ўрнатилган бўлиб, унга тракторнинг гидравлик тизимидан катта босим остида мой узлуксиз келиб туради. Машинанинг технологик жараёни қуйдагича бажарилади. Илгарилаб судралаётган машинанинг шох ётқизгичи ток новдаларини (олдиндан ерга ётқизилган бўлса ҳам) пастга босиб турган вақтда уларнинг устига тупроқ палахсасини корпус ағдариб ташлаб, кўмади. Шпалера устуни ёки узум занги учратилса, унга машинанинг турткичи тегади ва орқа томонга бурила бошлайди. Гидротақсимлагичнинг турткичга уланган клапани очилиб, босим остидаги мойни гидросилиндр 1 га юборади. Гидросилиндр шох ётқизгич билан корпусни тортиб, устундан узоқлаштиради. Корпус тўсиқдан ўтиб олганидан сўнг, пружина 2таъсирида дастлабки ҳолатига қайтган турткич гидротақсимлагич клапанини очиб, гидросилиндрни, яъни шох ётқизгич билан корпусларни олдинги жойга қайтаради. Шароитга қараб, шох ётқизгичнинг баландлиги ҳамда ён томонга бурилган ҳолатини ўзгартириш учун махсус тортқилар хизмат қилади. Ерта баҳорда кўмилган токларни тез очиш талаб қилинади. Тупроқ намлиги оптимал ҳолатга келганда кўмилган токни машина билан очиш мумкин.

Токни тупроқдан очиш учун икки турдаги машинадан тузилган агрегат ишлатилади. расм. Ток новдаларини тупроқ билан кўмадиган машина схемаси: а — ён кўриниши; б — уст кўриниши; 1 — гидросилиндр; 2— пружиналар; 3 — итаргич; 4 — кўмувчи корпус; 5 — новдалар; 6 — тупроқ уюми; 7— новда ётқизгич; 8— гидротақсимлагич; 9— турткич; 10— шпалера устуни; 11 — таянч ғилдираклар. Дастлаб, 59-расмдаги корпуслар жой алмаштирилади. Уларни кўмилган новдага тегмайдиган кенгликда ўрнатиб, ток шохларининг ёни ва қисман тагидаги тупроқни шпалерадан узоқлаштириб суради, яъни қисман, чала очиб беради. Иккинчи марта юритиладиган агрегат схемаси 60-расмда келтирилган. Трактор 7га осиладиган вентилаторй очгич иккита таянч ғилдираклар 1 га ўрнатилган бўлиб, катта босим ёрдамида ҳаво ҳайдайдиган вентилатор 4 билан жиҳозланган. Агрегат чала очилган токлар қаторининг ёнидан ўтаётганида, диск 3 айланаётиб, новдалар тагидаги тупроқни суриб чиқаради. Дискдан кейин эса, вентилатордан чиқаётган кучли ҳаво оқими новдалар усти ва орасидаги тупроқни учириб юборади. Вентилатоминг баландлиги ва энгашиш даражасини ўзгартириб, турли ҳолатдаги токни

очишга эришилади. Тупроқдан очилган токни шпалера симларига тараб боғлаб қўйиш керак. расм. Вентилаторли ток очгичнинг схемаси: 1 — таянч ғилдирак; 2 — рама; 3 — тупроқ сурувчи диск; 4 — вентилатор; 5 — редуктор; 6 — кардан вал; 7 — трактор; 8 — кўмилган токлар қатори. расм. Винобоп узум ташигич схемаси:

а — ён кўриниши; б — тўкиш схемаси; 1 — илгак; 2 — тирак; 3,8 — рама; 4 — тормоз тизими; 5 — ричаг; 6— ғилдирак; 7— кўтаргич; 9— сигнализация 10 — кузов. Қўлда ёки комбайн билан терилган винобоп узумни тўплаб, қабул пунктига етказиш учун 62-расмдагига ўхшаш ярим тиркалма прицеплардан фойдаланилади. Прицепнинг кузови 1 зангламайдиган пўлатдан тирқишсиз (қисман эзилган узум суви тўкилмаслиги учун) ясалган бўлади. Кузовни 62-б расмдагидек гидросилиндр 2 ёрдамида кўтариб, узумни орқа томонга тўкиш мумкин.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф. Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, «Агропромиздат», 1991. 9. Илмий монографиялар, мақолалар, диссертациялар. 10. Қишлоқ хўжалиги машиналари. Дарслик. www.ДИТ сентр.уз. 11. Суғоришни механизациялаш. www.нетафим . ру . 12. Плодоводство и виноградарство. ҳттп:/www.бфпуис.ру.

Похожие

Ўғитлаш машиналари

Ўғитлаш машиналари

Ғўзани ўғитлаш ва чеканка қилиш

Токзорларда ишлатиладиган машиналар

Мелиорация машиналари