Jamoatchilik fikri va axborot xavfsizligi - Психология - Рефераты

Jamoatchilik fikri va axborot xavfsizligi

Загружено в:

20.09.2019

Скачано:

0

Размер:

52 KB

www.arxiv.uz Reja: 1. Jamoatchilik fikrini o`rganishning ahamiyati. 2. Jamoatchilik fikri va uning jamiyat ijtimoiy hayotidagi o`rni. 3. Jamoatchilik fikrini o`rganish va ijtimoiy fikrni shakllantirish mexanizmi.

www.arxiv.uz Axborot xavfsizligini ta`minlash masalasi bugungi kunda favqulodda muhim ahmiyatga egadir. Axborot xavfsizligini samarali ta`minlash esa jamoatchilik fikri fenonemini chuqur anglashni taqozo etadi . Jamoatchilik fikrini o`rganish ehtiyoji esa bir tomondan, davlat va jamiyat tuzilmalarining demokratiya tamoyillariga nechog`li asoslanishiga, ikkinchi tomonda esa mavjud empirik manbalarni ilmiy analitik mushoxadalash, nazariy qayta ishlash, sentizlash holatlariga bevosita bog`liq, holda shakllanadi. Ana shu ikki jixatlardan biror biri bo`lmasa jamoatchilik fikrini o`rganish ham uni demokratik uslublarda shakllantirish ham samarali kechmaydi. Jamoatchilik fikri ijtimoiy ongdan ham davlat yoxud tuzumning direktiv qarashlaridan ham, yoki aloxida shaxs fikr-qarashlaridan ham farq qiladi. Jamoatchilik fikri ijtimoiy ongning hosilasi, jamiyat turli tabaqalarining fikr-qarashlari, munosabatlarining real va umumlashma ifodasidir. Jamoatchilik fikri muayyan ijtimoiy-siyosiyholat, turmush tarzi, iqtisodiy o`zgarishlar hususida umumiy yoki bir necha xil munosabatlarga, mavjud xolatlarning kelib chiqish sabablari, xarakatlantiruvchi kuchlari, muammoning yechimiga xilof bo`layotgan omillar borasida esa mutlaqo qarama-qarshi hamda o`zgaruvchan qarashlarga ega bo`ladi.Jamoatchilik fikrining tez o`zgaruvchan tabiati ham uni ijtimoiy ongning faol qismi sifatida xarakterlaydi. Ayni chog`da, jamoatchilik fikrining o`zgaruvchanlik tabiatiga ta`sir o`tkazish uni muayyan me`yorlarda ushlab tura olish hamda maqsadli shakllantirish davlat, jamiyat xavfsizligi va barqarorligini ta`minlash kafolati ham sanaladi. Mamlakatda amalga oshirilayotgan barcha islohotlar, maqsadli ijtimoiy o`zgarishlar, yangilanishlar jarayoni jamoatchilik fikrida namoyon bo`ladi. Shu boisdan, jamoatchilik fikrini xaotik asoslarda, yoxud inersion tarzda shakllanishiga yo`l qo`yish kutilmagan natijalarga olib kelishi mumkin.Tarixda sobiq sho`rolar hukumatining so`ngi ledirlari tomonidan amalga oshirmoqchi bo`lgan qator loyixalar, ijtimoiy o`zgarishlar isloxotining inqirozga yuz tutganligi fikrimizning dalili bo`la oladi.(masalan, qayta qurish dasturini amalga oshirish orqali sobiq siyosiy tuzim asoslarini mustaxkamlashga urinish, Sibir daryolarni

www.arxiv.uz burish, anglangan extiyojlarini shakllantirish, alkogolizmga qarshi kurash xarakatlari va h,k) Shu boisdan ham, isloxotlarni amalga oshirish jarayonlarini jamoatchilik fikrida qanday namoyon bo`layotganligi, uni qanday shakllantirish, ommani yangilanishlar ruxida tarbiyalash va eng muxim jixatlardan biri bo`lgan axborot xavfsizligini ta`minlash masalalari yurtboshimizning diqqat-e`tiborida bo`lib kelayotganligi bejiz emas. Yaqin o`tmishimizdan ma`lumki, sho`rolar davrida jamoatchilik fikriga xukumatning hech qanday e`tirozlarga o`rin qoldirmaydigan direktiv ko`rsatmalari, maxsus siyosiy-nazariy yo`nalishlar orqali uzluksiz ravishda ta`sir o`tkazilib kelinar edi. Buning uchun esa o`ziga xos ikki bosqichli ta`sir uslubi amalga oshirilar edi. Birinchi bosqichda vertikal ta`sir uslubi, ya`ni eng yuqoridan eng quyi bug`inlargacha davlat tomonidan rejalashtirilgan xukmron fikr tazyiqi tizimiy tartiblarda mukammal dasturlar asosida amalga oshirilsa, ikkinchi bosqichda gorizontal ta`sir uslublari ishga tushirilib, ishlab chiqarish korxonalari, ta`lim tizimi muassasalari, jamoat tashkilotlarida «buyurtma » qilingan siyosiy fikr ijtimoiy qatlamlar ongiga muntazam ravishda singdirilar edi.Ana shu mexanizmni harakatga keltirish uchun esa davlat tizimi markazlashgan partiya va turli xil tashabbus guruhlari niqobi ostida muntazam ravishda faoliyat yuritib kelar edi. Direktiv ko`rsatmalar ta`siri va tazyiqi ostida siyosiy va ma`naviy zabun bo`lgan o`z xarakterida tabiiy ravishda yalpi tazyiqdan himoya standartlarini shakllantirgan edi. Bugungi kunda ana shu uslubda, ya`ni jamoatchilik fikriga rejaviy tarzda bevosita ta`sir o`tkazish amaliyoti Xitoy, Shimoliy Koreya, Kuba, Iroq singari mamlakatlarda saqlanib turibdi. Ammo, rivojlangan G`arb va Sharq mamlakatlarida jamoatchilik fikrining bilvosita uslublari keng qo`llanilib kelmoqda.Bu uslub demokratiya tamoyillariga asoslangan bo`lib, asosan ommaviy axborot vositalari, reklama, norasmiy liderlar ta`siri, shou dasturlar va boshqa omillar vositasida amalga oshiraladi.

www.arxiv.uz Fuqaroviy jamiyatda insonning o`z saloxiyatlarini yuzaga chiqazish hamda o`z-o`zini himoyalash ehtiyoji uchun tabiiy ravishda muayyan ijtimoiy-siyosiy guruhlarga a`zo bo`lishi taqozo etiladi. Bu esa insonga o`zi a`zo bo`lgan jamiyat, partiya orqali tashqi voqelikka ijtimoiy ta`sir etish imkoniyatini ham yuzaga keltiradi.Rivojlangan mamlakatlarda jamoatchilik fikrini shakllantirishning umumiy (ommaviy axborot vositalari, televideniya, reklama, shou dasturlar) va gorizontal (jamoat tashkilotlar, oila, norasmiy liderlar, korxonalar, partiyalar) yo`nalishlari amal qilib keladi. Ayni vaqtda ta`kidlash joizki, axborot xavfsizligini ta`minlash niqobi ostida axborot xurujini globallashtirishga intilishdan iborat shovinistik xarakat ham avj olidirmoqda. Masalan, jamoatchilik fikrini boshqarish deb nomlanuvchi (Publice Relation) tizimi orqali Amerika Qo`shma Shtatlarida jamoatchilik fikrini maxsus shakllantirish borasida 200.000 kishidan ko`proq kishi doimiy faoliyat yuritib keladi. Birgina AQSH mudofaa vazirligi faoliyati targ`ib etish bo`yicha 15.000 mutaxassis ishlaydi. Xuddi shunday tizim Angliya, Fransiya, Italiyada ham mavjud bo`lib, bu mamlkatlarda berilayotgan axborotlarning ta`siri, ularning axolining turli qatlamlari orasida ijtimoiylashuvi ko`lamlarini o`rganishga ixtisoslashgan sotsiolog-psixolog shtatalari amal qilib keladi. Misol uchun, Reno zavodining, Parijdagi ilmiy loyixalash va modellashtirish markazi ( markazda 2,5 ming kishi faoliyat yuritadi) da 35 kishidan iborat sotsiolog va psixologlar guruhi doimiy ish olib boradi. Shunga o`xshash misollarni boshqa ko`plab yirik mamlakatlar axborot industriyasi ish tajribasi orqali ham ko`rsatish mumkin. Axborot intevensiyasining bugungi mohiyati totalitar tuzum davridagi davlat va xukmron partiyaning direktiv ko`rsatmalarini aholi ongiga tazyiqi singdirish uslubidan farq qiladi.Bugungi kunda axborot tazyiqi Asosan, bilvosita uslublar orqali, ya`ni, san`at va madaniyat , din, sanoat maxsulotlari, ta`lim tizimi orqali amalga oshirilmoqda. Axborot xurujlariga qarshi kurash jamoatchilik fikri sotsiologiyasi fanini rivojlantirshni taqozo etadi. O`zbekistonda istiqlol yillarining ilk davrlaridanoq jamoatchilik fikrini o`rganish va ana shu real ehtiyojlar asosida xaqlning ma`naviy sarchashmalri buloqini

www.arxiv.uz ochish, o`zligini namoyon etish imkoniyatlarini tiklash borasida muhim qadamlar quyildi. Birinchidan, ana shu ijtimoiy jarayonini ham nazariy ham amaliy o`rganishga mutasaddi bo`lgan sotsiologiya sohasining ilmiy-pedagogik asoslari tarkib toptirildi. O`nlab o`quv-uslubiy adabiyotlar, monografilar, ilmiy to`plamlar nashrdan chiqazildi. Ikkinchidan sotsiologiya fanining ilmiy-nazariy potensiali tarkib toptirildi. Hozirgi paytda Respublikamizda 3 ta sotsiologiya fanlari doktori va 6ta fan nomzodi faoliyat yuritmoqda. Uchinchidan, jamiyatning turli tabaqalari orasida ijtimoiy fikrni o`rganishga ixtisoslashgan professional nodavlatlar tizimi shakllanadi. Birgina “Ijtimoiy fikr” jamoatchilik fikrini o`rganish markazida o`tgan besh yil mobaynida 103 ta maxsus sotsiologik so`rovlar o`tkazilib 130 mingdan ziyodroq kishi tadqiqotlarga jalb etildi.Agar mamlakatimizdagi o`nlab ixtisoslashagan sotsiologik markazlar, tashkilotlarning mustaqil ravishda o`tkazuvchi so`rovlshariga yalpi jalb etilgan axoli soni taxmin etilsa, bu raqam bir necha yuz mingdan oshib ketadi. O`zbekistonda jamoatchilik fikrini yoyish orqali axborot xavfsizligini ta`minlash holatini umumiy baxolaydigan bo`lsak, bu jarayon bugungi kunda o`zining faol shakllanish bosqichida ekanligiga amin bo`lamiz. Xo`sh, shakllanish bosqichidan o`tish holatida qanday saboqlarga sotsiologiya fani o`z e`tiboroni qaratishi lozim? Birinchidan, axzborot xavfsizligini ta`minlash ishlarining tizimiy holatda emasligi, sotsiologi rilmaganligi ya`ni axborotga bo`lgan ijtimoiy extiyojlar negizida aniqlangan fikr-xulosalarning tegishli davlat va nodavlat tashkilotlarning amaliy xarakat dasturlariga joriy etilmasligi, ikkinchidan, tadqiqotlarning yetarli professional bilim va maxoratga ega bo`lmasdan o`tkazishning odatiy holga aylanganligi jiddiy muammolarlardan sanaladi.Misol uchun, mamlakatimizdagi jamoatchilik fikrini o`rganishga ixtisoslashgan «Ijtimoiy fikr» markazidan boshqa biror bir sotsiologik tadqiqot o`tkazuvchi tashkilotga sotsiologiya fani bo`yicha ixtisoslashagan, mutaxassis sotsiolog olimlar ishlamaydi. Uchinchidan, o`tkazilgan so`rov

www.arxiv.uz natijalari turli axborot vositalari, radio va televideniya orqali xalqqa yetkazilmasdan ommalashtirmay kelinmoqda. Buning oqibatida esa jamoatchilik fikrini o`rganish ishi ijtimoiy fikrni shakllantirishdan iborat provard maqsadga xizmat qilmay kelmoqda. Mamlakatimiz Prezidenti I.A.Karimov jamoatchilik fikri omiliga jiddiy e`tibor qaratib, mazkur soxaning fuqarolik jamiyatini barpo etish va jamiyatini barpo etish va jamiyatni erkinlashtirish borasida katta imkoniyatlari mavjudligini bir necha bor ta`kidlaganliklari bejiz emas. Ayniqsa, jamoatchilik fikrini maqsadli shakllantirish, axoli turli tabaqalari ongini ezgulik g`oyalari ruxida tarbiyalash, ma`naviyat, ma`rifat, odob-axloq tamoyillarini ustuvor mavqelarga ko`tarishda sotsiologiyaning ahamiyatiga bejiz urg`u berilmadi. Jamoatchilik fikri masalasida o`z qarashlaring ilgari surgan professor S.Jurayev mazkur masalaning benixoya muhimligini chuqur asoslab beradi. («Xalq so`zi»2002 yil, 19-Oktabr soni ) Ayni chog`da professor S.Jurayev “jamoatchilik fikrini o`rganishni davlat darajasida tashkil etish” taklifini ilgari suradi-ki, bizningcha bunday yondashuv baxsli hisoblanadi.Negaki, oshkoralik va demokratiya sharoitida jamoatchilik fikrini o`rganishni faqat davlat ma`sulligi doirasiga ko`chirilishi bu jarayonning erkinligini bo`lishi mumkin. Shu o`rinda davlatning o`rni qanday bo`ladi, degan haqli savol tug`ilishi tabiiydir.Davlat oshkoralik va demokratiya sharoitida fuqaroviy jamiyat erkinligini ta`minlash granti sifatida namoyon bo`ladi. Bu jarayonlarda davlatning ishtiroki faqat tashkiliy-xuquqiy, texnikaviy, moddiy sharoitlarni ta`minlashga ko`maklashish bilan chegaralanadi.Jamoatchilik fikrini o`rganish ishlarini esa nodavlat jamoat tashkilotlari, partiyalar, ilmiy muassasalar, sotsiologik markazlar bevosita, to`g`ridan-to`g`ri amalga oshirib boradilar. Xo`sh, bugungi kunda mamlakatimizda ijtimoiy fikrni maqsadli shakllantirish, axborot xavfsizligini ta`minlash borasida qanday potensiallarimiz mavjud? Hozirgi kunda Respublikamizda 507 ta gazeta va 157 ta jurnal ro`yxati olingan. Poytaxtimizda 5 ta telekanal 30dan ortiq taxririyat orqali ko`rsatuvlar tayyorlanmoqda. Viloyatlarda 10 ta telestudiya faoliyat yuritmoqda. Bundan

www.arxiv.uz tashqari, mamlakatimizning butun xududlari bilan to`la qamrab olingan. Yurtimizda 37 ta radio mahsulotlar tarqatuvchi markazlar kunu-tun ish olib bormoqda. Ayni chog`da O`zbekistonda o`rta va maxsus ta`lim tizimida 300 mingdan ortiqroq o`qituvchi pedagoglar 300 ziyodroq injenerlar hamda oliy ma`lumotli qishloq xo`jalik mutaxassislaridan iborat ziyolilar armiyasi mavjuddir. Shuningdek mamlakatimizda 12 ming kishidan iborat oliy va o`rta maxsus ma`lumotga ega bo`lgan madani-ma`rifiy soxa xodimlari faoliyat yuritmoqdalar. Barcha viloyat va tuman hokimliklari qoshida “Ma`naviy va ma`rifat” markazlari ishlab turibdi. Xo`sh, ana shunday potensialdan qanday foydalanmoqda.Taassufki, mazkur imkoniyatlardan foydalanish xolati talab darajasida emas. Masalan, Respublikadagi 6 ming klub va madaniyat uylari, 17 ming kutubxona, 320 ta madaniyat va istiroxat bog`larida ishlovchi o`n minglab malakali ziyolilar jamoatchilik fikrini shakllantirishga faol faol xizmat qilishlari kerak edi. Madaniyat vazirligi tasarrufidagi mazkur tashkilotlar, hamisha ham tumanlardagi ma`naviyat va ma`rifat markazlari bilan baqamti, uyg`un xakkorlikda faoliyat yuritmayotirlar. Shunday qilib jamoatchilik fikrini shakllantiruvchi ma`naviyat markazlarida mutaxassis kadrlar, sotsiologlar, bino, mablag` kam bo`lgani xolda yuzlab tumanlardagi madaniyat uylari, klublar aholi ongida muntazam shakllantirilishi zarur bo`lgan ma`naviy mahsulotni qayerdan olishni bilmaydilar. Joylardagi madaniy-ma`rifiy muassasalar faoliyati ommaga faqat san`at janrlarini targ`ib etish, yoshlarni badiiy xavaskorlik ishlariga jalb etish bilan cheklanib kelmoqda. Ma`lumki, klub muassasalri, televidiniye yoki gazetalardan farq qilib, konkret auditoriya, real aholi guruhlari o`rtasida bevosita ish olib borish imkoniyatlariga egadir. Aslida ular aholi bilan jonli, yuzma-yuz muloqatga kirishish, mafkuraviy ta`sir ko`rsatish imkoniyatlariga ko`ra boshqa ijtimoiy ta`sir omillaridan ustunroq mavqega egadirlar. Bu birinchi muammo. Ikkinchi katta muammo-bu o`rganilgan ijtimoiy voqelik, jarayonlar to`g`risidagi ijtimoiy fikrni

www.arxiv.uz operativ tarzda ommaviy axborot vositalari hamda televideniye orqali muntazam ravishda berib borilmasligidir. Sotsiologik tadqiqotlar vositasida o`rganilgan jamoatchilik fikrining daxlsizligi masalaning nechog`li muhimligini teran anglash va uni qadriyat darajasida baholash ham muximdir.Ma`lumki,televideniye yoki boshqa ommaviy axborot vositalari sotsiologik so`rov natijalaridan televideniye yoki gazeta manfaatlari yo`lidagina foydalanishga intiladilar.Jamiyatning holis fikri sifatida sotsiologik so`rov natijalari minbarlari tashkil etilmagan. Uchinchi muammo jamoatchilik fikrini shakllantirishda milliy mentalitet omilidan yetarli foydalanmay kelayotganimizdir. Ma`lumki, o`zbeklar tabiatan jamoaviy xalq bo`lishlariga qaramay ledirning ibratiga, rahbarning, obro`-martabali shaxslarning namunasiga qarab ish qiluvchi xalq hisoblanadilar.Jamoatchilik fikrini shakllantirishda joylardagi obro`-e`tiborli shaxslarga tayanish, ularning ruxlantiruvchi potetsialidan foydalanish imkoniyatiga yetarli darajada e`tibor berilmay kelinmoqda. Yana bir muammo bu o`tkaziladigan ma`naviy- ma`rifiy tadbirlar auditoriyasidir.Sotsiologik kuzatuvlar shundan guvoxlik beradiki, hozirgi paytda mahallalar, tumanlar va hatto ishlab chiqarish korxonalardagi ma`naviy-ma`rifiy masalalarga bag`ishlangan majlislarda aksariyat doimiy qatnashuvchi bir xil odamlar guruhi tarkib topib qolayotganligi ham e`tiborga olinish zarur. Jamoatchilik fikrini shakllantirish mexanizmini yo`lga qo`yish maqsadlariga quyidagilar taklif etiladi; 1. mamlakatimizda jamoatchilik fikrini faqat o`rganuvchi emas, balki uni shakllantirish ishlari bilan ham bevosita oliy malakali kadrlar tayyorlash ishlarini qo`yish, jamoatchilik fikrini shakllantiruvchi sotsiologik mutaxassisligini aloxida ta`lim yo`nalishi sifatida joriy etish kerakdir. 2. “Iste`dod ” jamg`armasi orqali Oliy o`quv yurtlarida faoliyat yuritayotgan prfessor o`qituvchilarni rivojlangan mamlakatlarda malaka oshirishlari, xorijdagi ish tajribalarni o`zlashtirish imkoniyatlarini yanada kengaytirish lozim.

www.arxiv.uz 3. O`zbekiston Fan va Texnologiyalar qo`mitasi ko`magida axborot xavfsizligini ta`minlash borasida jamoatchilik fikrini shakllantirish mavzuida mualliflar jamoasi ilmiy to`plamini tayyorlash va nashr ettirish maqsadga muvofiq bo`lib, mazkur ishga Fanlar Akademiyasidagi ijtimoiy fanlar sohasidagi yetuk olimlar, oliy o`quv yurtlari professor- o`qituvchilarini jalb etish sohaning rivojiga xizmat qiladi. 4. Bugungi kunda mamlakatimizdagi axborot xavfsizligini ta`minlash borasidagi jamoatchilik fikri holatini ommaga yetkazayotgan davriy nashrlarga barcha tashkilot va muassasalarni obuna qilishga erishish ham muhimdir. 5. Axborot xavfsizligini madaniyat va san`at soxalari orqali O`zbekistondagi minglab klublar faoliyatini joylardagi ma`naviyat va ma`rifat markazlari ishi bilan uyg`unlashtirsh, yagona ma`muriy boshqaruv tizimini yo`lga qo`yish kun tartibdagi masala hisoblanadi. 6. Ommaviy axborot vositalarida sotsiologik markazlar tomonidan o`rganilgan ijtimoiy fikr natijalarini operativ tarzda berib borish aniqrog`i tahririyatlar manfaatlariga buyso`ndirmaslik va ularning mazmunini yaxlitligicha, buzmasdan e`lon qilish, sotsiologik tadqiqotlar yakunlarining daxlsizligi xususida shartnomalar imzolanishi maqsadga muvofiq. Shuningdek ommaviy axborot vositalarida doimiy e`lon qilib boriluvchi “Sotsiolog minbari” rubrikasini joriy etish zarur. Doimiy rubrika esa sotsiologik tadqiqot natijalarini muntazam ravishda ketma-ket berib borishni taqozo etadi. Bu sotsiologiyaga nisbatan real taklif bozorini yuzaga kelitradi. Fan va soxa rivojiga keng yo`l ochiladi. 7. Axborot xavfsizligini ta`minlash uchun ommaviy axborot vositalarining yuqori va quyi bug`inlari reytingi monitorini joriy etish va va xar uch oyda xolis sotsiologik markazlar ko`magida mazkur nashrlarning jamoatchilik fikridagi ijtimoiy mavqei darajasini aniqlab borish hamda matbuotda ommalashtirish ham bugungi kun talablaridan hisoblanadi. 8. Amaldagi sotsiologik markazlar faoliyatini sifat ko`rsatkichlarini aniqlash , kasb mahoratlarini oshirish maqsadlarida, shuningdek yangi tuziluvchi sotsiologik markazlarning hayotda amal qilishi uchun doimiy faoliyat yurituvchi

www.arxiv.uz Sotsiologiya ilmiy-amaliy Markazini tuzish va ana shu Markazda attestatsiyadan o`tganidan so`ng ularga amaliy faoliyat uchun ruxsat letsinziyalarini olishlari maqsadga muvofiqdir. 9. Sotsiologik markazlar faoliyatini uyg`unlashtirish maqsadlarida ularning faoliyatilarini koordinatsiya qiluvchi “O`zbekiston Sotsiologlari” milliy assotsiatsiyani tuzishga ko`maklashish kerak. 10. Axborot va mafkuraviy xurujlarga qarshi faoliyat yurituvchi tumanlar va viloyatlar va viloyatlar hokimliklarida ularning mavjud shtatlari ro`yxati doirasida sotsiolog shtatlarini joriy etishni amalga oshirish joizdir. Axborot xavfsizligini masalasida jamoatchilik fikrini shakllantirsh jarayonlarida milliy mentalitetni o`zgarayotgan zamon mantig`iga muvofiq ravishda o`zgartirish masalasiga ham aloxida e`tibor qaratish lozim. Prezitentimizning “Tafakkur” jurnali bosh muxarririga bergan interqyusida, xamda “Kamolot” yoshlar ijtimoiy xarakati majlisida so`zlagan nutqlarida va boshqa chiqishlarida yosh avlod tabiatida shijoat, tashabbuskorlik, yangilikka intilish, g`ayratchanlik singari fazilatlarni shakllantirish xususida to`xtalgan edilar. Bu esa millat mentaliteta tarkibida mustaqillik, individual rivojlanishga erisha bilish xususityalarini rivojlantirshni ham tabiiy ravishda taqozo edi. Axborot xavfsizligini ta`minlash, mafkuraviy ta`sirdan ogohlik masalasida faoliyat dasturlarini ishlab chiqish va joriy etish zaruratini kun tartibiga qo`yadi. Xullas, mamlakatimiz Prezidenti xalqimizni ozod va obod jamitya barpo etish ishlariga qat`iy azmu qaror, shijoat bilan kirishishga da`vat etmoqda. Buning uchun esa ko`pgina masalalar yechimi o`zimizga bog`liq, ekanligini teran anglamog`imiz, yeng shimarib, g`ayrat bilan ishga kirishmog`imiz lozim. Tadqiqot o`tkazish ishlarining pirovard, yakuniy maqsadga qat`iy bo`ysundi

www.arxiv.uz АДАБИЁТЛАР: 1. Каримов И.А .Ўзбек халқи ҳеч қачон, ҳеч кимга қарам бўлмайди.13-жилд- Т.:Ўзбекистон.2005. 2. Концепция виртуальн ы х миров и научное познание.-СПб.:РХГИ,2000. 3. Новая технократическая волна на Западе.-М.:Прогресс, 1986. 4. Сиберт Ф.С., Питерсон Т.,Шрамм У. Чет еры теории прессы.-М.:1998. 5. Харрис Дж. Психология массовых коммуникаций.-М.: 2001. 6. Чазов А.В. Ценности как фактор формирования поитических предпочтей.Политический анализ.-СПб.: 2000.

Похожие

Jamoatchilik fikri va axborot xavfsizligi

Ochiq axborot tizimlarida axborot – psixologik xavfsizlik faniga kirish

Shaxs, jamiyat va davlatning axborot–psixologik xavfsizligidagi manbalar va ularning turlari

Axborot soxasida milliy xavfsizlikni ta`minlash tizimining moxiyati va unsurlari

Rahbar qobiliyatining psixologik komponentlari