Чорвачиликда наслчилик ишларини яхшилаш - Сельское и лесное хозяйство - Рефераты

Чорвачиликда наслчилик ишларини яхшилаш

Загружено в:

20.09.2019

Скачано:

0

Размер:

55 KB

Ч орвачиликда наслчилик ишларини яхшилаш Режа: 1. Чорвачиликда наслчилик ишлари. 2. Чорвачиликда танлаш ва зот тўғрисида умумий тушунча. 3. Хайвонларни бокитировка қилиш. 4. Келиб чиқишига кўра хайвонларни бахолаш.

Таянч сўз ва иборалар: Наслчилик ишлари, танлашнинг асосий формалари, фенотип, генотип, зотлар классификацияси, зоотехника хисоби, бонитировка, экстервер, интерpер, дурагай 1. Чорвачиликда наслчилик ишлари Наслчилик ишларининг асосий мақсади молларнинг махсулдорлигини оширишдан, зотини яхшилашдан, тез етилувчан, вазндор, серпушт ва сифатли моллар етиштиришдан иборат. Насилчилик ишларининг самараси бир қанча тадбирларга боғлиқ. Масалан: 1) колхоз ва савхоз фермаларида, чорвачилик комплексларида моллар зотини яхшилашда юқори класс сермахсул эркаклар уруғидан унумли фойдаланиш; 2) танлаш ва саралаш ишларида молларнинг келиб чиқиши (ота-онасининг махсулдорлиги), конституциясига, ривожланиш даражаси ва авлодининг махсулдорлик кўрсаткичига алохида эoтибор бериш; 3) фермерлардан бонитировка ишларини ўз вақтида ва сифатли ўтказиш; 4) насл учун энг сифатли ва соғлом болаларни ажратиш; 5) чатиштириш ишлари учун подадаги энг яхши, сифатли, сермахсул, собом урғочи молларни танлаш; 6) наслчилик ишларини тасдиқланган қатoий план асосида олиб бориш; 7) насл учун ажратилган молларни сифатли озиқлар билан рацион асосида боқиш, парваришлаш ва асраш ишларини юқори даражада олиб бориш шулар жумласидандир. Барча наслчилик хўжаликларида наслчилик ишидаги асосий усул молларни тоза холда (эркак ва урғочиси бир зотдан бўлган молларни) урчитиш хисобланади. Лекин айрим холларда, масалан, молларнинг бирор махсулот кўрсаткичини яхшилаш ёки янги зот яратиш мақсадида вақтинча хисобланган зотлараро чатиштириш усули қўлланилади. Барча фермаларда кўплаб товар махсулоти етиштириш учун хар хил чатиштириш ва хатто гибритлаш усулларидан фойдаланиш мумкин. Бундайтадбирлар кўпроқ қорамолчиликда, чўчқачиликда ва паррандачиликда кенг амалга оширилади.

2. Чорвачиликда танлаш ва зот тўғрисида умумий тушунча Чорвачиликда янги зот яратиш ва мавжуд зотларни такомиллаштириш, айрим махсулдорлик хусусиятларини яхшилаш борасида танлаш ишлари олиб бориш мухим ахамиятга эга. Танлаш молларнинг фенотипига (ривожланиши, экстерpери, конституцияси, махсулдорлигига) ва генотипига (ирсий хусусиятларига ва бу хусусиятларни ўз наслига бера олиш холатига) кўра олиб борилади. Бир томонлама танлашда моллар маoлум бир кўрсаткичи асосида танланади. Келиб чиқишига кўра танлашда хали болалари туғилмасдан олдин, махсус журналлардаги маoлумотларга, ота-онасининг ирсий белгиларига қараб танлаш. Вазни ва жадал ўсишига кўра танлашда хар хил хайвонлар турли ёшида бахоланади. Масалан, қулунлар (тойлар) 6-8 ойлигида, бузоқлар 5-6 ойлигида, қўзилар 3-4 ойлигида, чўчқа болалари эса 2 ойлигида бахоланади. Болаларининг сифатига кўра танлаш асосан болаларининг хаётчанлиги, тирик вазни, сони ва бошқа барча белгилари хисобга олинган холда бажарилади. Танлашнинг асосий формалари . Чорвачиликда ялпи ва индивидуал (якка-якка) танлаш мавжуд. Ялпи танлашда асосан молларнинг фақат фенотипи хисобга олинади. Индивидуал танлашда хам фенотипи, хам генотипига эoтибор берилади, бу эса моллар селекциясида мухим ахамиятга эга. Чорва моллари ва паррандаларнинг келиб чиқиши, конституцияси, экстерpери, хўжалик ва махсулот йўналишига кўра бир хил бўлган ва ўз хусусиятларининг наслига бера оладиган группаси зот дейилади. Барча зотларнинг бу хусусияти асосан наслчилик ишларида бошқариб борилади. Зотлар классификацияси. Зот тўғрисидаги тушунча дастлаб Ч.Дарвин томонидан берилган. У ўзининг кузатишлари асосида зотлар икки хил шароитда яратилиши мумкинлигини кўрсатди. Масалан, табиий шароитда

“онгсиз” танлаш натижасида ва сунoий танлаш оқибатида вужудга келишини исботлаб берган. Кейинроқ проф.П.Н.Кулешов зотларни бир-бири билан боғлиқ бўлган тўрт группага (қадимги, хаммабоп, яхшиланган ва махаллий зотларга) бўлди. Лекин хозирги вақтда наслчилик ишлари юқори даражада ривожланганлигига кўра, зотлар уч группага (махаллий, маданийлаштирилган ва оралиқ ёки яхшиланаётган зотларга) бўлинади. Махаллий зотлар асосан табиий танланиш асосида, узоқ йиллар мобайнидаги “онгсиз” танлаш ва тубан, экстенсив усулда олиб борилган чатиштириш ишлари натижасида вужудга келган. Лекин улар чидамли, ташқи мухит шароитига яхши мослашган, мустахкам конституцияли, хаммабоп, лекин кеч етилувчан ва махсулдорлиги паст бўлган вакиллардан ташкил топган. Ўзбекистонда тобора камайиб бораётган махаллий зот қорамоллар республика шароитига язши мослашганлиги, чидамлилиги, озиқ танламаслиги билан бирга, кеч етилувчан ва махсулдорлиги паст даражада бўлади. Масалан, сигирларининг вазни 220-280 кг, буқалариники 320-350 кг. Махсулоти бир лактация давомида 300-450 кг (камроқ вакилларида 690 кг гача). Лекин сутидаги ёғ 5,5-5,8%, баoзан ундан хам кўпроқ бўлади. Маданийлаштирилган зотлар махсулдорлиги юқори бўлган хайвонларни экстерpери, коснтитуцияси, махсулот йўналиши, келиб чиқиши, ирсий белгилари асосида танлаш, саралаш ишларини инденсив олиб бориш натижасида яратилган группа хисобланади. Маданий зотлар ирсий белгилари ва махсулдорлигига кўра бошқа зот группаларидан анча устун туради. Бундай зотларнинг таркибий қисми бир-бири билан қариндош эркак вакилларининг бир қанча линияларидан, урғочи вакилларининг кўплаб оилаларидан ва махсус типларидан ташкил топган бўлади.

3. Хайвонларни бокитировка қилиш Хайвонларни комплекс белгилари асосида маoлум мақсадда бахолаш бонитировка дейилади. Бунда хар бир хайвоннинг ирсий белгилари, экстерpери, конституцияси, вазни ва хоказолар албатта эoтиборга олинади. Бонитировка қилишда хар бир хайвоннинг махсулдорлиги мухим кўрсаткичи сифатида қабул қилинади. Масалан, йилқиларнинг чопқирлиги, оғир юк торта олиш хусусияти, қўйларнинг махсулдорлик йўналишига кўра жунининг сифати, гўштдорлиги, мўйнасининг сифати ва хоказолар эoтиборга олинади. Паррандаларнинг серпуштлиги, тухумининг оғирлиги, чигирларнинг серсутлиги, сутидаги ёғ миқдори, сут бериш тезлиги кабилар бонитёрнинг диққат марказида бўлади. Бузоқлар 6 ойлигидан бошлаб комиссия томонидан бонитировка қилинади. Бунда уларнинг келиб чиқиши (ота-онасининг асосий махсулот кўрсаткичлари), ўсиш ва ривожланиш даражаси, экстерpери, конституцияси хисобга олинади. Бонитировка натижасида бирор классга мансуб эканлиги аниқланади. Масалан, элитарекорд, элита, I ва II класс шулар жумласидан бўлиб, энг юқори кўрсаткичга эга ва юқори даражада бахоланган бузоқлар элитарекорд ёки элита классга киритилади ва улар жуда асл хисобланади. Бонитировкани махсус комиссия ўтказади ва уларнинг маoлумотлари ведомостp ва актлар асосида хужжатлаштирилади. 4. Келиб чиқишига кўра хайвонларни бахолаш Келиб чиқишига кўра бахолашда хайвонларнинг зоти, зотдорлиги (тоза зотлилиги, дурагайлиги ва махаллий группага мансублиги) хисобга олинади. Улар қайси бир линия ёки оилага тааллуқлиги аниқланади ва ирсий афзалликлари ифодаланади. Экстерpерига кўра бахолашда уларнинг ташқи қиёфаси хисобга олинади. Бунда йирик хайвонлар 10 балли, бузоқлар ва бошқа турдаги ёш моллар 5 балли система асосида бахоланади.

Вазнига кўра бахолашда моллар тарозида тортилади ва уларнинг қайси йўналишга мансублигини ифодаланади, хар бир йўналиш талабига кўра бахо берилади. Сигирларнинг серсутлиги 305 кунлик лактация даврида берган сути, сутнинг ёғ ва оқсил миқдорига кўра бахоланади. Гўшт учун боқиладиган қорамоллар 6 ойлик вақтида келиб чиқиши, вазни, экстерpери ва барча индивидуал хусусиятларига кўра бахоланади. Чўчқалар серпуштлиги, болалари тез семириши (серсутлиги) га икки ойлик болаларининг вазнига кўра хамда туғилган болаларининг катта- кичиклигига қараб бахоланади. Уларнинг серсутлиги йигирма бир кунлик болаларини тортиб кўриш билан аниқланади. қўйлар махсулот йўналиши (майин жунли, ярим майин жунли) га кўра, жунининг вазни, сифати, текислиги, қалинлиги ва ёғ-терга бойлиги билан аниқланади. қоракўл қўзилар 1-3 кунлигида мўйнасининг сифатига қараб бахоланади. Бунда тери (мўйна) нинг ранги, гулдорлиги, жингалакларининг йирик-майдалиги, жунининг ялтироқлиги хисобга олинади. Гўшт-ёғ учун боқиладиган қўйлар гўштдорлиги ва думбасининг хажми, вазни ва ташқи кўринишига кўра, пўстинбоп қўйлар мўйнасининг сифати ва серпуштлигига қараб бахоланади. Йилқилар чопқирлигига ва оғир юк тортиш хусусиятларига қараб бахоланади. Паррандалар йўналишига кўра, серпуштлиги, гўштдорлиги, тухумининг йирик-майдалиги ва экстерpерига кўра бахоланади. Серпуштлигини аниқлашда индивидуал уяларга бир йил мобайнида қўйган тухуми сони хисобга олинади. Тухумнинг вазнини аниқлаш учун уларнинг 10 тасини тортиб, хар бирининг ўртача вазни аниқланади. Шундай қилиб, бонитировка натижалари асосида маoлум тадбирларни, моллар ва паррандаларнинг махсулдорлиги ва ирсий хусусиятларини хамда тез етишувчанлигини яхшилаш борасида амалий план ва режалар тузилади ва бажарилади.

Бонитировка ишлари қишлоқ хўжалик министрлигининг махсус қўлланмаси ва инструкцияси асосида олиб борилади. Ўзбекистонда гўштдор зот қорамолларни ва уларнинг дурагайларини бонитировка қилиш инструкцияси 1958 йилда яратилган ва республика қишлоқ хўжалик министрлиги томонидан тасдиқланган.

Адабиётлар: 1. Г.Г.Иванович; Б.П.Дмитриевич и др. Животноводство М. “Колос”, 1978. 2. С.Н.Вқшелескин; С.Н.Муровцев; Н.В.Лихачев и др. Частная Эпизоотология М. Селғхозгиз, 1978. 3. В.К.Игнатов. Практическое руководство по методике санитарино- гигиенических исследований Биомедгиз. М. 1975. 4. Э.Х.Эргашев; Ж.Ш.Ўопулатов. Паразитология “Укитувчи” Т. 1981. 5. Т.Х.Икромов. Чорвачилик. Т. “Мехнат” 1985. 6. Г.С.Нога. Шелководство. Т. “Укитувчи” 1986. 7. П.А.Коволев; А.А.Шевелева. Тут ипак курти уругчилиги ва селекцияси. УзССР. “Урта ва Олий мактаб” Давлат наришриёти. Т-1982. 8. А.Г.Авизов; Р.Х.Хамрокулов. Чорвачиликдан амалий машгулотлар. Тошкент- “Укитувчи” - 1980.

Похожие

Қуёнчиликда наслчилик ишлари

Чорвачилик тармоғида ишлаб чиқаришни ташкил қилиш ва режалаштириш

Чорвачиликда мехнат жараёнларининг механизациялаштириш

Чорвачиликда механизациялаштир технологик йуналишлар

Сут йуналишидаги қорамоллар селекцияси