Кўчат ковлайдиган машиналар - Сельское и лесное хозяйство - Рефераты

Кўчат ковлайдиган машиналар

Загружено в:

20.09.2019

Скачано:

0

Размер:

97 KB

Кўчат ковлайдиган машиналар Мевали дарахт кўчатларини этиштириб, уларни аҳолига, махсус формер хўжаликларига сотиш билан шуғулланадиган муассасалардаги катта майдонларга экилган кўчатларни, табиийки, машиналар ёрдамида ковлаб олиш мақсадга мувофиқ бўлади. Кўчатлар кузда (октабр-ноябр ойларида) ковлаб олиниб, сараланиб, махсус ажратилган майдонларга тўплаб, ётқизилган ҳолатда вақтинча кўмиб қўйлади. Ковлаб олинган кўчат илдизи 25 см дан қисқа бўлмаслиги, ковлаш жараёнида тоза кесилган бўлиши керак. Кесилган жойларда илдиз егилмаслиги, титилмаслиги талаб қилинади. Шу сабабли, кўчатлами ковлаш учун махсус машиналардан фойдаланилади. Бундай машина кўчат илдизини учта томонидан, икки ёни ва остидан (30—35 см чуқурликда) кесиб, ердан ажратиб оладиган бўлиши керак. Ажратилган тупроқ юмшатилгани маъқул бўлади, акс ҳолда, майда, ингичка илдизчалар узилиб кетиши мумкин. Кўчат этиштириш билан шуғулланадиган хўжаликларда бир-икки ёшли ниҳолларни ковлаб олиш учун ишлатиладиган кўчат ковлагич 9-расмда келтирилган. Бу машинани икки вариантда ишлатиш мумкин: биринчиси катта дарахт кўчатларини, иккинчиси — бутасимон ўсимликларнинг кўчатларини ковлашга мослашган бўлади. Дарахт кўчатларини ковлайдиган варианти (9-а расм) тракторнинг осиш мосламасига осиб қўйлади (пастки сирға 11 ва марказий устун 12 орқали). Тракторнинг ўнг томонига кўчат ковлайдиган қисми чиқиб туради. Ковлайдиган қисм лемех 1 , вертикал пичоқ 2 ва тупроқ юмшаткич 3 лардан иборат. Лемехнинг ерга ботиш даражасини таянч ғилдираги 10 ни махсус винт 9 ёрдамида кўтариб-тушириш ҳисобига ўгартириш мумкин. Тракторнинг ўнг томонига экссентрик жойлаштирилган ковлагич қаршилик кучининг таъсирида агрегатнинг равон ҳаракатини

бузилишига йўл қўймаслик учун, тракторнинг чап томонига стабилизатор пичоқ 16 ўрнатилган. Бу пичоқ ковланаётган кўчатларнинг қаршилиги ҳисобига машина ўнг томонга бурилиб кетишига йўл қўймайди, яъни мувозанатлайди. расм. Кўчат ковлаш машинасининг умумий кўриниши: а — дарахт кўчатларини ковлаш учун мосланган варианти; б — бутасимон кўчат ковлаш варианти; 1 — алмашувчан лемех; 2 — вертикал қўйилган пичоқ; 3 — юмшаткич; 4 — фланес; 5 — хомут; 6 — тутқич; 7 — устун; 8 — гайка; 9 — винт; 10 — таянч ғилдирак; 11 — сирғалар; 12 — устун; 13 — рама; 14 — фланес; 15 — планка; 16 — тинчлантирувчи пичоқ; 17— лемех; 18 — пичоқ; 19 — ғилдирак; 20 — тозалагич; 21 — устун. Ковлаш қисми тупроққа ботиб равон ҳаракатланиши учун, лемех горизонтга 10°—15° бурчак билан олд томонига энгаштириб қўйлади. Бу бурчакни ўзгартириш учун сирға 11 даги тешиклардан ва марказий тортқи узунлигини ўзгартиришдан фойдаланилади.

Дарахт кўчатларини ковлайдиган қисмининг кенглиги 55 см бўлиб, ковланган кўчатлами юмшаткич 3 лар кўтариб, тупроғини ажратади. Кўчатлар эса, орқа томонга йиқилиб, дала юзасида қолади. Кейин эса, ишчилар бу кўчатлами йиғиштириб олишади. Бутасимон ўсимликларнинг кўчатларини ковлаш учун машина 9-б расмдаги кўринишга келтирилади. Таянч ғилдирак 19 рама 13 нинг чап томонига қўйлиб, раманинг ўртасига кенгроқ (105 см) ковлагич ўрнатилади. Уни лемехи 17 нинг икки четига пичоқ 18 лар жойлаштирилган. Бутасимон ўсимлик кўчатлари майда бўлганлиги сабабли, улар бир неча қаторга экилган бўлади. Шу сабабли, уларни ковлаб олишда, бута қатори трактор ғилдираклари орасида қолдирилиб ҳаракатлантирилади. Тракторнинг симметрия ўқида жойлашган кенг лемех 17 уларни пастидан, пичоқ 18 эса икки ёнидан кесиб, тупроғини юмшатиб кетади. Кейин эса, ишчилар кўчатларни тупроқдан суғуриб йғишлириб оладилар.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

Похожие

Кўчат экиш машиналари

Ерларни кўчат экиш, кўчат ковлаш ва кўчат қаторлари оралиғи тупроғига ишлов бериш машиналари

Ҳимояланган ерда кўчат етиштириш

Мелиоратив машиналар

Фрезали машиналар