Shaxslararo munosabatlar tizimida shaxsning rivojlanishi - Психология - Рефераты

Shaxslararo munosabatlar tizimida shaxsning rivojlanishi

Загружено в:

20.09.2019

Скачано:

0

Размер:

299 KB

Shaxslararo munosabatlar tizimida shaxsning rivojlanishi Reja: 1. Insonning shaxs sifatida shakllanishi va bunda ijtimoiy muhitning o`rni. 2. Ijtimoiy psixologiyada shaxsni o`rganishning o`ziga xosligi. 3. Guruhlar va ularning shaxs rivojlanishiga ta’siri. 4. Shaxsning ijtimoiy ustanovkalari.

Insonning shaxs sifatida shakllanishi va bunda ijtimoiy muhitning o`rni. Shaxs jamiyatning a’zosi , ijtimoiy va shaxslararo munosabatlarning mahsuli, ongli faoliyatning sub’ekti bo’lmish individdir. Shaxsning boyligi, uning hayotga faol munosabati, boshqa kishilar bilan bo`ladigan aloqalarining turli-tumanligiga bogliq bo`ladi. Individ- so`zi lotincha-«individium»-bulinmas degan ma’noni anglatadi. Har bir odam o`zi mansub bo`lgan sinf, muloqotga xos bo`lgan umumiy sifatlar bilan bir qatorda shaxsiy xususiyatlarga ham egaki ular shaxning takrorlanmas individualligidir. Individuallik - ma’lum sifatlarga ega bo`lgan shunday odamki, bu sifatlar faqat shu odamgagina xosdir. Shaxs tashqi turmush sharoitlari ta’sirida shakllanadi. Savol: Bir xil sharoitda tarbiyalanganda har biri o`zining shaxsiy xususiyatlariga ega bo`ladimi? Javob: Shaxsning shakllanishida ijtimoiy omillardan tashqari biologik omillar ham ta’sir ko`rsatadi. Bu omillarni bir-biridan ajratib quyish noto`gri. Hosil qilinadigan xususiyatlar bilan tabiiy mavjud xususiyatlar o`zaro bogliq tashqi sharoitlar ta’sirida odamning shakllanishini ichki sharoitslarga boglik holda sodir bo`ladi. Shaxsning barkarorligi. Snaxs-o`zini turli sharoitlarda turlicha tutishiga qaramay asosiy shaxsiy sifatlari ozmi-ko`pmi barqaror bo`ladi. Agar odamning xususiyatlari bilib olinsa, uning ma’lum bir vaziyatda o`zini qanday tutushini aytish mumkin. Shaxs, siyosiy, g`oyaviy munosabatlar ta’sirida ham bo`ladi. Jamiyat haqidagi g`oyalar tizimi shaxsning psixologiyasi, uning dunyoqarashi, ijtimoiy ustnovkalarini shakllantiradi. Ijtimoiy fanlarni o`zlashtirish shaxsga ijtimoiy taraqqiyotda o`z o`rnini anglashga yordam beradi. Jamiyat maktabdagi ta’lim va tarbiya, radio, televideniye va boshqa ommaviy axborot vositalari yordamida shaxsga g`oyaviy ta’sir o`tkazadi. Shaxsning muloqot doirasi qanchalik keng bo’lsa , uni hayotining turli sohalari bilan aloqasi shunchalik turli tuman bo’ladi, shaxs ijtimoiy munosabatlar dunyosiga shunchalik chuqurroq kira oladi va uning ma’naviy dunyosi ham boy bo’la boradi.Shaxsning jarayonlari, holatlari va xususiyatlari o`zaro chambarchas bogliqdir. Shaxsning psixologik tuz i lishi –jarayonlar, h olatlar va xususiyatlarning o’ zaro chambarchas bo g’ li y ligini h amda alo q adorligi odamdan barcha sifatlarning bir butunligini ta’min etadi.

Shaxsning psixik xususiyatlari insonning ijtimoiy tajribasi, uning hayot va faoliyati, ta’lim va tarbiya ta’siri ostda tarkib topadi. Shaxsning shakllanishi u yashaydigan jamiyat sharoitlari hamda mana shu ijtimoiy sharoitlarda u oladigan ta’lim va tarbiya bilan belgilanadi. Ta’lim tarbiya jarayoni shaxs shakllanishi va rivojlanishida muhim ahmiyatga ega. Guruhlar va ularning shaxs rivojlanishiga ta’siri. Har-bir bola yashaydigan ijtimoiy muhit bir emas , balki bir necha qavatdan (zonadan) iborat. Eng yaqin va birinchi qavat oilaviy muhitdir.Oilaga qaraganda kengroq qavatni bolaning tashqari, ya’ni bir qavatni –bolanig qarindoshlari tashkil etadi. Va nihoyat, eng keng qavat- ijtimoiy muhit hisoblanadi. Undan tashqari bevosita xatti-harakat namunalari, alohida kishilarning mulohazalari orqali emas, balki kitob va gazeta, radio, kino, televideniye, jamiyatda o’rnatilgan qonun-qoidalar, odamlar, axloq talablar, ma’naviyat, milliy qadriyatlar orqali amalga oshiriladi. Biroq, agar bolaning shaxsiy faolligi mavjud bo’lsa, muhit uning taraqqiyotiga ta’sir ko’rsata olmaydi. Faqat o’zining shaxsiy faolligini ko’rsatgandagina bola atrof-muhitning ta’sirini his qilishi, shundagina uning rasmiy xususiyatlari namoyon bo’lishi mumkin. Ta’lim- tarbiyaInsonning shaxs sifatida shakllanishiga ta’sir etuvchi omillar Irsiyat Ijtimoiy muhit

Demak, inson - faol mavjudod. U tarbiyaviy ta’sirlar, muhit ta’sirining passiv ob’ekti emas. Shuning uchun hayotning tashqi sharoitlari, tashqi ta’sirlar inson shaxsini bevosita emas, balki uning muhit bilan o’zoro ta’siri jarayoni orqali, uning shu muhitdagi faoliyati yordamida belgilaydilar. Shu tuufayli muhit, tarbiyaviy t’asir haqida gapirganda uni ya`ni insoning tashqi muhit bilan faol ta`sir jarayoni, tarbiyachi bilan tarbiyalanuvchining faol o’zaro aloqasi sifatida tushunish zarur. Inson faol mavjudod sifatida o’z shaxsini ongli ravishda o’zgartirishi mumkin. Shaxsning shakllanishida o’z-o’zini tarbiyalash, ya’ni kishining shaxsiy sifatlarini takomillashtirishga qaratilgan ongli ishi katta ahamiyatga ega bo’la boradi. Shaxs guruhda, ya’ni mana shu guruhda o’rnatilmagan o’zaro munosabatlar va muloqat ta’sirida rivojlanadi. Demak, guruhning taraqqiyoti shaxsning guruhda rivojlanishi omili sifatida namoyon bo’ladi. Individ o’ziga xos ehtiyoj, ya’ni shaxs bo’lishi ehtiyoji hamda shaxs bo’lish qobiliyatiga ega. Bu qobiliyat, ya’ni individual xususiyatlar. Shaxs bo`lish ehtiyoji qondirilishini ta’minladi va turli ishlarni amalga oshirishga imkon yaratadi. Ushbu ehtiyojning amalga oshirishda yuqori rivojlanish darajasiga ega bo`lgan guruh jamoalar katta ahamiyatga ega. Shaxs rivojlanishi yangi ijtimoiy muhitga kushilish va u bilan birlashish sifatida tasavvur qilish mumkin. Shartli ravishda bu muhitni doimiy, o`zgarmas deb qaraladi. (masalan, maktabning birinchi sinfi, ishlab chiqarish brigadasi, harbiy qism va hokozo). Nisbatan barqaror bo`lgan muhitda shaxsning rivojlanishi 3 ta bosqichni bosib o`tadi. Bular – adaptatsiya, individualizatsiya va integratsiya bosqichlaridir. Demak, inson shaxs sifatida ijtimoiy muhitning hal qiluvchi ta’siri ostida shakllanadi. Tajribalarda ko’rsatishicha, insoniyat jamiyatdan tashqarida haqiqiy taraqqiy etgan inson, shaxs bo’la olmaydi. Ijtimoiy psixologiyada shaxsni o`rganishning o`ziga xosligi.

Shaxs turli ijtimoiy jarayonlarning ishtirokchisi va faol amalga oshiruvchisi bo`lganligi tufayli ijtimoiy psixologiyada o`rganiladi. Shaxs muammosi umumiy psixologiyada ham, yosh psixologiyasi va pedagogik psixologiyada ham, psixologiyaning qator maxsus bo`limlarida ham o`rganiladi. Har bir bo`lim yoki tarmoq uni o`z mavzui va vazifalari nuqtai nazaridan shaxsga taalluqli bo`lgan muammolarni yoritadi. Masalan, umumiy psixologiya shaxsni psixologik faoliyatning maxsuli, alohida psixik jarayonlarning egasi deb qaraydi. Ya’ni ijtimoiy psixologiya avvalo biror guruhning a’zosi hisoblangan shaxs xulq-atvori qanday qonuniyatlarga buysunishini, shaxsning muloqotlar sistemasida olgan ta’sirlari uning ongida qanday aks topishini o`rganadi. Guruhning shaxs psixologiyasiga ta’siri qay yusinda sodir bo`lishi ijtimoiy psixologiyada ijtimoiylashuv muammosi bilan uzviy bogliq bo`lsa, bu ta’sirlarning shaxs hatti-harakatlari, xulqida bevosita qanday namoyon bo`lishi ijtimoiy yo`l-yo`riqlar muammosi bilan bog`liqdir. Ana shular asosida shaxsda shakllanadigan fazilatlar va ularning turli tipdagi shaxslarda namoyon bo`lishini aniqlagan holda, shaxs xulq-atvorini boshqarish mexanizmlarni ishlab chiqish ijtimoiy psixologiyaning asosiy vazifalaridan biridir. Shaxs shakllanishining o`z sohasi, bosqichlari va muassasalari mavjud. Faoliyat sohasi, ya’ni umr mobaynida shaxs turli faoliyatlarga bevosita yoki bilvosita jalb etilgan bo`lib bu jarayonda fan qatalogi kengayib, boyib boraveradi. Har bir faoliyat turi individdan maxsus fazilatlarning, malaka va ko`nikmalarining, bilimlarning borligini talab etadiki, ularni koniktirish yo`lidagi aktivligi unda o`ziga xos ijtimoiy-psixologik xususiyatlar kompleksini shakllantiradi; Muloqot sohasi, ayniqsa maktabgacha yosh davrdagi va o`smirlik davrlaridagi muloqot sistemalari bolada bir qancha ijtimoiy xislatlarni paydo qiladiki, uning natijasida u faol hayotiy mavqega ega bo`ladi, jamiyatda o`z o`rnini tasavvur qilishga erishadi. O`z-o`zini anglash sohasi, ya’ni "MEN" obrazining yil sayin o`zgarib borishi jarayoni bo`lib, avval o`zini boshqalardan farqliligini, o`zicha mustaqil xarakat qilish, mustakil fikr yurita olish kobiliyatini anglash, sungra o`z-uzini baholash, anglash, nazorat qilish xususiyatlari rivojlanadiki, ular ham faol shaxs psixologiyasining tarkibiy qismidir. Shaxs sotsializatsiyasi, yukorida ta’kidlab o`tganimizdek, bola tugilishi bilan boshlansa-da, sezilarli, samaradorlik nuqtai nazaridan uning bosqichlari farqlanadi. Masalan, birinchi bosqich - mehnat faoliyatigacha bo`lgan bosqich bo`lib, unga bolaning maktabgacha yesh davri hamda o`qish yillari kiradi. Shaxs muammosiga ijtimoiy-psixologik yondoshishning o`ziga xosligi shundaki, u turli guruhlar bilan bo`ladigan turli shakldagi o`zaro munosabatlarning oqibati sifatida qaraladi.

Shaxsning ijtimoiy ustanovkalari. Masalan, bir kishiga badiiy adabiyotdan ainan bir guruh asarlar guruhi yoki shu adib yoqishini tushunmaidi. O`sha guruhdan yangi bir kitob qo`lga kirganda u albatta yoqishi kerak degan tasavvurda bo`ladi shu manoda olib qaralganda ijtimoiy ustanovka shaxsdagi anglanmagan munosatbatlarga o`xshaydi. Lekin aslida uning tabiati juda murakkabdir. Chunki ijtimoiy ustanovka tushunchasida munosabatlar ham, shaxsiy ma’no ham, baholar sistemasi ham, bilimlar ham o`z ifodasini topadi. Ya’ni ijtimoiy ustanovka shaxsning turli ijtimoiy ob’ektlarga nisbatan munosabat bildirishining ichki mexanizmidir, shu ob’ektlar bilan ishlashga, ularni baholashga hamda ma’lum tarzda idrok qilishga tayyorgarlik holatidir. Ijtimoiy ustanovka shaxs xulk-atvorining ichki, anglanmagan yoki qisman anglangan motivlariga kiradi . Sof psixologik ma’noda yangicha tafakkur va dunyoqarashni shakllantiruvchi va o’zgartiruvchi ijtimoiy psixologik mexanizm - bu ijtimoiy ustanovkalardir. Bu - shaxsning atrof muhitida sodir bo’layotgan ijtimoiy hodisalarni, ob’ektlarni, ijtimoiy guruhlarni ma’lum tarzda idrok etish, qabul qilish va ular bilan munosabatlar o’rnatishga ruhiy ichki hozirlik sifatida odamdagi dunyoqarashni ham o’zgartirishga aloqador kategoriyadir. Rus olimi V.A. Yadov o’zining dispozitsion konsepsiyasini yaratib, unda ustanovkalarni to’rt bosqich va to’rt tizimli sifatida tasavvur qilgan E ementar ustanovkalar (set) - oddiy, elementar ehtiyojlar asosida ko’p incha ongsiz tarzda hosil bo’ladigan ustanovkalar. Ularni o’zgartirish uchun moddiy shart - sharoitlarni va odamdagi ehtiyojlar tizimini o’zgartirish kifoya. I timoiy ustnovkalar (attitud) - ijtimoiy vaziyatlar ta’sirida ijtimoiy ob’ektlarga nisbatan shakllanadigan ustanovkalar. Ularni o’zgartirish uchun ijtimoiy shart - sharoitlar va shaxsning ularga nisbatan baho va munosabatlari tizimini o’zgartirish kerak.Ijtimoiy muhitning ta’siri xulq-atvorda bevosita namoyon bo’ladi. U yoki bu xulq-atvorning sababi uning motividir. Ijtimoiy psixologiya shaxs xulq-atvorining motivlari sifatida ijtimoiy ustanovkalarni o’rganadi.

Ijtimoiy ustanovka muammosi G`arbda, ayniqsa, Amerika Kushma Shtatlarida har taraflama chuqur o`rganilgan muammolardan hisoblanadi. Amerikalik olimlar uning shaxsning avvalgi hayotiy tajribasiga, undagi ijtimoiy tasavvurlariga bog`liqligini o`rginib, shaxs xulq- atvorini turli sharoitlarda boshqaruvchi mexanizm ekanligini isbot qildilar. (U. Tomas, F. Znanetskiy, G. Olport, M. Smit, K. Xovland, Laper, D. Kats, N. Rokich va boshqalar) ular ijtimoiy ustanovkani bir so`z bilan -"attityud"so`zi bilan ifodalaydilar. 1942 yildayoq M. Smit attityudning uch komponentli strukturasini ishlab chi qq an. Kognetiv qism - bu shaxsdagi attityud obektiga nisbattan bilimlar, uning odam tomonidan anglanishidir. Bunga shaxsdagi bilimlardan tashkari g`oyalar, tasavurlar prinsiplar va h okazolar kiradi. B`a zaviy ijtimoiy ustanovkalar - ular shaxsning umumiy yo’nalishini belgilaydi va ularni o’zgartirish e’tiqodlar va dunyoqarashlarni o’zgartirish demakdir. Q adriyatlar tizimi - ular avlodlararo muloqot jarayonining mahsuli sifatida jamiyatda qadr - qimmat topgan narsalarga nisbatan ustanovka. Masalan, sahih hadislar shunday qadriyatlardir, biz ularni tanqidsiz, muhokamalarsiz qabul qilamiz, chunki ular ham ilohiy, ham eng buyuk insonlar tomondan yaratilgan va avloddan avlodga o’z qadrini yo’qotmay kelayotgan qadriyatlardir.

Affektiv qismi - bu o`sha ob’ektni hissiy emotsional baholash bo`lib, yoqtirish yoki yoqtirmaslik tarzidagi hissiyotlar kiradi. Konativ qismi yoki xulq-atvor bilan bog`liq qismiga esa ob’ektga nisbatan amalga oshiriladigan xatti-harakatlar, aynan xulq-atvor kiradi. Lekin ba’zi olimlarda ustanovkaning aynan ob’ektga yoki vaziyatga nisbatan bo`lishi mumkinligi haqida ma’lumotlar ham bor edi. Xususan, Laperning 1934 yilda o`tkazgan mashhur eksperimenti bunga misol bo`lishi mumkin. Eksperimentning mazmuni quyidagicha edi. Laper ikkita xitoylik talabalar bilan AQSH bo`ylab sayohatga chiqadi. Ular hammasi bo`lib 252 ta mexmonxonada bo`lishib, ularning deyarli barchasida (bittasidan tashqari) iliq, samimiy munosabatning guvohi bo`lishadi. Ma’lumki, o`sha paytlarda irqiy belgi bo`yicha odamlarga tanlab munosabatda bo`lishar, xitoyliklar ham sariq tanlilar sifatida kamsitilardi. Laper bilan hamroh bo`lgan talabalarga munosabat bilan olimga bo`lgan munosabat o`rtasida deyarli farq sezilmadi. Sayohat tugagach, Laper o`sha barcha mehmonxona egalariga minnadorlik xati yozib, yana o`sha talabalar bilan borsa, yana o`shanday iliq kutib olishlari mumkinligini so`radi. Javob faqat 128 ta mehmonxona egalaridan keldi, ularning bittasi ijobiy javob, 58 da rad javobi, qolganlarida turlicha formalarida noaniq javoblar olindi. Bundan Laper shunday xulosaga keldi: demak, xitoy millatiga mansub shaxslarga nisbatan ustanovka bilan mexmonxona egalarining real xulq-atvorlari o`rtasida farq bo`lib, aslida ustanovka salbiy ekanligi, vaziyatga qarab esa, u boshqacha-ijobiy namoyon bo`lganligi aniqlandi. Ijtimoiy ustanovkalarga xos bo`lgan umumiy qonuniyatlardan yana biri uning uzoq muddatli xotira bilan bog`liqligidir. Ayni vaziyatga shakllangan obrazlar uzoq muddatli xotirada saqlanib, u yoki bu vaziyatda aktuallashadi, ya’ni "jonlanadi". Masalan, ba’zi bir etnik steriotiplar ana shunday xotira obrazlaridandir. Demak, ijtimoiy ustanovka ob’ektga hamda konkret vaziyatga bog`liqdir. Shakllangan ijtimoiy ustanovkaning hayot mobaynida o`zgarishi mumkinligi muhim ijtimoiy psixologik ahamiyatga egadir. Amerikalik olim Xovlant fikricha, ijtimoiy ustanovka o`rgatish yo`li bilan o`zgarishi mumkin. Ya’ni o`quvchilardagi turli ustanovkalarni o`zgartirish uchun rag`batlantirish yoki jazolash sistemasini o`zgartirish lozimdir. Shaxs tiplari va ularning ijtimoiy psixologik xarakteristikasi. Psixologlarning fikricha, (G.Asmolov, P.Shixerev, V.A.Yadov, P.Nadirashvili va boshqalar) ijtimoiy ustanovkalarni o’zgartirish uchun shu ustanovkaning sababi bo’lgan vaziyat yoki faoliyatning maqsadi va motivini o’zgartirish shartdir. Shu narsa shaxsning aktiv ongli faoliyatida sodir bo’ladi.

Shunday qilib, shaxs ijtimoiylashuv jarayonida turli ustanovkalarini ro’yobga chiqarish sharoitida faollik ko’rsatadi. Shunday faollikning natijalarini biz uning ijtimoiy-psixologik sifatlarida ko’ramiz. Ya’ni, aktiv birgalikdagi faoliyat, o’zaro muloqot jarayonida shaxsning ijtimoiy-psixologik fazilatlari shakllanadi. Shuning uchun ham barcha sifatlar faoliyatda namoyon bo’ladigan hamda muloqotda ko’rinadigan sifatlar guruhiga bo’linadi. Masalan, tashqi muhit bilan faol munosabat perseptiv himoya sifatlari, ya’ni o’ziga xavf soluvchi yoki solishi mumkin bo’lgan ijtimoiy ta’sirlardan himoya qiluvchi xususiyatlar shakllanadi. Bu sifatlarni ba’zi mualliflar perseptiv qobiliyatlar (V.A.Labunskaya) deb atasalar, boshqalari ''ijtimoiy ta’sirlarga hissiy javob berish qobiliyati" (A.Bodalev), ''kuzatuvchanlik",''ziyraklik" (Yu.Jukov) va hokazo deb atashgan. Boshqa sifatlar ''muloqotda namoyon bo’luvchi sifatlar"dir. Ular turli ijtimoiy kutishlar sistemasi bilan bog’liq bo’lib, shaxsning turli sharoitlarda to’g’ri muloqotga kirishish imkoniyatinp beradi. Bundan tashqari, har bir shaxsda o’ziga xos tarzda dunyoni, odamlarni idrok qilish va tushunish qobiliyati borki, ular muloqot jarayonida kamroq xatolarga yo’l qo’yishini ta’minlaydi. Masalan, bosiqlik, mulohazalilik o’zgalarning ichki dunyosini gaplari, hatti-harakatlariga qarab bilish qobiliyati va boshqalar shular jumlasidandnr. Shu fazilatlarni qanchalik namoyon eta olishiga qarab shaxs tiplari farqlanadi. Ekstrovert va introvert toifali shaxslar

Ekstrovert — o’ta muloqotga kirishuvchan, o’zini odamlar guruhisiz tasavvur qila olmaydigan shaxsdir. Uning uchun muloqot haqiqiy ehtiyojidir, boshqalarning uni tushunish- tushunmasliklaridan qati nazar, u doimo o’z fikr-istaklarini o’rtoqlashgisi keladi. Ekstrovert uchun konkret kim bilandir muloqotda bo’lish emas, umuman kim bilan bo’lsa ham muloqotda bo’lish xohishi muhim. Shuning uchun ham u umuman begona odam bilan gaplashib, kirishib keta oladi. Gaplashgisi kelmagan begonaning psixologiyasini tushunishi qiyin ("Qanday qilib gaplashishni hohlamaslik mumkin?", — deb o`ylaydi u). Ekstrovertning qiziqishlari ham tez-tez o’zgarib turadi, do’stlari, o’rtoqlarini ham almashtirib turishga intiladi. Bundan tashqari, u o’ta qirishuvchan bo’lganligi uchun ham har qanday sharoitda vaziyatdan chiqish usullari to’g’risida tez xulosaga keladi, o’ta qiziquvchan, dunyoda bo’layotgan hodisalar, ''mish-mishlar"ni bilish uning uchun zarur. Ekstrovert kek saqlamaydi, bugun urushgan odami bilan ertaga hech narsa bo’lmaganday apoq-chapoq bo’lib ketishi mumkin. Introvert esa ekstrovertning teskarisi. U ko’proq ichki dialog formasidagi muloqotni afzal ko’radi, ya’ni yolg’izlikda mulohaza yuritish, o’zi haqida o’ylash va shunga o’xshaganlar uning uchun asosiy ishdir. Shuning uchun ham unda muloqotga ustanovka juda sust, odamlarning uni tushunmay qolishlaridan doimo xavotirda bo’ladi. Introvert kitoblar olami, falsafiy fikrlashlar qulidir, chunki u odamlar guruhida sodir bo’lib turadigan ziddiyatlardan cho’chiydi, o’zini olib qochadi. Agar muloqotda bo’ladigan bo’lsa, 2—3 kishidan ortiq bo’lmagan guruhni afzal ko’radi. Shunda ham har kuni emas, ba’zan-ba’zan uchrashib turish, gaplashganda ham ''shaxsiy" mavzularda emas, umumiy gaplar haqida suhbatlashishni yaxshi ko’radi. Chunki u ekstrovertdan farq qilib, o’z ''Men"ining boshqalarga o’xshamasligini doimo esda tutadi. Introvert doimiy standartlar, belgilangan normalar olamida yashaydi, qiziqqan narsasi bilan umrini oxirigacha bo’lsa ham shug’ullanishga tayyor, umr yo’ldoshiga sodiq, vafodor. Do’stlarga ham xuddi shunday. Mobil va rigid toifali shaxslar Bu shaxs tiplari muloqotga kirishish me’zoniga ko’ra farqlanadi. Masalan, mobil tip har qanday ish bilan mashg’ul bo’lgan sharoitda juda tez muloqotga kirishadi, lekin boshqa narsalarga ham diqqatini ko’chirishi mumkin. U tez gapiradi, doimo shoshadi, yuz ifodalari ham tez o’zgaradi. Suhbat mavzusini ham tez-tez o’zgartirib turishga moyil. Gaplashib ketishi qanchalik oson bo’lsa, gapni tugatib, xayrlashib ketishi ham oson. Suhbat tugagandan keyin qolgan ishini davom ettirib ketaveradi. Rigid suhbatdosh esa uning aksi. Bunday shaxs qatiyatli, dadil bo’lsa ham, bir faoliyat turidan ikkinchisiga ko’chishi juda qiyin, u ma’lum muddatni talab qiladi. Chunki u o’ylamasdan

tavakkal ish qila olmaydi. Masalan, u xat yozayotgan paytda kirib qolsaniz, to biror bo’lagiga nuqta quymaguncha sizga qaramaydi. Qaragandan keyin esa, tezgina suhbatga kirisha olmaydi. Rigid shaxs juda yaxshi suhbatdosh. Mobil tipdagi suhbatdosh bilan gaplashayotganda u tez-tez gapni bo’lib, suhbatdoshga tashabbusni bergisi kelmaydi, rigid esa juda diqqat bilan tinglaydi. Lekin o’zi gapirganda, sekin, mantiqan to’g’ri gapirishni yaxshi ko’radi, gapini bo’lishlarnni sira istamaydi. Agar suhbatni bo’lsangiz, keyingi safar siz bilan gaplashmay qo’ya qolishni afzal ko’radi. Agar u bilan urishib qolsangiz, ancha vaqtgacha uning jaxli chiqmaydi, sizni oxirigacha eshitib, sekin javob beradi, undagi ranjish, jaxl chiqishi odatda siz ketgandan keyin keladi. Agar uning suhbatdoshi toqatsiz odam bo’lsa, ikkalasining chiqishishi qiyin, chunki u uzoqdan kelib tushuntirishni yaxshi ko’radi. Demak bu tiplar ham har xil, har birida ham yaxshi, ham yomon sifatlar bor. Dominant va tobe toifali shaxslar Dominant tip muloqot jarayonida sira ham boshqalardan past kelishni xohlamaydi, savol berilsa, xohlasa javob beradi, bo’lmasa, indamasligi ham mumkin. U doimo suhbatdoshga ta’sir ko’rsatishi, uning bo’ysunishini xohlaydi. Unda egoizm hissi kuchli, o’zi xato fikr yuritsa, xatoligini suhbatdosh sezsa ham uni bo’yniga olmaydi. Dominant tip — qatiyatli. Suhbat davomida u sizning fikringizni yarim yo’lda tushunsa, sizni oxirigacha tinglashni istamaydi, gapni bo’lib, mayinlik bilan gapni tugatib qo’yishi mumkin. Agar ikkala suhbatdosh ham dominant bo’lishsa, unda ular o’rtasida osongina raqobat hissi yuzaga chiqishi, kelishmay qolishlari mumkin. Shuning uchun janjallashib qolmaslik uchun dominant shaxsning mustaqilligi, dadilligiga ko’nish, unga o’z nuqtai nazarini oxirigacha bayon etish imkoniyatini berish lozim. Tobe tipli shaxs esa suhbatdoshning qarashlariga moslashadi, doimo yon berishga tayyor, shuning uchun u kam janjallashadi, lekin yomon ko’rib qolgan odami bilan umuman gaplashmaydi. Suhbat sharoitidagina u asta-sekin o’zining dadilligini ko’rsatishi, ochiq gaplashishi, ba’zan e’tirozlar bildirishi mumkin. Tobe shaxsli bolalarni rag’batlantirish maqsadga muvofiqdir, shuning uchun ham ularni maqtab turish, gapirayotganda ko’zlar, yuz ifodalari bilan ularni ruhan qo’llab turish kerak. Biror qarorga kelish kerak bo’lib qolsa, bu shaxs qarorni yaxshisi siz qabul qilishingizni xohlaydi, chunki javobgarlikni bo’yniga olishni istamaydi.

Adabiyotlar. 1. Andreyeva G.N. Sotsialnaya psixologiya. M. 1980. 2. Karimova V.M. Psixologiya. Ma’ruzalar matni. T. 2000. 3. Nemova R.S. Psixologiya 3 tomlik. 1-kitob. 4. Psixologicheskiye issledovaniya sotsialnogo razvitiya lichnosti. M. 1991. 5. Petrovskiy A.V. Sotsialnaya psixologiya. M. 1987 6. www.ziyonet.uz

Похожие

Shaxslararo munosabatlar tizimida muomalaning o‘rni

Shaxslararo munosabatlar psixodiagnostikasi

Guruxiy jarayonlarda shaxslararo munosabatlar

Oilada shaxslararo munosabatlar va muloqot

Oilada shaxslararo munosabatlar va muloqot psixologiyasi