Nutq va muloqot - Психология - Рефераты

Nutq va muloqot

Загружено в:

20.09.2019

Скачано:

0

Размер:

68 KB

Nutq va muloqot Reja: 1. Til va nutq faoliyati haqida tushuncha. 2. Tilning funktsiyalari. 3. Nutq faoliyati haqida tushuncha. 4. Nutq faoliyatining turlari. 5. Shaxs muomala jarayonida (tranzakt psixologiyasi)

Tayanch iboralar: Til, nutq va muomala haqida tushuncha. Muomalaning kommunikativ, interaktiv, pertseptiv jihatlari. Pedagogik muomala. Muomala va til. Nutq. Nutq mexanizmlari. Verbal va noverbal kommunikatsiya vositalari. Pedagogik muomalaning psixologik jihatlari. Muomala jarayonida yuzaga keladigan nizolar. Muomala jarayonida kishilarning bir-birini tushunishi va idrok qilishi mexanizmlari. TIL VA NUTQ FAOLIYATI HAQIDA TUSHUNCHA Ma`lumki hayvonlar olamidagi aks ettirish shakllari, ularning "tillari" ijtimoiy tajribani uzatish va bu tajribani keyingi avlod tomonidan o`zlashtirish imkonini bermaydi. Shaxsning rivojlanishi, uning ongining shakllanishi, uning individual tajribasi umuminsoniy tajriba bilan uzviy bog`liq. Kishilarda tilning mavjudligi tufayli ular ijtimoiy tajribani uzatadilar va o`zlashtiradilar. Tilning o`zi nima? Umumiy qilib ta`rif berganda, TIL BELGILAR TIZIMIDAN IBORATdir. Belgi - voqelikning istagan elementlarini qandaydir aks ettirish, uni shartli ravishda belgilashdir. Masalan, avtomobil’ haydayotib, yo`limizda uchraydigan kucha harakati belgilariga bog`liq holda o`zimizni har xil holda tutamiz. Bundan ko`rinib turibdiki belgi ma`lum jihatdan qurolga o`xshaydi. Faqat qurol bizning amaliy mehnat faoliyatimizga vositachilik qiladi, belgi esa bizning nazariy va intellektual faoliyatimiz, yuksak psixik funktsiyalarimiz (idrok, tafakkur va h.k.) vositasidir. So`zning belgi sifatidagi asosiy xususiyati uning mazmuni, ma`nosidir. "Stul" so`zining ma`nosi shu predmetning barcha ijtimoiy muhim belgilarini, xususiyatlarini (turkumi, vazifasi kabi) o`zida aks ettiradi. TILNING VAZIFALARI Tilning eng muhim funktsiyalaridan biri - til IJTIMOIY-TARIXIY TAJRIBANI BERISh VA O`ZLAShTIRISh vositasidir. Har bir kishining hatti- harakati va faoliyati kishilikning ijtimoiy-tarixiy tajribasi bilan bog`liq holda rivojlanadi. Kichkina bola dunyoni mustaqil suratda bilib olmaydi. U bilimlarning bir qismini ota-onalaridan surab, savollar berib o`zlashtiradi. Boshqa bir qismini o`zaro munosabatlarda, asosan, til yordamida o`zlashtiradi. Yana bir qism bilimlarni maktabda, pedagoglardan o`rganadi (til yordamida). Bilimlarning

anchagina qismini kitoblardan o`qib o`rganadi (yana til yordamida). Bu tilning KOMMUNIKASIYA funktsiyasidir. Tilning ikkinchi vazifasi (funktsiyasi) - til INTERAKSIYA vositasidir. Ma`lumki kishining hatti-harakatlari va faoliyati, ko`pincha, ijtimoiy qimmatga ega bo`lmangan o`zga kishilarning bevosita tajribalari bilan ham belgilanadi. Agar biror kishi boshqasiga magazin yoki oshxonaning ishlamayotganligi haqida xabar bersa u o`z hatti-harakatini o`zgartiradi. Boshqa magazin yoki oshxonaga borishi mumkin. Bu erda til yordamida berilayotgan informatsiya kishining hatti- harakatini boshqarmoqda. Bu tilning interaktsiya yoki kishining hatti-harakatini boshqarish vositasi sifatidagi funktsiyasidir. Tilning uchinchi vazifasi (funktsiyasi) kishining o`z tajribasi, va ijtimoiy tajriba asosida o`z hatti-harakatlarini boshqarishi bilan bog`liq. Odam biror muammoli vaziyatlarda o`z tajribasigagina asoslanib qolmay, boshqa kishilarning tajribalariga, umuman jamiyat tajribasidan ham foydalanadi. Ana shunday vazifalarni o`z oldiga quyish va hal qilish jarayoni INTELLEKTUAL AKT (harakat) deb ataladi. Intellektual harakat uch bosqichdan iborat bo`ladi: faoliyatni REJALASHTIRISH, uni AMALGA OSHIRISH, maqsad bilan SOLISHTIRIB ko`rish. Odamning individual harakatlari, asosan, mana shunday intellektual aktlardan tashqil topgan bo`ladi. Bu erda avvalombor odamlarning REJALASHTIRA OLISH qobiliyati yuzaga chiqmoqda. Bunday rejalashtirish va umuman fikriy masalalarni hal qilishning asosiy quroli TILdir. Bu erda til intellektual faoliyatning (idrok, xotira, tafakkur, xayol) quroli sifatidagi vazifasi bilan to`qnash keldik. NUTQ FAOLIYATI HAQIDA TUSHUNCHA Nutq faoliyati - odam tomonidan ijtimoiy-tarixiy tajribani o`zlashtirish va avlodlarga uzatish yoki kommunikatsiya o`rnatish, o`z harakatlarini rejalashtirishda tildan foydalanish jarayonidir. Nutq faoliyatining yo`nalishi har xil bo`lishi mumkin: - yangi informatsiyani berish, yangi bilimlarni berish;

- aqliy masalani echish. Til aloqa vositasi yoki quroli, nutq faoliyati esa aloqa jarayonining o`zidir. Psixologiya nutqni o`rganar ekan, har turli sharoitlarda, har xil muammoli vaziyatlarda tildan foydalanish xususiyatlarini aniqlaydi, inson hatti-harakatini rejalashtirishda tilning rolini o`rganadi, bolalarda aloqa (kommunikatsiya) jaryonining tarkib topish yo`llarini va shu kabilarni tahlil qiladi. NUTQ FAOLIYATINING TURLARI Nutq faoliyatini turli belgilar asosida klassifikatsiya qilish mumkin. 1. Nutqning psixofiziologik mexanizmi bilan bog`liq bo`lgan murakkablik darajasiga ko`ra: xoroviy nutq; exologik (oddiy takrorlash) nutqi; atash nutqi; kommunikativ nutq. Nutq faoliyatida rejalashtirishning (programmalashtirishning) roli bo`yicha: faol nutq; reaktiv nutq. Nutqning ixtiyoriyligi bo`yicha: ixtiyoriy; beixtiyor (impul’siv) nutq Nutqning eksteriorizatsiyalashgan yoki interiorizatsiyalashganligiga ko`ra: tashqi nutq; ichki nutq Yuqorida ko`rsatilganlardan bir nechatasiga to`xtalib o`tamiz. Ixtiyoriy va ma`lum darajada faol nutq ko`p hollarda MONOLOGIK, reaktiv nutq esa DIALOGIK nutq deb ataladi. MONOLOGIK NUTQ Monologik nutq ma`lum darajada nutqning batafsil turi hisoblanadi. Chunki monologik nutqda biz barcha ma`lumotlarni iloji boricha to`liq berishga, notanish vaziyat va holatlarni tinglovchi tushunishi uchun batafsil tasvirlab berishga majburmiz.

Monologik nutq - nutqning faol, ixtiyoriy turlaridan biridir. Monologik nutqni amalga oshirish uchun gapirayotgan odam qandaydir nutq mazmuniga ega bo`lishi, shu mazmun asosida o`z nutqiy mulohazasini izchil ravishda qura bilishi lozim. Boshqacha qilib aytganda notiq o`z nutqini (gaplarnigina emas) avvaldan bir butun holda oldindan rejalashtiradi (programmalashtiradi). Monologik nutq qiyin, murakkab bo`lganligi sababli uni maxsus ravishda tarbiyalash, shakllantirish talab qilinadi. Masalan kichik bola yoki o`rganmagan kishiga o`z fikrini batafsil, monolog sifatida bayon qilish qanchalik qiyinligini barchamiz bilamiz. Shu sababli maktablarda, boshqa tipdagi o`quv yurtlarida monologik nutqni o`stirishga alohida e`tibor berish lozim. Ayniqsa o`qituvchi uchun "tili to`mtoq" bo`lishdan yomonroq, pedagogikaga zidroq narsa yo`q. Nutqning bu turini rivojlantirish uchun turli bahslar, ma`ruzalar bilan chiqishlar, treninglar o`tkazish lozim. DIALOGIK NUTQ Nutqning bu turi vaziyatga qarab yuzaga chiqadi va kontekstual (shu vaziyatdan, oldingi aytilgan fikrning mazmuni va shakllaridan kelib chiqiladi) xarakterga egadir. Dialogik nutqning xarateristikasi monologik nutqning xarakteristikasiga qarama-qarshidir. Birinchidan, dialogik nutqda suhbatdoshlarga ma`lum bo`lgan ayrim suzlar tushirib qoldiriladi. Shu sababli yozib olingan dialogik nutq o`zgalar uchun ko`pincha tushunarsiz bo`ladi. Ikkinchidan, dialogik nutq ixtiyorsiz, REAKTIV nutqdir. Dialogik nutq ko`pincha biror fikrga, lukmaga, hatto nutq bilan bog`liq bo`lmagan stimullarga javob tariqasida (qo`lini eshik qisib olgan kishi - "Ox, qurib ketsin!" deydi) yuzaga keladi. Uchunchidan, dialogik nutq nihoyat darajada OZ TARTIBLIDIR. Dialogik nutq davomida luqma tashlash odatda oldindan rejalashtirilmaydi. Agar dialogik nutq jaryonida rejalashtirishga to`g`ri kelsa ham bu oddiy rejalashtirish bo`ladi. Chunki, biz yuqorida ko`rsatib o`tganimizdek dialogik nutq kontekstga bog`liq

ravishda boshqariladi. Ko`p hollarda u guyoki o`z-o`zidan "oqib" kelaveradi. Dialogik nutqda qo`llanilaverib odat bo`lib qolgan so`zlar va SO`Z birikmalari ("rahmat", "yaxshi", "marhamat") juda ko`p qo`llaniladi. ICHKI NUTQ Ichki nutq nutq faoliyatining alohida xili hisoblanadi. Ko`pincha ichki nutq amaliy va nazariy faoliyatni rejalashtirish fazasida vosita sifatida nomoyon bo`ladi. Agar biz biron-bir qiyin masalani echayotgan bo`lsak uni o`z-o`zimiz bilan maslahat (muhokama) qilib olamiz. Tabiyki ichki nutq chala-yarim, uzuq-yuluq - ya`ni fragmentar xarakterga ega bo`ladi. Sababi biz o`z fikrimizni, nima haqida o`ylab nima haqida "gapirayotganimizni" o`zimiz juda yaxshi tushunamiz. Ikkinchi tomondan, ichki nutqda biron vaziyatni idrok qilish paytida anglashilmovchilik bo`lmaydi. Ichki nutq xaddan tashqari sharoitga bog`liqdir. Ichki nutqni artikulyatsiya a`zolarining harakatlarini (lablar, tilning harakatlari) qayd qilish yo`li bilan tekshirish mumkin. Ammo bu holda ichki nutqning mantikiy jihatdan oxirigacha olib boilmaydigan, real ovoz chiqarishgacha etkazilmaydigan talaffuz qilish harakatlarigina o`rganiladi. YOZMA NUTQ YOzma nutq monologik nutqka juda yaqin turadi. Shu sababli ba`zi qo`llanmalarda uni monologik nutqning turi ham deb ko`rsatishadi. Monologik nutqning barcha xususiyatlari yozma nutqqa ham xosdir. YOzma nutq ogzaki monologik nutqka nisbatan birmuncha batafsilrokdir. Chunki yozma nutq jarayonida suhbatdoshdan keluvchi teskari aloqaning bo`lmasligi. Bizdan suhbatdoshimiz biror narsani so`ray olmaydi, tushungan yoki tushunmaganini izhor qila olmaydi. Shu sababli hamma narsani batafsil, oldindan tushuntirishga, izhor qilishga harakat qilamiz. Bu jihatdan yozma nutq og`zaki nutqqa nisbatan nihoyatda murakkab. Yozma nutqni o`zlashtirish va uni tushunish uchun maxsus tartibda ta`lim olmoq zarur. Yozma nutq, o`z mohiyati jihatdan, nutqning eng ixtiyoriy turidir. Agar biz bayon qilmoqchi bo`lgan fikr o`ylaganimizdek chiqmasa biz uni yana boshdan boshlaymiz. Yozma nutq ham turli darajada va shaklda bo`lishi mumkin. Kimdir

yozma nutq davomida og`zaki nutqqa suyanadi o`zicha gapirib turadi), kimdadir yozma nutq to`liq ichki planga to`liq o`tgan. U shunchalik o`rganganki, tashqi nutqqa suyanmaydi, guyoki "o`ylamaydi", gaplar o`z-o`zidan quyilib kelaveradi. Yozma nutqning natijalari ham doimo ko`zga tashlanib turadi. Shu sababli tartibli nutqqa o`rgatishni yozma nutqdan boshlash kerak. Shaxs muomola jarayonida (tranzakt psixologiya) Keyingi yillarda psixologiya fanida va hayotda kishilar orasidagi muomala jarayonini o`rganish va boshqarishga qiziqish kupaymoqda. Ko`pchilik psixologik tadqiqotlar shuni ko`rsatadiki, agar kishi o`zining xulq atvori va boshqalar bilan muomalasi ostida yotgan qonuniyatlar va tamoyillarni bilsa u hayotga munosabatini, boshqalarga bo`lgan munosabatini keskin o`zgartirish imkoniyatiga ega bo`ladi. «Muomala» psixologik kategoriya sifatida juda ko`p o`rganilgan bo`lishiga qaramay, uni o`rganish davom etmoqda. Bu muomalaning muhimligi va ko`p qirraliligi bilan tushuntiriladi. Biz keyingi yillarda g`arbda juda ommalashgan «Tranzakt psixologiya» nomoyondalari tomonidan taklif qilingan fikrlar bilan tanishtirmoqchimiz. Bular orasidan keng ommaga (rus va ingliz tillarida) tanish bo`lgan e.Bern («Igri, v kotorie igrayut lyudi»), T.Xarris («YA-O’key-Ti- O’key») va M.Djeyms, D.Djondjeval («Rodit’sya, chtobi pobedit’») asarlarini ko`rsatib o`tish mumkin. Tranzakt psixologiyasi tarafdorlarining fikriga ko`ra kishilar muomala jarayonida o`zlari anglagan yoki anglamagan holda o`z hamfikrlarining fikrini, hatti-harakatini boshqarish, o`zgartirishga intiladilar. Masalan, Perlzning fikricha muomala jarayonida kimdir asosiy, boshqaruvchi, vaziyatni nazorat qiluvchi, ikkinchisi esa unga buysinuvchi bo`ladi. Birinchisi ko`rsatadi, ikkinchisi bajaradi. M.Djeyms , D.Djondjevallar esa muomala jarayonida «Ta`qib qiluvchi», «Ta`qiblanuvchi», «YOrdamchi» rollarida bo`ladilar deb ko`rsatadilar. «Ta`qib qiluvchi» - boshqalarning hatti-harakatlarini, faoliyatini boshqarishga, qandaydir cheklashlar, chegaralar o`rnatishga harakat qiladi, ta`qiqlaydi.

«Ta`qiblanuvchi» - unga qilgan ishi uchun, o`zini to`tishi uchun va h.k. uchun «Ta`qib qiluvchi» unga tanbeh beradi, nimanidir unga ta`qiqlaydi. Ko`pincha ular o`zini boshqalar nazarida qiynalayotgandek ko`rsatishga urinadilar. «YOrdamchi» - ko`pincha «Ta`qiblanuvchi»ga yordam berishga intiluvchi yoki o`zini shunday ko`rsatishga harakat qiluvchi shaxs. Eng ko`p tarqalgan nazariyalardan biri e.Bern nazariyasidir. e.Bern muomala jarayonidagi pozitsiyasiga ko`ra kishilar «Ota-ona»(ko`proq «qaynona» tushunchasi mos keladi), «Katta kishi» va «Bola» rollarini o`ynaydilar deb ko`rsatadi. E.Bern ajratgan rollarni quyida jadval ko`rinishida aks ettiramiz: Ota-ona Katta kishi Bola Ishlatadigan ibora va so`zlar Hamma biladiki……. Sen hech qachon……….. Sen doimo………….. Hayronman……… … Qanday? Nima? Qaerda? Nima uchun? Ehtimol……….. Bo`lishi mumkin…… Men sizdan xafa….! Juda ajoyib, zo`r! Qoyil! Dahshat! Rasvo! Intonatsiyasi Ayblovchi, go`yoki kechi-ruvchi, tanqidiy, ogoh lantiruvchi Reallik bilan bog`liq Juda hissiy Holati YUqoridan keluvchi, Doimo u haq, u doimo o`zini to`g`ri tuta- digandek Diqqat bilan eshi- tishga, so`rab- surishti- rishga tayyordek Biroz beso`naqay, o`yinqaroqroq, ezilgan, azobga qolgan

Mimikasi Qoshlari chimirilgan, qovoqlari uyulgan, norozilik, qayg`urish Diqqat-e`tiborlilik, teran fikrlilik Hayratlanish, qoyil qolish, ezilish Gavda holati Qo`llar belda, ko`rsatgich barmoq ochiq, qo`llar ko`krakda qovushgan Hamsuhbatga engashgan, unga diqqat bilan qaragan Spontan harakatchan-lik (mushtumini tugadi, barmoqlarini ezadi, tug`masini «o`ynaydi» E.Bern har bir muomalada ishtirok qilayotgan kishining hatti-harakatini, pozitsiyasini yuqoridagilardan kelib chiqib baholashni taklif qiladi.

Adabiyotlar ro`yxati 1. G`oziev E. Oliy maktab psixologiyasi. T. 1997 2. G`oziev E. Psixologiya. T. 1994. 3. Gamezo M. V., Domashenko I. A. Atlas po psixologii. - M.,1986 4. Chaldini R. Psixologiya vliyaniya. - M., 1999 5. Dyui D. Psixologiya i pedagogika mishleniya. - M., 1998 6. Emelyanov Yu. N. Aktivnoe sosialno-psixologicheskoe obuchenie. - L., 1985 7. Gippenreyter Yu. B. Vvedenie v obshuyu psixologiyu. Kurs leksiy. - M., 1996 8. Granovskaya R. M. Elementi prakticheskoy psixologii. SPb, 1997 9. Karimova V. M. "Ijtimoiy psixologiya asoslari". - T., 1994 10. Karimova V. M. Auditoriyada bahs-munozarali darslarni tashkil etishning psixologik texnikasi. - T., 2000 11. Karimova V. M. Psixologiya. - T., 2002 12. Karimova V. M., Akramova F. Psixologiya. Ma’ruzalar matni - T., 2000 13. Luriya A. R. Yazik i mishlenie - M., 1979 14. Nemov R. S. Psixologiya M. 1990 15. Prikladnaya sosialnaya psixologiya. Uchebnoe posobie. - M.,1998 16. Psixologiya. Uchebnik. - Pod red. A. Krilova - M., 1998 17. Rubinshteyn S. L. Osnovi obshey psixologii. - M., 1998 18. www.ziyonet.uz

Похожие

Nutq va muloqot

Faoliyat va muloqot

Muloqot

Muloqot psixologiyasi

Muloqot psixologiyasi