Қишлоқ хўжалик техникасида ишлатиладиган мойлаш материаллари - Сельское и лесное хозяйство - Рефераты

Қишлоқ хўжалик техникасида ишлатиладиган мойлаш материаллари

Загружено в:

20.09.2019

Скачано:

0

Размер:

100 KB

Қишлоқ хўжалик техникасида ишлатиладиган мойлаш материаллари Режа: 1. Мойлаш материалларининг турлари ва вазифаси. 2. Мойларга қўйиладиган талаблар. 3. Мойларнинг сифатини яхшилаш учун қўшиладиган присадкалар. 4. Мойларнинг асосий хоссалари

Мойлаш материалларининг асосий вазифаси ишқаланишни камайти- риш ва ейилиш тезлигини секинлатишдан иборат. Ишқаланиш деб, бир жисмнинг 2 жисм сирти бўйлаб сурилишига бўлган қаршиликка айтилади. Ишқаланишнинг 2 тури: сирпаниб ва думалаб ишқаланишлар бўлади. Машина ва механизмларда ўзаро ишқаланадиган жуфтларни мойлаш учун мойлаш материалларидан фойдаланилади. Турли шароитларда ишлайдиган машина ва механизмлар учун ҳар хил мойлар ишлатилишига қарамасдан, барча мойлаш материалларига умумий талаблар қйилади: - ҳар қандай мой ишқаланувчи сиртларнинг турли режимларида ишончли ишлашини таъминловчи қовушқоқликка ҳамда ишқаланувчи деталларнинг ейилишини секинлатиш учун яхши мойлаш хоссаларига эга бўлиши лозим; - барча мойлаш материаллари сиртларни коррозион емирилиш ва занглашдан сақлашлари керак. - мойлар оксидланмаслиги, юқори температурали ўтириндилар ҳосил бўлишига тўсқинлик қилиши зарур; - қишда манфий температурада двигателнинг осон юргизиб юборилишини ва ишқаланувчи сиртларга мой тез етиб боришини таъминлаши зарур; - юқори температурада пухта мой пардасини ҳосил бўлишини таъминлаш лозим. Мойлаш материаллари суюқ мойлар ва пластик мойларга бўлинади. Мойлаш материалларининг ҳар иккала тури ҳам минерал ва органик бўлиши мумкин. Минерал мойларнинг асосий қисми (90% дан ортиғи) нефтни қайта ишлаб олинади. Ўсимлик ва хайвонот маҳсулотларидан олинадиган мойлар органик мойлар дейилади. Органик мойлар соф холда кам ишлатилганда уларнинг юқори сифатли пластик мойлар тайёрлашда ишлатилади. Эфир ва спирт асосида олинадиган мойлар энг истиқболли ҳисобланади. Кремний органик бирикмалар яхши хоссларга эга: уларнинг

молекулалари углеводородларникига ўхшаш, лекин углерод атоми ўрнини кремний атоми эгаллаган. Фтор ва хлор асосида ҳам мойлаш материаллари яратиляпти. Мойларнинг сифатини яхшилаш учун, эксплуатацион хоссаларини кескин ошириш учун, уларга 15-18 % гача миқдорда присадкалар қўшилади. Двигателнинг ишончли ва узоқ муддат ишлаши учун мойларга қуйидаги присадкалар қўшилади: 1) қовушқоқлик ҳоссаларини яхшилаш учун 3% атроф қовушқоқ присадкалар. 2) қишки мойларнинг қотиш температурасини камайтириш учун депрессаторлар (деб аталувчи модда) 1% миқдорида қўшилади. Улар мойнинг қотиш температурасини пасайтириш учун ишлатилади, трансмиссия мойлари учун бунинг аҳамияти катта. Улар парафинлар қотиб қолганда кристалл тўр ҳосил бўлишининг олдини олиб, температурани пасайтиради, бундай температурада мойнинг ҳаракатчанлиги сақланиб қолади. АФК - кальций алкинфенолит депрессатори бунга мисол бўлади. 3) Двигателнинг қизиган деталларида лак, қурум, чўкиндилар ҳосил бўлишини камайтириш, поршен халқалари куйишини олдини олиш учун ювиш присадкалари 3-10% гача қўшилади. Ювувчи моддалар таркибидаги ишқор ёнилғининг ёнишидан ҳосил бўлган кислоталарни нейтраллаштиради. Улар мойдаги қаттиқ моддаларни майда суспензия холида ушлаб туради ва уларнинг металлга ёпишиб қолишига йўл қўймайди. 4) Мойларнинг оксидланишини олдини олиш учун антиоксидловчилар қўшилади. Оксидланиш энг зарарли жараён ҳисобланади. Оксидланиш маҳсулларида деталларни занглатадиган кислоталар ва бетараф моддалар - смолалар, асфальтенлар, карбонлар, карбиодлар бўлиши мумкин. Сульфидли бирикма ёки фенол ҳосиласи қўшилади. Улар иссиқ металл юзалардаги мой пардасининг оксидланишига йўл қўймайди. 5) Ейилишга қарши қўшилмалар - металлдан ясалган жуфт қисмларнинг ўзаро ишқаланадиган юзаларида қаттиқ парда ҳосил қилиб ёки

қуруқ ишқаланиш коэффициентини пасайтириб, уларнинг ейилишини камайтиради. 6) Юлинишга қарши қўшилмалар - бир хил металлдан тайёрланган қисмлар, бир жинсли юзаларининг солиштирма юк жуда катта бўлганда бир- бирига бевосита тегишининг олдини олади. Оксид пардаси ёки бошқача парда билан ҳимояланмаган бир хилдаги металл юзалар бир-бирига теккан пайтда молекулалараро кучлар таъсирида юзаларнинг юлиниши юз беради. Трансмиссия мойлардаги эркин олтингугурт шундай хусусиятга эга. 7) Занглашга қарши присадкалар. Мотор мойига қўшиладиган зангга қарши суюқликлар мойни эмас, металл юзаларни зангдан ҳимоялайди. Улар металл қисмлар сиртида пишиқ мой пардаси ҳосил қилади, мой таркибида бўладиган кислоталар, сув ана шу парда туфайли металл юзага тегмайди. Шундай суюқликларга АКОФ-1 - селектив тозаланган нитроланган база мой асосида тайерланади ва 10% стеарин қўшилади. 8) Кўпиклашишга қарши суюқлик (силиконли мой)лар мойнинг кўпикланишига йўл қўймайди. Бу суюқликлар мойларда эримайди. Кўпикка қарши суюқликнинг таъсири шундан иборатки, силиконли суюқлик зарралари мойдаги ҳаво пуфакчаларини ёриб юборади. Мотор мойининг хоссаларини яхшилаш мақсадида унга таркибида рух, хлор, олтингугурт, кальций, барий, натрий, фосфор, иод, циклли углеводородлар бўлган хилма-хил анорганик ва органик моддалар қўшилади. Баъзи моддаларни айни бир вақтда, бирга қўшиб ишлатиб бўлмайди, чунки улар бирга қўшилганида парчаланиши, чўкиши, занглатадиган моддалар ҳосил қилиши мумкин. Шунга кўра сифатини яхшилайдиган қўшилмалари бўлган хилма-хил мойларни бирга аралаштириб бўлмайди. Присадкалар мумкин қадар самарали бўлишлари керак. Улар мойда батамом эриши, двигателнинг мой тозалаш қурилмаларида филтрланмаслиги лозим. Мойга қўшиладиган бирикмалар етарли даражада барқарор бўлиши,

яъни узоқ муддат сақланганда, температура ўзгарганда ва сув таъсир этганда ажралиб чиқиб чўкмаслиги керак. Мойларнинг асосий хоссалари. 1. қовушқоқлик хоссалари. қовушқоқлик мойларнинг энг муҳим характеристикаларидан биридир. Турли узелларда суюқликли ишқаланишни ҳосил қилиш, уларни совитиш, зичликни таъминлаш, осонгина юргизиб юбориш қовушқоқликка боғлиқ бўлади. Мой қаламининг мустахкамлиги ишқаланувчи жуфтларнинг иш шароитига (температура, босим, сиртларнинг ўзаро ҳаракатланиш тезлигига) қараб танланадиган мойнинг қовушқоқлиги билан белгиданади. қовушқоқлиги қанча юқори бўлса, мой пардасининг ишончлилиги шунча юқори бўлади. Лекин қовушқоқлик ортиши билан мой қатламларининг ҳаракатга келтириш учун куч кўпроқ сарфланади, ички ишқаланиш коэффициенти ортади, қувват эса камаяди. Шунинг учун мойлар юқори температурада суюқликли ишқаланишни таъминлайдиган ва қишда паст температурада двигателни осон юргизиб юборишни таъминлайдиган қовушқоқликка эга бўлиши керак. Ишқаланиш режимлари мой пардасининг мустахкамлилигига қараб 3 хил бўлади: - суюқликли ишқаланиш режими - бунда деталлар ейилмайди. - чегаравий режим - бунда ишқаланувчи деталлар бир-бирининг жуда юпқа мой пардаси билан ажратилган бўлади. Бу режим беқарор бўлиб, деталларни емирилишига олиб келади. - қуруқ ишқаланиш режими - деталлар емирилади. 2. Мойларнинг температура таъсирига чидамлилик хоссалари. Нормал шароитларда минерал мойлар узоқ муддат оксидланмайди. Лекин 50-60 0 С дан бошлаб кислород мойдаги углеводородлар билан реакцияга киришади, 130-150 0 С температурада эса оксидланиш жараёни жуда кескин кечади. Двигателнинг юқори температурали зоналарида

оксидланиш ва термик парчаланиш натижасида мойлар таркибида аввал учрамаган кислоталар, смолалар, асфальт моддалри ҳосил бўлади. Мойнинг ташқи кўриниши хиралашибгина қолмасдан, унинг физик- кимёвий хосслари ҳам ўзгаради, натижада поршен ва халқаларида лак-қурум ҳосил бўлишига олиб келади. Оксидланиш жараёни бошланишида мойда эриган холатдаги бирикмалар (смолалар, кислоталар) ҳосил бўлади. Кейинчалик улар эримайдиган моддаларга айланади. Мойнинг оксидланиш махсуллари ва ифлосликларини эримаган холатда тутиб, двигател деталларининг керакли тозалигини таъминлаш қобилияти унинг ювиш хосслари деб аталади. Мой кўп фракцияли суюқлик бўлганлиги сабабли муайян температурада сув каби музламайди, балки секин-аста қуюқлашади. Мойнинг ҳаракатланиш қобилияти йўқоладиган температура қотиш температураси дейилади. қотиш температураси мойнинг сифатини билдирувчи муҳим кўрсаткич ҳисобланиб. мой юргизиб юбориш хоссларини бахолайди. Зарарли омилларнинг мойга кўрсатадиган таъсирига қараб 2 хил режим фарқ қилади: - юқори температурали (Қ130 - Қ150 0 С); - паст температурали (Қ30 - Қ40 0 С). Мой баланд температурали иш режимида ишлатилганда цилиндрлар гуруҳсига мансуб қисмларни қурум босади, кокс (мойдаги қаттиқ зарралар) ва лак пардаси қоплайди, лак пардаси юпқа ва жуда пишиқ бўлиб, поршен халқалари зонаси ва поршеннинг йўналтирувчи юзасини қоплаб, поршен халқаларининг куйиб-қорайишига сабаб бўлади. Мой паст температурали режимда ҳам ёмон ишлайди, чунки совуқ двигателда ёнилғининг ёниш жараёни ёмонлашади, чала ёниш маҳсуллари (ёнилғининг оғир фракциялари) миқдори кўпаяди. Сув буғи, кристалли бирикмалар пайдо бўлади. Натижада мойнинг ифлосланиши тезлашади,

мойга аралашган сув мойдаги ифлосликларни қуюлиб, қуйқа ҳолида чўкишига имкон яратади. 3. Мойларнинг ейилишга ва коррозион ейилишга қарши хоссалари. Ишқаланувчи сиртларни ейилишдан сақлаш ҳар қандай мойлаш материалаининг асосий вазифаларидан биридир. Мойларнинг бу хоссалари унинг бир нечта сифат кўрсатгичлари: мой пардаси, мустахкамлиги, қовушқоқлиги, қовушқоқлик индекси, образив механик аралашмаларнинг йўқлиги билан баҳоланади. Ейилишни камайтирувчи присадкалар сифатида: фосфор, олтингугурт , хлорли органик бирикмалардан фойдаланилади. Улар 150 0 С температурагача ишқаланиш сиртида электр кучлари ҳисобига мустахкам парда ҳосил қилади. Бу парда детал сиртини ейилишининг, тирналишдан, қирилиш ва емирилишдан сақлайди. Коррозион ейилиш тезлигига кислоталар ва сув катта таъсир кўрсатади. Сунъий мойлар. Сунъий мотор мойлари амалда кенг қўлланиб келинмоқда. Сунъий мотор мойларининг эксплуатацион хоссалари нефтқ мойларига қараганда яхшидир. Сунъий мотор мойлари ишлаб чиқариш ва уларни эксплуатация қилиш учун кун сайин ортиб бормқда (7.1. табл). Сунъий мотор мойларини ишлаб чиқариш хажми ўсиб бормоқда. 1980 йилда 1% дан 1985 йил 8% гача ва 1987 йил 10% гача сунъий усул билан ёғлаш материалларини ишлаб чиқарилган. таблица Ёғлаш материаллари Ишлаб чиқариш ҳажми, %да, 1987 й.га нисбатан Ёғлаш материаллари Ишлаб чиқариш ҳажми 1987й.га нисбатан %да 1987й. 1997й. 1992й. 1997й. Поли-  - олефинлар 367 771 Полиомер 175 284 Диэфирлар 322 730 Диалкилбензоллар 304 685

*1987 йилда ишлаб чиқариш 100% қабул қилинган. Олиш усули. Ҳозирги кунда сунъий мойларни ишлаб чиқаришга қизиқиш ортиб бормоқда. Сунъий мойларни олишнинг диэфир (мукаммал эфирларни икки асосли карбон кислота), полиалкенгликолли, полисилоксенли, фторуглеродли ва хлорфторуглеродли усуллари қўлланилмоқда. Мукаммал эфирлардан, икки асосли кислота билан бир атомли спиртни, бир асосли кислотани кўп атомли спиртга қўшилишидан мой олиш кенг тарқалган бўлиб, диэфирлар олинади. Ҳар хил гликоллар ва бошқа хилдаги спиртлар этилени окиси бўйича, пропилен окиси ёки уларни аралашмаси билан аралашмаси ёрдамида полиалкенгликоллар олинади. Ўзининг структурасига асосан узун занжирли оддий полиэфирлар бўлади. Полигликол молекуласида бир ёки бир неча бўш гидросилқ группаси бўлиши мумкин. Уларни алкилли эфир группаси билан алмаштиришда полигликолли эфирларни олиш мумкин. Полигликол молекуласидаги ҳар хил радикаллар олнадиган махсулот хоссасига таъсир кўрсатади. Махсус ёғлаш мойлари ва суюқликлари сифатида полимер кремнийорганик биркмалари(полисилокан, силикатлар) кенг тарқалган. Улар асосида - кремний ва кислород атоми кетма кетлигида занжирни ҳосил қилади. Si O Si O Si Кремний атомининг ён томонидаги занжирлар углеводородли ва бошқа органик радкалларни турли хилда бириктиради. Практикада ёғлаш мойларини метилли-радикалли полимерлар ҳосил қилади. Метилполисилоксанлар ва этилрадикаллари, этилполисилоксанлар.

СН 3 С 2 Н 5  Si  О   Si  О  CH 3 N C 2 H 5 N Метилполисилоксан Этилполисилоксан Углеводородни ҳамма водород фторли атомларини алмаштириш йўли билан фторуглеродли мойлар, водород атомини қисман хлор билан қисман эса фтор билан алмаштириш орқали хлорфторуглеродли мойлари олинади. Сунъий мойларни моҳияти ва қўлланиши. Нефтқдан олинган мойларга нисбатан сунъий маҳсулотлардан олинган мотор мойлари яхши хоссларга эгадир 7.2. таблицадаги маълумотларда уларнинг камчилиги в афзалликлари кўрсатилган. Сунъий мойларни асосий афзаллиги - нефтдан олинган мойларнинг энг олий сортларга қараганда қовушқоқлигининг юқорилигидир. Баъзи сунъий мойларнинг энг яхши қовушқоқлиги ҳарорат характеристикаси манфий харорат зонасидадир ва паст температураларда двигателни ўт олдтриш хусусияти яхшт. Шимолий районларда сунъий мойларни совуқда ҳам нефт мойларига нисбатан эксплуатацион хусусиятлари яхшироқ бўлгани учун кенг қўлланилади ва шу билан биргаликда ишни температураларида ҳам нефт мойларига нисбатан қовушқоқлик кўрсатгичи 3-5 марта юқорироқдир. (сунъий мойларни 250 -300 0 С даги қовушқоқлигига нисбатан нефт мойларининг 100 0 С даги қовушқоқлиги), яъни юқори температурагача гидродинамик мойларни ва термик турғунликни боғланувчанлиги камлиги катта бўлиб, юқори форсиркали,юқори иссиқликдаги двигателларда сунъий мойларни ишчи температураси юқори бўлган автомобилларда эксплуатация қилиш нефт мойларига нисбатан анча юқори туради. Нефт мойларига нисбатан сунъий мойларни хизмат даври бир неча марта кўп бўлиб, двигателни холатини яхши сақлайди.

Сунъий мойларни хизмат даври узоқ ва кам қуйилишидан мой харажатларидан 30  40%га камайтиради. Двигател ишлаганда ишқаланишни оптимал камайтириш ҳисобига ёнилғи сарфи анча камаяди (4-5%га). Сунъий мойлар хусусиятини композицион присадкани қўшиши билан оишириш мумкин. Уларни табиий нефт мойлари билан ҳам аралаштириш мумкин (сунъий мойга 30-40% нефт мойини аралаштириш мумкин). бу холатда мой хоссаси бузилмасдан балки унинг сифати ошади, лекин тан нархи бир оз ошади. Диэфир асосида олинадиган мойлар юқори қовушқоқлик индексига ва паст температурада қотиш, буғланиш камлиги ва ёнғин хавфи камлиги билан нефт мойларидан фарқ қилади. Диэфир мойлари резина прокладкалари, шланг ва бошқа буюмларни юмшашига ва шишишига олиб келади. Полигликолли мойлар нефт мойларига қараганда ейилишга қарши хоссаси ва қовушқоқлик харорат характеристикаси яхши, юқори температурада (300 0 С) хоссасини йўқотмайди, металларни коррозияламайди. Полигликолли мойлар эфир мойларига нисбатан табиий ва сунъий резиналарда кароқ шиш ва юмшашни ҳосил қилади. Бу мойларнинг таннархи баланд бўлганлиги сабабли амалда камроқ қўлланиоади. Полиоксанлар музлаш ҳарорати пастлиги билан ажралиб туради, қовушқоқлик ҳарорат характеристикасида эгри чизиқни ҳосил қилади ва иссиқбардошдир. Шу билан биргаликда кимёвий инертроқдир. Бу мойларда пўлат, чўян, мис, латун, бронза, қўрғошин ва бошқа металлар 150 0 Сда ҳам коррозияга учрамайди. Полисилоксан ва улар асосидаги мойларнинг камчилиги емирилишга қарши хусусияти камроқдир. Присадкалар қўшиш орқали бу камчиликни камайтириш мумкин. Мойлаш материаллари орасида полисилоксанлар келажаги порлоқдир. Ҳозирги даврда улар гидротизимларда, гидроамортизаторлада, пластик мойларда ва ўлчаш ускуналарида кенг қўлланилмоқда. таблица Кўрсатгичлар Нефт Сунъий мойлар

мойлари Диэфирл и полиалкен- гликолли полисилок- санли фторугле- родли 100 0 С даги қовушқоқлиги, мм 2 /с 2.5 3.2 3.2 3.5 - қовушқоқлик индекси 70 140-150 135-180 270 500 музлаш ҳарорати, 0 С -40...-73 -43-...-63 -58....-63 -63...100 -3.....-23 ёниш ҳарорати, 0 С 119 232 193 315 400-500 чегаравий ишлаш харорати, 0 С 220 220 260-300 250 - 100 О С да 22 соат давомида буғланиш, % 8 0.1 0.1 0.1 0 Фторуглеродли мойлар мойлаш хоссаси бўйича яхши хусусиятга эга: юқори термик ва ишқорларга инертлиги ва минимал коррозияга учрайди. Бу хусусиятлари фторуглеродли мойларни ишқаланиш актив кимёвий моддларда атмосфера қатламида юқори температурада ишлатиш мумкин. Лекин фторуглеродли мойларнинг қайнаш температураси паст ва музлаш температураси юқоридир. Автомобил двигателларида бу мойларни кенг қўллаш мумкин. Хлорфторуглеродли мойлар юқори температурада қайнаш билан яхши характерланади. Бу мойларнинг қовушқоқлик-харорат характеристикаси ва мойлаш хусусияти яхшидир, лекин термик турғунлиги ёмонроқдир. Сунъий мойларни нефт мойларига қараганда ўртача таннархи 2-3 марта камроқдир. Эксплуатацион хоссалари яхшилиги билан биргаликда тежамкорлироқдир, чунки двигателда ишлаш даври катта ва улар камроқ харажат сарфланади.

Адабиётлар: 1. П.П.Вавилов -Растениеводство М.,Колос.1986. 2. В.Н.Чирков-Ўсимликшунослик/практикум Т.,Ўқитувчи.1978. 3. Б.Виноградов,Х.Атабаева,А.Дементьева-РастениеводствоТ., Мехнат.1987. 4. В.Н.Чирков-Дон экинлари Т., Ўқитувчи-1975. 5. Технические культурў М., ВО Агропромиздат, 1986. 6. К.Н.Кеферов Биологические основў растениводста. М., Вўсхая школа, 1975. 7. Д.Зауров, М.Сборшикова, Рисоводство, Т., Мехнат, 1989. 8. Д.Т.Абдукаримов, С.Х. Хушвақтов, Э.У.Умурзоқов, Тамакичилик, Т., Мехнат, 1985.

Похожие

Қишлоқ хўжалик техникаси узаткичларида ишлатиладиган мойлар (трансмиссион мойлар)

Ишқаланиш, ейилиш ва мойлаш материаллари

Қишлоқ хўжалик техникаси ва транспорт воситаларида ишлатиладиган техник суюқликлар

Қишлоқ хўжалик техникаси ва транспорт воситаларида ишлатиладиган пластик сурков мойлар

Пластик мойлаш материаллари, ҳусусиятлари ва улардан фойдаланиш