Токзорларда ишлатиладиган машиналар - Сельское и лесное хозяйство - Рефераты

Токзорларда ишлатиладиган машиналар

Загружено в:

20.09.2019

Скачано:

0

Размер:

167.5 KB

Токзорларда ишлатиладиган машиналар Токзорларда амалга ошириладиган ишларнинг асосий қисми (70— 80%) қўл меҳнати билан бажарилмоқда. Бу соҳада фаолият кўрсатаётган фермер хўжаликларидаги меҳнат унумини ошириб, маҳсулот таннархини пасайтириш учун узумчиликдаги ишларни механизациялаш даражасини кўтариш муҳим аҳамиятга эга бўлмоқда. Узумчилик учун тузилган технологик карталарда 100дан ортиқроқ операциялар бажарилиши кўзда тутилган. Республикамизда узумнинг асосан хўраки навлари ўстирилади ва уларнинг ҳосили авайлаб қўлда узиб олинади. Шу сабабли, бу бобда токзорлардаги ерга ишлов бериш, касалликларга қарши курашиш, токларни тупроқ билан кўмиб-очиш, ўғитлаш ва бошқа ишлар бажарадиган машиналар бўйича умумлаштирилган маълумотлар келтирилган. Вино ишлаб чиқариш учун этиштириладиган узум ҳосилини йиғиштирадиган машиналар тўғрисидаги маълумотлар махсус адабиётдан олинади. Токзорни барпо қилишда тупроққа ишлов бериш машиналари Янги ерда токзор барпо қилиш учун у ерга органик ва минерал ўғит солиб, плантациябоп плуг билан чуқур шудгорлаб, кейин текислаш керак. Плантациябоп шудгорлашда тупроқ турига қараб, ерга 60— 80 см чуқурликкача ишлов берилади. Оғир тупроқли ерларни ҳатто 100 см чуқурликкача ҳайдаш талаб қилинади. Шудгорлашдан олдин ерга органик ва минерал ўғит сепилади. Сепилган ўғит шудгорлаш жараёнида тупроққа 20— 40 см чуқурликда кўмилади, чунки, кейинчалик экилган кўчат илдизига ўғит яқинроқ жойлашган бўлади. Қия жойларда агрегатни кўндаланг (горизонтал) йўналишда юритиш маъқул бўлади. Плантациябоп плуглар тўғрисидаги маълумотлар И бобда келтирилган. Тоғ олди хўжаликларда тош аралашган оғир тупроқли ерни шудгорлашдан олдин махсус чуқур юмшаткич билан юмшатиб қўйиш керак. Шудгорланган ер махсус машиналар билан текисланганидан сўнг, қабул қилинган экиш схемаси ва суғориш

йўналишини эътиборга олиб, келгусида турли машиналарни (култиватор, пуркагич, платформа...) юритиш имконини берадиган кенгликдаги қатор оралиқлари белгиланиб, у ерга кўчатлар экиш учун чуқур- чалар тайёрланади. Чуқурчалар қоида ёки гидробурғи ёрдамида ясалади. расм. Гидробурғилаш агрегатининг схемаси 1 — гидробурғилар; 2 — штанга; 3 — трактор; 4 — насос; 5 — сув идиши; 6 — шланга; 7 — чуқурчанинг илгари белгилаб қўйилган жой. Гидробурғилаш агрегатидан фойдаланиш бошқа усулларга нисбатан фойдалироқ бўлади, чунки гидробурғиланиб тайёрланган чуқурчадаги тупроқнинг намлиги кўчатнинг илдизлари тез ривожланиши учун етарли бўлади. Гидробурғилаш агрегатининг схемаси 52-расмда кўрсатилган бўлиб, унинг таркибига гидробурғи 1 , трактор 3, 2—3 м 3 ҳажмли сув идиши, насос 4, сув тақсимловчи штанга 2, шланглар 6 дан ташкил топган. Гидробурғи (53-расм) ички диаметри 19 мм, узунлиги 1,0 м бўлган труба 5 дан иборат. Унинг пастки учига клапан билан жиҳозланган учли 3, устки учига дастак 9 нинг корпуси кийдирилган бўлади. Ишлаётган одам дастак 9 лардан ушлаб, бурғининг тумшуғи 1 ни кўчат экиладиган жойга ботиради. Тупроқнинг учликка кўрсатадиган қаршилиги пастки клапан 3 ни кўтариб, сув учун ёини очади. Ишлаётган одам шу вақтда ричаг 8 ни юқорига кўтариб, устки клапан 7 ни очиб, шланга 10 даги 2—4 атмосфера босими остида турган сувни учликка юборади. Учлик тешикларидан отилиб чиқаётган сув тупроқни суюқ лойга айлантириб, чуқурча ясайди. Гидробурғини қўли билан

ишчи босиб турганлиги сабабли, унинг ботиш чуқурлиги ортиб боради. Чеклагич 6 ернинг юзасига текканида, ишчи гидробурғини кўтаради. Қаршилик боимасдан қолганидан сўнг, пастки клапан ўз оғирлиги ва суюқлик босими таъсирида пастга тушиб, сувнинг ёиини ёпиб қўяди. Ишлаётган ишчи ричаг 8 ни пастга буриб, устки клапанни ҳам ёпади. Тайёр бўлган чуқурчага дарров кўчатни солиб, қоида кўмилади. Чуқурча диаметри 15 см, чуқурлиги 60 см гача бўлади. Гидробурғидан фойдаланиш қўл меҳнати билан чуқурча тайёрлашга нисбатан иш унумини 7—8 марта оширади. Тупроғининг намлиги етарли бўлиб қолган чуқурчага кўчат ўтқазилади, унинг илдиз олиши тезлашади. Токнинг новдаларини ён ва юқори томонларга тараб боғлаб қўйиш учун симли шпалерадан фойдаланилади. Шпалера симларини тортиб қўйиш учун ёғоч ёки бетондан ясалган устунлар ўрнатилиши талаб қилинади. Устунларни ерга тик ўрнатиб қўйиш учун, махсус гидравлик устун-қоққичдан фойдаланилади. Ерга қоқилган устунларга зангламайдиган симтемирни керакли тарангликда боғлаш учун махсус лебёдка (тортқич)лардан фойдаланилади. Лебёдка нусхасининг схемаси 54-расмда келтирилган бўлиб, у шпалера устуни 16 га ўрнатилиб, диаметри 1,5—2,5 мм бўлган шпалера симтемирини 800 Н куч билан таранглатиб беради. Бир гектарга 500—600 устун қўйилган бўлса, шпалерага 5—6 қатор симтемир тортилса, гектарига 12—15 минг метр сим керак бўлади. Симтемирни икки одам устунларга тортиб боғлайди. Уламинг бири лебёдкани устунга кийдириб, иккинчиси кучи етадиган даражада симтемирни тортиб, қисқич 4га қистириб қўяди. Биринчи одам лебёдка дастаги 15 ни айлантириб, роликли занжир 18 ни айланаётган юлдузча 8 тишлари ёрдамида устун томонга суриб, тортади.

расм. Гидробурғининг тузилиши: а — кесими; б — умумий кўриниши; 1 — учлик; 2 — клапан узайтиргичи; 3 — пастки клапан; 4 — клапан ғилофи; 5 — труба; 6 — чеклагич; 7 — устки клапан; 8 — устки клапан ричаги; 9 — дастак; 10 — шланг. Занжир билан биргаликда қисқич 4 симтемирни таранглаштиради. Симнинг таранглиги меъёрига этганида иккинчи одам симтемирнинг бўш қисмини кесиб, унинг қолган қисмини устунга ўраб боғлайди. Храповик тиргаги думига босиб, уни тишга тўсиқ бўлмайдиган ҳолатга туширади. Занжир 12 нинг учи илгак 9 дан чиқарилиб, лебёдка устундан ечиб олинади. расм. Шпалера симтемирини таранглатувчи лебёдка (тортқич):

а — умумий кўриниши; б — тузилиши; 1 — храповик (тишлари бир томонга энгаштирилган шестерня); 2 — тиргак; 3 — пружина; 4 — қисқич; 5 — ричаглар; 6 — қувурсимон йўналтиргич; 7 — корпус; 8 — юлдузча; 9 — илгак; 10 — тиргак; 11, 14 — шестерня; 12 — занжир; 13 — узатувчи механизм; 15— дастак; 16 — шпалера устуни; 17 — таранглатилаётган симтемир; 18 — роликли занжир. Токзордаги тупроққа ишлов берадиган машиналар Токзор қатор оралиғидаги ерга сифатли ишлов бериш катта аҳамиятга эга. Тупроққа тўғри ишлов берилса, бегона ўтлар, узумга тушадиган касаллик ва зараркунандалар кескин камайиб, унинг ҳосилдорлиги ортади. Тупроқ ҳолатини яхшилаш учун, унинг устига турли шаффофликдаги пластик плёнкалар, қоғоз ёки майдаланган ўсимлик пояларини тўшаб, бегона ўтларни камайтириш, тупроқ намлигини оптимал ҳолатда бўлишини таъминлаш, зичланишини олдини олиш каби ижобий натижаларга эришиш мумкин. Аммо, токзор қатор оралиғидаги тупроққа механик ишлов бермасдан ижобий кўрсаткичларга эришиб бўлмайди, фақат машина-трактор агрегати (МТА)ни далага иложи борича камроқ марта киритишга интилиш керак. Токзор қаторлари оралиғидаги тупроқни плуг билан шудгорлаш ўрнига, тупроқ қатламини ағдармасдан 25—30 см чуқурликкача юмшатадиган махсус машиналардан фойдаланиш маъқул бўлади. Ёз ойлари қаторлар ва қатордаги туплар оралиғи бир неча марта 10— 12 см чуқурликкача култивацияланиб, юмшатилади. Кузда қатор оралиғини 25 см чуқурликкача юмшатиш керак. Аммо, токнинг илдизига зарар келтирмаслик учун, кенглиги 40—50 см бўлган ҳимоя зонасини қолдириш лозим. Ҳар 5—6 йлда қатор оралиғидаги тупроқ 50—60 см гача чуқур юмшатилади. Бунда токнинг айрим илдизлари кесилиб кетиши мумкин, лекин бу фойдалидир, чунки кесилган йўғон илдизларда янги бир нечта илдизчалар ўсиб чиқади ва токни озиқлантиришни яхшилайди.

расм. Токзор тупроқ юмшаткичининг схемаси: а — ён кўриниши; б — уст кўриниши; 1 — параллелограммсимон механизм; 2 — винтли кергич; 3 — бўйлама брус; 4 — қирғич; 5 — таянч ғилдираги; 6 — винтли механизм; 7 — рама; 8 — шарнир; 9 — автоулагич қулфи; 10 — ўтоқловчи тиш; 11 ва 12 — устун; 13 — олдинги брус; 14 — кронштейн. Республикамизнинг кўп вилоятларида токларни қишги совуқлардан ҳимоя қилиш мақсадида кеч кузда уларни тупроқ билан кўмиш керак бўлади. Шпалерадан ечиб олинган новдалар ерга ётқизилиб, унинг устига икки томонидаги тупроқ уюмланиб қўйлади. Уюм қалинлиги 20—25 см бўлгани самара беради. Шпалералар оралиғидаги тупроқни юмшатиш учун махсус токзор юмшаткичларидан фойдаланилади. Бундай машинанинг осма нусхасининг намунавий схемаси 55-расмда келтирилган. Унинг рамаси 7 иккита кенг тўғинли таянч ғилдиракларига ўрнатилган. Рамага ўнг ва чап томондаги бўйлама брус 3 лар биркитилган. Токзордаги қаторлар оралиғи кенглигига машинани мослаш мақсадида бўйлама брас 3 ларни винтли кергич 2 ёрдамида ён томонларига буриб ўрнатиш мумкин. Вазиятга қараб, бўйлама брасларга бир нечта тиш 70 лар ўрнатилади. Уларнинг сони машинанинг қандай қамров кенглигига мослаб ишлатишга боғлиқ. Қамров кенглигини каттароқ қилиш учун брас 3 лар икки четга бурилиб қўйлади. Бундай ҳолда ишлов берилмасдан қолган жой бўлмаслиги учун ишчи қисмлар сони ҳам кўпайтирилади. Параллелограмм шаклидаги

механизм ёрдамида тишнинг симметрик ўқи доимо агрегат ҳаракатининг йўналишига параллел ҳолатда сақланади. Машинани жиҳозлаш учун бериладиган тиш қурама бўлиб, унга ўнг ва чап пичоқлар симметрик ўрнатилади. Бундай шаклдаги тишнинг қамров кенглиги 600 мм бўлиб, тупроқни қисман юмшатиб, асосан бегона ўтларни йўқотиш мақсадида ундан фойдаланилади. Ишчи қисмнинг бу варианти ўқ- ёйсимон универсал тиш деб аталади. Агар универсал тишнинг ён пичоқлари ечиб қўйлса, у енсиз (240 мм) ҳолатга келади ва асосан тупроқни юмшатиш учун ишлатилади. Мазкур машина рамасидаги брасларга ўрнатилган ишчи қисмларни ечиб олиб, уларнинг ўрнига бошқа ишчи қисмлар ўрнатиб, қаторлар оралиғида ўқариқ олиш, ўғитлаш, токларни тупроқ билан кўмиш ёки тупроқдан уларни қисман очиш ва бошқа ишларни ҳам бажариш мумкин. Масалан, 56-расмда кўрсатилганидек, бўйлама брасларнинг охирига махсус узун пичоқли (эни 770 мм) тиш 3 ни ўрнатиб, кенглиги 2,5—3,0 м бўлган қаторларда ҳар бир қаторда жойлашган туплар оралиғидаги тупроқни култивациялаш мумкин. Қатордаги туплар оралиғига ишлов бераётган тиш 3 ток занги ва шпалера устунига зарар теккизмаслиги учун, сурилувчи тиш 3 ушбу тўсиққа яқинлашганида бўйлама брасни гидросилиндр 2 ичкарига тортиб олади. Сурилувчи тиш 3 тўсиқдан ўтганидан сўнг, гидросилиндр уни яна илгариги жойга қайтариб қўяди. Бундай ишни бажариш учун катта босим остидаги мой трактор гидросистэмасидан тақсимлагич 7га узлуксиз юбориб турилади. Брусга турткич чивиғи 5 ўрнатилган бўлиб, машина илгарилаб кетаётганида у тўсиққа тегади.

расм. Бир қатордаги туплар оралиғини култивациялаш учун токзор тупроғи юмшаткични мослаш: 1 — телескопик тортқи; 2 — гидросилиндр; 3 — сурулувчан тиш; 4— сидиргич; 5—турткич чивиғи; 6— тўсиқдан сургич; 7— гидротақсимлагич; 8 — тўсиқ (устун ёки ток занги). Натижада, чивиқ ўз ўқи атрофида орқа томонга бурилаётиб гидротақсимлагич 7 нинг клапанини очиб, мойни гидросилиндр 2 га юборади. Гидросилиндр эса брусни тиш билан бирга ичкари томонга тортиб олади. Тўсиқдан ўтганидан сўнг чивиқ 5 пружина таъсирида илгариги ҳолатига қайтаётиб, гидротақсимлагичдаги бошқа клапанни очади. Гидросилиндр тишни дастлабки ҳолатига қайтариб қўяди. Чивиқ 5 нинг баландлигини, олди ва орқа томонга сурилишини ўзгартириб, тиш тўсиққа зарар келтирмайдиган қилиб созланади. Туплар қаторидаги бегона ўтлами сидириб, ичкари томонга суриб қўйиш мақсадида, тиш қаноти (пичоғи)нинг учига нисбатан ўнг ва чап томонга тупроқ сурадиган корпусча 4 лар ўрнатилиши мумкин.

расм. Тупроқ фрезасининг схемаси: 1 — барабан ротори; 2 — пичоқлар; 3 — ғилоф; 4 — тракторнинг осиш мосламаси; 5 — кардан вал; 6 — редуктор. Токзордаги тупроққа фреза билан ишлов беришга интилиш керак, чунки у тупроқни ўта майн ҳолатга келтириб майдалайди, бегона ўтларни йўқотади. Тупроқ фрезасининг схемаси 57-расмда келтирилган. Фреза барабанининг ротори 1 га Л ҳарфига ўхшаган пичоқ 2 лар бикр ўрнатилган. Тракторнинг қувват олиш вали 5 редуктор 6 орқали барабанни мажбуран айлантириб туради. Агрегат В М тезлигида ҳаракатланса, пичоқлар тупроққа навбатма- навбат а чуқурликкача ботаётиб, юпқа (С = 2 — 8 см) қалинликдаги қириндини ажратиб олиб, уни майин ҳолатгача келтириб майдалайди, бегона ўтларни кесиб ташлайди. Агрегат тезлиги В М ёки фреза барабанининг айланиш тезлиги w ларни ўзгартириш ҳисобига пичоқлар ажратиб оладиган тупроқ қириндисининг қалинлиги ўзгартирилиб, ишлов берилаётган шароитга мос келадиган даражада майдаланади, юмшатилади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф. Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, «Агропромиздат», 1991. 9. Илмий монографиялар, мақолалар, диссертациялар. 10. Қишлоқ хўжалиги машиналари. Дарслик. www.ДИТ сентр.уз. 11. Суғоришни механизациялаш. www.нетафим . ру . 12. Плодоводство и виноградарство. ҳттп:/www.бфпуис.ру.

Похожие

Узум ҳосилини йиғиштиришда ишлатиладиган машиналар

Касаллик ва зараркунандаларга қарши курашда ишлатиладиган машиналар

Мелиоратив машиналар

Фрезали машиналар

Кўчат ковлайдиган машиналар