Ўсимлик мойларини тозалаш - Сельское и лесное хозяйство - Рефераты

Ўсимлик мойларини тозалаш

Загружено в:

20.09.2019

Скачано:

0

Размер:

248.5 KB

Ў симлик мойларини тозалаш Режа: 1. Мойлардаги механик аралашмалар 2. Ўсимлик мойларини бирламчи тозалаш технологияси ва техникаси 3. Марказдан қочма куч майдонида чўктириш. 4. Ўсимлик мойларини бирламчи тозалаш учун ишлатиладиган технологик схемала р. 5. Қуйқа тутгич ва горизонтал дискли фильтр ёрдамида мойларни тозалаш технологик схемаси .

Пресслаб ва экстракциялаб олинган ўсимлик мойлари кўп компонентли мураккаб система бўлиб, уларда глицеридлардан ташқари механик аралашмалар ва ҳамроҳ моддалар бўлади. Механик аралашмалар мойга уни олиш жараёнида тушиб қолади ва қаттиқ заррачали мойли маҳсулот ҳисобланади. Уларнинг бўлиши мойнинг сифати ва биологик қийматини пасайтиради, органолептик хусусиятларини ёмонлаштиради, қайта ишлашнинг кейинги босқич жараёнларини қийинлаштиради ва ҳоказо. Юқори сифатли ўсимлик мойини фақатгина уни, яхшилаб тозалангандан кейингина олиш мумкин. Тозалашни шартли равишда бирламчи ва рафинация деб номланувчи тугал тозалаш босқичларига ажратиш мумкин. Бирламчи тозалаш, механик аралашмаларни мойдан йўқотиш бўлиб, ўсимлик мойлари ишлаб чиқариш жараёнининг ажралмас қисми ҳисобланади ва мой олиниши билан дарҳол амалга оширилади. Юқори сифатли мойларни олиш учун уларни яхшилаб тозалаш, яъни бирламчи тозалаш ва чуқур тозалаш-рафинациялаш керак. Бирламчи тозалаш жараёни мойларни механик аралашмалардан тозалашдан иборат бўлиб, ўсимлик мойлари ишлаб чиқариш жараёнининг ажралмас қисми ҳисобланади ва мойни ажратиб олгандан сўнг вақт ўтказмасдан дарҳол амалга оширилади. Мойлардаги механик аралашмалар Механик аралашмалар ни мойларда бўлиши қовурма ва кунжарани майда заррачаларини бўлиши билан боғлиқ. Қовурмани майда заррачалари прессларни зеер тирқишларидан ёғ оқими билан бирга чиқади, йириклари эса прессланаётган материалнинг зеердаги ҳаракати давомида сиқиб чиқарилади. Буларнинг барчаси юқори дисперсли мой суспензиясини ҳосил қилади, бу ерда мой дисперсион муҳит, кунжара ва қовурма заррачалари эса дисперсион фаза ҳисобланади.

Заррачалар катталиги кенг кўламда бўлиб, бир неча миллиметрдан 2- 4мкм гача бўлади. Уларнинг мойдаги миқдори 2-10%гача бўлиши мумкин. Қаттиқ фаза зарраларининг зичлиги 1100-1400 кг/м 3 атрофида бўлади. Мойда оз миқдорда намлик ҳам мавжуд бўлади, у материалга намлик- иссиқлик ишлови бериш натижасида юзага келади. Дисперс фаза таркибининг сифати ва миқдори мой турига, уруғ сифатига, мойни олиш режим и ва услубига, мойли материалнинг структура ва механик хоссаларига ва бошқаларга боғлиқ. Мойда қаттиқ аралашмаларнинг бўлиши уни оксидланишига, ферментатив гидролизига ва бошқаларга олиб келади. Бу жараёнларнинг барчаси қаттиқ фаза заррачаларининг юзаларида намлик мавжудлиги ҳисобига боради, ҳаво мавжудлигидан эса ферментлар активлиги ва оксидланиш жараёнининг интенсивлиги ошади. Ўсимлик мойларини бирламчи тозалаш технологияси ва техникаси Мойдан механик аралашмаларни йўқотиш суспензияни ажратиш муаммосига олиб келади. Ўсимлик мойларини тозалашнинг технологик схемаси ва қурилмаларини, технологик режимини танлашда ажратиладиган мураккаб суспензия хоссалари ҳисобга олиниши керак. Шунинг учун тозалаш кетма-кет икки босқичда олиб борилади: биринчи-дастлабки тозалаш, бунда йирик заррачалар ажратилади,иккинчи- нафис тозалаш, бунда майда заррачалар ажратилади. Суспензияни ажратиш учун қуйидаги усуллардан фойдаланиш мумкин: тиндириш, центрифугалаш ва фильтрлаш. Дастлабки иккита усулда дисперс фаза заррачалари дисперсион муҳитда ҳаракатланади. Шу сабабли чўкиш натижасида суспензиянинг ажралиши гравитацион ва марказдан қочма куч майдонида, электростатик ва магнит майдонида бориши мумкин. Фильтрлашда дисперсион муҳит ҳаракатланади, дисперсион фаза заррачалари эса қўзғалмас бўлади.

Тиндириш. Тозалашнинг дастлабки босқичи ҳисобланиб, мойдан йирик заррачаларни йўқотиш учун қўлланилади. Мой ҳаракатини ошириш ҳисобига унинг қовушқоқлигини камайтириб, тиндириш жараёнини тезлатиш мумкин. Лекин ҳаракатнинг ошиб кетиши мойдаги айрим ҳамроҳ моддаларнинг қайтадан эришига олиб келади. Натижада эриган ҳамроҳ моддаларни совутиш орқали мойдан ажратиб олиш керак бўлади. Шунинг учун ҳаракат чегараланган бўлади. Дағал, қаттиқ аралашмаларни ажратиш учун бир секцияли ёки икки секцияли қуйқа тутқич қўлланилади. 10.1-расмда икки секцияли механиза- циялашган қуйқа-тутгич кўрсатилган. Биринчи секция дастлабки тиндириш учун, иккинчи секция эса тугал тиндириш учун хизмат қилади. Қуйқа-тутгич қуйидагича ишлайди. Таркибида дағал механик аралашмалар мавжуд бўлган мой чўнтак (1) орқали биринчи секцияга тушади. Тўсиқ (2) уни қуйқа тутгичнинг қуйи қисмига йўналтиради, шу сабабли мойдаги заррачаларни чайқалиши бўлмайди ва тўлиқ тиндириш учун шароит юзага келади. Механик аралашмалар дастлаб тутқич тубига чўкади, кейин узлуксиз ҳаракатланувчи занжир(5)га маҳкамланган қирғич (4) билан тўрли юзага (6) берилади. Бу ерда улар мойдан озод этилади ва ёғсизланган ҳолда шнек(3)га ташланади. Биринчи секциядаги тўсқич (7) вертикал ҳаракатланганда қирғичда чўкмани ушлаб туриш учун хизмат қилади. Мой тирқиш (15) орқали иккинчи секцияга ўтади. Соябон, тушаётган мойни тўрли юза(13)да ажратилган лойқа билан аралашиб кетишидан ҳимоялайди. Мой нов (6) бўйлаб секциянинг пастки қисмига йўналтирилади. Ҳосил бўлган чўкма, ҳаракатланувчи занжирга (11) маҳкамланган қирғич (10) ёрдамида секциядан олиб чиқиб кетилади ва тўрли юза(13)га, кейин шнек(9)га тушириш учун текис пўлат листга (12) йўналтирилади. Чўкмани ушлаб туриш учун тўсиқ (17) ўрнатилган. Тозаланган мой патрубкалар (8) ва (18) орқали қуйқа тутгичдан чиқиб кетади.

Аппарат унумдорлиги соатига 8-10т мой, биринчи ва иккинчи секцияларнинг ишчи сиғими 2м 3 . Мойни аппаратда бўлиш вақти 15-20мин. Мой бўлмаган аралашмалар миқдори: тозалашдан олдин 10%гача, тозалашдан кейин эса - 0,3-0,5%ни ташкил қилади. Икки секцияли қуйқа тутгич: а-биринчи секция; б-иккинчи секция Ёғдаги механик аралашмаларни чўктириш жараёнини такомиллашуви янги конструкция – вибрацион қуйқа ажратгичларни яратилишига олиб келди (10.2-расм). Унинг ўзига хос фарқли жиҳати шундаки, унда ёғ оқими ячейкалар ўлчами 0,24 х 0,24 мм бўлган горизонтал жойлашган металл тўр (6) (элак)га берилади. Элак гравитацион куч таъсирига перпендикуляр йўналишда тебранади. Тебраниш электромеханик вибратор (3) ёрдамида ҳосил қилинади. Тебранма элак тозаланадиган ёғ муҳитига бевосита жойлашади. Шу сабабли тебранма элак остида жойлашган дағал аралашмалар юқори концентрацияли суспензия қатламини ҳосил қилади ва улар янги тушаётган аралашмалар учун тутиб қолувчи хоссасини намоён этади. Патрубка (1) орқали ёғ қуйқа ажратгичнинг пастки қисмига келиб тушади, тозаланган ёғ эса канал (8) орқали чиқиб кетади. Қуйқа ажратгич тубида йиғилган чўкма узлуксиз ҳаракатланувчи занжирга маҳкамланган куракчалар (7) ёрдамида тўрли юза(5)га берилади. Бу ерда чўкма ёғдан ҳоли

этилади ва шнек(2)га тушади. Чўкмадан ажралган ёғ эса таглик (4) орқали қуйқа ажратгичнинг пастки қисмига оқиб тушади. Фильтрловчи юза майдони – 1м 2 , тебраниш частотаси – 50 Гц , ёғ бўлмаган аралашмалар миқдори: тозалашгача – 2,0-2,5% , тозалашдан кейин 0,6-0,9%ни ташкил қилади. 1) Фильтрлаш – майда дисперс заррачаларни мойдан ажратишда кенг қўлланиладиган усулдир. Бу усулни моҳияти шундан иборатки тозаланаётган мой майда ғовакли тўсиқдан ўтказилади. Тўсиқда ушлаб қолинган заррачалар ҳам фильтрловчи материал сифатида хизмат қилади. Ажратиб олинган механик заррача таркибида фосфатидлар, оқсиллар ва бошқа моддалар ҳам бўлади. Фильтрловчи материал сифатида фильтргазлама белтинг, миткаль, синтетик толали газлама (лавсан, капрон) ишлатилади. Фильтрлаш жараёни доимий босим остида ёки ўзгармас тезликда олиб бориш мумкин. Одатда фильтрлаш, ўзгармас тезликда ва ўзгарувчан босимда олиб борилади. Босимни катталиги фильтрланаётган мой таркибидаги чўкмани миқдорига, мойни ҳарорати ва фильтрловчи тўсиқни турига боғлиқ бўлади. Чўкма миқдори кўп, ҳарорат паст ва фильтрловчи тўсиқ зичлиги юқори бўлганда ҳам босим 0,15 – 0,2 МПа дан юқори бўлмаслиги керак. Саноатда мойларни фильтрлаш учун горизонтал ёки вертикал тўсиқли, ҳосил бўлган чўкмани қўл кучи билан ёки механик усулда бўшатувчи фильтрлар ишлатилади. Мойларни фильтрлаш учун кетма-кет жойлаштирилган бир қатор рама ва плиталардан иборат бўлган фильтр пресслар кенг қўлланилади. Фильтр прессда иккита фильтрловчи газлама қопланган плита ва ичи бўш рама мустақил фильтрлайдиган

ячейкани ташкил қилади. Плита ва рамалар йиғилганда фильтрланадиган мой кирадиган канал ҳосил бўлади. Бу канал орқали насос ёрдамида мой кириб, рамани тўлдиради ва фильтрлайдиган газлама орқали ўтиб, плитадан тарам- тарам ариқчалар орқали оқиб тушиб, ускунани пастки қисмида ги каналча орқали новга йиғилади. Фильтрлаш жараёнини бошланишида мой тиниқ бўлмайди. Бундай фильтрат махсус идишда йиғилиб, қайтадан фильтрлашга юборилади. Чўкмани қўлда тозаланиши ва ўрнатишда кўп юзани эгаллаши фильтрпрессларнинг асосий камчиликлари ҳисобланади. Бу масалада ч ўкмани механик бу ш атувчи мосламага э г а вертикал фильтр ФГДС анча мукаммал яратилган. Горизонтал дискли ўз- ўзи ни тозалайдиган фил ь тр ФГДС . Дағал зарралардан тозаланган мой патрубка (4) орқали фильтрнинг цилиндрик корпуси ичига тушади ва фильтровчи дисклар орасидаги бўшлиқни тўлдиради. Ҳаво патрубка (2) орқали чиқариб юборилади. Дискларни фильтровчи юзаларида ҳаракатланаётган мой ичи бўш вал (5) тешикларидан уни ичига тушади ва чиқариш патрубкаси (9) орқали чиқиб кетади. Аппарат ичидаги босим 0,12 М Па дан ошиб кетса, мой узатилиши тўхтатилади, фильтрдаги мой патрубка (11) орқали махсус сиғимга бўшатилади ва электродвигатель уланади. Марказдан қочма куч таъсири остида қуйқа диск ёрдамида корпус деворига сочилади ва фильтрнинг қуйи конуссимон қисмига сирғалиб тушади. Фильтр ни конуссимон қисмида ўтириб қолган мой ли қуйқ ан и бўшатиш люки (1) орқали пичоқли аралаштиргич (10) ёрдами да чиқариб ташланади. Фил ь трнинг цилиндрик қисмига форсункали труба (7) ўрнатилган бўлиб, унга патрубка (8) орқали берилаётган янги тозаланган мой б илан (тахминан фильтр 200 соат ишлагандан кейин) фильтрмато ювиб турилади. Дискдаги чўкмани ёғсизлантириш учун фильтрга инерт газ ёки ҳаво бериб турилади.

Фил ь тр ни унумдорлиги – 4-5т/соат, дисклар сони - 21та, фильтрлаш юзаси – 25м 2 , фил ь трлаш ҳар ор ати – 60-90 0 С. Мойдаги ёғ бўлмаган аралашмалар миқдори (%): фил ь трлашгача 0,3-0,5 , фил ь трлашдан кейин – 0,05. Дискли фил ь трнинг бошқа конструкциялари фил ь трловчи тўсиқ сифатида тешиклари 0,20х0,20мм бўлган металл тўр ишлатилиши б илан ажралиб туради. Тўрга аввало инерт материалдан дренаж қатлам и ётқизилган. Агар диск да 20-25мм қалинликда чўкма ўтириб қолса, фил ь трнинг унумдорлиги камайиб кетади. Шундай пайтда мой бери лиши тўхта т илади, фил ь трда қолган мой бўшатилади ва чўкма буғ билан юви лади . Кейин чўкмага қуритиш учун буғ берилади ва марказдан қочма куч ёрдамида фил ь трнинг конуссимон қисмига тушириб юборилади. Бундай фильтрларнинг унумдорлиги 40-60 т/кун. Марказдан қочма куч майдонида чўктириш. Бу усул майда муаллақ заррачаларни ажратиш учун мукаммал ҳисобланади. Бу усул бўйича ишлайдиган ва суспензия ажратиш техникасида кенг қўлланиладиган асосий аппаратларга центрифугалар киради. Улар сепараторлар деб ҳам аталади. Центрифугадан фойдаланиш, бир жинсли бўлмаган системани ажратиш тезлигини, тиндиргич ёки фильтрлардаги ажратиш тезлигига нисбатан, оширишга асосланган. Центрифуганинг муҳим ҳарактеристикасига ажратиш омили К 0 киради К 0 = τ n 2 /900 бу ерда τ – роторни айланиш радиуси, мм; n – роторни айланиш частотаси, айл/мин. Центрифуганинг ажратиш қобилияти ажратиш омилининг ошиб боришига пропорционал равишда ўсиб боради.

Ажратиш омилининг қийматига қараб центрифугаларни шартли равишда икки турга бўлиш мумкин: нормал центрифугалар (сепараторлар) (К 0 ≤ 3500) ва кучли центрифугалар (К 0 > 3500). Нормал центрифугалар (сепараторлар) асосан дағал дисперс суспензиялар ёки иккита бир-бирида аралашмайдиган суюқликларни ажратиш учун қўлланилади. Кучли центрифугалардан, эмульсия ва майда дисперс суспензияларни ажратишда фойдаланилади. Бир қатор заводларда бирламчи тозалаш схемаларида узлуксиз ишловчи НОГШ – 325 горизонтал тиндиргичли центрифугаларидан фойдаланилади. Центрифугаларнинг асосий қисми бўлиб корпус(3)га горизонтал ҳолда жойлашган кесик конус шаклидаги ротор (4) ҳисобланади. Ротор ичида шнек (2) бўлиб, қаттиқ чўкмани бўшатувчи тешик(1)ка узатиш учун мўлжалланган. Тозаланадиган ёғ таъминлаш трубаси (5) орқали кириб келади, кейин эса туйнук (8) орқали роторнинг ички бўшлиғига отилиб чиқади. Марказдан қочма куч таъсири остида қаттиқ чўкма ротор деворларига чўкади ва шнек орқали роторнинг тор қисмидаги бўшатиш тешиги(1)га узатилади. Сўнг, чўкма бўлим(9)да йиғилади. Тозаланган ёғ конуснинг асосига тушади ва туйнук (6) орқали чиқиб, ёғ йиғиш бўлими(7)да йиғилади. Қаттиқ чўкмани ажратиш, бўшатиш, ёғни қуйиб олиш жараёнлари узлуксиз давом этади. Шнек ротор билан бир томонга айланади, лекин унинг айланиш частотаси роторникидан 1%га ортда қолади. Бу эса чўкмани ротор барабанининг ички юзаси бўйлаб мажбурий ҳаракатланишига шароит яратади. Центрифуганинг унумдорлиги – 2,0 т/соат Шнекли тиндиргич центрифугалар мамлакатимизда ва ҳорижда кенг қўлланилади. Уларнинг камчиликларига чўкмани ҳаракатлантириш учун электроэнергия сарфининг юқорилиги, чўкмани майдаланиб кетиши ва ёғни ҳаво билан контактининг мавжудлиги киради.

НОГШ центрифугаларидан ташқари ёғ-мой саноатида суюқлик сепараторларидан ҳам фойдаланилади. Сепаратор барабанининг ишлаш схемаси кўрсатилган. Барабан вертикал конуссимон ротордан иборат бўлиб, унда бир нечта тарелкалар мавжуд. Суспензияни ажратишда ўта енгил фракциялар барабандан чиқиб кетади, оғир (чўкма) фракция эса барабанда йиғилиб даврий равишда бўшатиб олинади ёки узлуксиз чиқиб кетиб туради. Агар иккита суюқликдан иборат система ажратилса, иккала фракция ҳам узлуксиз равишда барабандан чиқиб кетаверади (10.5 а-расм). Бундай сепараторлар тарелкаларида айланасига бир нечтадан тешиклар бўлиб, тарелка йиғилганда улар бир бирига мос тушади. Бу нарса суюқликни барча тарелкалараро бўшлиқларга бир меъёрда тақсимланишига олиб келади ва тарелкаларни юқори самарадорлик билан ишлашини таъминлайди. Ёғларни бирламчи тозалаш учун А1-МСИ ва А1-МСП сепараторлари ҳам ишлатилади. А1-МСП сепаратори ярим ёпиқ тарелкали машиналар туркумига мансуб бўлиб, унда чўкма марказдан қочма пульсация ёрдамида бўшатилади. Сепараторнинг асосий ишчи органига, вертикал вал(5)нинг конуссимон қисмига маҳкамланган, барабан (2) киради. Барабан тарелкалар пакети ва уни ушлагичдан иборат. Тарелка ушлагичнинг ички ва ташқи қовурғалари сепарацияланадиган суюқликни кириши ва тиниқ суюқликни чиқиши учун каналлар ҳосил қилади. Барабан шунингдек, қаттиқ чўкмани бўшатувчи механизмга ҳам эга. Қабул қилувчи – бўшатувчи мослама (3) ёғни барабанга киритувчи ва ундан чиқарувчи патрубкалардан ташкил топган. Ишлов берилиши керак бўлган ёғ-аралашма суспензияси патрубок (4) орқали барабанга келиб тушади, бу ерда зичлиги суюқлик зичлигидан юқори

бўлган оғир заррачалар марказдан қочма куч таъсирида қуйқа бўшлиғи (1)да йиғилади. Суюқ фракция барабан бўйлаб ҳаракатланади ва напорли камерага келиб тушади. Бу ердан босим остида узлуксиз равишда чиқиб кетади. Йиғилган чўкма, барабанга ёғни кириши тўхтатилгандан кейин, бўшатиш механизми орқали чиқариб юборилади. Барабанни чўкмадан бўшатишни такрорланиш тезлиги дастлабки маҳсулотни механик аралашмалар билан ифлосланиш даражасига ва сепараторнинг унумдорлигига боғлиқ. Сепарациялаш ҳарорати 60-70 0 С. Ёғ бўлмаган аралашмалар миқдори (%да): тозалашгача – 0,5 дан кўп эмас, тозалашдан кейин – 0,05дан кўп эмас. Ёғ ва мойларни тозалаш учун Россиянинг А1-МСИ, А1-МСП ва А1- МСЛ сепараторлари, Германиянинг “Лурги” ва Швециянинг “Альфа-Лаваль” фирмаларининг сепараторлари кенг қўлланилади. Ўсимлик мойларини бирламчи тозалаш учун ишлатиладиган технологик схемала р. Ўсимлик мойларини дастлабки тозалаш учун қуйидаги технологик схемалар ишлатилиши мумкин. 1. И кки босқ и чли тиндир г ичда тозалаш ва фильтр прес с да фильтрлаш (икки босқичли). 2. Икки босқичли тиндиргичда тозалаш – НОГШ центр и фугасида ва сепараторларда тозалаш (уч босқичли.) . 3. Икки босқичли тиндиргичда – дискали механизациялашган фильтр ФГДС да тозалаш (икки босқичли) Фильтрпресс ёрдамида ўсимлик мойларини бирламчи тозалаш технологик схемаси . Форпресс мойи қуйқатутгич (1)га йирик заррачалардан дастлабки тозалаш учун келиб

тушади. Тозаланган мой оралиқ идиш(2)дан насос (3) ёрдамида фильтр - прес с (4)га юборилади. Фильтрланган мой бак (6) да йиғилади. Мойни биринчи хира қисм и бак(5)га оқиб тушиб, сўнгра қайта фильтрлашга юборилади. Қуйқатутгич ва фильтрпрессдан чиққан чўкмалар шнек (7) орқали қовуриш қозонига юборилади. Бу схеманинг камчиликлари: фильтр - прессларни қўлда тозаланиши, самарадорлиги паст ва хаказо. НОГШ центрифугаси ва сепараторлардан фойдаланиб ёғларни тозалашнинг технологик схемаси . Ёғ йирик ва оғир заррачалардан дастлабки тозалаш учун қуйқа тутгич(1)га келиб тушади, сўнг у ердан оралиқ сиғим(2)га ўтади ва насос (3) ёрдамида НОГШ центрифугаси(4)га узатилади. Тозаланган ёғ, бак(6)га тушади ва насос (3) орқали сепаратор(5)га ҳайдалади. У ерда ёғ майда дисперс аралашмалардан тозаланади. Ажратиб олинган қуйқа туткич(4)даги чўкма, НОГШ центрифугаси(4)даги чўкма ва сепаратор(5)даги қуйқалар шнек(7)га келиб тушади ва пресслаш агрегатлари қозонларининг қасқонларига юборилади. Қуйқа тутгич ва горизонтал дискли фильтр ёрдамида мойларни тозалаш технологик схемаси . Форпресслардан чиққан мой йирик заррачалардан тозалаш учун қуйқатутгич(1)га келади. Тозаланган мой оралиқ сиғим(2)дан насос (3) ёрдамида дискли фильтр(4)га юборилади. Тозаланган мой бак(5)га оқиб тушади. Кейин насос (3) ёрдамида кейинги тозалаш-рафинацияга берилади. Қуйқа тутгич (1) ва дискли фильтр(4)дан ажралиб чиққан қуйқалар шнек (6) орқали қовургичга юборилади. Кўриб чиқилган технологик схемалар ҳар хил ўсимлик мойларини тозалаш учун қўлланилади. Лекин бу схемаларнинг камчиликларидан бири

тозаланган мойдаги қуйқа қолдиқларининг миқдорини кўплигидир. Шунинг учун бу усулларни такомиллаштириш даркор. Ёғни қуйқа туткич ва дискли механизациялашган фильтр ФГДСда тозалашнинг технологик схемаси

Ф ойдаланилган адабиётлар : 1. В.М. Копейковский, С.И. Данильчук, Г.И. Гарбузова и др. Технология про изводства растительных масел. – М:, Легкая и пищевая промышленность, 1982. 2 . Руководство по технологии получения и переработки растительных масел и жиров. – Л.: ВНИИЖ, Т.1, кн.1, 1975-725 с.; кн.2, 1974-591 с.; Т. VI , кн.2, 1989-558 с. 3 . Голдовский А.М. «Теоретические основы производство растительных масел» М. Пищепромиздат. 1958 г. 5. Y . Q о dirov , Yog ’- moy mahsulotlari ishlab chiqarish texnologiyasi . Kasb - hunar kollejlari uchun o ’ quv qo ’ llanma . T .: “ Sharq ”, 207-240 b . 6 . Б.Н. Чубинидзе, Х.В. Поронян, А.В. Луговой и др. Оборудование предприятий масло-жировой промышленности. – М:, Агропромиздат, 1985. 7 . У .Ҳ. Ҳалимова, Ўсимлик ёғлари ишлаб чиқариш технологияси. – Т.: “Ўқитувчи”, 1982. 8. Белобородов В.В. «Основные процессы производства растительных масел» М. Пиш. пром. 1966 с. 478 9. Леонтьевский К.Е. «Производство растительных масел» М. Пишепромиздат 1956. 10. Гавриленко И.В. «Маслоэкстракционное производства» М. Пишепромиздат , 1960. с. 244

Похожие

Мойли уруғларни тозалаш

Ўсимлик касалликларини ҳисобга олиш усуллари

Чигитли пахтани тозалаш технологияси

Ўсимлик зараркунандаларига қарши химиявий кураш машиналари

Ўсимлик мойлари экстракция усули билан олиш