Шолини етиштириш технологияси - Сельское и лесное хозяйство - Рефераты

Шолини етиштириш технологияси

Загружено в:

20.09.2019

Скачано:

0

Размер:

40.5 KB

Шолини етиштириш технологияси Режа: 1.Шолини алмашлаб экишдаги ўрни ,ўғитлаш ва ерни экишга тайёрлаш. 2.Шолини экиш-уруғни экишга тайёрлаш, экиш муддатлари,усуллари ва меьёри. 3.Шолини парвариш қилиш

1.Шоли етиштиришда алмашлаб экишни ахамияти катта.Ўзбекистон шоличилик илмий текшириш институти маьлумотларига қараганда 4 ва 6 далали алмашлаб экишда 40-60 ц дан хосил олинган бўлса сурункасига шоли экилганда25-27ц хосил олинган. Алмашлаб экишда шоли дон-дуккакли ўсимликлардан,кузги буғдой каби экинлардан кейин экилади. Шоли экиш учун ерни ишлаш кузги шудгорлашдан бошланади.Ерни кузда хайдаш шоли хосилдорлигини оширишда катта ахамиятга эга. Экишдан олдин ер текисланади, машинада шоли экиладиган майдонларда бир йўла ғалтаклаш ишлари билан қўшиб олиб бориш мумкин. Ерни ишлашда қатор машиналар жумладан: КФС-2,4, КФС-3,6, ОРН - 1,6 маркали культуваторлар қўллаш мумкин. Шоли ўғитга талабчан гектаридан 40-50 ц шоли етиштириш учун қорақолпогистоннинг янги ўзлаштирилган ерларида 100-120 кг азот ва фосфор солинади.Иккинчи йили хар иккала ўғит солиш меьёри гектарига 120-150 кг гача етказилади.Эскидан хайдалиб келинаётган ўтлоқи тупроқларда хар гектарига 180кг азот,120кг фосфор солинади. 2. Уруғлик шоли экишдан олдин махсус машиналарда тозаланган ва давлат андозасига жавоб бориш керак.Шоли тупроқ ва сув харорати 12 га етганда яьни совуқ бўлиш хавфи ўтиб кетгандан кейин экилади. Лекин асосан дуварак ва сув харорати 14-16 га етганда ёппасига экиш бошланади.Шоли экишни нихоятда қисқа муддатларда узоги билан 10-15 кун ичида экишни тугаллаш лозим.Шоли машиналарда оддий усулда қаторлаб ва сочма қилиб экилади. Хозирги пайтда Ўзбекистонда дон сеялкасида қаторлаб экиш кенг тарқалган. Сув бостиришдан олдин шолини ёппасига қаторлаб қатор ораси 15 ёки 7,5 см қилиб СУ-4,2 СУБ-48,СЗБ-3,6 русумли дон сеялкаларидан фойдаланилади Шолини дон сеялкасида қаторлаб экиб уруғни тупроқни табиий намига ундириб олиш шоли етиштиришда янги прогрессив усуллардан хисобланади.Шолини самолётда хам экиш мумкин.Шоли экиш меьёри ўсимликларни кўчат қалинлигини белгилайди,экиш меьёри шоли

навининг биологик хусусиятларига,тупроқни унумдорлигига,экиш муддатига ва усулига боғлиқдир.Ўзбекистон шароитида гектарига 5-7,5 мл донагача шоли экилганда яьни хар кв.м. ерда ўримга қадар 250-350 туп атрофида ва 450-500 та унумдор рўвакли поя бўлган тақдирда шолидан мўл хосил олинади.Экиш меьёри уруғликнинг вазнига қараб белгиланадиган бўлса бу кўрсаткич уруғнинг хўжалик жихатидир 100% яроқлигича ва 1000 дона уруғнинг вазнига қараб хисоблаб чиқарилади. 3. Ўзбекистон шароитида доимий сув бостириб суғориш усули қўлланилади.Бунда шоли экишдан олдин ёки экиб бўлиш биланоқ полларга сув бостирилади ва доннинг мум пишиқлик давригача шу холатда сақланади. Ўзбекистондаги шоликор хўжаликларда хозиргача ана шу усул қўлланилиб келинади.Бундан ташқари шоли экиладиган янги ерларни шоли қисқа муддат сув бостириб суғориш усули хам қўлланилади.Бу усул уруғни машинада экишда қўлланилади.Уруғ экилгандан кейин полларга дархол сув бостирилади ва 3-5 кунгача сув қатлами 5-6 см қалинликда сақлаб турилади,сўнгра сув тўхтатилади.Уруғ униб чиққандан сўнг сув бостирилиб охиригача шоли сувда ўсади 4. Шоли кўчат усулида етиштирилганда уруғни экканга нисбатан кўпгина афзалликларга эга. 1. Шоли уруғи кўчатхонага экилиши муносабати билан кеч кузга қолмасдан етиштириб олиш имконияти тугилади. 2.Кўчат усули хар бир ердан унумли фойдаланиб икки марта хосил олишга имкон беради. 3.Шоли уруғи 60-70% иқтисод қилинади. 4.Шолининг ўсув даврининг 30-35 куни кўчатхонада ўтиши муносабати билан сув сарфи 20-25% тежалади. 5.Шоли хосилдорлиги эса уруғ билан экишга нисбатан 15-30% юқори бўлади. Шолини бу усули такрорий экин сифатида экишда қўлланилади.Бунда кўчатхоналарга 20-30 майда уруғ экилади.Асосий майдонга 20-30 июнда кўчат кўчириб ўтказилади.Бунда кўчатхоналарга гектар хисобида 20-25 млн.

дона уруғ ёки 650-750 кг шоли уруғи сепилади.Агар шоли қўлда экиладиган бўлса уруғлик шолини намлаб олиб экилади.Кўчатхонада шоли нихолини олишда сув тизими ва бошқа амалий ишлар умумий тавсия этилган агротехника асосида олиб борилади. Кўчатхонада шоли 30-40 кунлик муддатда кўчат қилиш учун тайёр холга келади.Кўчатлар асосий майдонга бир уяга 1-2 кўчат экилади.Уя оралиги 10-15 см қилиб экилади.,кўчат қилингандан сўнг сув бостирилади. 5. Шоли хосилини йигиштириб олиш учун далани шунга тайёрлаш керак.Шоли донининг сут пишиш даврида полларга кираётган сув камайтирилади ва мум пишиш даврида умуман тўхтатилади. Доннинг 85- 90% тўла пишиш даврида шолини ўришга киришилади.Шоли ички муддатларда ўрилса доннинг тўкилиши натижасида хосил камаяди ва шоли узоқ вақт туриб қолса доннинг сифати пасаяди. Шоли олдин ЖНУ -4,ЖВН-6, машиналарида ўрилади, ўриш баландлиги 15-20см бўлади.Сўнгра далада қуритилгандан сўнг комбайнларда янчиб олинади.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

Похожие

Шолини етиштирш технологияси

Маккажўхорини етиштириш технологияси

Жўхорини етиштириш технологияси

Буғдой етиштириш технологияси

Маккажўхорини етиштириш технологияси