Боғбоп тупроқ фрезалари - Сельское и лесное хозяйство - Рефераты

Боғбоп тупроқ фрезалари

Загружено в:

20.09.2019

Скачано:

0

Размер:

116 KB

Боғбоп тупроқ фрезалари Тупроқни ўта майн ҳолатга келтириб майдалаш бўйича тупроқ фрезасига тенг келадиган машина йўқ. Фреза барабани 18-расмда кўрсатилган. Вал 1 га диск 3 ва 4 лар бикр ўрнатилиб, уларга пичоқ 2 лар қотирилган. Пичоқ шаклан турли кўринишда (Л ҳарфига ўхшаш, илгаксимон) тайёрланган бўлиши мумкин. Илгарилатиб судралаётган барабан, тракторнинг қувват олиш валидан келаётган ҳаракат ҳисобига, ўз ўқи атрофида мажбуран айланади. Натижада, пичоқлар юпқа тупроқ қириндисини ердан ажратиб олиб, орқа томонга ирғитади. Ирғитилаётган тупроқ ғилоф 8 га урилиб, ерга тушади. Қиринди қалин- лигини 2 мм дан 12 мм гача ўзгартириш имкони бўлганлиги сабабли, бегона ўтлар ҳам майдаланиб ташланади. Қириндининг қалинлиги пичоқ учининг айланма чизиқли тезлиги агрегат тезлигидан неча маротаба катта бўлишига боғлиқ. Барабан ўзгармас тезликда айланаётган бўлса, агрегат тезлигини камайтириб, қиринди юпқароқ бўлишига эришиш мумкин бўлади. Боғбоп тупроқ фрезалари осма ёки тиркалма турларда ишлаб чиқарилади. 19-расмда боғбоп минитракторга осма фрезани ўрнатиш схемаси келтирилган. расм. Тупроқ фрезаси:

а — фреза барабани; б — технологик иш жараёни схемаси: 1 — вал; 2 — пичоқ; 3,4 — дисклар; 5 — осиш устуни; 6, 7 — редукторлар; 8 — ғилоф; 9 — хаскаш; 10 — чуқурликни созлагич; 11 — таянч ғилдираги. Тракторнинг қувват олиш валига уланган силиндрик редуктор 1 дан ҳаракат кардан вал 2 орқали конуссимон редуктор 4 га узатилади. У ердан айланма ҳаракат кардан вал 5 ёрдамида фреза барабанига келтирилади. Фреза барабанидаги дискларга чап ва ўнг томонга букилган пичоқлар жуфт сонли қотирилганлиги сабабли, улар ўзаро мувозанатда бўлишади. расм. Боғбоп тупроқ фрезасини минитракторга ўрнатиш схемаси: 1 — силиндрик редуктор; 2, 5 — кардан вали; 3 — сақлагич муфта; 4 — конуссимон редуктор; 6 — фреза барабани; 7 — таянч сирпанғичи. Ерга ишлов бериш чуқурлиги таянч сирпанғич 7 ларни кўтарибтушириб қўйиш ҳисобига эришилади. Барабан диаметри 370 мм бўлиб, 12 см чуқурлик гача ишлов бера олади. Қамров кенглиги 0,9 м. Фреза барабани тракторнинг ўнг томонига гидросилиндр ёрдамида 2,0 метрга суриб чиқарилиши мумкин ва дарахтларга яқин жойларга ишлов берилади.

расм. Дарахтлардан автоматик равишда узоқлашадиган боғбоп фреза: 1 — турткич; 2 — фреза барабанининг вали; 3, 10 — кардан вал; 4 — гидротақсимлагич; 5 — сақлагич муфта; 6 — насос; 7 — редуктор; 8 — шланга; 9, 13 — рама; 11 , 15 — тортқилар; 12 — из кўрсаткич; 14 — гидросилиндр; 16 — таянч сирпанғичи. 20-расмда тракторнинг орқасидаги осиш мосламасига осиладиган фреза кўрсатилган. Бундай фреза билан жиҳозланган агрегат ён шохлари паст жойлашган дарахтлар орасида ишлай олади, чунки трактор қаторлар ўртасида юритилса ҳам фреза унга нисбатан қарийб 3,0 м гача ўнг томонга сурилган ҳолда ишлаши мумкин. Тракторчи из кўрсаткичнинг учи дарахтларга 5—10 см етмайдиган қилиб агрегатни юритади ва унинг фрезаси бир қатордаги дарахтлар орасидаги ерга ишлов бериб кетади. Агар турткич 1 навбатдаги дарахтни учратиб чап томонга бурилса, тортқи орқали гидротақсимлагичнинг тегишли клапани очилади ва гидросилиндр 14 фрезани дарахтдан 45 см га узоқлаштириб қўяди. Турткич дарахтдан ўтиб улгурганида гидросилиндр фрезани асл ҳолатига суриб қўяди. Тортқи узунлигини ўзгартириб, фрезани ён томонга суриш эртароқ ёки кечроқ бўлишига эришилади. Фрезанинг қамров кенглиги 0,75 м ни ташкил қилади. Тупроқни юмшатиш чуқурлиги таянч сирпанғич 16 ни рамага нисбатан кўтариб-тушириш билан ўзгартирилади. Агрегат 4км/соат гача бўлган тезликда ишлатилади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

Похожие

Боғбоп плуглар

Боғбоп дисксимон тирмалар

Тупроқ мелиоратив районлаштириш. Тупроқ мелиоратив мониторинг

Тупроқ шўрланишидаги асосий омиллар

Тупроқ шурланишидаги асосий oмиллар